كاتب الموضوع :
دانة الحمادي
المنتدى :
الارشيف
علمتني قسوته ان اكون
الجزء الثالث
وصلت للطابق الارضي وانا رجولي ماهي شايلتني.. صحيح اني خايفه.. لا ما كنت خايفه.. انا كنت مرعوبه ايش ممكن يحصل لي من ورا لافي.. بس والله والي خلق خلقه.. ان مد يده علي ولا كلمني بقلة حيا لاكون موريته الويل.. هذي حياتي مايحق له يمنعني عن شي ابيه.. بس ناصر هو المشكله اذا سألني ليه ماقلت له ايش ممكن ارد عليه.. حياتي بخطر.. الخوف زلزل تفكيري.. صرت ارتعد وانا واقفه.. ايش هالضعف الي انا فيه ايش صار علي.. وقفت قدام لافي وانا عامله حالي معصبه.. كنت مقتنعه بالمثل الي يقول خذوهم بالصوت لا يغلبوكم.. كنت انتظر أي حرف يقوله حتى اهجم عليه.. لما شاف وجهي تغيرت ملامح وجهه قال
لافي: مال وجهك كذا
ليال: انا مالي؟ .. صراخك علي واصل لاخر العالم.. ايش الي صار
لافي يبتسم: كنت اناديكي بس
ليال: كذا؟ كأني ذابحه احد وانت اكتشفت جثته
لافي: هههههههههههههههههه اول مره اشوفك خايفه يا ليال.. لا يكون مخبيه شي وانا ماني عارفه
ليال: من هذي الي تخاف.. انا من جد معصبه
لافي يحاول يحضنها: ومعصبه مني يعني.. انا كنت ابي افرحك
ليال تبتعد عنه: ياعمي ماهو كذا عاد.. من جد خوفتني.. ان..............
لافي: واذا قلت لك اسف
هاااا !!!!!!! اسف لافي بن فهد يقول اسف؟؟؟؟ ولمين لي انا.. والله اني عجبت لامرك.. والله انه راسي لف من تصرفاتك معاي.. كل ما اقول انه سبب في المصايب الي انا فيها القاه يغير نظرتي حوله بسرعه رجولته تعجبني وحبه لي وتعلقه بي وكيف انه يدور على رضاي.. قالب راسي هالرجال.. سمعته يقول
لافي: ليال حبيبتي جهزت لك الملحق الي برا لك انتي وناصر حتى تعيشو فيه ويكون ناصر جنبي وجنب امه.. ومايعيقك الدرج اذا الله كتب وحملتي مره ثانيه
ليال مستغربه: من صدقك!!!!!
لافي: اكيد من صدقي منتي مصدقه
ليال: ها!!! ما ادري
من غير لا انتبه لحالي ولكرهي له وحقدي على تصرفاته نسيت انه ممكن يكون دفعني من على الدرج.. نسيت انه سبب كل مصايبي نسيت انه حياتي موقفه تحت امر او اشاره منه.. رحت له وضميته وانا ابكي من قلبي.. ما ادري كيف طلع مني هالكلام
ليال: كل ما القى اني تهت في الدنيا لقيتك تعوضني عن الي فقدته.. كل ما اقول اني خلاص بغرق بحزني وبموت على فقد عيالي لقيتك من حزني تنتشلني آآآآآآآآآآآه ياعمي على حرقة قلبي على عيالي.. واحد ورا الثاني يضيعون.. واحد ورا الثاني يموتون.. ياليت لي قوتك كنت حرمت روحي الهوا بس يعيشون.. ياليت لي قوتك كنت على فقدهم ناسيه وعارفه اعيش.. ياليت لي قوتك كنت............
