كاتب الموضوع :
دانة الحمادي
المنتدى :
الارشيف
8:45 الليل
شقة ليال ..عند الباب الشقه..
البحرين
كنت واقف عند باب الشقه.. من داخلي ارتجف خوف عليها.. ياربي تقويني.. احس روحي بتطلع اشلون بكلمها واشلون بقول لها.. كنت اتمنى انهم ما اقالو لها شي.. كنت عارف اني بوصل لها الخبر بصوره اقوى.. دقيت الجرس.. تفاجأت بها هي تفتح الباب
ليال بخوف: جراح بعد!!!.. ايش صاير.. اكيد فيه احد مات.. جراح ايش صاير
جراح: حبيبتي انا لله وانا اليه راجعون
ليال تشوفه مومصدقه: ابوي!!!!!!
جراح يمسكها: سلطان وزوجته
سمعت صرخة خوله.. يمكن صرخة خوله خلتني انتبه انه ليال بين يدي.. كانت في دنيا ثانيا ماحست بنفسها.. كانت تشوف الفراغ.. هزيتها.. خفت عليها كنت ابي احطها بحضني.. كنت ابي اقربها من قلبي.. يمكن تلاقي الامان الي تدور عليه.. اسحبت يدها من يدي.. وركبت على الدرج.. تأكدت ان مزيان والبنت دخلو عند الحريم.. وطلعت وراها.. طلعت ورا حبيبتي.. كانت تركب على الدرج وهي ماهي بوعيها.. وصلت للسطح.. وقفت عند زاويه.. وبعدين راحت للزاويه الثانيه.. شافت السما وارجعت شافت الارض.. لقيتها تسجد.. تسجد على السطح.. وقفت خايف عليها.. مرعوب من الي ممكن يجرا لها.. تركتها شوي وبعدين قلت لا.. ما اقدر اكون بعيد عنها اكثر من كذا.. دنيت منها.. هزيتها وطاحت بين حضني.. حملتها على يدي.. من هول الي انا فيه نزلت على الدرج نسيت المصعد الي كان قريب مني.. نزلت بها على الدرج.. وصلت لشقتها ولقيت عبدالرزاق واقف واحمد جنبه والخوف ذابح الاثنين
جراح: الحقوني بدكتور.. البنت اغمى عليها
عبدالرزاق: فيصل جاي بالطريق.. خذها على غرفتها
دخلت غرفتها وحطيتها على سريرها.. جات خوله ومزيان.. ما كنت ابي اطلع ابي اكون جنبها.. ما هان علي اتركها وهي بهالحال.. خوفي عليها اكبر.. رعب على الي ممكن يصير لها.. سحبني عبدالرزاق للصاله.. الحريم كانو يبكون والرجال الحزن مالي عونهم وقلوبهم.. بيني وبين نفسي.. ماكنت اعرف سلطان حتى احزن عليه.. حزني كان على حبيبتي.. حزني كان على رجال توفى وجنبه زوجته بأول يوم زواج لهم.. يا الله ما ارحمك.. ياربي ترحم هالبنت الي مالها ذنب.. تعذبت ومالقت الي يعينها على هالدنيا.. وصل الدكتور فيصل ودخل عليهم.. وانا النار تاكل قلبي خوف عليها.. جلس معاهم مده.. وانا خلاص فقدت الصبر.. وقفت ورحت لهم.. فتحت الباب ودخلت
خوله بحده: انت اكيد نسيت حالك
جراح: ماهو بيدي
خوله: جراح.. انتظر برا شوي
جراح: كيفها
خوله تسحبه وتطلع معاه: اش تتوقع يعني
جراح يهز راسه: لا تلوميني
خوله: استريح ياخوي.. لا تخلي الي هنا يتكلمو عنا
طلعت من الشقه بعد كلام خوله.. انا بصفة ايش ادخل عليها واتطمن عليها.. ولاشي ولاشي.. مالقيت مكان ثاني اروح له.. ما اقدر اطلع من هنا او حتى ابتعد.. حبيبتي داخل وانا ابتعد عنها.. جلست على الدرج ودفنت وجهي بين يدي.. ماعندي حل ما عندي.. ودي اتزوجها ودي تكون زوجتي وام لعيالي.. وتكون ام مبارك.. انا وين وهي وين.. انا في ايش افكر.. وهي بايش حالتها
احمد: جراح
جراح: تظنها تروح للسعوديه
احمد يجلس جنبه: روحتها خطر عليها
جراح: وايش خطتك
احمد: نروح على اننا من اصحاب صلاح وهذول حريمنا وهي تكون بين الحريم
جراح يهز راسه: كويس كويس
