________________________________________
الجزء الاخير (الحلقه الاولى


صبح يعقوب باليوم الثاني بانتعاش .. أليوم بيرد البيت .. صج انه ما قعد وايد بس يعقوب يكره المستشفيات.. وكونه بالبيت معناته سمر راح تكون قريبه منه .. يا ترى راح الاقي سمر مرة ثانيه.. راح ارد شوفها كل يمعه وكل مرة تتميع فيها العايله .. راح تتصل فيني عشان اخذها من المدرسه لانها ما تقدر الاانها توثق فيني .. قعد على سريره واهو يطالع من دريشه الغرفه.. ويبتسم لاحلى الايام .. احلى حب .. واحلى غرام ..
يعقوب قرر خلاص انه يسافر نيوزلندا .. أهو كان مقرر يسافر من زمان بس انتظر ليما سارة تخلص مشكلتها .. بس الحين اهو لازم يسافر .. لانه خلاص .. صار مفضوح بين الناس والكل يدري انه يحب سمر محد ظل ما يدري .. حتى ابوه ..
دخلت سارة عليه بمرح: شلون المريض الحبوب اليوم
يعقوب بابتسامه: طاقه جبده واهو صار له ينتظر ربع ساعه ليما تشرف حظرتها الانسه سارة الجميله...
سارة واهي فاتحه عيونها بدهشه: انه جميله .. شكرا حبيبي من ذوقك يااحلى اخو
يعقوب: صج مينونه.. طاقه اليوم باي طوفه
سارة رافعه صبعها واهي تركز عليها: امممممممممممم ماادري ههههههههههههههههههههههه
ضحك معاها يعقوب وسكت .. سارة انشغلت بتجهيز اغراضه وحطتهم في السوت كيس الصغيرة اللي يابتها وياها ويعقوب يطالع من الدريشه ..
وبعد فترة.....
يعقوب: سارة ..
سارة من دون ما تطالعه: امممممم
يعقوب: انه قررت اني اسافر بعد جم من يوم...
سارة باندهاش رفعت راسها: شنو؟
يعقوب هاذي المرة وقف واهو متكز على عكاز بسبب ريله: بسافر نيوزلندا .. وما قررت للحين متى برد ..
سارة: لكن ........ ما يصيير تسافر .. شلون تخلي الكل .. وتسافر؟
سارة كانت تبي تقول سمر بس ما طلعت من حلجها الكلمه..
يعقوب: خلاص سارة .. سيرة السفر منتهيه بالنسبه لي .. انه كنت بس مأجلها عشان خاطرج انتي ليما تصحين ... وعلى مااظن حمد مقرر انه يفاتح ابوي وعمامي بالسالفه ولا لاء
سارة مازالت تحت الصدمه: أي .. بيكلم ابوي هاذي اليمعه بس بيفتح الموضوع مع عمي ضاري قبل.....
يعقوب ما يصير تسافر ...........
يعقوب: بس ســـــــــارة .. انه ماقلت لج عشان تقولين لي هالكلام .. انه قررت وخلاص .. محد راح يغير قراري
سارة بصياح: انت ماتدري سفرك هاذا شنو راح يخلف.. امي اللي ما تحلم بفراقك .. ابوي اللي معتبرك ذراعه اليمين .. وانه يا يعقوب
يعقوب: سارة .. انتي ما بتخسريني و... بعدين حمد وياج .. وحمد مثلي واحسن عني
سارة تتكلم بالبجي: محد يمكن ايي مكانك .. انه ما تتصور حياتي بدونك ... يعقوب ارجوك
يعقوب يقترب من اخته: اووووش .. ولا كلمه زياده .. سارة انه لازم ابتعد .. انتي تدرين انه ليش ابي ابتعد والا الود ودي ماافارجكم ولا افارج ديرتي .. بس سارة انه بموت ان ظليت اكثر هني (تغير صوته) انه مااستحمل اكثر ... انه انسان يا سارة انسان ...واللي يصير فيني قاعد يهدم حياتي شوي شوي .. وانه خلاص.. خلصت طاقتي.
نزل يعقوب راسه يخبي دمعاته وسارة تلمه بكل حنان .. مسكين يا يعقوب .. انت وسمر ظايعين ببعض .. لا انت تدري عنها ولا اهي تدري عنك .. اغبياء مثلكم ما بشوف بحياتكم .. لكن انه ما بسوي شي .. خلكم انتوا الاثنين بعنادكم وتضحيتكم الغبيه اللي مالها معنى ابدا ..
طلعت سارة مع يعقوب من الغرفه متوجهين حق غرفه عمهم ..
بو حمدان كان يالس بروحه يسمع قران بالمسجله والجو بغرفته كان كله خشوع وتقوى .. يعقوب وسارة اول ما دخلوا وقفوا مكانهم عند الباب لين ما التفت لهم عمهم
بو حمدان: تو الناس بو يوسف .. ما صار لي انه هني يومين .. ولا ...........
انقطع الكلام بس تقدم يعقوب واهو يعري بعكازه وبرزت عيونه المتورمه..
بو حمدان: علامك انت ومشعل مبقعين وكانكم طالعين من هواشه؟
يعقوب واهو يبوس راس عمه: خطاك السو عمي شلونك شخبار صحتك
بوحمدان: خطاك اللاش بو يوسف انه بخير والحمد لله لكن انت(ويعقوب يقعد على طرف السرير) طالع ويهك انت ومشعلوا.. يا عيال لمتى بتظلون جذي تتهاوشون وتتقاتلون؟؟ ما تستون رياييل انتوا
يعقوب ساكت احتراما لعمه لكن الدلوعه سارة ما سكتت: أي واللله يا عمي عطه بعد عطه هههههههه
بوحمدان يطالع الدلوعه اللي قاعده يمه على السرير: وانتي بعد وينها سمر .. وعديتني فيها اليوم ولا يبتيها .. اثاريكم يالبنات وعودكم وعود هنود مو وعود عرب
سارة: انه عمي (تتصنع البراءة)؟ بالعكس انه اتصلت فيها اليوم وقالت بتيي تزورك
يعقوب يطالعها يعيونه نظرة مفاجاه(ليش ماقالت لي) وتكمل سارة واهي تطالع يعقوب من طرف عينها: العصر ..اليوم العصر بتييك ويا حمدان لين رد من الدوام.
بوحمدان: ايييييييه.. حمد وحمدان والله رياييل ينشد بهم الظهر .. مو هاذا الفلتان وين كنت طول هاذي الايام.
يعقوب ما يدري شنو يقول لعمه :يا عمي انه كنت هني ...بالمستشفى طول الوقت
بو حمدان مندهش: هني .. بالمستشفى؟ .. ليش ؟
يعقوب واهو يطالع سارة بحيرة وكانه يقول (شقول له اللحين): لا بس .. حادث خفيف طلعنا منه بالسلامه
بو حمدان: خطاك السو يا بو يوسف ما اقوللكم السياقه يبيلها شطارة عيل ليش انه حاط لي دريول لاني مااقدر اسوق بهداوة ان سقت تخربت شوارع الكويت .. امريكي انه بالسواقه
يعقوب وسارة: هههههههههههههههههههههههههههههههههههههههههههههههههه
يعقوب: .. يالله الحين احنه ماشيين عمي انزين.
بو حمدان: وين توه الناس ما شبعت من دلوعتي (واهو يلم سارة)؟؟
سارة: اللحين سمر بتييك وبتنساني(مدت بوزها اونه زعلانه)
بوحمدان ويعقوب ضحكوا وبوحمدان : يا بنيتي انتي الاصل وسمور الفرع(يغمز لها)
سارة: يافرحتي هههههههههههههههههههههههههه الا اعلم عليك عند سمر
بوحمدان يطالع يعقوب بياس: الحريم... ما ينقال لهم أي سر ..
يعقوب وسارة ضحكوا وظلوا يسولفون لمده خمس دقايق بعدين روحوا..

عند المصاعد سمر كانت واقفه واهي حامله بوكيه حلو بشكل وكانت متكشخه على اخر مع ان كشختهاكانت هاديه بس كانت تبين انها بنت عز واكبر من عمرها .. كانت تنتظر وقلبها يدق .. اهي اليوم بتزور ابوها وبتمر على يعقوب .. بس سارة قالت انها بتاخذه اليوم البيت .. ان شالله ما تاخرت .. واهي تطق بكعبها من العصبيه في واحد قاعد وراها ويطالعها ... منسحر من جمالها ومن روعتها وكانها غير عن البنات كلهن وسمر مو معبرته بنظرة ولا تدري ان احد واقف وراها ..
فتح باب المصعد .. وطلعوا منه اللي كانوا بالمقدمه .. سمر استعدت عشان تدخل واللي وراها بعد بس تجمدت مكانها وبدى قلبها يدق بعنف عمرها ما حست مثله .. يعقوب كان طالع من المصعد بعد وياه سارة .. يعقوب ماانتبه لها الا يوم التفت عن سارة وسوالفها وشاف سمر واقفه .. مثل الورده.. بكل رشاقتها ورونقها وريعانها وكانها تنتظره ... سمر تمت تطالع يعقوب وكل الحب اللي في قلبها طفر بعيونها .. يعقوب كان يعري وما بغى يبين لهاا.. كان خجلان من المضارب اللي صار جدامها ..
سارة: جوك جوك جوك جوك جوك كل هاذي كشخه عشاني ... لا لا انه مااقدر ..
سمر انحرجت لاول مرة من اطراء سارة وحست انها بالغت بلبسها شوي: ه.. هلا سارو شخبارج
سارة : ابخير الحمد لله انتي شخبارج ياام الرقاد ..
سمر بحيا ازيد واهي تنتظر تسمع صوت يعقوب: بخير الحمدلله .. أبوي شخباره
دار الحوار بين سمر وسارة وكان يعقوب غير موجود . .. يعقوب كان سرحان .. طاير .. مو بالجو ولا بالعالم .. انسحر من جمال سمر اللي دايما تصدمه بانهقتها البسيطه انما الملفته.. بس مسرع ما حس ان السالفه فيها غلط .. قعد يطالع الريال اللي واقف ورى سمر واهو يطالع المنظر باهتمام وعيونه مركزة على سمر اكثر من سارة... غيرة يعقوب ظهرت مرة ثانيه .. ومثل كل مرة بنفس الوحشيه .. حس انه يبي يروح عند الريال ويشق عيونه اللي قاعد يطالع سمر فيها ..
سارة: يعقوب ... شرايك بالاقتراح. ؟؟ يعقوب .. يعقوب.؟؟
يعقب انتبه: ها ها ها اشفيج تناديني .؟
سمر انحرجت من رده فعل يعقوب وكانه متضايق من وقفته وياهن
سارة: هو اشفيك ...انهديك من ساعه انت اللي ما ترد
يعقوب بنرفزة واضحه: روحي ييبي السيارة ابي اروح البيت بسرعه ياللله تعبان.
سارة: انزين .. انزين .. انزين .. كليتني .. يالله سمور اشوفج على خير
سمر بحزن قاتل: ان شاء الله
سارة راحت وفتح باب المصعد وركبت فيه سمر بسرعه عشان تروح لابوها لانها ان وقفت اكثر ويا يعقوب راح تبجي وتفضح روحها. صعد الريال وراها بس يعقوب نادى سمر قبل لا يسكر الباب وطلعت له .. وظل الريال داخل .. وراح مع المصعد ...يعقوب تنهد براحه وتغيرت ملامحه 180 درجه.. سمر استغربت من تغير ملامح يعقوب بس حست بالفرحه لانه ناداها عشان يكلمها.
يعقوب: اشلونج سمور شخبارج
سمر بمرح مصطنع: ابخير والحمد لله .. انت شخبارك؟
يعقوب يمد بوزه على جنب : اممم.. باستثناء ريلي انه تمام.. سمر بغيت اقولج شي.
سمر لا اراديا: لبيه..
يعقوب سمع الكلمه بس ضبط نفسه: لا تييبين سالفه لعمي عن هواشي مع مشعل .. انه جذبت عليه وحتى مشعل بعد جذب عليه .. لذا لا تفتحين السالفه وياه واذا سألج قولي له انه مسوي حادث ومشعل طايح بالبيت..
سمر باحبااااااااااط قاتل .. الحين هاذا للي منادني له.. انه علبالي بتقول لي شي حلو يفرحني بدل هالتكشيرة اللي صارت من ملامحي لكن هين يا يعقوبو انه اللي اوريك..
سمر بعصبيتها وردت لها لهجتها القبليه ويا يعقوب: ان شالله.. أوامر ثانيه استاذ يعقوب
يعقوب استغرب.. ردينا على الطير ياللي : لا سلامتج
سمر بحتقار: باي
وراحت سمر قبل لا يرد عليها يعقوب .. اشفيها .. توها حلوة ومؤدبه ردت النسرة سمر...
ويظل يعقوب مكانه متحير وينفضه هرن سارة.. وراح لها ..
سمر اللي كانت على اخر عصب من اعصابها .. تضرب الارض بعصبيه واضحه جدام الناس اللي كانوا بالمصعد وياها.. يفتكر نفسه منو هاذا خدامته ولا السكرتيرة ريمو.. والله انه اوريك يالخسف يعقوبو عطيتك ويه وايد عاد شوف الحقران اللي بعطيك اياه .. بخليك تبجي بدال الدمع دم.. سمر ردت روحها القتاليه تجاه يعقوب واهي مصممه انها تخليه يندم على اللحظه اللي تعامل فيها ببرود وياها .. وراحت عند ابوها بعد ما خذت نفس عميق تهدي بالها فيه...
يعقوب اللي كان مشغول باله بسمر وبتغيرها المفاجئ ما ضيع الفرصه يسال سارة
يعقوب: ما حسيتي سمر اليوم شوي معصبه
سارة: لا واعليه بالعكس حسيتها حزينه اليوم ومحبطه .. ماادري اشفيها .. شكلها تحب
سارة قطت القنبله على يعقوب اللي انتفض يوم سمع هالكلمه: تحب .. اكيد تحب .. مو تحب حمد ولد عمج ..
سارة حست بالغيرة لكن هيهات يعقوب: لا ... انه تكلمت وايد ويا سمر البارحه عن هذا الموضوع .. وعلى فكرة .. سمر من زمان نست هالاحساس وهالشعور تجاه حمد وعرفت اخيرا اني وحمد نحب بعض.
يعقوب حس ان اخته وايد ماخذه الموضوع عادي جدامه: مو كانج شوي مصختيها الكلمه والثانيه قلتي نحب بعض نحب بعض.. حشميني يالميههوده
سارة انحرجت .. تغيرت الوانها .. احمر اصفر اخضر وكل اللي قالته: ان شالله
يعقوب ابتسم ابتسامه شريرة على شكل سارة اللي تغير جذريا ( للحين ما فقدت لمستي) وقعد يفكر بحزن.. حتى سمر بتضحي بحبها عشان سارة وحمد .. والله انج يا سمر من طينه حمدان .. تفكرون بالناس قبل الكل ... يا ريتج حبيتيني يا سمر .. يا ريتج

وصلوا البيت .. والكل رحب في يعقوب .. حتى راشد اخذها عذر وما راح المدرسه وام يعقوب زودت حنيتها على ولدها البجر حبتين شوي ليما طفرت يعقوب من طوره..
سمر اللي كانت قاعده عند ابوها شارده تفكر في يعقوب ومعاملته لها اللي ما راح تتغير ابدا .. دايما راح تكون البنت الصغيرة اللي دايما لازم تتحذر عشان لسانها لا ينفلت جدام اللي اكبر منها ..(( ليش تزعلين يا سمر .. انتي جذي))
ابوها حس انها متضايقه شوي: سمور حبيبتي .. اشفيج ما تاكلين .. شوفي الحلاو اللي يابته امج ولا الحلوى البحرينيه يالله محد بيرفع عى السكري غيره ما خليته اليوم..
سمر بملل: مالي مزاج يوبا .. اذا بغيت باكل .
بدخله حمدان ونجاه ومشعل.. اللي تغيرت معاملت الاخيرين جذريا تجاه سمر .. نجاه صارت احن على سمر ومشعل يبتسم بين اللحظه والثانيه لها ..
سلموا على بو حمدان وقعدوا يسولفون وما كان ناقص قعدتهم الا ناصر المرح .. او ناصر العاشق ..
حمدان قبل لا يطلع : يوبا بغيتك موضوع بس ماابيك تعصب منه..
بوحمدان: خير ياولدي
حمدان: الخير بويهك يا يوبا.. يوبا .. انه قررت اني ما اتزوج سارة بنت عمي
الكل تفاجئ لكن سمر ......انصدمت .. لانها ما تدري عن الموضوع
مشعل: صج ما عندك سالفه فاتح الموضوع هني بالمستشقى..
ام حمدان: ليش يا حمدان بعد ماابوك خطبها من عمك؟؟
حمدان : يمه انه كلمت سارة وسارة رفضت الموضوع ويعقوب يدري يعني اهو بيخبر العايله وانه بصراحه مااقدر اتزوج سارة لان مشاعري تجاهها مو مشاعر زوج لزوجه.
ام حمدان: مااصدق انت حمدان اللي ماكل جبودنا علشان نخطب سارة له والحين تقول ان مشاعرك تجاهها مشاعر اخوة!!
بوحمدان: خليه يا نجاه .. الزواج قسمه ونصيب.. اذا ماكانت سارة بتكون غيرها ولا شنو يا حمدان؟!
حمدان: اكيد يوبا .. بس سارة ما اقدر اتزوجها .. وانت يوبا لا تشغل بالك عمي بروحه مستحي يقول لي وانه بهالكلام بعد بهدي الوضع اللي بيناتنا ولا شرايك يوبا
بوحمدان: ما خطيت يوم قلت انك ريال يا حمدان .. على بركه الله
حمدان : ان شالله
سمر تطالع اخوها بكل حنيه .. والله انك رجل يا حمدان ولا كل الرجال .. تضحي بحبك لسارة اللي الكل يدري عنه من الطفوله عشان ولد عمك .. يا خسارتها سارة فيك ويا مكسبها اللي بتاخذك ..

