ناصر: يا ليال الصالون ماهو ذا المشروع الي تغني عليه
ليال بحده: بس هذا المكان الي ابي اكون فيه ياناصر
ناصر: وليه عصبتي بهالسرعه
ليال: اسلوبك معاي صار ينرفزني
ناصر: ياروحي ياقلبي كنت اتكلم معاكي بس.. ايش رايك انك تشتغلي على فتح الصالون من الان
ليال: حلو ايوه كذا احبك كذا.. بعد حفلة التخرج ان شالله استلم شهادتي واشتغل على التنفيذ
ناصر: خلاص ياقلبي اعملي الي يعجبك
خفت منه اكثر بعد هالكلام الي قاله.. صحيح انه يبين لي انه خايف علي.. بس بعد يرجع ويعطيني كلام مسموم بكلام ابوه.. انا واثقه انه لافي فتح معاه سيرة جراح من جديد.. معلش ياناصر زوجتك ماهي بالشخصيه الغبيه الي ماراح تفهمك.. انا فاهمتك كويس.. كويس
كنت افكر اني ارجع البيت حتى اجهز اوراقي.. كنت ندمانه اني ماراح احضر حفلة تخرجي من الجامعه بس نسخ الشهادات الي قدرت احصل عليها معاي تفي بكل شي ابيه وتعبت عليه.. كان لازم ارجع البيت اوراق البنك والشهادات وجواز السفر هم اهم شي ابي اخذهم معاي.. وماراح اخذ ملابس معاي الفلوس الي سحبتها من البنك تكفيني لحد ما اوصل عند اهلي وبعديها دور على ياناصر انت وابوك.. نمت وصحيت بعز الليل.. الخوف الي بقلبي منعني النوم.. هاجس انه فيه احد يبي يذبح ولدي قاتلني.. قمت اصلي واقرا شوية قرآن.. وجلست كنت اتمنى انه بالي يهدى شوي.. كنت ابي افكر بعقلي.. كنت عارفه انه قلبي هو الي يحركني.. حبي لطفل اشيله بين يدي ذابجني.. وقفت شويه وشفت روحي بمرايه.. وين راح ايماني بالله بالي اسويه.. هذي ماهي ليال الي قدامي.. هذي وحده ثانيه اكيد.. وين راح عقلي.. ايش جالسه اعمل بحالي انا.. اذا عرف ناصربهروبي ايش بيعمل.. لافي ايش بيعمل فيني وفي اهلي.. ايش بقول لناصر ساعتها.. ما ادري ما ادي.. بس انا ما ابي اصحى بيوم واشوف اني فقدت ولدي او انه احد فيهم اذبحه.. ابي احميه واحمي نفسي.. ناصر ماراح يرحمني اكيد بيجبرني على الشغل مع ابوه.. لافي بيحركه باشاره من اصبعه.. انا مابي اعيش هالعيشه.. مابيها ابي بيتي وزوجي وعيالي حولي من غير لا احد يحركهم لي.. من حقي اوفر الامان الي ابيه بحياتي.. من حقي.. لازم اكمل الي براسي.. والي يصير بعدها يصير.. المهم ارتاح.. فتحت الميل ولقيت عبدالرزاق موجود.. هذا هو الي ابيه.. موجود بوقتك ياعبدالرزاق.. اتمنى انك تكون فعلا انسان محترم وتساعدني
عبدالرزاق: وعليكم السلام.. اهلا اختي الغاليه
نور حياتي: اخوي عبدالزراق انا اسفه على اسلوبي معاك
عبدالرزاق: انا موجود هنا من بعد ماقفلتي بثلاث ساعات كنت انتظر دخولك.. كنت ابي اعتذر منك على اسلوبي.. يشهد الله علي اختي اني ماقصدت الشين بكلامي.. واعذريني اذا غلطت عليكي بشي ماهو قصدي
نور حياتي: انسى الي صار.. انا فعلا داخله وكنت اتمنى اني اشوفك
نور حياتي: ماآمر عليك عدو.. محتاجه تدلني على محامي ممتاز.. محامي متخصص بالاحوال الشخصيه
عبدالرزاق: بكره يكون عندك.. بكره الساعه 10:00 الصباح تدخلي على ميليك وتلاقي اسمه وارقام تليفوناته
نور حياتي: اخوي عبدالرزاق
نور حياتي: ابيه الان.. ماعندي وقت انتظر لحد بكره.. وقول له اني بدق عليه الان
عبدالرزاق: لا تقفلي خليكي معاي على الخط
