كاتب الموضوع :
دانة الحمادي
المنتدى :
الارشيف
11:15 الظهر
شقة ليال ..البلكون..
البحرين
ام لينا: صح النوم.. كل هذا نوم
ليال بتعب: ماقدرت انام غير متأخر البارح
ام لينا: حاسه انه صار شي بينك وبين لمى
ليال: ماراح اخبي عليكي.. صار.. بس ماودي اتكلم غير لما اتأكد
ام لينا: براحتك.. بس اياكي تتهمي قبل ما تتأكدي.. ان سويتيها بتطيحي من عيون الكل
ليال: لا تخافي علي.. دام الله معي.. باذن الرحمن ماراح اعمل حاجه غلط
ام لينا: ربي يحميكي يا يما
ليال: وين ريما وديما
ام لينا بضيق: طلعومع حنان وعيالها
ليال: وليه متضايقه كذا
ام لينا: عشان راكان
ليال تنتبه: عمل شي يزعلك
ام لينا: لا يما الولد متربي.. بس حبه واضح
ليال تبتسم: دامك عارفه السالفه ليش مضايقه روحك
ام لينا بحزن: ام احمد مكلمتني من كم يوم على ديما
ليال فاتحه عينها: لمين؟!!
ام لينا: لولدها مروان
ليال: ديما لساها صغيره
ام لينا: قلت لها هالشي
ليال بحده: خالتي لا تجننيني.. قلتي لها انك منتي موافقه
ام لينا: اشلون اقول لها ماني موافقه والبنت لها راي.. وانتي تشوفين انها صغيره يا ليال
ليال: كلمتي لينا
ام لينا: متردده اكلمها
ليال: لا حول ولا قوة الا بالله
ام لينا: ام احمد تقول.. انا اربط معاكي كلام
ليال بحده: ايش تربط معاكي كلام هي بضاعه بتشتريها.. البنت لساها صغيره اذا كبرت وصارت بسن زواج هذيك الساعه تتقدم تخطبها.. ما عندنا بنات نرميهم.. اسمع على هذا السمع والله.. قال تربط كلام
ام لينا: رديت عليها بنفس الكلام
ليال: ايوا كذا طمنتيني.. قال مروان قال.. منين طلع لنا هذا بعد
ام لينا: خوفي على ديما تتعذب مثل لينا
ليال: الرحمن يحفظها من كل شر.. لا تتعذب ولا شي.. اتركيها تختار الي تبيه
ام لينا: اشوفك منحازه لراكان
ليال: وليه ما انحاز له.. الولد ولدنا وقدام عيننا رجال والنعم فيه
ام لينا: لا تستعجلين.. مانعرف باكر ايش يصير.. اتركيها على الله يحلها من عندها
صح.. تذكرت عزيز وكيف انا منحازه له وامدح فيه.. وبالاخير ايش طلع لي.. يمكن راكان يطلع زي عزيز.. وزي ماقالت خالتي.. نسيبها على الله هو يحلها من عنده.. شوي ودخلت لمى البلكون.. من شافتني نزلت راسها.. ما رضيت انها تجلس قدامي كنت ابيها تجي لعندي وتكلمني.. كنت قاصده اني اخليها تحس بأنها غلطانه.. وغلطها ماهو بصغير.. سمعت التلفون يرن في قومتي رحت ورديت كان عزيز الي متصل
عبدالعزيز: اتصل على تلفونك ليش ماتردين
ليال بجفا: خير بغيت شي
عبدالعزيز: ابي اتكلم معاكي
ليال بجديه: عن ايش
عبدالعزيز: انتي عارفه عن شنو
ليال بكل هدوء: ما اظن انه الي بتقوله يعنيني في شي.. هذي حياتك وانا مو من حقي اتدخل فيها
عبدالعزيز بحده: بطلي نغمة البرود الي تكلميني فيها.. على الاقل اسمعي اخوكي.. تقولي اني اخوكي
ليال بهدوء: عزيز.. لو كان بخاطرك شي كنت تقوله قبل ما اشوف لمى معاك.. الان مايصلح الكلام
عبدالعزيز بقلة حيله: بس انا...........