لافي يحضنها: بس ياروحي.. هذا النصيب.. لو لهم نصيب بهالدنيا كنتي شفتيهم قدامك
ليال بحده: ماني قااااااااااااادره استحمل احس اني بروح لهم بتبعهم.. الامومه الي داخلي قاتلتني ومتوهتني ابي عيالي.. ابي عيالي
ناصر بخوف: اغمى عليها
لافي: ماسكها لا تخاف.. روح افتح الملحق خلني احطها بفراشها
ناصر: خلني اشيلها عنك
لافي: لا دق على الدكتور يجي بسرعه
صلاح دخل عليهم: خير ايش في مالها بين يدك كذا
لافي: مافي شي.. فضت الي بداخلها وارتاحت
صلاح بحده: مافهمت
لافي: مشتاقه لعيالها
صلاح: اتركها لي انا اشيلها.. ناصر وين راح
لافي: يدق على الدكتور
صحيت ولقيتهم حولي.. تذكرت بسرعه ايش عملت وايش قلت كانو خايفين علي كثير خصوصا صلاح الي شفت دموعه الجافه على خدوده.. عملت حالي ناسيه.. استهبلت كثير.. بس هو كاشفني فاهمني عارف ايش اقصد وليه اعمل كذا.. بعد فتره.. قمت مع ناصر يوريني الملحق بعد الي سواه لافي عشاني.. ماكنت مبسوطه على قد ماكنت خجلا من نفسي على الي قلته.. ماكان جنبي احد حتى افضي له.. كنت حابسه هالكلام داخلي وما كنت ابي احد يعرفه بس الظاهر انه زاد عن حده جواي وقرر انه يطلع.. من كلام ناصر الي كان خايف علي كثير.. فهمت انه كان واقف هو وامه والعنود وحتى عبير واسمعوني ايش قلت.. شافو انهياري واسمعو ونتي.. زاد الاحراج بداخلي من غير لايدري.. كنت مصره اني ماني ذاكره شي.. ماكنت ابي اتكلم معاه خصوصا هو.. ماني عارفه ليه هو بالذات الي اداري عليه هالمشاعر.. بس ماكنت ابي ابين له ايش بداخلي.. بعد العشا.. وقفت في الحديقه شويه مع صلاح..كان مبين انه عنده موضوع يبي يقول لي عليه.. كنت بتمشى معاه بس ناصر ناداه
ناصر: صلاح
صلاح: ايوا
ناصر: تعال ساعدني
صلاح: قول لحرمتك تساعدك
ناصر: هههههههههههههه اقول اترك عنك تعال يلا خلينا ننبسط
صلاح: يلا جيت
لافي: وانت واقف معاها كذا وماتبي تفارقها.. اقول روح ساعده تراه حايس
صلاح: ايش يبي يعمل
لافي: يبي ينصب حاجز يبي يلعب كوره
ليال: ههههههههههههههههه عاد هو روحه بالكوره
صلاح: امري لله
ناصر: وينك يا اخي يلا تعال
صلاح: جينا ياعمي جينا
لافي: انتي بخير
ليال: الحمدلله.. ماني لاقيه سبب للخوف الي انتو فيه
لافي: على فكره اكذبي عليهم كلهم الا انا.. انا عارف انك كنتي بوعيك ولسا فاكره الي قلتيه.. وعارف انه بقا اشيا كثيره ماقلتيها
ليال: بهالشي انت غلطان
لافي: لو غلطان ماكنتي تداري دموعك عني اشوف ناظريني
ليال تتهرب: ابي تعذرني بشوف خالتي يمكن محتاجه شي
لافي: على فكره.. مافي شي محرج حتى تداري الي بقلبك.. هذا شعور الحرمه عادي انك تبينيه.. لا تخلي بقلبك شي.. ضعف الحرمه ماهو جريمه جالسه تداريها.. هذي طبيعه الله خلاها فيكم
كلامه كان مداوي لجروحي خفف علي الكثير.. جلس يتكلم معاي لحد ماناصر وصلاح انتهو جا صلاح واستأذن عمي يتكلم معاي.. ناصر عارض هالشي كان يبينا نلعب والسوالف لاحقين عليها.. بس انا كنت مصره اعرف صلاح ايش يبي يقول.. اخذت صلاح وابتعدت عنهم رحت امشي وانا معطيتهم ظهري كل ما جا صلاح بيلف عليهم اسحبه حتى لافي مايعرف حنا بايش نتكلم
ليال: مافهمت
صلاح: ايش الي ما فهمتي.. قلت لك خليتك شريكه بنسبة عشره في الميه في كل محلاتي
ليال: صلاح انت اكيد مجنون
صلاح: ماني مجنون ياقلبي.. هذا حقك وانتي ماقصرتي معاي في شي.. خليتيني اوقف على رجولي لحد ماقدرت اناسب لافي بن فهد
ليال: ايوا بس هذا ماهو سبب حتى تخليني شريكه لك بهالنسبه يا صلاح
صلاح: ليال انا ما ابي افترق عنك ياقلبي ابيكي معاي على طول.. سبق واني احتجتك.. واكيد اني بحتاجك كثير بالاعمال الجايه.. اعتبري نفسك مستشار
ليال تبتسم: اعجبتني مستشار هذي
صلاح: يعني خلاص اعتبر هذي موافقه
ليال: اكيد اني موافقه بس من غير مقابل
صلاح: من غير مقابل اذا كنا فقاره محنا لاقيين ناكل.. الان الحمدلله.. يعني انا اعرض عليكي تشتغلي معاي.. وتكوني شريكتي.. انا ما اعرض عليكي صدقه او احسان.. وبعدين الفلوس هذي.. ثمن مجهودك معاي الفتره الي راحت.. اما الان العقد الي ابيكي توقعي عليه هذا للشراكه
ليال متردده: انا..................
