خالد بحنيه: الحين هذي سمر بنت اختي الي تموت فيني
سمر تبتسم: تصدق صرت احن لخالي الي عشت معاه زمان.. من عرفت خالتي لبنى وعشت معاها.. تغيرت نظرتي لك
خالد: منتي صغيره واقدر اكلمج.. الي بيني وبين خالتج لبنى مجموعة الغاز.. محد راضي يكلمني عنها ويفهمني اش صاير عشان اتصرف.. تخيلي انج تلعبين مع مجموعه من البنات ويربطون عيونج ويطلبون منج تدورين عليهم.. اشلون تلاقيهم
سمر تبتسم: بلاقيهم خالي بلاقيهم.. اذا اختفت حاسة النظر مني فعندي حاسة السمع.. والاحساس.. بقدر احدد مكان لو وحده فيهم.. اذا مسكت وحده فيهم هذا بالنسبه لي نجاح
خالد ما يتوقع منها هالكلام: كبرتي يا سمر
سمرتقوم: وانت بعد كبرت خالي
خالد يجلسها من جديد: واذا طلبتج تقولين لي.. ابي اسمعج
سمر تناظره: صرت اشك في تصرفاتك اذا بتجيب السعاده للكل او بتقلب يوم الكل
خالد: حبيبتي.. ساعدي خالج.. احسبيني غريق ماراح تساعديني؟
سمر: كنا في بيتك.. جدتي وجدي جايين يزورون.. وقلت لي روحي استعجلي خالتج لبنى.. رحت لها.. شفت الباب مفتوح.. فتحته من غير لا اضربه.. خالتي كانت واقفه قدام المرايه فاتحه ملابسها
خالد باهتمام: وبعدين!!
سمر منحرجه: كان فيه بقع سوده كثيره بجسمها.. بصدرها اكثر شي
خالد بخوف: مافهمت!!!!
سمر: انا بعد ما كنت فاهمه.. من مده شفت فلم.. شفت المجرم يحرق جسم البطل.. بالسيجاره.. يسبب نفس البقع الي شفتها بجسم خالتي لبنى
خالد يفتح عيونه على وسعها: ..................

&&&&&&&&&&&&&&&&&&&

09:20 الليل
المنتجع ..شقة النشمي..
البحرينصلاح: يعني ايش!!
بوسلطان: بكره نرجع السعوديه
صلاح: وليال!!!
بوسلطان: اختك ماهي ماخذه راحتها مع زوجها.. اشوفها متوتره
ام سلطان: والله يا بوسلطان مافي احسن منهم.. انا ماني عارفه انت كيف تشوفها
بوسلطان: انا الي اشوفه انها ماهي مرتاحه.. وياخوفي بكره تجي وتقول ابي اتطلق منه.. ابي امشي من هنا حتى تلاقي روحها من غيرنا
صلاح: فهمتك
بوسلطان: وبعدين حنا تاركين خواتك ونوف لحالهم.. وخوفي لايكون لافي تابعنا
صلاح: من ناحية لافي لا تخاف.. جراح مأمن المكان كويس.. بس اذا على البنات.. انا كمان خايف يجرا عليهم شي
ام سلطان: مع اني ما شبعت من بنتي.. بس خلاص بكره نمشي.. بس ايش بنقول لها
بوسلطان: نوف تعبانه
صلاح: توكل على الله
ام سلطان: طيب عشاني يا بوسلطان.. خلينا نجلس لحد الليل
بوسلطان: لا.. كلما عجلنا بالرجعه بدري كان لصالح بنتي
صلاح: معلش يما.. ابوي معاه حق.. طولي بالك كم شهر كمان واجيبك لها مره ثانيه
ام سلطان: امري لله

&&&&&&&&&&&&&&&&&&&&&&

9:45 الليل
شقة خالد ..الصاله..
البحرين
ما راح اكذب على روحي اكثر من جذي.. هي بنفسها قالت تبي تعيش فترة خطوبه.. تبي تفرح وتنبسط.. لباسها عمره مالفت نظري.. لباس مستور وبأكمام طويله.. ما فكرت يا خالد؟!!! ماشكيت؟!!! قالت لك من قبل فيه موضوع ومهم اني اعرفه عنها وعن وبدر.. يمكن كانت تبي تقول لي على انه يحرقها؟!!!!! طيب ليه.. لبنى مافي احسن منها.. ليه يحرقها.. طول عمرك غبي في حبك لها يا خالد.. فرحت بنومتها بحضنك وظنيت انك وصلت لقلبها.. اتاري قلبها مليان بأوجاع الدنيا.. اكثر من مره قالت انها مرت بعذاب.. كيف ما انتبهت!!.. رحت اضرب في الحيط مثل المجنون.. ليش انا جذي.. بليد مع حبيبتي.. انا اغبي رجال سمعت عنه بحياتي.. زوجتي حبيبتي وبحضني.. ما فكرت ليه ترفضني؟!!!
جلست بالصاله انتظر رجعتها مع حنان.. اشلون بستقبلها؟!! اشلون بكلمها؟!! اشلون بشوف حروق جسمها؟!! فكرت اتصل في حنان واقول لها.. اقول لها؟!!!! هو بقا شي ما قلته حق اختك يا غبي.. ليش ما تتصرف من نفسك.. ليش اختك هي الي تعلمك اش تسوي مع زوجتك.. انا ليش تصرفاتي جذي مع لبنى.. ليش احس بهالاحساس الضعيف تجاهها.. حسيت بالباب انفتح.. شفتها تدخل
لبنى بابتسامه: حبيبي جالس بروحه
خالد: اشلون بروحه وانتي في قلبه وعقله
لبنى تضحك: ثواني ابدل ملابسي واجيك
خالد يقوم وراها: بخاطري اختار لج اش تلبسين
لبنى تنتبه: اول مره تسويها.. حبيبي ماله داعي.. البس واجي.. اطلع برا الغرفه
خالد يقفل باب الغرفه: تعالي بحضني
لبنى متردده: هذا انا بحضنك
خالد يحضنها بقوه: تعشيتي
لبنى بابتسامه: طبعا لا.. اتعشى وحبيبي ما تعشى.. اش رايك نجهزه مع بعض
خالد: من عيوني
لبنى: طيب اش في خاطرك تاكل
خالد يبوسها: الي حبيبتي تقول عليها
لبنى: انا متبله ستيك لحم على طريقة لمى اليوم.. اش رايك نشويه
خالد يبتسم: حلو.. نشويه
لبنى: طيب روح طلعه من الثلاجه.. وانا بجي اجهز الفحم
خالد يحضنها بقوه: ليش تبين تطلعيني من الغرفه
لبنى تتلخبط: لا عادي.. بس
خالد يناظرها بحنيه: بس شنو.. اش فيها حبيبتي
لبنى تبتعد عنه: انت الي اش فيك.. اليوم غير
خالد: غير في شنو.. عادي واحد مع زوجته بغرفته
لبنى: طيب اقدر اغسل وجهي ولا بتدخل معاي
خالد: لا خذي راحتج.. بطلع لباس لج على مزاجي اليوم.. وبعدين بجهز اللحم.. مرتاحه جذي
لبنى بضيق: أي حبيبي
كنت اشوف ضيقها بعيونها.. قلبي موجوع عليها.. دخلت (الله يعزكم) الحمام.. رحت متعمد اني اجهز لباس من غير اكمام.. لقيت الي ابيه وخليته على السرير.. وطلعت من الغرفه.. رحت للمطبخ.. وجهزت اللحم.. جلست على الطاوله انتظر جيتها.. تأخرت تعمدت اني ابين نفسي مشغول رحت اجهز الفحم.. حسيتها دخلت المطبخ.. كنت اتكلم معاها من غير ما اشوفها.. ماكنت ابي احسسها اني متعمد حركتي اليوم.. بعد ما خلصت من الفحم.. لفيت عليها لقيتها مالبست الي جهزته لها
خالد يناظرها بحده: اش لابسه!!!
لبنى تحاول تبتسم: بنشوي.. عشان الريحه بس ما تلزق بجسمي
خالد يسحبها معاه: عندنا ماي وعندنا صابون وعندنا حمامات.. تعالي غيري
لبنى توقفه: لا تسحبني جذي.. ما ابي اغير
خالد يبتسم: افا تردين حبيبج؟!!
لبنى بتوتر: لا بس.........
خالد يرجع يسحبها: محسبتني ما شفت الي بجسمك من زمان.. بس قلت بتركج على راحتج
لبنى بخوف: اش شفت؟
خالد يدخل الغرفه ويسكرها: الي تحاولين تخبينه علي.. ليش خايفه اني اعرف
لبنى تبكي: عشان...........
خالد يحضنها: عشان شنو
لبنى تبكي بحرقه: ودي اقول لك بس اتراجع
خالد: وليش عاد
لبنى تقوم من حضنه: خلنا نجهز العشا
سحبتها مره ثانيه لحضني.. غيرت ملابسها بيدي.. اول مره اسويها.. حاولت ان تكون عيوني بعيونها على طول.. صحيح اني شفت الحروق الفضيعه الي بجسمها.. بس لفيت بنظري حتى ما تنحرج اكثر.. هدت روحها وطلعنا للمطبخ مره ثانيه.. رحت ادلع واضحك وانكت كنت استهبل حتى تنسى همها.. اليوم بالذات كنت ابيها تسولف عن بدر.. خلصنا عشا وحملتها بين يدي.. دخلنا غرفة النوم.. اول شي سويته اني خليتها بحضني اعطيها الامان حتى تاخذ راحتها بالحكي.. صارت تحكي وتسولف عن عذاب انا نفسي ما اقدر استحمله.. تحملت ست سنين زوج مريض مدمن قمار.. سكران على طول.. استحملت الاهانات عشان ما تشوف الحزن بعيون امها او ابوها.. قالت لي عن امي والي قالته في حق امها.. امي تقول ان زوجة عمي تحب ابوي!! وكانت تركض وراه.. شي مستحيل العقل يصدقه.. انا عارف ابوي زين.. صحيح مستحمل العيشه مع امي.. لكن مستحيل يحب زوجة اخوه.. انا عارف ان ابوي يغلي زوجة عمي لادبها وسنعها واسلوبها الطيب مع الكل.. بس مستحيل تكون فيه علاقه بين ابوي وزوجة عمي.. حاولت اضبط اعصابي معاها وهي تسولف وتقول عن امي اشلون خربت حياتي وحياتها ضيعتني سنين طويله عشان غيرتها على ابوي.. ومن من؟!! زوجة عمي!!.. مستحيل ابوي يسويها مستحيل.. كملت كلامها وصارت تشوف عيوني.. قدرت اضبط اعصابي قدرت اتحكم باندفاعي.. ابتسمت لها واخذتها لحضني.. سنين واحنا متعذبين.. سنين واحنا بعيد عن بعض عشان ذنب مالنا فيه.. ماهو مهم عندي مين حب مين او مين يغير على مين.. المهم عندي حياتي مع حبيبتي.. رفعت راسها من حضني وقالت.. "انا عذرا" هنا وقفت الدنيا عندي.. انوجع قلبي عليها.. بدر مريض ومايلاقي الي يطفي قهره غير حرقها.. تذكرت ضربي لها.. تذكرت قسوتي معاها.. تذكرت كل حركاتي معاها.. صغرت في عين نفسي.. حضنتها باكبر قوه عندي.. استحملت الكثير.. وعلى ذي كله ليلحين تحبني