جلست كذا مده كبيره.. ماكنت طايق احد يكملني.او احد ياخذ رايي بحاجه.. فيصل طلع منها وما قال شي يبرد قلبي.. قال بخير وتحتاج وقت.. كلام الاطبا ساعات ينرفزني.. ايش افهم من ذا انا الان.. اصر فيصل انه يظل موجود.. رجعت وجلست معاهم بس كنت بالبلكون.. تأخر الوقت كثير.. عدى الوقت بسرعه.. حسيت فيهم كل شوي واحد فيهم ينام.. الحريم دخلو الغرف وفي من دخل مع ليال.. الرجال نامو على الكنب.. وانا ظليت صاحي في البلكون.. ما احس بالوقت الي يمر علي.. الشوق داخلي لها يزيد.. كنت ابي اروح اتطمن عليها.. كنت ابي اشوفها.. اذن الفجر.. صحيت الرجال وصلينا جماعه.. ورجعو نامو بسرعة البرق.. انا ماصدقت انهم يصحون.. بس ايش الفايده رجعو نامو.. سمعت التلفون يرن.. رحت بسرعه ارد
جراح: الو
صلاح: السلام عليكم
جراح: وعليكم السلام مين معي
صلاح بشك: ممكن اكلم عبدالرزاق
جراح: نايم يا خوي.. مين معي
صلاح: ماهو مهم ادق عليه مره ثانيه
جراح: سعودي؟!!!
صلاح: خير!!!
جراح: انت سعودي صح
صلاح: انا صاحبه من السعوديه
جراح: جراح بن مبارك معاك.. انت صلاح
صلاح براحه: وقعت قلبي ياخوي
جراح يبتسم: بعيد الشر عنك.. عضم الله اجركم ياخوي
صلاح: اجرنا واجرك.. بشرني عن اختي
جراح: لا تقلق ياخوي.. مع خواتها واخوانها
صلاح: ماتقصر يالغالي.. كنت افكر اجي بس الوضع عندي ما يسر
جراح: لا تترك الي عندك.. ليال الحمدلله بخير.. ولا تخاف عليها.. الخوف بس تصبح وتقول تبي تجي
صلاح: عشان كذا قلت بجي.. حتى ما تتهور وتجي هي
جراح: عيبه تترك الي عندك.. ولا تخاف اذا ليال اصرت تجي.. بتدخل وما حد يقدر يمسها بسو
صلاح: ماقصرت ياخوي.. والله ان قلبي معصور الم عليها.. ريحت قلبي الله يريح قلبك
جراح: نمت ولا لسا
صلاح بهم كبير: والله لسا.. جفاني النوم
جراح: الان انا طمنتك على ليال تقدر تنام وترتاح.. ما بقى شي والمعزين بيجون.. واحتمال ليال معاهم.
صلاح: لا تخليها تجي.. قول لها يهدى الوضع وانا اجيبهم لها.. جراح ياخوي طلبتك لا تخلها تجي
جراح: ودي اقول لك تم.. بس ما اقدر ارفض لليال طلب.. اذا قالت بتجي بجيبها بنفسي.. ويخسى احد يمسها وراسي يشم الهوا
صلاح: شوف ام سالم هي الي تقدر عليها.. امانه عليك ياخوي حاول
جراح: احاول ولا يهمك
صلاح: مع السلامه
جراح: مع السلامه
ليال: تكلم مين
جراح يلتفت: ليال!!! انتي بخير
ليال بحزن: كنت تكلم مين
جراح يبتسم: هذا صلاح.. قلق عليكي
ليال: وخر ابي اكلمه
جراح يبتعد: تفضلي
ليال تدق: .......................
جراح: الرجال تعبان ما نام من امس.. اكيد تطمن عليكي ونام
ليال تمسح دموعها: فديت قلبه
جراح: ايش تامرين عليه يا اميره
ليال باصرار: انا بروح لهم
جراح: خلاص تروحي لهم
ليال مثل الغريقه: من جد توديني
جراح: اوديكي ويخسى لافي او غيره يلمسك او يلمس شعره من بناتك
ليال تمسح دموعها: لا بروح بروحي من غير بناتي.. خوله تجلس معاهم
جراح: انتي تامرين
ليال تنزل راسها: انا خايفه على الشباب.. يمكن يعرف لافي انهم الي لعبو عليه في سالفة عوض
جراح: تبين تروحي لحالك
ليال بحزن: ياريت
جراح: من عيوني
ليال: كيف بتتصرف
جراح: اخذك واخذ مزيان ونروح بطيارتي.. بقول اني سمعت عن نسيب لافي الي مات وجيت اعزي
ليال: وانا
جراح: بقول هذي زوجتي والي معاها اختي
ليال تسرح بعيد: .........................
