لو يسألوني قصة سعودية - الصفحة 3

27-12-08, 03:15 PM

المشاركة رقم: 11

المعلومات
الكاتب:	dali2000

البيانات
التسجيل:	Sep 2006
العضوية:	13121
المشاركات:	13,907
الجنس	ذكر
معدل التقييم:
نقاط التقييم:	4990

االدولة

مدونتي

الإتصالات
الحالة:
وسائل الإتصال:

كاتب الموضوع : dali2000 المنتدى : القصص المكتمله

خلصت إجازة الصيف..ريم واهلها رجعوا للرياض..وريم ما تدري عن يوسف..ولا وصلها اي شي منه..بدت الدراسة..ريم ماخذة هم هالسنة مرة..تعرفون البنت صارت بثالث ثانوي..يعني لعبها واستهبالها بثاني لازم تنساه..)
(اما يوسف فحالته ما يعلم فيه الا الله..مهمل نفسه وشغله كره الدنيا من بعد امه..البيت بعينه ما يسوى شي من دونها..اخوانه حاولوا فيه اكثر من مرة انه يهتم بصحته ونفسه لكن بدون فايدة..)
عبدالرحمن: يوسف افتح الباب..
يوسف: ...........
عبدالرحمن: يوسف الله يهديك قم افتح لي الباب..
(يوسف فتح الباب)
عبدالرحمن:ليش يا يوسف ؟؟ ليش تسوي بنفسك كذا ناظر شلون صاير شكلك..يعني الحين انت متوقع لو امي عايشة كان رضت باللي انت قاعد تسويه..
(يوسف يوم سمع طاري امه..قعد يصيح..)
عبدالرحمن: قم يله غسل وجهك..وغير ملابسك وقم معاي..بنطلع مشوار..
(وبعد الحاح شديد من عبدالرحمن اقتنع يوسف انه يطلع مع اخوه..)
عبدالرحمن: هاه يوسف وش رايك نمر لمى ؟؟
يوسف: لمى !!
عبدالرحمن: ايه لمى الي صارت حالتها اسوأ منك مو عشان امي الا عشانك انت..البنت شايلة همك..تحاول تتصل عليك بكل وقت بس انت ما ترد عليها..يعني انت نسيت نفسك ونسيت اللي حولك..نسيت ان فيه احد يسال عنك ويدور مصلحتك..يعني من جد على كثر ما انشغلنا عليك لمى كانت منشغلة اكثر مننا كلنا والله يا يوسف حرام اللي تسويه..
يوسف:...........
(حس يوسف بالكلام اللي قاله اخوه وحس انه غلطان بحق لمى وبحق اخوانه..)
(مروا على لمى وطلعوا تمشوا شوي..بعدين رجعوا للبيت..دخل يوسف على طول على غرفته..ولمى لحقته ودخلت وراه..)
يوسف: لمى معليش انا ابي ارتاح شوي..
لمى: ما راح اطلع بقعد معاك هنا..
يوسف: والله تعبان يا لمى خلاص اشوفك بعدين..
لمى: قلت لك ما راح اتحرك من هنا..
يوسف:........
لمى: يوسف ارحم نفسك وارحمنا معاك..والله العظيم اني خايفة عليك...
يوسف:...........
لمى: ادري انه صعب اللي قاعد تمر فيه يعني هذي امك وامنا كلنا بس هذي هي الدنيا يا يوسف الواحد لازم يرضى باللي ربي كتبه..
لمى: انت لازم تعيش حياتك..اكيد ما راح تنساها بس هالشي مو بيدنا..مهما عشنا فنهايتنا كلنا وحدة..
(تسكت لمى..ما تدري وش تقول اكثر من اللي قالته..وهي عارفة ان كلامها هذا ما راح يخلي عمها يقتنع بسهولة..تذكرت لمى ريم.. اللي كان يوسف يتكلم عنها..وتذكرت كيف كان متعلق فيها..وقالت ما فيه حل الا انها تقولها السالفة وهي تحاول تطلعه من اللي هو فيه..)
(فكرت لمى بطريقة تاخذ فيها ايميل ريم!!)
لمى: يوسف..
يوسف: هلا..
لمى: معليش تفتح لي الانترنت شوي ابي اشوف ايميلاتك؟؟
(يوسف يفتح لها ايميله وهو مو فارقة معاه.. ولا حتى سالها عن السبب..اخذت لمى ايميل ريم وسوت لها اد..وبعدين سكرت الكمبيوتر..)
لمى: عمي تاخر الوقت انا لازم ارجع البيت..
يوسف: اوكي انتبهي لنفسك..
لمى: مع السلامة..
يوسف: مع السلامة..
(ومرت الايام..ومرة من المرات كانت لمى اون لاين ولقت ريم موجودة..)
لمى: اهلين..
ريم: هلا والله..
ريم: انا اعرفك !!
لمى: امممم لا ما تعرفيني..
ريم: اها اهم شي انك بنت باين من ايملك صح ؟!
لمى: هههه ايه بنت لا تخافين..
ريم: لوووول
(ومع الايام تعرفت لمى على ريم اكثر..وعرفت اخلاقها وارتاحت لها وقررت انها تقول السبب اللي خلاها تضيفها من البداية..)
لمى: ريم..
ريم: هلا
لمى: تبين الصراحة..ترى انا ما جبت ايميلك من فوروورد زي ما قلت لك..
ريم: اها ومن وين جبتيه اجل ؟؟
لمى: من شخص..وهالشخص تعرفينه زين..
ريم: اعرفه زين !! مين ؟
لمى: يوسف..وانا لمى بنت اخوه..
ريم:...........
لمى: عرفتيني !!
ريم: هلا والله لمى ايييه وش دعوة عرفتك..
لمى: هلا فيك..
(ريم ودها تسال عن يوسف..وتشوف هو ليش ما يدخل كل هالمدة..بس ما عرفت شلون تسال..واخيرا تجرأت..)
ريم: ايه وش اخبار يوسف؟؟ من زمان ما شفته؟؟
لمى: يوسف..الله يعينه اذا احنا مو فاضي لنا شلون بيفضى للانترنت..
ريم: شلون يعني ما فهمت ؟!
لمى: والله يا ريم انه من بعد ما توفت جدتي الله يرحمها وهو ما يطلع من البيت..يعني مهمل نفسه والدنيا من حوله ماشية وهو ما يدري عنها..ما يحاول انه يرجع لحياته الطبيعية ابد..
ريم:...........
لمى:كلنا حاولنا معاه نكلمه ونقعد معاه لكن ما يقتنع..
ريم: اها وانا طول الوقت ظنيته ملتهي بشغله..طلع كل هالفترة وهو بهالحالة..
لمى:........
ريم: ايه صح جدتك الله يرحمها متى ماتت ؟؟
لمى: يوم كنا بلندن..العملية ما نجحت..
ريم: اجل صحيح الاخبار اللي سمعناها عن وفاتها..
لمى:.........
ريم: اسفة لمى شكلي ضيقت صدرك..
لمى: لا مو عن ضيقة الصدر..بس والله تدرين احس ان جدتي ارتاحت من الدنيا..بس على كذا لها فقدة..يعني اذا رحنا بيتها كل شوي احسها بتدخل علينا..
(ريم ساكتة..وما تدري وش تقول..حست ان لمى متأثرة بس حاول تخفي هالشي..)
لمى: ريم..
ريم: هلا..
لمى: ابي اطلب منك طلب ممكن ؟!
ريم: ايه اكيد تفضلي..
لمى: ابيك تكلمين يوسف..وتحاولين تطلعينه من الحالة اللي هو فيها..وانا ما طلبت منك هالطلب الا وانا عارفة انه يسمع كلمتك ويحترمها..
ريم: ايه لمى اكيد ما عندي مانع بس انتي خليه يدخل وانا راح احاول فيه..
لمى: ايه ان شاء الله من هالناحية انتي ما عليك انا راح اخليه يدخل..
ريم: اوكي وانتي قولي لي متى بالضبط عشان ادخل والقاه موجود..
(اتفقوا لمى وريم على يوم وساعة معينة..وتواعدوا يشوفون بعض بهالوقت..)
وبهاليـــــــــــوم..
ريم: يا ربي الحين لو شفته وش راح اقول.. والا كيف بطلعه من اللي هو فيه..
( قعدت ريم تفكر..هي حاسة انه ما راح يسمع كلامها..يعني اذا الكل حاولوا معاه ولا سمع منهم وش بيخليه يسمع منها هي..)
(دخلت لمى..)
لمى: اهلين ريم..
ريم: هلا والله..
لمى: كيفك ؟!
ريم: تمام انتي كيفك؟؟
لمى: الحمدلله بخير..
لمى: لحظة ريم بنادي عمي يجي يكلمك الحين..
ريم: اوكي..
لمى: يوسف تعال شوي..
يوسف: هلا لمى وش عندك ؟!
لمى: لا بس فيه احد يبي يكلمك..
يوسف: احد يبي يكلمني ؟!
لمى:ايييييه يله تعال..
يوسف: مالي خلق اكلم احد..وبعدين الله يخليك مين هاللي يبيني!!
لمى: اقوووول تعال شوي..
يوسف: طيب..
(قامت لمى وخلت يوسف يقعد..واول ما قعد شاف البوكس اللي فيه ريم..في البداية ما استوعب بس تاكد انها ريم من ايميلها..)
يوسف: لمى من وين جبتي ايميلها ؟!
لمى: ما عليك..يله كلمها البنت تنتظرك..
يوسف: !!
لمى: بروح شوي..ما ابي ارجع القاك ما كلمتها اوكي ؟؟
يوسف: اوكي !!
يوسف: اهلين ريم..
ريم: هلا والله...يوسف !!
يوسف: ايه انا يوسف..كيفك ريم ؟!
ريم: الحمدلله بخير..انت كيفك ؟!
يوسف:والله بشوفتك صرت احسن بكثير..
ريم:تسلم..
يوسف: الله يسلمك..
ريم: يوسف انا حاولت اسأل عنك باكثر من ايميل لكن كل مرة ارسل القى ايميلك مليان..
يوسف: ايه ريم اعذريني انا من يوم وفاة امي ما دخلت الانترنت..واكيد امتلى ايميلي..
ريم: لا عادي بس حبيت اقولك اني سألت عنك..
يوسف: ما تقصرين..
ريم: المهم انت كيفك وكيف شغلك ؟!
يوسف: شغلي !! ما ادري عنه من بداية السنة..
ريم: شلون يعني..لا يكون ما تداوم !!
يوسف: للاسف ايه ما اداوم..
ريم: ليه يعني فيه شي مشغلك عن الدوام..؟؟
يوسف: لا..ما صار شي يشغلني ولا يهمني من بعد امي..حتى طلعة من البيت ما اطلع..يا ريم احس كل شي بحياتي ما يسوى من بعدها..
ريم:يعني ناوي تكمل باقي حياتك كلها كذا ؟! لا دوام..لا طلعة من البيت...
يوسف: والله يا ريم حاولت ارجع مثل ما كنت بس ما قدرت امي كانت ما تغيب عن عيني ولا لحظة ولو حصل وما شفتها..فهي طول الوقت ببالي..هذي امي يا ريم..
ريم: والله عارفة يا يوسف..عارفة شلون صعب الواحد يفقد احد عزيز عليه..بس اللي تسويه هذا ما يرضي امك لو كانت عايشة..والاهم من كذا ما يرضي ربك..
يوسف: والله ما اقدر يا ريم..والله اني ما اقدر اروح للشغل..وانا عارف اني لو رجعت للبيت ما راح القى امي اللي لازم اول ما ادخل ابوس راسها..ولا اقدر اضحك وانا عارف انها ما تضحك معاي..
ريم: لا يوسف ان شاء الله بتقدر..اللي ما تقدر عليه هو انك تكمل حياتك بدون هدف او معنى..بس تاكل وتنام !! هذي مو حياة.. حتى الاكل يمكن ما تاكله..
ريم: انا اقول انك تعيش حياتك..وتشتغل..وتطلع..تشوف اهلك واصدقائك..ومع هذا كله لا تشيل امك عن بالك..ولا تحرمها من دعواتك..وبهالطريقة تعيش مبسوط وتسعدها..
يوسف:...........
ريم: ابيك توعدني الحين يا يوسف انك ترجع مثل اول واحسن..اسمع كلامي هالمرة..
يوسف:ما ادري..بس ان شاء الله بحاول..
ريم:وش بتحاول..انا ابي منك كلمة الحين..
يوسف:...........
ريم: هاه وش قلت وعد ؟!
يوسف:............
ريم: يله لا تفكر ما يحتاج تفكير قولي انك توعدني..
يوسف: ريم...احبك..