ليال تقطعه: قلت لك ما ينفع الي بسمعه الان.. تحب اناديلك لمى تكلمها
عبدالعزيز: مع السلامه
سكر الخط بوجهي.. بيني وبين نفسي كنت سعيده انه اتصل يتكلم معاي.. وسعيده اكثر بالراحه الي حسيت فيها بعد ماسكر الخط بوجهي.. كنت حاسه انه نظيف والعيبه ما تطلع منه ابد.. كنت ابي اسمعه.. بس استحيت من الي بيقوله لي.. اتقبل الكلام من لمى لانها حرمه بس من عزيز صعبه كثير.. رحت للمطبخ.. ماكنت عارفه ايش ابي اعمل.. كنت واقفه زي الي فاقده ذاكره.. انتبهت انه في احد وراي.. عملت روحي مشغوله
مزيان: واقفه والتفكير ماخذ احساسك
ليال تبتسم: تصوري اني دخلت المطبخ ووقفت.. نسيت انا ليه داخله
مزيان تضحك: انتي بعد تجيك هالحالات.. انا تجيني كثير
ليال تضحك: حريم وبالنا مشغول على طول
مزيان: صحيح.. بالنا مشغول على طول
ليال: بايش تفكري
مزيان تبتسم: بحسن.. وحشني كثير
ليال تشوف عيونها: بخاطري جمله ابي اقولها.. بس يمكن تزعلك
مزيان: ماراح ازعل عارفتك.. كلامك موزون
ليال تبتسم: ماهو بكل الوقت
مزيان: لا تخافي.. قولي
ليال: انه يموت وانتي تحبيه.. احسن مايعيش وتكرهي نفسك لانك حبيتيه
مزيان تضحك: صدقتي.. انا ما اعترض على حكم الله.. بس هذا ما يمنع اني اشتاق له
ليال: والشوق له بيوصلك لفين
مزيان: لفين؟.. الله العالم
ليال: لازم تحددي مصيرك.. حالك ماهو عاجب الكل.. خوله دوم قلقه عليكي
مزيان: الله يخليها لي خوله.. دوم القاها الصدر الحنون
ليال: ويخليها لي انا كمان.. ماني عارفه اعيش بدونها.. احس روحي ضايعه
مزيان: تعبتي كثير لحد ماوصلتي البحرين؟
ليال: مافهمت
مزيان: اقصد وقت الي هربتي من لندن.. كيف عشتي وين رحتي
ليال: ما احب اتذكر هذاك اليوم
مزيان: تخافي من ذكراه
ليال: لو ما الله كاتب لي النجاة كنت ميته الان
مزيان: بعيد الشر عنك.. وزوجك؟
ليال: ماله
مزيان: الي اعرفه انه ماله ذنب بالي صار
ليال: حذرته من قبل وماصدقني.. الان خلاص.. المهم عندي بناتي.. مستحيل اسمح لاي شي يفرقني عنهم مستحيل
مزيان: بناتك محتاجين ابوهم بعد
ليال: بعوضهم عن كل شي.. حتى عن وجوده
مزيان: ماراح تقدري
ليال: تبيني ارجع له؟
مزيان: ما هو ذا قصدي
ليال: تبين تتأكدي اني ماراح ارجع له صح
مزيان: الحلو فيكي انك ذكيه.. فعلا ابي اتأكد انك ماراح ترجعي له بالمره
ليال: هذا صحيح ماراح ارجع له ابد.. بس هذا ما يعني اني راح اتزوج غيره
مزيان تضحك: يعجبني ذكائك.. على فكره من شوي حسيتك انتي بعد انك تبيني اتزوج واشوف حياتي
ليال تضحك: كل وحده فينا تلعب على الثانيه..فعلا هذا الي قصدته من شوي
مزيان: صدقيني اذا حسيت اني برتاح في زواج ثاني.. ماراح اتأخر
ليال تناظرها: اتحداكي.. منتي ناويه على الزواج ابد
مزيان: هههههههههههههه .. خلينا نكشف اوراقنا
ليال: موافقه
مزيان: جراح يبيكي
ليال: عارفه هالشي.. والي اعرفه بعد انه وصلكم ردي
مزيان تشوف عيونها بجديه: جراح يبيكي
ليال تبتسم: .......................
مزيان ما نزلت عينها: جراح يبيكي
ليال: هذا تأكيد قوي
مزيان: اخوي بحياته ماحب.. عرف حرمه وتعلق فيها.. وتزوجها وكان فاكر انه يحبها.. بس هالحرمه استغلته اسوء استغلال
ليال: الوالده صار لها زمان من توفت
مزيان: توفت وهي تولدني
ليال: ياقلبي.. الله يرحمها
مزيان: ابوي مات وانا عمري 8 سنين
ليال: الله يرحمهم..
