ماجد يشوفها بابتسامه: خلاص ياقلبي حقيقه.. دامك تحبينه خلاص
عبير رجعت تشوف الصحن الي قدامها: ...............................
ماجد يتأمل شكلها الحزين: غسان وعشقتيه وعيشتي نفسك بقصة حب ما صارت.. وليال؟!!
عبير رفعت عيونها عليه: مالها!!
ماجد يشوفها: ليه كرهتي ليال كل الكره ذا.. ليه كل ما تكلمتي عنها تحسسيني انك تبين تذبحيها ودك تشربي من دمها.. مع ان كل كلمه قلتيها في حقها ما تدينها بشي
عبير رفعت عيونها عليه: انت بعد حبيتها صح
ماجد: ماهو حب بس الي قلتيه لي يكفي اني اكون معجب بها وباخلاقها
عبير بقهر: انتو كذا يارجال.. تدورو وتتعرفو على الحريم واصناف الحريم كلهم.. وبعدين تقولو اعجبتنا فلانه عشان اخلاقها.. وهي في الحقيقه اعجبتكم عشان صدتكم وما فتحت لكم مجال انكم توصلون للي تبيونه.. هه
ماجد يضحك من قلب: حبيبتي انتي.. هذي النوعيه انا اسميها عزيزة الذات.. ليه.. لانها تعز نفسها وتصونها وما تترك مجال لاي مخلوق يلعب عليها بكلمتين وتصدقه وتعيش معه في الخيال الي ماراح يتحقق ولاراح ينتهي بالزواج.. هالنوعيه من الحريم هي الوحيده الي يقدر الرجال يعتمد عليها في تربية عياله وحفظ اسمه عشان كذا الرجال ما يتعب نفسه ويركض ورا وحده تعرف عليها ولعب عليها سنين.. بالنسبه لي نوعية ليال نادره
عبير تبتسم: صح نادره.. ههههههههههه حتى ليال عرفت ناصر قبل الزواج وفتره ماهي ببسيطه.. هههههههههههه لحد الان تعجبك نوعية ليال
ماجد مصدوم: شكلك تبين تلزقين فيهاالعيب وخلاص
عبير تضحك: غلطان.. الي اقوله حقيقه.. ليال تعرفت على ناصر بموقف صار لها معاه وصارت تكلمه وطبعا اهلها مايدرون.. تقدر تقول انها كلمته اربع سنين
ماجد فتح عيونه: مستحيل.. طيب منين عرفتي
عبير تضحك: سمعت ناصر يقول لبابا في الوقت الي كان يبيه يخطبها له.. تصور في الوقت الي الموضوع هذا بالنسبه للحريم عيب وغلط وحرام بس لما توصل للرجال كل شي يختلف.. تخيل ان بابا شجعه وكان مبسوط منه
ماجد: اها وعشان كذا زاد حقدك عليها.. لان الشي الي انتي محرومه منه صار بالنسبه لليال شي عادي وممكن انه يفلت من غير عقاب
عبير تتنهد: اكرهها.. اكرهها وماني ندمانه على الي سوته فيها ابد
ماجد باهتمام: كيف يعني!! ايش علمتي بها!!
عبير تتذكر: كنت اواعد رجال اضيع وقتي معاه.. تعرفت عليه باسمها.. وصار مخبول بي.. ما يعيش يومه غير لما يشوفني او يجلس معاي.. تعودت اشوفه كل ليله
ماجد مستغرب: كيف يعني كل ليله!! وانا عارف انه في حراسه عندكم حتى وانتو بلندن
عبير تضحك: كل شي يمشي مع الفلوس.. الفلوس هذي ياخي غريبه.. تشتري كل شي حتى السكوت تصور.. الحرس يخافو مني اكثر ما يخافو من بابا
ماجد: وبعدين ايش الي صار
عبير تبتسم: في ليله حسيت بالم فضيع.. كنت اصرخ من وجعي
ماجد: من الي عاملته بدنياك.. في احد يعمل كل ذا!! تواعدي رجال في بيت كله حراسه وعندك اب واخ!! انتي ما تخافي من احد!!
عبير تضحك: عادي.. ليه اخاف منهم وهم ماخافو علي ومايحبوني.. وزي ما ناصر غلط وبابا شجعه انا بعد ابي اغلط وابي بابا يشجعني
ماجد فاتح عينه: انتي خبله رسمي
عبير: المهم اني طلعت للمستشفى مع بابا وماما.. وصاحبي ذا نسيت امره.. جا طبعا حسب الموعد.. ومالقاني صار زي المخبول لاني قبلها بكم يوم هددته اني اتركه
ماجد ماهو فاهم شي: وبعدين!!
عبير ضحكت على شكله: وقف جنب باب الملحق حق ليال وصار يناديها
ماجد: وايش الي خلاه يعمل كذا!! كيف عرف ان ليال بالملحق
عبير بفخر: كنت مخططه من قبل اني اشوه سمعتها مع صاحبي ذا.. قلت بتخلص منها ومنه بس ما لقيت الوقت المناسب.. قلت له ان الملحق لي.. واني اذا تأخرت عليه يناديني عادي.. كنت اهيأ للمشكله وارتب لها من غير هو لا يحس
ماجد مستغرب: وهو صدقك!!
عبير: طبعا ماهو فرنسي.. تتوقع انه يدقق في عاداتنا وتقاليدنا؟!!
ماجد فاتح عيونه: داهيه ياعبير
عبير بفرح: تصدق عاد صار الحادث بكل سهوله من غير لا اتعب نفسي في التفكير ولا التخطيط له.. صاحبي وقف عند الملحق وصار ينادي.. شاف بابه مفتوح ودخل فيه.. في نفس الوقت الي بابا وماما وناصر اخوي راجعين من المستشفى مني.. تخيل حتى ليال وقتها كانت في الفيلا بس ماهي بالملحق.. المهم ان ناصر دخل للملحق يتطمن على ليال.. صاحبي طلع قدام عيونه.. موقف للخيانه ولا اروع.. منظر جميل بديع
ماجد يشوف فرحتها وهي توصف: كيف عرفتي انه موقف جميل وبديع!!!
عبير: العنود قالت لي على الي صار.. هههههههههههههههههه تصدق تمنيت اني اكون وقتها معاهم واشوف ناصر كيف مسكها وضربها وقطع وجهها
ماجد فتح عيونه: قطع وجهها!! كيففففففففف!!
عبير ميته ضحك: بالسكين
ماجد مصدوم: وصاحبك ايش حصل عليه!!!!
عبير تضحك من قلب: ما تصورت انه قوي لهالدرجه تصور انه فلت منهم قبل لا تتجمع عليه الحراسه.. ومن هاليوم ما شفته ابد.. مايهمني.. المهم انه نفذ الي ابيه من غير لا اتعب نفسي.. كل الي كنت ادور عليه ان ناصر يفترق عن ليال الي صدع راسي بها.. اهم شي من ذا كله انه صار يشك فيها هههههههههههههه شعور حلو
ماجد ماهو مصدق: طبعا رجال غريب وطالع من المكان الي عايش فيه اخوك مع زوجته.. طبيعي هالتصرف يطلع.. حرام عليكي ياشيخه.. ليه كل ذا!!! تهدي حياة البنت واخوكي وتخربي بيتهم!! ليه!!
عبير بحقد: اكرهها اكرهها من تزوجت ناصر والكل ما يشوف غيرها.. اكرهها واكره ثقتها واعتزازها بنفسها.. سمعتها مره تتكلم مع نوف اختي عن ابوها واخوانها وكيف انهم عايشين حتى هي ترتاح وتنبسط.. ماني عارفه ليه هالشي زاد النار بقلبي عليها.. اكرهها اكره حتى ضحكتها.. اكره نجاحها اكره حبها لناصر.. اكره حب بابا لها.. اكره تعلق نوف والعنود فيها وحبهم لها
ماجد يمسك كتفها: عبير ياروحي.. شكلك فاقده كل الي هي عايشه فيه.. عشان كذا كرهتيها.. عارفه لو سمحتي لنفسك انك تتعرفي عليها انا واثق ان وحده زي ليال بتطلعك من الي انتي فيه
عبير تبتعد عنه وماليها القهر عليه: تخسى.. انا عبير حبيبة الكل اتصاحب مع وحده قذره زي ليال!!

&&&&&&&&&&&&&&&&&&&&

10:15 الصباح
البنايه ..الغرفة الالكترونيه..
البحرين
ليال تنتبه: ايش تعني حركة عيونه
لمى بتعب: مقرر يلغي المشروع.. شوفي حركة يده
لبنى: أي أي شفتها.. يبي يلغي.. خايف من لافي
ليال تكلم احمد بالسماعه: احمد الرجال يبي يلغي المشروع لافي مخوفه


داخل قاعة الاجتماع

احمد بسرعه: يابونايف ماني عارف انت ليش خايف
بونايف: هالكلب الي اسمه لافي طبعا.. انا ما كنت اعرف ان جراح معاكم بالشركه ولا ما كنت ازعجتكم بجيتي وركضي ورا هالمشروع.. جراح لاتزعل مني بس انت صاير هدف للافي هاليومين وانا من حقي اخاف على حلالي
جراح بكل هدوء: مافيها ازعاج ياخوي.. انت بتشتغل معاي.. يدك بيدي ماهو بيد لافي.. انساه الان وتوكل على الله
بونايف: انا عارف ان يدي بيدك.. بس ضروري احسب حساب هالكلب ياجراح.. انا خسران في شهر واحد ما يقل عن 20 مليون اذا بستمر بهالحال بيفلسني هالكلب
منصور بشوية حده: يابونايف.. لافي ماله دخل فينا لا من قريب ولا من بعيد.. احنا قربناك دون عن الكل.. مثل منت تحسب حساب للافي احنا بعد نحسب نفس الحساب.. بس اذا على كل مشروع بندخله بنربط علاقته بلافي ما بنشغل.. نجلس في بيوتنا احسن لنا


في الغرفة الالكترونيه
ليال تلمس جبهة لمى: خلاص ياقلبي روحي الان ارتاحي
لمى ترمي راسها على المكتب: خليه يوقع القعد الاول
لبنى: ياقلبي خلاص الموضوع شبه منتهي.. روحي انتي ارتاحي حرارتك ارتفعت مره ثانيه
ليال وقفت بفرح: وقع العقد وقع العقد
لمى تقوم بفرح: ان شا الله الف مبروك
ليال تحضنها: الله يبارك بالكل
لينا تدخل: ها بشرو
لبنى بفرح: وقع العقد