وانتظرت.. كانت عيوني معلقه على الشاشه وعلى ناصر الي نايم قدامي.. كنت مصممه على الي بسويه.. ماهو هامني أي عواقب راح تجيني بعده.. المهم اطلع من هنا.. وما ابي ارجع مره ثانيه ابد.. ابد حتى لناصر
عبدالكريم: اسمه عبدالكريم المنصور.. اكبر محامي متخصص بالاحوال الشخصيه.. ينتظر منك تلفون
نور حياتي: اخوي ابي منك خدمه ثانيه
نور حياتي: ابيك تعاهدني امام الله انك ماراح تسأل عبدالكريم عني.. ولا راح تحاول تعرف أي شي راح اقوله له
عبدالرزاق: اعاهدك امام الله الي بحياتي ما اخلفت له عهد.. اني ماراح اسأل عن اسمك ولا راح اعرف عن شخصيتك أي شي.. بس راح اتطمن عليكي من عبدالكريم.. اختي الكريمه.. كوني واثقه انه الي تتعاملي معاه رجال.. مثل ماله عرض يخاف عليه.. بيخاف على عرضك انتي كمان
نور حياتي: شاكره لطفك ومساعدتك
عبدالرزاق: عبدالكريم المنصور.. رقمه ******* .. بالتوفيق
انهيت المحادثه معاه.. صحيح اني ماراح اثق في عبدالكريم ذا.. كنت ابي اعرف الرأي القانوني لوضعي.. و كنت ابي اتأكد من عبدالرزاق من شخصيته ورجولته.. كنت افكر في تجارتي وكيف انميها وماهو عشان شي.. عشان مصلحتي التجاريه بس.
دقيت على العامله وقلت لها تجيب تلفوني.. كلمت عبدالكريم الي لقيته مهتم فيني من اول ماقلت الو.. يمكن لمكانت عبدالرزاق عنده.. حسيت بهيبة عبدالرزاق عند عبدالكريم.. لاني قلت له القصه كامله من غير ذكر اسماء طبعا.. وقال لي انه قضيتي خسرانه.. بعديها قال بس عشان خاطر عيدالرزاق راح ادليكي على سكك ودروب غير حتى اكسب قضيتي واقلب الطاوله على زوجي وابوه.. صحيح مافي اخطر منها.. بس انا وقفت عندها.. قفلت المكالمه وانا افكر.. ناصر ماعمل لي شي حتى اعمل فيه كذا.. ولافي على قد ماهو قاسي واستغلالي دلعني وكسب رضاي في اشيا كثيره وكبيره ويمكن اذا الله كتب انه الي ببطني يعيش.. بيعيشني ملكه على راس حرمته وبناته.. اذا هو الان يشوفني احسن منهم اجل كيف اذا جبت الي ببطني.. ايش راح يعمل.. استحيت من حالي.. فكرت في صلاح وسوسن هم اغلى من روحي.. باهدم بيتهم اذا عملت هالحركه.. بيتضررو كثير.. لا.. لا.. لا.. ماهو ذا الي انا ابيه.. ابي احس بالامان ماهو اكثر من كذا.. الامان وبس.. ماهو خراب لبيوت اخواني.. تفاجأت بتلفون ناصر.. مين يدق عليه بهالساعه!!.. ايش صار!!
لافي بلهفه: ليال حبيبتي.. هذا انتي ياليل
ليال: الحمدلله بخير ايش صاير
لافي: تصدقي نسيت.. من لهفتي عليكي سمعت صوتك ونسيت انا ليه داق
لافي: صحي ناصر.. وقولي له عبير تعبت وخليه يلحقنا على المستشفى لافي: لا تقلقي.. صحيه انتي بس وخليه يلحقنا امه عامله مناحه هنا تقول تبيه
ليال: حاضر.. حاضر بصحيه الان.. مع السلامه
قلبي كان بقبوض.. صوته ملهوف علي!!.. نبرته ما اعجبتني ابد.. اعوذو بالله منك يا ابليس.. عمري ماحسيت منه بهالاحساس.. يقولي من لهفته علي من سمع صوتي نسى الي يبي يقوله!!!! ايش الي اسمعه ذا.. بس كويس الي سجلته في التلفون حتى اذا ناصر ماصدقني.. بنقله بتلفوني الجديد حتى اجمع أي دليل يأيد كلامي اذا احد لامني.. الله يشيلك يالافي هديت من امان نفسي.. وتركتني اكلم حالي انا وين وانت وين.