مزيان: عشان كذا تعلقت بجراح.. عوضني الكثير.. على قوته وحدته وعصبيته.. بس احن من قلبه مافي.. جراح شرس ممكن اسميه ذيب اذا حس بالي قدامه يلعب عليه.. بس رجال واخو دنيا لاصحابه والي يغليهم
ليال: لا تمدحيه لي.. انا عارفه جراح كويس.. عارفه اسلوبه في الشغل وبرا الشغل.. عارفه تقريبا كيف عايش وليه عايش
مزيان مستغربه: ومنين تعرفي كل ذا
ليال: لافي.. تصوري ان لافي عطاني فايل كامل فيه كل كبيره وصغيره عن جراح
مزيان: وانتي درستي هالمعلومات
ليال: اكيد.. اجل كيف لافي كان يبي يستغلني في شغله ويلعب على اخوكي
مزيان: وبعد كل الي عرفتيه عنه.. ماتحسي انه بيحميكي انتي وبناتك
ليال: مزيان انا رافضه الزواج.. وجود جراح جنبي بيعرضني وبناتي للخطر.. ليه ماتبين تفهميني
مزيان: طيب ماتبين تتزوجيه فهمناها.. على الاقل قولي انك مرتاحه له.. معحبه فيه
ليال: مزيان لا تكذبي على نفسك.. انا ماعندي هالشعور تجاه جراح
لينا تدخل عليهم بفرح: احمد وصل احمد وصل.. شفتهم من البلكون
ليال تضحك: الله يخلف عليكي بالعقل
مزيان: روحي له.. جايتنا ليه
لينا بفرح: ابي اقول لك ان جراح معاه
ليال: روحي جهزي روحك طيب.. بتقابلي الرجال وهذي حالتك والله يهج
لينا تركض: بروح بروح
ليال تمسك مزيان: الكلام الي قلناه بيننا.. مايطلع برا
مزيان تمسك يدها: سرك في بير.. ودي اكون اختك.. كفايه انك رضيتي تفتحي قلبك لي.. ماراح اخون ثقتك تأكدي
كنت مبسوطه منها.. هي كمان عانت بحياتها.. عاشت يتيمه لا ام ولا اب هي كمان تدور على المجموعه.. وعارفه ان جراح هو بعد محتاج لهالمجموعه.. بس ما اقدر اخليه يكون جزء منها.. اماني انا بعد مهم.. اسبقتني مزيان للصاله تنتظر جراح.. ظليت بالمطبخ شوي.. دخلت لمى علي.. عملت حالها تشرب مويه.. اخذت نفسي ومشيت.. دخلت غرفة العيال ولقيتهم صاحين ويلعبو مع مربيتهم.. محمد ياقلبي كمان صاحي.. ظليت شويه معاهم ورحت غرفتي غيرت ملابسي.. وصلو الرجال وانا كنت بغرفة ملابسي.. سمعت بابي انفتح وتسكر ومافي صوت!!.. قلت اكيد انها لمى.. بس ماهو وقته للكلام.. وحتى اذا بغت تتكلم ضروري اني اسمعها بس الان ابي اطلع اسلم على احمد قبل لاياخذ لينا ويمشون.. ابي اعطيهم هديتهم لسا ما هاديتهم.. طلعت من غرفة الملابس.. وتفاجأت انه الغرفه خاليه.. قلت احتمال ان لمى دخلت ومالقت احد وبعدين اطلعت.. شوي واحس بيد تمسك كتفي وتجرني
ليال بخوف: بسم الله الرحمن الرحيم
خوله بصراخ: انا جيت
يا حبيبة قلبي.. رعبتني بس كانت مفاجأه حلوه.. اول ما ادخلت جات تشوفني.. لسا حتى ما شافت عيالها.. صرت حاضنتها واناقز زي القرود.. وحشتني المجرمه
خوله: حيلك حيلك.. ماني قادره اتنفس
ليال حاضنتها بقوه: وحشتيني وحشتيني.. ماني عارفه اعيش بلاكي
خوله تضحك: حرام عليكي اكلمك كل يوم خمس مرات هذا ما يكفي
ليال بدلع: لا ما يكفي.. شوفتك ووجودك غير
خوله تحضنها: ياروحي انتي
ليال: عبدالرزاق برا؟.. بروح اسلم عليه
خوله: لا عبدالرزاق بقطر.. قلت له يجلس مع امه كم يوم.. الحرمه انكسرت بعد عبدالرحمن
ليال: الله يعينها ويصبرها
خوله: بروح اشوف عيالي
ليال: محمد صاحي مع بناتي.. وسالم مع ريما طالعين مع حنان وعيالها
خوله: كل شي تمام؟
ما ادري ليه حسيت بخوف من سؤالها.. رديت عليها بأن كل شي بخير.. بس كنت اكذب عليها.. لسا موضوع عزيز ولمى شاغلني.. كنت مهمومه في داخلي.. واكيد راح اقول لها.. بس خوله عجوله.. واخاف من تهورها.. طلعنا لغرفة العيال وجلسنا معاهم شويتين.. وبعدين طلعنا للي برا.