&&&&&&&&&&&&&&&&&&

12:00 الظهر
شركة صلاح ..مكتبه..
السعوديه

صلاح بفرح: الله يبارك فيك.. حقك محفوظ ياخوي
ناصر: تسلم ياخوي
صلاح: وليه وجهك مقلوب كذا
ناصر: لا ابدا تعبان شوي.. المهم عندي ان جراح وقع العقد مع بونايف وانتهينا
صلاح يبتسم: ارتاح الان من ابوك شوي
ناصر يضحك: تركته يحرق في حاله.. قطعت اوراق المشروع قدامه ورميتهم.. وهو مقرر انه يسافر البحرين يجتمع مع جراح ويتفق معاه.. تصدق يقول انه بيوافق على كل شروط جراح
صلاح: اكيد يبي يحسن صورته بين التجار.. قال اقرب طريق هو جراح
ناصر رفع تلفونه مستغرب: معقول؟!!!!!!
صلاح: مين داق عليك!!
ناصر يرد: هلا بومبارك
جراح بفرح: بالمهلي ياناصر.. وصلني الي عملته وقلت ادق بنفسي اشكرك
ناصر: ما عملت شي يستاهل يابومبارك
جراح: عموما نصيبك بدزه مع صلاح.. بس مهم كثير انك تخبي الفلوس زي ما علمك صلاح بالضبط.. اذا حسابك زاد ريال ابوك راح يكشف اللعبه بسرعه
ناصر: لا لاتخاف ولاهو داري عن حاله
جراح: خلي بالك على نفسك من ابوك ياناصر.. ماني حاب اقسي قلبك عليه.. بس على الاقل خلي بالك على نفسك.. اياك توقع على أي ورقه في الفتره الجايه.. ابوك الان ممكن يفكر كيف يورطك بعد ما ضيعت عليه هالمشروع
ناصر: عارف هالشي ان شا الله عيني ما تغفل عنه
تكلمت معاه فتره طويله.. حسيته فاهم لافي اكثر مني.. لافي الي المفروض اني حافظه لاني عشت معاه كل عمري.. للاسف اكتشفت ان الغريب يعرفه اكثر مني.. رجعت البيت بدري اليوم.. بعد ما طلعت من مكتبي بعد الخناقه الي صارت مع لافي.. دخلت جناحي ورميت نفسي على السرير.. دقيت على بسمه ونسيت نفسي معاها.. صرت اشتاق لها.. واشتاق اتغزل فيها.. حياتي معاها تبدلت كثير.. من عرفت انها حامل وانا روحي بتطلع خوف عليها وعلى الي ببطنها.. خوف من الي ممكن يعمله لافي لو عرف انها حامل واني انتظر مولود.. سكرت منها ورحت على جناح العنود.. دقيت الباب وماحد رد علي.. دقيته مره ثانيه ومالقيت رد.. فتحت الباب ودخلت بسرعه خوفي ان صار لها شي.. بس مالقيتها بجناحها احتمال مع نوف.. رحت لجناح نوف وسمعت ضحكهم وصراخهم واصل لعند الباب.. وقفت وابتسمت.. احس براحه وانا اسمع ضحكهم واحس براحتهم.. جيت بدق الباب وسمعت اسم ليال.. تلخبطت.. ضاعت حواسي.. فتحت الباب ووقفت كانو بالصاله يعزلني عنهم حيط.. سمعت صوت ليال ماكنت مصدق حالي.. اسمع صوت ليال؟!! وقفت اسمع صوتها.. من زمان ما كلمتني من زمان ما سمعت صوتها.. حسيت برجفه بين ضلوعي.. ماكنت ابي اكثر من كذا.. يمكن فكرت اني ادني اكثر.. بس منعت روحي وقلت الي انا فيه رضى من الله.. انتبهت اخيرا انها تكلمهم عن طريق المسن.. يابختهم يشوفو شكلها الان.. يابختهم يقدرو يتكلمو معاها.. يابختي انا الي واقف اسمع صوتها.. اسمع ضحكها وسعادتها
ليال بزعل: لا تعيديها تراني اقول لجراح.. وشوفي من يفكك منه
العنود بجنون: مالت عليكي وعليه.. طايره بهالجراح.. روحي اقلبي وجهك انتي معاه
نوف ميته ضحك: ما شفتي وجهك كيف صاير مع الحمال.. عيال ناصر ما عملو فيكي كذا
ليال تضحك: صدق شكلي يخرع؟!!
العنود تضحك: يااختي اليوم من شفتك اخترعت.. قلت وين ليال القديمه ايش عمل جراح بها
ليال بفرح: بعيد الشر عن عمره.. ايش عمل يعني.. معيشني براحه ودلال
نوف تضحك: اصبري بس الي ببطنك يوصل بالسلامه وانتي تشوفين اهتمامه كيف يقل
ليال بقهر: يقل بعينك.. الله لا يغير عليه.. وبعدين قولي لي صلاح قل اهتمامه بك من جبتي سلطان؟
نوف بدلع: تبين الصراحه شوي.. ماهو ذاك الدلع الي عيشني به
ليال بحده: انكتمي زين.. صلاح ما يقل دلاله لحبايبه.. قولي عن الناس كلها الا صلاح
العنود: اوكي انا بقول عن جراح
نوف فقعت ضحك: جبتييييييييييييييييييها
العنود تضحك: ليال الله يخليكي خذي الجهاز عند البنات وحشوني
ليال تقوم من مكانها: شوفيهم الله يحفظهم.. من صارو يمشون وهم ماهم عاتقين احد.. الكل يركض وراهم
العنود طاير قلبها: ياااااااااااااااااااااربي الحلا ماما انا عمتك حبيبتي انتي
نوف تضحك عليها: هذي الغلا.. وهذيك الحلا متى بتفرقيهم
العنود معترضه: وكيف انتي تفرقيهم!!
نوف تبتسم: الغلا لها ابتسامة ناصر.. الحلا ابتسامتها غير.. دققي في اشكالهم اذا اضحكو
العنود تدقق: ليال قربي الجهاز من الغلا
ليال مستغربه: وكيف لاحظتي بحياتي ما انتبهت!!
لاني بعد الي عملته فيكي ما تركت لك مجال حتى تنتبهي.. طلعت ورجعت جناحي.. ضربت الحيط لحد ما حسيت بالدم يطلع من يدي.. رميت نفسي على السرير.. عندي تؤم.. الحلا والغلا.. كلمتي الي دايم اقولها لليال.. انتي الغلا وكل الحلا.. عندي بدل الولد بنتين.. بدل الهم همين.. بدل الخوف مايكون على واحد صار الخوف على اثنين.. كنت حاس ان لي عيال من ليال.. كنت حاس اني صرت اب آآآآآآآآآآه صرت اب وانا بعيد.. انا الغبي انا الغبي.. ضيعت كل هالشي بغبائي.. جالس هنا اغني على ليال وهي هناك تداري وتربي وتحافظ على عيالي.. صرتي ام لعيالي ياليال وانا عاجر اكون لهم اب يحافظ عليهم.. قدرتي ببعدك عني تولدي بسلام بس وقت الي كنتي معاي كانو يموتون منك.. صحيح اني غبي.. كيف ما انتبهت كيف.. قمت من السرير ووقفت عند الشباك.. ليال وجراح!!.. نااااااااااااار تلسع بجوفي.. نار تحرق ما بقى بي من رجوله.. نار ماراح اقدر اطفيها.. انا الي قربتهم من بعض.. باهمالي تركتها تدور عليه.. نزلت راسي بيأس ورجعت رفعته.. ما ابي ابليس يلعب براسي من جديد.. ما ابي أي تصرف مني يقتل أي احد ثاني.. كفايه عيالي الي راحو بغبائي.. يكفيني ان بناتي بخير وبعاد عن لافي.. الله اعلم ايش كان مصيرهم وهم معاه.. زي نوف وعبير!! لا كذا ارحم.. كذا اهون.. الحمدلله.. ابتسمت.. دامهم الان مرتاحين هذا اهم شي عندي.. نزلت من طولي ورميت نفسي على الارض.. سجدت لله شكر.. طولت بجلستي مده كبيره لحد ما هدت نفسي.. وحسيت بسعاده سكنتني في لحظه.. اول مره احس بالرضى.. حتى وانا عارف ان ليال بحضن غيري.. وحامل منه.. ماني حاس بالاحساس القديم.. ابد.. احساسي بالراحه شي ما اقدر اوصفه.. احساسي بالرضى ما اقدر اوصفه.. اللهم لك الحمد.. اللهم لك الشكر.. الحلا والغلا ياقلبي عليكم.. اكيد بيجي اليوم الي تسكنو بحضني.. اكيد بيجي اليوم الي اشبع من شوفتكم فيه

&&&&&&&&&&&&&&&

1:30 الظهر
البنايه ..طابق جلسة المجموعه..
البحرين

بعد العقد ما توقع من بونايف.. وحنا الضحك ما فارقنا.. المره هذي السعاده لها طعم غير.. لاننا كنا نتمنى بونايف يكون هو الشريك لنا بهالمشروع والحمدلله الله وفقنا.. اول شي حتى نقول للعالم ان لافي ما يقدر يكسر التاجر الي يبيه و يرفع التاجر الي يبيه.. وثاني شي وهذا الاهم اسمنا في السوق بدا ياخذ وزنه وقدره.. من استلم ناصر معاه الشغل وحنا تقريبا مطلعين على كل الاسرار.. كل الافكار.. نرمي للافي مشروع ونوهمه انه ممكن يلعب فيه بس في لحظه ينسحب هالمشورع من يده.. كانت حالته لا توصف.. ومن غير لا اوصف شعوري كنت مرتاحه من الي جالسه اعمله.. المهم عندي امان الكل.. واولهم عيالي.. ضروري اعمل كذا واكسره.. ان تركته يطغى ويتجبر على الخلق ماراح اقدر اوقفه اذا اقترب من عيالي وحاول يقتلهم
منير: احلى شي صار في هالبنايه ان هالطابق مخصص للمة الكل.. اكل وضحك وناسه وسوالف ونشوف العيال وهم يلعبون فرحانين حولنا.. ماهو مثل قبل بالغرف ويلعبون مع الشغالات
مريم جالسه جنبه: بس طابق كامل مفتوح!! ماله داعي الصراحه
احمد: انا فكرت يكون هالطابق مخصص لالعاب العيال بس.. بعدين قلت ليش ما يصير جلسة ولمة الكل وجزء منه للعيال واسمهم قدام عيوننا
لبنى: الاهم من ذي كله.. ان فيه جزء للحريم معزول
عبدالعزيز: عشان السوالف والعقره فينا تصير على اصولها
مزيان تضحك: ومن غير ما نخبي ياقلبي.. الحش يصير قدامكم ووراكم
جراح فاتح عيونه: والله عاد!!
خوله: اش تتوقع احنا ما نعتق احد
ام لينا تضحك عليهم: اختي ام عبداللطيف اليوم مجهزه لكم طبخه تاخذ العقل



يتبع

خالد بفرح: ما تقصر والله حبيبة قلبي قلت لها مشتهي مرقة لحم.. وما قصرت
لمى معترضه: لاااااااااااااا لحم عاد.. مانبي.. ابي دجاج
خوله بقهر: حلفي بس.. اقول الحرمه ترا ذابحه روحها من الصبح لا تجين الحين تتدلعين
لمى تضحك: تفداها الروح والله باكل غصب عن شكلي
هويدا توصل جنبهم: غدا الرجال جاهز.. يلا ياحريم غدانا بعد جهز
ليال تقوم: خالد.. حنان وين!!
خالد: نازله هي وابوي
حنان تدخل عليهم وبحركه من يدها تنبههم للمكالمه الي معاها.. حولتها سبيكر: ................
لافي: ها ايش قلتي
حنان بجديه: بس الي تقوله ما يدخل العقل يالافي
ليال بلعت ريقها وعينها على جراح: .............................
لافي: وليه ما يدخل العقل.. انا مستعد ادفع قيمة العقد الجزائي الي مع بونايف.. وتبتدون معاي عقد جديد
حنان بثقه: نلغي عقد بونايف وانت تدفع 3 مليون دنيار بحريني قيمة العقد الجزائي!! وتبي نبتدي معاك بعقد جديد بقيمة 12مليون دينار!! ما تشوفها قويه شوي وما تصير غير بالاحلام!!
لافي يضحك: تصير ياحنان مع لافي تصير
حنان بحده: ام راكان لو سمحت
لافي: اه اعذريني.. يام راكان.. وراكان كم عمره
حنان تشوف ليال: ماهو شغلك تعرف كم عمره
لافي اعجبه اسلوبها: على الاقل نتعرف على بعض.. انا عندي اربع عيال ولد وثلاث بنات
حنان بجديه اكثر: ماتشوف اني ماني مهتمه بالعيال الي عندك.. لافي حياتك ما تهمني.. حتى شغلك الي لعبت فيه على اغلب التجار ماني متشجعه له.. اسلوبك الخبيث الي جالس تتعامل معاي فيه ما عجبني.. انا وحده لي سمعتي عقدي الي بلغيه مع بونايف بيخلي التجار تفكر اني خاتم بيدك
لافي يضحك: احب الحرمه الذكيه.. تعرفي بكون صريح معاكي.. انا فعلا كنت اهدف لهالشي.. وحده غيرك ما انتبهت للي ابيه بعد المبلغ الي عرضته عليكي.. بس انتي من الواضح انك غير
حنان بملل: فرصه سعيده يالافي.. طلبك ماهو عندي
لافي بشوية حده: طلبي عنك.. وانا انتظر منك تلفون حتى اسمع منك انك الغيتي عقد بونايف اسمعيني زيـ........................
حنان سكرت الخط بوجهه: اش رايكم
ليال: كان المفروض ندخل هالمشروع باسم عمي منصور
جراح: بالعكس اسم حنان هو الاسم المناسب
احمد سرحان مع تفكيره: انت تفكر بضربه قاضيه.. وهالشي صعب الحين
جراح يبتسم: خلونا نتغدى وبعد الغدا نجتمع
منصور يضحك: تصدقون اني من اسمع اسم لافي يدخلني الحماس عشان اقضي عليه.. خلونا نفكر في خطه جديده واتركو الاكل لبعدين
خالد يسحبه معاه: حياك يبا... حياك فديتك.. هذي مرقة لحم يعني تنسى لافي والي خلفوه بعد حتى نتلذذ بشي عليه القيمه

