3:00 الظهر
شقة ليال ..البلكون..
البحرين

ليال بخوف: يعني ايش؟
خوله: عارف انك ليال النشمي.. عارف انك زوجة ناصر ولد لافي
ليال بخوف: بناتي.. باخذ بناتي وبهرب لاي مكان.. ماعندي وقت.. لافي بيذبحهم
صلاح يمسكها: ايش قلنا يا ليال اهدي شوي
عبدالرزاق متردد: اهدي يا ليال مافي خوف من جراح.. ماحد يعرف ان جراح في البحرين.. لافي ما يعرف أي شي عنك ولا عنه.. وبعدين جراح قرر يسافر اليوم
ليال: مخبي علي شي ثاني يا عبدالرزاق.. عيونك تقول انه في شي مخبيه عني
سلطان: قول الي عندك ياخوي.. لاتخبي شي ابد
عبدالرزاق: لافي ورا ذبح عيالك.. الاول والثاني
حسيت الدنيا تلف فيني.. وقفت على حيلي ورحت أتأمل عبدالرزاق واشوف عيونه.. كنت ابي اعرف الي سمعته صدق ولا خيال.. يمكن اني احلم.. عيالي ذبحهم لافي.. كيف ليه.. عبدالرزاق قال كل شي قاله جراح.. ماكنت مستوعبه.. ليه.. ليه.. مسكت راسي لقيت صلاح ماسكني.. وشفت نوف منهاره.. كنت ابي اعرف ليه.. بس ابي اعرف ليه.. ليه يذبح عيالي.. ليه كان مهتم بي وبحملي.. ليه كان حنون علي في فترة حملي.. ليه انتظر خمس شهور حتى يذبح الثاني.. ليه.. كنت ماسكه راسي من الوجع ومن هول الي سمعته.. غصب عني بكيت على عيالي الي ذبحهم.. كنت الوم حالي والوم ناصر على موتهم.. اتضح ان لافي ورا ذا كله ليه.. ليه.
صلاح: عبدالرزاق دق على فيصل
عبدالرزاق: ان شا الله
ليال بحزن شديد: لا.. بروح اجلس مع بناتي
خوله: نروح مع بعض.. تعالي يانوف
نوف بحزن: روحو انتو ابي اجلس مع صلاح
دخلت غرفة بناتي حملتهم مع بعض.. كنت اشوفهم بحزن.. ايش مخبي باكر لهم.. خوفي عليهم لا يعرف جدهم بوجودهم.. ليه ذبح عيالي ليه.. اللهم آجرني في مصبتي.. واخلف عليا خيرا منها.. تذكرت اني كنت اردد هالدعاء كثير.. ربي ماقصر خلف علي بالخير الكثير لازم احافظ عليه.. لازم احافظ عليه
خوله: زين الي نوف رفضت تجي معانا
ليال بحزن: في شي ما قلتوه
خوله: فيه اهم شي لازم تعرفيه
ليال بضيق: لافي يحبني ويبيني له!!
خوله تبتسم: بعيد عن عينه الي ما يخاف الله
ليال: اجل ايش
خوله: جراح
ليال: يحبني
خوله مستغربه: كنتي عارفه!!!!!
ليال: توقعت.. قولي له لا
خوله: انا ما اقولك هالكلام عشان تقولي لي لا.. انا اعطيكي علم بس
ليال بضيق: باين عليكي انك مشجعه هالفكره
خوله: ما بكذب عليكي واقول لا.. تبين الصراحه انا احب جراح كثير.. وعارفه انه امانك معاه.. وقت الي قلت هالشي لعبدالرزاق.. صرخ علي وبهدلني قدام جراح.. قال لي انك انتي تقرري هالشي.. ماهو انا
ليال بضيق: وقراري هو لا
خوله: ما حد طلب منك تقولي قرارك جراح خلاص مسافر الليله.. وماينتظر منك القرار.. يبي يبتعد عنك حتى ما يثير شكوك لافي.. الرجال يحبك
ليال: وانا احب بناتي.. ماراح اسمح لاي شي يفرقني عنهم ابد ابد
خوله: ليال انتي خبله.. مين يقدر يفرقك عنهم
ليال: الحيوان الي اسمه لافي
خوله: اتركي الهباله عنك.. ما يقدر يمسهم بضر طول ماربك حافظهم.. وتارك ارواحنا جنبهم انتي سامعه
ليال تبكي: الله يخليكي لي
خوله تحضنها: طول عمرك قويه ليش خايفه جذي
ليال: اذا ذبح بناتي بموت .. بموت
خوله: باذن الله مايقدر يمسهم.. قومي غسلي واسجدي سجودك وخلي ربي يبعث الراحه بقلبك.. قومي يلا
صح.. كلامها صح.. محتاجه امان ربي.. قمت وغسلت وسجدت سجودي.. ورحت اشكي اهمي وخوفي لربي.. جلست مده.. كنت احس بسلطان يجي يتطمن علي ويروح.. كنت احس بخوفه.. ما اكذب اذا قلت كنت اسمع دقات قلبه.. كنت احس بالخوف عليه ماهو علي او على عيالي.. الخوف على سلطان.. اللهم لا اسألك رد القضاء ولكني اسألك اللطف فيه