ليال بفرح: وخالد هنا بعد!!.. الحمدلله على السلامه
خالد: الله يسلمك.. قلت زوجتي طالعه مع العيال اكيد بترجع على هنا
ليال تبتسم: تفكيرك صح.. مابقى شي وترجع.. الساعه الان قربت 6:30.. اكيد انهم على وصول
احمد: كل شي بخير؟
ليال بتردد: كل يوم اكلمك وما تغير شي
جراح يبي يلفت انتباها: ليال اخبارك؟
ليال تبتسم: الله يسلمك.. ان شا الله ماتعبتو في الرحله
جراح يبتسم: الحمدلله.. مافي تعب ان شا الله
ليال: عبدالرزاق كيفه الان
احمد: محتاج وقت.. الي هو فيه ماهو شوي
ليال تلتفت على جراح: بوصبا.. ودي اشوف نسخه من تقارير الحادث
جراح بثقه: توصلك ان شا الله
لينا تطلع من الغرفه: يلا احمد انا جاهزه
احمد: يلا تراني تعبان
خالد: عبدالعزيز وين!!.. ما جا يسلم
ليال: ماعنده خبر عن وصولكم اكيد
خالد: انا مكلمه
ليال: طيب دق عليه شوفه
خالد: لا انا بروح له
مزيان طلعت بشنطتها: انا بعد جاهزه يا جراح.. جويل يلا جيبي البنت حنا ماشيين
جراح بغيره على ليال: جيبي البنت جويل
جويل: حاضر استاز
ليال: احمد انا ما هاديتكم
احمد بحده: وتشوفين هذا وقته
ليال بدلع: الا هذا وقته.. كم احمد ولينا انا عندي
جراح بضيق: اعذرونا حنا.. تعبان ومحتاج ارتاح
احمد: والله وانا بعد التعب هد حيلي.. ليال الله يخليكي اجلي هالشي
ليال بحده: بتسمعو الكلام انتو الان وتوقفو ولا كيف يعني
جراح يشوف حدتها بابتسامه تذوب: اسفين.. امرينا ايش تبين
ليال تلخبطت: ابي صبركم شوي.. بهادي احمد وليال.. أأأ اقصد لينا.. وكل واحد يروح مكان مايبي.. فيها شي هذي
جراح مبتسم: الي تشوفينه.. تفضلي
ليال تروح غرفتها: انتظروني شوي
احمد يهمس: تراني كاشفك.. امسك روحك شوي
جراح بهمس: الكل عارف اني احبها.. يا اخي حتى وهي معصبه تاخــ......... ييييييييه ايش جرالي
احمد يضحك: ماهو منك من الي فيك
جراح بهمس: بس يارجال نسيت نفسك
احمد بهمس: بتقلب الطاوله على الحين
جراح بهمس: ايوا جالس تخربط.. تحبها وعصبيتها.. استح على وجهك بس
احمد: هههههههههههههههههههههههه
جراح بهمس: قصر حسك فضحتنا
احمد يضحك: انت الي فاضح روحك
جراح بهمس: ايش اسوي قلت بطلع بس امسكت فيني
احمد بهمس: لا تصدق روحك تراها امسكت فيني
جراح بضيق: ولازم تذكرني يعني
وصلت ولقيت احمد وجراح يتهامسو.. كنت واثقه انه الحكي على.. طلعت من شقتي واطلعو معاي.. وصلت للشقه الي جنبي وفتحتها بالمفتاح..