جراح بخوف: ليال
ليال تنتبه: ما ادري.. متى ما صحى الرجال نشوف ايش يقولو
جراح: منتي واثقه بي
ليال: ماني بعقلي حتى اقرر
جراح: اتركيني اقرر لك.. واوعدك ماراح تندمي
ليال تسرح: ............................
جراح: جعانه يا قلبي
ليال تنتبه: لا شكرا
جراح: تبين نطلع تغيري جو
ليال تسرح: .......................
جراح: ليال
ليال تتركه وتروح البلكون: ................
تبعتها وهي سرحانه.. جلست على الكرسي.. والتفكير واضح عليها.. خفت اتكلم.. قلت اسيبها واذا بغت تتكلم انا جنبها.. كنت اتابع شكلها وحركة عيونها.. الحزن مزروع بقلبها.. كيف اكون بر للامان لك يا ليال.. كيف كنت سعيد انها جالسه قدامي.. صحيح ان النوم جفاني خوف عليها.. بس الان مرتاح لاني اشوفها.. على انها ماكانت لابسه الغطا.. بس كانت مغطيه شعرها.. تعجبني حشمتها واحترامها لنفسها.. كنت اتابع حركاتها وانا سعيد مبتسم.. والله لو تنتبه علي بترميني من البلكون.. الناس حزن وهي قاتله روحها على اخوها.. وانا سعيد ومبتسم لانها جنبي.. متى تصيري زوجتي ياليال.. متى
&&&&&&&&&&&&&&&&&
6:15 الصباح
فيلا العايله ..جناح غسان..
السعوديه
جالس على الكنب.. جالس لحالي.. ساكت.. مكسور.. عاجز.. محطم.. كيف رخصت باختي حبيبتي.. كيف تركتها تموت بالساهل كذا.. قصرت معك يامها.. الان عرفت احساسك ايش يعني.. كنتي حاسه بالموت ياروح اخوكي.. كيف ما انتبهت على سلطان.. هو بعد كان باين عليه من تصرفاته.. الموت كان قريب منهم وانا ما انتبهت.. رخصت بك ياروحي.. تركت لافي يقتلك عشاني تزوجت العنود.. آآآآآآآآآه يا يبا وصيتني على مها وما حافظت عليها.. وصيتك ما نفذتها يبا.. ركضت ورا حبي وعشقي للعنود ونسيت مها.. ليتني ما تزوجتك يالعنود ولا تموت اختي دلوعتي حبيبتي.. كيف دفنتها.. غطيت يدي بوجهي.. عيوني ماهي راضيه نبكي عليها.. نار بقلبي تحرقني.. ودي اروح له واذبحه.. وايش يعني يذبحوني بعد ما اذبحه وايش يعني.. اموت ما يهمني.. مها وراحت.. وبسمه ورجعتها لناصر.. يكون يفكر يذبحها هي بعد؟
ام غسان تهزه: غسان يما
غسان ينتبه: يما.. مالك
ام غسان تبتسم غصب عنها: مافي شي يما.. انا بخير
غسان بحزن: الحمدلله انك بخير
ام غسان: يما.. ما يصير تعمل بحالك كذا.. هذا اعتراض على قضى الله
غسان ينزل راسه: ماهو اعتراض يما.. هذا اهمال مني
ام غسان: ومن قال انه اهمال.. الحمدلله الي البنت راحت وهي صالحه.. يما.. اطلب لها الرحمه من الله
غسان مستغرب: كنت مفكر انك محروقه على موتها
ام غسان: اعوذو بالله يما.. ماني غبيه حتى اعمل كذا.. هذا قضى الله.. وبعدين البنت كانت ناويه عمره.. ربي مريح قلبي عليها يما
غسان يرمي نفسه بحضنها: ذبحها لافي يما
ام غسان: يما.. الله اخذها.. وبعدين لافي ما يقدر يلمس منها شعره اذا الله كاتب لها النجاة
غسان: آآآآآآآآآآآآآآآآآآآآآآآآآآآآآآآه
ام غسان: معلش يما.. معلش
&&&&&&&&&&&&&&&&&&&
6:40 الصباح
فيلا العايله ..جناح صلاح..
