دااااااااااااااااااانة
خيتووووو مرحباااااااااااااااااااااااا اخبارك يا عسسسسسسل
القصة روووووووووووعة و اكثر من روووووووووووووعة
و الله انا من الناس الي تقراء و راء الكواليس بس الحدث الاخير هو الي طلعني من صمتي
بلييييييييييز لا تخلين حنان تموت هي و عيالها موتي هشااااام عااااااااااااااادي بس حنان و عيالها الله يخليكي لا يموتون
و يعطيكي العافية يا رب و دمتي بود
اختك بندقة

السلام عليكم ورحمة الله وبركاته


مرحبا للجميع .........

تقبلوا اعتذاري ........ لقد حدث عطل فني في خطوط النت ......... فأدى ذلك الى عدم وجود نت المدة الماضية ..........

وللاسف ليس لدي وسيلة اصل اليكم منها ..........


وسوف اترككم الان مع البارت 24..... وقراءة ممتعة .........

جراح يفز من مكانه: من جدك
مزيان: من جدي اسمع بقول لك كل شي اذا رجعت الشقه.. الان ابي منك تدور على احسن الصالونات وتنقله هنا عندنا.. وبسرعه
جراح بفرح: احسنها واثمنها
مزيان تضحك: والله اني بموت من الفرح.. اسمع سمعتهم يقولو شي بعد
جراح: خير
مزيان: عبدالعزيز ساكن بالشقه الي جنبهم
جراح يضحك: كنت حاس انه ماهو زوجها
مزيان ترفع صوتها: اقول نبي حنايه.. ونبي كل الوان صبغ شعر.. ونبي ثلاث كوافيرات وكل معدات السشوار.. ونبي مانكير.. ونبي احسن حرمه تحط ميك اب
ليال تضحك: ماتبينه ينقل لك المحل بكبره ويخليه جنبك احسن
جراح بفرح: ان اطلبت تلقاه جنبها بثواني
مزيان تضحك: يقول ما يغلى علينا غالي
لمى: هههههههههههههههه قولي له نبي الجهاز الي يقلب لون البشره
مزيان: استريحي مكانك الواننا وش حلوها
ليال: يلا طيب سكري طولتي على الرجال
جراح بفرح: آآآآآآآآآآآآه ياقلبي.. قولي لها هالرجال تحت امرك وامر دلالك
مزيان: يلا ياروحي لا تتأخر.. ترانا ننتظر
لمى: استني.. خلينا نحسب حساب لينا معانا.. ليش هي تروح مكان واحنا بمكان
جراح: من عيوني لا تقلقو بحسب حساب الكل.. سلام
مزيان تبتسم: سلام.. لا تخافي بيحسب حساب الكل
لمى: بروح اتصل في لينا قبل تتحرك
ليال: تعرفي انك نزلتي علي من السما
مزيان: ليه ما دقيتي علي وقلتي لي
ليال تتلعثم: لان.. لاني.. عشان
مزيان: هههههههههههههههههه عشان منتي تاركه لي مجال اعرفك فيه كويس
ليال تحاول تتهرب: بالعكس.. انا طبعي كذا.. تراني اغلي الجميع بس قليلة كلام
مزيان: ملاحظه هالشي.. وبعدين يا قلبي كلنا خوات.. لا تتردي اني بغيتي شي
ليال: ما تقصري يا اختي
مزيان: عندك اخوات
ليال: عندي الله يحفظهم لي
مزيان: الله يبارك لك بهم.. اما انا ما عندي غير جراح.. هو امي وابوي واختي واخوي
ليال تضحك: ممكن يكون ابوك واخوك.. بس يكون امك واختك هذي قويه شوي
مزيان: لا تتريقي عاد.. لو تعرفي جراح تصدقي الي اقولك عليه
ليال: لا ما ودي اعرف يكفي انك عارفه هالشي هههههههههههههههههههه
خوله: ضحكم واصل لاخر العماره
مزيان تتصنع الضيق: تعالي شوفي هالي ماهي مبطله تريقه علي
ليال: ههههههههههههههههه تقول ان اخوها زي امها واختها
خوله: ما تتصدق يا مزيان..قويه شوي يا اختي
مزيان بحده: اشوف تجمعتو علي
خوله: لا بقى لمى وينها
ليال: ههههههههههههههههههه تكلم لينا
خوله: خير في شي
ليال: ابد.. مزيان واخوها بينقلو لنا صالون بالشقه
خوله: ايوااااااااا هذا خبر.. محمد اليوم حراته شوي مرتفعه.. وكنت خايفه اتركه
ليال: ياربي عليه حرارته ما تهجد.. وينه
خوله: مع بناتك
ليال: حبيب قلبي هالولد بروح اشوفه
خوله تسحبها: اجلسي الله يعافيك.. ما صدقت متى نام
مزيان: حرام عليكي خلعتي كتف الحرمه
خوله: هو كتفها ولا كتفك لا تتدخلين انتي
مزيان: ول هبت فيني
خوله: اذا صاحبة الكتف ما تكلمت اش دخلك انتي
مزيان: خلاص يبا.. طلعنا منها.. اخر مره اتدخل بينكم
خوله: أي جذي احبك على طول
مزيان: اذا هالشي تسمينه حب!!!!!!!
ليال: الله يعينك عليها.. هذي نشبه
خوله بحد: اشوف انقلبتي علي
لمى: اعوذو بالله.. المزعجه عندنا