&&&&&&&&&&&&&&&&&&

1:30 الصباح
المنتجع ..شقة جراح..
البحرين

جراح يبتسم: صحيتي ياقمر
ليال تفز: كم الساعه الان؟!!
جراح بحنيه: وليه تسألي عن الساعه.. تكون زي ما تكون.. منتي مرتاحه؟
ليال تبتسم: مرتاحه
جراح يبوسها على جبينها: خلاص.. لا تفكري بالساعه دامك مرتاحه.. ابيكي بس تقولي
ليال باحراج: ايش تبيني اقول
جراح يسرق بوسه: الي حاسه فيه الان
ليال بفرح: حاسه اني حرمه من جد.. في حضن رجال من جد
ما توقعت الي اسمعه منها ابد.. توقعتها تعاند معي اكثر من كذا.. اللمعه الي بعيونها تقول فعلا انها مرتاحه.. والحيا الي هيا فيه يثبت لي انها من جد حاسه بانها حرمه زي ما قالت.. اخذتها بحضني بكل حنية العالم.. سمعت ضحكتها.. كنت بطير من السعاده.. معقوله حبتني!!.. هذا الي تدور عليه يا جراح.. لقيته يا جراح لقيته
جراح بهمس: احبك.. تصدقيني اذا قلت لك اني ما حبيت من الحريم غير ثلاث
ليال تبتسم: امك وام صبا وانا
جراح يضحك: غلط.. امي ومزيان وليال
ليال تضحك: ولو اني شايفه زيف بسيط.. بس معلش بعديها لك
جراح يضحك: عشقت امي بحنيتها وطيبتها.. ومزيان بحبها لي وخوفها علي من الهوا
ليال تلعب بشعره: وام صبا
جراح يتنهد بضيق: ام صبا مثلت علي دور الحب وصدقت حالي.. تخيلتها غير عن البشر.. وفرت لها الي بحياتها ما كانت تتصور انه يتوفر لها.. بس للاسف اتركتني
ليال: وتتوقع اني ما اتركك
جراح: تصدقيني اذا قلت لك احساسي بك غير
ليال: قول لي عليه
جراح يمسك اصابعها: اول شي احس انك بتكوني ام مبارك.. ثاني شي احس اني راح اكون حياتك.. وثالث شي راح تكونين ستر وغطا على حياتي كلها.. رابع شي راح تكونين نعم الام الي فقدتها لي ولبناتي الثلاث
ليال تسحب يدها: احلف عاد راح اكون ام لخمسه؟!!!!!
جراح يضحك: طيب انا وبناتي اربعه.. مين رقم خمسه
ليال تلف وجهها: ومبارك نسيته
جراح يفتح عينه: تصدقين نسيتهّ!!.. ههههههههههههههه المهم انك ما نسيتيه
ليال تبتسم: ماراح انساه
جراح يبوس يدها: خامس شي وهذا الاهم.. انك ماراح تتركيني ابد
ليال تقوم عنه: هذا انا تركتك.. وريني ايش بتعمل الان
جراح يلحقها ويحملها: مين بيسمح لك تبتعدي عنه
ليال بصراخ: خلاص خلاص.. ماراح ابتعد.. خلاص جراح راسي يلف
جراح يضحك: ايش رايك نروح على البحر شوي
ليال تفتح عينها: ياريت

&&&&&&&&&&&&&&&&&&&&&

4:00 العصر ..بعد 7 شهور..
شقة ليال ..البلكون..
البحرين

عشت حياتي.. 7 شهور نسيت فيهم الخوف من لافي.. وكنا كالعاده.. بين المصايب والفرح.. لبنى حامل الله يحفظها.. من تزوجت حملت على طول.. واتبعتها لينا بشهر.. سوسن حامل بعد ونوف ربي يعوضها الخير هي بعد.. وخوله اشوفها تتابع مع دكتوره.. وانا زي منا.. مافي جديد.. كنت ابي اسعى حتى اجيب مبارك.. بس لقيت جراح ماهو مهتم.. غارق بحياته وسعادته معاي.. ما انكر فرحتي به.. وتعويض الله لي بوجوده بحياتي
ابتدينا شغل اول ما رجعت من المنتجع.. وطبعا الشريك الي بدينا معاه هو جراح.. عزيز رجع لنشاطه القديم.. ومعارفه وعلاقاته الي استفادنا منها في شغلنا.. الحماس الي لقيته في الكل اجبرني على الابداع.. موقعي على الانتر نت حمل جزء كبير في نشر اسم الشركه الجديده.. انهالت المشاريع والعروض.. صحيح اننا في البدايه.. بس الخبره لها دور كبير.. اسم جراح وخبرته وعبدالرزاق وخبرته وفرو علي سنين من التعب.. حركو امور كثيره كانت شبه مستحيله انها تصير بسهوله وسرعه في السوق
مع اول ربح للكل.. قررنا اننا نشتري ارض كبيره نبني عليها مكاتب خاصه وسكن خاص لنا بس.. ما كنا محتاجين لموظفين.. شغلنا خاص جدا ونشاطنا لحد الان محدود.. قررنا اننا نبتدي من غير موظفين حتى المعلومات ما تتسرب للمنافسين.. بكذا نقفل باب اللعب والغش بالمشاريع.. ونقفل معاها أي قلق من أي معلومه ممكن توصل لاي منافس ممكن يلعب علينا مهما كان عقله
ليال في البلكون: وين رايحه اليوم!!
خوله تركت عيالها عند ليال: عندي موعد مع الدكتوره
ليال: طالعه الان؟
خوله: لا ياروحي بعد ساعه.. ماراح اتأخر
ليال بشوية ضيق: عادي يا قلبي حتى لو تأخرتي.. مافي مشكله
خوله انتبهت عليها: خير وش صاير
ليال تبتسم: سلامتك.. كل خير
خوله ما اقتنعت: في شي مع جراح؟
ليال تحضن الاب توب الي بيدها: تفداه روحي.. هذا حبيبي انا
خوله تبتسم: الله يديم عليكي الهنا
ليال بابتسامه كبيره: يارب يارب يارب يارب يارب
خوله تضحك: طيب طيب فضحتينا.. وينها الي ما تبيه ورافضته
ليال: غبيه.. ماكنت شايفه الفرق.. الفرق فوق ماينوصف ياخوله
خوله تتنهد بفرح: ودامه فرق ماينوصف ياشاديه ليه الضيق
ليال تنزل راسها: عشان عبدالحليم ماهو مفتكر بموضوع العيال
خوله ميته ضحك: من متى تنكتين
ليال تتنهد: اتكلم من جد
خوله: انا عارفه جراح زين.. اسمعي جراح منى عينه يشوف له ولد.. هو اكيد خايف يجرح احساسك.. عشان جذي ما تكلم معاكي
ليال بفرح: من جدك صدق!!!
خوله: ماني متأكده صدق ولا لا.. بس الي اعرفه قلت لك عليه
ليال: طيب وش اعمل.. انا ما ابي افتح معاه الموضوع
خوله تفكر: تعالي معاي للدكتوره منغير ما تقولي له انك تسعين
ليال: لالا ايش تبيني اقول له اذا سألني وين رايحه
خوله: قولي له انك طالعه معاي عندي موعد
ليال: بيقول ليه ماراحت مع عبدالرزاق
خوله: قولي له خوله تقول عبدالرزاق وجهه ماهو حلو عليها فقالت تجرب وجهي
ليال تضحك: صح.. هو يعرف انك خبله بيصدق هالشي
خوله تضربها بالمخده: قومي جهزي يا اخت الخبله
ليال تضحك: دقايق يا احلى خبله.. دقي على عبدالرزاق وقولي له اننا رايحين مع بعض.. عشانك تبين تجربي وجهي الحلو عليكي
خوله ترميها بالمخده من قلب: ماشي يا خبله انا اوريكي