ليال: وبعدين معاك اصحى عاد
ناصر: قولي ناصر حبيبي اصحى بتلاقيني بحضنك صاحي
قبل اذا سمعت هالكلام ادوخ.. انسى نفسي وحالي.. الان الاحساس مختلف مره.. ماكنت حابه منه هالكلام يمكن لاني اسمعه بس ما اشوفه.. ضروري الحرمه تشوف هالكلام قدام عيونها حتى تحس بالحب مع زوجها.. قلت له عن عبير وفز لهم.. اصريت انه يا خذني البيت.. قلت له اني اخاف اقضي الليل هنا لوحدي.. كنت مصممه على الي براسي اكثر من قبل.. قلت اروح اجهز اوراقي.. حتى ارجع السعوديه خلاص.. مالي عيشه هنا ابد.. قمت مع ناصر بسرعه نزلني البيت وراح هو المستشفى يلحق على امه.. جاني اتصال من لافي وعلى تلفوني الخاص.. استغربت هالشي ورديت عليه
لافي: هلا ياقلب عمك.. كيفك حبيبتي
ليال: وعبير كيف صحتها الان
لافي: وش عليكي من عبير الان.. خبريني عن صحتك
ليال: الحمدلله انا احسن بكثير الان
لافي: انا مبسوط انك رجعتي لحضني من جديد
لافي: ليال حبيتي.. ماني عارف اعيش من دونك.. ما احس للدنيا طعم اذا مالقيتك حولي
لافي: هههههههههههههههه وانتي تصدقي التمثيل ذا على طول ياليال
ليال بحده: والله ماهو تمثيل والله
وسكرت الخط بوجهه كنت معصبه منه كثير.. وهذا الي زاد اصراري بالهروب.. وطبعا سجلت المكالمه على تلفوني.. ودزيتها على تلفوني الجديد.. كنت اساسا مقرره اني اترك هالتلفون هنا وما اخذه معاي.. ما قصرت يا لافي حلوه اتصالاتك هذي جات في صالحي.. استغليت هالفرصه الحلوه اني بروحي رحت ادور بأوراق ناصر الخاصه.. لقيت جوازي وعقد زواجي.. كانو اهم الاوراق الموجوده هناك.. رحت اخذت شهاداتي وتخويل البنك الي عمله لي صلاح.. البطاقات الماليه ودفتر الشيكات السري الي محد عرف عنه شي.. كله كنت مخبيتها بمكان ما حد يقدر يكتشفه والاهم من ذا كله تذكرت السفر.. كنت ذكيه.. فتحت خزانة ملابسي.. لقيت الاطقم الماسيه قدامي.. ترددت اني اخذها بعد تفكير ماهو طويل لانه ماعندي وقت قررت اني اخذها معاي.. اربع اطقم ماسيه والطقم الرابع حق جدة ناصر.. والاطقم الصغيره كان ناصر اخذها لخواتي.. ومانسيت طبعا آخذ الاوراق الي تثبت ملكيتي للاطقم هذي الي اصر ناصر انه يكتبها باسمي.. واخترت الملابس المناسبه للسفر واخذت كل الضروريات الي بحتاجها وقت الهروب.. حتى النعال ( الله يعزكم) اخذت وحده جديده حتى ماحد يعرفني اذا هربت ومانسيت شرايح التلفون والتلفون الجديد بعد خليته بالكيس.. واخذت الكمبيوتر المحمول الجديد.. فكرت في ادق التفاصيل.. بس بقا المكان الي راح اخبي فيه هالكيس..