<<<<<<<<<<<<<<<<<<<< يتبع

27-12-08, 03:20 PM

المشاركة رقم: 12

المعلومات
الكاتب:	dali2000

البيانات
التسجيل:	Sep 2006
العضوية:	13121
المشاركات:	13,907
الجنس	ذكر
معدل التقييم:
نقاط التقييم:	4990

االدولة

مدونتي

الإتصالات
الحالة:
وسائل الإتصال:

كاتب الموضوع : dali2000 المنتدى : القصص المكتمله

الجــزء العاشــر
======

(بعد ما سمعت ريم الكلمة اللي ما كانت متوقعتها تنقال بهالوقت ما عرفت وش تقول له والا وش المفروض انها ترد عليه الحين..)
ريم:............
يوسف: يا ريم والله ما كنت راح اتجرأ يوم من الايام اني اقولها..وانا ما كنت متاكد من هالشي اصلا..لكن والله بعد كلامك لي ومن بعد اللي قلتي لي اياه..تاكدت اني احبك وتاكدت انك الانسانة اللي اختارها قلبي..
ريم:...............
(يوسف عارف انه صدم ريم بكلامه..لكن غصب عنه طلع الكلام..ما قدر يخليه بقلبه وخاصة انه متاكد انه يحبها..)
(بعد ما سكتوا ريم ويوسف..وكل واحد منهم ما يدري وش يقول للثاني..)
ريم:يوسف..انا لازم اطلع الحين..يله باي
(حس يوسف انه حط ريم بموقف صعب..فما حب انه يضغط عليها وتركها تطلع براحتها..)
(اول ما قالت باي طلعت ولا حتى انتظرت منه اي رد..فجاة دخلت لمى على يوسف بالغرفة..)
لمى:هاه عمي بشرني عن ريم واخبارها ؟؟
يوسف: نعم !! (يوسف مو مستوعب ولا مركز وش لمى قاعدة تقول..)
لمى:هههه وش اللي نعم..شكلك مضيع..اقوووول شلون ريم بشرني عنها؟؟
يوسف: اها ريم..الحمدلله طيبة..
لمى:ايه ووش بعد قالت لك ؟؟
يوسف: لمى معليش انا لازم انام الحين لان بكرة وراي قومة بدري..قررت ارجع اداوم..يله تصبحين على خير..
لمى: !! (لمى مو مصدقة اللي قاعدة تسمعه..بيداوم!!..معقولة قدرت تقنعه بهالسهولة..لا ومن محاولة وحدة بس..شكله من جد يحبها!!)
يوسف: وش فيك ؟!
لمى:لا..ولا شي..سلااااامتك..وانت من اهل الخير..
لمى:انا بعد برجع لبيتنا الحين..مع السلامة..
يوسف:مع السلامة..
(اما ريم اللي طلعت وهي ما تدري وش تسوي..ما تقدر تقول لاحد على اللي صار..هي بالعادة مالها الا امها تشكي لها..وتسالها عن كل شي صعب عليها..بس هالمرة الموقف غير..لا يمكن تقدر تسال امها..وش بيكون ردة فعلها!!..تعبت ريم ونامت لان وراها مدرسة..)
وفي الصبـــــــــــــــــاح..
(يوسف قام مبسوط..واول مرة من وفاة امه يقوم بهالوقت..نزل وافطر..وراح لشغله..وطول الوقت كان يفكر بريم..ويتمنى انها تكون على الاقل متقبله الموضوع ومتقبله حبه لها..كان خايف انه يفقدها..بس كان واثق من انها تعزه من طريقة كلامها وخوفها عليه..)
(اما ريم..قامت الصبح وهي ما تدري عن العالم..امها تكلمها وهي ما ترد..اخواتها يسولفون معها وهي تسكتهم..لبست..اكلت..وراحت المدرسة..وطول الطريق وهي ساكتة..دخلت المدرسة وهي ما تدري عن اللي حولها..متنحة..سرحانة..)
الجوهرة: صبااااااح الخييييييييير ريم..
ريم:صباح النور.
الجوهرة: عسى ما شر! حتى صباح النور تقولينها من غير نفس..
ريم:..............
الجوهرة: ريم اكلمك وش فيك ؟؟
ريم: وش فيني يعني ؟؟ ما فيني شي..
الجوهرة: ليه على بالك ما اشوف؟؟الا فيك شي..
ريم: الجوهرة اقولك ما فيني شي..
الجوهرة:طيب..بمشيها لك الحين..يله قومي رن الجرس..خلينا نطلع للفصل..
ريم:..............
(ومرت الحصص الاولى وريم ساكتة..ما تسولف ولا حتى تشارك مع المدرسات..الجوهرة ملاحظة تصرفات ريم بس ما تقدر تقول شي..وبوقت الفسحة..)
الجوهرة: يله ريم..سكت لك وقلت يمكن ما تبي تقول شي قدام البنات..الحين من جد وش السالفة ؟!
ريم: اي سالفة !!
الجوهرة:موب انا اللي تلعبين علي وتسوين نفسك ما تدرين وش اقول..ريم فيه احد مضايقك ؟؟
ريم:..............
الجوهرة: !!!
ريم: امس شفت يوسف..
الجوهرة: ايوه !!
ريم: قعدت اتكلم معاه عادي..كنت اقول له انه لازم يرجع لحياته الطبيعية من بعد وفاة امه..وفجاة وبدون اي مقدمات قال لي انه يحبني..
الجوهرة: !!
الجوهرة: ايه وانتي وش قلتي ؟!
ريم: ما قلت شي..
الجوهرة: شلون يعني ما قلتي شي ؟؟ وش رديتي عليه؟؟
ريم: قلت لك ما قلت ولا شي..قعد هو يكمل كلامه..وبالاخير انا قلت اني لازم اطلع..وطلعت..
الجوهرة: هههه..طيب وانتي ليش مكبرة السالفة!! ترى الولد ما قال شي يستاهل كل هالتفكير وضيقة الصدر اللي الكل ملاحظها عليك..يعني المفروض انك ما تصدقين هالكلام..وخاصة انه يمر عليك الف مرة من هالاشكال وانتي ما اعطيتيهم اي اهتمام..وش معنى يوسف اللي صدقتيه وخفتي ومدري وش صار فيك..
ريم: لا يا الجوهرة..انا عارفة يوسف..والله اعرفه زين..هو مو مثل الباقين..والله غيرهم كلهم..والا ما كان استمريت اكلمه كل هالمدة..
الجوهرة: ويعني ؟! طيب انتي من ذاك الايميل وش كنتي حاسة..كنتي متوقعة يقول هالكلام ؟!
ريم: تبين الصراحة..كنت متوقعة بس مو بهالوقت لانه صدمني..وخاصة ان حالته حالة من بعد وفاة امه..
الجوهرة: طيب يمكن بكلامك قدرتي تاثرين عليه..
ريم: لهالدرجة !! ما اتوقع..اممم والله مدري..مدري..
الجوهرة: اوكي خلاص ريم انتي انسي السالفة ولا تشغلين بالك..انتي مو ناقصة اشياء تشغلين بالك فيها..ترانا بثاالث لا تنسين..