&&&&&&&&&&&&&&&&&&&&&

2:15 الظهر
فيلا لافي ..المطبخ..
السعوديه


ام ناصر تدخل وعبير ما حست بها: الغريب ان الايام هذي اشوفك على طول بالمطبخ
عبير تلتفت بخوف: ها!! لا ابد.. ابي اتعلم اطبخ.. جيت اشوف الخدم.. وقلت اعمل لي شي اشربه
ام ناصر تاخذ كاس العصير: جديده هذي تبين تتعلمي الطبخ!!
عبير بخوف كبير: هذا عصيري اتركيه
ام ناصر قربت الكاس من حلقها: ومالك معارضه اني اشرب منه.. خليني اذوق صنع يدك
عبير اخذت الكاس من امها بقوه وكبت العصير: قلت هذا عصيري.. لا تقربي من شي لي
ام ناصر ماهي فاهمه: اكيد انجنيتي !!!
عبير تطلع بسرعه: متى بتفهمي ان أي شي لي ما احب احد يقرب منه
وجع ان شا الله.. عجزت وانا احاول اذبحه ومافي فايده.. الظروف ماهي جايه على كيفي.. اما ام ناصر تخرب علي او الخدم.. كيس السم قرب يخلص مني وانا لسا ما عملت شي.. متى اذبحه وارتاح منه ومن وجوده
لافي يشوفها وينادي: عبورتي تعالي تغدي معانا لا تطلعي غرفتك
عبير بقهر: شبعت.. اكلت وشبعت
لافي: طيب ليه الاسلوب الحاد ذا.. هذا وانا ادلعك تتكلمي معاي كذا
عبير بتأفف ترجع له وتجلس على الكرسي: هذا انا جيت
لافي يمسك يدها: ايوا كذا اجلسي وافتحي نفسي على الاكل
عبير تشوفه باحتقار: ........................
لافي يبتسم: ما قلتي لي ايش عملتي بالفلوس الي اعطيتك ياها
عبير: وليه تسأل عن الفلوس
لافي: كذا اتطمن على عبورتي
عبير: الفلوس خبيتها.. افكر اهرب من هنا زي شهد.. واعيش حياتي براحتي
لافي بدا يتضايق: متى بتفهمي ان هالسيره تضايقني
عبير: بوناصر على طاري الفلوس.. ابي فلوس زياده
لافي مستغرب: وين تروح الفلوس الي اعطيكي ياها!!.. هذي لو تاكليها ما انتهت بهالسرعه
عبير تشوفه بابتسامه قهر: ما يسوى انك تعوضني.. ولا تبيني ادلعك من غير لا تدلعني
لافي يضحك: يا حبي لك
عبير تقوم: طيب
لافي يمسك يدها بقوه: ما قلتي لي الفلوس وين تروح
عبير تجلس غصب عنها: دفعتها لشقه.. قلت لك من قبل اني ابي اشتري شقه
لافي معصب: حسبتك تمزحي
عبير تبتسم: لا ما امزح.. وقريب بتزوج من جد.. وبطلع من هنا مع زوجي
لافي: وان شا الله اشتريتي الشقه عشان زوجك المحترم يعيش فيها!!!!
عبير: لا طبعا زوجي هو الي بيجيب لي الفيلا.. الشقه هذي ابيها لي اذا بغيت اجلس لحالي.. اختلي بنفسي
لافي فاهمها: لحالك؟!! تختلي بنفسك لحالك؟!! ولا.....
عبير تبتسم: ولا ايش؟!! مفكر اني متعرفه لي على واحد!! تكون غلطان.. الي عايشه عيشتي تكره وجود الرجال بحياتها.. انا وحده خلاص ما ابي من الدنيا شي غير اني اكون لحالي
لافي: حبيبتي.. ليه منتي طايقه حالك كذا.. لا تخليني احس انك متعقده.. شوفي اذا الفلوس يتضيع همك مفتاح الخزنه موجود بدرج المكتب الثالث.. بتلاقي كلمة السر "عبورتي" افتحيها واخذي المبلغ الي يكفيكي.. صحيح اني ما احب صرف الفلوس على الفاضي والمليان بس هذا عشان ما ابي اشوفك متضايقه احب عبورتي تكون دايم مبسوطه.. مااحب اشوف الزعل بعيونك ياروحي.. خلاص يا قلبي مرتاحه الان
قمت عنه ومارديت عليه.. انتهزت فرصة ان ام ناصر جايه وقفت بمشي بس تفاجأت بيده تجرني بقوه كبيره على الكرسي من جديد.. جلست بقوه على الكرسي لدرجة ان كيس السم سقط من جيبي قدام عينه.. فقدت النفس بهذيك اللحظه وانا اشوف نظراته
لافي يرفع الكيس عن الارض: ايش ذا!!
عبير همست باذنه: شي لزوم السهره.. الليله اقول لك عليه
لافي يمشي ويسحبها معاه: تعالي معاي
ام ناصر بخوف: وين تاخذها يالافي مالكم لسا كنت اسمعكم تضحكو.. ايش الي قلب حالكم كذا
لافي يرد عليها بحده: اجلسي مكانك ولا تتحركي
ام ناصر بخوف اكبر: لافي الله يخليك.. لا تمد يدك عليها.. انا ما صدقت انكم صافيين هالايام
لافي وصل للمجلس وقفل الباب: انطقي ايش ذا
عبير بهدوء: مخدرات.. ما قد شفت المخدرات
لافي يمسك رقبتها: ومنين لك المخدرات!!.. ومن متى تتعاطين!!
عبير تضحك وتغيضه: منين لي هذي وحده تبيعها تزورني مع صاحبتي الي اقضي معاها الليل هاليومين.. ومن متى من اول يوم لعبت علي فيه
لافي يخنقها بقوه: وانا قول الفلوس وين تروح.. تروح على المخدرات!!.. تدخلي بيتي مخدرات!!
عبير تضحك: لا تقول انك خايف من المخدرات!!.. الان انت ما خفت من الي تعمله معاي ومع الشغلات جاي الان تخاف من المخدارت!!.. بصراحه ما توقعتك جبان كذا
لافي يشوف هدوئها: انا استعملته من غير لا احس؟!!
عبير تبتسم: كثييييييييير.. بس بذمتك ما كنت مبسوط
لافي يفتح الباب: اطلعي برا
عبير تمد يدها: كيسي لو سمحت
لافي يدفعها على الباب بكل قسوه: قلت برا
عبير بهدوء: رجاءا لا تخرب مزاجي الليله.. ابي اكون مبسوطه وانسى وجع القلب.. اياك ترمي الكيس
طلعت من الباب وصعدت لغرفتي بسرعه.. صرت اتنفس بصعوبه.. اخ لو يعرف ان الي بيده سم.. ياليتني خليته يذوقه زي الافلام حتى اقول له انها مخدرات بالفعل.. وساعتها كنت برتاح منه.. بس اخ جات هاللحظه عكس ما تمنيت.. ايش العمل الان.. ايش العمل.. صح الفلوس.. بروح اخذ كل الفلوس الموجوده بالخزنه وبهرب من هنا على شقة ماجد.. اذا عرف لافي ان الي بالكيس سم.. بيذبحني ولا احد بيعرف عني شي.. لاغلط.. ما ابي اتسرع ادق على ماجد
عبير: هلا ماجد
ماجد: هلا ياروح ماجد
عبير: تذكر المخدرات المطحونه الي استخدمناها هذيك المره
ماجد: ايوه مالها
عبير: ابي منها كميه صغيره الاقي عندك الان
ماجد: اكيد ما عندي.. ممكن ادبر بس ماهو قبل المغرب
عبير: قدامك ساعه وحده بس.. بدز لك الحارس يستلمها تصرف وخبيها باي شي على انه هديه.. وقول للحارس انها من اختك لي سامع
ماجد: ايش الي صار!!
عبير: كيس السم سقط من جيبي قدام اخوي.. ابي كيس المخدرات حتى اخليه بغرفته واقول لبابا انه مدمن وما يصدقه اذا اشتكى عند بابا اني ابي اذبح كلبه
ماجد: بروح الان اجيب لك
الان اقدر ارتاح.. طلعتي من البيت بتزيد شكوكه واحتمال يعرف ان الي بالكيس سم.. كذا احسن خلني جالسه بالبيت واتصنع الهدوء حتى الليل يجي.. وهذيك الساعه بذوقه من السم وارتاح منه الليله.. صرت امشي بالغرقه وماني قادره اجلس.. كل شوي تطلع لي فكره غير.. وكل شوي احس روحي بهرب من البيت وبعدين اتراجع.. دقيت على الخادمه وقلت لها وين لافي.. قالت انه ما تغدى وصعد غرفته.. سكرت منها وابتسمت.. الان اقدر انزل على الخزنه.. ضروري اسحب كل الي فيها ودام لافي بغرفته يبقى اهرب واعيش عند ماجد.. وبعدين يصير خير.. ماني غبيه حتى استناه لحد ما يكتش السم ويذبحني من غير لا احد يحس علي.. نزلت المكتب وفتحت الخزنه.. اخذت كل الفلوس الي فيها.. ولقيت اوراق مع الفلوس بس ما اهتميت لها.. جيت بقفل الخزنه بس وقتها سحب كل الاوراق الي فيها.. وطلعت على غرفتي على طول.. قفلت غرفتي وسحب لي شنطه صغيره ورحت اجهز اغراضي بسرعه.. سمعت الباب يندق.. رجف جسمي كله.. بس قدرت اتماسك.. قلت ام ناصر هنا واكيد ما راح يقدر يعمل شي.. اخذت الشنطه وخبيتها تحت السرير.. ورحت فتحت الباب
لافي بغضب: وش جالسه تعملي
عبير بتريقه: ايش تتوقع.. جالسه افكر كيف اجيب كيس غير الي اخذته مني
لافي دفها داخل الغرفه وسكر الباب: كيف تتعاطي مخدرات وما تقولي لي
عبير بكل هدوء: وانت ليه خايف كذا.. يا اخي عيش حياتك دامك مبسوط.. وبعدين الجرعات الي ناخذها ما تخلينا تدمن عليه.. هذي جرعات بسيطه هي للوناسه بس
لافي يسحبها له بكل قسوه: ليه ماني مصدق كلامك
عبير تضحك: لما تقولي من ايش خايف اقول لك ليه منت مصدق كلامي
لافي رمها على الارض بقوه كبير: ماني مصدقك
طلع من غرفتي وانا على الارض اتوجع.. عساك الموت.. عساك الموت الي يريحني منك.. وقفت على رجولي وانا اجر روحي بالغصب.. لقيته يرجع ويفتح الباب
لافي واحلى كف: وش جالسه تعملي
عبير بقهر بعد الكف: لا تمد يدك عليييي.. اطلع برااااااااا.. برااااااااااا
لافي وكف ثاني: من الان ورايح اسلوبك ذا بدليه.. شكلي ببتدي اربيكي من جديد.. اياكي تبعدي عن عيني.. كل شويه بطل عليكي.. وياولك لو اعرف انك طلعتي من باب هالغرفه
طلع عني ورحت قفلت باب الغرفه وجلست على السرير.. لازم اتصرف وبسرعه.. دقيت على الحارس وقلت له يجهز نفسه.. وبعديها قمت اجهز الاغراض الي براسي انتبهت للاوراق من جديد.. ماني عارفه اذا بحتاج لها ولا هي اوراق فاضيه.. فتحت الاوراق ورحت اقراها.. اوراق تخص مشروع بس ماني فاهمه منها شي.. وايش ذا!! يوووووه صحيح مش عارفه ايش هالاوراق ولا ايش تعني بس اكيد انها مهمه.. لافي ما تركها بالخزنه الا وهي اكيد مهمه.. بعدها فتحت مجموعة اوراق وفتحت عيني.. هالاوراق تعنيني.. تعنيني.. هذي رساله من عبدالرزاق اخو عبدالرحمن يقول فيها ان هذا نصيبي من ورث عبدالرحمن!!.. لي نصيب وورث وانا ماني عارفه؟!! معقول!! معقول!! رجعت جمعت الاوراق وخبيتهم بجيب الشنطه.. رحت جبت لي ورقه ورحت اكتب رساله لماجد.. بعد ما خلصت دقيت على الخادمه وجاتني ركض.. اعطيتها الشنطه حتى توصلها للحارس.. ورجعت دقيت للحارس وقلت له هذي اغراض صاحبتي ابيه يوصلها لها وفي اغراض ثانيه هي بتعطيه لي.. عطيته عنوان ماجد.. وصرت جالسه على نار انتظره حتى يرجع

&&&&&&&&&&&&&&&&&&&

3:45 العصر
البنايه ..مكتب لينا..
البحرين
لينا: ليال على قد فهمي للي تبينه نفذته لك.. وبعدين راشد الله يحفظه ماهو تارك لي مجال للتفكير اكثر
ليال مبهوره: ما شا الله المكتب روعه يالينا روعه
حنان تدخل في دور التمثيل: ماني فاهمه ليش تبين هالمكتب مع ان عندك مكتب ثاني.. ليش هذي بعد
لبنى تتبعها: شتفكرين فيه
ليال تشوف لينا: ومن قال لكم ان هذا مكتبي
خوله تضحك: اكيد مكتبي صح
لمى: لا ياقلبي ليال مسويتها لي مفاجأه.. صح حبيبتي
ليال تضحك: هذا المكتب لاحلى لينا.. وعدتك قبل كذا انك تتركي شغلك الي انتي فيه.. جا الوقت الي تبتدي فيه مشروع يتعلق بتخصصك وبذكائك.. الديكور وبس
لينا ماهي مصدقه: مستحيل
خوله تحضنها: تستاهلين الخير ياقلبي
حنان بفرح: ان شا الله الف مبروك ياقلبي
لمى تضحك: مبروك ياعسل.. مفاجأه حلوه ياليال
لبنى بسعاده: حلو يعني لينا الحين بتتفرغ للغرف الي بجناحي
ليال: لا ياحبيبتي انا ماعملت هالمكتب لها الا عشان تتفرغ للغرف الي عندي
خوله: لينا الوووووو.. لينا وين وصلتي.. وهـ البنت انخبلت
ليال: هي خبله جاهزه ما يحتاج
لينا تضحك: وجع بالعدو ان شا الله.. ماني مصدقه حالي.. ما قصرتي ياليال
مزيان تدخل: ها قلتي لها
ليال بفرح: ايوا
مزيان تعطيها اوراق: وهذي مفاجأتي.. عزيز انهى لك الاجراءات والتراخيص تقدري تبتدي شغل من الان
خوله: وعبدالرزاق نزل لك الاعلانات
حنان تضحك: وانا ولبنى ولمى مجهزين لحفله
لينا تحضنهم: ما قصرتو الله يخليكم لي
لمى: الله لا يفرقنا
حنان: ان شا الله ياربي

&&&&&&&&&&&&&&&&&&&

6:00 المغرب
فيلا لافي ..غرفة لافي..
السعوديه

صرت كل عشر دقايق اروح اطل عليها.. الحقيره اعصابي ماهي بضابطه.. انا!! انا اتعاطى مخدرات!! انا!!.. ما ادري ليه احس ان الموضوع فيه شي وشي كبير.. احساسي يقول ان هالحقيره وراها شي كبير.. بس توصل اني اتعاطى مخدرات من غير لا اعرف!! وانا اشوف هاليومين مزاجي على طول متعطر وتنرفز واقل شي يضايقني ويعصبني.. جعل الموت ياخذك وليش ادعي انا بنفذ حتى ارتاح منها ومن مشاكلها.. مسكت التلفون ورحت ادق على حنان.. وهالكلبه مطنشتني.. ماشي ياحنان انا وراك والزمن طويل.. بشوف كيف توقفي قدام لافي وتقولي له لا.. لافي ما ينقال له لا
لافي على التلفون: الو
جراح يرد على تلفون حنان: الو