&&&&&&&&&&&&&&&&&&&&&&

4:20 العصر
شقة احمد ..الصاله..
البحرين

وليد: شنو يعني!! منت قايل له الي صار
احمد: هو قال ما يبي يعرف عن ابوه أي شي.. ما اقدر اضغط عليه ياوليد.. الي مر فيه ماهو شوي
عبدالرزاق: بس هذي اعدام
احمد: عارف انه اعدام.. عبدالعزيز هو يبي هالشي ماهو انا الي قلت عليه
وليد: قبل كنا نقول فيما لو طلع ان سعود القاتل بيكون اعدام.. بس الحين القضاء اصدر حكمه
احمد: هو بنفسه سألني لو ان ابوه فعلا ذبحها شنو بيكون حكمه.. وانا قلت له اذا عن عمد اعدام واذا من غير عمد سجن.. ومن بعدها قال لي لا تقول لي عن أي شي يصير
خالد: انا اشوف اذا هو يبي هالشي خلاص.. ماله داعي نقول له.. الرجال عاش سنين طويله راسه في الارض من ابوه.. خلاص عاد خلوه يعيش مرتاح
عبدالرزاق: صاحب سعود اشلون اعترف عليه
وليد: صاحبه ذي راعي سوالف كبيره, هو اساسا بحار شاف هالمهنه ما تدخل عليه شي اشتغل بالتهريب.. هددناه ولقيناه يعترف على سعود بمنتهى السهوله.. محسبنا نبي اعترافه على سعود بس.. مادرى اننا بنبلغ عليه هو بعد
احمد: كان يقدر ينكر قدامنا لاننا اساسا مافي يدنا دليل عليه.. بس لانه غبي صدق مسرحيتنا عليه
وليد: سعود اتفق مع واحد من السعوديه يوصله لجزيره بين البحرين والسعوديه اسمها "البينه" ويرجع ياخذه.. الجزيره هذي ماعليها حراسه امنيه عشان جذي الدخول صار سهل.. ومن هناك استلمه صاحبه الي اعترف عليه وجابه البحرين وهو نفسه الي اخذه من جديد للجزيره
احمد: تنفيذ العمليه صار في منتهى الغباء.. خليفه يقول ان سعود شاف عبدالعزيز واقف مع سهام بليلة زواجي وكان مقتنع انهم على علاقه مع بعض.. سعود يقول انه يحبها وهي عشقها لعبدالعزيز.. غيرته من عبدالعزيز وحب زوجته له خلاه يفكر في توريطه بجريمه
خالد: جريمه غبيه.. زين الي خطط لها عشان عبدالعزيز يرتاح منه مره وحده.. والله والتخطيط
عبدالرزاق ينتبه: اشوفك ضاربها صداقه مع خليفه يا احمد
احمد: صدقني عشان عبدالعزيز.. قلت اذا بيخسر ابوه على الاقل يلقى احد من عيلته موجود معاه بهالدنيا
عبدالرزاق: وشلون ذبح الحرمه
وليد: دخل على سهام وخنقها.. وراح لزوجته الثانيه من غير احساس
احمد: بعد ما قتل البنت حصل له نوع من الانهيار.. راح لزوجته الثانيه وقال لها على ادق التفاصيل
خالد: جعله ان شا الله.. هو محسب ازهاق الروح شي سهل.. عرف ان عبدالعزيز ولده ولا لا
وليد: عرف.. بس بعد شنو.. انا تعمدت اني اسوي تحليل dna واوريه ياه وقلت له كلام ام عبدالعزيز.. وتعمدت اقول له كم كلمه توجع القلب على الي سواه بولده
احمد: زين سويت يستاهل
عبدالرزاق: الرجال خلاص يا احمد.. ماله داعي الي تقوله عليه
وليد: يازينك وقلبك واجعك عليه.. ياخوي الحلال بيَن والحرام بيَن.. وبعدين هو ماظل شي ما سواه بدنيته
عبدالرزاق: وفلوس عبدالعزيز اشلون؟
احمد: قدمت طعن بتزوير ورقة التحويل الي حصلت بين سعود ومدير البنك الي حولو فيه رصيد عبدالعزيز لرصيد سعود.. الجهه المختصه اثبتت التزوير.. وجابو مدير البنك وما رضى يعترف بمساعدة سعود
عبدالرزاق: هذا يعني ان سعود حمل القضيه بروحه!!
وليد: عاد هو بكيفه.. هو جذي ميت وجذي ميت
خالد: المهم ان فلوس اخوي رجعت له
عبدالرزاق: ياخوفي لا يرفض يستلمها
احمد بحده: عاد وقتها انا الي بذبحه.. هذي فلوسه وهو الوحيد الي تعب فيها.. من حقه يرجع يستلمها من جديد
وليد يضحك: وانت ليش معصب الحين فلوسه وهو حر فيها.. وبعدين اذا ما يبيها انا موجود
خالد ميت ضحك: ليش هي كم
احمد بجديه: تصدق ورقة التحويل تقول ان الفلوس الي تحولت كانت 27 مليون
خالد: وانت مستغرب من المبلغ يعني.. عادي
احمد: لا ما فهمتني.. الي قاهرني ان الي زاد منها 8 مليون وكم الف بس
خالد بحده: ووجع ان شا الله.. 19 مليون يصرفها سعود باقل من 10 سنين!! ليييييييييييش؟!!!
وليد: يا جماعه الاخ خالد طلع بخيل.. ما يعرف ان العالم يعيش بارتفاع اسعار.. وان الزواجه الوحده تكلف اكثر من جذي بكثير
خالد يضربه على رجوله من قلب: ليش هو كم زواجه متزوجها
وليد يضحك: 12 المسكين ماعرف الله الا بزواجاته.. كلهم زواجات شرعيه

&&&&&&&&&&&&&&&&&&

5:00 العصر
في الستشفى .. غرفة العمليات..
السعوديه

الجده على اعصابها: الله كريم.. ربي تلطف بها وبنا
ام عبدالله بخوف: تأخرت
ام نور: اذكري الله يا اختي
ام عبدالله: لاالاه الا الله
الجده: اللهم لا اسألك رد القضاء ولكني اسألك اللطف فيه
ام سلطان: ياربي رحمتك
ام عبدالله: من امس تطلق!!.. من امس!!
ام سلطان: وهـ يا اختي طولي البال.. هذي بكر.. ولا نسيتي
فتحيه: الظاهر نست.. اقول ام عبدالله ايش رايك تعيدي الكره وتحملي من جديد
ام عبدالله بقهر: اذا ما بعدتوها عني بذبحها اليوم
نوف تضحك: تعالي خالتي معاي
ام غسان ما قدرت تمسك اعصابها: فتحيه يرحم والديك اهجدي
فتحيه تفكر: الي اعرفه ان ابوي بس الي توفى.. هو الي اترحم عليه.. بس امي عايشه.. وهـ مسكينه امي بتذبحينها يعني حتى اترحم عليها!!!!
ام عبدالله بقهر: الصبر من عندك يارب
ام غسان تضحك: وقت استهبالك يعني.. الرحمه تجوز على الحي والميت
نوف: يعني ماهي عارفه؟.. بس تعرفيها.. توحه اذا ما استهبلت ما تعيش
منال توصل: السلام عليكم
الجده: هلا يما هلا حبيبتي
منال تحضنها: هلا بك يما.. بشرو مافي اخبار
ام سلطان: لسا يما
ام عبدالله: سألتي عن سوسن يما
منال: ايوا دقيـ................
فتحيه تقطعها: سوسن عايشه معاكي بنفس البيت وما تعرفي عنها.. الان امها مأمنتك عليها وانتي ما تعرفي عنها شي
ام عبدالله تقوم لها: بتنكتمي ولا اوريكي ايش اعمل بك
منال ميته ضحك: خالتي الله يهديكي.. اذكري الله
ام عبدالله: لاالاه الا الله.. اذبحتي يا يما.. خليني اخرسها افك العالم من شرها

&&&&&&&&&&&&&&&&&

6:00 المغرب
المكتب ..في القاعه..
البحرين
احمد: هذا كل شي صار معانا
منصور: وين ليال
احمد: تبي اتصل فيها
منصور: ياريت.. اشوف من الافضل تواجدها
عبدالرزاق يضحك: يعني احنا ما ننفع
منصور: فيكم الخير والبركه.. بس ليال غير
عبدالعزيز يضحك: لا يسمعك جراح بس
منصور: ومن جراح ذي بعد الي بيغير مني.. هذي بنتي ومحد يقدر يدخل بيننا
عبدالرزاق: انا اشهد.. غلاتك عندها غير
منصور: قلبها طيب تحب الكل.. تحبكم وتغليكم مثلي تمام
جراح يدخل عليهم المكتب: السلام عليكم
منصور: هلا وغلا وعليكم السلام.. وينك
جراح بضيق: ابد عندي شغل كنت اخلصه بس
منصور: وين زوجتك اشوف نادها عندي لكم مشروع يجنن
جراح يطلع تلفونه: ادق عليها تنزل
عبدالرزاق يمسك يده وبهمس: ليال طلعت مع خوله
جراح فتح عيونه على عبدالرزاق: ايوا.. هي قالت لي وانا نسيت
منصور: خير ياعيال وش صاير
جراح يحاول يبتسم: ابد ليال طالعه مع خوله وانا ناسي
منصور متردد: طيب معلش ننتظرها محنا خسرانين شي
عبداللطيف: منت خالي يا عمي عندك شي
منير: وانا بعد شايف هالشي.. ما تبي تقول الي عندك الا وليال موجوده
وليد: واذا ما خاب ظني.. الموضوع الي عندك فيه لافي دامك من اول ما وصلت تسأل عن ليال
منصور يضحك: ذكي ياولد
منير بفرح: والله ان ليال تجن اذا الموضوع فيه لافي
منصور: خالد فيه فايل ازرق تركته على مكتبك جيبه لي
خالد: ان شا الله
احمد: فايل وفيه عن لافي وتتركه على مكتب خالد جذي!!!!
منصور يضحك: اوعدك ان الي بيقراه ما بيعرف منه شي
احمد ياخذ الفايل من يد خالد ويقراه: شنو ذي!!!!!
منصور يبتسم: اش رايك فيه
احمد بابتسامه كبيره: مشروع ولا اروع
منصور: بس الشريك الي مع لافي ماهو راضي يبيعه
احمد بثقه: غصب عنه يبيع
عبدالعزيز: وليش هالثقه
احمد: عشان شريك لافي واحد من الي نعرفهم.. ونقط ضعفه يا مكثرها.. نلعب على هالشي
جراح ياخذ الفايل من احمد: ايش ذا!!!.. كيف تفهم هالي مكتوب.. كأنه شفره
احمد يبتسم: بالضبط.. هذي شفره.. وشفره قديمه بعد.. والي يعرفها قليل.. انا تعلمتها من من ابوي صاحبي
عبدالرزاق ياخذ الفايل: واحنا اشلون بنشتغل.. هذي طلاسم
منصور: دام عندك احمد وليال.. بتشتغل صح
جراح بجديه: لا ياعم ماراح يشتغلو فيه
احمد فتح عينه في جراح: ليش؟!!!
جراح يخبي حدته: مابي ليال تدخل في حرب مع لافي.. هذا قراري