ريم: طيب وان شفته مرة ثانية..وش اقول له والا شلون بكلمه اصلا ؟؟
الجوهرة: تكلمي وكانه ما صار شي..وسوي نفسك ما مر عليك الكلام المرة الاولى..هو اكيد بيفهم انك ما تقبلتي كلامه وراح يتراجع عنه...
ريم:..............
الجوهرة: يله ريم الحصة بدت والله مالي خلق اوقف..
ريم: طيب يله..
(ريم ارتاحت كثير يوم تكلمت مع الجوهرة..بس ما زالت تفكر باللي قاله يوسف..وهل هو صدق؟؟ والا كانت مجرد ردة فعل للكلام اللي هي قالته )
(جا يوم الاربعاء..وهي فرصة ريم انها تدخل الانترنت..دخلت ولقت لمى..)
لمى:اهلييييين ريم..
ريم: هلا والله لمى..كيفك ؟!
لمى: كيفي !! انا تماااااام..انتي اللي كيفك ؟؟
ريم: !!! لوووول انا الحمدلله تمام..شكلك مبسوطة ان شاء الله دوووم
لمى: ههههه تسلمين..والله مبسوطة بسببك..انتي اللي خليتيني انبسط..
ريم: انا !!! ليه وش سويت ؟
لمى: وش سويتي ؟ انا اللي ابي اسالك انتي وش سويتي ليوسف..ابي افهم بس وش سويتي ؟!
(ريم استوعبت انه يوسف له دخل بالسالفة سكتت شوي بعدين ردت..)
ريم: وش سويت !! لمى وش السالفة ؟
لمى: ريم..يوسف متغير 180 درجة..والله بدون مبالغة..اول شي من ثاني يوم انتي كلمتيه راح يداوم..والحين صار له اسبوع او اكثر وهو مداوم..صاير يقوم بدري..يطلع بالليل من البيت..زارنا اكثر من مرة ويزور عماني..يعني مو بس رجعتيه للي كان عليه..انتي غيرتي يوسف اللي نعرفه..
ريم: والله !!
لمى: ايه والله..لا وتخيلي بعد وش يقول..
ريم: وش يقول ؟؟
لمى: يقولي انه وده يشترك بنادي..يشغل وقت فراغه..تخيلي عمي يقول هالكلام..ههههه وناسة
ريم: يوسف !! ونادي !! لوووول ما اصدق..
لمى: هههههه ايه والله ولا انا..بذمتك ريم وش قلتي له عشان يتغير كذا ؟؟
ريم: والله مدري قلت له كلام عادي..كلام اي واحد فينا يقوله..وبس
لمى:..............
لمى: اها فهمت وش السالفة..
ريم:اي سالفة !
لمى: ريم بقولك شي بس لا تزعلين من جرأتي..
ريم: وش دعوة لمى قولي انتي تمونين..
لمى: يا ريم يوسف يحبك..
ريم:..............
لمى: والله يا ريم..والا وش اللي راح يغيره كذا..ريم انتي تاثرين عليه..ويسمع كلامك..ومحد مننا قدر يسوي اللي انتي سويتيه..ريم انا متاكدة انه يعزك..ويحبك..
ريم: لمى والله مدري وش اقول لك..
لمى: انا ما ابيك تردين علي..ولا تقولين شي..انا بس ابي اقولك اللي قاعدة اشوفه واحسه الحين..وان عمي لو قالك اي شي عن مشاعره اتجاهك لا تستغربين وصدقيه..
ريم:.............
لمى:.............
(لمى ما كانت تنتظر من ريم اي رد..لانه هي عارفة ان كلامها صعب على ريم..وانه محد يقدر يرد عليه..ريم ما تقدر توافق او ترفض كلام لمى..)
لمى: ايوه ريم وكيف الدراسة معاك ؟؟
ريم:...............
ريم: الدراسة ؟؟ الحمدلله بخير..دعواتك بس..
لمى: الله يوفقك يا رب وتفتكين من هالغثا..
ريم: لووووول اميين..
(وقعدوا ريم ولمى يسولفون عن اشياء كثيرة..المدرسة..الجامعة..ما تركوا شي..)
لمى: يله ريم..توصين على شي ؟؟
ريم:لا سلامتك..بس وين ؟!
لمى: جوعااانة وابي اروح اكل لي شي بعدين انام..
ريم: لووووول بالعافية..
لمى: الله يعافيك..يله اشوفك على خير..
ريم: هلا والله على خير..باااي
لمى: بااااي
(وبعد نص ساعة تقريبا..دخل يوسف..وريم ما انتبهت له لانها كان مشغولة بايميلاتها..)
يوسف: هلا ريم..
ريم: هلا والله !!
يوسف: وليه علامات التعجب ؟؟
ريم:لووول لا بس ما شفتك تدخل..فاستغربت..
يوسف: اها ما شفتيني..اللي شاغل بالك______
ريم: لووووول لالا الا قول الله يعينه..
يوسف: امممم لا ما اتوقع..كل واحد يتمنى يشغل بالك..
ريم: بالي انااا !! ايه هين لووول
يوسف: ايه انتي اجل مين غيرك؟!
ريم: المهم..انت كيفك ؟!
يوسف: الحمدلله بخير..وانتي ؟؟
ريم: تمااام
يوسف: وكيف الدراسة ؟؟
ريم:لا تذكرني..والله اني كارهه عمري من الدراسة..
يوسف: افا..ليه يا ريم ؟؟
ريم: مدري..بس يمكن لانها اخر سنة..مع ان المناهج مو ذيك الصعوبة..يمكن تكون اسهل من ثاني..بس النفسية هي اللي تاثر..
يوسف: ريم صدقيني..انتي لا تشيلين هم..ولا تضغطين على نفسك..وخذي الامور ببساطة..وادرسي كل يوم بيومه..وان شاء الله بتاخذين نتيجة حلوة..
ريم: ان شاء الله..الله يسمع منك..
ريم: سمعت اخبار حلوة عنك..
يوسف: اي اخبار !!
ريم: تداوم..وتبي تشترك بنادي..وحركاااات..
يوسف: ههههه وانتي مين قالك ؟؟
ريم: العصفورة..
يوسف:اها يعني يهمك امري..وترسلين وراي عصافير..
ريم: لووووول لا هي اللي جت وقالت لي..
يوسف: وهالعصفورة لمى ما تخلي شي الا لازم تقوله..
ريم: لووووووول بسم الله وش دراك..
يوسف: ههههه لا احلفي اجل مين بيكون غيرها يفتن علي انا اوريك فيها..
ريم: لووول لا حرام عليك..لا تقولها شي الحين تقول عني فتانة..
يوسف: وش دعوة منيب مسوي لها شي..
ريم: ايه اشوا..
ريم: يله يوسف تاخر الوقت وانا لازم انام..
يوسف: ايه والله وانا بعد بكرة وراي دوام..
ريم: اييييه نسيت انك تداوم الخميس..يا مسكين..
يوسف: هههههه الله يهديك وهذا شي ينّسى..
ريم: لوووول الله يعينك..
يوسف: امين..
ريم: يله اجل تصبح على خير..
يوسف: وانتي من اهله..نوم العافية..
ريم: الله يعافيك..بااي
يوسف: بااااي

