كاتب الموضوع :
dali2000
المنتدى :
القصص المكتمله
الجزء الثـــامـــن
========
( وبعد ما سكر يوسف من عبدالرحمن..دخل ينام..وفي الصباح راح يوسف مع امه يخلصون فحوصات واشعة بخصوص العملية اللي الام ما تدري عنها شي !!..وبعد ما انتهت الفحوصات اللي اخذت وقت طويل..ترك يوسف امه ترتاح وطلع للمطار يستقبل اخوه..)
في المطار..
يوسف: هلا عبدالرحمن الحمدلله على السلامة..
عبدالرحمن: هلا والله..الله يسلمك..
عبدالرحمن: هااا بشر شلون امي..ان شاء الله الحين احسن ؟!
يوسف: والله مدري ان شاء الله كل شي تمام..
يوسف:لمى !! انتي وش جايبك..
لمى: هههه انا تمام انت شلونك؟؟
يوسف: هههه تمام بس انتي وش جابك؟؟
عبدالرحمن: يعني تعرفها اذا حطت شي براسها الا تسويه..
لمى: والله جاية اشوف جدتي مشتاااااقة لها..
يوسف: هههه وانا محد اشتاق لي ؟؟
لمى: لا عمي افا عليك..انا اشتقت لك..
يوسف: ايه باين..تضحكين علي بكلمتين..
عبدالرحمن: يله يله بلا كثر حكي..خلونا نجيب الشنط ونطلع من هنا..
(يطلعون من المطار وعلىالمستشفى.يدخلون على امهم وهي فرحانة فيهم بس مستغربة من جيتهم!!..)
الام: عسى ما شر يا وليدي..جايين من دون ما تعطونا اي خبر..صاير شي يمه ؟!
لمى: وش دعوة يمه ما تبينا نجي؟؟ اشتقنا لك وقلنا نجي نشوفك والا ما ودك..ترى نرجع
الام: هههه افا يا بنتي..انا ما تصدقين شلون انبسطت يوم شفتكم..لو علي خليتكم تقعدون معاي الى ما نرجع..
يوسف: وانا يمه ما اكفي ؟!
الام: انت..انت يا يوسف نور عيوني..ما تهنا لي ديرة انت مو فيها..(تدمع عيون الام وتحاول تخفي دموعها بابتسامة ويقوم يوسف ويحضن امه ويبوس راسها..)
عبدالرحمن: عاد يكفي خلاص..حنا جايين ننبسط..موب جايين عشان نضيق صدرونا..
لمى: ايه والله ترى بصيح..
يوسف: هههه يعني كل هذا ولا صحتي شوفي عيونك..
لمى:ههههه لا هذا موب صياح..
(وتدخل الممرضة تنادي يوسف...تقوله ان الدكتور يبيه بموضوع ضروري..يقوم يوسف وعبدالرحمن يشوفون وش كان الدكتور طالبهم فيه..)
يوسف: عبدالرحمن هذا انت سمعت الكلام للمرة الثانية..الدكتور يأكد على ان العملية ضرورية..وخاصة بعد الفحوصات اللي اليوم..يعني لازم نبلغهم بموافقتنا ولازم نقول لامي..
عبدالرحمن: طيب الحين لازم نرجع للغرفة ونقولها عن كل شي بهدوء..
يوسف:لا....لا انا ما ابي اكون موجود وقت ما تقولها..
يوسف: شوف انا بدخل معاك واخذ معاي لمى ونروح اي مكان على ما انت تقولها.. لاني ما اقدر اتحمل اسمع واشوف رد امي على هالموضوع..
عبدالرحمن: يله..تعال نروح لهم قبل لا يتاخر الوقت..
(وزي ما قال يوسف دخل واخذ لمى بحجة انه يبي يدخل الانترنت..ويبيها معاه..وطلعوا وتركوا عبدالرحمن مع الام..)
لمى: يا عمي وين ماخذني ؟؟
يوسف: تعالي ودي ادخل الانترنت ولا ابي انزل لحالي..
لمى: هههه تخاف تنزل لحالك ؟!