&&&&&&&&&&&&&&&&&&&&&&

8:00 الليل
في المستشفى ..عند غرفة العمليات..
السعوديه



نوف بخوف: هذي امي!!
الجده تمسكها: اذكري الله.. ولاتخافي
فتحيه بهمس: من قال لهم!!
ام غسان: والله ما ادري
نوف بخوف: ادق على ناصر احسن
ام عبدالله: احسن بعد تراني ماني طايقتها
ام ناصر توصل عندهم: السلام عليكم
ام نور: وعليكم السلام
ام ناصر بحده: ماحد فيكم رد السلام؟!!
عبير: السلام عليكم
ام نور: هلا يما وعليكم السلام
ام ناصر تشوف الكل ماهم معطينها وجه: بشري ياختي.. ايش اخبارها
ام نور: ماحد يعرف عنها شي
عبير تشوف خوف نوف: نوف اخبارك ياقلبي
نوف: ........................
ام ناصر بحده: مالك مارديتي على امك ومنتي طايقه تردي على اختك
نوف: .......................
ام ناصر بحقد: اشوف ام زوجك عرفت كيف تقلب راسك
فتحيه بحده: ولا كلمه..اذا جايه تسمعينا هالكلمتين فروحي.. ماحد طايق وجودك حتى عيالك
ام نور: فتحيه الله يهديكي ايش هالكلام.. لا تكلمي لطيفه كذا
ام ناصر: ماجيت عشانك يا ام لسان.. جايه عشان بنتي
فتحيه بتريقه: وينك عنها من زمان.. حنيتك ما طلعت لها الا الان؟!!!
ام ناصر تقهرها: ما اظن انك تقدري تجيبي عيال حتى تعرفي قلب الام
ام عبدالله بحده: لطيفه خذي بنتك وروحي من هنا.. وغلط ثاني والله تراني بمد يدي عليكي.. الا فتحيه تغلطي عليها انتي سامعه
فتحيه: اتركيها.. تعايرني عشاني ما جبت عيال؟!! معلش هذا هي جابت عيال وعيالها اتركوها وحبوني انا.. انا امهم وحبيبتهم
نوف تحب راسها: الله يخليكي لنا ياخالتي لا تزعلي نفسك
فتحيه: لا ياروح خالتك ماني زعلانه
ناصر جاي: ايش الي تعملوه هنا!!!
ام ناصر تركض عليه وتحضنه: ناصر يما.. يا قلب امك
ناصر يبعدها عنه: ايش جابك هنا.. مين قالك عن العنود!!
ام ناصر تحضنه بالقوه: ابوك قال لي.. وجيت مع السايق
ناصر بحده: وهو وين
ام ناصر: ترفع صوتك علي!!!!
ناصر بجديه: سألتك هو وينه
ام ناصر: في البيت.. تركته في البيت
ناصر: دقي عليه تأكدي هو وين
عبير: انا اشوفه هدي اعصابك
ام ناصر: ان شا لله يما الي تبيه اعمله لك
ام عبدالله بهمس: قولي لناصر ياخذها ويمشي معاها.. هي ماجات الا عشانه
نوف: هذا هو عندك وكلميه.. ولا تهمسي خالتي.. ام ناصر تحتاج تسمع هالكلام يمكن يفوقها
بسمه تطلع: ما شا الله الكل هنا
الجده: بشريني يما
بسمه تبتسم: بعد يما تحتاج وقت شويه
ام عبدالله بقلق: هي بخير يما
بسمه تحضنها: الي يشوفك يقول ما جربتي الولاده يا خالتي
فتحيه تمسح دموعها: يعني هي بخير يا بسمه
بسمه تنتبه لام ناصر: الحمد لله
ناصر يحضن بسمه قدام الكل: بسمه زوجتي يا ام ناصر
ام ناصر بقهر: أي زين



يتبع

ناصر بحده: دقيتي عليه
عبير: ايوا في البيت
ناصر بحده: ايش دراك انه في البيت
عبير: دقيت على تلفون البيت الثابت.. ناصر ابي اتكلم معك
ناصر يتركها ويروح لنوف: انتي بخير
نوف بهمس: ما ودي اشوفهم
ام ناصر بقهر: وانتي يالي ناسيه اني امك.. حملتي ولا لسا
نوف بخوف: ماصرت اجيب عيال
ام ناصر: احسن بعد.. لان قلبي ماهو راضي عليكي
الجده بقهر: تعالي معاي يام ناصر
ام ناصر: وين يما
الجده بحده: قدامي يابنت.. ناصر خذ اختك بعيد عن الكل
عبير ماهي راضيه على كلمة جدتها: ابي اتطمن على العنود
ناصر يسحبها: تعالي
ام سلطان حاضنه نوف: ليه ما قلتي لها انك حامل
نوف تبكي: تبينه يموت زي الي قبله
ام عبدالله: حسبي الله ونعم الوكيل

&&&&&&&&&&&&&&&&&

8:10 الليل
شقة ليال ..غرفتها..
البحرين
ليال تدخل الشقه: السلام على احلى واجمل واطعم وارق و....................
مزيان: بس ياروحي ارحمي روحك.. اخوي واخذتيه ليه كل هالكلام الحلو تسمعيني ياه
ليال تبتسم: عشاني من اخذت اخوكي وانا طايره من الوناسه ياعسل
مزيان تضحك: جعلك دوم ياقلبي
ليال بدلع: زوجي حبيبي وصل ولا لسا
مزيان تلعب بعيونها: ماراح اقول لك
ليال تكشر: وليه عاد.. لسا مسمعتك كلام مافي احلى منه
مزيان: الاول اعرف وش سبب هالوناسه
ليال تبتعد عنها: تدفعي كم؟
مزيان تضحك: وانا ادفع ليه.. بكره بعرف من خوله ببلاش
ليال تدخل غرفة البنات: ماراح تقول لك يا حبيبتي.. وبرجع اقول لك خلي خوله تنفع
دخلت غرفة البنات وانا مبسوطه.. لقيته واقف عند الشباك وحامل الغلا بيده.. كنت اتكلم مع مزيان وصوتي كان مسموع له ليه ما التفت علي.. شفت صبا ولقيتها نايمه.. وشفت الحلا وهي بعد نايمه.. رحت وقفت جنبه.. ما اعطاني أي اهتمام
ليال تمسك كتفه: حبيبي انت بخير
جراح وغضب الدنيا بعينه: بخير
ليال تنتبه لعيونه: خير ياروحي ايش الي صاير
جراح ينيم الغلا بمكانها: ..........................
تركني وطلع من الغرفه.. كنت مستغربه اسلوبه.. ايش الي صار.. ليه حاله منقلب كذا.. طلعت وراه ورحت لغرفتنا.. دخلت وسكرت الباب.. غير ملابسه وريح على السرير
ليال بخوف: جراح اقلقتني.. خير
جراح يغطي عينه بذراعه: ولا شي
ليال: حبيبي لاتنام اكيد انك ماتعشيت
جراح يفز لها: خايفه علي ياليال
ليال بخوف من حركته: اكيد ما عندي غيرك اخاف عليه
جراح يمسك ذراعها: اجل وين كنتي يامدام
ليال تذكرت: انـ انـ
جراح بشوية حده: طلعتي مع خوله من غير ما تقولي لي
ليال مصدومه: صدقني ما هو بقصد مني اني اخبي عليك بس........
جراح: بس ايش
ليال ببرائه: نسيت.. انا دخلت غرفتي وقلت بدق عليك قبل لا اجهز حالي.. بس من جد راح عن بالي.. انا ما طلعت الا وفي بالي اني مكلمتك
جراح على هدوئه كان يشوفها بحده: .....................
ليال: جراح صدقني.. انا لو بطلع من غير ما ابي اقول لك ماكنت ركبت السياره مع رائد
جراح يقوم عنها.. سحب شماغه: ....................
ليال: لا تطلع عني وتتركني كذا.. انا ماقصدت اطلع وما اقول لك
طلع عني.. تركني ومشى.. رحت اسحب نفس بقوه ماكنت قادره اتنفس.. حاولت وحاولت.. ومن جد ما قدرت حتى اني ما قدرت اصرخ.. لفت الدنيا بي.. حسيت بخدي يلامس الارض

&&&&&&&&&&&&&&&&&&&&&&

8:15 الليل
المستشفى ..على وحده من الكراسي..
السعوديه
الجده تجلس على الكرسي: صار لي وقت من كلمتك وانتي ما رديتي علي
ام ناصر: ما ادري
الجده بحده: بتردين علي غصب عنك
ام ناصر تشوف امها برهبه: ايوا اكرههم.. ولا تسأليني ليه
الجده: عرفتي ان لافي ذبح ولد نوف وكان يبي يذبحها؟
ام ناصر: هم قالو لك هالشي.. تراهم كذبو عليكي
الجده: عرفتي ان لافي حاول يعتدي على بسمه
ام ناصر تضحك: اذا بصدق الي قلتيه عن نوف بقول يمكن عشانها بعيده عن عيني.. بس بسمه كانت قدام عيني.. تأكدي ان لافي ما لمسها
الجده: وين قدام عينك وانتي كنتي في وحده من عزايمك.. كانت عزيمة...................
ام ناصر تقطعها بحده: كفايه عاد.. كفايه.. لافي ذبح حاله علي وعلى عياله عشان يربيهم.. لا تجين تسممي افكاري لاني مابصدق أي شي ينقال بحقه
الجده تصفعها: شكلك نسيتي اني امك
ام ناصر ما توقعت هالحركه: ولانك امي ماراح اردها لك
الجده قتحت عينها: تقدري!! وريني كيف
ام ناصر توقف: ماراح اهين نفسي امشي احسن
الجده تسحبها بقوتها: بتجلسين غصب عليكي
ام ناصر حاولت تسحب يدها من امها بس ما اقدرت: اتركي يدي.. ماني صغيره يام فهد
الجده تبتسم: زين انك تذكري فهد لسا
ام ناصر تبلع ريقها: اذا بتتكلمي عن اخوي فما صار له ذكرى ببالي.. واذا بتتكلمي عن ام فهد فهي نستني وتخلت عني وراحت تدور على كلبه من الشراع وزعلت على بنتها لطيفه البعيده عن عينها.. كلكم صدقتو ليال وكرهتو لافي.. نجحت ليال بالي تبيه فرقتني عن عيالي واهلي تخلو عني عشان عيونها
الجده: ومن هذول عيالك.. من شوي تقولي انك تكرهي البنات
ام ناصر: عيالي اقصد بهم ناصر.. ناصر كل عيالي.. انا ما حملت وولدت غير بناصر.. ارتحتي الان
الجده تبتسم: يعني وجودك هنا ماهو للعنود
ام ناصر: لا طبعا.. جيت اشوف ناصر الي قدرت ليال تبعده عن حضني وروحي
الجده: ليه ماسميتوه فهد!!.. ليه لافي سماه ناصر.. كنت متوقعه ان لافي يسمي على ابوه.. او انك تصري انك تسميه فهد على اخوكي الي مات.. الي كنتي تموتي بطاريه.. الي تعشقي ترابه كنتي ما تفارقي عينه وحضنه من غلاتك.. تعرفي.. قبل كنت ساكته.. شفت حياتك وحياة خواتك ماشيه قلت اكيد اني واهمه.. بس الان لا.. احساسي بهالموضوع صار قوي
ام ناصر تبلع ريقها: فهد مات الله يرحمه.. وبعدين انا الي عاجبني اسم ناصر ولافي سماه زي ما انا احب
الجده منتبهه عليها: لك يد بموت اخوكي فهد!!
ام ناصر توقف بسرعه: من شوي اتهمتي لافي بالذبح.. الان تبين تتهميني معاه.. مالي جلسه معاكي
الجده: ناصر يشبه فهد كثير.. كيف ما انتبهت لهالشي من زمان.. حبك له خوفك عليه.. نسيانك للبنات واهتمامك بناصر بس.. كيف ما انتبهت انك تعوضي بناصر عن فهد
ام ناصر بحده: انتي وحده مريضه.. ابتعد عنك وعن خرابيطك قبل لا تبلشيني