بعد اسبوع من رده بو حمدان للبيت .. اكبر عزيمه تحددت يوم اليمعه باسمه .. العايله كلها كانت معزومه في بيت بو حمدان .. سمر كانت تستعد على اقصاها وكانها بتدخل حرب ويا يعقوب.. تحدد الاسلوب إلى بتكلمه فيه .. متى بتهتم لكلامه ومتى بتعطيه ويه .. يعني استيراتيجيه ولا مثلها صارت حتى المحارب الكبير الكسندر العظيم ما خطط بمثل هالمخطط : الجهنمي :.. كانت تدري ان الناس يقولون ان خبث النساء ماعليه خبث واهي تبي تبرهن لاي مدى راح توصل ويا يعقوب ..بتخليه لازم يعترف بحبه لها وتنسيه الاماراتيه اللي معلق مصيره بمصيرها ..

انه اوريك يا يعقوب ان ماخليتك تبجي وتتحسر على اليوم اللي قررت فيه انك تعاملني هالمعامله .. خلاص سمر الياهل راحت ويات مكانها سمر القويه اللي بنزل غرورك هاذا بالارض ..
يعقوب من جهه ثانيه خبر الكل بالبيت بسفرته اللي ان شالله بتكون من بعد ملجه سارة وحمد اللي الكل مستعد على اوجه عشان هالمناسبه الغير متوقعه - واللي نوعا ما - الكل تنهد يوم سمع عنها لان سارة وحمد ثنائي رائع .. والكل ينظر الى حمدان ويعقوب على انهم التاليين بس هيهات يعقوب يتزوج وحده غير سمر ..
يه اليوم الموعود .. اللي يعقوب بيخبر العائله بشكل رسمي عن قراره .. حتى سمر .. اهو كان ينتظر بس رده فعل سمر لين ما تعرف عن قراره ..
خلونا نرد حق شي مهم..
طبعا كندورة يعقوب الاماراتيه تكنسلت وانرمت بالزباله من بعد الضرابه اللي صارت ويا ولد عمه .. ريله تعافت تماما ولا يبين عليها انها يوم كانت متعورة .. واهو كان وده يلبسها لاخر مرة بس ما شائت الظروف .. ااه يا سمر .. اشياء وايد كان من الممكن تصير بيناتنا بس الظروف ما شاءت ولا راح تشاء .. احبج يا سمر .. احبج

كانت هاذي كلمات يعقوب ودموع الحب كلها بعيونه يحاول انه يتنهد ويريح نفسه لكن بكل تنهيده تنهمر الف والف دمعه الم وحزن تعلن انتهاء كل الاحلام وكل الاماني اللي بناها في 4 من احلى سنوات حياته .. وخلاص ..هاذاالعذاب لازم ينتهي .. لازم ينتهي..
سمر ماكانت تدري بهاذي المعانهه اللي يمر بيها يعقوب .. اهي تفتكره عايش حياته ولا عليه من احد.. بس يعقوب كان عايش بنار الحب اللي ماخذه كل قوته وطاقته.. يعقوب كان دايما حساس بطبعه بس غروره المتصنع وكبريائه جدام الناس يبرهن شيء ثاني ..

حمدان كان وده انه يسافر ويطلع من الديره ولا يحظر هاليوم واهو يتصنع انه فرحان والدنيا مو سايعته على خطبه حمد لسارة.. سارة حبيبه قلبه الوحييده إلى حباها بحياته.. ما عاش مراهقته مثل كل الشباب من حبه الشديد لسارة وكان مخلص لها بكل مرحله وكل لحظه بحياته .. حتى بسفرته لاميركا لمده 3 سنوات كان من الممكن يمارس اللي بخاطره هناك مثل كل الشباب اللي يسافرون بس هيهات.. سارة كانت كل اهتمامه وكل افكاره وكل امنياته.. ثابر وكبر نفسه ونجح وياب اعلى نسبه عشان لين رد يرفع الراس بنجاحه بره البلاد .. اه يالدنيا .. جرحج ماكو مثله جرح .. ولين جرحتينا تتفنين بالعذاب.. جرحتيني بمعرفه رفض سارة لي .. الحين تتفنين بتعذيبي بخطوبه حمد لسارة واضطراري اني اسمع التخطيطات واساهم بالاستعدادات ..

ناصر من ناحيه ثانيه كان عايش بعالم ثاني .. تغير ناصر وتغيرت طبايعه بس ظل على خباله الحلو اللي الكل يحبه عليه.. حب دانه له غيره وخلاص يصير اكثر رزانه وتحمل .. وبعد نكسه ابوه اللي حسسته انه بيوم من الايام راح يخسر ابوه الطيب ويخسر كل حياته واهو واقف مكانه مثل الولد المدلل المعتمد على امه وابوه بكل شي.. خلاص اهو كبر وصار ريال لازم يبني حياته من اللحين عشان يكبر ويرفع الراس ويقدر يرتبط بدانه حياته مثل ما يسميها ..

سارة وحمد كانوا عايشين بدنيا ثانيه .. دنيا الحب والوله والعشق اللي ياخذ كل نفسهم ويضطرون للزفر عشان يردون النفس لانفسهم ويحسون ان الدنيا مو سايعتهم بس سارة ما تحاول انها تبين وناستها حشمه لبنت عمها وولد عمها حمدان اللي ما توقعت انه يحبها بيوم من الايام... حمد كان معظم الوقت قاعد يرسم حياته ويا سارة ويستغل كل قدراته وقوته عشان هذي الحياه اللي راح تكون مكلله بالحب والوفاء والاخلاص.. بس في نفس الوقت ولد عمه يعقوب كان كاسر خاطره حيل عشان انه ما يقدر يحصل حب سمر .. فكر انه يساعده بس اهو يعرف يعقوب .. اكره شي عنده ان احد يشفق عليه ويحاول يساعده..

محد كان يدري باللي يصير بمخ بو حمدان اللي كان يخطط ويدبر ويرسم ويا ابو يعقوب وبو حمد .. حتى حريمهم ما كانو يدرون باللي قاعد يصير ولا انتوا بعد بتعرفون ...

بالمناسبه يوم العزيمه كان عيد ميلاد رغد إلى بتكمل 11 سنه وتدخل ال12 رغد بنظرها اهي كبرت ..بس جدام الكل اهي الياهل الصغيره اللي محد معبرها .. حتى انها بدت تتشرى لها مكياج وثياب مثل البنات.. وصلت عايله بو حمد اول شي لكن حمد ماكان وياهم .. راح يشتري التورت لرغد وباجي الاغراض .. وطبعا تفق مع سارة انهم يروحون المكان ويا بعض ومرة وحده يستغلون الفرصه بالمغازل .. رغد كانت فرحانه حيل على اللي يسوونه العايله عشانها وحصلت تدليل عمرها ما بتحصله غير هاليوم .. حتى ناصر اللي كان دايم يشد شعرها لين يشوفها اليوم وقف يصفر لها على كشختها وحست انها صارت مرة خلاص ههههههههه.

سمر كانت قاعده بدارها واهي ترتجف من الخوف وكانها عروس يايين يخطبونها .. قلبت كبتها فوت تحت واهي تدور لها ثياب تلبسها ولا لقت شي .. اتصلت في دانه تروح تشتري لها شي بالسريع لكن دانه حست بسخافه لانها تعرف ان سمر تمتلك اكبر مجموعه ثياب من احسن المصممين والماركات وسدت الخط بويهها .. قررت انهاتلبس جلابيه امها شرتها لها يوم سافرت البحرين باخر عطله صيف من محلات الغريب .. اهي تعجبها بس لونها اخضر زاهي (نادي العربي) واهي تشجع الاصفر ( القادسيه) بس حست ان هاذا الشي ثانوي بالنسبه للمناسبه اليوم .. واخيرا لبست الجلابيه ولبست معاها طقمها الغالي اللي ابوها فصله لها من يوم كان عمرها 5 سنين قلاده بها قلب اخضر من الزمد وتراجي على شكل قلب مع حواف ذهبيه وخاتم ديزاينه كان اروع شي بالطقم كله لان كان عبارة عن 3 قلوب متداخله ببعض وسحت شعرها وخلته طبيعي مثل كل مرة تخليه ولاحظت انه طول هاذي المرة اكثر عن كل مرة ليما وصل لتحت ظهرها واخر تسريحه سوتها ان شعرها يكون مقطع على
هيئه طبقات خلاه يصير روعه وخصوصا شعرها بصورته الطبيعيه فيه تموج روعه...