يوسف:هههه الحين هذا جزاي اللي ابي اوسع صدرك..
لمى: تسلم..بس انا قعدتي مع جدتي تسوى الدنيا..بس انا فاهمة ليه تبيني اطلع..ابوي قالي بس هالمرة بعديها عشانك..
يوسف: هههه يمه تخوفين..يله بس تعالي..
(قعدوا على وحدة من الاجهزة وفتح يوسف ماسنجره..ولا لقى احد اون لاين..)
لمى: ما عندك ايميلات حلوة ؟؟
يوسف: الا تعالي شوفي ايميلي مليان..اللي يعجبك خليه والباقي احذفيه..
لمى: اوكي..
يوسف: لمو..تبين تشربين شي والا تاكلين ؟؟
لمى: امممم وش فيه ؟؟
يوسف: مدري عاد وش دراني انا بروح اجيب لي قهوة..
لمى : اوكي جيب لي مثلك..
يوسف: انتي تامرين امر..
(يترك يوسف لمى على الجهاز وطبعا الماسنجر مفتوح !! )
reem..has just signed in
ريم: ahleeen yosef
ريم:keefk o keef alwaldah ??
لمى: بسم الله..ريم !! مين ريم ؟
لمى: وتقول كيف الوالدة..هذي يمكن تعرفنا..
لمى: hlaaa ana mo yosef
لمى: yosef shway o yejy brb
ريم : ok tyt !!
( جا يوسف..)
لمى: عمي تعااااااااال تعااااااااال..
يوسف: هلا....وش فيك ؟!
لمى: ميييييين ريم ؟!
يوسف: ريم..وييين ريم؟؟
لمى: بالماسنجر وحدة اسمها ريم منهي ؟؟
يوسف: الحين موجودة ؟؟
لمى: اييييييييه موجودة وش فيك مستغرب..
يوسف: طيب وخري عن الجهاز بسرررررررعة..
لمى: !!
يوسف: بعدين اقولك انتي الحين قومي..
لمى : طيب طيب ..
يوسف:hlaaaaa wallah reem
ريم: hla..keefk o keeef alwaldah..o meen elle kan 8a3ed 3la al PC
يوسف:ana tamam..o alwaldah b5eer..o hathy elle 3la al PC bent a5oooy 8elt lek 3leeha
ريم: aha hathy lama??
لمى: بعد..بعد تعرفني وانا ما اعرفها..
يوسف: لمو مو وقتك الحين بعدين اقولك..
يوسف:eeee haty lamo
ريم:salem 3leeha
يوسف:yo9al
ريم:yosef
يوسف: hla reem
ريم:I gtg
يوسف:leeeeh..reem bdry wallah meshta8 lek
لمى: ههههه وقدامي بعد والله تطورات يا عمي..
يوسف : اسكتي انتي
ريم: wallah lazem a6la3 c u later..bye
يوسف: ok..ashoofek 3la 5eer take care bye
(يطلع يوسف بعد ما طلت ريم..)
يوسف: يله..لمى قومي خلنا نطلع لهم فوق..
لمى: اوكي بس متى ان شاء الله بعرف عن سالفة ريم ؟؟
يوسف: بتعرفين ان شاء الله بس مو الحين..
(ويطلعون للغرفة فوق..ويلقون عبدالرحمن برا الغرفة يتفاهم مع الممرضة..)
عبدالرحمن: انتم وين رحتوا ؟؟
يوسف: كنا تحت قاعدين على الانترنت ونسولف..
عبدالرحمن: اها المهم وين داخلين..امي خلاص نامت..
يوسف: وقلت لها ؟!
عبدالرحمن: ايه قلت لها..
يوسف: وش قالت ؟؟
عبدالرحمن: انت تعرف امي يا يوسف..ايمانها بالله قوي وتقبلت كل شي..هي اكيد بالبداية ضاق صدرها بس والله العظيم ما كنت متوقع انها بتصبر كذا..الله لا يحرمنا منها..
يوسف: امين يا رب..طيب والحين انت ولمى بتروحون على الفندق ؟؟
عبدالرحمن: لالا انا اليوم بنام عند امي لان العملية بكرة..انت خذ لمى وروحو
يوسف: ان شاء الله..