&&&&&&&&&&&&&&&&

8:50 الصباح
فيلا خالد ..المطبخ..
البحرين
لبنى قدام الفرن: آآآآآآآآخ
خالد يدخل: حبيبتي اش صار
لبنى تخبي يدها: ولا شي
خالد ينتبه: بشوف يدك
لبنى بحده: قلت ما صار شي
خالد يسحب يدها بقوه: كل ذي وماصار شي.. سمر سمر
لبنى تتوجع: آآآآآآآآه شوي شوي خالد
خالد: حرق يالبنى.. شكله غزير.. طولي بالك حبيبتي
سمر بخوف: خالي اش صار
خالد: حبيبتي خالتك حرقها الزيت.. جيبي علبة الاسعاف عندك جنب الباب
حنان تدخل: اش صار
خالد: حرقها الزيت
حنان: انتي بخير؟
لبنى حابسه دموعها: بخير
خالد ينتبه لها: معلش حبيبتي ماسك ايدك بقوه.. استحملي شوي
سمر: خالي.. هذي العلبه؟
خالد: افتحيها يا روحي
حنان: خليني اساعدك
خالد: سمر جيبي شويت زيت من العلبه هذيك
سمر مستغربه: حاضر
حنان: وليش الزيت.. طهر الحرق وخلاص
خالد: أي حرق يصير معاك افركيه بشويت زيت.. ما راح يترك اثر
سمر تبتسم: اوووووووووه وخر عن خالي
حنان تضحك: ومنين لك هالمعلومات
خالد يفرك يد لبنى ويشوف عيونها: ......................
حنان تهزه: لا تسرح بعيونها ورد علي.. منين تعرف هالمعلومه
خالد يبتسم: صديق قديم قالها لي
لبنى تمسك قلبها: تألمني
خالد يحضنها: معلش حبيبتي.. استحملي شوي
استحمل شويه بس؟.. انا مستحمله سنين.. مستحمله عمري كله.. في حضنك!! انا في حضنك!!.. يا دفى هالحضن يا خالد.. ما عرفت غير قسوته.. نسيت روحي وانا مغمضه عيوني بحضنه.. حسيته حملني.. ما كنت قادره افتح عيني من الوجع.. كنت مستسلمه لحضنه.. مشتاقه له.. صعد على الدرج وانا حاسه بابتسامته.. اسمع دقات قلبه.. من احلامي اني اسمع دقات قلبه.. اليوم سمعتها.. بس بألم.. متألمه من يدي.. وصلت لغرفتي فتح الدرج الي جنب السرير.. وانا بحضنه.. ما تركني
خالد: ابلعي هذي
لبنى تبلع الحبوب: ..............
خالد: شوي وبيروح الوجع
ودي ارد عليه.. ودي اتكلم معاه.. ودي انه ما يسكت.. ودي انه يتكلم.. لا.. ودي اني اشوف عيونه.. صار لي زمان وانا اشوف عيونه والغضب ماليها ودي اشوفها وهي مبتسمه.. اكيد انه يبتسم لي وعينه تبتسم معاه.. خالد يا فرحتي وحزني.. خالد.. يا حبي وشقاي.. متى بحس بالامان معاك.. على اني بحضنه