***** اول مرة اكتب وصف حق هيئه بنت .. يحليلي *****

المفاجاه كانت عند الباب .. زاهيه وزوجها مبارك ردوا الديرة من يومين وما خبروا احد .. الكل راح عند الباب الا بوحمدان اللي كان قاعد بالصاله الرئيسيه لان الطبيب منعه من الحركه الزايده .. زاهيه عقب ما عرفت عنه اللي صار راحت لاخوها تمله بكل قوتها لان زاهيه قبل لا تصير زوجه مبارك كانت مدللة حمدان والكل كان يعرف غلاها عند اخوانها ..
وصلت عايله بو يعقوب ودخلوا الا يعقوب الا كان واقف بره طبعا متردد.. راشد دخل واهو حامل الدب الكبير اللي شراه لها يعقوب وشد عنه الرؤيه ويوم حطاه على الارض وقف يمثل بتعب انه تعب من حمل الدب .. ويوم شافته رغد تخبلت على الدب ...
راشد: مرة ثانيه حملي هداياج بروحج انتي فاهمه يالقرنه
رغد رفعت عيونها لولد عمها اللي كان دايما جاسي وياها من حركات ناصر وما طلعت له لسانها مثل كل مرة يزعجها.. راشد تم واقف مكانه مثل المسبه .. وكانه اول مرة يطالع رغد .. حسها رغد غير .. رغد كبرت وصارت بنت .. عيونها كانت تحمل رونق ثاني .. لمعه غريبه .. جاذبيه مينونه .. حس بعروقه تتنفص من جسمه .. رغد راحت عنه الان نظراته صارت نظرات.. اهبل .. على قولتها .. راشد تم واقف مكانه وراح صوبه ناصر مستغرب
ناصر بصوت واطي: سود الله ويهك خلصن البنات تبقق عيونك برغوده النونو هههههههههههههههههههه
راشد حس بالحرج ولون ويهه صار احمر من دون احساس: هاا. جب نصور .. هاذي رغد ياهل .. اشفيك انت صل علىالنبي . .صج انك بليس..
ناصر: ها ها ها .. يوبا قلت عني نفس الكلام .. لو تشوف روحك يا رشود والله انك فشلتنا .. ماكو الا رغود الوشاشه....
راشد : اووووووووووف ول عني زين..
يعقوب كان توه بيدخل داخل الا وسيارة سارة تدخل الفيلا.. سارة تغير شكلها .. هاذا شموقفه هني .. ما حصللت وقت تتصل في حمد تقول له يتاخر عشان تدخل يعقوب بعدين يدخل وراهم لان حمد كان وراها بموستنغ وليد اليديده .. حمد وقف ريجه ببلوعه وما قدر يبلعه.. يا ربي يعقوب الحين بيذبحني .. اكيد بيشك فيني وفي سارة ..
يعقوب كان واقف يطالعهم من ورى النظارة .. اوريكم يالملاعين اثنيناتكم ..
سارة واهي ترتجف: قوة يعقوب.. اشفيك واقف بره ليش ما دخلت..
يعقوب: عاجبني الجو.. وحبيت اوقف بره شوي .. انتي من وين يايه
سارة: هاا.. رحت اشتري هديه لرغد ..
يعقوب: مو امس رايحه مشتريه لها ..
سارة ماتت: ايه ..بس كانت ناقصه
حمد ياي صوبهم: هلا يعقوب .. شخبارك
يعقوب بنظرات قاتله لسارة : ابخير .. انت شخبارك؟
حمد واهو يبلع ريجه ومنظرة منعفس : بخير الحمد لله علامكم واقفين بره.. في شي؟
يعقوب وعيونه على سارة اللي شوي وتبجي: لا بس واقف انتظر سارة .. وانت من وين ياي..
حمد: ياي من المخبز يبت تورت رغد ..
يعقوب: يصير خير .. يالله سارة جدامي ..
سارة: ان شالله
دخلت سارة وظل يعقوب يطالع حمد: حمد.. بقولها لك مرة وحده بس .. مرة ثانيه ان تكرر اللي صار اليوم ما بيحصل خير .. سامعني
حمد كان عارف انه غلطان وحمد ربه ان محد يدري عن المغامرة اللي صارت قبل اسبوع : ان شالله.. السموحه يعقوب.
يعقوب: بالحل.. يالله ندخل قبل لا يسألون عنا..
حمد وقلبه شوي خف من الدقات: يالله
دخلوا حمد ويعقوب .. سلموا على الكل اللي كان قاعد ولموا مبارك وعمتهم اللي كانوا مفاجاه لهم .. زاهيه تخبلت على حمد لانها اول مرة تشوفه من ردته من السفر.. بس قالت في بالها ..هم يعقوب احلى.. الكل كان قاعد والضحك والسوالف على اخر لان ناصر وراشد شابصين بمبارك وينكتون عليه وزاهيه تساعدهم بس الزين ان مبارك كان فلته مثلهم
ناصر: الا اقول يا راشد ما تحس ان مبارك شوي فتح لونه
راشد: أي والله تتسبح بشنو هاا .. اكيد حليب البقر ببلجيكا شي ثاني
مبارك واه ويبتسم: راشد .. أي شي .. ألا قول لي شخبارالضيجه عندك
راشد مستغرب: مافيني ظيجه من قال لك
مبارك واهو يشرب الجاي: لا بس الدشداش اليوم ظيجه غير عن كل مرة .. الديزان هالمرة شسمه
ناصر ضحك من قلب على راشد وراشد صار شكله اهبل: اصلا هاذا ديزاين يديد محد مسوي مثله ومحتر يعني مني ولا من رشاقتي ويا كرشتك
مبارك: انه صج مكرش لكن ماايوع روحي واروح السالميه باليوع عشان المغازل ولين رديت آكل اكل اسبوع
ناصر خلاص تولول من الضحك وراشد: انت شمضحك والله انك فاضي وماصخ
قام راشد عن مبارك وناصر بفجئة واللي صدمه ان دشداشته كانت وايد ضيجه لدرجه انها انفتقت عند الابط راشد ويهه صار مثل الطماط من رده فعل الكل وناصر خلاص راح فيها والكل يضحك وراشد واقف مكانه مثل الغبي وشوي يطلع من البيت الا ورغد وقفت
رغد: ناصر اضحك ليما تشبع اصلا انت تغار ليش ان راشد اضعف منك مو مثلك ي ابو كرشه .. ماعليك راشد انت احسن منهم كلهم واذا بغيت احد يوصلني المدرسه بخليك انت لانك انت احلى واحد
يعقوب: هاااااااا رغود
رغد بمستحى: من بعد يعقوب طبعا يعلني ماابجي عليههههههههه
والكل ضحك الا راشد اللي وقف يسمع كلام بنت عمه اللي حساها لاول مرة حبوبه وتدش القلب من يدري يمكن لانها مدحته حس جذي..
ناصر: ههههههههه وهههههههههههههه قم الله لا يبارج فيك ويا هالدشداشه اضيج من فستان اليسا قم هههههههههههههههه
زاهيه: الا وينها سمور فديتها ما شفتها للحين ما نزلت
نجاه: مادري عنها والله من الصبح للحين بغرفتها ماادري شتسوي بخلي كاكي تروح تناديها
يعقوب قلبه بدى يدق بصوت سمعه: كاني يمه ما يحتاي تخلين كاكي تييني
الكل قعد يطالع سمر وكشختها وكانها عروس .. حتى ناصر وراشد وقفوا مكانهم يطالعونها وكانها ملكه جمال .. تنزل من على الدري لابسه نعال هندي الديزاين عليه شك بالاخضر والذهبي يناسب ثيابها ..
يعقوب ما قدر يتنفس من جمال سمر .. حس انه بيدوخ .. حس انه يبي يقم لها وايود يدها ويقول للعالم كله انها حبيبته بس ثبت نفسه حتى من كثر ما كان قابظ على يده حس ان اضاافره انغرست براحته .. سمر حست برده فعل يعقوب وانه بيموت من الحرة على حلاتها .. خلك موووووت من القهر مثل ما تقهرني
راشد اول من تكلم: الله الله الله .. مااقدر انه .. بموت والله بموت .. حرام عليج شوي خفي على الدنيا ما تتحمل القلوب يا بنت ضاري
سمر بدلع: ههههههههههه ما يحتاي تقولي .. (تطالع يعقوب بشر) مو ناويه ارحم احد .. أللي ما يستحمل يوقف ويقول
وليد لاول مرة يتجرا: انه اوقف لج واقول ... يمين يسار .. عرباوي قطه بحر ههههههههههههههههه
الكل ضحك الا سمر لانها تعرف ان محد بيعتبر للون غير وليد وراحت عنه وراحت تسلم على زاهيه ومبارك وتبوس راس ابوها وتحب على راسه وراس عمامها وحرم عمامها .. وقعدت يم امها اللي كانت بعد لابسه جلابيه حمرا بحرينيه التصميم تطالعها بكل فخر ..
يعقوب ما رفع عينه طول الوقت وحمدان يطالعه بين فترة وفترة واهو حاس بولد عمه الغبي بس سكت عنه ولا قال له شي .. السوالف كانت متنوعه واغلبها تتعلق بسفرة زاهيه والاشياء اللي شافتها والعرب اللي عايشين بره بلندن ودول اوروبا الباجيه
راشد: ااااااااااه يا نصور متى نخلص مدرسه ونروح اميركا
ناصر: انت شكو انت تدرس بالجامعه وسنتين وتخلص .. واصلا انه قررت اني مااروح امريكا خلاص
سمر بخبث: ليش ناصر بالعكس امريكا بتشوف فيها الشقر الصفر اللي قلبك يموت عليهن
ناصر بشاعريه تموت الواحد من الضحك: خلاص.. مابي الشقر ولا الصفر وعندي القمر نسل العرب الاشراف
سمر وسارة يتغشمرون عليه وراشد يطالعه بكل استهزاء وكملت سمر: أي عرب قول الا العيم ههههههههههه
ناصر اهني تغيرت الوانه ووقف لسمر: سكتي انتي فاهمه بنت عرب غصبن عن اللي يرضى (يطالع امه اللي تدري بكل شي ) واللي ... ما يرضى بس بيرضى لين هددتهم ( يطالع ابوه واهو يبتسم)
بوحمدان: لوتمووووووووت
ناصر ركع عند ابوه:يوبااااااااا حرام عليك
بو حمدان: قم لا بار ك الله فيك ماكو
ناصر يتظاهر بالبجي: هئ هئ هئ يوبا تكفى ..
بو حمدان : اوووووووف لا يعني لااااا.. اصلا انت ما بنعطيك الا دانه رفيجه سمر لانها حلوة ومهذبه وحبوبه حيل .. ماكو البنات اللي تعرفهم
ناصر وقف باستغراب..الليي قاله ابوه اليوم خلاه يصير اسعد انسان .. مع ان ابوه كان يتكلم من دون قصد ومعرفه باللي يصير بين ناصر و دانه ناصر حس انه اكثر الناس حظن بابوه وراح عند ابوه وباسه بكل هدوء واحترام خلت الكل يستغرب من تصرف ناصر
ناصر وعيونه تدمع: الله لايحرمني منك يا يوبا ولا يفارقني عنك ولا يوم بالدهر كله ..
بوحمدان طالع ولده بكل حب وحنان ولماه والكل نزل راسه اللي يمسح دمعه واللي يحمد ربه واللي يقول الله لا يحرمنا منك يا بو حمدان .. وزاهيه اللي خلت العنان لدموعها اللي حاولت تحبسها ..
سمر كانت اكثر وحده متاثرة من الوضع .. خصوصا لانها كانت السبب بنكسه ابوها .. كانت تبي تبجي وتوقف دموعها تطالع الكل تشوفه مشغول وشوي تقم بس نظرها لا اراديا راح عند يعقوب اللي كان يطالعها بنظرات كلها حنان وكانه يقول لها ( انتي مالج أي ذنب سمر .. مالج أي ذنب )
سمر ارتاحت .. تمت تطالع يعقوب واهو يطالعها ولا عليه من احد .. حس انه بعالم ثاني .. عالم ما يرتبط بالحس الواقعي .. وكانه يطير وسمر معاه ..
بو حمدان قطع الصمت والاحلام: يالله عاد قلبتوها مناحه .. قموا نشوف شنو طبخت لنا اليوم ام حمدان مجبوس دياي بحريني ولا مموش كويتي
ام حمدان: الا مجبوس دياي بحريني ويا بقل وبصل بعد
بو حمدان: اقول راحت اليوم عليكم من ريحه الحلوج اللي بتكرهكم بروحكم اليوم
الكل : هههههههههههههههههههههههههههههههههههههههههههه
يعقوب بعد ما انتبه لكلام عمه نزل عيونه بالارض وسمر نفس الاحساس وحست انها بتموت من يعقوب ليش يقهرها مثل ما يسوي بحركاته .. ويعقوب حس انه بيموت ان ما تكلم اكثر وقبل لا يقم الكل وقف
يعقوب: عمي .. قبل لا تتغدون ابي اقول لكم شي
سمر يودت على قلبها .. وسارة اعتفست ملامحها .. ام يعقوب شرعت بالبجي والكل مستغرب
بوحمدان: قول يا ولدي
يعقوب واهو يطالع ايدينه يتحاشي النظرات: انه .. انه قررت اني اسافر ..... او اتهجر بره الكويت.
الكل انصدم ووقف مكانه بو حمدان بوحمد .. راشد اللي يدري نزل راسه ناصر تم قاعد مكانه مستغرب بس مو متفاجئ لذيك الدرجه مع انه يحب ولد عمه وايد بس احترم قراره
سمر كانت بعالم ثاني .. وكانه احد صاب ماي بارد عليها .. حست بروححها تنتفض بداخلها ... يعقوب يتهجر .. يعقوب يروح عني .. ليش .. ليش يبي يروح ...
بو حمدان: ليش يا ولدي .. احد يترك ديرته ويروح بره .. ليش شناقصك
يعقوب والعبره خانقته: لاعمي .. ديرتي على عيني وعلى راسي بس .. مااقدر اقعد اكثر .. (يطالع سمر بطرف عينه) محتاج اطلع من الديره ..
بوحمد: يا ولدي ناس يتمنون يردون للكويت اليوم قبل باجر وانت تبي تطلع منها .. احد يعيف ديرته وناسه واهله .. وابو ك مافكرت فيه
بو يعقوب: خله يا بو حمد .. يعقوب ريال ويعرف لمصلحته احسن من أي شخص ثاني
بو يعقوب كان حاس بولده خصوصا بعد اللي صار بالمستشفى مع سمر وعذر ولده .. بس ام يعقوب راحت في البجي وسارة وام حمدان يهدون فيها ..
بوحمدان: وين بتروح؟
يعقوب واهو يحس انه قتل نفسه باللي اعلنه: قلت يمكن استراليا ولا نيوزلندا .. دنيا توها تقم وعرب وايد هناك وما راح احس بالغربه وايد ..
حمدان: لكن تتهجر مرة وحده هاذي شوي مالها داعي يا يعقوب
يعقوب: مااظن فرق بين الهجرة ولا السفر .. كله مثل الشي .. وانه مقرر اني ماارد الا بعد سنوات ..محد راح يفتقدني الا عايلتي يمكن ..
سمر مااستحملت اكثر ووقفت والكل يطالعها ويطالع شكلها المتغير ودموعها اللي طاحت من عيونها.. راحت عند يعقوب وقفت جدامه ما يفرق بينها وبينه الا اقدام بسيطه
سمر: انت الصاج محد راح يفتقدك .. وين ما تبي تروح روح .. لاتظن ان في احد بيسال عنك بالعكس النغصه اللي كانت على قلبي بتنزاح مثل الهم اللي يروح واللي يقول لك انه راح يفتقدك صدقني هاذا انسان ينافقك لاني انه شخصيا .. (راحت صوتها بالدموع اللي بينت مشاعرها اللي كانت عكس اللي تقوله) بفتك منك ...
وراحت سمر غرفتها واهي تركض مو معبره احد بالصاله والكل يطالعها واولهم يعقوب اللي حس انه مات خلاص ما بقى شي الا انهم يعلنون للكل انه مات .. حرقه سرت بدمه نفضت بدنه كله وشال عمره وطلع من بيت عمه والكل يناديه .. حمد لحقه لبره بس يعقوب كان اسرع وركب سيارة ابوه البي ام دبليو 745 السريعه واختفى من ممشى الفيلا بره البيت .. حمد رد داخل ونادى حمدان عشان يلحقون ورى يعقوب..
بوحمدان: لا ... خلوه يروح مكان اللي يبي يروح له ... يبي يقعد لروحه شوي..
بو يعقوب كان مكسور الخاطر بس واقف مثل العمود وبوحمدان يقول له: يا بو يعقوب.. عساك ما يبت له طاري بالكلام اللي بيناتنا
بو يعقوب: لا ابد .. ماتكلمت من ورى شورك يابوحمدان
بو حمدان: زين زين .. بو حمدان ظل ساكت منزعج من تصرف سمر تجاه ولد عمها

سمر بس ركبت غرفتها سكرت الباب وراها . ومن القهر قعدت تكسر بالاغراض اللي بالغرفه ودموعها تنزل من عيونها والافكار تييبها يمين ويسار والالم بقلبها عامي عيونها ترمي كل شي تشوفه جدامها وكان يعقوب اللي واقف جدامها .. وصلت يدها للبرواز اللي كان يضمهم كلهم .. تمت تطالع الصورة بقهر والم فظيع يكتسخ كيانها .. قبل كانت تطالع الصورة لان حمد كان في الصورة اللحين تطالع الصورة لان يعقوب فيها .. لام سارة وبعيونه نظرة تحدي تحرق القلب .. مصير البرواز كان اسوء من أي شي ثاني بالغرفه لانها رمته على جامه البلكون وكسرها وطلع بره البيت ...
سمر وقفت وكانها خلاص .. أستسلمت .. انهارت على الارض واهي بحاله تكسر القلب.. حست بان نار تسعر بيوفها.. اكيد يبي يسافر عشان يكون وياها .. يكون وياها .. ويا حبيبه القلب .. ويمثل علي .. يمثل علي علباله انه بيمشي علي تمثيله .. اكرهك يعقوب.. واكره اللحظه إلى عرفت اني احبك ياللي حبك كله مذله .. ذليتني بحبك يا يعقوب .. ذليتني.. اكرهك كثر ما حبيتك.. اكرهك كثر ما حبيتك..

في بيت بو يعقوب...
وقف يعقوب سيارته عند الباب وطلع منها بسرعه .. نادى على باكي الخدامه تزهب وياه اغراضه لانه ماراح ياخر السفر اكثر
يعقوب بصراخ يهز البيت: باكي ... باكي ويهد
باكي مسرعه من المطبخ: جي با با
يعقوب: يبي السوت كيس من الستور وتعالي وراي بسرعه
باكي خايفه: جين بابا

طلع يعقوب فوق بسرعه وهو يتجاوز بعض العتبات .. دخل غرفته وفتح الكبت .. طلع البدلات كلهن .. ورماهن على السرير .. طلع الربطات ورد قطهن بالكبت لان ما بيشتري اللي يبيه من هناك .. شل وياه جم من ثوب واقمصه .. دخلت باكي وراه وطردها من الغرفه .. راح عند الدريسر وشل ساعاته كلهن والجواز ومحفظه البطاقات الاعتماديه .. واهو مشغول التفت حق البرواز اللي على الدريسر .. كانت نفس الصورة اللي عند سمر .. يطالع سمر من الصورة بكل حقد .. وقال بصوت عالي.. خلي حمد ينفعج ..
ورمى الصورة بكل قوته للجدر وتحول البرواز الناعم الى فتات جزاز ويعقوب واقف يطالعه ويطالع القطع المنشرة وكانها حياته اللي تكسرت من يوم حب بنت عمه .. كمل حزم باجي الاغراض وطلع من البيت من دون رجعه..
قبل لا يركب سيارته راح عند الخيول .. تكلم ويا فيفيك اللي يرعى الخيول
يعقوب: فيفيك
فيفيك: نئم بابا
يعقوب: اذا راشد رد من بيت عمي قول له يتصل في سلطان ويخليه ياخذ الخيول عند زيد فاهم
فيفيك واهو منزعج من نبرة يعقوب: جين بابا بس بابا سلتان في ما يجي وايد
يعقوب: مو شغلك انت بس قول لراشد وعن القرقر فاهم..
فيفيك: ان شالله بابا
راح يعقوب عن فيفيك
فيفيك: اج با با يعهقوب كي مود تورا ميرجي دال جوكا بقوان اوسي مود جينج كيري ان شالله اور ميري تنخا كي باريمي سوجليه ايو راما
(اليوم مزاج بابا يعقوب فلفل الله يغير مزاجه ان شالله ويفكر انه يزيد معاشي يا ربي )

ركب يعقوب سيارته الكروزر بدال سيارة ابوه وراح واهو اط في باله انه ما راح يرد ابدا ....

--------------------------------------
الجزء الاخير
بعد مضي سته اشهر .....

بعد مضي سته اشهر .....

من بعد ذيج الحادثه بين سمر ويعقوب واعلان يعقوب سفره تغير كل شي .. بو حمدان تقاعد نهائيا عن الشركه بس ظل المستشار القانوني والاقتصادي ومكتبه بالبيت .. حمدان استلم مسؤوليه ابوه وحمد جزء من مسؤوليه ابوه .. وراشد انضم بعد لشركه العايله بمكان يعقوب .. ناصر يداوم بالشركه بين الفترة والفترة .. ومشعل سافر امريكا يدرس الطب ووليد انظم للمدرسه العسكريه .
تذكرون الممرضه اللي كانت ويا سمر يوم كانت مريضه .. ايه هيه نفسها .. خطبها حمدان بعد ماالتقى فيها مرة بالمجمع وعجبته وخلى سارة تسال عنها وتخلي امه تروح وتخطبها له وبالفعل كل شي تم بواسطه سارة اللي كانت افرح وحده لهاذا الشي وتمت خطبه حمدان من النرس امل على سنه الله ورسوله قبل اسبوعين من خطبه حمد وسارة اللي هزت العايله كلها والكل فرح لها وتمنى لهم السعاده بحياتهم واتفقن سارة وامل على ان تزوجن بنفس الليله ..
من بعد الحاله اللي مرت فيها سمر .. ابتعدت عن الكل .. الكل .. ألا المدرسه.. غرقت روحها بالدراسه والمدرسه ودانه.. محد يدري عنها ولااحد يتجرا يسالها .. حتى ابوها ابتعدت عنه وصارت عدائيه تجاه الكل .. وجددت عدائيه يديده تجاه سارة وحمد حتى ان خطوبتهم ما حضرتها .. وفي خطبه حمدان لبست شي بسيط وقعدت بعيد عن الكل وفرحت لاخوها بس ما صورت معاهم لانها كرهت شي اسمه صور .. وحلفت على نفسها ماتيب اسم يعقوب على لسانها مع ان مخها كان يردده بكل لحظه وكل ثانيه وكل جزء بالثانيه ..
دانه وناصر كانوا يمرون باحلى مرحله بحياتهم.. ناصر خلاص بدى يبني احلامه مع دانه حتى ان علاماته بالمدرسه صارت مقاربه شوي لعلامات سمر .. طبعا ناصر يحمل نفس جينات سمر بس لان كان مهمل شوي..
راشد فكروا انهم يخطبون له فايزة بنت خالته لكن اهو رفض لانه للحين ما تهنى بشبابه .. طبعا اهو كان في باله مخططات للحين تتعلق ببنات الكويت وكيف انه ما شاف نصهن وانه لازم يلحق على عمره بالمغازل خهههههه.