ليال: افتحي الباب
لينا مستغربه: وبعيدن
ليال: هذي هديتي لكم.. الشقه هذي لكم حتى تكونو جنبي
لينا بخوف: بس احنا متفقين اننا بنسكن مع اهل احمد
خوله: افتحو الباب وادخلو اشوف.. سمعوني زين.. العشا عندكم.. الساعه 10:00 باليل الكل بيكون هنا ويلا.. روحي خلي زوجك ينام ويرتاح.. واذا حسيتي روحك تمللتي.. تعالي عندنا
لينا تشوف احمد: .......................
احمد يبتسم: انتي اختاري اش تبين.. وانا تحت امرك
لينا بهمس: لا انت اختار.. انت الرجال
جراح يضحك: يعني ماحد سمع انتي ايش قلتي
مزيان تضحك: احرجت البنت
جراح ونظراته مركزه على ليال: ايش احرجتها الكل سمعها
خوله: وبعدين معاكم يلا خلونا نروح نرتاح
ليال ولا تردي عنه: يلا يالينا
احمد: قولي ياقلبي اش تبين
لينا تبتسم: ابي هنا.. جنبهم
ليال بفرح: ايواااااااااااااااا
شفته كمان مره كيف يشوف تصرفاتي.. كنت مبسوطه ماحسيت بروحي.. وهو يتبع كل تحركاتي.. ما انكر ان ابتسامته ضيعتني قبل شوي.. بس لا انا قلت قراري وخلاص.. قراري ما اقدر ارجع فيه.. يا اختار سعادتي مع رجال مثل جراح.. او اني افقد بناتي.. مستحيل ارضى بهالشي.. حسيت روحي فجأه حزينه.. انتبهت ان عيوني كانت بالارض.. رفعت عيوني ولقيته شوفني بخوف.. اكيد حس علي.. ما مهم.. المهم عندي بناتي.. طلع خالد وعزيز.. وكنت في دنيا ثانيا.. الزقت مزيان بي
مزيان بخوف: فيكي شي.. وجهك يقول تعبانه
ليال تبتسم: سلامتك انا بخير
عبدالعزيز يحضن احمد: حمدلله على السلامه يالغالي
احمد يسلم بحراره: الله يسلمك
عبدالعزيز يمد يده: حمدلله على السلامه ياخوي
جراح يبتسم غصب: الله يسلمك.. كيف حالك
عبدالعزيز يناظر ليال: بخير عساك بخير.. ام سالم الحمدلله على السلامه
خوله: الله يسلمك ياخوي
عبدالعزيز: ليال اشلونك
ليال بضيق: الحمدلله
جراح بغيره: يلا يامزيان نمشي
مزيان: يلا اسمحولنا.. جراح تعبان
خوله: لا تنسين مزيان.. اليله العشا عند احمد
&&&&&&&&&&&&&&&&&&&&&&&&&&&
7:00 اليل
فيلا العايله ..جناح سلطان..
السعوديه
سلطان: وليه مستغربه يما
ام سلطان بقهر: عشان حالك انت وياها ماهو عاجب الكل.. انت منت طبيعي.. تصرفاتك تقول انك منت مبسوط او مهموم.. او بك شي ماني عارفته
سلطان يبوس راسها: وليه العصبيه يا ام سلطان.. ماصار شي لذا كله
ام سلطان بخوف: لا يما صار.. قلبي ماهو متطمن عليك.. قلبي مقبوض
سلطان: تعوذي من ابليس يا ام سلطان.. مايصير الا الي ربي كاتبه
ام سلطان: يا يما قول لي ايش فيك.. ليه متغير هاليومين
سلطان يبتسم: والله يا يما ما ادري.. احساس كذا ماني عارف له تفسير.. يما
ام سلطان بخوف: يا روحي يما
سلطان يرمي براسه في حضنها: لا تخافي يما.. انا بخير صدقيني.. لا تخافي علي
ام سلطان: طيب قول لي الاحساس الي داخلك يمكن اعرف ايش فيك
سلطان: ماني عارف اوصفه.. احساس حلو
ام سلطان تمسح على شعره: ربي يطمني عليك.. ويفرحني بذريتك.. ويوفقك بحياتك
سلطان يناظر عين امه: لا مابي ذا الدعا كله.. قولي الله يرضى عليك
ام سلطان تدمع عيونها: ربي يرضى عليك.. زي منت مرضيني ومرضي ابوك
سلطان بفرح: صدق يما.. راضيه علي انتي وابوي
ام سلطان: راضيه من قلبي عليك.. ربي يرضى عليك ويهنيك
سلطان يقوم من حضنها: ماقلتي لي.. ايش اتفقتو انتي والحريم
ام سلطان: مها تقول ماتبي حفله ولا تبي شبكه
سلطان مستغرب: وليه!!!