يتبع

لافي استغرب: عفوا من معاي
جراح عارفه: الي انت داق عليه
لافي: الظاهر اني دقيت بالغلط
جراح بكل هدوء: الظاهر
وجع ان شا الله سكر بوجهي.. ههههههههه دازه لي جراح ياحقيره تتخبين ورا جراح!! وهذي نقطة ضعف حلوه عرفتها عنك ياحنان.. يخوفك التهديد مافي حرمه ناجحه يخوفها التهديد ياحنان.. محسبه صوت جراح بيخوفني ولا بيتركني ابطل من اني ادق عليك واخوفك.. ما عرفتي لافي ياحقيره
لافي يرد على تلفونه: الو
مسعود: هلا عمي
لافي باهتمام: ايوه يامسعود.. ايش الي طلع معاك
مسعود: عمي البودر هذا طلع سم.. سم سريع المفعول.. اسمه Cyankalium.. يذبح في دقايق يسبب سكته قلبيه.. ومايترك أثار واضحه على الضحيه
لافي فتح عينه: ماشي يامسعود.. دق على عادل وقول له يتحرك مع بوصقر
حسيت بالعرق ينزل من جبيني.. مسحته بيدي ماني مصدق.. ايش كانت ناويه عليه هالحقيره.. نزلت لام ناصر.. سألتها عن الحقيره وقت كانت في المطبخ وطلعت معصبه.. وقالت لي عن موضوع العصير.. رجعت غرفتي وانا بموت من القهر.. هالحقيره.. هالحقيره تعمل معاي انا كذا!!.. طلعت من غرفتي.. ورحت لغرفتها.. فتحت الباب وما شفتها تكون هربت!! نزلت مره ثانيه اسأل الشغالات عنها.. وحده منهم قالت لي انها في الحديقه.. طلعت للحديقه وهجمت عليها
لافي يبتسم: حبيبة بابا ايش الي جالسه تعمله
عبير الي كانت ناويه على الهرب: اتمشى فيها شي
لافي يسحبها للفيلا: فيها انك رايحه للسياره وشكلك تهربي
عبير تحاول تضبط اعصابها: وين اهرب وبروح يعني.. جالسه اتمشى واغير من نفسيتي.. ولا تسيت ضربك لي
لافي وقف والتفت عليها بغيض: اتعب نفسيتك الضرب ياقلبي.. ولا يهمك تعالي معاي وبنيكي الضرب.. بنسيكي الام.. اوعدك
عبير وبدا الخوف يسكنها: ايش ناوي عليه
شفت عيونها وشفت الخوف ساكن فيهم.. دنيت منها وانا ودي اطلع روحها بيدي.. في بيتي وتاكل من خيري.. وعايشه بفلوسي وبالاخير تبي تذبحني!! لا تستعجلي يا قلبي يجيك العلم

&&&&&&&&&&&&&&&&&&&&

6:50 المغرب
فيلا العايله ..الحديقه..
السعوديه

ناصر يبتسم: لا تخاف عليها.. بخير بس الحمل متعبها
غسان بقلق: شكلها تعبان
ناصر: تعبت معاها ياغسان قلت لها نسافر بالاول لقيتها حابه الفكره.. بعدين صارت تقول خايفه من لافي وخايفه يذبح ولدها
صلاح: اذا حالها زي ما تقول عليها ضروري تتصرف يااخي.. البنت خوفها في محله.. شوف لك دبره وهدي بالها
ناصر: ودي.. اقول لك على فكره بس خايف تفهمني غلط
صلاح يشوف عيونه: خير.. ياخوفي منك ومن افكارك
ناصر يضحك: يا اخي حرام عليك.. مافي اطيب مني
صلاح: قصدك مافي اغبى منك
ناصر يضربه على كتفه: ابي اخذها للمنتجع الي كنتو فيه مع عمي.. وعشان ما تقول اني رايح لليال باخذ غسان معي
صلاح يشوف غسان: ها ايش قلت
غسان: ماعندي مانع.. وانا بعد ابي اخذ العنود تغير جو
صلاح: خلاص ولدك خله عند زوجتي تدير بالها عليه.. وانت دير بالك على هالبزر الي معاك
ناصر يرجع يضربه: بزر بعينك.. يا اخي ليه منت مصدقني قلت لك خلاص اختك ما يربطني بها شي.. كل الي يهمني سلامة ولدي وبس
صلاح يتنهد: متى تبي تروح
ناصر: ما ادري انا عادي عندي
غسان: اليوم الاربعا.. نروح اليوم ونرجع الجمعه
ناصر: خلاص.. ماعندي مانع.. بس زوجتك بتترك ولدها يومين!!
غسان: ماعليك انت.. نوف وامي موجودين
ناصر يوقف: خلاص بقول لبسمه تجهز.. وهذا انا اقول لك اذا عاندت معاي بغصبها على الروحه.. يعني لو تشوفها زعلانه طنش مفهوم
غسان يشوف اهتمام ناصر: مفهوم عمي اذا تحب اني اضربها لك ماعندي مانع
ناصر: اتخسى تمد يدك عليها.. اجلس مكانك وخلني اروح اقنعها
صلاح بعد ما مشى ناصر: تظنه صادق بشعوره تجاه اختي
غسان يتنهد: ما ادري لا تسألني.. ودي اصدق شعوره تجاه اختي.. اتركني اروح البحرين معاه واشوف ايش يصير.. كيف راح يتصرف.. بس صدقني اذا شفت منه غير الي نتوقعه الان بمد يدي عليه
صلاح بضيق: ولاتنسى تجره معاك حتى تطوله يدي واخلص عليه
غسان ضحك غصب عليه: هو الي يجبرنا على هالتفكير
صلاح يتنهد: انا ما ابي شي غير اني اتطمن على اختي.. كل الي ابيه ان الكلب ابوه يتركها تعيش.. ماهو كفايه البنت تركناها تعيش بعيد عنا
غسان بضيق: يا اخي مجبورين.. ايش بيدكم تعملوه حتى تأمنو حياتها
صلاح بشوية حده: ما كنا مجبروين يا غسان.. ما كنا مجبورين.. حنا غلطانين من الاول كيف صدقنا لافي بالي قاله.. يا اخي ما ادري كيف خانني عقلي وصدقت في اختي حبيبتي انها تخون زوجها.. يمكن لانها طلبت ان الفلوس الي احولها لها تكون باسمي ومن غير ما احد يعرف.. ابليس لعب في راسي ضدها.. تصرفت بغباء.. ظلمتها ورميتها بديره ومع ناس مااعرف عنهم شي.. ويوم الي عرفت الحقيقه كامله استحيت اقسى وافرض عليها انها ترجع السعوديه واحميها.. الرجوله ياخوي عمرها ما تخون صاحبها.. وانا الرجوله خانتني وظلمت اختي.. الله رحمني بجراح يوم طلب يتزوجها.. رميت الحمل الي المفروض احمله على جراح.. وكل هذا ما يشفع لي ظني باختي وتركها تتغرب قدام عيني وانا ساكت
غسان ما لقى شي يقوله: ...........................
صلاح يشوفه ويبتسم: عارف انك تبي تقول هالشي من زمان.. من غير لا تقوله ياخوي.. عارفه زين.. تركي لاختي ماهو من الرجوله بشي.. ما كنت اعرف لافي ما كنت اعرف كيف اتصرف معاه.. اعتمدت على عقلها.. ما شكيت بقرارتها ابد.. تصرفت بس عشان هي تحس بامان.. الامان الي ما قدرت اوفره لها هنا.. هي حسته بعيد عني ومع ناس اغراب.. آآآآآآآآآآآآآه ياقلبي
غسان: اترك عنك.. الي صار صار.. ولو يرجع الزمان ماراح تغير شي.. لان ربك كاتبه.. صلاح الي برقبتنا الان اكبر واهم من انك تفكر في الماضي.. والحمدلله الامور ماشيه زي ما نبي.. اترك عنك هالكلام الي لا يقدم ولا يأخر في شي
صلاح يتنهد: ايش اخر اخبار عبير معاك
غسان بنرفزه: الله ياخذها وارتاح منها.. يا اخي استغرب كبف العنود ونوف خواتها.. يا اخي زباله حتى الزباله انظف منها.. جريئه بطريقه تقزز.. وقحه واثقه من نفسها وعمرها.. بنت الكلب ما يأثر فيها الكلام الجارح الي اقوله لها
صلاح: هذا انت قلتها.. بنت كلب.. تربيت ابوها
غسان بقهر: الله ياخذها وياخذ ابوها ان شا الله.. نفسي اشوف الدنيا بعدهم كيف تصير
صلاح ضحك: كيف تصير يعني.. مربعه ولا مثلثه

&&&&&&&&&&&&&&&&&&&&

7:10 الليل
شقة جراح ..غرفة البنات..
البحرين
جراح: شوفي لينا ايش تقول لك.. المساحه عندك كبيره وتقدري تعملي الي تبينه
ليال تفكر: هذا الي ابيه
جراح: مع اني اشوف اننا نخلي لكل بنت غرفتها كذا احسن.. يعني لكل وحده منهم شخصيتها وعالمها
ليال: هذا الكلام اذا كبرو.. اما الان ابيهم يعيشو مع بعض.. يتعلمو ان حياتهم بيقضوها مع بعض.. واذا كبرو هذيك الساعه لكل وحده فيهم غرفتها.. انت شوف علاقتهم كيف حلوه.. ما ابي افرق بينهم حتى بالنوم
جراح: الي يريحك.. بس خلي ببالك ولدي بخليه بعيد عنهم
ليال تضحك: اشوفك واثق انه ولد
جراح يبتسم: ولد بنت ماهو مهم المهم انه يجي بالسلامه وتكوني بخير معاه.. الحمدلله ما ابي شي من الدنيا غير كذا
ليال ترمي براسها بحضنه: حاسه بخوف.. من ايش ماني عارفه
جراح: نروح المستشفى نتطمن
ليال: لا ياقلبي ماهو على الولد.. خوف كذا ماني عارفه على ايش ولا من ايش
جراح يحضنها: اذكري الله وتعوذي من الشيطان.. استني ياقلبي هذا بونايف داق.. الو
بونايف بفرح: هلا بومبارك.. اخبارك
جراح يبتسم: الله يسلمك.. ايش اخبار توقيع العقد بين التجار
بونايف يضحك: ابشرك وصل الخبر للافي وقالب الدنيا.. واحد من التاجر داق علي يقول انه مهدد ياخذ المشروع مني
جراح يضحك: خله يهدد زي ما يحب.. حنا وش ورانا
بونايف يضحك: الله ياخذه ان شا الله.. المهم انا عازمكم بكره وعازم مجموعه من اصحابي احتفالا بالمشروع
جراح: اشاور الي معاي وارد عليك.. عموما مافي اعتراض على الفكره بس احتمال ان بعض الي معاي ما يجون
بونايف: شوف ياخوي دامك بتجي يبقى الحفله قايمه قايمه.. وربعك براحتهم الي بيجي حياه الله والي مشغول بعوضه عنها ان شا الله مره ثانيه
جراح: ما تقصر ياخوي.. ما يصير خاطرك الا طيب
بونايف: انتظر مني مكالمه.. بأكد عليك بالمكان والوقت