&&&&&&&&&&&&&&&&&&&&

8:40 اليل
سيارة جراح
البحرين
ما اقدر ابتعد.. احس اني تعبان مره.. خل ارجع انام شويه.. عندي هم كبير.. هالكلب الي اسمه لافي ما بيرتاح غير لما يفلسني.. لفيت بالسياره ورجعت العماره.. دخلت الشقة وشفت مزيان جالسه عند التلفزيون مع جويل.. سألتني اذا ابي عشا.. قلت لها اني شبعان.. دخلت غرفتي وشفتها خاليه.. توقعت ليال مع العيال.. دخلت الحمام (الله يعزكم) غسلت ورجعت ابي اغير ملابسي فتحت الخزانه ولفت انظري بمرايه الخزانه يد مرميه خلف السرير.. سكرت الباب بقوه ورحت اركض.. لقيتها مرميه على الارض حملتها ونيمتها على السرير.. هزيتها وما صحت.. دقيت على رائد حتى يجهز السياره.. حملتها وطلعت بسرعه.. شافتني مزيان ووقفت خايفه.. ما انتظرت اتكلم معاها طلعت من الشقه بسرعه.. كنت اهز بليال وهي ما ترد علي.. وصلت للسياره وركبتها
جراح بحده: ليه واقف تحرك
رائد بخوف: عمتي مزيان جايه شوفها
التفت وشفت مزيان ومعاها خوله.. ركبو السياره ورحنا على المستشفى.. دخلت ليال غرفة الفحص وتركت خوله ومزيان معاها.. كنت مرعوب.. عارف ان حبيبتي رقيقه ما كان قصدي آذيها هي تعرف اني احبها.. بس اجن اذا افكر انها طلعت من غير لا تقول لي.. غطيت وجهي بيدي كل ما اقول اني تخلصت من ذكرى ام صبا ترجع لي من جديد
رائد يمسك كتفه: ياعمي ماصار شي يستدعي الخوف الي انت فيه
جراح ماهو مستوعب: وش تقصد زوجتي ماني عارف وش صاير معاها
رائد يضحك: عادي ياعمي.. ما اعرفك تخاف كذا
جراح بشوية حده: ايش الي عادي.. ماني رايق يا رائد
رائد ينتبه: عمي انت ما تكلمت مع عمتي ليال اليوم!!!
جراح بقل صبر: تعرف اذا تابعت اسلوبك ذا بمد يدي عليك من قهر فيني
رائد يتنهد: اصبر علي بس.. انا اذا تكلمت بخرب الي عمتي ليال كانت ناويه عليه
جراح يسمك ذراعه بقوه: رائد ماهو وقتك.. انطق
رائد يضحك: بقول لك بس الله يخليك لا تخرب فرحة عمتي واعمل حالك متفاجأ ومبسوط
جراح بقل صبر: رااااااااااااااااائد
رائد بفرح: عمتي حامل
جمدت شوي.. يمكن بلمت.. يمكن فتحت حلقي من المفاجأه.. ما ادري وش صار فيني.. اذكر اني نقزت.. اذكر اني حضنته وانا اضحك.. راح التعب الي كان بداخلي نسيت لافي وبلوته.. نسيت الدنيا حولي ابي زوجتي ابي اشوف زوجتي.. طلعت مزيان ووقفت جنبي.. ماكنت قادر اضبط اعصابي.. شفت وجهها وقلت بفرحها بس تراجعت.. قلت اسكت لحد ما حبيبة قلبي تفرحني
جراح: ايش صار معاكم
مزيان تبكي: خوله قالت لي اطلع.. شافتني ابكي وماني قادره امسك دموعي
جراح يمسك كفها: لا تخافي ليال بخير
كنت اطمنها وانا وجهي مبتسم.. ومزيان ولاهي منتبهه على شي.. خوفها على ليال ما خلاها تنتبه على فرحتي.. وقفنا مده.. كنت كل شوي اناظر رائد وهو من بين نظراتي له يضحك على فرحتي.. ما كنت ابي ادخل على ليال.. كنت انتظر خوله تطلع وتقول تعال ياجراح ليال تبيك.. ابيها تناديني ابيها تحضني وتقول لي جراح انا حامل.. ياااااااااااااااا الله ياربي فرحتي ما اقدر اوصفها.. طلعت خوله وهي تشوفني بغضب.. بالمقابل كنت اشوفها بفرح.. طلعت ليال وراها تجر رجولها من التعب.. رحت جنبها وحضنتها قدام الكل.. ما اهتميت للعيب بهذيك اللحظه.. كل الي ابيه تكون بحضني.. حملتها على يدي ووصلت بها للسياره.. نسيت حتى اسأل خوله وش صار معاها.. ما قدرت اتكلم تكفي فرحتي المرسومه على وجهي.. حاولت ليال تبعدني عنها بكل طريقه بس قوتي اكبر منها.. ما سمحت لها تكون بعيد عن حضني.. وصلت العماره ورجعت حملتها لحد غرفة النوم.. خوله ومزيان كانو يتبعونا بس لما وصلت لغرفة النوم سكرت الباب عنهم وما اهتميت لهم اساسا.. كل الي مهتم فيه ليال حبيبتي

&&&&&&&&&&&&&&&&&&&&&

10:00 الليل
المستشفى ..عند غرفة العمليات..
السعوديه
الجده بلهفه: بسمه يما بشري
بسمه تطلع وابتسامتها تبان للكل: ولد يما.. ابشري بالخير
الجده تحضنها: الحمدلله.. الحمدلله
ام غسان تحضن ام سلطان: الحمدلله ولد يا اختي ولد
ام سلطان تضحك: يتربى بعزكم يا اختي
فتحيه بصراخ: الحمدلله.. صار لنا يوم كامل.. الحمدلله
نوف تسجد شكر: ......................
ام عبدالله: ايوا يما يستاهل الشكر.. الحمدلله
ناصر يوصل وعبير معاه: بشرو
بسمه تضحك: ولد يا روحي.. ولد
ناصر يحضنها: الف مبروك يا قلبي
غسان يطلع من غرفة العمليات: يما
ام غسان تركض عليه: امي انت.. مبروك ما جاك
غسان يضحك: يبارك لي فيكي.. يما جاني ولد
الجد تبكي: الله يسعدك فيه.. ويبارك لك فيه
غسان يبوس راس الجده: ولد يما ولد
فتحيه تضحك: وانت يالي ماشفت خير.. ما كنت تعرف انه ولد
غسان بضحك: العنود ما رضت.. قالت نخليها مفاجأه احلى.. حبيبة قلبي صدقت.. كذا احلى بكثير
ناصر ينتبه على سجود نوف وينسى حاله: ليال حبيبتي.. ردي علي
نوف تنتبه عليه وتفز: انا بخير ياخوي بخير
بسمه بلعت ريقها: بشوف ولد اخوي وراجعه لكم
الجده بلهفه: خلينا نشوفه يما
بسمه تجبر روحها على الابتسامه: تشوفيه مع امه
فتحيه: بسوم ووجع ياخذ بليسك.. جيبيه لنا نشوفه
عبير وعيونها مركزه بمكان غير: بسمه الله يخليكي نبي نشوفه
ام عبدالله بضيق: وانتي لسا هنا ما مشيتي
عبير بكل دلع: امي بس مشت وانا جلست حتى اتطمن على العنود
عارفه انهم ماهم طايقين لي وجود.. خصوصا عجوز الغبرا جدتي.. فتوحو كمان ماهي طايقه تشوفني.. اكرههم.. حاسه بكره كبير.. اول ما دخلت المستشفى قلت بنسى الي صار لي معاهم قبل كذا.. وببتدي معاهم بدايه حلوه.. بس الكل صد عنا.. مبين انهم ماهم ماخذين راحتهم بوجودي.. ماهو مهم انا بدنيا غير.. دنيا اعجبتني كثير.. ودي فيها انا بعد.. انا وين كنت برمي حالي.. مع عبدالرحمن؟!! لاااااااااا الدنيا هنا احلى.. وشكلها احلى من لافي بعد

&&&&&&&&&&&&&&&&&&&&

8:30 الصباح
شقة ليال ..الصاله..
البحرين
الحمدلله تطمنت على ولدي انه بخير.. سقطتي ماكانت خطره.. الحمدلله.. ما قلت لخوله شي غير اني دخت وسقطت على الارض وجراح لسا ما يعرف.. كانت واعدتني من رجعنا من الدكتوره انها ماراح تتكلم على الاقل حتى افاجأ جراح.. موقفه معاي امس رجعني لذكرى ناصر.. من البارح وانا افكر فيه.. خايفه على الي ببطني كثير كثير كثير
مزيان: ما شا الله.. صاحيه بدري اليوم
ليال تحاول تخفي ضيقها: ما جاني نوم ابد
مزيان بثقل دم: اجل وين جراحك
ليال مالقت شي تقوله: ......................
جراح يطلع من الغرفه ينقذها: صباح الخير
مزيان: صباح الخيرات
جراح: جالسه بدري ايش وراكي
مزيان: ابد.. ضايق خلقي قلت العب مع البنات شوي
ليال تمشي: خليكي مع جراح غيري جو.. انا رايحه للبنات
مزيان: ول.. مالها!!
جراح والنوم في عيونه: مزعلها
مزيان: اعوذو بالله.. ليه
جراح: خلاف بسيط بيني وبينها
مزيان: هدي حالك حتى تعرف تراضيها.. شكلها ما نامت
جراح: ادري انها ما نامت.. طول الليل وهي بعيده عني وتبكي.. ومحسبتني نايم ماني حاس بها
مزيان: خلني اقول لجويل تجهز الفطور.. تاكل وتبدل مزاجك شوي.. ليال تحب الحنيه
جراح ينادي ليال: ليال اتركي البنات هذا تلفونك يدق
ليال تطلع من غرفة البنات: سمعته .. الو
صلاح: الو على الحلو
ليال بفرح كبير: هلا بحبيب روحي.. اخبارك
صلاح: واحشتني ياقلبي
ليال: وانت واحشني اكثر.. متى اشوفك
صلاح: احسبي عندك من اليوم لحد اربعين يوم
ليال: مافهمت!!! اكيد العنود ولدت
صلاح يضحك: ايوا ولدت.. وجابت ولد ياخذ العقل
ليال تمسح دموعها: الله يحفظه.. ليتني معاكم.. ودي اشوفه
جراح يحضنها: اذا ودك الان نروح
ليال تبتعد عنه: صلاح امي جنبك
صلاح: جنبي نوف
ليال بلهفه: ابي اكلمها
صلاح: كلمي يا نوف
نوف بلهفه: ليال حبيبتي
ليال بلهفه: وينك يالقاطعه.. وحشتيني نسيتيني يا نوف
نوف: لا والله.. احاسب على الي عندي.. لا تنسي الي عندي
ليال تعدي الموضوع: اخبار العنود مبروك ما جاكم
نوف تضحك: يبارك بحياتك وعيالك.. ياربي ياليال يهبل.. يجنن
ليال: عسى تقر عيونك بشوفة ولدك
نوف من قلب: يا ربي آمين
ليال: اخبارها هي كويسه؟
نوف: تبين الصراحه تعبت شويه.. بس الحمدلله ام غسان وغسان نامو عندها البارح.. ويقولو انها كويسه
ليال: طيب اقلبي وجهك ابي اكلم العنود
نوف: ول يا دبه.. هذي لهفتك علي!!.. معلش اشوفك بس واطلعها من عينك.. لا تنسين كلمي العنود على تلفون غسان الي عندك
ليال تنتبه: اه.. طيب سلام
جراح: ليه ما تدقي على العنود
ليال تمشي: ماهو الان جهازها ماهو معها
مزيان: روح وراها الحقها.. اكيد قالو لها شي كدرها