27-12-08, 03:21 PM

المشاركة رقم: 13

المعلومات
الكاتب:	dali2000

البيانات
التسجيل:	Sep 2006
العضوية:	13121
المشاركات:	13,907
الجنس	ذكر
معدل التقييم:
نقاط التقييم:	4990

االدولة

مدونتي

الإتصالات
الحالة:
وسائل الإتصال:

كاتب الموضوع : dali2000 المنتدى : القصص المكتمله

ويوم الخميس..ريم ما قدرت تدخل الانترنت..عندها امتحان السبت ولا قدرت تدخل..يوسف دخل وانتظرها شوي وبعدين طلع..)
(مر الاسبوع وريم منشغلة بدراستها..ويوسف منشغل بدوامه..بس طبعا ريم ما تغيب عن بال يوسف..وريم تحاول ما تفكر بيوسف !!)

اليوم: الاربعاء...الساعة: 12 مساء..
ريم:اممم من زمان عن يوسف..يارب يكون اون لاين..
(فتحت ريم الماسنجر..)
ريم: هذا هو موجود !!
يوسف: اهليييييين ريم..
ريم: هلا والله..
يوسف: كيييييفك ؟!
ريم: لوووول وش فيك متحمس ؟؟
يوسف: اشتقت لك..حرام ؟
ريم: وشو !!
يوسف:لا ولا شي..انتي كيفك؟؟
ريم: تماااام وانت ؟
يوسف: الحمدلله تماام دامك تماام
ريم: لووول لا انت اليوم مو طبيعي..متحمس بزيادة وش السالفة ؟!
يوسف: هههه يعني ما تبيني اكون مبسوط؟؟
ريم: لا ياخي ان شاء الله دايم مبسوط..بس هدي اعصابك..
يوسف:هههه هادية والله..
ريم: ايه باين..شوف شوي وتدفني..
يوسف: ياليت والله ادفك هههه
ريم: لا والله..انت جرب عشان اصفقك..
يوسف: يمه..والله تخوفين..محد يجيك..
ريم: لووول ايه خلك عاقل اصير عاقلة..
يوسف: ههههه طيب..طيب عقلنا..
يوسف:الا ريم انتي وينك الخميس اللي فات ما دخلتي ؟؟ لا يكون صاير شي ؟
ريم: لا والله ما صار شي..بس كان عندي امتحان السبت وقعدت يوم الخميس ادرس ونمت بدري..
يوسف: اها..وبشري كيف كان الامتحان ؟
ريم: الحمدلله حليت كويس..
يوسف: ايه هذي ريم الشاطرة..
ريم: لووول ايه ابي نجمة..
يوسف: ولا يهمك لو تبين عيوني عطيتك..
ريم: وش ابي بعيونك انا..ابي نجججمةةةةة
يوسف:اف قوية التحطيمة..
ريم: لوووول عادي جمع نفسك..
يوسف: لا تراني قوي لا تستقوين علي..
ريم: ليه وش سويت عشان تصير قوي ؟؟ كل يوم تشرب حليب ؟؟
يوسف: ههههههه لا بس تذكرين اني ابي اشترك بنادي..
ريم: اها ؟
يوسف: اشتركت بنادي..يوسع الصدر..وعشان اصير قوي ولا تقدرين علي..
ريم: لوووول الا اقواك حتى لو تدخل نادي..
(وقطع الاتصال من عند ريم..يعني اكيد كالعادة الانترنت يبدا حركاته باوقات غللللط..وحاولت ريم تشبك مرة ثانية.. .يوسف انتظرها بس كان مضطر يطلع..ولا كان يدري وش اللي خلا ريم تطلع !!..بعد ما طلع يوسف ريم دخلت ولا لقت يوسف..)
(وطبعا ريم انشغلت ولا دخلت طول الاسبوع..ونفس الشي يوسف..يعني خلاص افهمومها مو كل مرة نقول لكم..)