&&&&&&&&&&&&&&&&&&&&&

7:40 الليل
فيلا لافي ..غرفة عبير..
السعوديه

عبير مربطه: فكني قلت لك.. فكني ايش ناوي عليه
لافي جالس على الكرسي الهزاز يبتسم: ناوي على الي كنتي ناويه عليه
عبير فتحت عينها: انا كنت ناويه على ليله حلوه.. نطير من الارض ونوصل للسحاب مع المخدرات
لافي بنفس النظره: نطير مع المخدرات!!.. ولا تبين تطيري روحي مع السم
عبير مستغربه: سم!! أي سم الي تقول عليه هذي مخدرات وبعدين الكميه الي اعطيتك ياها ما توصل للسم هذا انت عايش ومابك شي
لافي يمسك رقبتها: انتي عارفه ان الي بالكيس سم سريع المفعول
عبير بصراخ: مستحيل مستحيل.. انا مستخدمته قبل كذا حتى شوف الكيس مابه الا كميه بسيطه
لافي يبتعد عنها: خلاص يا قلبي.. استعمليه الان وقدامي واشوف اذا كان مخدرات صدق ولا سم
عبير تحاول تكسب وقت: مين قال لك انه سم
لافي يشوف الكيسه الي بيده: دزيته للمعمل ياحلوه وقالو انه سم
عبير جاتها فكره: واكيد مسعود هو الي دزيت الكيس معاه.. لعب عليك.. لعب عليك.. اكيد شهد قالت له عنك ويبي ينتقم من بنتك زي ما كنت تبي تلعب على بنته
لافي فكر شوي: بس انا دزيت معه كمية بسيطه للتحليل بس والكيس ظل معاي
عبير وحست ان الخيط الي تمسكت فيه انقطع: ولو اكيد الموضوع فيه لعبه
لافي يقترب منها: جربي الي بالكيس قدامي خليني اقتنع انها مخدرات
عبير بخوف: لا طبعا.. وانا ايش يضمني ان الي بالكيس ماهو سم.. اكيد واحد من رجالك بدل المخدرات.. ماني غبيه حتى اضيع عمري عشانك
لافي طلع منها وقفل الباب وراه: .............................
الله يشيلك.. الله يشيلك كيف بطلع نفسي من هالورطه الان.. ليتني قدرت اهرب من البيت.. بس ماراح ينفعني الندم الان.. حاولت اتخلص من الحبل الي مربطني به من رقبتي لحد رجولي.. الله ياخذه شل حركتي بالحبل.. بس قدرت اخلص وحده من ايادي.. مديت يدي تحت مخدتي وسحبت تلفوني.. دقيت على ماما.. وماردت الحقيره وينها فيه.. هذا وقته تعالي لي ياكلبه زوجك الحقير بيذبحني يبي ينهي على الي بقى مني.. دقيت على غسان.. يلا ياغسان يلا.. آآآآه ياقلبي ما يرد.. تذكرت ناصر.. دقيت عليه.. رد ياناصر ماهو وقته رد.. اتصل في من الان!!.. اتصل في من!!
عبير على التلفون تصرخ: مسعووووووود
مسعود انصدم من صوت الصراخ: خير.. خير عمتي ايش صاير
عبير تصرخ: الحقني يامسعود الحقني.. لافي يبي يذبحني.. يبي يسممني
مسعود يبتسم: اعوذو بالله.. يا عمتي عمي لافي يحبك ويتمنى رضاك كيف تقولي هالكلام
عبير وهي ماهي قادره تضبط اعصابها: مسعود اسمعني اسمعني
مسعود يحاول ما يبين فرحته: عمتي الله يخليكي.. اذا كان فيه خلاف بينك وبين عمي هذا شي ما يدخلني به.. الله يخليكي لا تدخليني بمشاكلكم
عبير: آآآآآآآآآآآآآآه ياقلبي.. مسعود اسمعني اسمعني
آه يالحقير آه يالكلب سكر الخط بوجهي.. انا يا مسعود تسكر الخط بوجهي.. وينك ياناصر الكلب ماراح اندم اني هديت حياتك.. بحياتك مااهتميت بي.. ليت اقدر اوصل للحقيره بسمه واذبحها هي بعد وتجلس بحسرتك بعدها.. انتهي من الي انا فيه واوعدك يكون هذا ردي عليك لانك اهملتني.. ظبطت اعصابي ورجعت دقيت على ناصر ومارد.. مالي غيره مسعود
مسعود يرد عليها: هديتي ولا لسا عمتي
عبير وبدت تبكي: اسمعني.. انا شريت كيس سم وكنت مقرره اني اذبح لافي.. لافي اعتدى علي قلت لناصر وماصدقني مالقيت احد يصدقني.. قررت اني انتقم من لافي لاني مالقيت الي يحميني منه.. اليوم اكتشف كيس السم بجيبي الان يبي يذبحني الحق علي.. الحق علي.. انا بموت بموت
مسعود وهو بيطير من السعاده: عمتي ام ناصر وين
عبير ونفذ منها الصبر: مااااااااااااادري عنها ادق عليها وما ترد علي.. الحق علي.. حرام عليك لا تتركني
مسعود: خلاص عمتي خلاص انا جايك بالطريق
سكر مني وحسيت بلافي يفتح الباب.. لعبت بازرار التلفون ورجعته بسرعه تحت المخده ورجعت يدي لتحت الحبل حتى ما يحس اني تصرفت بشي.. كنت خايفه منه وما بقى عندي كلام اقوله الخوف من الي ممكن يعمله شل تفكيري وحركتي
لافي دخل وقفل الباب وجلس جلسته: كلمتي من ياقلبي؟!!
عبير عرفت انه سمعها: .......................
لافي طلع الكيس من جيبه ورمى كميه من البودره بكاس العصير الي جابه معاه: وهذا احلى عصير لعبورتي حبيبتي عشان كانت تبي تذبح ابوها حبيبها الي تكذب وتقول انه اعتدى عليها ههههههههههههههههههه
عبير وبدت ترتجف: تبي تذبحني!!
لافي يشوفها ويبتسم: زيك تمام
عبير وهي ترتجف: انت وصلتني لهالشي.. تصرفاتك خلتني افكر بهالشي.. حرام عليك انا بنتك.. ما في احد يعمل كذا بعياله
لافي يضحك: وفي عيال يعملو كذا بابوهم.. الي تركني والي يبي يكسرني والي يبي يذبحني
عبير تشوف كاس العصير: هذي سواة يدك.. لو انك زي باقي الرجال كنت شفت كيف عيالك يحبونك ويتمنون رضاك
لافي يشوف عينها: ..........................
عبير بدت تستفزه: انت ليه كذا.. ليه غير البشر.. ليه منت من البشر.. ليه انت شيطان
لافي واحلى كف: حقيره
عبير رفعت وجهها: خسرت عيالك كلهم وجاي تذبح اخر شي لك منهم.. بموتي يالافي انسى يكون لك عيال.. انسى.. انا الوحيده الي مستحمله عيشتك وساكته عن سواياك.. انا الوحيده الي طلعت شبهك فيهم.. انا الوحيده الي المفروض انك تقربها منك وتحبها وتدللها وتلبي طلباتها من غير خسه ونذاله.. لاني بنتك الوحيده فيهم.. شبهك يالافي شبهك بالضبط
لافي وبدا الغضب يعميه: حقيره.. الي تفكر زي تفكيرك معاي لازم تموت
عبير تضحك: شفت كيف اني اشبهك.. تفكيري زي تفكيرك بالضبط.. الموت هو الطريق الوحيد الي تريحنا من المشاكل الي نكون فيها.. الموت هو الخلاص لكل مشاكلنا.. القتل هو احسن طريقه ننتهي فيها من عدونا.. وانا العدو الوحيد الي لي هو انت.. اما انت كل الناس اعدائك.. خاف من كل الناس يالافي.. كل الناس لما تعرف بموتي بيتصرفو معاك زي ماراح تتصرف معاي.. بيقتتلووووووووووووووك.. نهايتك هي الموت يالافي.. الموت مقتول.. تحسب اني بموت كذا!!.. مستحيل اموت يالافي بتلقاني قدامك بكل مكان تكون فيه.. حتى بنومك.. بقعدتك.. ماراح اتركك.. بخليك كل ما تلتفت تلقاني قدامك.. صحيح بموت بس روحي بتتعبك.. شوف عيوني.. شوف عيوني.. هالعيون ماراح تنساها ابد.. هذي عيون عبير الي بتتعبك وتعذبك لحد ما تقتلك.. اوعدك
لافي يضحك: شكلك تشوفي افلام كثيره

&&&&&&&&&&&&&&&&&&&&

8:20 الليل
البنايه ..قسم الرجال..
البحرين

احمد: لا طبعا.. الخوف على لمى
عبدالعزيز: ضروري يتغير اسمها.. جذي البنت مختفيه عن العالم وماهي قادره تعيش
احمد: احنا لو نرتاح من لافي.. ماراح يبقى أي خطر على لمى.. بس اذا البنت ظهرت باسمها بيعرف انها اخت عوض وبيركض وراها حتى يحاول يعرف فلوسه وين راحت
جراح: شوفو الي تبونه وانا مستعد.. ماعندي مشكله
عبدالرزاق: لحظه يا شباب.. شنو يعني نوجد لها شخصيه جديده!!.. وافترضو احد تعرف عليها وبغى يخطبها شنو الحل بعدين
منير: الحل اننا نشوف هي اش تقول
عبداللطيف: بتختار انها تجلس في مكانها وتسكر على نفسها.. هذا هي الي تبيه وتدور عليه
وليد: افترضو اننا خسرناه مبلغ كبير.. جزء كبير من ثروته يكسر شوكته قدام التجار في الحاله هذي بيقدر انه يآذينا او يأذي لمى؟!!
جراح يتنهد: بكل سهوله.. المسأله ماهي مسألة فلوس هو يملكها.. المشكله في عقله وخبثه
عبدالرزاق: عقله الي يمشي ويذبح بالناس الي ما يبيهم.. اش هالآدمي!!
عبداللطيف: وين الباقي وين راحو
احمد: خالد طلع مع ابوه.. ومحمد مع عياله
جراح: ايش قلت بموضوع هناء ياعبداللطيف
عبداللطيف يتنهد: مالي خاطر
عبدالرزاق يمسك رجوله: انسى لمى.. شوف ياخوي.. انت ما تتعيب.. المشكله اني اسمع ام سالم تقول انها ما تطيق احد يذكرها بأخوها والي صار لها معاه.. وانتو اكثر ناس تذكرونها فيه.. هي لانها مالقت الي يوقف معاها غيركم عشان جذي مستحمله العيشه معاكم.. ولا غير جذي كنت تشوف البنت بعيده عنكم او طاردتكم من حياتها من زمان.. ياخوي البنت محتاجه لراحه نفسيه.. زواجك منها بيعقد الموضوع.. كلنا نعرف انك تحبها وما تتمنى غيرها.. بس هي مستحيل تفكر فيك.. فكر في غيرها الله يهديك
عبداللطيف يتنهد: اش قلتو عن عزيمة بونايف
جراح يشوف احمد: دق علي من شوي يقول ان الموعد بكره الساعه 9:00 باليل
احمد فاهم عليه: حلو وبعدين بنتعرف على تجار جدد ووجوه جديده.. يعني بيصير لنا معارف على نطاق اوسع بعيد عن معارف جراح وعبدالرزاق.. هالشي بيشيب راس لافي.. بس الاهم نتعرف على ناس لافي خسرهم او يبي يفلسهم عشان نضمن ولائهم
منير: تفكر في لعبه جديده عليه!!
احمد يبتسم: طبعا.. بس هالمره بنفكر في مشروع وبيديره ناس حبايبنا.. وقدام لافي مالنا دخل
جراح يضحك: لافي لو يسمع عنك بس.. اول راس تطير هي راسك

&&&&&&&&&&&&&&&&

9:15 الليل
فيلا لافي ..عند باب الفيلا..
السعوديه
لحارس: مسعود!! عمي معصب ويقول اول ما يوصل مسعود خلوه يجيني بسرعه
مسعود يبتسم للحارس: هذا انا داخل الله يستر بس
مشيت على اقل من مهلي.. عارف ليه داق علي ويبيني.. ومتأكد انه اقدم على الي عبير قالت عليه.. من سكرت التلفون منها وانا جالس مبسوط ومروق.. ايش ابي اكثر من كذا.. كان ناوي يذبح بنتي وهذا هو ذبح بنته.. ههههههههههههههه حقك وصلك يامسعود.. يا فرحتي.. قالت ايش الحق عليها.. طيب ياعمتي وتاج راسي.. بلحق عليكي بالعيد.. وصلت الفيلا وفتحت الباب ودخلت.. عارف ان ام ناصر معزومه الليله عند وحده من صحباتها الي ما تتركهم ابد.. هههه اكيد بينفعوها بعد بنتها.. لو كانت مهتمه ببيتها وبنتها وماكان صار لها شي الليله
الشغاله تشوف مسعود: مسعود اش اخرك بابا فيه صرااااااااخ
مسعود يحاول يطرد الفرح من وجهه: وينه فيه
الشغاله: في غرفه حقت عبير
مسعود: تعالي معاي دليني الطريق
كنت امشي معاها وانا عارف اني بفضح روحي وجهي باين عليه الفرح.. ايش العمل الان اكيد بتبع عبير الليله لو بقى وجهي على هالملامح.. دنيت من غرفتها وسمعت صوت خطواته.. باين التوتر عليه.. فتحت الشغاله الباب وبانت لي جثة عبير.. كنت واقف برا الغرفه من شفتها اختلفت تعابير وجهي.. دخل الخوف بقلبي.. الله واكبر كيف استحمل هالمنظر كيف جاه قلب وذبح بنته.. ضناه
لافي شافه وزعق فيه: وييييييييييييييييييييييينك فيه ليه تأخرت
مسعود وعيونه على الجثه: ايش سويت بالبنت!!!!
لافي انتبه لنفسه: ايش الي تقوله انت.. دخلت عليها ولقيتها ميته
مسعود يشوف عيون لافي: موتتها ماهي طبيعيه
لافي وتغيرت ملامحه اكثر: انتحرت اكيد.. تخانقت معاها وضربتها.. ودخلت عليها لقيتها كذا
مسعود والدنيا لفت به: مبين عليها اثار الحبل.. انت كنت مربطها؟!!
لافي تلعثم بالحكي: لا طبعا هي ربطت حالها حتى تبين اني عذبتها هي قالت لي هالحكي قبل ما اتركها واطلع عنها
مسعود: ربطت حالها كيف يعني!! كيف عملتها!!
لافي جلس على الكرسي منهار: هذا الي صار
مسعود ضبط اعصابه: ايش الي تامر عليه عمي
لافي دفن راسه بيده: خلصني منها
مسعود: روح لغرفتك ودق على عمتي ام ناصر وعمي ناصر.. واتركني اتصرف
لافي طلع من الغرفه: بسرعه قبل لا ابتلش فيها ويقولو اني ذبحتها.. حسبي الله عليها هي تنتحر وانا ابتلش
تبعته بنظراتي لحد ما سكر باب الغرفه.. رحت بسرعه وقفلتها.. خفت انه يكون عامل لي لعبه ويبي يبلشني بجثتها.. قلت اقفل الباب واذا صارت حركة نذاله منه نطيت من الشباك ودخلت الفيلا من الباب من جديد.. رجعت شفت الجثه.. الله اكبر عليه كيف قدر يعملها.. غمضت عيوني كنت ابي اهدى.. لفيت بالغرفه ابي اركز تفكيري.. لقيت كاسة عصير على الطاوله دنيت وسحبت الكاس ابي اشرب.. ابي ابلل ريقي ابي استوعب كيف عملها؟!!