عبدالرحمن: يله اشوفك بكرة..
يوسف: فمان الله
لمى: مع السلامة يبه..
(ويروحون لمى ويوسف على الفندق..)
وفي الفندق..
لمى:هاه يوسف.. وش سالفة ريم ؟؟
يوسف: هههه انتي ما نسيتي الى الحين..
يوسف: بكرة اقولك الحين لازم ننام..
لمى: لالا ما فيه بكرة..
يوسف: وش تبين اقولك طيب؟؟ وش رايك تسالينها هي الحين بلندن..
لمى: هههه لا منيب سائلتها ابي اسالك انت..
لمى: قول لي مين هي شلون عرفتها..وبعدين الكلام بيطلع من نفسه..
يوسف: امممم ريم هذي وحدة عرفتها من الانترنت..وتحديدا الشات..هي بالشات مرررة مرجوجة يعني يمكن هالشي هو اللي شدني لها بالبداية..بس يوم حاولت اتقرب لها كانت ترفض كثير..لكن مع كثر المحاولة رضت..انا اول مرة اصر على اني اعرف بنت..يعني ما كنت اتحمس على اي وحدة..ولا تشدني اي وحدة..بعد ما عرفتها عرفت انها حبووووبة مرة..
لمى : اها وهي كم عمرها ؟؟
يوسف: تقريبا 17 هي الحين ناجحة لثالث ثانوي..
لمى: ما شاء الله صغيرة..
يوسف: ايه بس عقلها ما شاء الله ولا بنت عمرها 20..
لمى : ما شاء الله عليها..اها كمل..
يوسف: المهم بعد ما قدرت اضيفها بالماسنجر..تعرفت عليها اكثر بالسواليف والكلام...ما اكذب عليك بالبداية كنت اعتبرها من جد مثل اختي..بس بعدين..
لمى: بس بعدين ايش ؟؟ وش صار ؟؟
يوسف: ما ادري يا لمى..والله مدري.. صرت افقدها مرة ودايم على بالي..تعلقت فيها بالفترة الاخيرة بشكل ما تتصورينه..
لمى: يعني ؟؟
يوسف: مدري خلاص اللي قلته يكفي..
يوسف: يله لمى قومي بكرة لازم نقوم بدري..امي بكرة عمليتها وحنا قاعدين نسولف..
ابي اقوم اقعد مع امي قبل العملية..
لمى : اوكي تصبح على خير..(لمى ما حبت تعلق على الموضوع لانها حست ان يوسف متعلق بريم..وزي ما قال لها ان الموضوع صار اكثر من سواليف واستهبال..)
يوسف: وانتي من اهل الخير..
(لمى دخلت تنام..بس تذكرت انها نست شي من الغرفة اللي فيها عمها..دخلت الغرفة وهي تسمع صوت احد !! مو معقولة هالصوت من يوسف..لانه نايم..)
لمى: وش هالصوت !!
--------------------------------------------------------------------------------
(يوسف كان يغني بصوت مو واضح وكانت لمى تسمع بدون ما ينتبه لها..)
يوسف: انا يا امي ترى ما اوفيك مهما يكون..جميلك دين في عمري وربي بك موصيني..ومهما عشت لك وافي بظل الوافي المديون..لانك روح في قلبي..ودم في شراييني..الى الله رافع كفي دعاي انه مرضك يهون..عسى يشفيك لي ربي يا امي يا نظر عيني..
(لمى ما قدرت تتحمل دخلت غرفتها بدون ما يحس فيها يوسف وقعدت تصيح..وتدعي ربها انه يهون على جدتها ويشفيها..)
وفي الصباح..
يوسف: لمو..لمو.. يله قومي..
لمى : ان شاء الله عمي بس اصبر شوي
يوسف: ما فيه شوي..قومي نفطر بعدين نروح للمستشفى..
لمى: طيب خلاص قمت..