السعوديه
الحمدلله الي نام.. قلبي معصور عليه الم.. كان خايف على ليال ومن كلم ارتاح.. ماجاني نوم.. قلت انزل اجهز تحت.. نزلت وانا خايفه اشوف احد ما كنت ابي اشوف احد او اتكلم مع احد.. خصوصا اهل صلاح.. كنت خايفه من الي ممكن يقولوه.. كنت متأكده ان لافي له يد بموت سلطان ومها.. التفكير ذبحني.. والخوف كان مسيطر علي.. دخلت المطبخ وانا ماني عارفه ايش بعمل.. تفاجأت بالعنود جالسه على الكرسي.. من شافتني فرحت
العنود تبتسم غصب: الحمدلله انك انتي
نوف تحضنها: مالك
العنود: ما ادري.. خايفه من الكل
نوف تجلس جنبها: وانا بعد.. اكيد لافي له يد بالي صار
العنود: انا متأكده من ذا
نوف: تظني يصيبنا شي
العنود بخوف: والله ما ادري.. انا خايفه غسان يتركني.. ماهو طايق يشوفني
نوف: لاتقولي انه طردك
العنود: لا.. بس شفته ماهو طايق يشوفني.. طلعت من عنده وجيت هنا
نوف: لافي ما بيرتاح غير لما يذبحنا
العنود: لو على موتنا تهون.. يقتلنا ونرتاح بس مها وسلطان ايش ذنبهم
نوف: حسبي الله ونعم الوكيل
العنود: انا خايفه من جد.. قلبي موجوع.. خايفه من غسان
نوف: ما اقدر اقويكي لاني محتاجه الي يقويني.. انا وانتي بكفه وحده
العنود: تظني عمتي تلومنا
نوف: من حقها.. من حقهم كلهم يلومونا
العنود: حياتنا بتنقلب؟
نوف: والله ما ادري
العنود بخوف: ما اعرف اعيش من غير غسان.. نوف الحقيني مابي زوجي يتركني
نوف بحزن: انا محتاجه الي يلحق علي
العنود تبكي: والله مالنا ذنب بالي صار.. هم ادرى بهالشي
نوف تبكي: هذول عيالهم الي ماتو يالعنود ماهم من الشارع.. يعني ما تقدري تلومي احد فيهم على الي بيقوله
العنود تبكي: يقولو الي يقولوه.. بس ما اترك غسان.. بموت اذا تركت زوجي
نوف تبكي: عمتي ام سلطان ما بكت.. انا خايفه عليها كثير
العنود: وعمتي بعد ما بكت.. كانت مبتسمه
نوف بتعب: بموت من الخوف
العنود: بموت من الحسره
ام سلطان تدخل عليهم وتشوفهم يبكون: خير يا بنات مالكم يما.. ليه البكا
نوف بخوف: ولا شي.. حنا بخير
ام سلطان تحضنها: تخبي علي يما.. انا امك
نوف تبكي بحضنها: لا يما.. حزن بس
ام سلطان تمسح دموع نوف: ولا تحزني ولا شي.. مافي شي يحزن وانا امك.. قومي غسلي وجهك
ام غسان تدخل وتشوفهم: خير ياختي مالهم البنات
ام سلطان: يقولو حزانا
ام غسان تضحك: اقول قومو غسلو وجوهكم قال حزانا.. على ايش حزانا
العنود تبكي: عمتي انا خايفه
ام غسان تحضنها: من ايش يما
العنود تبكي بحرقه: ....................
ام سلطان تجيب لها مويه: خذي شربيها باين تبي الي يدلعها
ام غسان تضحك: يا حلو الدلع اذا جا من العنود.. اشربي يما
غسان برا المطبخ: العنود.. انتي هنا
العنود تمسك عمتها بقوه: هذا غسان.. يما قلبي
ام غسان: وخايفه من غسان بعد!!
ام سلطان تتغطى: نوف يما تغطيتي
نوف: ايوا يما
ام سلطان: غسان يما تعال العنود هنا
غسان يدخل: السلام عليكم
ام سلطان: وعليكم السلام.. هلا يما اجلس بنجهز الفطور الان
غسان: لا يالغاليه محتاج انام
ام غسان: قومي يما اغسلي وجهك وروحي مع زوجك نامي لك شويه انتي كمان
غسان بضيق: مالها تبكي
ام غسان: تبكي على اختها يما.. معلش خليها تبكي ترتاح
غسان بجفا: يلا يالعنود
&&&&&&&&&&&&&&&&&&&&
يتبع
|
14-04-09, 10:34 PM
جديد مواضيع قسم الارشيف
العرض العادي