في الطرف الثاني من العالم .. وتحديدا بملبورن ثاني اكبر مدينه باستراليا .. باحلى منتزه مائي كان يعقوب قاعد عند احد النوافير المتنوعه ويا ارفيجه الاستراالي اللي يسكن وياه بالشقه (roommate) روستن الكل كان يناديه روس .. مثل بطل مسلسل friendz بس اهو كان شعره احمر وتتنرفز منه البنات بس كانن يعطنه ويه لان ارفيج يعقوب او (Jacob) او جيك بالاختصار .. يعقوب كان نادرا ما يهتم لانه يضحك بويوهم ويسبهم من وراهم .. يعقوب يكره الانجليز بطبعه لكن يمشي حياته وياهم ..
روس كان قاعد يكلم يعقوب عن البنت الحلوة اللي شرطت عليه عشان تطلع وياه بموعد انه يعطيها رقم تلفون يعقوب
روس: so what so you say man >> please please please say yes
( شرايك يا ريال ..تكفى تكفى قول أي)
يعقوب: ooooh ross don`t you see how she is minipiolating you in my country if a girl do such athing every body dumps her an she lose her reputation among the girls!
(اووه روس ماتشوف ان البنت تتلاعب وياك في ديرتي لو البنت تسوي شي جذي الكل يتركها وسمعتها تروح بين البنات)
روس واهو شوي ويبجي: ooh my good every time I say somthin to you
you mintion your country`s chicks mate ..this is Australia not Kuwait hello
(يا ربي كل مرة اقول لك شي اتيب لي طاري بنات ديرتك .. هاذي استراليه مو الكويت هيلوووو)
يعقوب انقهر من روس وتذكر حبيبه قلبه بالكويت سمر وحس انه يغلط عليها وقال له بالعربي: والله الكويت وبنات الكويت يسوونك ويسوون بنات ديرتك كلها يالخبصي ..
روس: what did you say huh hope you don`t curse me in ur language
(شقلت لايكون بس ما سبيتني بلغتك)
يعقوب: no no يامعود بالعكس I`m compleminting you buddy
(لا لا بالعكس يا معود انه قاعد امدحك اشفيك يا ريال)
روس: u know jake ..u r my best friend oooh my god ..hotchick g2g man
( تدري يا جيك انت اعز صديق عندي .. ويلي بنات حلوات .. لازم اروح باي)
راح روس واهو يسحي شعره ويعقوب يطالعه بملل.. انه شمقعدني وياك يالاهبل خلصوا الناس والله خلني قلعتي .. من يترك ديرته ويتخالط وياكم يالخبثاء .. والله كان احسن لي اقعد ويا امي ولا سارو بعد قلبي .. ولا اروح الشاليه ويا ناصر وراشد ولا اروح الشركه والتف على المكاتب واغازل ريما ولا اروح الديوانيه وياسلطان ولا اروح الاسطبلات ويا زيد .. ولا امر على سمر المدرسه اخذها لين ملت من الدراسه .. ولا اشتري لها الايسكريم المفضل من باسكن روبنز .. ولا اقعد اراقبها مثل الميانين . . ولا اقعد ادافع عنج مثل الاغبياء وانتي ما كنتي تعبريني بنظرة اهتمام..
قعد يعقوب يفكر بالكويت واهل الكويت وقلبه اللي خلاه بالكويت .. يفكر بسمر اللي ظلت بكيانه مثل الدم والروح .. يفكر فيها بكل جوارحه واهو يتذكر مرحهها وتعابير ويهها الحلوة وجمالها .. وحتى دموعها جذبته لها ..
ظل يتكلم بصوت مسموع .. احبج يا سمر .. احبج يا روحي
خليفه: الله الله ماارووووووووووم انه ماارووووووووووووم
خليفه هاذا كان طالب بالجامعه اللي يعقوب انضم لها اول ما وصل استراليا .. خليفه شاب اماراتي من عايله جبيرة بالامارات عاش باستراليا لمده طويله وايي فيها بفترات متراوحه وساعت العايله تمر عليه اذا ما قدر ينزل الامارات .. خليفه اسمراني طويل وسيم بدرجه كبيرة حتى ان يعقوب واهو يتنافسون بين العرب هناك من ناحيه الوسامه بس يعقوب يقدر على خليفه من ناحيه بنيه جسمه لان خليفه شوي نحيل ويعقوب اكتافه عريضه ومعتني برشاقه جسمه.. يعقوب يعز خليفه لان خليفه عربي ومعتز بعروبته على عكس العرب الباجيين ..

يعقوب واهو يعوي حلجه على صوب: اهلا ... انت وين ما اروح هناك
خليفه: شو ها يا ريال عيب عليك ترمسني جيه وانه اللي مودر الجامعه وياي عدالك يالزطي لكن هين
قام خليفه عن يعقوب...
يعقوب: لا لا لا يامعود وين رايح خلك ان شافك روس هني ما يشتهي يقعد وياي . خبرك انت مكروه بالنسبه له.
خليفه: خس الله ويهه النكور والله هاي نكور نعمه ما يذكر شو انه مسوي له قبل لا انت تصير اربيعه ..
يعقوب: هههههههههههههههههههههههههههههههههههه تغار
خليفه: هيه والله .. بليز رد لي روس مااروم اعيش بدونه.
يعقوب: هههههههههههههههههههههههههههههههههههههههههههههههههه هههههههههههههه
خليفه باشمئزاز يطالع يعقوب: سود الله ويهك .. زطي ما تصدقني..
بعد دقايق........
تثاوب خليفه : اووووووف يا يعقوب ما مليت يا ريال قم نسير صوب المطاعم ناكل لنا شي ما شيات ..
يعقوب ولهجته تنقلب لا اراديا للاماراتيه ويا خليفه: مابى
خليفه: بلاك يعقوب متى بتغير هالمزاج الخايس اللي فيك ... قم نسير هناك مادلين فديت امن يابتها قم نسير هناك ونخليها تتخبل
يعقوب: انه مااشتهيها هاي الدعله تبط جبدي وتخليني اشقق هدومي ما بي اروح وتقعد كل ساعه تتخيل علي البنت مو صاحيه ياخليفه انه الريال اخاف منها .
خليفه: ههههههههههههههههههههههههههههههههههههههه شرايك يعني بنت اجنبيه اهلها ما يدرون عنها من وصلت ال18 ودرت بيتها عسب تحصل على حريتها .. ابويه هاي هب شرات بنات الخليج فديتهن بناتنا متربيات احسنت تربايه لو تسير الكون كلها ما تلاقي شراتهن فديتهن يعلني ماافقدهن
يعقوب: ههههههههههههههههههههههههههههههههههه
خليفه: شو بلاك تضحك مثل اربيعك الهبل
يعقوب: لا بس ذكرتني بحبيبه قلبي تتكلم مثلك .. البنات كلهن روحهن عقلهن .. كانت تتكلم بنون النسوة .. شراتك
خليفه: يعلني افداها بنت عرب والله الا ما قلتي لي .. شحال اهلك وعربانكك ..
يعقوب: ابخير وسهاله .. أختي انخطبت لولد عمي .. وولد عمي الثاني خطب بعد .. اخوي بدى يداوم بشركه العايله ... وواحد منهم على مااظن دخل المدرسه العسكريه .. وواحد سافر يدرس الطب

________________________________________
خليفه: ما شاء الله ما شاء الله .. ذكرني باسم اختك نسيته...
يعقوب: سارة
خليفه: اااااااااه فديييييييييييييييت سارة يعلني اموت وانه اتفداها والله ولا اتعب
يعقوب: يالله عاد كل ساعه والثانيه تفدى لنا ولا تتفدى اختي انت فاهم اختي حرمه ريال اللحين
خليفه: اجلب ويهك اللحينه انه تفديت باختك .. انه اصلا اتفدى في حبيبه قلبي سارة يعلني ماافقدها
يعقوب: هااااه .. طلعت عندك سارة وانه ماادري
خليفه طلع علبه الزقاير وقعد يدخن: شقول لك يا يعقوب .. حياتي انه صارت عذاب بعذاب من يوم ما عرفت هالسارة اللي دخلت حياتي وانه ما كنت مجهز حالي حق هالنوع من الارتباطات ليما صارت تمشي في عروقي شرات الدم يااخويه والله ما اتهنى بيوم ولا بساعه لين مااسمع صوتها .
يعقوب: ولاعليك بس ترد ديرتك كلم احد عمامك يخطبها لك (خليفه يتيم).
خليفه يضحك ضحكه تحرق القلب: شوو اكلم عمي يخطبها لي .. انه احلم بالقمر ويمكن يلبى طلبي جزئيا ولا افكر بهالحلم .. يا يعقوب انه بس ارد ديرتي خلاص انه بتزوج بنت عمي سالم المحيره لي وخلاص اسير بطريجي وانسى سارة وكل ذكرياتي ويا سارة
يعقوب: هااه.. وبنت عمك هاذي ماتقول لي بالله ذنبها تتزوجك وانت ما تحبها
خليفه: الحب بيبتدي بعد الزواج .
يعقوب: وحبك لسارة
خليفه: ااااااااااااه .. سارة بتظل الحلم .. ومب كل الاحلام تتحقق .. ومن يدري .. يمكن احب بنت عمي وتقدر تنسيني سارة واللي لقيته من سارة.
يعقوب كسر خاطره على ارفيجه بس يعرف ان خليفه متربي احسن تربايه: ان شالله ولا يهمك بخلي امي الغاليه تدعي لك بالسعاده وطول العمر شتبي اكثر.
خليفه: اااااااااه فديتها العيوز يعلني افدى ثراها ماشي دعاء شرات دعواتها وربي انه مب متوفق الا بدعائها
يعقوب: هههههههههههههههههههه الله يخليها لك يا خليفه المزروعي
خليفه: يا رب .. الا اقول لك غناتي قم نسير عدال الكافي قم يا يعقوب ...قم لا بكف اللحينه تراك لوعت جبدي وانت مقعدنا هنا وهناكي الصفر الحمر قم فديت خشمك قم .
يعقوب: اااااااااااااه كل هاي عسب نسير عدال الكافي اللحينه
خليفه: وابويه فديت الرمسه ههههههههههههههههههههههههه قم يا ريال
يعقوب واهو يمشي ويا خليفه : لكن حلو الاماراتي علي مو ..
خليفه:ههههههههههههههههههه انه افهم رمستك لعند الموووووووو وخلاص انه اتسبه من حينها.
يعقوب: تصدق مرة سمر كانت لابسه كندورة خور.. لكن شنو كانت فيه .. وربي غزال ينيت عليها بغيت اشقق هدومي من الفرحه وبالصدفه طلعت انه لابس كندورة ووزار بعد.
خليفه: وين عيضه عنك
يعقوب واقف بتحدى: اهو اصلا يروم
خليفه واهو يسحب يعقوب من يده: هههههههههه يالله يا اكبر مغرور مادلين هناكي يالله عااااااااااده
يعقوب : شرايك خليفه نلبس كندورة بيوم صيفي بالجامعه ونخبل الكل
خليفه واهو موافق: مرحبا الساع والله انها فكره حلوة فديت هالمخ وربي ولا يتعب ..
دخل يعقوب ويا خليفه الكافيه وكان الجو محشور بنات وصبيا ن من كل جهه ومعظهم كانو عرب لذا حس شوي بالانتماء.. بعد ال6 شهور من الغربه لولا خليفه ...

يعقوب شقته كانت فخمه ووايد انيقه .. طبعا غاليه وديكورها عربي ..حاول انه يخلي قدر الامكان مشابه لبيتهم ولا البيوت العربيه عشان ما يحس بالغربه .. كان عنده كل البطاقات وباقات القنوات العربيه والاجنبيه بس اهو كان يطالع العربيه اكثر.. من بعد ما طلعوا من الكافيه عن الشباب عزم يعقوب خليفه وواحد ثاني تعرفوا عليه اسمه ماجد.. ووايد اندمجوا وياه بالسوالف .. ماجد سعودي بس عاش طول عمره باستراليا ولا يعرف شي عن ديرته غير انها ششيخه ديار الخليج واكبر دوله عربيه ..
اول ما دخل يعقوب والشباب البيت خليفه قعد يصفر.
خليفه: اوه اوه اوه .. لا يكون بس شليت اللي ببيتكم وحطيته هنا ..
مايد: اي ولله بيتك تصميمه حلو مرة .. انت مسويه
يعقوب: لا بس انه طلبت من اختي انها تدز لي بعض الديزاينات بالنت بحيث انها تناسب الشقه
مايد واهو ينسدح على الصوفا: عليك بالعافيه يا يعقوب (تثاوب) اقول قعدوني بعد ساعتين ..
خليفه يبي يمسك مايد من كلمته: شوو يا ريال قعدوني .. انت للحين تقول جيه قول نششوني ياهل يا ريال تقول قعدوني ..
مايد طبعا استغرب من لهجه خليفه كثير بس ما علق: هاذي هي نششوني
خليفه باشمئزاز: خس الله بليس والله اللهجه ماشي حلاتها الا بلسان بو يوسف
يعقوب واهو واقف على باب غرفته: فديتك يا بو راشد.. شباب انه برقد الاكل بالمطبخ زاهب ولين يه روس لا تحتشرون وياه اوكيه .. تعبان حيل
خليفه من زمان استقر بالبيت وحمل الريموت كونترول: هيه يا بو يوسف امرك ولا امر الحكومه انت سير نام ونحن نطالع لنا فلم عربي بعدين ننش من هنا ونرد بيوتنا .. هيه (يكلم مايد) بكرى اي يوم؟
مايد واهو مغمض عيونه: باكر السبت .. كيف تنسى الاجازة..
يعقوب: حلو باتوا عندي الليله .. كاهي الصوفه تفتح كمرقد بعد شتبون اكثر
خليفه: انه خليفه المزروعي ولد مبارك المزروعي الله يرحمه ارقد لك على صوفا … تخسي الا ارد بيتنا واكل لي شويه بلاليط واسير انهم ليما يصير السبت ليله الاحد.. والله حاله حد ما يسهر بsaturday night صج اننا عرب ..
مايد استوى بقعدته بعد اخر جمله: واحسن الناس وافضلهم ..
خليفه: هييييييييه خوش رمسه يا راعي الشهامه
مايد: انت تتطنز
خليفه: لا ابد شو اتطنز بالعكس كيف اتطنز عليك وانت اربيعي
مايد ما عرف معناته اربيع وفكرها تعني شي اهو فهمه : هيه انت كيف كيف اربيعك .. لا يالطيب انه كذا ما يعجبني كيف اربيعك انه رجال اكبر عنك وعن يعقوب اتقول لي اربيعي شوف يا خليفه...
مايد فكر بالكلمه على ان الربيعي الطفل الصغير اللي بربيع عمره.
يعقوب تدخل لان خليفه صار ويهه اكبر علامه استفهام: لا يا ماجد صل على النبي اهو ما قصد شي نسيت ان خليفه اماراتي ولهجتهم تختلف عن لهجتكم ولهجتنا بس لا تعصب ما يقصد شي يوم قال اربيعي اربيع يعني ارفيج او صديق.
مايد تغيرت الوانه: مسامحه يا خليفه والله اني فشلان انت بعد لا تسكت صحح لي تعرفني عمري ما تخالط ويا اهل الخليج .. سامحني ياخوك
خليفه واهو يبتسم: بالحل ياخوك وبعدين مابينا فرق انتوا ترمسون شي ونحن نرمس شي ماشي فرق ولا شو يا يعقوب
يعقوب يضحك على ويه مايد وعلى خليفه اللي تعمد يتكلم بكلمات صعبه يديده على مايد: هههههههههه هيه ماشي اختلاف ماشي..
مايد واهو ينسدح مرة ثانيه: ايه والله ماهي حاله كذا محتاج مترجم ليما اجلس معاكم سوى
خليفه واهو يغمز ليعقوب من ورى مايد: لا تزيغ يا بوسهيل مالها داعي الزيغه والحرج علينا انه اعلمك على الرمسه ..
يعقوب دخل الغرفه وتم يضحك على خليفه وكل ما يبي يرفع السماعه حق المكالمه الاسبوعيه لاهله ينزلها واهو يضحك ..
بعد ما سكت شوي قعدت على فراشه وسحب التلفون لعنده.. يتصل بالبيت .. ماكان واثق انه يلقى احد لان اليوم اليمعه وكلهم يمكن متيمعين في بيت عمي حمد .. اتصل انه ولا علي
سمر بالصدفه كانت في بيت عمها بو يعقوب . ويا دانه اللي بالغصب جرتها عشان تروح تعتذر لسارة ليش انها ما حظرت خطوبتها .. سمر كانت يالسه بالصاله ودانه عند سارة اللي كانت زعلانه موت من سمر وما بغت تنزل لها .
يرن التلفون .. ويرن التلفون وسمر ولا معبرته .. اخر شي سكت لوحده (الحمد لله انك سكت بروحك)
ورد يرن التلفون .. ويرن.. ليما سمر ملت منه ورفعته
بالطرف الثاني سمعت : ايه مايد عندك كل شي بالثلاجه ويه لقيت خط .. ألوووووووو .. الووووووو
سمر تجمدت مكانها .. حست ان الدنيا تغيرت .. كل شي انقلب فوق تحت .. بعد 6 شهور .. بعد 6 شهور ما تخيلت انها تسمع هاذا الصوت .. يعقوب ما غيره ..
يعقوب بالطرف الثاني مستغرب: الوووو.. الووووو يمه . .سارة.. باكي لايكون انتي اللي شاله السماعه ...الوو
سمر بالطرف الثاني حست انها تخدرت ودموعها بدت تنزل وكان امس يعقوب سافر مو من 6 شهور ...
كل اللي قدرت تقوله اهو: انه سمر....
يعقوب ما سمع لان سمر كانت تهمس: هاا.. باكي والله اني اذبحج تكلمي..
سمر رفعت صوتها اللي كان كله بجي: انه سمر
يعقوب حس وكانه احد صاب عليه ماي بارد .. كل شي فيه ارتعش .. يده.. ارموشه ريله .. قلبه .. روحه من سمع الرد ... اااااااه يا سمر .. سمر محد غيرج .. سمر يا روحي التايهه عني من 6 شهور ... يا عنفوان العمر كله .. يا بعد هالدنيا يا سمر .. الموت والله الموت اشرف لي من هالعيشه بلياج .. يعقوب ما قدر يحبس دموعه اكثر.. ولانه كان بروحه اخذ راحته
يعقوب: هلا سمر .. شلونج .. شخبارج
سمر وكانها تعاتبه: بخير .. وانت
يعقوب: انه بخير . .. دامج ابخير
سمر: جذاب..
يعقوب استغرب: شنو؟
سمر : انت عمرك مااهتميت لي يعقوب.. سافرت ولا كان عليك مني .. تقرر اشياء بحياتك من دون ماتشملني ..
سكتت سمرما حبت انها تزيد بالكلام عشان لا تنزل مستواها عنده ..
يعقوب من جهه ثانيه يسمع كلام ثاني .. شقاعده تقول سمر .. شقاعده تخربط .. انه اشملها .. بحياتي .. وليش اهي تعاتبني ليش اني سافرت ...
سارة نزلت وشافت سماعه التلفون على الكراسي وسمر تطلع من البيت .. ركضت سارة لعند التلفون وسمعت يعقوب ينادي..
سارة: يعقوب .. حبيبي يعقوب انه سارة مو سمر
يعقوب باحباط: سارة .. هاذي انتي .. وين سمر؟
سارة: ماادري عنها توها كانت هني واللحين طلعت .. شلونك شخبارك؟؟
يعقوب بقهر وملل: ابخير ابخير شخبارج انتي وشخبار امي وابوي وراشد وحمد
سارة: اهل البيت بخير لكن اهل القلب عال العال هههههههههههههههههههههههههههههههههههههه
يعقوب مو متفيج خير شر لسارة: انزين سارة امي بالبيت؟
سارة: لا طلعت ويا خالتي ام نوال راحن عزيمه حريم .
يعقوب استغرب: عزيمه بيو م اليمعه ... وقعده الاهل
سارة واهي تقعد بحسره: أي قعده الاهل .. من بعد ذاك اليوم يا يعقوب محد يروح بيت احد .. ماكو الا انه اللي اروح بيت عمي حمد وساعات اروح بيت عمي بوحمدان اشوفه .. حتى سمر وانه ما عدنا مثل قبل ..
يعقوب استغرب اكثر واكثر بس حس ان الوقت يمشي من عنده: اوكيه سارة البطاقه شكلها بتخلص اتصل فيج مرة ثانيه انزين يالله مع السلامه
سارة: الله يسلمك
بعد ما سد الخط قعد يفكر بللي صاير .. واهو يفكر رقد شوي لانه كان تعبان ونش بعد ساعه وطلع بره .. الكل كان نايم عند التلفزيون حتى روس
يعقوب راح عند خليفه يبي يوقظه بس خليفه كان مثل الطوفه ما يتحرك ويوم لمسه يعقوب حصل له ذاك الطراق اللي شوي وافقده الوعي .. سحب له كوشن من الصوفا وانسدح عليها واهو يطالع السقف ورد حق افكاره ... علامهم الاهل استخفوا واقعدوا .. شلون يتركون قعده اليمعه ويروحون بيوت الناس .. متى صارت .. عمي بو حمدان موافق؟ ولا ابوي ولا عمي بو حمد ... ولا سمر ..ااه ياسمر .. بديت اخاف عليها .. لايكون احد مضايقها .. او حمد وسارة حارقين قلبها .. يا بعد روحي ياسمر .. اتركي التعب والسهر والعذاب لي وانتي تهني .. خلي الدموع وكسر الخواطر والظليمه لي وانتي رفرفي .. يابعد حياتي يا بلسم جروح القلب الدامي انه استحمل الموت ولا استحمل اشوف لمعه عيونج..
اخ يا سمر ... مرارة بقلبي احسها ليما ارد اسمك .. وكأن روحي بتطلع من جسدي .. ليش ..ليش كنتي بعيده وصرتي بعيده وبتظلين بعيده عني ليش.. ان شرتكبت بهالدنيا عشان الاقي كل هاذي الالام .. عشت حياتي وانه بين هذي وذيج .. يالله الفت انتباهج واحس انج تغارين علي .. لكن لا .. انتي ظليتي تحبين حمد .. حمد اللي غدر فيج وحب سارة من دون ما يحس لج .. انه اللي كنت انزف عنج وكاني انه المطعون وكاني انه المغدور فيه .. سمر ما تقدرين تتصورين شكثر انه محتاج لج .. محتاج لدفو ايدج .. ورقتج اللي تمنيتها دايم باحلامي .. احتاجج سمر ... احتاجج ...
ظل يعقوب مكانه ليما رقد من كثر الافكار والدموع المترقرقه بعيونه ومآقيه ... حس انه ارتاح شوي من بعد كبته 6 شهور خلته مثل الصخر من ثقل الهموم اللي بقلبه ..
سمر من طرف ثاني راحت عند المسبح قعدت ... كل شي تغير .. الخيول ما عادت بالبيت مثل قبل .. ريحه الجو غير .. يعقوب مو بالبيت .. خيال حبيبي مو عندي .. عندها هناك .. اللي مهما كانت اتمنى من ربي انه يراويني اياها عشان اعرف شنو الفرق بيني وبينها وشنو اللي خلاها تفرقني عن حبيب عمري كله .. اه يا يعقوب .. اه واه واه ولا يشبع قلبي على السنين اللي ضاعت وانه افكر بحمد .. اوقات وساعات وحزات لين تكون قاعد وياي ولا تحس فيني او حسستني انك تفكر فيني ..
انسدحت سمر على كراسي المسبح المظلله مع ان الدنيا كانت غايمه .. قعدت تبجي واهي تنادي يعقوب من كل جوارحها ..... تشهق بالبجي .. وتلم جسمها المتالم والمتعني وتحتسب لله .. كانت تبي تسكت عن البجي لكن اتفه الاشياء كانت تبجيها .. تذكر شكل يعقوب من الخليفه وتبجي.. تذكر كلامه الجارح وتبجي .. تذكر مشيته تبجي ... تذكر ضحكته تموت من الالم واهي ماتقدر ترفع عيونها عن الارض.... العالم كان كله مشترك بحداد سمر على يعقوب ... الطيور تغرد وياها .. الاعشاب والشير يتمايل يمين يسار بكل هدوء .. نسمه الهوا البارده تلفح بويها وتطير دمعاتها الخفيفه لكن المالحه الكبيرة تظل مثل السيلان تجري في مسار واحد ......