صلاح: ما ابيكي تترددي.. وافقي عشان خاطري.. لا تتركيني وانا محتاج لمستشار
ليال: ههههههههههههههههههه خلاص انا موافقه
صلاح: خلاص هذا الشيك بجيبي.. بكره اروح افتح لك حساب بأحد البنوك هنا.. وتوصلك النسبه شهريه ان شا الله
ليال: ابي منك شغله بس لا تسألني ليه
صلاح: آمريني
ليال: ابي الحساب يكون باسمك.. وتعمل لي تخويل بالسحب
صلاح: حاضر.. وكيف عن البطاقه
ليال: ابيها بعد.. بس اذا اضطريت اسحب الفلوس او احتجت اني ادفع شيك.. المسأله بتحتاج وجودك
صلاح: من عيوني.. بكره اروح واخلص الاوراق
ليال تحضنه: صلاح انت روحي من جد
صلاح: الله لا يحرمني منك.. انتي غلا روحي ياليال
ليال: الله لا يحرمني منك.. صلاح ابي اسألك عن سلطان
صلاح بضيق: ماله
ليال: ماهو عاجبني حاله.. احسه متضايق مني.. قالب الوجه علي
صلاح: يوم قلت اني ابي نوف وخلاص انتي خطبتيها لي واخذتي مواقفه من اهلها مبدئيه.. ليقيته واقف ومعارض.. يقول دام انه ليال تبي تزوج نوف لواحد من اخوانها ليه مازوجتني.. انا ابي نوف
ليال با ستغراب: نعم!!!
صلاح: قلت له اني انا الي خطبتها وهم وافقو.. ماصدق وقال انت حبيب اختك من زمان واكيد راح تدور لك على الزين
ليال: اكيد انجن هذا
صلاح: والمصيبه انه دخل على ابوي يقنعه انه هو الي يخطب نوف ماهو انا.. وانهم المفروض يفكرو بزواجه قبلي
ليال بحده: والله انجن هذا من جد.. طيب هو لو بغى يتزوج ليه ما تكلم من البدايه
صلاح: منتي عارفه اخوكي يعني؟
ليال: طز فيه.. لو كان رجال ماقال الي قاله.. بدل مايفرح لاخوه راح يترجى ابوي تنقلب الخطبه له.. حقيقه مايستحي
صلاح: سيبك منه.. لا تضايقي حالك
ماضايقت حالي ابد.. ماهو سلطان الي بضايق حالي عليه.. رحت الجامعه واتفقت مع الاستاذ مارتن ووقع العقد واستلم مني الفلوس كاش بعد ماطلبتهم من صلاح.. الحمدلله ياربي حليت لي مسألة الفلوس.. بس انا محتاجه لاكثر من كذا.. محتاجه لاكثر من كذا.. صحيح انه قلبي رق للافي كثير وصحيح انه كسب ثقتي كثير بس لسا الخوف بقلبي.. واصريت اني اتابع طريقي.. خايفه من بكره كثير.