يوم الاربــــــــــــعــــــاء..
(ريم دخلت ولا لقت يوسف..شافت ايميلاتها ولا لقت شي منه..تاخر الوقت ولا دخل يوسف..قررت ترسل له ايميل تقوله ان الاتصال قطع معها المرة اللي فاتت..وانها دهلت ولا لقته..وانها اشتاقت له !!!! اول مرة تعترف..ريم اعترفت انها اشتاقت له !!)
وكان ايميل ريم ليوسف..
السلام عليكم...اهلين..كيفك؟؟
ان شاء الله كل شي تمام...اسفة على المرة اللي فاتت
قطع معاي الاتصال كالعادة يعني مو شي جديد
وانت ما امداااني ادخل الا لقيتك طالع
انتبه بس لا يصير لعضلاتك شي لووووووول
تروح نادي وحركتااااااات<<<ترى غايرة منك وبتذلك على هالنادي
المهم..ما اطول عليك
ايه بس اخر شي ابيك تسمع اغنية انا عن نفسي
احبهااااااااا
اغنية راشد الماجد اسمها سواليفك اكيد تعرفها
**وحشتني سواليــــــفــــــك وحـــشة شوفـــــتك اكــــثر**
اسمعها وتذكرني.. يله اشوفك على خيران شاء الله....بااااااااااي
----------------------------------

يتبع

27-12-08, 03:22 PM

المشاركة رقم: 14

المعلومات
الكاتب:	dali2000

البيانات
التسجيل:	Sep 2006
العضوية:	13121
المشاركات:	13,907
الجنس	ذكر
معدل التقييم:
نقاط التقييم:	4990

االدولة

مدونتي

الإتصالات
الحالة:
وسائل الإتصال:

كاتب الموضوع : dali2000 المنتدى : القصص المكتمله

الجزء الحـــادي عشــر
=======

(وبعد اسبوع من ارسال ريم للايميل..)
يــــوم الاربــــعــاء..
(دخل يوسف الانترنت..كان مرة مشتاق لريم..ويتمنى انه يشوفها..بس للاسف ما لقاها..فتح ايميله اللي صار له اسبوع ما شافه..لقى منها ايميل!!!)
يوسف: ريم ترسل ايميل!! مو بالعادة..
يوسف: الله يستر لا يكون صاير شي..
(قرا يوسف الايميل..)
يوسف: وحشتني سواليفك وحشة شوفتك اكثر !!!!
يوسف: معقولة هالكلام يطلع من ريم ؟! ريم اشتاقت لي انا؟!!!
(حس يوسف بوناسة لانه ريم بدت تحس فيه..وبعد اقل من ربع ساعة دخلت ريم..يوسف ما اعطى ريم فرصة انها تسلم عليه على طول كلمها..)
يوسف: ريييييييييم..
ريم: بسم الله !! هلا !!
يوسف: احبك ياريم والله احبــــــــك..
ريم: لووووول !! شكلك ملخبط بالبوكس
يوسف: لا ياريم مو ملخبط..ريم انا احبك انتي ومحد غيرك..
ريم:..............
يوسف: ريم لا تسكتين..
ريم: وش تبيني اقول ؟!
يوسف: قولي اي شي بس لا تسكتين..
ريم:...........
يوسف: قولي انك مشتاقة لي زي ما انا مشتاق لك..
ريم: لوووول ومين قالك اني مشتاقة لك !!
يوسف: اللي مرسل لي (وحشتني سواليفك..وحشة شوفة اكثر)..هو اللي قالي..
ريم: اها وانت توك تقرا الايميل ؟!
يوسف: ايه والله اليوم بس دخلت الانترنت من اخر مرة كلمتك فيها..انشغلت شوي..
ريم: ايه المهم ترى كلها اغنية يعني مو مستاهلة..بعدين انا كاتبة كلام قبل الاغنية..ومعناتها اني اقصد الكلام لكن الاغنية بس اهداء عادي..
يوسف:هههههه لا تصرفين..الا مشتاقة لي..وبعدين مو الاغنية هي الدليل..الايميل كله دليل على انك مشتاقة لي..
ريم:ايـــــــه اشتقت لك..ارتحت !!
يوسف:ايـــــــــــــــــه ارتحت..
ريم:...............
يوسف:ريم..
ريم: هلا..
يوسف:تدرين اني ما قلت لك كيفك..هههه
ريم:لوووول انا الحمدلله بخير انت كيفك ؟!
يوسف: بشوفتك اكيد بكون بخير..
ريم:......
يوسف:اممم طيف وكيف الدراسة ؟! ان شاء الله تمام ؟
ريم: ايه الحمدلله تمام..عاد الله يعين قربت الامتحانات النهائية للترم الاول..ما بقى عليها الا اسبوعين..
يوسف: عاد ما اوصيك ياريم ابيك تشدين حيلك وتتركين الانترنت بهالفترة بس عشان ما تنشغلين عن المذاكرة..
ريم: ايه ان شاء الله انا ناوية اتركه من بكرة..لاني ببدا اختم المناهج..
يوسف:اممم والله وكبرتي وصرتي بثالث..خلاص بنزوجك..
ريم: لوووول يله شد حيلك ودورلي على عريس..
يوسف: ههههه ولا يهمك..انتي بس قولي المواصفات اللي تبينها..
ريم:اممم طيب اصبر بفكر..
يوسف:لا والله ؟! ما صدقتي على الله اقولك تشرطي..ما فيه شروط انا اللي بختار لك..
ريم: لووول لا ما فيه انت قلت كلمة ولازم تكون قدها..
ريم:شوف شروطي مو صعبة..والله اني قنوعة لووول
يوسف: يله ورينا الشروط..
ريم:اممم طبعا اهم شي اخلاقه..وانه يحبــــــــــــــــني..لكن من ناحية الشكل..فابيه مملوح واسمر وطوله حلو..
يوسف: طيب وش رايك تقولين اسمه يوسف !!
ريم: لووول لا والله..
يوسف:هههه والله كانك قاعدة تتكلمين عني..
ريم: الله من الثقة الزايدة..
يوسف: هههه لا من جد شوفي..انا اقولك ايش الاشياء اللي فيني وانتي تبينها..
ريم: اها..وشي ؟!
يوسف:اول شي واهم شي..احبـــــــــــك..
ريم: !!!
يوسف: اصبري لا تعصبين بكمل..
ريم:......
يوسف: ثاني شي اسمر وطولي حلو..انا من ناحية الاخلاق فانتي احكمي علي انا ما احكم على نفسي..
ريم: لوووول اصبر اصبر نسيت اهم شرط..
يوسف: يله اشرطي يا كثر شروطك..وين القناعة..
ريم: لوول عاد كيفي..
يوسف: ايه والله يحق لك تتشرطين..
ريم:اممممم اهم شرط انه مو سعودي..
يوسف: ههههه اجل وش تبين يا عمري ؟؟
ريم: امممم ابي خليجي بس اهم شي مو سعودي لوووول
يوسف: ايه وليه ان شاء الله ؟
ريم: بس كذا ما احبكم يالسعوديين لوووول
يوسف: افا..ولا انا !!
ريم: المهم بتدور لي والا لا ؟؟ ( تصرف)
يوسف:.......
(فتح موضوع الزواج خلا يوسف يتذكر كلام امه له وانها وصته انه يتزوج البنت اللي يحبها وتحبه..وتقدر تسعده..قعد يفكر يوسف..ووصل انه ريم هي انسب بنت له !!..ما حب يتكلم بالموضوع ويشغلها عن دراستها..وامتحاناتها اللي ما بقى عليها شي..)
ريم: يوسف..وينك ليه ما رديت علي ؟!
يوسف: لا هلا انا معاك..
ريم: ترى امزح اصلا مين بايع عمره يتزوجني الا سعودي..
يوسف:هههههه لا من ناحية مين بايع عمره..فالكل مستعد يبيع عمره عشانك..
ريم:..........
يوسف: استحيتي صح ؟!
ريم: لووول لا..
يوسف: احلفي..
ريم: منيب حالفة..
يوسف: ههههه حركات تستحين وخدودك حمرا..
يوسف: ريم انتي كم عمرك بالضبط ؟؟
ريم: لووول وش اللي خلاك تسال فجاة !!
يوسف: لا بس عشان وانا ادور لك على عريس اقوله كم عمرك بالضبط..لازم يعرف..
ريم: اها اذا كذا اوكي بقولك بالضبط كم عمري..لوووول
يوسف: ههههه ايه يله قولي..
ريم: امممم بتم 18 سنة يوم ___/___
يوسف: اها يعني ما بقى كثير على عيد ميلادك..
ريم:ايه بعد ثلاث اسابيع تقريبا..
يوسف: العمر كله ان شاء الله..
ريم: تسلم..
ريم: وانت ؟!
يوسف:انا باقي لي كم شهر واتم 24...