&&&&&&&&&&&&&&&&&&

9:40 الليل
المنتجع ..شقة غسان..
البحرين

العنود بملل: ناصر شوف تلفونك مين.. ذبحنا ولا هو راضي يسكت
ناصر عارف انه ابوه: ايش عليكي منه.. يتصل لحد ما يشبع اكيد انه بيمل وينخرس من حاله
غسان يضحك: اكيد يبون يراضونك
بسمه تتخصر: ومن هذول ان شا الله
غسان يلعب بحواجبه: ناس يقولو للقمر قم وحنا نجلس مكانك.. ناس الضحك ما يفارق اشكالهم ماهم زي حضرتك شايله الهم وتدوري فيه
ناصر بحده: وجع ان شا الله.. لا تكلمها كذا.. ماعليكي منه حبيبتي هاكي شوفي من يدق
بسمه اخذت التلفون وتشوف غسان بقهر: هه الان هذول الناس الي الضحك ما يفارقهم.. كثر منها بس
العنود: مين الي يدق!!
بسمه بضيق: لافي
العنود بملل: متى بنرتاح
ناصر: حنا مرتاحين ومافي احسن مننا.. اتصالاته كلها عشان الشغل وبس
العنود: رجعت له الشيك الي دزه لي ولا لا
ناصر يضحك: قطعت شيك نوف وخليته على مكتبه قلت له نوف تقول هذا ماراح يعوضها عن الي فقدته
العنود: وانا!!!!
ناصر: بصراحه شفت انه ما آذاكي قلت ما اجيب طاريك حتى ما يفكر ينتقم منك انتي بعد
غسان اثرت في نفسه هالكلمه واخفى حزنه: جعنا ياحريم
ناصر انتبه: وحنا جايبينهم حتى نشغلهم.. بنطلع ننبسط ونبسطهم معنا
بسمه تشوف عيونه: وين نروح
ناصر: هالمنتجع فيه مطعم يعجبك.. يلا قومي اجهزي انتي معاها
العنود تقوم مع بسمه: ثواني ونجهز
ناصر بعد ما مشو: شفت وجهك.. ليه تغير وجهك بعد الي قلته
غسان وقف وسحب شماغه: عشاني جعان يعني؟!!
ناصر مسك ذراعه: ايش الي ما اعرفه يا غسان
غسان يشوفه باستغراب: ايش بلاك.. ايش قلت انا لذا كله
ناصر وبدا يعصب: هو آذى العنود بعد
غسان يتنهد: .........................
العنود وصلت مع بسمه: يلا جهزنا
بسمه بضيق: يوووووووه رجع يدق ياناصر
ناصر من القهر قفل التلفون: خله يحترق

&&&&&&&&&&&&&&&&&&&&

9:50 الليل
فيلا لافي ..الصاله..
السعوديه

زين الي انتبهت لنفسي.. زين الي لحقت على عمري.. كان زماني مرمي جنبها.. وياحلوها من خطه.. ميت جنبها يعني ذبحتها وذبحت نفسي معاها.. وهالحقير يطلع منها زي الشعره من العجين.. كبيت العصير واحتفظت بالكاس.. بصماتي عليه.. واكيد بصمات لافي وعبير بعد.. بس اذا ظل الكاس عندي.. عادي لو اهدد فيه لافي.. وايش يعني بصماتي عليه.. طبيعي انا الي خبيته.. قلبت الغرفه على تلفونها لحد ما لقيته واخذته هو بعد.. فتشت الغرفه طولها بعرضها.. وتأكدت انه ما بقى شي يربطني او يربط لافي بهالغرفه.. شفت سلة الغسيل حقت عبير.. انتبهت لكلمتها انه اعتدى عليها.. وابتمست.. رحت فيها يالافي وعلى يدي.. خلصت اموري بسرعه ونزلت ورميت اغراض عبير بالسياره.. ورجعت للصاله انتظر الاوامر ايش تكون.. انتبهت من سرحاني على صوت ام ناصر.. تصرخ وتلطم خدها منهاره بصوره فضيعه.. لا ياشيخه تبكين!! كنتي اهتميتي على الاقل.. ماني عارف من اصدق اهمالها ولا بكاها وانهيارها
لافي وصل جنبه: ايش بقا الان
مسعود انتبه من سرحانه: الصلاه والدفن
لافي: صلاه!! يلا اجل ندفنها الان وخلاص
مسعود يشوف باستغراب: والله!! وصلاة ايش الي تبي تصلي عليها بها الساعه!! تراويح؟!!
لافي يشوفه بقهر: تتريق
مسعود يتذكر: بقى تقرير الطبيب لاستخراج شهادة الوفاه.. حتى تندفن الجثه.. نسيت هالشي.. ضروري التقرير حتى تندفن
لافي نشف الدم بعروقه: تقرير الطبيب!!
مسعود: اكيد.. فاكر اننا ندفنها وخلاص.. خير ياعمي انت خايف من شي!!
لافي بكل ثقه: لا طبعا ايش يبي يخوفني
كان ودي اضحك عليه.. اول مره ما يعتمد علي في موضوع قتل.. بس ليه عبير الي قتلها؟!!.. يمكن ما يبيني اعرف قسوته على عياله بعد؟!!.. يا عيني يالافي.. شكلك يقطع القلب.. بشوف كيف بتحلها
لافي: يلا ننقلها للمستشفى
مسعود اخفى ابتسامته: يلا ياعمي
لافي يمشي ويرجع يلتفت عليه: دقيت على ناصر
مسعود: دقيت ياعمي وجهازه مسكر
لافي بدنيا ثانيه: ........................
تركته وسبقته على السياره.. وقت الي شفت انه مافي احد حولي قدرت ابتسم.. فتحت الباب وجلست بالسياره سكرت الشبابيك وقفلت الابواب وصرت اضحك.. موتك على يدي هالمره يالافي.. تذكرت اني رميت الشنطه الصغيره الي اخذت بها الادله من غرفة عبير بالكرسي الي خلفي.. طلعت بسرعه وفتحت الصندوق وخبيت الاغراض كويس.. قفلت الصندوق وانا احاول ارجع لحالة الحزن الي سكنتني.. تذكرت ناصر.. قررت اني اخبي الكثير من الحقيقه عليه حتى اتركه ياكل بعمره على ابوه ويمكن هو بنفسه يذبحه وارتاح انا من هالمهمه وارجع لعيلتي وحياتي معاهم.. قلت ما ابي اتصل فيه الان.. ابي اتركه خله يفرح هاليومين مع زوجته.. واذا رجع بالسلامه يعرف براحته.. ليه اكدر خاطره.. هالمسكين ماهو لاقي يفرح.. هههههههههههههههههه.. قفلت الباب وجلست انتظر جية لافي.. مسكت تلفوني دورت على الي ابيه وسمعته.. سكرت النلفون.. لا انا اسكر الجهاز كله احسن.. أأمن ههههههههههههههههه

&&&&&&&&&&&&&&&&

10:15 الليل
شقة عبدالرزق ..غرفة العيال..
البحرين

خوله: وانا بعد قلت هالشي بس ما ادري ابي اجهز من الحين.. سالم يكبر ومحمد الله يحفظه ما يتركه ينام الليل
لبنى: خوله الله يهديج انتي مدلعه محمد
لينا: رحمي سالم هالمسكين
خوله بشوية حده: وانا وش مسويه.. لا تحسسوني اني ما احب سالم وافضل محمد عليه
مزيان: ماحد قال هالشي بس دلعك لمحمد واضح وهذا يضره
خوله بملل: مثل ما ربيت سالم اربي محمد.. وهذا هو سالم الله يحفظه مافي منه
لينا بقهر: يووووووه انتي ما تسمعين غير نفسج.. وماراح تسوين غير الي تبينه
لمى: ليش ساكته فيج شي
ليال بضيق: لا ابد
خوله تنتبه لها وتجلس جنبها: اش صاير ياروحي
ليال ترمي براسها بحضن خوله: خوف ماليني اليوم ياخوله.. احس انه بيصير شي
لمى تدني جنبها: شي مثل شنو
ليال بتعب: ما ادري.. شي وفيه لافي
لبنى: وجع ان شا الله.. لافي صار بحياتي كأنه ام خالد.. الله يفكك منه مثل مافكني منها
ليال تلتفت: لبنى حاسبي على حنان الله يخليك
لبنى: منتبهه ياليال عارفه انها طالعه مع عيالها
ليال تتنهد: قلبي مقبوض
لينا: شوفي اذا علينا احنا بخير.. شوفي اهلك كلميهم وحذريهم
ليال: كلمت صلاح وقلت له.. وكلمت امي وابوي وسوسن بعد.. حتى منال البعيده عن المشاكل حذرتها.. بس قلبي ماهو راضي يهدى
مزيان: قلتي لجراح
ليال: طبعا
خوله تسحبها: قومي قومي انتي علاجك بسجودك.. قومي ارتاحي ولا تقلبين راسنا بلافي الله يشيله
صوفيا: مام
خوله: نعم صوفيا
صوفيا: مام هويدا مع حريم
لينا بفرح: اكيد يبون يسألون عن عبداللطيف
خوله: قومو كلكم اطلعو لهم.. اتطمن على هالي بين يدي ونطلع لكم.. واذا سألوكم قولو لهم لافي في الموضوع وهم بيفهمون

&&&&&&&&&&&&&&&&&&&&&

10:35 الليل
المستشفى
السعوديه

الدكتور: لافي!! يا اخي انت مؤمن لا تعمل بحالك كذا
لافي وروحه بتطلع: ايش طلع معاك
الدكتور مستغرب: سكته قلبيه يالافي و..... و........
لافي بخوف: خير ايش في
الدكتور: لقيت بدمها نسبة مخدر.. تقدر تقول ماهي بسيطه.. واحتمال قوي انها الي سببت في الوفاه
لافي مسك الحيط ولفت به الدنيا: مخدر!!!
الدكتور مسكه: لافي.. ماني متأكد اذا المخدر سبب في الوفاة ضروري اشرح الجثه حتى اتأكد
لافي دايخ: لا تشريح لا.. اكتب تقريرك واذكر انها سكته قلبيه.. لا تفضحني
الدكتور: افا عليك انت اخوي.. الي تبيه اكيد بيصير.. بس بعد فيه شي ثاني
لافي يشوفه بحده: خير
الدكتور: جسمها فيه اثار حبال.. احتمال انها تعرضت للقتل او احد جبرها على المخدر.. اسمع مني ياخوي وخلني اعطي امر بتشريح الجثه
لافي يتنهد ويبتدي تمثيل: انا كنت رابطها.. شفت كيس المخدر وانجنيت.. ربطتها بس ما ضربتها.. ما قدرت امد يدي على بنتي.. فكيتها اول ما حلفت انها ماقد جربت منه.. آآآآآآآآه ليتني جبتها المستشفى ولا صدقتها
الدكتور: والكيس وين
لافي: نثرته بالحديقه.. مالقيت طريقه ثانيه.. ماعرفت اتصرف
الدكتور متأثر: انا بكتب لك التقرير الان.. وتطمن ما تنفضح وراسي يشم الهوا.. لاتقسى على نفسك انا عارف انك تحب عيالك.. ادعي من الله يرحمها
لافي وبدا يشم نفسه: الله يرحمها
مسعود يجيه ركض: عمي.. عمتي قالبه الدنيا برا
لافي يمشي معاه: يلا خلاص انتهينا
الدكتور: نص ساعه وكل شي يصير جاهز.. لا تقلق
لافي: كثر الله خيرك
مسعود بعد ما مشو عن الدكتور: خير ايش صاير
لافي يبتسم: سكته قلبيه.. يقول انها تتعاطى مخدر وهذا الي سبب لها الوفا
مسعود تذكر: مخدرات!! ومنين
لافي وقف يفكر وماهو قادر يربط الاحداث مسك يد مسعود ومشى معاه: خلني انتهي من دفنها وبعدين نعرف منين

&&&&&&&&&&&&&&&&&&



يتبع

11:30 الظهر اليوم التالي
المنتجع ..شقة ناصر..
البحرين
بسمه تضحك: صار لي زمان ما ضحكت كذا
العنود تتريق: الحمدلله والشكر ومن قال لك لا تضحكي.. انبسطي بحياتك ياعمري
بسمه تتنهد: ابوكي قالب حياتي.. خايفه حتى ان عيني تغمض
العنود: غسان علمني على شي.. قال لي العمر ما ينتهي غير لما صاحب العمر يأمر بانه ينتهي.. يعني ربي هو الي يقول اني اموت اليوم ولا بعد 100 سنه ومافي احد غيره يقدر يحدد ويقرر متى اموت
بسمه تبتسم: صدقتي
العنود: بسومه ودي اطلب منك طلب.. بس الله يخليك اذا حسيتي انه بيزعلك خلاص ماراح اعمله
بسمه: تدللي ياروح بسومه
العنود: ودي اخذ غسان واروح اشوف ليال
بسمه اختفت ابتسامتها: وناصر!!
العنود: ناصر معك.. مفكرتني باخذه معي!!
بسمه وبدت تتضايق: بكيفك الي تبينه اعمليه
العنود حست عليها: طيب بروح معاكي لمجمع نوف تقول عنه تحفه اخذت اغلب اغراض سلطان منه.. بروح اشوف ملابس حلوه لغازي وانتي شوفي الي تبينه لولدك
بسمه تشوفها: وليال!!
العنود: ومين جاب سيرة ليال.. اسمعي ريحي نفسك عشان نوف تقول المجمع مره كبير يعني بنمشي مسافه طويله
بسمه تضحك عليها: انتي عارفه قد ايش ناصر متعلق فيها
العنود: اقول لك على شي.. بحياتي ما شفت ناصر سعيد كذا.. بحياتي ما سمعته يضحك وحاب يعيش بهالدنيا غير معك.. ليال كانت زوجته ومن حقه انه يزعل على فراقها وخلاص زعل وانتهى الموضوع.. اتوقع نفس الشي انتي مريتي فيه مع زوجك الثاني.. بس الفرق ان ناصر يحبك وسعيد معاك.. انتي ما قدرتي تنسي ناصر وخربتي بيتك مع زوجك.. ناصر لو كاره حياته معاك كان عمل نفس الشي الي انتي عملتيه
بسمه بفرح: بذمتك
العنود توقف: اوف منك.. لا تصيري غبيه عاد.. اخلصي ايش تشربي نشفتي ريقي
بسمه تضحك: عصير برتقال
العنود تمسك سماعة التلفون: زين الي تعرفي تضحكي.. الو لو سمحت عصير برتقال واح وعصيـ.............
دخل غسان وناصر بسرعه: جهزو اغراضكم بسرعه راجعين السعوديه
العنود سكرت السماعه: خير ايش صاير
ناصر يقرب من العنود: تصدقين ان عبير ماتت ودفنوها!!!!!
العنود تضحك: احلى خبر الصراحه.. يوم الهنا الي اسمع فيه هالخبر.. على جنهم ياربي.. ليه هي الي عملته فيني وفيك شوي!!
غسان يحضنها وبجديه: الخبر صحيح.. البنت ماتت
العنود اختلفت ملامحها: ........................
بسمه وقفت: يعني شنو!!!!!!!!!!!!!!!!!!