بس الاحساس بالخوف قاتلني.. ودي اطرد هالاحساس من قلبي.. ودي اعيش مرتاحه معاك.. ودي ارمي كل احاسيس الخوف مني.. ليتني اقدر.. سمعت صوت جرس الباب.. وسمعت صوت حنان.. وصوتها معاها.. الحين عرفت ليش انا خايفه.. كل ما اقتربت من خالد الاقي امه موجوده جنبي تفرقني عنه.. فتحت عيوني وقمت من حظنه
خالد بحزن: استني طيب الفها لك
لبنى تمد يدها: .....................
خالد بابتسامه تذوب: راح الوجع صح
لبنى منزله عيونها: شويه
خالد يضحك: الحمدلله
لبنى بحده: ماقلت شي يضحك حتى تضحك عليه
خالد يحضنها: ليلحين تستحين مني حتى وانا زوجك.. راسك بالارض وعيونك بعيده عن عيوني.. حيا
وقتها بس رفعت عيني بعينه.. شفتها.. كان ودي ابتسم له..اقوله اني احبه على الاقل.. ودي اطلب منه ما يبتعد عني.. ودي اكون قريبه منه جذي على طول.. ودي ودي
سمر تدق الباب: خالتي
لبنى تبتعد عنه: تعالي حبيبتي
سمر: جدتي وجدي جاو
لبنى بحزن: نازلين لهم يا قلبي
خالد يهمس لها: اذا ودك.. نجلس وننسى وجودهم
ودي يا خالد ودي.. ودي انسى وجود الكل وانت معاي.. ودي ما يكون في احد بيني وبينك.. ودي انك تكون لي لو يوم واحد من عمري.. ابتعدت عنه وقلت له يسبقني حتى اغير ملابسي.. تركني وطلع.. من طلع نزلت دموعي.. كنت في حضنه.. شي مفرح مبكي.. غريبه حياتي.. وين الغلط فيها ماني لاقيته.. وفقت قدام المرايه وشفت جسمي.. اشلون تبرا هالجروح.. اشلون تختفي.. اظنها بتبقى معاي طول عمري.. مثل ام خالد ماهي موجوده بعمري.. ألم بألم.. وجع بوجع.. آآآآآآآآآآخ متى ارتاح مع حبيبي.. متى اعيش معاه.. ودي بعيال.. العمر يركض مني.. حسيت بحركه جنب الباب غطيت نفسي بسرعه.. انتبهت ان الباب كان شويه مفتوح.. ياربي اشلون ما انتبهت.. اكيد احد شافني اكيد.. رحت بسرعه قفلت الباب.. لزقت فيه من خوفي.. ياربي ما يكون خالد.. ياربي ما يكون خالد.. وقفت وكنت انتظر.. اندق الباب.. نشف ريقي وما قدرت ارد.. احس قلبي بيوقف من كثر ما يدق
سمر برا لغرفه: خالتي ليلحين ماجهزتي
لبنى براحه: شوي حبيبتي وانزل
سمر: اوكي انتظرك
لبنى: سمر خالك وين
سمر متردده: خالي تحت مع جدي
لبنى تبتسم: طيب حبيبتي خمس دقايق بس واجهز