ريم: يعني 24 لا تتفلسف..
يوسف: هههه لا 23 وكم شهر..
ريم: لا تصغر نفسك..احلى وانت كبير..
يوسف: انا احلى وانا كبير !!
يوسف: عيونك الحلوة..
ريم: ما شفتها..لوووول
يوسف: يكفي انها عيونك..اكيد بتكون حلوة..
ريم:........
ريم: يوسف ملاحظ انك طول اليوم تجاملني..
يوسف: اجاملك !!
ريم: ايه..
يوسف: ريم لا تقولين هالكلام انتي عارفة اني اقول هالكلام من قلبي وان عمري ما جاملت..
ريم: طيب طيب..لا تزعل..
يوسف: يهمك زعلي ؟!
ريم: امممم اسال نفسك..
يوسف: انا اقول يهمك..
ريم: لوول ايه يوسف اكيد يهمني..
ريم: المهم يوسف الحين اذن والفجر..ولازم اطلع..
يوسف:.......
ريم: ايه صح اليوم اخر يوم لي بالانترنت..ان شاء الله ارادتي تصير قوية ولا ادخل لووول..وان دخلت برسل لك ايميلات..
يوسف: اوكي..وانا بعد برسل لك وابي اتطمن عليك..
ريم: ان شاء الله يصير خير..
يوسف: الله يوفقك..ان شاء الله تبيضين وجه اهلك ووجهي بنتيجتك..
ريم: امييييين..
ريم: يله يوسف الصلاة وانت بعد قوم لا تتاخر على الصلاة..
يوسف: ان شاء الله انا بس انتظرك تطلعين وبطلع..
يوسف: ريم..
ريم: هلا !؟
يوسف: انتي رجعتي لي روحي وحياتي من جديد..
يوسف: والله احبك..
(تقرا ريم كلام يوسف..تبتسم..تقوله له باي بدون ما تعلق على كلامه..)
(بدت الامتحانات وانشغلت ريم بالدراسة..وطبعا الانترنت نسته تماما..ومرت ايام الامتحانات طويلة على يوسف..كان يتمنى ريم تدخل ويشوفها ويتطمن عليها..بس بنفس الوقت ما كان يبيها تنشغل عن دراستها..)
اخر يوم امتــــحانـــات...
الجوهرة:ريـــــــــم..خلللللللصناااااا..
ريم:هههههه ايه والله الحمدلله..هااه بشري كيف امتحانك اليوم ؟!
الجوهرة:اليوم حلووو..بس خلاص اسكتي قولي اي شي ثاني غير الامتحانات..
ريم: هههههه طيب يلا بس خلينا نرجع من جد تعبااااانة..وابي انااام..
الجوهرة: هههه مو بس نوم..النوم والطلعة والوناسة والتطنيش وكل شي بسويه اليوم..
ريم:ههههه
(ويرجعون على بيوتهم على طول..ريم تنام وما تفكر بشي غير انها ترتاااح من التعب اللي كانت فيه..)
(بعد يومين من انتهاء الامتحانات..كانت ريم اون لاين..)
lamoo has just signed in
ريم: لمىىىى الله..من زمان عنها..
ريم: كح كح كح..احس انك غباااار..
لمى:ههههه والله انتي اللي غبار..كيفك يالدبة من زمان عنك..
ريم: انا تمااااام باركي لي خلصت امتحانات..
لمى:ههههه مبروووك.عاد ان شاء الله النتيجة حلوة وتبيضين وجهي<<<<على بالي امك..
ريم: لووول ان شاء الله تكون حلوة..
ريم: ايه صح نسيت انا اسالك انتي كيفك ؟!
لمى: انا الحمدلله بخير..اليوم كان عندي امتحان..وخلصت اخيرا..
ريم: والله ؟! مبروك بس غريبة حنا نخلص قبلكم..
لمى:مدري عنهم..اساليهم..
ريم: لووول..
لمى: المهم...كيف يوسف؟؟
ريم: لووول تساليني انا عن يوسف.. الحين مين بنت اخوه انا والا انتي ؟!
لمى: ههههه لا وابشرك بعد تراني الحين عنده..
ريم: لوووول
لمى: بس والله مدري وين راح خلاني على الانترنت وراح..
ريم: لوول اكيد النادي..عاد هو مسوي فيها حركة..
لمى:ههههه ايه والله بس اذا جيتي للصدق والله تراه خواف..ترى يخاف مني..
ريم:لوووول اجل النادي والعضلات منظر بس..
لمى:هههههه بالضبط..
لمى:هاه ريم ومتى الشهادة ان شاء الله..
ريم:بعد بكرة ان شاء الله..
ريم: عاد افكر اطلع بعد الشهادة اوسع صدري..بس على حسب النتيجة..
لمى: هههه ذكرتيني يوم اني بالثانوي نفس الحالة..
ريم: لوووول
لمى: ووين تبين تطلعين..ومع مين ؟!
ريم: اممم انا وصديقتي بس..ويمكن نروح الفيصلية..
لمى: اها حلوو..
لمى: اهم شي انبسطوا..
ريم: ايه على قولتك..
(ويقعدون يسولفون الى ما رجع يوسف..وفعلا كان بالنادي..)
يوسف: احم..احم..سلام..
لمى: بسم الله وعليكم السلام..روعتني..الحين انت وين كنت..
يوسف: ما تشوفين العضلات يعني وين كنت هههههه
لمى: ههههه تكفة يالعضلات..
يوسف: المهم بس لا يكثر..بروح اخذ لي دوش..
لمى: نعيما مقدما..
يوسف:هههه والله انك خبلة ..ايه هذا وجهي ان تزوجتي..اعقلي اول بعدين نزوجك..
لمى: هههههه مالك شغل فيني..
يوسف: ههههه يله اشوفك..
لمى: طيب طيب
ريم: لمى وينك ؟!
لمى: هلا والله ريم معليش..بس يوسف جا..
ريم: اها لا عادي..
ريم: ووين كان؟؟
لمى: زي ما قلنا..والحين بياخذ له دوش..تعرفين الولد مرة متعب نفسه وعضلاته وش كبرها هههههه
ريم: لوووووول
ريم: لمى برب شوي..
لمى: تيت..
يوسف: لمى ما طفشتي من الانترنت..وبعدين مين قاعدة تسولفين معه..اسمعك تطقطقين..مين الخبل اللي يسولف معاك..ههههه
لمى: هههههه هذي وحدة مالك شغل فيها..
يوسف: لا لمى جد مين ؟!
لمى: تبدا بحرف الريــــــــــم..ههههه
يوسف: ريم !! ايه والله هي خصلت امتحاناتها..قومي قومي ابي اكلمها..
لمى: لا اصلا هي برب بعدين منيب قايمة..
يوسف: الا بتقومين..
لمى: هههه والله يا حنا حشيناك حش..
يوسف: قومي بشوف وش قلتوا..
لمى: بس لو رجعت بتقوم..
يوسف: طيب..طيب..
(يقرا يوسف كل اللي تكلموا فيه لمى وريم..وعرف وين ريم تبي تروح يوم الشهادة..فكر يكلمها..بعدين تراجع..وما يبي انه يعرف وين بتروح..)