&&&&&&&&&&&&&&&&&&&&&&

5:45 المغرب
الطابق الاول ..قاعة الاجتماع..
البحرين


بونايف: عني انا ما قدرت استنى لحد الليل قلت اجلس معاكم من الان وبعدين نطلع على الفندق
منصور بفرح: مكانك وانا اخوك.. بس ها.. ما ابي نتكلم عن الشغل.. الشغل له وقته.. الحين نبي ننبسط
نايف يضحك: افا عليك ياعمي طبعا بننسط.. عاد هذا شغل الوالد.. تخصصه الانبساط
عبدالرزاق يضحك: حيا الله بوحمدان منوره البحرين
بوحمدان مبهور من المكان: منور باهلها.. يا اخي انا سعيد الي تعرفت عليكم
جراح يبتسم: وحنا اسعد بوجودك الله يسلمك
بوحمدان: ما تشفونها غريبه شوي!!
منصور: وش الغريب يابوحمدان
بوحمدان: كل واحد فيكم من مكان.. الكويتي والقطري والسعودي
منصور يضحك: لا تنسى حالك تراك من الحين انضميت لنا
عبدالعزيز يبتسم: نتشرف با اهل الايمارات
بوحمدان فرحان من هالكلام: يعني افهم من هالشي اني معاكم بالمشروع الجاي
عبدالعزيز بفرح: ما طلبت غالي
ليال تكلم احمد من السماعه: ابتدي الان احمد
احمد يبتدي في الخطه الجديده: فيه مشروعي ياعمي.. بس محنا شركا فيه
بوحمدان: ما فهمت!!!
احمد يبتسم: احنا نديره بس.. وكل الي نبيه ناس لافي لعب عليهم
بونايف فهم قصده: فهمتك.. انا معاك
جراح: هذا الكلام.. الان نبي غيركم خمس شركا
بوحمدان بشوية عصبيه: وليش عاد.. محنا قد المشاريع ولا محسب ان الي بجيوبنا ما يكفي
منصور: احنا الي جيوبنا فاضيه وانت تزيدها ياخوي.. بس المشروع هدفه ضرب لافي
بوحمدان يعدل جلسته: اذا كان الهدف لافي يتغير الكلام
رائد يدخل: عمي بوصقر وصل
بونايف يشوف الكل: تراني متعمد اعزمه.. حتى يوصل الاخبار
بوحمدان ينزعج: اجلو الكلام عن هالمشروع قدام بوصقر تراه صاحب لافي
احمد يبتسم: بالعكس هذا الي نبيه.. واحد مثل بوصقر يكون معانا بهالمشروع
عبداللطيف فتح عيونه وغمز لاحمد: اعذرونا احنا نشوف الاهل بس متصلين يبونا
ليال تكلم احمد بالسماعه: ما فهمت احمد.. من بوصقر هذا


بالغرفة الالكترونيه
لينا: نسيت اقول لك صلاح مكلم احمد من شوي.. اكيد في اخبار جديده
احمد وصل الغرفه: دخل بوصقر ولا ليلحين؟
ليال: لا لسا.. قولي ايش صاير
احمد: صلاح متصل يقول ان لافي متفق مع بوصقر يتقرب من بونايف حتى يعرف اخبارنا ويشوف من المجموعه الي مع جراح.. وجراح لمح لبونايف انه يعزمه.. الموضوع كله مترتب حتى نوصل للافي الي نبيه
لينا: عشان جذي وليد ومنير ماهم موجودين
عبداللطيف: وعبدالعزيز وخالد الحين بعد بيطلعون
احمد انتبه وفتح سماعة خالد: خالد انت خلك موجود.. محتاج وجودك
ليال فتحت سماعة عبدالعزيز: عزيز الان اطلع خلاص الرجال قرب يدخل
لينا: ليش توترنا مره وحده جذي.. اهدو يا شباب.. ليلحين الرجال ما وصل
عبدالعزيز يدخل: اتصل على صلاح يا احمد.. بوصقر جايب معاه 4رجال
ليال تفرك يدها وفتحت سماعة جراح: جراح انت تعرفه صح
عبداللطيف: يهز راسه ياليال.. أي يعرفه
ليال متوتره: ايش يقول!! احمد انتبهت جراح ايش قال!!
احمد مركز: أي.. يقصد بوصقر بيتكلم فرنسي انتبهي له
ليال ابتسمت وعيونها على الشاشه: ماشي جراح ماشي.. وين وليد
عبداللطيف: نازل الحين
عبدالعزيز: لا تخافين كل شي مسجل.. وليد علمني اشلون اعيد الاشرطه ونتابعها من جديد
لمى تدخل مع لبنى: كل شي تمام
لينا تبتسم: شوفتو خوف ليال البارح.. طلع من لافي من جد.. تخيلو انه داز 5رجال تبعه
لمى بقهر: شكلي انا الي بتزوجه واريح الكل منه
عبداللطيف بقهر: والله؟!!
احمد ضحك: انتي ذبحيه وانا ابرأك
عبدالعزيز يضحك: وانت ماعندك غير هالحكي
ليال فقعت ضحك: بعيد الشر عنها قال تقتله
لمى شافت عبداللطيف ورجعت تشوف الشاشه الي قدامها: اوه اوه اوه.. شوفو هالمزايين.. لا وواثقين من نفسهم حييييييييييييييييل
احمد يبتسم: ركزو على عمي منصور اشلون ماسك ضحكته
عبدالعزيز يضحك: من هالشي يشوفه
ليال: يلا شباب كل واحد يمسك موقعه.. بنبتدي
احمد: ليال انتبهي هنا!!!! اش يقول!!!
ليال تتنهد: يتكلم فرنسي.. يقول بيجهز التصوير
عبدالعزيز: أي تصوير يقصد!!

في قاعة الاجتماع

خالد يضحك: لالالا هذا ماهو اتفاقنا يابونايف.. احنا قلنا نبي ننبسط صرنا نمسك الاوراق ونكتب بنود!!
بوصقر يتلاحق الموقف: كلها نص ساعه ياخالد.. ولا انت ما تبينا نتعاون بالشغل
حنان تدخل مع راكان: السلام عليكم
منصور يوقف لها: هلا وغلا يبا تعالى اعرفك على الجماعه
خالد سحب راكان وبهمس: امك شغلت السماعه
راكان بتوتر: لا ياخالي مالحقنا
خالد عيونه بعيون راكان بس يكلم عبدالعزيز: عبدالعزيز معاي
عبدالعزيز على السماعه: معاك بنتصرف لا تخاف
رائد يدخل القاعه: اعذروني عمتي ام راكان.. الاغراض الي طلبتيها وصلت محتاجين توقعيك
حنان ابتسمت له: جايه وراك
بوصقر: ترجعين يام راكان حنا لسا ما تكلمنا في شي
حنان بكل عنجهيه وغرور: اذا كنت تقصد الشغل فالشغل له وقته.. والي اشوفه اننا معزومين الليله على سهره بمناسبة توقيع اهم عقد.. يعني شغلنا انتهينا منه خلاص.. حضرتك جاي بنهاية الوقت وتبي تفصل شغل على مزاجك!!
بوصقر فتح عيونه: لا طبعا بس.......
حنان بشوية حزم: بونايف ياليت تعلم ضيوفك من احنا واشلون نحب الناس تتكلم معانا
بونايف يبتسم لها: مايحتاج يام راكان
جراح منع نفسه من الضحك: معلش يابوصقر زوجتي مزاجها مقلوب من اتصال لافي
حنان تشوف جراح بقهر: هذا واحد قليل حيا.. ماني عارفه اشلون الناس تحب تتعامل معاه
بوحمدان يضحك: لا يام راكان الا لافي في حياة بوصقر هذا صاحبه الروح للروح
حنان وقفت تتأمل بوصقر بنظره حاده: من الحين اقول لك يابوصقر انسى الشغل معانا


داخل الغرفة الالكترونيه
ليال والي معاها فاقعين ضحك: احمد ابتدي
عبدالعزيز يمسح دموعه من الضحك: هالحرمه مافي اقوى منها
عبداللطيف يضحك: تصدق عمري ما توقعت حنان تكون بهالقوه.. طول عمري اشوفها في حالها واغلب الوقت مسالمه
ليال تضحك: فديت قلبها قد المكان الي هي فيه
حنان تدخل عليهم: عطوني السماعه بسرعه
لينا وقفت وحضنتها: عجبتينا الله يحفظك
حنان تشوف ليال: صدق!!
ليال بفرح: اكيد ياقلبي.. ربي يوفقنا بس
حنان: ان شا الله.. لينا جهزي نفسك صقر واقف مع راكان ويطلب منه رقم المصمم لديكور القاعه
عبدالعزيز بحده: لا يستعجل ويعطيه ارقام.. احمد موجود وهو يتصرف
حنان تشوف عبدالعزيز: اعصابك.. راكان ماهو غبي حتى يتصرف من غير تفكير
ليال تضحك عليهم: شوفي اهم شي عندك بوصقر.. زيدي عليه هو مفتاحنا الجديد الان
حنان بثقه: اعتمدي ياحلوه

&&&&&&&&&&&&&&&&&&&&&

7:00 الليل
فيلا العايله ..الصاله..
السعوديه


الجده بكل قوه: يعني ايييييييييييييييييييييش
ناصر بكل هدوء: يعني ما في احد بيطلع من هنا.. لا عزا ولا اخذ خاطر
ام سلطان: ناصر يما هالكلام ما ينقال عيبه في حق الكل.. وبعدين هذي وفاة وامك محتاجه الي يكون جنبها
صلاح يشوف امه: يما
ام سلطان شافت ولدها وسكتت: ........................
ام غسان: ماحد بيطلع من هنا.. بنتي راحت مني في غمضت عين وزوجها معاها.. مها وسلطان الي مالهم ذنب ماتو بسهوله.. تبينا نموت حنا بعد حتى هو يرتاح
الجده بحده: ماحد يموت قبل يومه.. وهذا عزا.. ابي اوقف جنب بنتنا
ام عبدالله: بنتك باعت الكل وشرت ابليس خليها تتهنى معاه
الجده بقهر: لا تتفقو مع بعض وتجون تجبروني على شي ماني متراجعه عنه
ناصر: بداها بعيالي وتبعها بولد نوف ونوف ربي نجاها.. وهذا هي عبير راحت.. من تبين يتبعها بعد
غسان يجلس جنب الجده: انت عارفه حنا نتعامل مع مين.. الارواح وذبحها لعبه بين يدينه.. الله قال "ولا تلقوا بأيديكم الى التهلكه" وروحتك له تهلكه.. تبين ترخصي بنفسك
فتحيه تتنهد: لاحول ولا قوة الا بالله
الجده تشوف نوف والعنود: وانتو ايش رايكم
العنود: ما احب الشماته.. الكل عارف انها تركض ورا غسان وتدق عليه تبيه يطلقني ويتزوجها.. جدتي قلبي ماهو قاسي بس عبير ما ينزعل عليها.. لا تتوقعي اني ارخص بولدي وبك وباخواني واهلي الي جالسه معاهم واروح اوقف جنب وحده كل الي يربطني بها شهادة ميلاد مذكور فيها انها امي
ام نور بشوية حده: هذا كلام عاد.. هذا كلام
نوف مشتته: لا تسالوني عن شي.. الي صلاح يقول عليه بعمله
صلاح: مالك روحه
نوف: خلاص.. اعذورني زوجي ماهو راضي
العنود تستنجد بغسان: غسان
غسان بجديه: لا طبعا.. ماراح تروحي ومافي احد بيروح معك
الجده بحده: يعني كيف
غسان يطلع التلفون من جيبه: تبين ام ناصر كلميها بالتلفون.. تطمني عليها.. روحه لها لا.. طلعه من هنا لا.. ماني مرخص بروحك عشان ارضي غرور لافي.. يما اذا لي معزه عندك انسي الي تقوليه
صلاح يغمز لابوه: ............................
بوسلطان يتنهد: يا ام فهد.. يمكن ام ناصر اذا شافت هالتصرف من الكل تحس ان لافي خطر على الكل وتبطل عنادها.. ماحد يبي يمشيكي على كيفه.. امرك هو الي بيمشي.. بس اذا هذا الامر مخالف لامانك ماحد بيعمل لك الي تبينه
الجده تشوف بوسلطان: انت بعد رايك من رايهم!!.. توقعت قلبك غير.. هذي بنتي تبيني اترك بنتي لحالها وهي فاقده بنتها
بوسلطان بشوية حده: هي فقدت بنت وحده بس!!
ام عبدالله بقهر: بوسلطان صادق يما.. فقدت بنتين وما اهتمت.. كان قدام عينك نوف تتصل فيها وماترد عليها.. يما الله يخليك خليها تحس انها لحالها.. خليها تعرف ان لافي.....................
نوف تبتسم: كملي ياخالتي.. لا تخافي ماراح نزعل من أي كلمه غلط على هالرجال.. حنا من زمان ناسيين انه ابونا
الجده بكل عناد وقفت: بروح يعني بروح.. ومافي احد بيمنعني.. خايفين على ارواحكم بكيفكم.. بس هذي بنتي وماراح اتركها لحالها ابد
صلاح بسرعه مسك التلفون ودق: ............................
ناصر فز لها ومسكها مع غسان: يما.. يما اسمعي مني
الجده بحده: ابتعد عني انت وياه ولا احلف ما انام الليل هنا
صلاح وقف في طريقها ومد لها التلفون: ليال تبي تكلمك
الجده امتلت عينها بالدموع وهي تشوف صلاح بعد ما نطق باسم ليال: ..........................
صلاح: العنود ليال تقول جيبي جهازك.. ناصر اخذ زوجتك والحريم للصاله الثانيه.. خالتي ام عبدالله ما عليكم امر واعذروني كلكم
ام عبدالله وقفت: لا يما لا تعتذر.. يلا يافتحيه.. يلا يام نور.. يلا اختي ام غسان.. اذا ما رقت لنا على الاقل ترق لحال هالمتغربه ومانعرف عنها شي.. حسبي الله ونعم الوكيل
صلاح يشوف هيبة الجده والدموع بعيونها: ما تبين تكلميها براحتك.. هلا ليال ما تبي تكلمك.. بكلمك بعد شوي سلام
الجده بحده: ليه قفلت.. ليه قفلت منها
ام سلطان تمسك يدها: استريحي يما.. بيخلونك تشوفيها على الجهاز
العنود توصل وتفتح الجهاز: استنو عليا شوي
غسان قرب منها: ماله ليه ماهو راضي يفتح
العنود: خلاص فتح
نوف بفرح: ياقللللللللللللللللللللللللللللبي
بوسلطان يبلع ريقه: ربي يحفظهم
الجده تلمس الشاشه: من هذول
ليال تكلمها بس الكاميرا على البنات: هذي الي تلعب الغلا.. وشوفي هذي الي تضربها الحلا.. عيالي.. عيال ناصر
الجده شهقت وغطت حلقها بيدها: آآآآآآآآآآآآآه
ليال لفت الكاميرا عليها: طلبتك.. عيالي انحرمو يشوفو امي وابوي وهم عايشين.. لا تخليهم ينحرمو من شوفتك