وين وين ياربي.. مابقا عندي وقت طاف من الوقت الكثير.. واخاف يطبو علي.. طلعت برا الملحق وشفت قدامي شجره كبيره اغصانها تكاد تلامس الارض كثيفه باوراقها.. قلت انها مكان كويس اني اخبي فيه الكيس.. ورحت تحتها استخبيت لفتره بسيطه.. خبيت الكيس كويس.. وطلعت بسرعه.. وصلت لحد باب الملحق ولسا بدخل حسيت بيد قويه تجرني.. حاولت اني اركز استوعب الي يحصل.. ما كان عندي قدره للتركيز.. طحت على ارض الملحق.. حاولت احمي ولدي.. لفيت بوجهي.. احاول اشوف مين الي يضربني.. لقيته لافي.. صار يضربني بكل مكان بجسمي.. وهو يسب ويلعن بأقذر الكلمات.. ماكنت مستوعبه
لافي: يابنت الليل.. ياوسخه.. يابنت الشارع.. انا عملت منك وحده محترمه.. دخلتك بيتي وزوجتك واحد ماكنتي تحلمي فيه.. ليه عملتي كذا ليه
ام ناصر ترفسها: ياحقيره.. يا نجسه.. ماتستاهلي الرحمه يا كلبه.. كيف قلبك طاوعك تعمل كذا في ناصر كيف
لافي: الولد عشقك وماكان يشوف غيرك كيف انتي كذا وماحسينا عليكي كيف
ام ناصر: صدقنا ايمانك وصلاتك وسجادتك الي ماتفارقيها.. طلع كله تمثيل ياحقيره.. تفووووووه على تربيتك واهلك الي ما اعرفو يربونك
لافي: انتي الذبح ماراح يشفي غليلي فيكي.. راح اعذبك لحد ماتطلع روحك ياوسخك
شالني من على الارض وانا تفكيري بولدي.. ياربي تحفظه ياربي تحفظه.. ماني عارفه ايش صار وماهو مهم عندي اعرف.. المهم ولدي يا خوفي لا تذبحه من جديد يالافي.. شالني الكلب وربطني برجل السرير.. شد على الحبل حتى يصعب على اني اتحرك.. الكلبه ام ناصر صارت ترفسني برجولي.. ماهو مهم رجولي المهم بطني وظهري.. اه عليك يما كنت حاسه انه بيصير شي.. كنت حاسه.. ياربي رحمتك.. ياربي تلطف فيني.. ياربي رحمتك.. طلعو من عندي بعد ما حسيت انه راح يغمى علي.. لازم اتحرك بسرعه لازم.. ولدي بخطر وانا لازم احميه.. كيف اتصرف كيف.. طلعو مني ودخل علي ناصر
ناصر: ليه يا كلبه ليه.. ليه عملتي كذا.. انا عملت الي مايتعمل عشان ارضيكي.. قلت لك انك روحي قلت لك اني عايش عشانك انتي بس.. ليه عملتي كذا بي.. ايش عملت فيكي حتى تجازيني كذا.. انا ماقصرت عليكي بشي.. وهبتك روحي وعمري ومالي.. انتي لو قلتي ياناصر ارمي نفسك عشاني برميها حتى لو بنار ماراح اتردد.. ياحقيره انا حبيتك بكل مافيني.. بكل مافيني.. وقفت بوجه ابوي هاليومين عشان ارضيكي.. سمحت لك ترفعي صوتك علي وتعامليني معاملة الخدم وكنت مبسوط.. لاني احبك احب التراب الي تمشي عليه.. عمري مافكرت في مستواكي واصلك ونسبك.. فكرت فيكي انتي كنتي قدامي طاهره تخاف الله قلت بس ياناصر لقيت الي تحبك وتخاف عليك وتصون عرضك.. طلعتي وسخه عديمة شرف زي ما قالت عبير.. عبير الي بغيت اقتلها اكثر من مره لانها اهانتك.. طلعت هي الوحيده الي عارفه حقيقتك.. ليتني سمعتها.. ليتني سألتها.. ليتني انتبهت لكلامها وراقبتك وين تروحي ومن وين تجي.