&&&&&&&&&&&&&&&&&&&

9:30 الصباح
فيلا لافي ..غرفة المكتب..
لندن

لافي على التلفون: يعني كيف
الموظف: مافي أي معلومات تفيدنا
لافي بهمس: توقعت هالشي.. ابيك تتابع معاهم
الموظف: عيوني على الكل عمي لا تقلق
لافي يبتسم: دامك معاي ماراح اعرف للقلق طريق
الموظف بفرح: انت تامرني عمي.. وانا بخدمتك على طول
لافي يبتسم: بتلاقي مع السايق ظرف فيه مبلغ حلو لك.. والثاني جايك بعد يومين
الموظف بفرح كبير: الله يديمك ياعمي.. الله يديمك.. مع السلامه عمي
حلو هذا الي ابيه.. مافي أي معلومات.. يعني الي صار لعبه من بومحمد حتى يأثر علي في الاستقاله.. معلش برجعها لك.. بدفعك ثمن الي عملته معي
ام ناصر: لافي
لافي: ايوه حبيبتي
ام ناصر: مالك سرحان كذا
لافي: شغل يا ام ناصر
ام ناصر: باين عليه مهم.. ولا ماكنت تنسى الدنيا كذا
لافي: صاير شي؟
ام ناصر: عبدالرحمن وصل لندن
لافي يبتسم: الحمدلله على السلامه
ام ناصر تبتسم: اخيرا رضيت عليه
لافي: وكيف ما ارضى.. برتاح من بنتك وبيفضى البيت علي وعليكي.. وبنرجع ايامنا الي راحت مع عيالك.. ونعيد شهر العسل.. اش رايك
ام ناصر تبتسم: ودي
لافي: وليه ما آمرتي من قبل.. كنتي شفتي كيف البي آوامرك
ام ناصر تحضنه: احبك يا لافي.. احبك وعشقي لك كل يوم يزيد
لافي يحضنها: ابي اكثر
ام ناصر: ههههههههههههههه ايش رايك لو تروح بنتك مع زوجها من اليوم
لافي يبتسم: الي تآمرين عليه.. تروح اليوم
ام ناصر تقوم: يا فرحتي.. بروح اقول لها تجهز شنطتها حتى تروح معاه
لافي بهمس: روحي ياوجع قلبي.. ما دريتي ان شنطتها جاهزه من بدري.. صبرك يا عبير.. ماعرفتي من يعاند لافي ايش يصير فيه.. لسا ما عرفتي ابوكي زين.. اتصل على وجع القلب الثاني .. الو
مرزوق: نعم عمي
لافي: ايش صار معاك
مرزوق: الفيلا محاطه بحراسه كبيره يا عمي.. الي يدخل لازم رجال البيت يعرفو عنه
لافي يبتسم: وغير كذا
مرزوق: العنود حامل
لافي يبتسم: وغير كذا
مرزوق: سلطان خطب مها
لافي بحده: بنت سلوى!!!
مرزوق بخوف: ايوا عمي
لافي بحده: وغير كذا
مرزوق: بس يا عمي هذا الي صار
لافي: فتح عيونك.. وعيون الرجال الي معاك.. اياك يصير شي وما اعرف عنه
مرزوق: عيوني وعيون الي معاي مفتحه يا عمي
لافي بهمس: وليال ايش صار معاها
مرزوق: والله يا عمي اشوف فيه وحده تدخل البيت وتطلع وماني عارف اميز هذي من
لافي باهتمام: تبعتها
مرزوق: ايوا يا عمي.. بس في كل زياره تزورها لهم تطلع منهم والحقها.. تختفي مني يا عمي.. مره ثانيه من شفتها خليت معاي كذا رجال.. بس اختفت منهم هم بعد يا عمي
لافي: اجل هي ليال
مرزوق: بس جسمها غير يا عمي
لافي: مايهم اكيد جسمها زايد
مرزوق: صح يا عمي
لافي: اكيد انها حامل
مرزوق: ما اظن
لافي: كيف يعني
مرزوق: مشيتها ماهي مشيت وحده حامل.. هذي تتحرك براحه
لافي يفكر: صورتها
مرزوق: اكيد يا عمي
لافي: كويس.. كلها يومين وارجع السعوديه
مرزوق بفرح: توصل بالسلامه يا عمي.. تامر بشي
لافي: افتح عيونك.. سلام
مهره يا ليال.. مهره.. كيف رحتي من يدي.. كيف ما عرفت اروضك.. روضت كثير.. انتي الوحيده الي فلتي من يدي.. كيف ما عرفت اتعامل معاك.. حامل يا قلبي.. بعرف كيف اقطع روحك واعذبك على ولدك.. اذا كانت هذي نقطة ضعفك فخافي من وجودي بالسعوديه يا قلبي.. مهره ياليال مهره.. بس ماهو على لافي.. بعرف كيف القاك