( وراحوا يوسف ولمى للمستشفى..دخلوا على عبدالرحمن والام..لقوهم يسولفون.. قعدوا معاهم..الوضع كان صعب بس الكل كان يحاول يبين انه مبسوط ويخفي علامات الحزن من وجهه..وقبل موعد العملية بفترة..دخلت الممرضة تقول انهم لازم يستعدون..)
يوسف: يله يا يمه قومي اغير لك ملابسك..
الام: ااااااه..الله يا الدنيا..بعد ما كنت البسك..واغير لك..الحين جا اليوم اللي احتاجك فيه تغير لي..
يوسف: انا مو بس اغير لك..انا اشيلك بعيوني..
لمى: يا يمه بس ما عليك منه..انا البنت يعني انا اللي اساعدك..
(لمى كانت تبي تقول اي شي عشان تضيع الموقف لانها حست ان يوسف مرة متاثر وخافت على ان الام تنتبه..)
عبدالرحمن: يمه لو نسوي كل شي ما نوفيك حقك..
(يوسف يبي يقول كلام كثير لامه..بس حب انه يسكت..لانه مو وقت مناسب لهالكلام العملية ما بقى لها شي ولا يبي يضيق صدر امه..)
عبدالرحمن: يله يمه تجهزي..بعد شوي بيجون ياخذونك..
الام: طيب يا وليدي اصبر شوي بس ابي اقولكم شي قبل لا ياخذوني..
يوسف: سمي يمه..
الام: طبعا انتم كبار وما يحتاج اقولكم انه الدنيا حياة وممات..وانه مهما الله طول بعمري بيجي اليوم اللي اترك الدنيا مثل حال باقي الناس..
عبدالرحمن: يمه الله يعطيك طولة العمر..
يوسف: يا جعل يومي قبل يومك يمه..
لمى: يمه لا تقولين هالكلام..
الام: ما خلصت كلامي..وهالكلام اللي قاعدة اقوله ما يزعل..
الام: ما اوصيك يا عبدالرحمن على بيتك وعيالك..ويايوسف.. والله لو ربي كتب لي عمر وطلعت من العملية على خير..ورجعنا اني لا ازوجك احلى البنات..وان ربي ما كتب لي عمر فانا ابيك توعدني انك ما تخيب ظني وتتزوج بنت الحلال اللي تبيها واللي تسعدك وتجيب لك بنت وابيك تسميها باسمي..(تبكي الام..)
يوسف: لا ان شاء الله لا تقولين هالكلام..انتي باذن الله بتقومين بالسلامة وتختارين لي البنت اللي تبينها..
(دخلوا الدكاترة ياخذون الام..يوسف ما قدر يقعد ويشوف الموقف..طلع برا..)
في وقت العملية..
(الكل قاعد ينتظر انه يسمع اي رد..اي صوت..اي حركة من ورا باب غرفة العمليات..يوسف لمى وعبدالرحمن..كل واحد يدعي من كل قلبه ان الام تطلع بالسلامة..وان العملية تنجح..بس العملية طولت..وصبرهم نفذ..)
بعد انتهاء العملية..
يوسف: هااا يا دكتور طمني ان شاء الله امي بخير ؟؟
(الدكتور قال لهم ان الام داخلة في غيبوبة والى الحين ما يدرون ايش النتيجة..اذا صحت الام فان شاء الله ان العملية نجحت واذا ما صحت فالاعمار بيد الله..)
عبدالرحمن: لا حول ولا قوة الا بالله..
لمى: يبه وش يعني الكلام اللي يقولونه..يعني جدتي ان شاء الله بتقوم صح !!
عبدالرحمن: ايه ان شاء الله يمه بتقوم انتي ادعليها..
(يوسف ساكت..ما يدري وش يقول..)
يوسف يصرخ فجأة: بددخل عليييييها
(عبدالرحمن والدكتور يحاولون يمنعونه..لكن ما قدروا..مع ان الدكتور قاله ان حالتها خطرة..والمفروض محد يدخل عليها بهالوقت..)
لمى: خلووووه يشوف امه خلووووه
=======
يتبع
|
27-12-08, 03:06 PM
جديد مواضيع قسم القصص المكتمله
العرض العادي