انتبهت انه ماهو في وعيه.. التزمت الصمت كنت خايفه من أي كلمه ممكن اقولها ادفع ثمنها اني اخسر ولدي.. كنت ساكته ماني مصدقه ايش الي اسمعه اكيد انهم اعرفو اني حجزت تذكره.. بس كيف؟!! انا ماتركت وراي أي اثر.. اكيد انهم شافوني وانا اطلع من تحت الشجره.. ايوه ايوه اكيد.. لانه ماصار وقت كبير من طلعت من تحتها ومسكني لافي الكلب يشدني من شعري.. انتبهت على ناصر يطلع سكينه حاده من جيبه.. كانت روحي بتطلع حسيت عيوني من الرعب الي كنت فيه بتطلع من مكانها.. ماتصورت اني اكون بهالحاله وماتصورت اكثر انه ناصر هو الي يكون جالس قدامي وهو بهالحاله.. كان الخوف ماليني من لافي.. خوفي كان بمحله.. واحساسي كان بمحله بعد.. ياربي ترحمني.. ياربي ترحمني.. ياربي اذا كاتب على ولدي يموت موتني معاه يارب.. لا تتركيني لحزني.. لا تتركني لعذابي.. ياربي منك الرحمه.. يارب دعيتك وانا في عز الخطر ثبت قلبي وتنجيني مما انا فيه.. ادعوك يارب العباد الطف بحالي.. يارب.. حسيت بخط ساخن قطع وجهي.. ماحسيت بالام ماحسيت بالوجع.. حسيت بسخونه حاره تقطع وجهي.. ماكنت خايفه ولا كنت مرعوبه من شي.. كنت واثقه بالله كل الثقه اني راح اطلع من الي انا فيه.. مالمت حالي على شعوري بعدم الامان.. مالمت حالي على تفكيري وتسرعي بقراراتي الاخيره.. الي لمت حالي عليه اني مافكرت بالهرب بدري عن كذا.. صحيح كنت متردده وكنت بلغي الي بعمله.. بس الان لا.. فكري ياليال فكري بسرعه.. مافي وقت.. يارب لطفك ومساعدتك يارب
ام ناصر بحده: لا يمااااااااااااا.. لا تنهي مستقبلك على وحده مثل هذي.. هذي زباله وسخ شارع.. ماتستاهل انك تنسجن من تحت راسها.. قوم يا قلب امك مالك حظ بزواجاتك.. قوم يما وبكره ازوجك شيختها.. هذي وحده كلبه
ناصر بحده: اتركيني يماااااااااا .. اتركينيييييييي
ام ناصر تصرخ: لااااااااااااااافي.. يا لاااااااااااااااااااااافي الحق على ولدك جننته هالوسخه بفعلتها.. لاااااااااااااااااافي
نوف بخوف: بسم الله الرحمن الرحيم.. ناصر انت انجنيت؟ ايش الي عملته ذا
ناصر بحده: طلعو برا.. برااااااااااااااااااااا
العنود برعب: ناصر لا لا تذبحها.. انت لازم تسمعها الاول.. ابتعد عنها ياخوي ابتعد عنها
ناصر: خذي بناتك يما واطلعو برا براااااااااااااااااااا
لافي يزعق بكل قوته: نااااااااااااااااصر ابتعد عنها.. قوم عنهااااااااااااااااااا.. ايش الي عملته ذبحتها؟.
نوف بخوف: لا بابا.. حيه ماصار عليها شي
ناصر بين يد ابوه: انا بذبحك يا ليال بذبحك وماحد بيقدر يوقفني انتي سامعه سامعه
جاني كف من يد امه.. وما اهتميت المهم انهم بعيدين عن بطني وظهري.. هذا المهم حاولت احافظ على هدوئي.. حتى ما انهار واخسر ولدي.. جا لافي وسحب ناصر من قدامي.. جره جر لبرا الملحق واتبعته امه.. ماتوقعت الي صار بعديها.. ماكنت حاسبه انه بيصير معاي كذا.. خصوصا من العنود
العنود: بسرعه يانوف بسرعه.. فكيها معاي
نوف: بسرعه شدي هنا يالعنود
ليال: اذا درو عنكم بيذبحوكم
العنود: حنا نتصرف ماعليكي انتي.. المهم انك تكوني بخير
ليال: والله العضيم ابد.. لقيتهم يضربو فيني من غير لا يسألوني