&&&&&&&&&&&&&&&&

4:00 العصر
فيلا لافي ..غرفة لافي..
لندن
لافي على التلفون: ايش يعمل في عمان
واحد من رجال لافي: اخته بعد ماطلعت من العده.. قال يبيها تغير جو
لافي: يعني ما في شغل هالاسبوع الي راح
واحد من رجال لافي: ابد.. زياره خاصه
لافي: ومن الي يتبعه الان
واحد من رجال لافي: صاحب لنا في عمان.. يقول طيارته الخاصه موجوده في المطار العماني.. ولسا ما اعلن انه راجع لندن
لافي: طيب سكر انت الحين واتصل بي اذا عرفت شي جديد
ام ناصر تدخل الغرفه: حبيبي
لافي: هلا بالعروس
ام ناصر بدلع: ياحلو الدلال منك
لافي: تعالي اجلسي جنبي
ام ناصر: اشرب العصير بالاول
لافي ياخذ الكاس: يا سلام.. يا حلو هالعصير
ام ناصر تبتسم: هني وعافيه
لافي: يعافكي لي.. ولي بروحي
ام ناصر: ما قلت لي
لافي: خير
ام ناصر: متى نروح السعوديه.. الليله؟
لافي: لا اجلت الرحله لبكره
ام ناصر: ليه
لافي يبتسم: انتظر خبر حلو.. بيفرح قلبي
ام ناصر: فرحني معاك
لافي يضحك: اليله بتسمعي الي يسعدك على ايش مستعجله
ام ناصر: تبي الصراحه مستعجله على شوفت ولدي ودي اروح اليوم للسعوديه
لافي يقوم عنها ويسكر الباب وراه بقوه: الله ياخذك ويريحني منك.. الف مره قلت لك لا تجيبي سيرة عيالك وانتي بالغرفه.. الحمار يفهم وانتي لا.. ابد ما تتعلمي.. عجزت وانا اعيد هالكلام عليكي.. مين هذا بعد الي يدق علي.. الو
عبدالرحمن بحده: لااااااااااااااااافي
لافي مستغرب: وش هالحده يا عبدالرحمن اش صاير معاك
عبدالرحمن بحده: انت ما تستحي.. انت اشلون اب.. اشلون تطلب من بنتك يالي ما تخاف الله.. بنتك الله ياخذك.. اشلون بتقابل الله.. كيف.......
لافي يسكر الخط بوجهه: لا توجع راسي زين.. كان معاي حق وقت الي قلت موتك يريحني.. وهالكلبه معاك.. تتحامي بعبدالرحمن يا عبير.. طيب يا حبيبة ابوكي.. مالقيتي غير عبدالرحمن تقولي له.. ماشي.. انا اوريكي.. وليه اوريكي.. الليله بدفنك هذا اذا لقيت جثتك