&&&&&&&&&&&&&&&&&&&&&

7:30 الليل
شقو ليال ..غرفة البنات..
البحرين

مسكت صبا ولعبت بشعرها.. اشوف عيالي وما ابي اقترب منهم.. خوف؟!! قلق؟!! ماني عارفه.. من كنا في الغرفة نضحك على كلام حنان مع بوصقر وانا حسيت ولو لشوي ان روحي هدت من القلق الي كنت فيه.. بس من جاوب بوصقر على التلفون وعرفنا ان عبير ماتت اختفت كل ملامح السعاده المرسومه على وجهي حسيت اني بمكان غلط.. عالم غلط.. معقول؟!! معقول يصير هالشي؟!! دخلت علي مزيان وشافت حالتي.. قربت مني وسلمتها صبا.. ابتعدت عن بناتي ووقفت عند الباب اتأملهم.. ممكن يجي يوم واقدر اذبح وحده فيهم!! ليه!! كيف!! طلعت من الغرفه بسرعه قبل لا تلعب الافكار براسي.. اذا بترك سوالف لافي تأثر بي كذا.. ماراح اقدر اعيش.. لفيت بالشقه طولها بعرضها.. دخلت كل غرفه فيها.. لفيت بكل غرفه شوي ووقفت عند كل شباك شوي.. اطلع من غرفه وادخل غيرها.. لالا ما ابي اتوه بفعايله انا متوقعه منه اسوأ من كذا.. لا.. بحياتي ما توقعت انه يقتل احد من عياله.. الي صار اثر فيني كثير بعكس الي حولي الي ما بان عليهم التأثير.. الي قرر يروح الفندق وينبسط بالحفله والي قرر انه يجتمع في شقته ويكمل سهرته مع الشباب.. وحنان اخذت عيالها وقالت انها وعدتهم تقضي الليله معاهم.. طلعت من شقتي ادور على خوله او ام لينا ضيقي ما يروح الى على صدر وحده منهم.. وصلت لشقة خوله ولقيت بابها مفتوح.. مزيان قالت لي ان عبدالرزاق بيطلع على الفتدق وماراح يرجع على شقته عشان كذا متفقين ان السهره عند خوله الليله.. فتحت الباب ودخلت ما لقيت احد.. سمعت صوتهم بالمجلس.. جيت بفتح الباب بس وقفت
لبنى: من امس وهي حاسه وقلبها مقبوض
هويدا: لاحول ولا قوة الا بالله
هلا: انا لحد الان ماني مصدقه
ام عبداللطيف بقهر: جعله جهنم.. حسبي الله عليه
ام لينا: حسبي الله عليه.. بنته عاد بنته!!
خوله: وليش تقولين بنته بس.. قولي عيال ليال وولد نوف.. والحين دور بنته
لينا: لا تنسين نوف بعد.. بس ربي حافظها.. هالمسكين سلطان الي انذبح هو وزوجته بدالها
لمى تتنهد: الحمدلله
ليال تدخل وهي مبتسمه: صح الحمدلله.. شفتي ان حالك احسن من ناس كثير
هويدا بهمس: الله يستر تكون سمعت شي
لبنى بهمس: الله يستر
خوله وقفت مصدومه: ليال حبيبتي ا................
ليال سكتتها: اجلسي ياقلبي.. يلا قولو ايش الي ما اعرفه بعد
لمى بجديه: شوفي هالبنت ما ينبكي عليها.. الموضوع حزين من الناحيه الانسانيه ماهو اكثر من جذي
لبنى: العقل يقول اننا قاعدين نمشي صح.. وان الي لافي يسويه احتمال بسيط منه عشان يشتت العقول عنه.. ممممممم يمكن يفكر بشي اكبر.. يبي يشغل العقول الي حوله عشان موضوع اكبر
ليال بثقه: بأذن الله ما يقدر
لمى تتنهد: ودي احسد
خوله تشوفها مستغربه: من تبين تحسدين هالي ماتت!!!
لمى تبتسم بحزن: ودي احسد حنانو في كل مصيبه تشوفينها طالعه مع عيالها.. وماترجع الا بعد ما ينتهي الحزن ويتبدل الحال
الكل كان يشوفها.. وهي من بعد ما انتهت من جملتها نزلت راسها وسرحت.. كلها ثواني بسيطه بس.. والكل قام يضحك.. الا لمى.. انا حاسه انها جالسه تعيد حساباتها.. رفعت عينها حولي.. تأكدت من احساسي.. تعيد حساباتها.. ابتسمت وحركت شفايفي لها.. اضحكت وانتبه عليها الكل
خوله: اش صار بالخلق!!
هويدا: هذي هذي هالمجرمه من زمان وهي تحرك شفايفها لها.. يا نااااااااااس ودي اصير زيكم انا كمان
هناء الي جالسه ساكته عشان ام عبداللطيف موجوده: ومن ماسكك عن الكلام
لبنى بقهر: الحين الحين ابي اعرف اش قلتي لها
وجهي كان مبتسم.. قلبي مع لمى والجمله الي قلتها لها.. بس عقلي كان مع لافي.. مع الشخص الي عيب علي اقول عنه انسان.. تتبرأ الانسانيه من شخص مثله.. قاسي قاسي قاسي حتى على نفسه.. حتى نفسه جالس يعذبها او بالاصح يجهز لعذاب نفسه بنفسه.. سبحان الله غافل عن انه ينتبه على هالشي!!.. مايعرف انه يحفر بيده نهايته.. مايعرف انه يبني لنفسه عذاب هو نفسه ماراح يقدر يستحمله؟!! اعوذو بالله كيف بتقابل ربك.. كيف بتبرر اخطائك؟!! ياترا بتلحق تكفر عن ذنوبك؟!! كيف بترجع للناس حقوقها؟!! وحقي الي سلبتني ياه كيف بترجعه لي!!.. روحي حياتي استقراري عيالي اهلي.. تحسب اني بسامحك على ذا كله!!

&&&&&&&&&&&&&&&&&&

8:10 الليل
فيلا لافي ..مجلس العزا..
السعوديه

لافي: وين اهلك
ناصر ينتبه له: أي اهل تقصد
لافي مسك اعصابه: خواتك وين ليه ما جو
ناصر يقوم: خواتي؟!! وحده مسافره وماقلت لها.. والثانيه مع ولدها وما قلت لها.. والثالثه ماتت ومادريت عنها
لافي يمسك يده: وين تروح
ناصر يشوفه بحده: اقف بالحديقه شوي.. مخنوق وابي الي يفرج خنقتي
عادل قرب: عمي زين الي تركته ياعمي
لافي يشوفه: خير
عادل: صقر دز لي هالصور.. هذي مجموعة جراح
لافي يشوف الصور: ...........................
عادل: هذي الصور في قاعة الاجتماع.. الضاهر مصورها بالتلفون.. صحيح ماهي واضحه بس تفي الغرض
لافي يدقق بالصور: ...................
عادل: هذي حنان زوجة جراح.. وهذا منصور ابوها.. وهذا خالد اخوها
لافي: ومن ذا !!
عادل: هذا راكان
لافي فتح عيونه: عندها ولد بهالعمر!! مايبين عليها كبيره
عادل يبتسم له: غنيه ومهتمه بنفسها
لافي يبتسم: يابخت هالجراح مايطيح الاواقف
عادل: الغريب ان الصور هذي مافيها احد غريب غير حنان واهلها وجراح وعبدالرزاق ومحمد محامي جراح.. شوف الصور هذي
لافي: ايش هالصور؟!!
عادل: كاميرا ثبتها صقر داخل سيارته.. صورت موقف السيارات والارض الي تحيط بارض هالبنايه
لافي يشوف عادل مبهور: كل هالارض.. بنايه؟!! كل هالطوابق؟!! كل هالمساحه؟!!
عادل: صقر مصور فيديو بس عشان يكسب وقت طبع هالصور ودزهم لي
لافي يدور ناصر بعيونه: اسحب الشريط من صقر ابي اشوفه بعد شويه

&&&&&&&&&&&&&&&&&&&&&

8:30 الليل
فيلا لافي ..في الحديقه..
السعوديه

قمت من جنبه قبل لارتكب فيه جنايه.. صرت متأكد انه قتلها او هو ورا موتها على الاقل.. هذا وانا لحد الان ما سألت احد وماسمعت من احد.. مشيت عنه ولقيت الشغاله واقفه تنتظرني.. دنت مني وقالت لي ان امي تبيني.. صحيح ماكنت طايق روحي بس رحت لها.. من حست بدخلتي للصاله اتركت الي حولها ورمت بنفسها علي.. وراحت تبكي وتنوح.. وانا زي الحيط واقف.. ماني مصدق دموعها ولا مصدق حزنها.. ماني عارف انا متأكد ان امي مابقلبها ذرت الحنيه والاحساس خصوصا على عيالها.. من كنا صغار وهي ما تطيق البنات.. صحيح كنت المدلل عليهم بس الي اعرفه ان الام قلبها على عيالها لو مهما صار.. والمشكله ان مابه شي صار بينها وبينهم يخليها تهملهم وتجي تبكي عليهم الان.. هي حتى ما سألت عن نوف والعنود ليه ماجاو.. وقفت معاها لحد ماهي شبعت بكا.. تركتها وجيت هنا قلت اجلس بالحديقه شوي اشم نفس
ناصر يرد على التلفون: هلا والله
صلاح: انت بخير
ناصر بحزن: بخير ايش بيصير يعني
صلاح: يارجال لا تعمل حالك منت مهتم.. بالنهايه هذي اختك
ناصر يبتسم: انت داق الان حتى تعلمني كيف اكون رحيم لذكرى اختي!! يا اخي اختي من النوع الي حسابها مع ربها.. اما عن نفسي فهي ماتركت لي ذكرى حلوه بيني وبينها حتى احزن عليها فيها.. اخلص من هالسيره وقول لي جدتي كيفها
صلاح: كلمت ليال وهدت نفسها.. بس انا حاس ان زوجتك ماهي راضيه على الي صار
ناصر: ايش الي صار يعني.. جدتي وكلمت وحده عزيزه عليها.. لا انا ولا زوجتي لنا دخل بالموضوع
صلاح يبتسم براحه: انا دزيت نوف تتطمن عليها.. مابيها تشيل بخاطرها شي
ناصر: لا تخاف هي من حملت وهي نفسيتها تعبانه.. ليال وسيرة ليال ماراح تغير من موضوع ضيقها بشي
صلاح: تامر شي
ناصر رفع عينه وشاف لافي وراه: ياليت تجهزلي جلسه حلوه زي وجهك انسى همي بها
صلاح يبتسم: ماطلبت غالي.. الان اتفق مع غسان واحلى عزا يصير لك هنا
ناصر ابتسم غصب: اقلب وجهك قبل لاقلب خلقتك.. سلام
لافي يدني منه وهو مبتسم: قريب بتصير اب!!!
ناصر بلامبالاه: تفكر تذبحه زي الي راحو ولا غيرت رايك عشان ماصار لك زمان من ذبحت عبير
لافي سحبه من ياقته: عليك غضب الله ياناصر
ناصر غصب عليه ضحك: وليه عاد تشوفني امشي واذبح الناس الي حولي!! الحمدلله عارف الله وعارف الصح من الغلط زين
لافي رفع يده بيصفع ناصر: ...................................
ضاري مسك يد لافي بقوته: حدك يا لافي.. لحد هنا وكفايه

&&&&&&&&&&&&&&&&&

مين ضاري؟!!!
بينكشف لاي بعد بموت عبير!!
ايش بيكون دور مسعود بعد كذا!!