&&&&&&&&&&&&&&&&&&&

9:15 الصباح
فيلا لافي ..غرفة عبير..
السعوديه



صحيت بدري اليوم.. تعودت اني احبس حالي بغرفتي خوف من لافي.. بس بعدين لقيت ان ناصر ما اهتم.. فقلت ليه انا اهتم.. حتى امس جالس جنبي كأني جالسه جنب حيط لو الحيط نطقت ناصر بينطق.. وبعدين انا ليه خايفه هذا بابا.. عادي يعني.. وايش يعني عادي.. هو ابوي زي ما يقول.. يعني عادي.. عادي بعيني.. وين الحلال والحرام.. يووووه وانا ليه انهي عمري بهالحكي.. كان لافي فكر بالحلال والحرام قلبي.. اذا فيه حساب فهو على لافي.. انا ليه ذابحه روحي.. المهم الان عندي اني اروح للعنود للدنيا العجيبه الي هي عايشتها.. ودي فيها.. ودي فيها بقوه.. ما اكون عبير اذا ما اخذتها.. خلاص هي يكفيها سعاده لحد كذا.. من حقي يجي دوري.. ومع غسان.. نزلت الصاله
لافي يبتسم: الحلو وين رايح
عبير بقرف: للعنود.. ودي اشوف الصغير
لافي: ايش سموه
عبير بقرف: غازي
لافي يضحك بقهر: سماه على ابوه.. والبقره اختك ما قالت تسميه لافي
والله مصدق حاله.. محسب ان الناس تغليه واولهم عياله.. امس ناصر ما كان طايق اسمه.. اجل كيف العنود.. جلست معاه وفطرت.. سألته عن ماما وقال انها من رجعت من المستشفى وهي حابسه حالها.. طز بكل شي وانا ليه اهتم.. اخذت السايق وطلعت.. رايحه له.. يازين ابتسامتك يا غسان.. يازين ضحكك.. والله حلو.. ماني عبير اذا ما جبت اخرك يا حلو

&&&&&&&&&&&&&&&&&&

9:30 الصباح
شقة ليال ..غرفتها..
البحرين

جراح يحاول يحضنها: صار لي زمان وانا اعتذر عن الي صار البارح مع انك غلطانه.. هذا بس عشان ما اشوفك تعبانه مره ثانيه
ليال تبعده: .........................
جراح يداري فرحته وما يبي يآذيها: طيب قولي لي مالك.. من شوي تضحكي مع صلاح وزوجته ومبسوطه.. ايش قال لك كدرك
ليال بجفا: مافي شي
جراح يلعب بشعرها: طيب دقي على العنود كلميها
ليال تبعد يده: العنود تلفونها ماهو معاها
جراح يرجع يلعب بشعرا: زوجها معاها؟
ليال بضيق: ايوا
جراح يبتسم: طيب دقي عليه
ليال: لا.. بعدين اكلمها
جراح: ليه طيب.. كلمي زوجها ولا انتي ما تحبي تكلميه
ليال: لا بالعكس غسان رجال والنعم فيه بس....
جراح: بس ايش؟!! حيرتيني معاكي.. دامه رجال زين دقي عليه كلميه
ليال تدق وتخليه سبيكر: الو غسان
غسان: نعم مين معي
ليال: انا ليال
غسان بفرح: هلا والله هلا وغلا
ليال بفرح: هلا بك ياخوي.. مبروك ما جاك.. اخبارك واخبار الصغير
غسان: اخباري مجنون.. وولدي الحمدلله بخير
ليال تضحك: بعيد الشر عنك عن الجنون.. العنود كيف حالها
غسان: تعبت شوي.. بس الحمدلله بخير.. استني اصحيها.. عنود.. عنودي روحي.. اصحي ياقلبي ليال معاي على الخط
العنود تفتح عيونها: ليال؟!!!
غسان: ايوا ياقلبي.. ليال تراها نايمه بس لا تخافي عليها اذا خربطت معاكي.. تراها بخير
العنود بلهفه: ليال قلبي
ليال تسكر السبيكر: قلبي انتي.. كيف حالك يا روحي
العنود تبكي: شفت الموت يا ليال.. بس من شفت غازي ردت الروح فيني
ليال تضحك: الان ما تلوميني يوم كانت روحي تطلع على عيالي
العنود تمسح دموعها: معاكي حق.. والله معاكي حق.. ليال
ليال: ياروح ليال
العنود تبكي: صرت ام
ليال تضحك من قلب: يا مجنونه.. غسان يقول انه مجنون بفرحته اتاريكي انجنيتي زيه
العنود: يا بعد قلبي هالغسان ما تركني لحظه
ليال: ربي لا يحرمك منه.. ويبارك لك في غازي
العنود: الله يسمع منك.. بموت واشوفك يا ليال
ليال تحط يدها على سماعة التلفون: جراح ابي اكلمها على المسن صوت وصوره اقدر؟
جراح يبتسم: اكيد تقدري
ليال: العنود حبيبتي.. اخذي لك لاب توب.. اسمعي اعملي لك ميل.. وبكلمك صوت وصوره عليه..بدق عليكي مره ثانيه وبعطيكي ميلي
العنود: غسان حبيبي.. ابي لاب توب
غسان يبتسم: من عيوني يا ام غازي
ليال تسمعه: عيني يا عيني على الدلع.. طيب اتركك معاه يدلعك.. وبدق اتطمن عليكي مره ثانيه
العنود: ليال خليكي معاي شوي
ليال: عنود والله شكلي صار بايخ بينكم.. وبعدين انتي لسا صاحيه والرجال ما تكلم معاكي.. وما باركتو لبعض بغازي
العنود تشوف غسان وتضحك: ماعليكي انتي.. غسان معاي عمري كله.. صح حبيبي
غسان يضحك: صح يا روح حبيبك
عبير تدخل: السلام عليكم
العنود بضيق: الو معاي؟
ليال: ايوا حبيبتي معاكي.. هذي ماهي نوف صح
العنود بضيق: صح
ليال مستغربه: هذي عبير؟!!!!
العنود: ايوا الله يسلمك.. اعذريني والله تعبانه ولسا صاحيه من النوم.. اشوفك على خير
ليال بخوف: خلي بالك على نفسك وولدك.. مع السلامه
جراح باهتمام: ايش صار
ليال بخوف: عبير معاها بالغرفه
جراح: اختها وجايه تزورها خايفه ليه كذا!!
ليال وعيونها زايغه: خايفه على الولد.. ياخوفي لا يكون لافي ناوي على الولد.. جراح ابي اكلم غسان
جراح يحضنها: دقي ياروحي وكلميه
ليال تدق وتخليه سبيكر: الو غسان
غسان: هلا يا دكتور
ليال: عبير.. وجودها فيه خوف على الولد
غسان: المريض تحت عيوني.. لا تخاف كل اموره طيبه
ليال براحه: الله يطمنك.. سلام
جراح: تطمنتي
ليال نست زعلها: الحمدلله.. يقول الامور طيبه
جراح: سمعته.. شكله ذكي هالغسان.. اتوقع انه خلى ولده بين العيال وغير اسمه
ليال تذكرت الي صار البارح وبضيق: الله يحميه من لافي.. ابتعد عني

&&&&&&&&&&&&&&&&&&&

11:00 الظهر
المستشفى ..غرفة العنود..
السعوديه

نوف بضيق: انا اقول انك طولتي بالقعده.. اكيد البيت محتاجين وجودك
عبير برقه: انا مستأذنه من بابا
نوف تعض شفايفها: طيب
العنود: يمكن ودك ترتاحي انتي من الصبح موجوده عندي
عبير بدلع: لا عادي انا مبسوطه معاكم.. غسان ودي تاخذني اشوف غازي
غسان يشوفها باحتقار: .........................
عبير بدلع: طيب على الاقل قول لي هو وين انا بروح لحالي اشوفه
غسان مطنش: ...................
نوف: عمتي ايش رايك تروحي البيت ترتاحي.. وانا بجلس مع العنود
ام غسان: لا حبيبتي مرتاحه لا تخافين علي
عبير: اجل وين بسمه عمتي
ام غسان: عنود.. نامي شويه يما.. انتي صاحيه بدري يا قلبي.. في احد يزور بدري كذا.. الواحد يحاسب انه في مرضى يبون يرتاحون
العنود تهمس: غسان روح شوف ولدي.. خايفه عليه
غسان يبتسم لها: لاتخافي ياقلبي.. ارتاحي مافي شي تخافي منه
العنود بهمس: طيب عمتي قالت لي اني لازم ارضعه
غسان يبتسم لها: ودك نروح الان
العنود تبتسم: ياريت.. وحشني بموت عليه
غسان يضحك: بعيد الشر قومي
ام غسان بخوف: وين رايحين يما
غسان: ابد يما بمشيها.. مابيها تظل نايمه.. ماهو زين لصحتها
عبير توقف: بروح معاكم
نوف بصراخ: الزمي مكانك.. انتي شكلك ما تعرفي لا السنع ولا الادب
عبير بكل ثقه: انتي ترفعي صوتك علي
نوف: واطردك من هنا كمان
عبير تضحك: اعصابك
العنود: عبير اذا ودك بالمشاكل فلا عاد تجين هنا
عبير: انا قلت اشوفك اذا محتاجه شي
العنود: منك!! ما اعتقد
عبير تقوم وهي تناظر غسان: بترك لك رقمي اذا احتجتي شي دقي علي
نوف: قالت لك ماراح تحتاج منك شي.. خذي رقمك وياليت ما تجين هنا مره ثانيه
عبير تناظر غسان وتطلع: مع السلامه
نوف بقهر: الطريق الي ما يرجعك.. من متى هي هنا
العنود: حسبي الله ونعم الوكيل.. من صباح ربي.. تصوري كنت اكلم ليال وادخلت واظطريت اسكر المكالمه والله ما اخذت راحتي وانا اكلمها
نوف: طول عمرها تخرب الفرحه
العنود: غسان بموت ابي اشوف ولدي
نوف: وين خليته يا غسان.. رحت انا وصلاح للحضانات ومالقيته
غسان يضحك: خليته في الغرفه الي جنبنا هذي.. ومعه ممرضه خاصه
ام غسان تضحك من قلب: عجبتني يما
غسان يفتح الباب الي بين الغرفتين: اجل تبيني اشوفهم يقتلوه وانا اتفرج
نوف تضحك: عجبتني والله
غسان: تولدين بالسلامه.. وبعمل نفس الشي لولدك
نوف: الله لا يحرمني منك يا خوي
غسان يجيب الولد: سمي يالعنود
العنود بلهفه: بسم الله الرحمن الرحيم.. ياربي كل هالحلا ولدي.. ربي تحفظه
الممرضه تدخل عليهم: دكتور غسان لحظه شوي
غسان يتبعها لبرا: خير
الممرضه: فيه وحده طلعت من عندكم من شوي
غسان: ايوه مالها
الممرضه: جات تسأل عن رقم تلفونك
غسان مستغرب: ايش؟!!!!
الممرضه: انا شفتها طلعت من عندكم ووقت الي سألتني عن الرقم قلت لها ماعندي.. هددت وصارخت وتوعدتني بتخرب بيتي اذا ما عطيتها الرقم
غسان: وعطيتيها ياه
الممرضه بكل امانه: لا طبعا.. قلت لها اخذي الرقم من المكان الي طلعتي منه
غسان يتنهد: شاكر لك اختي.. مره ثانيه اذا هي بالذات سألت عن رقمي عطيها ياه.. وبلغي الي معاك بهالشي
الممرضه: حاضر