العنود: شوفي حنا فكيناكي.. وانتي استخبي بأي مكان.. تهدى الاوضاع ونعرف الحقيقه ونجي ناخذك انا ونوف
نوف: بنحاول نلهيهم عنك اكبر وقت.. تصرفي بسرعه واهربي
ليال: نوف .. انا ماعملت شي.. ما عملت شي
نوف: مصدقتك يا ليال اساسا انا اشك بروحي ولا اشك فيكي
العنود: يلا ياليال بسرعه مافي وقت
نوف: انتظري نمشي.. وبعدين اطلعي.. بس استخبي بسرعه بسرعه
العنود: بنكون معاكي على اتصال
ليال: نوف.. قولي لناصر فيه مكالمه مسجله على تلفونه خليه يسمعها لا تقولي له مني.. خليه يسمعها وبعدين قولي له اني اقول انه في غيرها واخطر منها.. خليه يدور علي الثانيه تراهي ماهي ببعيده عنه.. واذا عجز.. قولي له تراها بجوا روحي
طلعو عني بسرعه.. استنيت شوي وطلعت استخبيت تحت الشجره وشفت الدنيا امان وهربت.. صرت اركض وانا حافيه ما انتبهت لحالي اني حافيه.. وصلت لمحطة باص ودخلت فيه على طول.. انتظرت شويه ومشى.. كنت مرعوبه من فكرت انهم حسو على هروبي.. كنت مثل السارق الي خايف احد يمسكه.. ماهو مظلمومه خايفه من يد ظالمها.. وصلت للمحطه الثانيه وبدلت الباص.. شفت سياره تاكسي نزلت من الباص وركضت عليه.. على طول وبلغه فرنسيه تعمدت اني ابرزها قلت له اني بدفع له مبلغ خرافي اذا وصلني على المطار.. وطار فيني كان يسوق بسرعه جنونيه وانا مع الخوف صرت ادعي من ربي انه يحفظ الي ببطني.. خوفي عليه ماهو علي.. ربع ساعه وكنت في مطار هيثرو رحت ادور على الحمام (الله يعزكم).. ابدل فيه ملابسي.. بدلت ملابسي ولبست عبايتي والغطا.. ولبست النعال (الله يعزكم) الي نسيت البسها حتى وانا بالسياره.. خلصت ورحت ادور على شركة تذاكر.ومن غير ما احدد طريقي.. اول سؤال سئلته
ليال بلغة فرنسيه: اريد أي رحله طائرتها تطير الان.. واذا كانت للسعوديه اكون ممنونه
موظف الاستقبال: الان في هذي اللحظه عندي طائره متوجهه لشرق اسيا.. الهند
موظف الاستقبال: بعد ربع ساعه.. لماليزيا
موظف الاستقبال: عندي طائره بعد غد
ليال انتبهت انها حاجزه عليها: لا لا اريدها
موظف الاستقبال: الكويت بعد عشر ساعات ونصف تقريبا
ليال بعد ما دفعت مبلغ محترم: اليس لديك أي طائره متوجهه للخليج الان
موظف الاستقبال: اسمعي يوجد طائره متوجهه الي قطر بعد نصف ساعه ولاكنها على شركة طيران اخرى
ليال: وهل لك أي اتصال بهم؟
موظف الاستقبال: ان كان لديك قدره على الدفع اكثر سأنهي لكي امورك في خمس دقايق
ليال تدفع ضعف المبلغ: احب الذين يساعدونني باخلاص
موظف الاستقبال: جوزيف.. تذكره على طائرة قطر الان
موظف الاستقبال: شكرا لك صديقي العزيز.. جواز السفر سيدتي الجميله ليال: هل تراني جميله وانا اضع الغطاء على وجهي؟
جوزيف: يكفيني ان ارى المال عزيزتي حتى اراكي ملكة جمال الكون