&&&&&&&&&&&&&&&&&&

11:00 الظهر
في شقة ليال ..الصاله..
البحرين
ليال بحده: انت ايش جايبك
احمد مستغرب: ليش ممنوع اجي هنا
لمى: طبعا ممنوع.. قوم اطلع روح لعبدالعزيز
احمد يحك راسه: عبدالعزيز عاد.. ثقيل دم ما احبه
ليال تضحك: روح لعبدالرزاق
احمد: متين ما احب اجلس معاه
ليال تضحك: عيب عليك ما ارضى عليه
احمد: امزح يا بنت الحلال
ام لينا تطلع من المطبخ: شنو ذي!!.. اش جايبه هذي هنا
لمى: ضايقه به الدنيا ماهو لاقي مكان يروحه
ام لينا بحده: روح لعبدالعزيز
ليال: لا تتعبي نفسك.. بيعيب بالكل بس عشان يجلس هنا ينتظر ست الحسن والجمال
احمد: غصب عليكي ست الحسن والجمال.. هذي روحي انا
ام لينا تسحبه لبرا: طيب ياروحها انت.. اطلع برا بالطيب
حنان تدخل: السلام عليكم
لمى: هلا والله حياكي
حنان: وين ساحبين المعرس جذي
احمد مسحوب: شفتي عاد معرس وساحبينه جذي
ام لينا تضحك: طاردينه
لبنى: السلام عليكم
ام لينا: عليكم السلام يما.. وخري بس خليني ارميه برا
لبنى تضحك: ارميه عند خالد تراه عند عبدالعزيز
ام لينا تسحبه: تعال عند عبدالعزيز يلا
احمد: يما نتفاهم بس.. مايصير عاد كأني خاروف مجرور
ليال تضحك: انت عملت كذا بحالك
لبنى: اشلونكم
لمى: تمام وانتي
لبنى: الحمدلله
خوله تدخل: مراحب.. الكل مجتمع
حنان: أي الكل
لمى: لا خالتي ام عبداللطيف ليلحين ما وصلت
ليال: لا تخافي بتوصل الظهر
لمى: صرنا الظهر يا ليال
حنان بهمس: مزيان وين
لمى: مع لينا داخل
حنان: حاسبي يا اختي لا تغلطي قدامها باسم ليال
لمى: لا تخافين منتبهه
لبنى: انا افضل اننا نتعود نناديها نور على طول
حنان: وانا معاكي
ام لينا تنفض يدها: خلصنا منه.. ووصيت عبدالعزيز لا يتركه
ليال تضحك: المسكين متوتر
ام لينا: ولينا بعد
حنان: الله يتمم لهم على خير
خوله:آمين ونفرح بذريتهم
لمى: جعلها ذريه صالهم مثل امهم وابوهم وجداتهم
ام لينا بفرح: الله يسمع منكم ويبارك فيكم
ليال: هي انتي روحي شوفي ولدك من صبح راميته على الشغالات
خوله: نسيته.. بروح اشوفه
حنان: ونعم الام
خوله تضحك: معلش اليوم الف شغله وشغله براسي
ليال بحزن: الا العيال يا خوله
خوله: بروح اشوفه لا تخافين