بعد مرور ال 6 شهور الثانيه
====================
(في هاذا الجزء راح تعيشون الوقتين .. وقت يعقوب ووقت سمر بنفس اللحظه امتنى يعجبكم اخر جزء)

اليوم كان حفل تخرج سمر ودانه .. الكل مرتبش بالبيت .. بوحمدان ام حمدان .. ناصر اللي تخرج بنسبه 89.5 وفرح حيل على النتيجه ... دانه بعد نجحت بنسبه زينه 84% كان الوقت للحين ظهر والكل يستعد حق الحفل .. سمر كانت اهدأ طالبه متخرجه يمكن احد يشوفها بحياته .. كان لين احد يهنيها على النسبه المشرفه 97.9% تبتسم له بكل تواضع وتشكرهم .. اهي راح تلقي خطبه الخريجات واهي مو خايفه ابد لانها حاطه الكلمه مثل ما تبيها .. رسميه .. بسيطه .. مفهمومه .. سريعه الانتهاء .. مثل فرحتها ..
في مطار الكويت ..
وصل يعقوب ومعاه خليفه لللكويت بعد رحله طويله .. خلصت السنه الدراسيه على خير .. يعقوب نجح بكل امتحانهته بامتياز لان تخصصه اهو مجال خبره يعقوب .. ألرياضيات .. اما خليفه فعليه انه يرد استراليا للمرة الاخيره عشان الماده اللي رسب فيها وخلاص يردالامارات من بعدها واهو مرتاح الباال .. خليفه رافق يعقوب للكويت بالرحله لان كان وده يشوف اهل يعقوب من كثر ما يعقوب يسولف عنهم ولان يعقوب بعدين بيسافر الامارات بناء على دعوه من خليفه عشان يوريه املاكه وحياته بالامارات ..
خليفه: اقلك يا ريال سير وياي دار الخير واللله راح تحس بالدنيا.. اقلك الامارات دار الحياه
يعقوب: ماادري والله يا خليفه .. اخاف اكلف عليك
خليفه: خس الله حظك يالسبال شو تكلف عليه ولا انت ناسي البراده اللي خلصتها بشقتك واخليك لازم كل يوم تجرجها (تشحنها بلغه خليفه الانجليزيه).
يعقوب: هيه والله انه شلون راح عن بالي
خليفه لوى على يعقوب: ايه والله شلووووون راح عن بالك يا معود
يعقوب : هههههههههههههههههههه تتغشمر ويا ويهك
خليفه: لاو الله ليش اتغشمر بالعكس ماكو غشمرة ماكو
يعقوب: اذلف يالله لا بكس يطيرك استراليا مرة ثانيه
خليفه توه بيرد ويرن تلفونه يتنهد ليعقوب ويختفي ويخلي يعقوب ناقع من الضحك عليه....
التفت يعقوب بالمطار ما شاف احد .. اشوى محد يدري عن ردته من السفر بيخليها مفاجاه للكل .. يعقوب قرر هاذي السفرة بعد كلام طويل ويا خليفه ومايد اللي اقنعوا او وروه بصيص امل بحبه ويا سمر ..
مايد: يا يعقوب الدنيا دايما تمنحنا الفرص الثانيه مع اللي قلبنا يبغاهم لان الله سبحانه وتعالى ما ييضيع الانسان ويعطيه على صبره وانتظاره.
خليفه: انه ويا مايد يا يعقوب.. انته شعرفك؟ .. سمر كانت صغيرة واللحين استوت بنت كبيرة وتفهم للي تبيه ويمكن مشاعرها تغيرت تجاه حمد ولد عمك 180 درجه
مايد: ايه صح بعد
يعقوب بعد سكون واهو يعظ على ظفر الابهام: تهقون...
خليفه: ايه يايعقوب نهقى
مايد: ما تيوز انت عن سوالفك
خليفه: شوف يابوسهيل لاتخليني ارمس بالاماراتي واخليك تشب ضو مثل كل مرة هاه شوفني زاهب
مايد: لا يا بو تيله اسكت احسن لك والله ان لساانك هاذا متبري منك
يعقوب : اووووش لا تتهاوشون حزتكم انتوا بعد ... اقول لكم تزهبوا يالله .. بنروح الكويت ..
خليفه: شووووووووو يا ريال وين نسير الكويت خل السمستر يخلص قبل بعدين نروح والله انت هب ذاكر الايام والغياب .. ابويه خلني هاخلص و اودر ديره الميانيين احسلي..
مايد: محد جاب لروحه الشقا غيرك.. خلك عايش بديرتك ابرك لك
خليفه:انه ابى اعرف انت شو دخلك بقعدتيه ولا شقايه .. خلنيه ياريال اتنعم بشبابي
يعقوب: يا ربي بس عاد والله توم وجيري كله مناجر .. بس عيل .. بعد السمستر نسافر الكويت شرايكم
خليفه: اوووووووووكيه مان
مايد: انه اعذرني لاني برروح السعوديه لاول مرة وبصراحه انه مشتاق حيل لهم كلهم ومرة ثانيه يا بو يوسف ..بعرسك ان شالله
يعقوب بسخريه: ان شاء الله
خليفه: طبعا انه بحظر وبكون اول المدعوين والمباركين لان اربيعي اهو المعرس .. وراح ايول وارزف وارقص لين ما اطيح ويطيح مني اللي يطيح شرايك يعقوب
يعقوب نقع من الضحك وقام خليفه - اللي انتقل للشقه ويا يعقوب من بعد ذيج الليله - وشغل المسجل على حده باغنيه يا مرحبا لعيضه وقام يرزف وايول ويعقوب ارتبش وياه وقعدوا يرقصون اثنيناتهم مثل الميانين ومايد ناقع من الضحك عليهم .. دخل روس وكل اللي قاله: stupid clowns

طلع يعقوب من المطار والساعه كانت 2.30 بتوقيت الكويت .. الجو بدى يحتر وحمد ربه يعقوب انه كان لابس كندورة والكل يطالعه اهو وخليفه علبالهم اماراتيين .. يعقوب تنسم الهوى وكمل دربه لسيارته اللي وصى فيفيك اييبها عشان يروح البيت .. اول ما شاف الكروزر تذكر يوم اللي ياب سمر من المدرسه وابتسم
خليفه: بلاك تتبسم للينانوه
يعقوب: ماشي

في بيت بو حمدان الساعه 3
ام حمدان: ها يمه زهبتي اغراضج
سمر بنفس تعبانه: ايه يمه
ام حمدان: علامج سمر شي يعورج ولا تعبانه
سمر تطالع الساعه: قلبي يدق يمه ماادري ليش ...
ا م حمدان: لا تحاتين يمه بتكونين احسن وحده وقلبج هاذ ا بسم الله عليه من العوار خايف شوي خانت حيلي
سمر ابتسمت لامها: يمكن
ناصر دخل البيت واهو يركض: سمر .... يمه .. دانه وصلت . حرمتي وصلت استقبلوها بروح اغير هدومي
ام حمدان: اركد يا ناصر علامك مستخف اليوم هاذي الدشداشه العاشرة اللي تبدلها اليوم
ناصر واهو يركب الدري: مو حزتج يمه مو حزتج
ام حمدان تطاللع سمر: والله استخف اخوج
سمر: هههههههه لا يمه حليله ناصر يحب دانه
ام حمدان: أيه والله حلاتها مرت ولدي ... وانتي حبيبتي .. شخاطرج فيه
سمر تنزل عيونها للارض: سلامتج يمه.
دانه بدخلتها واهي حامله زي التخرج: السلام عليكم
ام حمدان وسمر قامن يسلمن عليها
ام حمدان: هلا دوينه شلونج شخبارج..
دانه بحيا جميل : ابخير خالتي انتي شخبارج
ام حمدان: ابخير يا ويه الخير
سمر: هلا دندن
دانه: هاي سرسور اقوللج خيطي لي هاذا الجاكيت والله ذ1بحني قايم كلره ولا يقعد..
سمر: ان شالله تعالي فوق وياي

في بيت بو يعقوب الساعه 3.00
وصل يعقوب مع خليفه
خليفه: يا يعقوب هب عدله هاي اسكن وياك بالبيت
يعقوب: طم بوزك اصلا انت من قال لك اني بسكنك ببيتنا شوف اصطبلاتي هناك بتقعد ويا الحشرات
خليفه: خس اللله ويهك يامسود الويه انه انهم ويا الحيوانهت .. صج انك تعبان ..
يعقوب: ماادري عنك .. اصلا احنه عندنا بيت ضيافه بالحديقه اللي ورى بتسكن هناك وكانك عايش ببيتك الخاص .. حتى الخدامه بنحط لك .. علبالك احنه عيال فقر
خليفه: لا والله محشوم يا بو يوسف . الا قول لي .. الخدامه غرشوب
يعقوب واهو يسكر عيونه: يا الله ولا ايوز شنو انت خلاص مادلين واربيعاتها راحن كلهن خلاص انت الحين بالكويت بالكويت يا ريال.
خليفه بحزن: هيه والله ..
يعقوب: قم خلني افرح امي بويهي الصبوحي
خليفه: ويه خاك ويه صبوحي..