ام سلطان: خايفه على الكل من لافي يما.. ماتبي تطلعون من البيت ولا تبي احد يدخله.. حتى لافي ما يضر احد
سلطان: حنا نطلع كل يوم نروح اشغالنا.. لافي ما بيسجنا ببيوتنا رعب منه!!.. قولي لها ما يقدر يسوي شي
ام سلطان: يا يما عجزنا معاها.. ماهي راضيه
سلطان: خلاص اجل اعطيها فلوس الشبكه في يدها.. بكره اذا تزوجنا آخذ لها
ام سلطان: خلاص يما الي تامر عليه
&&&&&&&&&&&&&&&&&&&&&
7:30 الليل
فيلا خالد ..الصاله الارضيه..
البحرين
سمر: ماما انا طالعه انام
راكان: وانا بعد تعبان بروح انام
حنان: يلا وانا بعد ابي ارتاح.. لا تنسو تبدلو ملابسكم.. راكان اياك ادخل عليك والقاك بالملابس هذي
خالد: مفكرتهم عيال صغار!!!
حنان تركب الدرج: لا اشوف التعب بعيونهم.. اكيد بيتكاسلون يغيرون ملابسهم
لبنى: من صدق طالعه تنامين!!
حنان تلف: من جد تعبانه ليش تبين شي
لبنى: بدري وبعدين احنا معزومين عند لينا الليله
حنان: أي عارفه.. سمر وراكان ما ودهم يروحون.. انا بريح شوي وبعدين بستعد
لبنى تقوم: انتظريني جايه معاج
حنان تروح عنها: عن الدلع.. منتي تعبانه.. وشكلك تبين تسولفين.. عندك زوجك سولفي معاه لحد ما اصحى
لبنى تركض وراها: انتظـــــ................
خالد يمسكها: وبعدين معاكي انتي
لبنى: خير اش تبي
خالد: انا جاي من قطر عشان تلحقين حنان
لبنى: ومن قال لك تعال من قطر
خالد بهمس: قلبي
لبنى بهمس وتقلد اسلوبه: خلاص خلي قلبك يجلس معاك
خالد يبتسم: قلبي جالس معاي.. وانا ماسكه بقوتي وبشوف اشلون يتركني ويمشي عني
لبنى: اترك يدي
خالد: لا
لبنى: خالد
خالد: يا روح خالد
لبنى: اترك يدي
خالد: قلت لا.. تعالي معاي
لبنى بخوف: وين
خالد: نجلس.. ولا تبين نروح غرفتنا نرتاح
لبنى تحاول تفك يدها: ما ابي اجلس ولا ابي اروح معاك أي مكان
خالد يجرها لحضنه: ولا حتى في قلبي
&&&&&&&&&&&&&&&&&&&&&
8:45 اليل
شقة ليال ..غرفة العيال..