&&&&&&&&&&&&&&&&&&

12:30 الظهر
المكتب
البحرين

جراح دخل عليهم: السلام عليكم
خالد: اهلين.. وينك اليوم
جراح يبتسم: موجود.. بس اخلص كم شغله
احمد: انا بدخل في الموضوع على طول.. جراح احنا تونا نقول يا هادي.. انت تعرف انك موجود معانا واحنا الي فارضين وجودك على ليال.. جراح الموقف ما يحتاج عناد.. اهدى وانا اخوك.. اذا بنبتديها عناد بينك وبين زوجتك.. من الافضل ان الشراكه تنفض
عبدالعزيز: وانا اشوف جذي بعد
منير بحده: انا ساكت من الصبح.. شنو يعني الشراكه تنفض.. انا بعت سيارتي وبيتي عشان ادخل شريك
عبداللطيف: وانا بعد بعت بيتي وحلالي وجيت عشان اعيش هنا
احمد يبتسم لجراح: القرار في يدك.. الشباب متعلقين من رقابهم.. وانت ماخذك العناد وشغل فيه لافي ما تبيه
عبدالرزاق: كلنا نشوف هالشي ياجراح.. اسلوبك غلط..
جراح: انا مستعد اعوض كل خساره لكل واحد فيكم.. وما بيهمني كم يكلفني.. بس قراري هو الي بيمشي وما احد بيمشيني على كيفه
احمد بعصبيه: ومن الي يبي يمشيك على كيفه؟!! ها!! مارديت علي
عبدالعزيز: رد يا جراح.. من الي يبي يمشيك على كيفه
عبداللطيف: سامحني جراح.. من الواضح انك تبي تمشي الكل على كيفك
عبدالرزاق: ولا تنسى انك منت شريك معانا
جراح يشوفه بحده: عبدالرزاق!!!!
احمد يمسك كتفه: لا تزعل من الحقيقه ياخوي.. احنا بعمرنا ما بنختلف.. من عرفنا بعض واحنا على قلب بعض
وليد: اهدى وروق بالك.. اكيد بنلاقي مخرج للي انت تبيه
خالد: وليد معاه حق.. بس الله يرحم والديك.. انسى صيغة ان القرار قرارك خصوصا بشغل ممكن يفيدنا كثير
جراح يتنهد بتعب: انا آسف الي صاير عصبي معاكم من امس.. صدقوني ماني ماخذ الموضوع بعناد ودي بكسر لافي اليوم قبل بكره.. فيه شي بس ما اقدر اقول لكم عليه بتعرفونه خلال هاليومين.. قراراتي ابد ماراح تخسر احد فيكم.. ومره ثانيه اقول الي يحس نفسه خسارن انا مستعد اعوض خسارته

&&&&&&&&&&&&&&&&&&


- بتلحق العنود تفرح بولدها ولا بيتدخل لافي وبيذبحه هو كمان
- غسان ايش راح يتصرف مع المصيبه الي اسمها عبير
- عبير بتقدر تخرب حياة العنود زي ما قالت
- ليال بتعترف لجراح ولا بتخبي حقيقة حملها خوف على الي ببطنها

السلام عليكم ورحمة الله وبركاته


اتمنى لكم قراءة ممتعة ........

وانتظروا البارت القادم قريبا ........


ودانة تتماثل للشفاء .......... ( اجر وعافية ........ طهور ان شاء الله )

ليال بدلع: دقايق واكون جاهزه
جراح يبوس راسها: لا تتأخري علي اضيع من غيرك
ليال تطلع بسرعه: ماراح اتأخر
جراح بفرح لانه قدر يراضيها: بنتظرك هنا
ليال ترجع له والدموع بعيونها: تعال معاي لا تتركني لحالي
جراح يحضنها ويروح معها: ...........................

&&&&&&&&&&&&&&&&&&&&

7:30 الليل
المكتب
البحرين

عبدالرزاق: ممتاز.. ممتاز
احمد: حنان لازم تكون موجوده 24 ساعه معانا بعد ما نطلق الاشاعه
خالد: حنان متصله فيني من شوي تقول بتسافر مع العيال كم يوم
عبدالرزاق: محمد متى بيوصل البحرين
احمد: محمد لحد الحين مارد علينا اذا موافق ولا لا
عبدالرزاق: خالد قول لحنان عندها ثلاث ايام بس.. وبعدين تستعد للخطه الجديده
خالد: خلاص بقول لها.. وبقول لابوي بعد
احمد: اول شي تقول لبوك.. وبعدين حنان
عبدالرزاق: الحين ياخالد.. قوم الحين
خالد يطلع للبلكون: خلاص الحين
احمد: ملاحظ ان عندك موضوع
عبدالرزاق بشوية ضيق: ليال حامل
احمد بفرح: احلى خبر يارجال.. ليش منت فرحان
عبدالرزاق: جراح ما يعرف
احمد عصب: اهلا.. اهلا بالمشاكل
عبدالرزاق بحزن: ياخوفي لاتكون المشاكل بين جراح وليال ومانعرف عنها شي
احمد: الله لا يجيب مشاكل.. انتبه معاي.. جراح وقت الي رفض المشروع بحجة ان في موضوع مانعرف عنه.. اكيد يقصد حمل ليال
عبدالرزاق: ويمكن يقصد مشكلته مع لافي
احمد يضرب بكفينه: لاااااااااا.. يارجال انا كل ما اقول المشاكل انحلت اطلعت مشاكل اكبر منها
جراح يدخل عليهم المكتب: السلام عليكم
احمد يحاول يبتسم: وعليكم السلام
عبدالرزاق: وعليكم السلام.. وينك ما شفتك اليوم بطوله
جراح بفرح: وماراح تشوفني غير بكره
عبدالرزاق: وين ان شا الله
جراح بابتسامه: لا تقول خوله ما قالت لك
عبدالرزاق يبتسم: عن وشو
جراح: ما تلعبها علي يابوسالم
احمد يستغبى: انا ضعت بينكم
جراح يضحك: بوسالم عندك وهو يقول لك.. انسوني الليله انا طالع احتفل مع زوجتي
عبدالرزاق بفرح: تحتفل بوشو
جراح يطلع بسرعه: ماعندي وقت اضيعه معاك.. ما ابي اتأخر عليها بكره اقول لك على احلى وحم اعيشه
احمد ميت ضحك: تطمنت الحين
عبدالرزاق بفرح كبير: الله يسعدهم.. الحين قلبي ارتاح
احمد: الله يبعد المشاكل عنا
خالد يطلع من البلكون ميت ضحك: حنان تقول لكم الاول تسافر مع عيالها وتبسطهم.. وبعدين زوجوها مثل ما تبون
عبدالرزاق ينتبه: حنان كم عمرها؟
خالد: 42 ليش؟
عبدالرزاق بخوف: هذي اكبر من جراح بـ6سنين
احمد يضحك: لا تخاف قلت لجراح عن هالشي.. قال لي اذا لافي عرف خله يقول ان جراح تزوج حنان طمعان بفلوسها
عبدالرزاق يضحك: أي الحين اقدر ارتاح.. دام جراح طمعان بفلوس حنان
احمد يشوف تلفونه: لحظه شوي يا شباب صلاح متصل.. هلا صلاح
صلاح: هلا ياخوي.. اخبار ليال
احمد: بخير.. كل شي بخير.. اش فيه صوتك
صلاح: لافي لعب بشغل ناصر.. ناصر خسر مبلغ ماهو هين
احمد: يبي يدمر شغله؟
صلاح: لا يبيه يرجع يشتغل معاه
احمد: اسمعني زين........................