سارة كانت لافه شعرها برولات وقاعده بالصاله .. تتزهب حق حفل تخرج سمر .. سمر كانت الطالبه الوحيده اللي عطوها 3 دعوات لانها امتياز مع مرتبه الشرف بالمدرسه .. لذا سارة وام حمدان وحمدان راح يحظرون الحفل .. دخل يعقوب البيت من دون يضرب الجرس .. سارة وقفت مكانها وشافت الداخل اول شي تخرعت لك نبعدين ركضت صوبه وقعدت تحبب فيه وتحظنه
سارة: يا بعد عمري بو يوسف
يعقوب: اوش سارو ويهد
سارة: ليش
يعقوب: وياي اربيعي خليفه من الامارات
سارة بصوت واطي: اوه سوري ماادري
يعقوب: ماعليه شمسويه بروحج؟
سارة: اليوم حفل تخرج سمر وبروح وياها
يعقوب وقف قلبه: اليوم حفل تخرجها .. ومن بيروح .
سارة: انه ونجاه وحمدان
يعقوب: بس
سارة: بس
يعقوب بتفكير: زين ... اللحين روحي دارج وخليني ادخل الريال
سارة بلعانتها على يعقوب: حلو اربيعك هاذا
يعقوب طول صوته: سارو ويهد
سارة ركضت لدارها فوق واهي ناقعه من الضحك ويعقوب بالمثل...
يعقوب: تفضل خليفه البيت بيتك
خليفه: شو يا ريال هزبت اختي مب عيب عليك؟
يعقوب: هااااااا اشوف صارت اختي اختك
خليفه بويه طفولي متفاجء: انه وانت هب اخوان
يعقوب يبتسم: ونعم الاخوان بعد تفضل
خليفه : زاد فضلك

الساعه 4 في بيت بو حمدان..
سمر ودانه يتعدلون بالغرفه .. لان الزي ازرق (احم احم كويتي) وفيه خطوط فظيه سمر ودانه ينن واهن يحطن المكياج .. كل وحده تتفن .. دانه بينت لون عيونها الرماديات باللون وطلعت فنانه وحلوة حيل .. سمر كانت معدله حواجبها وطلعت مثل القمر بينت رسمه عينها للي مثل الغزال وبين كبرها .. كل اللي سوته انها حطت لمسه زرقه فيها لمعه فضيه روعه وخلت شفايفها تلمع بقلوسر .. سشورت شعرها اللي خلال السنه طول زياده على طوله ووصل لردفها .. احتارت ... تخليه مفتوح ولا تسويه تسريحه ..
دانه: خليه مفتوح احد عنده هالشعر ويربطه
سمر: بس احس ان بحتر منه ..
دانه : خلي الخصل القصيره جدامج وباجي الشعر ورى ..
سمر سوت اللي قالته دانه: جذي.
دانه تطالع سمر باعجاب: الله يعين الحاظرين سمور عيونج ذبحه والله عذاب..
سمر: ههههههههههههه انقلبتي لي نصور
دانه: احم احم نصور عندج .. عندي انه ناصر قلبي .. وثانيا من عاشر قوما اربعين يوما ..
سمر: بس بس .. كملي يالله مابقى الا نص ساعه
دانه: سمر تهقين بيوم عرسنا بنصير حلوين جذي
سمر انقبض قلبهاعلى طاري العرس : ماادري
دانه تعرف ان سمر تذكرت يعوب: سمور .. ماابي اعو ر قلبج .. بس اليوم انه حاسه ان حظج وحظي راح يتغير.
سمر بسخريه: لشنو بالله..
دانه: ماادري .. ايماني بالله قوي واحساسي ما يخيب
سمر وكانها حست بحماس دانه: الله يسمع منك ..

الساعه 4.15 في بيت بو يعقوب
نزلت سارة واهي ولا تدري ان يعقوب وارفيجه يالسين بالصاله .. لان عايله يعقوب فري مو مثل عايله خليفه سارة وقفت تسلم على الشباب قبل لاتطلع
سارة كانت لابسه فستان تافتاه مورد كم طويل يوصل للكف وكم ثاني للكتف.. وكان الفستان بقصه من تحت وكانت القطع تتطاير ليما تمشي سارة بشكل اثيري .. شعرها طول ووصل لنص ظهرها وكان مموج ولامع
خليفه يوم شاف سارة بلع ريجه حس انه واقف جدام ملكه جمال وشوي ياكلها بعيونه .. بس مسرع ما تعلم عليها
سارة: شحالك خليفه ان شالله بخير
خليفه: بخير وسهاله يسرج الحال وانتي شحالج
سارة: الحمد لله ابخير عايشين .. الا اقوللك خطاك السو
خليفه ما عرف بشنو يرد لكن قال لها : الشر بعيد عنج ليش ؟
سارة: عشت سنه كامله ويااخوي وطلعت سليم منها مبروك
خليفه: من قال.. اصلا مب كل الجروح باينه .. انه اخوج هاي طلع الشيب من راسي .. بس انه ساكت عنه حاشمج
سارة: لا لا تسكت عنه ولا شي وره .. ههههههههههههههههههههههه
خليفه: ماعليج ابري حرتج فيه
سارة نقعت من الضحك.. أسلوب خليفه كان فكاهي يشرح النفس والخاطر
سارةة: ههههه اخليكم اللحين باي
خليفه : مع السلامه
يعقوب لحق سارة لبرع البيت : سارة سارة؟؟
سارة: لبيه ..
يعقوب: سارة لاتقولين لسمر اني وصلت من السفر
سارة بابتسامه: ان شالله .. (تطلع شي من جنطتها) هاك
يعقوب: شنو هاذا
سارة: بطاقه زوار للطوارئ .. عطوها سمر لان عمي اليوم بيرد من السفر باي لحظه بس اهو اتصل وقال انه ما برد اليوم وخل حمدان يصور الحفل .. اذا حبيت اتيي .. تعال
يعقوب: ........................................ اوكيه
سارة حبت اخوها على خده: نورت الكويت والله مع السلامه
يعقوب: اللله يسلمج

محد كان يدري ان يعقوب رد من السفر الا سارة .. امه وابوه طلعوا مسافرين العمره وبيردون يوم الخميس .. راشد كان بالدوام بيخلص بعد ساعه .. حفل تخرج سمرما بقى عليه الا نص ساعه ويبدى ..
دخل يعقوب البيت يدا ري خليفه اللي كان قاعد
يعقوب: خليفه .. سارة عطتني بطاقه لحفل تخرج سمر .. شرايك.. نروح
خليفه: انت تبا تسير سر انه شدخلني والله تباني اوقف عند الباب مثل الناطور اترياك ..
يعقوب: تكفى خليفه متى طلبتك انه
خليفه: انت كل رمسه والثانيه قلت لي متى طلبتك وانه شمييبني الكويت يدتي .
يعقوب: عااااااااااااااااده ارجووووووووووووووووووووووووووك
خليفه: حب صبعي الصغير وعقب يصير خير
يعقوب: قم لا بكس على ويهك
خليفه: هيه علبالي بعد ... انه ماادلع .. مااسير الا بالبوكسات .. فاهم؟
يعقوب مات من الضحك وسحب خليفه لداره عشان يبدلون ويروحو ن مرة وحده

الساعه 5 العصر في صاله فندق سفير .. حفله التخرج..
دانه تتكلم بالتلفون ويا ناصر .. سمر واقفه مع الابله تتمرن جدامها على الكلمه ... الابله استانست حيل لان سمر كانت تلقي الكلمه بكل ثقه وشجاعه وقالت لها مافي شي بيخليها ترتجل ولا تغلط لكن المفاجاه كانت اكبر من التصور ..
سمر قلبها بدى يدق بقوة .. اقوى عن الظهر ... تحس بروح يعقوب وياها .. تحسه بين الناس وعيونها ماتشوفه بس قلبها اللي يدري عنه ..
دانه سكرت التلفون واهي تطالعه: يا بعد عمري ..........هووووووووو سمر
سمر ارتبكت: هااا .. خرعتيني
دانه: سلامتج .. علامج سرحانه
سمر: دانه والله بموت قلبي يدق مثل القطار ..
دانه: ماعليه انتي بس خايفه من الحظور بس انتي قدها يابنت الذري
سمر: لا والله مو هاذا إلى مخوفني .. دانه .. احس بوجود يعقوب
دانه: حبيبتي هدي بالج يعقوب وين وانتي وين .. هدي بالج ولا ترتبكين وراح تكونين اوبه يالله عاد تكفين انه استمد شجاعتي منج يا سمر
سمر تحظن دانه: وينج عني كل هالسنين
دانه: قاعده بالكرسي الاخيري ..
سمر ضحكت على كلام دانه .. وقعدت تتذكر ايام المدرسه .. تحاول تشغل بالها .. بالذكريات .. لكن هيهات صوره يعقوب تروح عن بالها ... عزفت الفرقه الموسيقى المحدده لحفل التخرج وطلعن الخريجات بمشيه متناسقه وحلوة .. سمر كانت قبل دانه بثلاث بنات ودانه وراهن ... سمر كانت تمشي وعيونها على الارض .. بذيج اللحظه دخل يعقوب وكان عنده واسطه ودخل خليفه وياه .. وقف يعقوب عند الباب ليما يخلص مرور الخريجات .. يدور عليها .. على ويه انحفر في قلبه لكن مالقى .. رفع نظره للستيج وقعد يطالع .. سمر كانت ورى الستار مع الابلات .. والبنات الباجيات ..
يعقوب سار ويا خليفه اللي الحظور من الانهث تمن يطالعن هذول الشخصين الوسيمين .. يعقوب كان لابس قميص اسود بلمعه ماركه CK ولابس حزام ببكل فضيه لامعه وكان شكله روعه باللحيه الخفيفه.. خليفه كان لابس بنطلون بيجي وقميص هندي (اقمصه انريكيه) بس تطريزه كان خفيف وكان شعره شوي طويل من ورى وناعم حيل خلى البنات يتخبلن على شكله .. سارة التفت لهم وطالعتهم بغت تاشر لكن ما حبت احد يلاحظ ..
يعقوب وقف ورى باخر الكراسي والحظور اللي كان بالخليفه بعاد عن الستيج لذا كانت هناك شاشه عرض لهم تبين الخريجات .. القت العريفه كلمه بمناسبه التخرج .. ومن بعدها طالبه ثانيه قعدت تقرى بعض ايات عطرة من القران .. وبعدها كلمه الخريجات باللغه الانجليزيه ... ويا دور سمر ..
العريفه: والان .. كلمه الخريجات باللغه العربيه... تلقيها لكم سمر ضاري الذري
دوى المكان تصفيق من اسم سمر الهيبه واللي كل الحظور كان ماد رقبته يطالع هاذي الحوريه الساحرة اللي نزلت من السما لحفل التخرج .. خليفه يود يعقوب اللي من شاف سمر وقف .. ما قدريطالع شكله بس لمعت عيونها عرفته فيها ..
خليفه يهمس ليعقوب: ياويل حالي منك يا يعقوب اثاري البنت حوريه نازله على الارض ولكن تقول لي عاديه عسب لا انفتن فيها.. اوريك يالسبال
يعقوب ماكان يسمع شي .. كل شي كان ساكن بالنسبه له .. كل شي كان صامت .. يطالع سمر من شاشه العرض واهو واقف ..
سمر بدت تلقي التحيه على الوزير ومن بعدين الحظور وتمت تتكلم ليما وصلت لهذا الحد ومدت بصرها للي بالخليفه ....
((... واننا اليوم واقفات هنا ليس الا نتيجه التعب .. والكد .. والمثابرة على مستجدات التعليم .. وكما ان سبب وقوفنا هنا ليس الا بسبب..
حل الصمت .. حل السكون عند سمر ... التفت عيونها بالواقف بعييييييييييد مثل الظلال .. عرفت ذاك الشخص .. عرفت ذاك الطول .. يعقوب ما غيره .. الوقت وقف .. والعمر وقف .. وعيون الكل على الحوريه اللي ابتعدت عن الواقع وسرحت بالخيال .. حركه من الابله تؤشر لها بالاستمرار ولا عليها .. سمر حست بالارتباك .. شلون تكمل .. ظاع الكلام .. نست الكلمه .. تحسست بيدها على المنبر .. شافت ان هناك اوراق في حاله انها نست كلمه ولا جمله .. قعدت سمر تقرأ من الاوراق لانها ما تقدر ترفع عيونها الا وتنصدم بيعقوب واهي ما تبي تفقد باجي شجاعتها .. ووصلت بالكلمه لاخر سطر ..ولكن حست ان الكلام للحين ظل بقلبها .. تبي تتكلم بس ماكو مجال .. رفعت عيونها اخيرا عن الاوراق وتكلمت من القلب .. ومن دون توقف..
((.. قد نقف اليوم بكامل شجاعتنا .. وبكامل قوتنا .. ونبدوا وكأننا نسوة لا يعلي عليهن .. لكن منا من يحترق حزنا على ذكريات مقعد الدراسه .. ومنا من يرتجف خوفا من المستقبل .. ومنا من ... يخشى ان ينزف الما من ما جرى بالماضي .. ولكن تظل الذكرى خير دواء لكل عليله او كل صديقه ...(بعض البنات مسحن دموعهن من كلمه سمر) .. الا انه .. اقف اليوم هنا .. وعيناي تنظران لمستقبلي .. لمصيري .. هاهو مصيري ارتسم .. وهاهو حلمي الذهبي يتكون .. ولكن .. ما زلت خائفه .. هل سيتحقق حلمي ... لا اكذب عندما اقول اني خائفه ( وعيونها بعيون يعقوب) خائفه منك يا مستقبلي ..... وشكرا))
التصفيق دوى من كل صوب.. الكل صفق لسمر من قلبه .. حمدان رفع الكاميرا وصور سمر واهي يحاول ياشر لها لكن عيونها كانت علىشي .. التفت قعد يدور على اللي سمرتطالعه .. وانصدم.. يعقوب ماغيره .. واقف وعيونه بعيون سمر .. يتطالعون اثنيناهم وكانهم عايشين بعالم ثاني .. مسرع ما اختفت سمر من على المسرح وراحت وراى الكواليس ..
الابله: الكل قال ان الكلمه اختربت لكن اخر السطور كانت جميله يا سمر .. بارك الله فيج ..
سمر تبتسم للمدرسه بدون أي تعليق عيونها مليانه دموع .. تحس وكانها محبوسه .. راحت قعدت عند كرسيها بالستيج .. تدور على دانه اللي كانت تطالعها واهي تمسح دموعها .. سمر نزلت دموعها اخيرا .. واهي تضحك من خاطر ..
تم توزيع الشهادات والهدايا ووصل الاسامي لعند : سمر ضاري الذري .. والتصفيق والتصفير كان مدوي لان قبل شوي سمر بكت جميع الحاظرين بكلمتها الشفافه على الرغم من انها تجمدت بس كملتها ونست الكل الخطأ اللي صار .. نزلت سمر واهي تمشي لعند المدرج واهي تمشي عيونها كانت ويا امها واخوها اللي كان يصورها.. بس مسرع ماالتفتت ليعقوب اللي قعد مكانه تمت تطالعه واهو يطالعها وبعيونهم جرى احلى الكلام بس محد سمعه.... ركبت سمر المدرج واهي شوي تزلق من على احد العتبات .. يعقوب يود على قلبه وسمى بالرحمن عليها .. اهي تفاجئت من الموقف وتضحك واهي تخبي ابتسامتها ..يعقوب يضحك ويهز راسه على دعاله سمر اللي وين ماكانت لازم تطلعها ..
ختاما لحفل التخرج عزفت الفرقه العسكريه النشيد الوطني الكويتي .. سمر كانت تطالع يعقوب واهو يطلع من المكان بالنشيد الوطني ومعاه واحد ثاني .. واختفى يعقوب من نظرها ينت .. وين بيروح ... نست كلمات النشيد ومخها الف فكرة وفكرة تجول فيه .. انتبهت الا رفيج يعقوب رد وقعد بالمكان اللي قام منه .. بروحه.. عيل وين يعقوب..
انتهى الحفل والموسيقى صادحه باغنيه فرقه ميامي نجحنا .. والكل يتصور ..ويهنيء للثاني .. سمر بس خلص كل شي نزلت من على الستيج تتسلم اكبر بوكيه يمكن انهدى لاحد من عند بنت عمها سارة وحظنت امها اللي كانت عيونها تلمع بالفخر وحظنها اخوها بعد وبارك لها .. سمر خذت سارة على جنب
سمر: سارة يعقوب رد من السفر مو؟
سارة بارتباك: شدراج ؟.
سمر تبتسم من قلب: كان هني سارة كان واقف ورى باخر الصفوف .. ما شفتيني يوم وقفت عن الكلمه ولاادري شنو صار فيني انصدمت يوم شفته بس اللحين اختفى ماادري وين راح
ويقترب منهم خليفه: السلام عليكم
سارة وسمر: وعليكم السلام والرحمه (سارة) هلا خليفه ها ييتوا ؟؟
خليفه: هيه يعقوب ما رام يصبر بقعده البيت وقالي نسير هنا .. (يطالع سمر) خطبه حلوة حيل مبروك
سمر باستغراب من هاذا الشخص إلى يتكلم بلهجه شوي غير مفهمومه:الله يبارك في حياتك ..
خليفه: سمر ممكن شوي من وقتج عن اذنج طبعا سارة
سارة: اوكيه
سمر راحت عند خليفه اللي كان اطول منها بوااااايد .. وكل البنات يطالعن الموقف بحقد وغيره.. زينه كانت وحده من البنات
زينه بقهر: مو كفايه يعقوب ولد عمها واللحين هاذا الرزه بعد
رنا: انتي شعليج خليها ويا اللي تبي اهي كيفها
زينه: لا والله ..
رنا والبنت الثالثه راحن عن زينه ولحقتهن ...
خليفه: اندوج (عطاها علبه مخمليه ذهبيه) هاي من عند يعقوب ويقول لج بعد ما تخلصين سيري عنده واقف عند بوابه الحرس .. (يبتسم خليفه لسمر اللي كان متخبل من جمالها وطفوليتها )
سمر ابتسمت له وراحت عند امها تقول لها انها بتطلع ويا البنات عزيمه مسوينها .. دانه بعد اختفت مرة وحده وسمرحصلتها فرصه عشان تقول انها ويا دانه ...
الناس وقفوا سمر يوم كانت تبي تطلع من الصاله .. اللي يهنيها واللي يبارك لها والابلات يبوسونها ويلون عليها .. البنات يمدحون خطبتها بس كل شي ما همها كثر ما انها توصل لعند الحرس وتشوف يعقوب ..
طلعت من المكان واهي حامله بوكيه الورد .. كان في لمه شباب بس طلعت سمر تموا يصافرون بس اهي ما عبرتهم وراحت تدور سياارة يعقوب .. تركض بين السيارات وماهي ملاقيته.. وقفت وشعرها يطير من الهوا .. بمنظر اثيري قعدت تتلفت ونظرة العجز بعيونها .. رن تلفونها اللي كانت حاملته بمخباتها رفعته شافت رقم غريب ..
سمر :الو
الطرف لثاني : الف الف مبروك
سمر ارتجفت .. من يكون: الله يبارك فيك .. من معاي
الطرف الثاني : انه سعد يا سمر ..
سمر انصدمت .. سعد .. اخر من توقعته سعد .. سعد الصديق الروحي اللي سمر عمرها ما نسته ..بعد سنه من الفرقه يتصل فيها ..
سمر بفرحه كبيرة: سعد .. شدراك اني تخرجت ..
يعقوب: سمر انه كنت هناك .. وانتي شفتيني
سمر باستغراب: مااظن (تدري ان عيونها ما فارجت يعقوب) انه ما طالعت احد اليوم
يعقوب: متاكده يا سمر ..
سمر: ايه متاكده ..
يعقوب: انزين طالعي جدامج ... سيارة بي ام دبليو عاجيه
سمر تمت تطالع جدامها مثل ما وصف لها .. ووقفت لقت يعقوب اللي كان واقف يطالعها .. بس لحظه .. سيارة بي ام دبليو.. عاجيه .. يعقوب واقف عندها .. ويعقوب يتكلم بالتلفون .. سمر ما قدرتستوعب .. شصاير.. يعقوب اهو .........
يعقوب: مفاجاه مووو؟
سمر حست انها بتموت .. طول ذيج الفترة .. سعد كان يعقوب .. سعد اهو يعقوب ويعقوب اهو سعد .. ذاك الشخص إلى احتارت بامر ه.. وشغل افكارها .. وسمع لمشاكلها .. محد غير يعقوب .. ليش يعقوب يسوي جذي ليش شنو يستفيد من هاذا الشي ..
سمر: يع.......يعقوب .. هاذا انت .. ليش .. ليش يعقوب ..
يعقوب : تعالي عندي .. وبتعرفين ..
وسد الخط .. سمر تمت واقفه مكانها والتلفون بيدها .. نزلت يدها .. ومشت لعند يعقوب بخطوات هاديه وساكنه .. يعقوب تم يطالعها ويراقب ملامحها .. كانت مشرقه لكن مو مبتسمه الحيرة بعيونها لكن الراحه مبثوثه فيها .. حس ان روحه بتطلع ليما توصل سمر .. وتوصل سمر لعنده .. توقف مقابلته... تطالعه وتطالع ملامحه .. كان اضعف عن قبل .. ووجناته بارزة اكثر بس عيونه مثل مااهي .. رموشه الكثيفه .. وعيونه اللوزيه ونظراته الناعسه
يعقوب: عطاج خليفه العلبه؟
سمر تنتبه للعلبه اللي بيدها وتوها بتفتحها لكن يعقوب يود يدها .. سمر انتفضت من مسكه يعقوب ليدها .. ويعقوب ظل ماسك يدها
يعقوب: سمر ممكن اخذج مكان نتكلم فيه قبل ما تفتحين هاذي العلبه .. سمعي اللي ابي اقوله .. وبعدين فتحي العلبه .. موافقه؟
سمر تحيرت .. وين تروح وياه .. شيبي يقوللها .. فكرت بالعلبه .. لايكون هديه حق حبيبته واهو يبي ياخذ رايهار باللي بالعلبه .. هاذي الظنون كانت ببالها تلعب بس حستها تافهه شوي لان اليوم عيون يعقوب فيها بريق ثاني .. نفس البريق اللي شافته يوم تناجره عند ممشى بيت بو حمد ونفس البريق يوم يلاقيها بالشارع بعد ما طلعت ونفس النظرة يوم اللي اعلن فيه انه بيسافر واهو يطالعها ... وبعد تردد وافقت ..
طلعت وياه السيارة ...
حمدان ونجاه وسارة كانوا طالعين يوم شافوا خليفه واقف يتكلم ويا مجموعه بنات كانن يطالعنه اثناء