&&&&&&&&&&&&&&&&

6:00 اليل
شقة عبدالعزيز ..غرفته..
البحرين
ليه ما ترد.. وينها فيه.. البارح ما فيها شي.. وينها.. راسي يلف.. تكون عند امها.. بتصل المستشفى اتأكد.. لا بنتظر شويه لحد هي ما تتصل.. يكون ابوي معاها وشايف التلفون الان؟ ورقمي باين له.. هو مايعرف رقمي.. ياربي سترك ابليس يلعب براسي.. ماني عارف اتصرف.. بتصل المستشفى اشوف
عبدالعزيز: السلام عليكم
الممرضه: وعليكم السلام
عبدالعزيز: حبيت اسأل عن المريضه.. شيخه جاسم
الممرضه: في غيبوبه يا خوي
عبدالعزيز: الله يعافيها من الشر.. في احد معاها بالغرفة
الممرضه: لا والله ياخوي ماحد زارها اليوم
عبدالعزيز: شكرا اختي ماقصرتي
وين راحت بس.. اكثر من 4 ساعات وانا اتصل.. معقول زعلانه مني.. يمكن عشان صارخت عليها البارح.. بس نرفزتني.. قلت لها لا.. وهي دايم تصر اذا انا تراجعت عن شي طلبته منها.. عنيده وراسها يابس.. كيف اتطمن عليها الحين.. قلبي مشغول وحاسس بمصيبه.. جرس الباب؟
عبدالعزيز يقوم يفتح: هلا وغلا بوسالم
عبدالرزاق: بالمهلي وينك حابس روحك
عبدالعزيز: حياك استريح.. شفت الاوضاع هاديه قلت اريح بشقتي
عبدالرزاق: عندي اخبار ما تسر
عبدالعزيز: اعوذو بالله اش صاير
عبدالرزاق: جراح عارف كل شي عن ليال
عبدالعزيز بخوف: وشنو ردة فعله
عبدالرزاق: بيبتعد حتى ما يعرف لافي طريق ليال منه
عبدالعزيز يبتسم: وتقول اخبار ماتسر.. الا تفرح
عبدالرزاق: بالنسبه لك
عبدالعزيز: وليش عاد.. المهم انه بيبتعد.. وليال بترتاح من التفكير والقلق الي معيشه نفسها فيه.. انبسط يا رجال
عبدالرزاق: افكر اني اقول لها
عبدالعزيز من غير لا ينتبه: خير ما تعمل.. انا افضل هالشي بعد.. عطها الصوره كامله بالكلام الي قاله لك جراح
عبدالرزاق: اكيد اكيد.. بس خوله معارضه اني اتكلم معاها.. تقول هي كلمتها وليال رفضت
عبدالعزيز ماهو فاهم: ارفضت؟!!! ارفضت شنو
عبدالرزاق: بيني وبينك جراح متعلق فيها ويحبها
وقفت عندي الدنيا بعد هالجمله.. متعلق فيها ويحبها.. انقبض قلبي ساعتها.. انا عارف انها اختي وبس.. لكن قلبي يحمل لها الكثر من الغلا والمعزه.. يحبها ومتعلق فيها!!.. سرحت في خيالي بعيد.. ما كنت منتبه لعبدالرزاق اش يقول.. كنت افكر في حالي وافكر في سهام وليال.. حياتي اش فيها غير الصدمات.. السعاده عرفتها مع سهام.. والايام القليله الحلوه الي عشتها مع هالمجموعه.. واهمهم عندي ليال.. مافي شي بحياتك يا عبدالعزيز مهم.. كل شي عادي وممل
عبدالعزيز يقطع عبدالرزاق: متى بنبتدي الشغل
عبدالرزاق: اكلمك عن جراح وليال تقول لي متى نبتدي شغل
عبدالعزيز: بوسالم.. الي تكلمني عنه يخص حياة ليال.. لو بنجلس العمر كله تكلمني واكلمك ما راح ننتهي منه لانه شي يخص ليال بروحها.. حياة مالنا دخل في التصرف والقرار فيها
عبدالرزاق: صدقت
عبدالعزيز: جراح متى بيمشي
عبدالرزاق: اليوم الساعه 8
عبدالعزيز: قوم خلنا نسلم عليه ونشكره على وقفته معانا
عبدالزراق: والله انه روحته تقطع قلبي.. ما يهون علي يروح وقلبه متعلق هنا
عبدالعزيز باقتناع: وانت ليش شاغل بالك.. كلم ليال وقول لها.. يمكن اذا سمعت منك توافق عليه.. انت ما تدري اش بقلب ليال
عبدالرزاق: صح.. انت صح
عبدالعزيز: ايش رايك نتصل في خالد ونطلع نغير جو بعد ما نرجع من جراح.. الضيق ماليني
عبدالرزاق: قوم البس بنروح عند البحر.. خلنا نشوف الحريم اش يقولون ونطلع
عبدالعزيز: احسن بعد