كلمته اثرت فيني كثير.. لو ماكنت فكرت في الفلوس ماكنت انا حيه الان.. الحمد لك يارب لولاك ايش راح يكون مصيري الان وانا بعيده عن اهلي.. الموظف خلص الاوراق ورحت على قسم المشتريات.. شريت شنطة سفر حتى ماحد يحس اني هاربه ويبلغو عني.. وبعدين احتجتها عشان الماس الي عندي.. مومعقوله اخليه بكيس كذا.. خلصت ورحت قسم الجوازات وختمو الجواز ودخلت استنى كنت جالسه عند الباب المؤدي للطياره.. وعيوني على الي رايح والي جاي.. لو لمحت احد فيهم راح اسحب نفسي واهرب من جديد.. ويارب يوفقني لخطه ثانيه.. واذا مالقيت بركب الطياره واتوكل على الله.. الي حفظني من يدهم من شوي قادر يحفظني العمر كله.. فكرت اشوي وقلت استخبى بالحمام (الله يعزكم) حتى لو فيه احد يتبعني ماراح يلقاني جالسه انتظر وبعدين ابي ادق على صلاح ومابيه يعرف اني بالمطار.. وبالحمام ماراح يسمع صوت الازعاج ذا.. رحت الحمام (الله يعزكم) واتصلت على صلاح ومالقيت الي رد علي وظليت ادق وماحد يرد.. اتصلت على البيت وبعد ماحد يرد.. استغربت العاده كلهم مجتمعين عسا الله لا يفرقهم.. قلت بتصل على ابوي وترددت.. فضلت اني ادق على سلطان بسأله عن صلاح وامي ليه ماترد ماراح ابين له أي شي.. دقيت ظل يرن وماحد يرد.. اخيرا رد
ليال: سلطان حبيبي هذا انا ليال
سلطان: ليال الساقطه ليال المنحله.. ليال الي نست ربها ودينها.. ليال الي وطت روسنا بالقاع
ليال بحده: وين صلاح.. وين صلاح
سلطان: تدوري على حبيب القلب صلاح.. ماراح يقدر يطهرك من نجاستك ياكلبه.. ابوكي مرمي بالمستشفى.. جاته جلطه يا كلبه تعرفي ايش جلطه وهو بهالسن
ليال بحده: لا انت تكذب.. قول انك تكذب
سلطان: ياليتني اكذب.. ياليت بس ابوي مايجرا عليه شي.. لافي اتصل على ابوكي وقال له سواد وجهك يا حقيره.. وطيتي روسنا ياكلبه بفعلتك
ليال: اسمع انا اشرف من الشرف ياحقير.. والله والي خلق خلقه وعمر حلفي ما جا باطل.. لا ترجع تبوس رجولي اسف على الي تقوله في حقي.. انا ليال النشمي ماحد يقدر يمس شرفي حتى لو كنت انت
سلطان: ابوي تبرا منك وحلف علينا انا وصلاح مانكلمك.. انسي انك بنت النشمي
سكرت الخط بوجهه وانا الدنيا تلف فيني.. المفروض اني اتوقع هالشي.. بس المهم الان ابوي يعيش.. صعدت الطياره وكنت اخر من دخل الباب حتى بس اتطمن انه ماحد بيتبعني.. ركبت الطياره وانا ادعي من قلبي.. ماوقفت دعا لحد ماطارت في الجو وشفت نفسي ابتعد عن الارض.. وقتها بس حسيت بالامان.. يا الله على هالشعور.. من جد شعور غريب.. احساس رهيب.. اكيد لاني في حما الله.. وماني في حما لافي.. بعدته من فكري هو وعيلته كنت ابي ارتاح.. مرت علي ايام طويله وانا فاقده هالامان الراحه النفسيه.. الحمدلله.. فكرت في ابوي كثير هو الوحيد الي ما ابي ابعده عن تفكيري.. كنت واثقه ان لافي الكلب قدر يفر راسهم علي.. هو شاطر بهالشي ماهو مهم الان.. كل شي باذن ربي بينحل.. دامي في حما الله اكيد بيجي اليوم الي يعرف اني انظف من انهم يتقولو علي كذا.. انا فكرت احمي ولدي بس.. غمضت عيوني.. استسلمت للنوم الي فارقني من مده.. وغبت عن الجو الي انا فيه.. فجأه قمت مفزوعه من نومي.. وحسيت باحد يجرني من مكاني وقفت على حيلي ولما شفت الي جنبي اغمى علي.
- يكون لافي تبعها.. اوناصر هو الي وراها وهي ماخذت بالها
- ياترا بتفقد الي بطنها هذا بعد
- ياترا لافي وناصر بيعرفو عن عبدالرزاق
- وعبدالرزاق بينتهي دوره لحد هنا ولا بيزيد المسأله تعقيد
- ايش راح يجرا عليكي ياليال
احداث جديده ومثيره
تابعوني
انتظر ردودكم ياعسل
مع تحياتي.. دانة الحمادي
29-12-08, 10:02 AM
جديد مواضيع قسم الارشيف
العرض العادي