عدت الاشهر بسرعه دراستي ومتفوقه فيها حتى دروسي مع مارتن.. صرت واعيه لاشيا كثيره.. حسيت بروحي اذكي من قبل واقوى من قبل.. صرت مستعده لكل زيارة طبيب ومتأكده انه بيقول لي مافي حمل.. ماصرت اتضايق زي اول الايام.. كنت واثقه من ربي انه بيعوضني خير.. اكيد بيعوضني الخير
مره جلست مع الاستاذ مارتن ورحنا نتكلم في اشيا بعيده عن الدرس الخاص.. صرت اقوله اني ابي ابتدي بمشروع صغير اثبت فيه ذكائي.. بشرط يكون الكمبيوتر هو المحرك الرئيسي للمشروع.. لاني ما ابي اكون على اتصال مع أي احد خصوصا وانا في حما لافي.. راح يعدد لي عدة اعمال وماكنت مقتنعه.. قلت له في يوم.. مستعده انزل اعلان بجريده وانشره عن اني ابي مشروع يحمل مواصفاتي وانا مستعده ادفع علي هالشي مقابل المشروع.. ضحك علي.. وقال لي انه مافي شي يوقف في وجهي وانه طموحي ماله حدود.. كنت مبسوطه اني اسمع هالكلام في حقي.. بس لازلت مصممه على المشروع.. الي يدخل علي من شراكتي مع صلاح ماراح يعمل لي شي اذا قررت اني انزل السوق بكل ثقلي.. فكان ضروري اني افكر في مدخول ثاني وبسرعه حتى الحق اطبق كل الي تعلمته والمعلومات ماتروح مني لانه قل الممارسه خصوصا مع الكمبيوتر تنسي الواحد ايش تعلم.. جاني مارتن في يوم وقال لي عن فكرة انشاء منتدى منافس يحتوي على اقسام ماحد تجرأ واضافها عنده.. فكرت فيها كثير.. لما الاقي وقت بعد الدراسه.. اجلس على جهازي وادخل لعدة منتديات العربيه والانجليزيه.. كانت تقريبا متشاببه.. كانت الاختلافات فقط في الامتيازات.. فكرت في الموضوع كثير.. وشغلني التفكر في ايش الاشياء الجديده الي ممكن اني اضيفها في منتداي الي ممكن تجذب قاعده شبابيه كبيره وفي نفس الوقت تدخل علي مدخول ممتاز.
انهيت دراسة الكمبيوتر.. انهيت جميع الدراسات الي اخترتها.. كنت مصره اني اتعملها واكون داهيه فيها.. الكمبيوتر ذا دنيا رهيبه ممكن اني اشغل مخي شويتين واطلع من شغلي ذهب.. بس الموضوع محتاج تفكير عميق.. فضلت اني ابعد مارتن عن الموضوع دوره لحد هنا وانتهى بعد فتره بسيطه انهيت دراستي الخاصه مع مارتن وكنت وقتها داهيه صرت اعرف الكثير واقرا شفايف الكثير وافهم ايش يقولو حتى وانا بعيده عنهم.. الاسلوب الي علمني فيه مارتن كان مميز صحيح انه صعب بس قدرت اني اعرفه وانجح فيه.. لافي في الفتره الاخيره صار يشك في تصرفاتي خصوصا لما ينتبه علي وانا مركزه على شفايفه.. صار يسألني كل شويه عن اسأله اجابتها تبين له اني عارفه هو ايش يقول.. لكن على مين انا ليال.. صرت اقلل قعدتي معاهم حتى ما اكشف حالي.. ركزت على فكرتي ومشروعي.. لافي كان دايم يحاول يخليني اجلس معاهم واقضي معاهم اغلب وقتي.. تعذرت كثير وصرت خايفه من كثر اعتذاري.. خايفه منه ومن أي تصرف ما اكون حاسبه له حساب.. اهم شي عندي اني انهيت دراستي الخاصه.. الان ماراح يقدر يمسك على شي.. بس الخوف من نفسي.. مع اني كنت واثقه من روحي بس الخوف الي بداخلي من لافي.. خلاني احسب الف حساب قبل لا أخطي أي خطوه.. دخل على مره ناصر الملحق ولقاني اقرا في منتدى