&&&&&&&&&&&&&&&&&&&&

6:40 اليل
شقة ليال ..البلكون..
البحرين
لمى تتنهد: آآآآآآآه ياقلبي
ليال تضحك: وجعتي راسي وانت كل شوي آه ياقلبي
خوله: يمكن خاطرها في الزواج.. اش رايك نزوجها
ام عبداللطيف: وزوجها عندي
ليال: والنعم به زوج انا موافقه خلاص.. متى الملكه
حنان: لااااااا ساعات تصدقين روحك من جد
لبنى تضحك: تقرر على كيفها وصاحبة الشأن ساكته.. تفصل وتخيط
خوله: ولا تبي لمى تلبس على كيفها
لمى: تركوها عنكم شوفو من بينفذ لها الي تبيه
ليال: انتي الي بتنفذينه غصب عليكي
ام لينا: يا يما الزواج بالكيف ماهو بالسيف
نوف: ليال ياقلبي ارحمي روحك الكل ضدك اش رايك انتي تتزوجيه
ليال بحده: اعوذو بالله انا جربت حظي خلاص.. باقي هالعانس الي عاله قلبي.. نفسي اعرف ليه ما تبي تعرس
نوف: وانتي اش دخلك بها يمكن عندها اسبابها
ليال: لا بس اقول اذا متعقده من شي تقول ترا الاطبا النفسانين يا مكثرهم عندنا
ام لينا تضحك: بعيد الشر عنها يا يما جننتي البنت وهي بصحه وعافيه
لمى: خليها خليها.. انا ساكته عنها.. اشوف مافي غيري تتمسخر عليه هنا
ليال تحضنها: وياربي تسلم لي هالروح الي مبيته لي الشر
حنان تضحك: ياخوفي لا تزوجك وانتي ما تدرين
لمى: أي والله اش رايك خوله نزوجها لصاحبكم السعودي تراه يلوق
خوله: جبتيها يا لمى.. والله انه مناسب.. مال وجمال وعز وسلطان اش تبي اكثر من جذي
لمى تقوم: والله فكره.. بروح اتصل فيه واقول له ليال تحبك وتموت فيك اش رايك تخطبها
ليال بحده: اجلسي عساكي العافيه.. طايره على التلفون تقولي من جدها
لمى: وتظنين اني اكذب يعني.. يلا تزوجيني ازوجك
نوف ميته ضحك: انتو ناس عجب
ليال: تحفه ماهم عجب بس.. شوفي كل وحده من الموجودات لها من الهم والحزن تشيله جبال.. بس قلوب مليانه طيبه وحنيه
نوف: الله لا يفرقكم عن بعض
خوله: آمين ياقلبي.. ليتك تكوني معانا
نوف: ياليت بس برقبتي ناس لازم اهتم بهم
لمى: خساره يا نوف لو صلاح ماهو متزوجك كنت زوجته للمطلقه الي جنبك تراها متطلقه طازا
نوف تضحك: بعينك تطوليه
حنان: يامجرمه تكلمي عن نفسك يا معقده
لمى: معقده معقده بس ماني خبله
حنان ترميها بالمخده: يعني انا الخبله يالخبله
لمى تمسك المخده: ماقصدتك قصدت ليال
خوله تضحك من قلب: يلا ردي عليها
ليال تقوم من مكانها تضربها: مافي خبله غيرك يالمعقده
لمى تفرك مكان الضربه: طيب طيب ما نبي جراح نزوجك لعبدالعزيز.. مال وجمال ورجوله مافي منها
لبنى: انتي تبين تزوجينها وخلاص طيب زوجي حالك
لمى: انا باخذ جراح.. تبون الصراحه تعلقت فيه.. حبيته في هالدقيقه هذي.. وابيه ابيييييييييييييه
ليال: الحمدلله والشكر على نعمة العقل
حنان: اتركيها.. يمكن يفك عقدتها
خوله: الا جراح انتي خذي عبدالعزيز واتركي جراح لليال
ليال: والله مصدقه حالك انتي بعد.. اقول الي يسمعك يلقاكي واثقه مني بوافق
خوله تلعب بحواجبها: لمى بتجبرك
ليال: اقول خلي لمى تنفعك
لمى: تجين تحطي يدي بيدك
خوله: موافقه
لمى: انا اكلم جراح على اني ليال.. ونلعب عليه لعبه ولا احلى.. تقوم نوف وتقول لصلاح عن اخته قليلة الحيا.. وتقوم خالتي ام لينا تأكد لصلاح هالشي.. وتتفقي مع عبدالرزاق يقول انه سمعها تكلمه ولا اقول لك شافها تكلمه في المصعد.. وبعدين صلاح يغير على اخته ويجي لها وبيمينه جراح ويقول لها.. مكلنا عليك
حنان تضحك: البنت رتبت الاحداث.. الله يعينك ياليال
نوف: عاد تخيلي انه صلاح يصدق فيكي هالشي
ليال بحده: بعيد الشر.. صلاح حبيبي مايصدق باخته هالشي.. وبعدين بدل ماترسمي لي خطه ارسميها لنفسك ياحلوه.. انا جربت الزواج غيري لسا
نوف: من جد لمى ليه ما تبين تتزوجي
لمى تبتسم بحزن: مالي ثقه بالرجال
ام عبداللطيف: يا يما الي صار مع عوض ماهو ضروري يصير مع كل الناس
لمى: ما بعرف اغمض عيوني وامن لقرب رجال
خوله: لو كان عوض زوجك بقول معاها حق.. بس هذا اخوكي.. ولا في شي مخبيته عنا
لمى تسرح شوي: اش بخبي خلي الي بالقلب بالقلب
ام عبداللطيف: ويييييييييييييييه اش هالحزن يما.. ادفع نص عمري واعرف اش صاير معاكي
لمى: سلامتك خالتي.. انا بخير بظل بخير طول منا معاكم
ليال: الله لا يفرقنا
لمى: يمكن ما يصير عندي وقت اقول لكم هالجمله.. يمكن ماهو وقتها بس لازم تعرفونها.. انا بحياتي ماحسيت اني حيه غير لما صرت معاكم