________________________________________
الحفله واهو مستمتع حيل بالجو ما وعى الا على صوت سارة
سارة تبي تحرق قلب البنات بلعانتها: فديتك وينك ادورك من متى؟
خليفه مستعجب من سارة اللي يعرف عنها انها مخطوبه: هنى فديتج ...............................
سارة: يالله حياتي نروح البيت قلبي ماكلني على حمني
خليفه واهو يفتح ويغمض عيونه: حم ... حم امنووووووووو
سارة تمشي بعصبيه اونها زعلانه منه واهو يلحق وراها ويقول للبنات ..اسف اليوم هب يومكم ..
البنات انحبطن وراحن بعيد ..
لحق على سارة اللي كانت تضحك عليه
خليفه: احيدج مخطوبه ولا انه مغلط
سارة: لا مو مغلط بس انه متعوده على هالحركات واللعوزة .. انت لو شفت البنات شلون ميتين عليك والله ما قدرت ايود روحي عن هالتمثيليه ههههههههههههههههههههه
خليفه: هههههههههههههههههه اسميج شقايل هههههههههههههه
سارة ما فهمت شي بس شاركت خليفه بالضحك ...
سارة: وينه يعقوب
خليفه بجذب ما ينكشف: مادري عنه وين بس انه مستعيل وبروح البيت
حمدان: حياك نوصلك ..
خليفه: لا مااكلف عليكم
نجاه: افا عليك ياولدي لا كلافه ولا شي انت ارفيج يعقوب ولدنا وبحسبه ولدنا
خليفه: الله يخليج امايه ..
ركب خليفه جدام ويا حمدان وسارة ونجاه قعدن ورى بالستيشن البيضه ..

بسيارة يعقوب الصمت كان مستحل بالمكان ... لا سمر تتكلم ولا يعقوب .. اهو طلب منها ما تساله ولا شي قبل ما يوصلون للمكان اللي يبي يوصل له .. الدنيا غربت شوي .. والليل نزل ستاره على الناس .. وقف يعقوب السيارة عند البحر .. وين ماكان يقعد لين اهو متضايق .. طلع من السيارة وسمر للحين داخل .. طاف على السيارة ووقف عند باب سمر .. فتح لها الباب وقال لها تطلع .. سمر اطلعت عن يعقوب لانها عصبت شوي من الصمت اللي يمكن ينفجر بويهها واهي ما تبي تتالم
يعقوب حس انها متضايجه وبدى التردد يستحل فيه .. يالله يا يعقوب انت دارس الشي ومخطط له سمر زعلانه ومتظايجه .. خلها .. بس لازم اقول لها الللي بقلبي ...
سمر: قول اللي تبي تقوله بسرعه ما عندي وقت
يعقوب: اشفيك متظايجه
سمر: مافيني شي .. قول بسرعه
يعقوب حس انه يبي يلعوزها: انزين تبين حلاوة
سمر تطالعه من غير تصديق: صج والله
يعقوبيطلع لها كيسه حلاوةامنم : ها شوفي ماتصدقيني ..
سمر قامت عنه ولكن يعقوب قعدها واهو يضحك عليها
سمر: تتمصخر
يعقوب: لاء العوزج .. انتي للحين فلفل
سمر: لا نعناع
يعقوب: تخسين انتي نعناع انتي فلفل واحمر بعد ..
سمر: يعقوب
يعقوب: سمر
سمر بغير تصديق: يعقوب
يعقوب واهو شوي ويموت من الضحك: سمر
سمر: اقوم عنك احسن لي
وقفت سمر ووقف يعقوب وراها والدرب كان مليان حصى وشوي ظلام سمر تمشي من دون وعي تعرقلت بالحصى وشوي وتنجب على ويهها بس يعقوب يودها .. بعد ما اثبتت سمر بوقفتها قامت عن يعقوب واهي متصبغه حيل من الحرج: شكرا
يعقوب واهو يشوف شي غريب على ويه سمر لاولى مرة .. الحيا والوناسه المخفيه ولمع عنده امل عجيب: لاعادي تعالي كل يوم
سمر: هاااه لاتصدق عمرك .
يعقوب : وليش مااصدق عمري .. شاذي ولا جرذي
سمر: امم؟؟ الاثنين؟
يعقوب ابتسم وسمر بعد .. وقعدت على الصخرة مرة ثانيه..
الصمت بيناتهم كان اعمق من أي كلام .. يعقوب كان قاعد فكر شلون يفتح الحوار ويا سمر وسمر كانت تبجي من خاطر
سمر: يعقوب
يعقوب انتبه لصوتها الحزين: عيونه
سمر من دون ما تطالعه: يعقوب ليش سافرت.. ليش رحت استراليا .. ليش خليت الكل وهديت كل شي ورحت عنا .. (كانت تبي تقول عني بس ما طاع لسانها ) .. كنا بالحاجه اليك.. ابوك وابوي .. الشركه توزعت .. حمدان ملج وسارة وحمد بعد .. كل هاذا كان بلا طعم لنا من غيرك .. مافكرت فينا .. مافكرت بشعورنا واحنه مبتعدين عنك ... ولا ما فكرت بروحك ياللي بتتغرب عن ديرتك واهلك وناسك
يعقوب كان يحس بالالم .. تخنقه العبرة والحزن عم وصاله كلها ..
سمر كملت واهي تشهق بين الجمله والثانيه: كنت تقدر تقول لابوك عن اللي تحبها .. الاماراتيه .. كان بيخطبها لك وبتقعد ويانه .. ولا انك تفارجنا وتفارج الكل عشانها .. (التفتت تطالعه وتطالع ملامحه المتعجبه من اللي تقوله سمر وكان ولا شي من اللي تقوله اللحين يعنيه).. لهاذي الدرجه انت تحبها .. لهاي الدرجه اهي عايشه فيك ومخلتك بعيد عن الكل .. عن هلك وعن ناسك ...
يعقوب ما صدق روحه .. سمر تظن اني احب احد غيرها .. سمر تظني احب الاماراتيه الوهميه .. انسانه انذكرت كنكته ولا دعابه اهي للحين تفتكرها انسانه حقيقيه .. اه منج يا سمر .. شبكتي كل شي .. وبنيتي لي حياه وهميه من فكرج.. شنو اقول عنج .. االبراءة ولا طيبه النيه .. احبج يا سمر احبج .. لكن خليني اوريج الويل يا الياهل
يعقوب: ما اقدر اوصف لج يا سمر اشكثر انه احبها .. شفتي البحر اللي جدامج .. يطوفه ويطوف بحور العالم .. اهي مثل ترياق المرض اللي يشفني .. مثل بسمه الصبح اللي تبري خاطري .. مثل الروح اللي انحرم منها طول ماانه اكون ويا الناس بدونها ..
سمر ماستحملت اكثر : عيل ليش كنت تتصل فيني على انك سعد .. خليتني اعيش حلم جذاب ... مو من حقك يا يعقوب .. انت لعبت بحياتي .. لعبت بمشاعري ... وخليتني اخر الشي (كملت الكلام واهي تغطي ويهها )
يعقوب ما فهم اللي قالته : شنو؟
سمر ترفع يدها عن ويهها من دون ما تسمع سؤاله: مافكرت باحد جان فكرت فيني .. انه اللي عشت سنه كامله بالعذاب والقهر والالم .. وانه انتظرك انتظر منك كلمه .. لمحه .. شي يدل على انك تحمل شي عني .. وقبل شوي اكتشفت انك سعد .. فكرت انك يوم بالايام يمكن حملت شعور بقلبك تجاهي .. لكن لاء ( تهجد صوتها بالبجي) اتيي تسمني بكلامك عن اللي تحبها واللي قلبك ما يقدر يعيش من دونها .. يا يعقوب .. انه انسانه .. وانسانه تنكسر بسهوله .. لا تظن اني قويه بلساني .. انه قوتي كلها بلساني .. ولا قلبي .. قعدت مكانها واهي شابكه ذراعيها على ركبتها وراسها منكس ... تبجي حرقه حبها الوليد اللي ينزف قلبها ويعلن احتضاره.. لاول مرة يعقوب يحس بانه مجرم تجاه سمر .. بسفرته .. بابتعاده عنها .. لكن بغضون هالشي حس بالسعاده الكبيرة .. اكتشف ان سمر تحبه .. ولا اهو فهم نفسه انه يحبها يا ربي .. اللحين انه فاضي اسالها عن شعورها تجاهي ان كانت تحبني ولا لاء يا ربي شهالمصيبه ...
رفعت سمر راسها ووقفت : ممكن توصلني البيت
يعقوب: يا سمر انه ماكلمت كلامي..
سمر: ماابي اسمع زين .. ودني البيت
يعقوب: سمر تكفين
سمر: ممكن ..
يعقوب سكت وتم يطالعها
سمر: بتوصلني .. ولا لاء
يعقوب نفذ صبره: لا لا لا انزين شراح تسوين
سمر ترفع اكتافها: بمشي ليما الاقي سيارة توصلني ولا تكسي..
يعقوب: لا والله حلفي
سمر تمشي عنه لكن يعقوب يسحبها
سمر متعجبه منه: مو من حقك انت فاهم
يعقوب بقله صبر : جاب ولا كلمه .. وايد تتكلمين .. ما تيوزين عن طواله اللسان.. انتي جبي لااحذفج اللحين بالبحر انتي فاهمه
سمر ردت تبجي لانها حست بقله الحيله ومن لهجه يعقوب وياها: يعقوب ردني البيت تكفى ما اقدر شتبي تقول لي اكثر
يعقوب: مابردج كيفي بخليج هني الليله
سمر: لاو الله ليش عاد .. ليش تعاقبني .. انت اصلا مالك سلطه علي ..
يعقوب: الا لي سلطه عليج وعلى ابوج والي ياب ابوج يا بنت ظاري.. سمعي سمر .. انه صبرت عليج وايد .. ومن صجي فكرت بالكلام اللي ابي اقوله لج اثاريج للحين خايسه ما تسمعين الكلام .. انه لااحب اماراتيه ولا غيرها .. انه طول عمري حبيت بنت وحده وحاولت كل جهدي اني اخليها تحس فني .. ومبين اني نجحت ويوم نجحت طلعت البنت حمارة وما تبي تفهم ..
سمر حست بشعور غريب: من تقصد..
يعقوب هدت ملامحه وبصوت اهدى من موج البحر: انتي يالغبيه ... انتي ..
سمر ما صدقت عمرها .. كانت واقفه وشوي ملاصقه ليعقوب .. كانت تبان اقصر منه وتطالعه من فوق..
بغيرتصديق سمر تطالع يعقوب: ...................... انه
يعقوب يمسك بيد سمر: انتي كنتي دايما بقلبي .. من يوم ييتوا الاردن عشان تكملوا العدد .. قبلها كنتي بالنسبه لي بنت مثل كل البنات ..اول ما شفتج بالاردن وملامحج بدت تجمل وشكلج صار غير .. حسيت بنار تحرقني كل مرة اشوفج .. كنت اجذب على نفسي وانه اعاديج واقلب مشاعري للكره مع انها كانت كلها حب ..بينما انتي كنتي بقلبي وبعقلي ولا فارقتي احلامي طول 4 سنين .. سكت بالاول لاني كل مرة ابي اكون وياج مثل الصديق اكسبج واكسب ودج كنتي تناجريني وتدورين المشاكل بيناتنا .. كرهتيني بنفسي وبحياتي .. من بعد ما تغيرتي وصرتي بنت كل من يغرم فيها من اول نظرة تحولت مشاعري ناحيه الكل الى الوحشيه .. تصدقين اني غرت عليج حتى من سارة اختي ..عاديت سارة وعاديت اللكل .. لكن بعدين رضخت وقلت ما ردج يوم بالايام بتتغيرين خارجيا لكن جوهرج ماتغير .. حسيت اني بموت ان ما تواصلت معاج باي طريقه .. ومكالمه ذيج الليله غيرت كل شي بحياتي .. خذيت رقمج وبديت اكلمج على اني سعد .. اكسب ودج واكسب محبتج ..لكن بعد ماحبيتني .. يمكن وديتني لكن ماحبيتي سعد .. انه مت من القهر .. وحاولت اعرف ليش انتي للحين ما انجذبني لشخصيه سعد .. وبعدين يت سالفه حمد وردته من السفر .. بذيج الليله يوم تهزبيني انه كنت متظايج من كلام رغد قالته وحمد ضحك عليه وقال انه بس لعب عيال .. انه مانسيت سمر وظليت اكتم واكتم ابجي بحرقه قلب محد يدري عنها .. بعدين حاولت اتناسى او افكر على ان اللي انقال كان بس نتيجه وجود شخص يديد بالعايله وانتي بنت مثل أي بنت ..انعجبتي بشخص حمد لا نسى بعد علاقتج وياه ..عقب حاولت اكسبج بكل الطرق .. حتى اني اخترعت بنت عشان اخليج تغيرين .. وامبين ان مخج هاذا حبك القصه كلها وبنى لي حياه خاصه فيني .. وصلت الامور ليما عرفت عنج انج تحبين حمد .. (يعقوب ترك يد سمر وراح وقف مجابل البحر) .. انه انهدت كل احلامي وخططي وقوتي .. حسيت اني خلاص .. فقدت الامل في حبج وان خلاص .. مستحيل انه وانتي تكون لنا حياه بهاذا الزمن .. حاولت اني انساج بوجودج .. ما قدرت .. كنتي جدامي وقربي لكن بعيده عني .. حاولت انتقم منج .. اكره قلبي فيج .. ماقدرت ( التفت لها ) كنتي اقوى من هالاشياء وحبي لج كان اقوى واعظم من هاذي المشاعر .. من بعد ما تحدد كل شي لسارة وحمد .. انه كنت حاسب انج تحبينه وانج وافقتي على الخطبه مثل ما وافق حمدان . لانكم ما حسيتوا ان مالكم نصيب بالاثنين..
سمر قاطعته: لكن انت طلعت غلطان.. انه ما وافقت الا لان سارة قالت لي شكثر تحب حمد .. ولاني بديت احس اني ما كنت احب حمد مثل ما كنت متصورة انما انه كنت احس فيك بس وجهت هاذي الاحاسيس لحمد .. انت كنت دايما بقلبي يا يعقوب .. بس كنت مخبيه حبي لك بامل اسمه حمد ..
يعقوب يتقرب منها: عيل ليش طلعتي بذاك اليوم
سمر: ماادري .. شفت شي غريب بين سارة وحمد .. قعدت افكر ان اللي يصير خيانه .. كرهت ان حمد يكون نفسه اللي تحبه سارة وانه انا اكتشفت هذا ولا قالت لي .. طلعت من البيت بعد لاني ماقدرت اطالع بويهك كنت اعرف اني احبك بس مااعترفت بهاذاالشي لنفسي ..كان ويهك يجرحني وابتساماتك لغيري تاجج الغيره بقلبي ..
يعقوب: من جذي ناجرتيني يوم قلت اني بسافر
سمر تبتسم: ذاك اليوم .. انه كنت متعدله على اخر كشخه ابي اغريك واخليك تنسى الاماراتيه (تضحك سمر)
ليما قلت لي عن السفر (وكانها عادت لذاك اليوم) حسيت اني بموت .. روحي طلعت .. ليش بتروح .. ليش بتسافر اللحين .. شنو راح تسوي هناك.. الف سؤال والف ظن والف طعنه تطعن روحي .
يعقوب يبتسم: عسى ما نزفتي وايد
سمر: وايد نزفت .. بدال الدم الدموع .. ما مر علي يوم الا وبجيت عليك.. لين امل بالمدرسه اذكر اليوم اللي خذيتني .. امر بدرب المدرسه كل يوم بالشارع وين مالقيتني واوقف وانه اطالع .. كنت بكل مكان يا يعقوب .. كل مكان..
يعقوب طالع سمر .. اقترب منها , باسها على يبهتها .. وحظنها .. لماها بكل هدوء وحنيه .. سمر كان ودها ترتاح بس ظلت تبجي .. تبي تبجي لاخر مرة ويعقوب ما كان يبين عليه الاعتراض .. تمت تبجي ..
بعد فترة.... باعد يعقوب سمر ..
يعقوب: اللحين فتحي العلبه ..
سمر فتحت العلبه .. شافت الشي يلمع بعيونها .. كانت عباره عن خاتم ذهب ابيض مرصع بماسه متوسطه الحجم على شكل قلب .. سمر تمت تطالع الخاتم بانبهار .. ورفعت عيونها ليعقوب
سمر : هههههههههههههههه خاتم ماس .. شقصدك
يعقوب ياخذ الخاتم من العلبه ويلبسه سمر: سمر .. انه مااتمنى بحياتي غيرج .. ولا ابي احد يدخل حياتي غيرج .. ابيج تكونين سمر حياتي .. وانه اكون يعقوب حياتج .. شرايج .. تتزوجيني؟؟
سمر: ما يصير جذي .. نسيت اننه عرب ..لازم تخطبني بشكل رسمي من ابوي .. انه مو اميركيه تعطيني خاتم ماس وتقول لي تتزوجيني .. سامع؟
يعقوب : اااااااااه يا مادلين .. لو ماعطج خاتم ماو جان رقصتي من الفرحه
سمر طقت يعقوب: ماكو مدلين من يوم ورايح فاهم ..
يعقوب: هيه لاتطقين لا ارفسج اللحين
سمر: انت بس جرب..
يعقوب رفس سمر بخفه لكن سمر انطوت ريلها بس يعقوب يودها قبل لا تطيح: يعقوب
يعقوب يقلد عليها: يعقوب
سمر: ودني البيت بسرعه
يعقوب: ودني البيت بسرعه
سمر : اووووووووووهووو مصختها
يعقوب: اووووووووووهووو مصختها
سمر: يعقوب
يعقوب : يعقوب
سمر واهي تمشي عنه : لين خليت عنك اللعب كلمني سامع؟؟
يعقوب مات من الضحك: وين رايحه
سمر تركب السيارة: البيت بعد وين .. ولا يكون ببالك تييبني هالمكان مرة ثانيه .
يعقوب يركب السياره: انتي حمارة تدرين
سمر : هااااااااااا.. انه حمارة.. صج انك سبال
يعقوب: ها ها ها تحدي هالشكل ان فيج خير
سمر: والله انك مغتر بروحك لا يسمعك انريكه
يعقوب: يخسي انريكيه واللي يابوه وطوايفه كلهم ايبون شكلي ..
سمر تبتسم: في هاذي انت صاج ..
يعقوب بزهو: عيل شنو عيل
سمر: تدري اليوم البنات يقولون لي اني صايره مثل شاكيرا..مو؟
يعقوب: تخسي شاكيرا واللي يابتها تييب ظفر ولا ملمح من ملامحج يا حبيبي انتي احلى عنهن كلهن يا بعد قلب يعقوب التعبان.
سمر: هههههههههههههههههههههههههههههههههه يع شهالكلام صج ما تعرف تغازل
يعقوب بغرور: انتي تتحديني .. اوريج .. احبج احبج يا سمر احبج ..
سمر: ههههههههههههههههههههههههه بس عاد ههههههههههههههههههههه
يعقوب: احبج يا سمر .. واحب خدودج واحب الارض اللي تمشين عليها
سمر: يع خياس تراب وغبار ..
يعقوب: ماعليه كله يهون
سمر: بتقعد تعطس لي
يعقوب: كل عطسه تشهد بحبي لج يا روحي احبج احبـــــــــــــــــــــــج
سمر تمت ناقعه من الضحك على يعقوب واهو يتغزل فيها بالدرب .. السيارة كانت تمشي بسرعه 60 ويعقوب ولا سكت وسمر تضحك عليه ..
يوم وصلوا عند بيتهم ..
يعقوب: لازم تروحين يعني
سمر واهي مسنده راسها على الكرسي ومجابله يعقوب: لمتى اقعد وياك يعني .. لازم اروح
يعقوب: انزين ........... ( اهو يلعب باعصابها)............. باتي في بيتنا اليوم
سمر: شننوووووووووووووووووووووووو (تسحب يدها ) اثاري استراليا خربت مخك
يعقوب: لا سمر بس ..ابي احس بوجودج ..
سمر: حط صورتي عندك
يعقوب بحيا: ما عندي صورتج..
سمر تبتسم .. تبي صورتي
يعقوب : لا .. ماابي ..أبيج انتي .. خلينا نروح نعرس سمر ..
سمر: هههههههههههههههه والله انك امريكي
يعقوب: امريكي من الزين بعد ...
سمر: هههههههههههههه لا حبيبي .. انتظر يومين .. وتعال اخطبني من ابوي .. وشوف اللي يردك ..
يعقوب: يومين .. لا لا وايد يومين .. باجر انه بيي ويا ابوي ... تعااااااااااااال ابوي مسافر هئ هئ هئ سمر وافقي يالله اللحين ادق على حمدان وعلى خليفه ارفيجي ويصيرون شهودنا ..
سمر: اوووووووووه حبيبي بس عاد لا تحن وايد .. انتظرت اربع سنين ما تنتظر يومين .. ولا اقول لك يومين شويه خلهم سبوعين ولا شهرين.
يعقوب بوسع عيونه: طااااااااااع هاذي .. ماادري اهفج بكف للحين .. اقولج يومين وايد تقولين لي شهرين صج تقهرين
سمر: هههههههههههههههههههههههههههههههههههههههههههههههههه ههههههههههههههههههههههههههههههه
يعقوب: يا ويل حالك يا يعقوب.. سمر كفخيني خليني اتاكد انه نايم ولا صاحي
سمر: بكل سرور
وبالفعل عطته كف ولكن خفيف.. يعقوب حس بافجأة
يعقوب: اللحين دورج
سمر: خههههههههههههههههه لا يوبا انه متاكده اني صاحيه بس اللي قاعد يصير جزء من احلامي .. احبك يعقوب .. احبك
يعقوب تم يطالع سمر بنظرة كلها حب وما قدر يتكلم .. رن التلفون وانتبه يعقوب له .. كان اربيعه خليفه
يعقوب ألسلام عليكم
خليفه: سود الله ويهك يالسبال مخلني هني بالبيت بروحي وسايح ويا حبيبه القلب .. ولا خبرتني على الاقل شصار بينكم وانه اترياك يالخبصي .. صج انك ما تستحي ولا تعرف الحيا ولا ميادينه.. وسارة بعد يننتني خلاص مااستحمل انه ..
يعقوب: هههههههههههههههههه انه وين يا خليفه وانت وين ........... انه عايش بالجنه يا خليفه ..
خليفه: شو شو شو .. ها سيحتها
يعقو ب: كلها
خليفه: وابويه عليك ثراك هب هين يا ولد شاهين . احيدك حمامه شللي سواك صقر
يعقوب يطالع سمر ويبتسم: يكفي انها تحبني .. هاذا يخليني اقوى من الدنيا كلها ..
سمر ابتسمت ونزلت راسها من الحيا ..
خليفه: وابويه ماروم انه مااروم .. الا اقول لك اتصلت فيني امايه اليوم وقالت لي عن بنت عمي .. يبوني ارد دار بو خليفه يعلني افداه بسرعه عسب تتم الخطبه
يعقوب حس باربيعه وحزنه: شحاللك انت اللحينه
خليفه يتنهد: الموت حق يا يعقوب .. حق
يعقوب: خل عنك هالرمسه وقوللي .. شرايك نتزوج بنفس الليله
خليفه: وابويه لا حبيبي .. ابى اتهنى بليلتي ويا حرمتي ماابىاشارك احد وبعدين امنو اللي بيول ويرزف بعرسي هااه.. ارمس.
يعقوب: أي والله بس عيل .. انه قبلك وانت وراي
خليفه: على رمسه امايا انه معرس قبل لا ارد استراليه .. ماعلينا يالله رد البيت خلنا نعفد على السنتر قبل لا يسكرونه لاارد الليله بو ظبي .. ها شورايك
يعقوب: ان شالله مسافه الدرب .. في وداعت الله
خليفه: في حفظ الرحمن