27-12-08, 03:37 PM

المشاركة رقم: 15

المعلومات
الكاتب:	dali2000

البيانات
التسجيل:	Sep 2006
العضوية:	13121
المشاركات:	13,907
الجنس	ذكر
معدل التقييم:
نقاط التقييم:	4990

االدولة

مدونتي

الإتصالات
الحالة:
وسائل الإتصال:

كاتب الموضوع : dali2000 المنتدى : القصص المكتمله

يوسف: لمى لا تقولين لريم اني قريت كلامكم..
لمى: ليه ؟!
يوسف: لمى لو سمحتي لا تقولين وبس..
لمى: اوكي منيب قايلة..
يوسف: بعدين مرة ثانية لا عاد تحشون فيني فاهمة..هههه
لمى: هههههه هذي ريم..
يوسف: ايه ريم حلالها بس انتي لا..
لمى: لا والله احلف..
يوسف:هههههه..يله انا طالع تامريني بشي ؟؟
لمى: وين بتروح توك راجع ؟؟
يوسف: عندي شغلة بسويها وراجع منيب مطول..توصين على شي؟؟
لمى:لا..سلامتك..
يوسف: مع السلامة..
لمى: مع السلامة..
(يوسف ما نسى عيد ميلاد ريم..وكان عارف انه قبل الشهادات بيوم..فكر انه يشتري لها هدية ويتركها بمحل بالفيصلية..استغل روحتها هناك يوم الشهادة..)
(اشترى لها هدية..وكتب لها على كرت..وترك لها الهدية باسمها وتفاهم مع صاحب المحل انه فيه بنت بتجي تاخذها..رجع للبيت..وفتح الانترنت.. وقعد يدور لها على انسب كرت او اغنية بمناسبة عيد ميلادها..ولقى الكرت وكتب لها كل شي..يوسف كان عارف ريم وطبعها وانه فيه احتمال كبير ما تاخذ الهدية..بس قال يجرب ويشوف..)
قبل استلام الشهــــــــــادة بيــــــوم..
الجوهرة: اهلييييين ريم..
ريم: هلا والله الجوهرة..
الجوهرة: Happy Birthday
ريم:ههههه يا عمري انتي ذكرتيني..
الجوهرة: افا عليك واحد ينسى..
ريم: تسلمين والله..
الجوهرة: هاه وين ناوية تطلعين اليوم..لازم تطلعين بعيد ميلادك..هههه
ريم: ليه حلا هو خلاص بكرة ان شاء الله ناخذ الشهادات ونطلع..كالعادة من يوم عرفتك لازم نطلع يوم الشهادة..حتى لو نتيجتك زفت..
الجوهرة: ههههه ايه وناااااسة الطلعة بهاليوم..الا بثاني ثانوي..والله كانت طلعة تروع..
ريم: ايه والله..لا تذكريني والا ترى بهون..
الجوهرة: ههههه والمشكلة ما نتوب لازم نروح..
ريم: هههه ايه ملاحظة انا..
الجوهرة: يووووه بغيت انسى..
ريم: وشو؟!
الجوهرة: الحين بيجيكم السواق..ومعاه اغراض..
ريم: وش اغراضه؟
الجوهرة: اغراض شوفيها وتعرفين..يله ريم باااي الجوال بيسكر البطارية مخلصة..ما تسمعين الصوت..
ريم: ههههه انتي ما تشحنينه ابد..
الجوهرة: هههههه يله بااااي والا ترى بتسمعين صوت القطار..
ريم: هههه لا شكرا مابي اسمعه كالعادة..بااااي
(وصلت اغراض ريم..وكانت هدية من الجوهرة.. وزي دايم كرت وكله استهبال الجوهرة..مررررة انبسطت ريم وشكرت الجوهرة..<<<ونعم الصديقات..)
(دخلت ريم الانترنت..وشافت ايميل من يوسف !! )
ريم: وش مرسل هالمرة ؟!
ريم: خلينا نشوف..
(شافت ريم الكرت وقرت الايميل واللي كان..)
http://www.r3odi.com/cards/create.php?card_id=242
اهلـيـــــــــــــن ريم..كل سنة وانتي طيبة..وعقبال مليوووووون سنة تعيشينها بسعادة وراحة مع الناس اللي تحبينهم ( طبعا انا منهم هههه)..ريم انا حبيت بهالمناسبة الحلوة اهدية شي متواضع مني بس يعبر لك عن حبي..عارف ما تحبين هالكلام بس اليوم عيد ميلادك يعني سامحيني اليوم بتكلم على كيفي هههه..وعلى فكرة انا تركت لك الهدية................ الخ (تكملة الايميل)
(قرت ريم الايميل..والكرت اللي كان روعة..)
ريم(مبتسمة): يوسف...احبــــــك..(سكرت الانترنت ونامت..ونست سالفة الهدية..والا وش بتسوي بكرة هل بتاخذها او لا ؟؟..)
في الصبـــــــــــــــــــــاح..
الجوهرة: رييييييييييم نتيجتي حلووووووة واخيييييييرا..
ريم:هههه الحمدلله يالجوهرة..كله من تعبك ودراستك..
الجوهرة: وناااااسة..تصدقين شكل الشهادة يوسع الصدر..
ريم:ههههه الحمدلله وانا بعد نتيجتي حلوة ما توقعت كذا..بس هالسنة المدرسات خافين علينا..
الجوهرة: ايه والله..يله ريم لا نتاخر عشان نرجع بدري..
ريم: اوكي يله..بس اصبري بكلم امي ابشرها وانتي بعد كلمي امك بشريها..
الجوهرة: ايه والله يااااهي بتنبسط..ههههه
(راحوا للفيصلية..قعدوا يتمشون ويدورون..)ريم: الجوهرة تدرين ان فيه هدية لي بهالمحل؟؟
الجوهرة: هههه نصابة..
ريم:ضفي والله منيب نصابة..
الجوهرة: ومين هاللي شاري لك هدية..خويك..؟؟
ريم:ههههه انقلعي عاد..
الجوهرة: لا ريم والله جد مين شاري لك هدية..لا يكوووون !!
ريم:ايييييوه..هو
الجوهرة: يوسف !!
ريم:ايه..
الجوهرة: وليه شاريها ؟!
ريم: يعني ليه ؟!
الجوهرة: صراحة يا عشان عيد ميلادك او عشان الشهادة..
ريم: امممم لا عشان عيد ميلادي..
الجوهرة: صراحة ماله داعي..
ريم: ههههه تغارين تغارين..
الجوهرة:هههه وجع ريم اشوفك قلبتي وش اغار وين مبادئك وفلسفتك..واخلاقك..
ريم:هههه انتي اللي وجع امزح..
(طلعوا ياكلون..وفجاة الجوهرة تصرخ بحماس..)
الجوهرة: رييييييييييم..
ريم: بسم الله لا تصارخين تراني قدامك..
الجوهرة: ههههه صدق اننا غبيات..
ريم: ليه ؟!
الجوهرة:يعني ليه ما نروح نتفرج على الهدية اللي جابها..؟
ريم:!!
الجوهرة: ما قلت لك خذيها..
الجوهرة:بس نشوف شكلها..يعني نعرف ذوقه..
ريم:ههههه وين الاخلاق اللي تو تذكريني فيها..
الجوهرة:ههههه لا موجودة بس اليوم اجازة..
ريم: طيب ترى ما عندي مانع..
الجوهرة: يله قومي..
ريم: يله..
(راحوا ريم والجوهرة على المحل اللي فيه الهدية..ريم كانت خايفة لانه مو من طبعها تسوي هالاشياء..)
ريم:الجوهرة وش نقول عشان يعطينا الهدية ؟؟
الجوهرة: ههههه وش دراني..صراحة تعرفين اخويائي ولا مرة اهدوني هدايا يعني ما عندي خبرة..
ريم: هههههه اجل خلاص خلينا نطلع..
الجوهرة: لا..لا تعالي وش نطلع..اصبري بس يطلع هالولد عشان اقدر اخذ راحتي واسال الهندي..
ريم: اي ولد ؟!
الجوهرة: هذاك اللي هناك والله شكله قاعد ينتظر شي وش فيه قاعد كذا..
ريم: ما عليك منه بس الحين خلينا ندور على بال ما يطلع..
الجوهرة: رييييييييييم..
(ريم جاية تركض على الجوهرة..)
ريم: وجع انتي وش فيك من اليوم تصارخين..ما بقى احد بالسوق اللي عرف اسمي..
(طبعا الولد شاف كل شي وعارف ان اسمها ريم !!)
الجوهرة: امشي نطلع..
ريم: ليه !
الجوهرة: اقووووولك تعالي نطلع بسرعة..
ريم: ايه طيب بس قولي لي ليه وش صار؟؟
الجوهرة: انتي انتبهتي لهذاك الولد؟؟
ريم: لا..فاضية انتبه له..بس وش فيه وش سوى لك ؟!
الجوهرة: لا ما سوى لي شي..بس الحين طالعي فيه..
ريم: طيب..
ريم: !!!!!!!!!!!!!
الجوهرة: هذا يوسف صح ؟؟؟؟
ريم:ايــــــــــــه !!الجوهرة: امشي نطلع ما انتبه لنا..بسرعة..
(طلعت ريم والجوهرة بسرعة من المحل..يوسف حس فجاة انهم طلعوا..ما فهم ولا عرف السبب !!)
ريم: منيب متخيلة يوسف يسوي هالحركة !!
الجوهرة: والله كنت حاسة انه مثل باقي الاولاد..كلهم مثل بعض..
ريم: لا..الا يوسف..الا يوسف..ليه يسوي كذا !!
ريم: يعني الحين اكيد عرفني وشافني..وعرف اسمي..سمعك تقولين ريم لا..لا
الجوهرة: ايه والله شكله سمع..لانه من اول وهو يناظرك..
ريم: يا ربي وش اسوي انا الحين..
الجوهرة: ريم..هزئـــــــــــــــــــــــــيه..
ريم: لا..انا بحط له بلوك وارتاح..
الجوهرة: لا ريم..لا تستعجلين..هو صراحة حركته سخيفة مررررة..ومالها داعي..بس اسمعي وش بيقولك وانتي هزئيه..
ريم: وش اقوله !!
الجوهرة: لا تخافين لو شفتيه على الانترنت بيطلع الكلام..
ريم: لا احلى شي تراه ما يدري اني شفته قبل هالمرة..
الجوهرة: انتي ما قلتي له على لندن !!
ريم:لا..وليه بقوله..
الجوهرة: ههههه ياحليله عشان كذا جاي على باله ما بنعرفه..
ريم: الحين انا ميتة من القهر على اللي صار وانتي تضحكين..
الجوهرة: وشو ما يقدر يسوي لك شي..
ريم: ان شاء الله..
(رجعت ريم لبيتها وعلى طول دخلت الانترنت..تبي ترسل ايميل ليوسف..لقته اون لاين !!..ريم انصدمت ما كانت متوقعة تلقاه..ما تدري وش تقوله الحين !! يوسف ما يدري ان ريم عرفته !!..)
يوسف: اهلين ريم..
ريم:........
يوسف: بشريني ريم اخذتي الشهادة ؟؟
ريم: ولك وجه تتكلم بعد اللي سويته ؟!
يوسف: وش سويت !
ريم: يعني اليوم ما سويت شي ؟
يوسف: شي مثل ايش ! ( يوسف حس انها تعرف)
ريم: شي زي انك تجي الفيصلية وتشوفني !!
يوسف:......
ريم: يوسف احسن لك تكلم وقول وش كان غرضك ؟؟
يوسف: ريم..انا مو من نوعية الشباب اللي متخيلتهم..
ريم:لا..لا انت كنت مو من نوعية الشباب اللي متخيلتهم بس الحين انت مثلهم..للاسف..
يوسف: ريم الله يخليك افهميني..
ريم: وش افهم ؟!
يوسف: افهمي..اني احبـــــــك..
ريم: واللي يحب يسوي اللي سويته ؟!
يوسف:ريم انا اعترف لك اني غلطان..بس والله ما كنت متوقع انك تجين..
ريم: والله انا الغلطانة اللي جيت اتفرج على الهدية واصلا ما كنت ناوية اخذها..
يوسف: ريم اسف..
ريم: لا يوسف انا اللي اسفة..اسفة اني وثقت فيك..وتوقعتك غيرهم كلهم..توقعت انك تحبني من جد..مو تحبني عشان توصل للي تبيه..
يوسف: لا ريم..يكفي والله حرام عليك..لا تقولين هالكلام..
ريم: هذا الكلام ولا شي قدام الكلام اللي ناوية اقوله لك بس الحين انا لازم اطلع..
يوسف: ريم بس ابي اسالك سؤال..
ريم: نعم !
يوسف: ريم انتي تحبيني ؟!
ريم:..........
يوسف: ريم لو اني ما سويت اللي سويته..كنتي تحبيني ؟؟
ريم:.......
يوسف: ريم انتي قريتي الكرت اللي مع الهدية ؟؟
ريم:اتوقع كنت موجود ومراقب كل شي..
يوسف: ريم والله لو قريتي الكرت كان عرفتي اني احبك والله..واني مابي منك الا انك تشاركيني حياتي..
ريم: ما فهمت يعني وش تبي !!
يوسف:ريم انا كنت كانت على الكرت..
ريم: اها ؟!
يوسف: ريم..تتزوجيني !؟

------------------------------------------
يتبع