&&&&&&&&&&&&&&&&&

7:15 اليل
في المطار
البحرين

جراح: هاتي صبا عنك
مزيان: مرتاحه كذا ياخوي
جراح: معلش هاتيها
مزيان تعطيه البنت: سمي عليها
جراح: بسم الله الرحمن الرحيم
مزيان: الضيق ماليك
جراح: اكذب عليكي اذا قلت لك لا
مزيان: اذا الله كاتب لك نصيب معاها.. بتلتقي فيها اكيد
جراح: عبدالعزيز موجود جنبها على طول.. تظني انها تتركه وتلتفت لي يا مزيان
مزيان: تعرف طول منا معاها وهي عينها على البنات.. ما قد شفتها تشوف عبدالعزيز او تعطيه شوية اهتمام
جراح يتنهد: الله يهنيها
مزيان: دام خوله هناك لا تخاف
جراح: محال انها تكون زوجتي
مزيان: اعوذو بالله ايش هالتشائم
جراح: هذي الحقيقه
مزيان: صلي على النبي بس.. وكل شي الله بيسهله اذا لك نصيب فيه
جراح: الله كريم
مزيان: تلفونك يدق يا جراح
جراح: طلعيه من جيبي
مزيان: هات البنت وانت طلعه
جراح يعطيها البنت: الو
محمد: جراح الحق
جراح بخوف: خير ايش صاير
محمد: عبدالرحمن اخو عبدالرزاق عمل حادث قوي بالمره.. ومعاه الحراس سعيد