سكر الخط وقعد يطالع سمر ...
سمر: ههههههههههههههههههه حمد لله والشكر والله ما شبعت ..
يعقوب: لا
سمر: يالله حبيبي .. انه بروح اللحين اوكيه
يعقوب: يالله روحي
سمر منصدمه: انزين ما بتودعني
يعقوب للحين يطالعها : لا
سمر: هاو .. ليش ..
يعقوب: كيفي ..
سمر: هههههههههههههههههههههه انزين اقلب ويهك لا تطالعني جذي والله يضحك شكلك
يعقوب: كيفي
سمر: باجر الخميس
يعقوب: ويعني ..
سمر: باجر تعال اخطبني من ابوي ..
يعقوب: ماني ...... ها .. هاه شنو.. اكيد .. اعتمد سمور اعتمد حياتي ؟؟
سمر : هههههههههههههههههههههههههههههههههههههههههههههه ما صدقت ويه على عمري عليك هههههههه احبك
يعقوب: تلعبين باعصابي .. فارجي يالله
سمر: ههههههههههههه انزين
قبل لا تطلع سمر يود يعقوب قلبه : تعالي وين رايحه
سمر: توك طاردني
يعقوب: انتي تبينها من الله يعني ..
سمر: هههههههههههههههههههههههههه ما قلت لي فارجي ؟؟
يعقوب: فارجي مو تطلعين
سمر: والله
يعقوب: وللله
سمر: لا صج
يعقوب: لا صج
سمر: اووووووووووف ردينا
يعقوب: اووووووووووف ردينا
سمر طلعت من السيارة ولحقها يعقوب:.. وصلت عند نص الممشى ويعقوب يناديها
سمر: اص لا ا حد يسمعك
يعقوب بهمس : سمر .. نطريني سمر
سمر: هههههههههههههههههههههههههههههههههههههههههههههههههه هه
يعقوب وقف مجابلها : يا عيني .. تدرين اموت على ضحكتج بس اموت على اسنانج اكثر ..
سمر: والله هههههههههههه الله يخلي الدكتورة ماجده.. هههههههههههههههههههه
يعقوب: يعلني افدا راس امج يا ماجده على ظروس حبيبتي
سمر: ياللله حبيبي .. باجر اجازة وتعال البيت اللحين الناس ليل اشفيك ..
يعقوب: حبيبتي ما شبعت منج والله ما شبعت ..
سمر: بتيي الايام وبتشبع مني ..
يعقوب تافاف مثل اليهال .. قعد يطالع الزراعه اللي عند الباب وشاف جوري مزروع راح عنده وقلع وحده .. عطاها سمر ..
يعقوب: لا تنسيني .. حلمي فيني الليله
سمر: ماعندي وقت
يعقوب: بتصل فيج..
سمر تمشي للباب: راح اسكر تلفوني
يعقوب: بتصل فيج من تلفون البيت
سمر: بنزع الفيشه
يعقوب: بركب لج البلكون
سمر وصلت عند الباب : بقفلها ..
يعقوب: تتحديني ..
سمر: أي ... أتحداك
يععقوب: ان طحت وتعورت وتكسر راسي انتي المسؤوله ..
سمر: ان طحت بيودك .. وان بعد طحنا بنتكسر مع بعض ..
يعقوب: احبج سمر ..
سمر: وانه بعد ... احبك يعقوب
يعقوب بهمس: طولي على صوتج مااسمع ..
سمر : تعال عند البلكون..
دخلت سمر البيت ويعقوب ركض لعند السياج فتح الباب ووقف عند البلكون .. طلعت له سمر ..
سمر تصرخ باعلى صوتها : احبك يا يعقوووووووووووووووووووووووووووب المينون
يعقوب مات من الضحك عليها دخلت سمر عنه . . وتم ينتظرها .. طلعت له بعدين
يعقوب: وين رحتي تولهت عليج
سمر: هاك
رمت سمر دفتر .. لقفه يعقوب .. شاف مكتوب عليه الى حبيب حياتي
يعقوب: شنو هاذا
سمر: طول ما كنت مسافر كنت اكتب الكلام اللي ابي اقوله لك لوكنت معاي .. ابيك تقراه كامل .. وداخل بعد في صورتي .. اذا تبيها يعني ..
يعقوب: الا ابيها .. الا بسوي عليها كوبي وبعلقها بغرفتي
سمر: يالله حبيبي روح اللحين قبل لا احد اييك
يعقوب: انزين ما قلتي لي ..
سمر: شنو
يعقوب: احبك يايعقوب
سمر: واللي قلته اللحين بالصراخ شنو هاذا
يعقوب :هاذا صوتج صج حرمه سمعي هاذي .. احبج يا سمررررررررررررررررررررررررررررررررر
هز يعقوب المكان بصوته وسمر يودت على قلبها بس ماتت عليه من الضحك .. يعقوب مشى عنها لسيارته .. وقبل لا يروح طلع من الدريشه الللي بسقف السياره : احبج سموووووووووووووووووووووووووووووووووووور
سمر تمت واقفه مكانها ليما اختفى يعقوب .. واهي تطالع السما .. الحمد لله رب العالمين ..
ودخلت دارها
يعقوب بالسياره كان قاعد يطالع صوره سمر .. حطاها عند صدره وكمل دربه ... وعند احد الاشارات وقف والتفت للدفتر .. اول صفحه كان مكتوب فيها (.. رثاء عاشقه لقلبها ..)
(.. حبيبي .. احبك كحب الشمس للقمر .. واعشقك كعشق السماء للارض .. لم اعرف متى احببتك لكن اعرف الى متى ساظل احبك .. .الى الابد ... يا ولد العم ..)
سكر يعقوب الدفتر وكمل الدرب ...... درب حياته اللي عاش سنين من عمره واهو يرسمه لوحده لكن من يوم ورايح.. ما راح يكون لوحده .. راح تكون معاه سمر .. ترسم الحلم وياه ... الا الابد ...................

تــــــــــــــــــــــــــــــــــــــــــــــــمت

waw ktiir 7ilwa
7abbitha ktiir

جميله جدا جدا ورائعه جدا

ما شاء الله يسلمو ووفقك الله