&&&&&&&&&&&&&&&&&

9:00 اليل
الستشفى ..غرفة العنود..
السعوديه
الجده وفي حضنها غازي: يما غسان
غسان: سمي يما
الجده: هي العنود محتاجه كثير حتى تطلع من هنا
غسان: محتاجه لها ثلاث ايام كمان
الجده: طيب وغازي هو كمان محتاج للمستشفى
غسان: لا يما غازي بخير
الجده: اجل يما نرد بيتنا.. وترجع العنود زياره للمستشفى حتى تكمل علاجها
نوف: ايوا غسان كذا احسن لها ولنا.. هذا اذا صحتها كويسه
غسان: مافي مشكله.. العنود صحتها كويسه الحمدلله بس محتاجه لرعايه
الجده: اذا على الرعايه الطبيه انت وبسمه موجودين وما تقصرون.. واذا لها مراجعه مع دكتورتها ترجع لها في اليوم الي بيتحدده لها.. غير كذا يما خلونا نرجع بيتنا تراني ماني قادره انام وانتو بعيد عني خوفي لا يجرا عليكم شي
غسان: طمني بالك يما.. ما يصير الا الي تبينه
ام غسان: يعني نمشي الان يما
غسان: ايوا يما
العنود بهمس: غسان
غسان: ياروحه
العنود: ابي الممرضه هذي تكون مع ولدي.. لسا احس بنفسي تعبانه
غسان: اكيد بتكون معاك.. عارف انك محتاجه للنوم.. وانتي هنا مع الخوف الي فيكي منتي قادره تنامي.. عجزت وانا اقول لك ماله داعي الخوف.. كل شي بخير
الممرضه تدخل: دكتور غسان شويه لو سمحت
غسان يطلع معاها برا: خير اختي
الممرضه: الممرضه عايشه اعطتني تعليمات عن وحده بتجي تطلب رقمك
غسان: وجات؟
الممرضه: ايوا واعطيتها ياه
غسان: ما قصرتي اختي.. الله يعافيكي نادي لي على الدكتوره مشاعل
الممرضه بخوف: ام غازي معاها شي
غسان: لا ابدا.. عادي اختي كل شي طبيعي
الممرضه: الان ادق عليها
غسان يدخل: نوف صلاح وين
نوف: في مكتبه زمانه رجع البيت
غسان يدق: صلاح انت وين
صلاح: في السياره راجع البيت.. خير
غسان يطلع برا: اسمع في بالي شي وابي اعمله
صلاح: اسمعك

&&&&&&&&&&&&&&&&

9:20 الليل
شقة ليال ..الصاله..
البحرين

جويل: بشو سرحانه
مزيان المفروض انها تشوف التلفزيون: اشوف التلفزيون من قال سرحانه
جويل: ما بتشوفيه.. عيونك وعئلك بمكان تاني
مزيان تتنهد: وين يعني.. معاكي وجالسه اشوف التلفزيون
جويل: مزيان ماما.. بحياتك ما خبيتي عني شي.. ليه هلأ بتخبي عني
مزيان تبتسم لها: لانو مافي شي ياقلبي
جويل بثقه: انتي عشئانه
مزيان تضحك: من هذي انا؟!! ومين ان شا الله
جويل: ايوا انتي.. ومين هي انتي بتئولي لي
مزيان: واهمه صدقيني
جويل تقوم عنها: طيب اسرحي زي ما بدك.. انا ئايمه
مزيان بحده: وين جويل.. سألتيني وجاوبت عليكي.. اكذب يعني حتى ترتاحي
جويل وهي رايحه على المطبخ: رايحه جيب لك اكل.. نسيتي انك ما تعشيتي.. ومالا داعي العصبيه يا ماما نحنا حريم ونفهم عبعض
آآآآآآآآآآآآآه ياقلبي.. وبعدين.. وبعدين والله ماهو وقته.. ليه الان.. كنت بخير.. ليه اشغلت قلبي.. وين راح عشقي لحسن.. كنت شاغله روحي بحسن وذكراه.. معقوله كل ذا راح.. وين حزني عليه وين بكاي.. وين روحي الي طلعت مني بعد روحه.. معقوله رجعت لي بهالسرعه.. أي سرعه؟!!.. ابي انسى.. مستحيل هالشي يصير
خوله تدخل: مزيان.. بسم الله الرحمن الرحيم.. ليش تكلمين روحك
مزيان تنتبه عليها: خوله؟!! متى دخلتي
خوله تجلس جنبها: متى دخلت؟!! لا منتي بالدنيا.. وش صاير معاج قولي
مزيان بحزن: سلامتك.. حسن وذكراه
ام لينا تدخل: السلام عليكم
خوله تشوفها وتكشر: وعليكم السلام بنتك بهذيك الشقه ماهي هنا
مزيان تنحرج من كلام خوله: ووجع في عدوك هذا كلام؟!!
ام لينا تضحك: لا تصدقينها زين.. انا عارفه لها
ام عبداللطيف: السلام عليكم
خوله بنفس التكشيره: وعليكم السلام.. اخاف بس تكونو غلطانين بالشقق
مزيان تضربها: انتي ناسيه روحك باين.. حياكم.. حياكم استريحو.. المكان مكانكم
ام عبداللطيف تضحك: أي يما عارفين المكان مكانا
ام لينا تضحك: أي يما وهالادميه ضيفه عندنا
مزيان تضحك: شكلكم متخانقين
ام عبداللطيف: ولا متخانقين ولا شي
خوله: انا احط راسي براس عجز مثلكم
مزيان بعصبيه: خوله وبعدين معاكي
ام لينا: ماشي يالشبابه.. عجز عجز ماعندي أي اعتراض.. قولي الحين اش الي مزعلج
خوله بحده: من تزوجت لينو كم مره جيتو.. كم مره قعدتو معانا.. ماغير مع لينو بشقتها او تحت بشقتكم.. حتى سؤال ما تسألون.. واذا اتصلت اعزمكم تتعذرون باي شي
ام عبداللطيف تضحك عليها: انت بروحج تقولين عجز.. كنتي نزلتي انتي عندنا
ما اذكر ايش كانو يقولو ماكنت معاهم.. سرحانه بعيد.. خجلانه من حسن.. اكيد زعلان مني.. اكيد زعلته الان.. احس انه جنبي وعيب علي الي افكر فيه.. تايهه بهالشعور.. ما ادري اذا كنت احب ولا لا.. لالالالا ما ابي افكر في الحب.. هالشي غلط.. غلط علي اني افكر فيه.. انا زوجة حسن.. حسن وبس

&&&&&&&&&&&&&&&&&&&&&

9:40 الليل
سيارة جراح
البحرين

ما اذكر متى كنت سعيده بهالطريقه.. ماغير مابين المشاكل والخوف.. رحنا مجمع تجاري ولفينا شوي.. اشتريت اشيا كثيره ناقصتني.. كمان صار لي زمان ما تبضعت.. طلعت من المجمع وانا ماسكه يده حيييييييل.. ما ابي اتركها ابد.. احس اني امشي مع رجال يملك حاله.. هو سيد تصرفه.. هو الاآمر الناهي.. رقيق حنون.. صحيح شديد وقاسي بعض الاحيان بس يرجع يراضيني ويترجاني حتى ارضى.. عارفه اني امنع نفسي من اني اقارن بينه وبين ناصر.. بس غير كل شي معاه غير
ليال تركب السياره وتحط رجل على رجل: اممممممم جراح
جراح يضحك على حراكتها الواثقه: خادمك المطيع سيدتي
ليال تضحك من قلب: لا عاد محشوم
جراح يضحك: آمريني ياقلبي
ليال تحضن ذراعه: مشتهيه العصير الي شربته وقت الي كنا بالمنتجع
جراح ببتسامه ذوبتها: من عيون جراح
ليال بفرح: وين رايحين
جراح: على مكان اميرتي تحبه
ليال مستغربه: وين يعني
جراح: لا تستعجلي.. نوصل ولحالك تشوفي
ليال بشوية خوف: جراح انا ما احب المفاجآت.. انت عارفني
جراح يلتفت لها ويهديها: لا ياقلبي لا تضايقين.. عارف انك ما تحبين هالشي.. بس انا ابي لما نوصل للمكان الي اخترته لك من فرحتك تحضنيني وتنسين حالك.. اعشقك وانا اشوف هالنظره الحلوه منك
ماعرفت ايش ارد عليه.. سكتني كلامه الحلو.. كنت رايقه على الاخر.. ما ابي أي شي يكدر خاطري او يعكر مزاجي.. ابي اعيش معاه لحالنا.. ابي اسعده وافرحه بحملي وحنا لحالنا.. وصلنا عند البحر.. كنت سعيده.. قلت بتعشا جنب البحر.. حضنت ذراعه وانا امشي معاه.. ما كان فيه احد جنبنا.. كنت لحالي امشي جنبه.. اخذت راحتي وهو ماقال لي شي.. تركني براحتي اعمل الي ابيه معاه.. شفت ممر خشب.. مشيت معاه عليه.. سألته وين المطعم.. قال شوي ونوصل له.. الطريق كان طويل شوي.. قلت له تعبت.. لقيته حملني من غير مقدمات.. يمكن انحرجت شويه بس كنت سعيده عايشه حلم حلو ما ابي اصحى منه.. اني حرمه من جد في حضن رجال من جد.. حضنته ودفنت راسي بكتفه.. سمعته يهمس لي وصلنا.. رفعت راسي ولقيت نفسي عند مركب.
ليال فاتحه عينها: مركب؟!!
جراح يصعد بها فيه: احمد صك راسي بالرحله البحريه الي اخذكم فيها.. بس الي انتبهت له ان حبيبتي كانت مبسوطه حيل بهالرحله.. قلت خلني اجرب اعيش معاها فرحتها بس لحالنا
اشوفه كيف يبي يفرحني.. اشوفه كيف يبي يسعدني.. اشوفه كيف يبي يعوضني.. فتحت حلقي ابي اقول له.. ما قدرت انطق.. رجعت دفنت راسي بحضنه.. جلسنا كذا فتره بسيطه.. ابتعدت عنه لما حسيت بالعامل الي يسوق المركب والشغالتين الي جابو العشا معاهم وصلو.. كنت ماسكه يده وما ابي اتركها.. ما ابي اتركه او ابتعد عنه.. مشينا في البحر.. الجو بيني وبينه كان رومنسي حيل.. راحه ما بعدها راحه احس فيها.. تعودت من اكون حامل المصايب وحده ورا الثانيه تجيني.. اما يموت الي ببطني او............. يوووووووه وهذا وقته عاد.. ليه دايم اغث روحي بهالطاري.. ليه ما انسى.. ابي اعيش مع جراح.. ابي اعيش مع الي يحبني من جد.. اعطى تعليماته للشغالات وجهزو العشا.. كل ما جيت اقول اتردد.. ايش الي يمنعني ماني عارفه.. فكرت اكتب له ورقه واحطها بيده.. ايش هالسخافه انا بعد.. طيب ليه ما عمل زي الافلام واخلي يده على بطني وهو يعرف من نفسه.. احلفي بس ياليال ما تحسي نفسك تافهه.. يمكن تأثير الحمل علي
ليال بحب: بحياتي ما قلت لك اني مالقيت الراحه الا بحضنك
جراح يحضنها: ومرتاحه بحضني
ليال تبتسم: ساجده لله شكر على انه انعم علي بوجودك
جراح بفرح: ابيكي على طول تقولي لي احبك
ليال: ما ظنيت اني بحبك بهالطريقه جراح.. انا مجنونه بحبك
جراح ببتسامته: لدرجة انك ما تبين ابتعد عنك شبر؟!!
ليال بحيا: جراح هذا وحم
جراح ما توقعها تعترف له من بين هالحكي: ما فهمت يعني ايش؟!!
ليال تحضنه: انا حامل

&&&&&&&&&&&&&&&&&&&&&&&&



يتبع