&&&&&&&&&&&&&&&&&&&

7:40 اليل
فيلا العايله ..غرفة مها..
السعوديه

مها بحده: وانا ايش عرفني
بسمه: اهدي طيب ليه العصبيه
مها: ماهو مهتم.. شوفي كيف تركني وراح البحرين مع اخوه.. احس اني بوادي وهو بوادي ثاني
بسمه: تعوذي من ابليس بس.. ايش وادي ما وادي.. الرجال راح لعرس واحد من اصدقائه.. والليله يرجع
مها: طيب وحنا متى
بسمه: مستعجله؟
مها: ماهو موضوع استعجال.. بس على الاقل شوية اهتمام.. امه اخطبتني وبس.. مافي أي حركه ثانيه.. طيب وبعدين
بسمه: تبين اكلم غسان
مها بضيق: لا طبعا.. لا تكلمينه ولا يكلمك غسان هو بعد ما عنده رد
بسمه باهتمام: ليه انتي كلمتيه؟
مها: لا بس اشوف نظراته
بسمه: تبين نلغي الموضوع
مها: لا طبعا.. انا حاسه انه هو زوجي.. بس متى
بسمه: لا حول ولا قوة الابالله
العنود تدخل عليهم: ممكن اجلس معاكم
بسمه: اكيد حبيبتي.. تعالي
العنود: غسان طلع عني وانا جالسه لحالي
بسمه: وليه ما جيتي اول ما طلع
العنود: حسيت انه في موضوع مهم بينكم قلت ما ابي اتدخل
بسمه: لا مهم ولا شي.. مها معصبه عشان ماصار شي بموضوعها مع سلطان
مها بحده: بسمه.. انا ماقلت كذا
بسمه: الا قلتي.. وبعدين هذي العنود ماهي نوف حتى تتردي تتكلمي
العنود: اذا هذا الي مضايقك معاكي حق.. غسان بعد متضايق من هالشي
بسمه: ايش رايك تكلمي نوف وهي تكلم صلاح نفهم ايش الموضوع
العنود: قلت لغسان وما رضى
مها بحده: اف اف وبعدين يعني
العنود: لا تضايقي نفسك.. اكيد فيه حل
مها: متى بس متى
بسمه تنتبه: بحياتي ما شفتك كذا.. ايش الي صاير معك
مها تقوم عنهم: والله ما ادري.. بروح اصلي.. نسيت الصلاه
العنود: حالها منقلب زي سلطان تمام
بسمه: والغريب انها كل شوي قالت بروح اصلي
العنود: حالهم هم الاثنين ما يسر
بسمه: قلبي يوسوس
العنود: تبين الحق وانا بعد