البحرين
رجعت لغرفة البنات مره ثانيه.. جلست معاهم العبهم.. سالم طبعا نايم.. جا تعبان مره بعد اللعب مع ريما.. شفت الحلا النومه قاتلتها خليتها بفراشها ورجعت كملت لعب مع محمد والغلا.. خوله طلعت مع جراح ومزيان ولمى حتى يشترو هديه لاحمد ولينا.. وام لينا والبنات رجعو لبيتهم حتى يجيبو اغراضهم لاني حلفت على خالتي تجلس عندي اسبوع.. وهي المسكينه ماصدقت.. كنت حاسه بخوفها من بعد لينا.. ومن اول ماقلت لها تجلسي عندي وافقت على طول.. يا حبي لها.. خالد كان ينتظر جية لبنى بفارغ الصبر.. اول ماجاو اخذ زوجته وحنان وعيالها وراحو على بيتهم.. جاني تلفون من سلطان.. تركت العيال مع المربيه وصوفيا.. وطلعت للصاله اتكلم معاه.. جلست اسمعه وهو يسولف عن مها.. حسيته سعيده مره.. كنت اتمنى اني اتطمن عليه.. والحمدلله هذا هو بيتزوج وان شا الله ربي ييسر اموره ويسعده.. كان بين كل جمله وجمله يقول لي منتي زعلانه مني.. كان يعتذر لي عن كل شي عمله معاي.. حتى واحنا صغار.. كنت مستغربه عليه.. بس مبسوطه منه لانه رجع يعيد حساباته مع الكل.. سوسن يوميا تكلمني وتسولف لي عنه.. منال مع كل اتصال لازم تقول لي على موقف من مواقفه.. في النهايه كنت مبسوطه.. سكرت المكالمه معاه.. ورجعت على العيال.. صحت الحلا وهي تبكي.. ماصار لها وقت كبير من نامت.. حملتها بين ذراعي اهديها.. لقيت اختها تبكي هي بعد.. وهالمره بكاهم ماهو طبيعي.. جلست مع المربيه نحاول نهديهم بس مافي فايده.. البكا مختلف ماهو زي كل مره يبكون فيه.. حسيت قلبي وقف.. طلعت ادور على الي هنا.. تذكرت انهم طلعو.. انشل تفكيري عيالي يبكون وانا ماني عارفه كيف اتصرف.. اروح وين.. خان مع خالتي ام لينا.. ايش اسوي.. فتحت باب الشقه ورحت اتلفت.. ماعندي بعد الله غيره.. دعيت الله انه يكون بالشقه.. تمنيت من قلبي انه بالشقه.. دقيت بالباب بجنون.. رحت اناديه استنجد به.. كنت فاقده عقلي للي اسويه.. فتح الباب والخوف ماليه
ليال برعب: عيالي ما ادري ايش جرا لهم.. عيالي
عبدالعزيز بحده: وين العيال
ليال تأشر: هناك.. مع المريبه
عبدالعزيز: روحي جهزيهم بناخذهم للمستشفى.. بلبس وبجيكي
ليال برعب: اخاف اروح والقاهم ميتين.. بموت بعدهم
شفته تركني.. وراح يركض لغرفته لبس ثوبه وجا يركض.. كنت واقفه خايفه ادخل على البنات.. مسكني من كتفي.. وصفعني بحده.. يمكن بعد الكف الي جاني دخلتني شوية قوه بس ظليت واقفه برا الشقه ودموعي ماهي موقفه.. دخل على غرفة البنات.. وقال للمربيه تجيب عبايتي وغطاي.. حمل البنتين مع صوفيا ووصل عندي
عبدالعزيز بحده: البنات بخير ومافيهم شي تحركي البسي عبايتك مافي وقت
ليال برعب: بدق على فيصل
عبدالعزيز: لا العيال محتاجين طبيب اطفال.. عجلي
لبست العبايه.. وحملت وحده منهم والثانيه بيد المربيه.. صار يسوق فينا بسرعه لحد ماوصلنا المستشفى.. تم كل شي بسرعه.. رحنا على قسم الطوارئ.. وبسرعه فحصو العيال.. العيال صار جسهم احمر من ايش ماني عارفه.. صار جسهم مليان حرار.. وبكاهم بكا ماهو طبيعي.. كنت واقفه برا الغرفه وعزيز داخل معاهم.. سمعتهم هدو.. وبكاهم اختفى.. خفت من قلبي يكون جرا عليهم شي.. رحت ركضت ابي اطلع من المكان الي انا فيه.. حسيت روحي وقفت.. رفعت يدي اغطي اذني ما ابي اسمع شي.. ما بي اعرف ان عيالي صار لهم شي.. شفت المربيه تركض وراي تمسكني
مارلين: ماما.. بابا يبيكي
ليال بخوف: والعيال
مارلين تبتسم: كويس ماما
حسيت براحه من سمعت انهم كوسين.. رجعت امشي للغرفه الي كانو فيها.. وقفت انتظر عزيز.. قلبي كان تعبان مره.. وروحي احسها هربت مني ورجعت مره ثانيه.. كنت ابي اشوفهم
عبدالعزيز: ليال تعالي الدكتور يبي يكلمك
ليال بخوف: العيال فيهم شي!!
