المنتدى :
خواطر بقلم الاعضاء
كنت صح
كنت صح
لما شفت الحلم بح
شفت دمه .. جانب منه
فى افتعالك اللى فح
كان بلون أزرق غطيس
دم ميت .. كان حبيس
جوا سدرك اللى شح
كنت صح
وذكاءك شايفه صح
بس آه ما الكدب لما
فى بحور الصدق غنا
غنوة حلوة .. لدنيا حلوة
طايرة فوق دمى اللى سح
كنت صح
ياما عشتى بين قصور
جوهرة فى بحر نور
جو ا دمى .. كنت منى
والليالى ياما غارت
برضو منى
والنجوم لعنيك مالت
غصب عنى
ياما رقصت . . ياما غنت
للحنان ضحكتها رنت
و الطهارة جوا روحك
طيره بيضا ريحها منك
يومها كان ممكن أصدق
شمسنا من الغرب تشرق
و القمر فى الشرق يغرق
بس حلم ضمنا ضمنا
عمرى ما اتصور أنا
يجى يوم .. أيوه يوم
يبقى بح
كنت صح
كنت صح
و أنا شايف .. الشفايف
و اللى متدارى فى سدرك
قلب خايف
و اللى بيجرى ف دمك
حب زايف
واللى بيشد جدايلك
سدره شايلك ..
وعليه بانت عمايلك
كنت شايف
قد ايه صوت الخيانة
كان بيعوى .. جوا سدرى
اللى انكسر ..
من الإهانة .. بألف ناب و سم فح
كنت صح
|
08-01-09, 01:05 PM
هذه هي الاطلالة الربيعية 
جديد مواضيع قسم خواطر بقلم الاعضاء
العرض العادي
