السلام عليكم..
اول شي..العفو زهور ما سويـنا شي هذا واجبـنا..
ثاني شي..حياج الله بليلاس ككاتبـه اولا وككاتبـه عمانـيه ثانيا..
صراحة ودي اقره قصص عمانـيه واتعرف على مجتعمهم واعتقد انج مارح تقصرين:)
بداية حلوة ومشوقة
واحداث قويـه..
فكرة مميزة وانا متأكدة انج رح تبدعيـن فيهـا..
والله يوفقج...

مثل ما هو مبيـن ان البطلة خرسا..
كارهه زوجهـا ومغصوبة عليـه..
واهو بعد نفس الشـي...
سامـع شي عن اخلاقهـا اممم يا ان صـج هالكلام او لا..
بس شالهدف من تشويـه سمعتها..!
امم يوم قال امانة من عمي المرحوم
عمه اهو ابوها..!
يعني ابوها مأمنه عليهـا واهي تزوجها تنفيد للاامانة لا اكثر ولا اقـل..
اصرارهـا عالطلاق ليش..!
رفضهـا له اهو ولا في احد ثاني بحياتهـا..
شلون صارت ما تتكلم من صدمـه مثلا او من اهي صغيره..!!
بعد شلون مشعـل يفهم اشارتهم يعني متعلم عشانها :)

كلهـا اسألة تدور ببالي ما شاء الله عليج بالتمهيد الصغير حيرتينا هالحيـرة وخليتينا كلنا شوق للبارت الياي..
تسلم ايدج زهوور
تابعي وانا من متابعينج ان شاء الله