عبدالعزيز يبتسم: لا يا خوافه تعالي اسمعي الدكتور يبي يقولك اش صار
ليال تجر رجولها: عزيز ماني قادره اتحرك
ما حسيت برجولي تتحرك.. ما كنت قادره امشي.. كنت واقفه بس.. جات المربيه وامسكتني لحد ماجلست على الكرسي.. ركض عزيز يجيب لي مويه.. فعلا كنت محتاجه للمويه.. حسيت بريقي نشف.. ارتحت شوي ورجعت للدكتور مع عزيز.. طمني على البنات.. وقال لي ان الي صار لهم نوع من انواع الحساسيه.. ما اذكر ايش اسمها.. بس المهم انه اعطاهم ابر.. تروح الي فيهم.. بس محتاجين للابر هذي لمدة يومين بعد.. ارتاح قلبي كنت حاملتهم بين يدي وابوس فيهم قدام الدكتور.. طار عقلي.. الحمدلله.. ركبت السياره مع عزيز.. وهم بحضني ما رضيت انه المربيه تشيلهم.. كنت ابكي على حالي كلما تذكرت ايش صار لي من شوي.. عرفت ان بناتي نقطة ضعف كبيره لي.. كيف اقدر اداري هالشي.. ما اقدر.. ما اقدر.. روحي متعلقه بهم.. ماني عارفه ليه تذكرت ناصر.. صارت دموعي تنزل اكثر من تذكرته.. ماعرف كيف يحمي عيالي الي راحو.. ماعرف اني من غيره ضايعه.. وبوجودي معاه بعد ضايعه.. وصلت العماره ولقيت خان واقف تحت عند البوابه والخوف باين عليه.. طمنته وقلت له عن العيال
عبدالعزيز: انا نسيت تلفوني بالشقه
ليال تنتبه: وانا بعد
عبدالعزيز: تلاقين خوله عامله مناحه عليج فوق
ليال: خلنا نطلع بسرعه
ركبنا المصعد.. واخذ من يد المربيه الغلا.. كان يلاعبها وهي نايمه.. بس كانت تبتسم في نومتها.. كنت ابتسم مع ابتسامتها.. وابكي في نفس الوقت.. كنت حاسه اني بنحرم منهم.. احساس فضيع بالضعف.. احساس عمري ماحسيته.. اليوم ذقت معه طعم المر
عبدالعزيز: كنت ابي اشرح لك الي صار بيني وبين لمى
ليال بحزن: سبق وقلت لك هذي حياتك.. ماهو انا الي بحاسبك
عبدالعزيز يبتسم: لا تخافين اخوك طول عمره رجال.. مافي بيني وبين لمى أي شي حرام
ليال تبتسم: الحمدلله
عبدالعزيز: ماتبيني احلف
ليال: قلت لك ماهو انا الي بحاسبك
عبدالعزيز: اكيد احساسك يقول اني نظيف غير جذي كنتي مسحتيني من الدنيا
ليال تبتسم غصب: مع انك ذكي.. بس ماني عارفه ليه معيش روحك بحزن
عبدالعزيز: الله كريم.. يعيشني براحه ويعيشك براحه انتي بعد
ليال تشوف البنات: آمين
انفتح باب المصعد.. وشفت جراح وبيده التلفون وكان يصرخ للي يكلمه.. من شافني قفل الخط وصار يناظرني بحده وبغضب كبير.. كان باب شقتي مفتوح.. وانتبهت انه باب شقة عزيز بعد مفتوح.. تذكرت اننا طلعنا وما انتبهنا للابواب انها مفتوحه.. شوي وطلع رجال من شقتي لابس بدله شرطه.. خفت وحاولت استخبى ورا عزيز.. ايش الي ممكن صار
احمد بحده: انتو بخير؟
عبدالعزيز: الحمدلله بخير
خوله تبكي: ذبحتيني تعرفين اشلون ذبحتيني.. وين كنتي
عبدالعزيز: بشويش عليها.. العيال صارت معاهم حساسيه شديده واخذناهم للمستشفى
احمد بحده: تاخذهم على المستشفى وتاركين الابواب مفتوحه كأنه احد خطفكم
عبدالعزيز: والله اسأل الي ماعندها عقل.. البنات تعرضوو لحساسيه من تغيير الجو.. وهي صراخ وبكا تقولك ماتو
خوله بحده: بعيد الشر عنهم
عبدالعزيز يبتسم: اكيد بعيد الشر.. بس هذي مو كلامي.. كلام العاقله الي في حضنك
خوله حاضنتها: انتي بخير ياقلبي
ليال تهز راسها لا: ........................
لينا: الحمدلله انه مافيهم شي.. جيبي البنت يا مارلين
يتبع
|
06-04-09, 11:41 PM
جديد مواضيع قسم الارشيف
العرض العادي