&&&&&&&&&&&&&&&&

8:00 اليل
شقة ليال ..الصاله..
البحرين


خالد: وين سرحان خلك معانا
عبدالرزاق: ما ادري قلبي طاير قطر
خوله: بكره نروح اذا بغيت
عبدالرزاق: أي بحجز الحين
ليال: سلمي على ساره كثير السلام
خوله: خليه يحجز الاول
لمى: تبي تفتك منج
ليال: اعوذو بالله انتي ليه كذا اليوم
صلاح: شوفي ايش عامله فيها
ليال: ايش عامله يعني !!!
سلطان: اختي ماتغلط لا تزودها معاها.. شوف هالبنت ايش عامله لها
لمى: اعوذو بالله كان عندنا ليال ومحنا قادرين عليها.. هالدور اخوها بعد
خوله: اقول تراه ماهو متزوج الحقي
لمى بحده: عبداللطيف الحقني.. شوف هالخبله اش تقول قدام العالم
عبداللطيف: ما ارضى يا ام سالم
خوله عيونها على عبدالرزاق: رضيت ولا بكيفك
خالد: تسرح يا بوسالم.. وين وصلت
عبدالرزاق يوقف: قطر
خوله بخوف: اتصل فيهم تطمن
عبدالرزاق يتصل قطر: هلا عبدالرحيم
عبدالرحيم: هلا بالغالي
عبدالرزاق: اشلونكم كلكم بخير
عبدالرحيم: الحمدلله بخير
عبدالرزاق: امي اشلونها
عبدالرحيم مستغرب: امي بخير.. وقت الي كلمتها قالت لك شي؟!!
عبدالرزاق: لا بس حسيت من صوتها تعبان شوي
عبدالرحيم: لا والله هي بخير ومافيها شي.. لحظه خلك معاي.. يما يما تعالي عبدالرزاق يبي يكلمج
ام عبدالرحيم تاخذ التلفون: هلا يما اشلونك
عبدالرزاق: هلا يما انا بخير.. انتي اشلونج
ام عبدالرحيم: بخير ونعمه.. اقول عبدالرحمن يقول بيوصل بكره وجايب لي معاه مفاجأه كبيره
عبدالرزاق يضحك: زين زين.. عاد بشرينا ايش هالمفاجأه
ام عبدالرحيم: اكيد اول من راح اقوله هو انت
عبدالرزاق: انتبهي على روحج بكره انا بعد بجي
ام عبدالرحيم: وهـ يا فرحة قلبي يما.. خلاص انتظرك انت واخوك
عبدالرزاق: مع السلامه
ليال بخوف: اش تحس فيه
عبدالرزاق ينزل راسه: ولا شي اختي
ليال بحده: عبدالرزاق ماهو وقته تخبي.. اش صاير
عبدالرزاق: قلبي مقبوض.. اول مره احس بهالاحساس
ليال بخوف: عبدالرحمن
عبدالرزاق بخوف: عبدالرحمن؟!!!!!
ليال: اتصل فيه شوفه بخير ولا.............
عبدالرزاق بحده: لا تكملين
خوله بخوف: اتصل فيه يا بوسالم
عبدالعزيز: اذكرو الله يا جماعه.. اتصل في اخوك يا عبدالرزاق.. ليال اهدي ماصار شي
ليال بحده: عبدالرحمن في لندن عند لافي وتقول لي اهدي
صلاح يمسكها: ماهو وقته.. اهدي
عبدالرزاق: الجهازه مسكر
خوله بخوف: قلبي
خالد يفز: تعرف الفندق الي هو فيه
عبدالرزاق وهو يرتجف: عندي رقمه بدق عليه
عبدالعزيز: انا بكلم جيب التلفون
خالد يمسك عبدالرزاق: اهدى ياخوي.. اهدى لا تعمل بحالك جذي
عبدالرزاق زايغه عيونه: شنو يعني مات!!.. لافي سواها واذبحه
خالد: وين ذبحت الرجال اصبر الله يهديك
عبدالعزيز بلغه انجليزيه: مساء الخير
الموظف: مسا الخير سيدي
عبدالعزيز: اطلب السيد عبدالرحمن سالم لاتحدث اليه
الموظف بارتباك: النزيل عبدالرحمن ليس موجود الان.. هل تحب ان احولك على غرفته.. زوجته هناك
عبدالعزيز: من فضلك
عبدالرزاق: اش يقول
عبدالعزيز: يقول انه ماهو بالفندق وزوجته هناك
ليال: عبير.. اسمها عبير كلمها على انك صاحبه من قطر
نوف با ستغراب: عبير مين اختي؟!!!
صلاح: ايوا استني شوي وبفهمك على كل شي
عبدالعزيز: السلام عليكم
عبير منهاره: الحقوني الحقوني عبدالرحمن مات مات.. بيذبحني معاه.. بيذبحني
عبدالعزيز سكر الخط: ........................
عبدالرزاق بخوف: ليش ما كلمتها!!!
عبدالعزيز: ماحد جاوبني.. حسيت انه في احد رفع التلفون بس مافي احد رد يمكن تكون نايمه
عبدالرزاق: جيب انا ادق مره ثانيه
عبدالعزيز يهمس لصلاح: الرجال مات
صلاح بخوف: عبدالرزاق ما ينفع كذا.. نحجز ونروح لندن
عبدالرزاق منهار: نروح ايوا نروح الان نروح
خوله تمسك زوجها: عبدالرزاق اذكر الله.. مايصير الي انت عامله بنفسك.. اهدى الرجال بخير وانت ذبحته
عبدالرزاق: ياريت يكون بخير يا خوله.. ياريت
سلطان: وين رايحه خالتي
ام عبداللطيف: بفتح الباب يما.. ماسمعتو الجرس
عبداللطيف: انا افتح يما..خلك انتي بعيد
ليال تلزق بصلاح: مات صح.. عبدالرزاق احساسه عالي.. قولي الحق
صلاح: اهدي انتي بعد.. منتي شايفه الي حنا فيه
جراح: السلام عليكم
عبدالرزاق يصرخ: اخووووووووووي مااااااااااات
جراح: انا لله وانا اليه راجعون

- ليه مات عبدالرحمن وكيف
- ياترا بيكتشفو الجماعه ليه مات عبدالرحمن
- ايش بيكون مصير ليال وجراح

السلام عليكم ورحمة الله وبركاته


موعدنا قريبا في لقاء البارت26.......


اتمنى لكم قراءة ممتعة ........

يسلموا يا عمري على البارت
ننتظرك بالبارت الجاي

السلام عليكم

انا من المتابعين للقصه من بدايتها

ولكن متابعتي لها من خلف الكواليس

اعجبتني القصه ونالت على اهتمامي

قصه مشوقه وبنفس الوقت معبره

ولكن تاخرتو بطرح البارات

مما زاد من اشتياقنا للقصه

فعسى المانع خير

اتمنى من الاخت دانه المحمدي الكاتبه المتالقه

او من الاخت Emomsa الوكيله المؤبعه

بطرح البارات القادمه باسرع وقت

لن شوقي وصبري بداء بنفذ

وارجو منك عدم التاخر

تحياتي لكم