ناصر: ايش تعملي
ليال: هالمنتدى جدا حلو
ناصر: وايش الحلو فيه
ليال: فيه اقسام عن الاسره.. الام والطفل.. فيه عن الديكور.. وكم طبخه قريتها واعجبوني
ناصر: ههههههههههههه اول مره احس انك مهتمه بهالشياء
ليال: ماكانت لي درايه عنها من قبل.. بس الان احس ان المنتدى اسرني.. تعرف انه فيه من المعلومات الكثير.. اكثر من أي مجله او جريده.. من جد جو المنتديات جو رائع
ناصر: من شوي كان منتدى الان منتديات
ليال: انا مسجلة في اكثر من منتدى.. كل منتدى فيه اقلام ومواضيع تختلف عن المنتدى الثاني.. وعليك انك تدور
ناصر: عشان كذا صرتي ماتحبي تقعدي معانا زي زمان
ليال: لا حبيبي ماهو ذا الموضوع.. بس انا صار لي زمان قرايتي محصوره فالدراسه وبس.. هجرت الثقافه والادب.. محتاجه ارجع الادب الي نسيته
ناصر: ايوا فاكر انك تحبي الادب.. وكنت مستغرب انك فضلتي ادارة الاعمال عليه
ليال: لعبت الارقام لعبتي.. والادب هوايه
ما ني عارفه ليه حسيت ان لافي ورا جيت ناصر وسؤاله عن المنتديات.. لما جلسنا على العشا.. صار الكل يسألني ليه انا غايبه عنهم وعن قعداتهم تعمدت اني اثير موضوع المنتديات من جديد.. حتى اوصل المعلومه لعقل لافي الي تفاجأت به يسألني
لافي: اكيد في بالك شي
ليال: الحلو فيك انك تفهمني
لافي: سمعيني
ليال: فكره مجنونه.. بس تبي التعمق فيها والتفكير الدقيق..حتى ماتصير تقليديه
لافي: احب اسمع
ليال: اخاف تسرقها
لافي رافع حاجب: نعم !!!!!!!!!!!
ناصر: ماهو كذا يا ليال.. ابوي له احترامه
ليال: انا اسفه ياروحي انت.. يا قلبي تعرف انه ماهو قصدي صح
لافي يبتسم: اكيد صح
ليال: من جد احبك ياعمي.. احسك دايم تفهمني
لافي: بس انا ابي اعرف
ليال: ماني قايله.. بالاول تقولي عن شغلك وبعدين اقولك
لافي: ههههههههههههههههه عقلك دايم يعجبني
ليال: شفت يا ناصر انا وعمي فاهمين بعض كويس
لافي: اعترفي اني عرفت انتي بايش تفكري
ليال: تجي نتحدى بعض
لافي: تحبي التحدي يا ليال
ليال: حياتنا كلها تحدي ياعمي.. غلطان الي يقول انه بحياته ماتحدى
لافي: يعني تقبلي التحدي
ليال: اقبل
لافي: اقول الي عندي واذا طلع صح تقولي لي
ليال: والله والله والله اني اقول
لافي: هههههههههههههه صدقتك خلاص.. كل هذي ثقه اني ما راح اعرف فكرتك
ليال بكل ثقه: ايوا
لافي: طيب.. انتي ناويه تفتحي مجله صح
ليال: ههههههههههههههههه
لافي: يبقى صح ماضحكتي الا لاني كشفتك
ليال: عمي تحب التشويق؟
لافي: اكيد
ليال: تحب البحث والاثاره؟
لافي: اكيد
ليال: خلاص دامك تحب ذا كله اجل ماني مجاوبه على ردك
لافي: ههههههههههههههههه ماتغلبيني انتي حلفتي يالبنت
العنود بلهفه: ايوا ايوا.. انتي حلفتي يلا قولي لنا
نوف: شوفي حرام تحلفي وترجعي بحلفك
ليال: ماني راده بحلفي بتعرفوه والان.. بس اعطوني خيارات اكثر
لافي: هذا يعني الي قلته غلط
العنود: بس هي ماقالت انه غلط.. انتظر حتى نسمعها تقول
يتبع
التعديل الأخير تم بواسطة دانة الحمادي ; 29-12-08 الساعة 10:01 AM
|
27-12-08, 01:11 AM
جديد مواضيع قسم الارشيف
العرض العادي