&&&&&&&&&&&&&&&

11:20 الظهر
في شقة عبدالعزيز ..الصاله..
البحرين
عبدالرزاق يدخل: اووووووووه بدلو الكراسي
عبدالعزيز يبتسم: قلت بتتجمعون عندي استحي على وجهي واغير لجلسه سنعه لكم
احمد بتريقه: تعرف السنع ياخوي
عبدالعزيز يبتسم: .....................
خالد يرد على احمد: غصب عليك.. ماهو بكيفك
احمد يضحك: اشوف طلع لسان لناس يابوسالم
عبدالرزاق يضحك: يمكن الي ببالي صار
احمد ميت ضحك: واخيرا يارجال
خالد بحده: بس انت وياه
عبدالعزيز يغير الموضوع: منير ووليد وين؟
احمد: منير ووليد وجراح مختفين
عبدالعزيز: وعبداللطيف ياخوي متى يجي
احمد: قال بيوصل على الساعه 1:00
خالد: شوفو حل للشركه الي هو دايرها.. شوفو أي احد ثاني يمسكها ما يصير حنا هنا وهو هناك بروحه
عبدالرزاق: انا فكرت فيها.. لا تخاف لقيت رجال ممتاز.. اداري عنده خبره وسمعته ممتازه.. بيمسك مكان عبداللطيف
احمد: ممتاز.. اسبوع ويبتدي الشغل من جد
خالد: المكتب جهز؟
احمد: تقصد تقول الشركه
عبدالعزيز: شركه؟
احمد: أي ليال اصرت انها تكون شركه.. تبي تنزل بثقلها
عبدالعزيز بخوف: أي بس انا ما جهزت نصيبي ليلحين
عبدالرزاق: بسد عنك وبعدين تدفع لي
عبدالعزيز بحده: انت مفكر انه ماعندي
عبدالرزاق: لا ماقصدت.. اعطيك حل مؤقت يا خوي
عبدالعزيز: لا شكرا.. الحمدلله عندي فلوس بس تجهيزها يبي له وقت
احمد: ما يكفيك اسبوع؟
عبدالعزيز: ما ادري
احمد بحده: يعني ماهي متوفره عندك الان.. معناه عبدالرزاق عنده حق وقت الي عطاك حل مؤقت.. لا تحتد عليه مره ثانيه وهو معاه حق ويدور مصلحتك
عبدالعزيز: ما قصدت.. انا آسف ياخوي انا..............
عبدالرزاق يبتسم: ماصار شي يارجال.. وبعدين الجيب واحد واحنا اخوان
عبدالعزيز يحضنه: الله يخليك لي
خالد: أي فلوس هذي الي بتعمل بيننا مشاكل.. عبدالعزيز اذا فيه مشاكل بحياتك قولها لنا وخلنا نتصرف من الحين
احمد: خالد معاه حق.. كلنا ملاحظين انه عندك مشاكل.. وودنا نساعدك بس محنا عارفين كيف نفتح معاك الموضوع
عبدالعزيز بحده: انا........
عبدالرزاق يحط يده على كتف عبدالعزيز: ماله داعي العصبيه.. احنا اخوان.. وانت واحد مننا وفينا.. نبي نعرف حتى نساعدك ماهو عشان نشمت فيك او نرميك بالشارع.. انت رجال والنعم فيك.. ماعليك قصور لا بالاخلاق ولا بالطيبه.. اعتبرنا ظهور تستند عليها.. قول وآمن لنا.. ماحد فينا بيتخلى عنك
عبدالعزيز يبتسم: مشاكلي عائليه
احمد: حلو هذا اول الخيط
عبدالعزيز: ماحد بيصدقني اذا تكلمت فخلوني ساكت احسن
عبدالرزاق: حتى لو كنت قاتل.. بتلقانا في صفك ونكذب أي شي نسمعه دامك تقول انك بريء
عبدالعزيز يضحك: قاتل؟ .. هذا الشي الوحيد الي ما اتهمت فيه لحد الان
خالد بخوف: انت كنت متهم ؟
عبدالعزيز: في اشيا كثيره.. وكلها بريء منها.. يمكن اني عانيت لحد ما برائتي بانت.. بس بالنهايه الله يوقف في دربي ناس ما اعرف هم مين.. واطلع من مشاكلي زي الشعره من العجين
احمد: واش دخل اهلك بالمشاكل الي انت فيها
عبدالعزيز بألم: يا خوي لا توجع راسك ما احب اتذكر.. هالاشيا تقلب علي مواجع كثيره وكبيره.. صدقوني.. انا انسان نظيف عمري ما قبلت على نفسي فلوس حرام وعمري ما دنيت من الحرام وعشت فيه.. يكفيني انكم تعرفون هالشي
خالد يمسك كتفه: خلاص ياخوي.. الي تامر عليه.. وخلي ببالك.. رقبتي سداده لك في الوقت الي تأشر فيه بصبعك الصغير
عبدالرزاق: عبدالعزيز.. ضروري نعرف انت ليش معزول عن الناس.. ليش عايش بروحك.. من وين تصرف.. انت ما تطلع تروح شغل.. اشوفك جالس بالبيت على طول.. حتى احنا ما تتصل علينا احنا الي نتصل فيك.. تتجنب الناس بصوره ملفته للنظر
احمد: يوم الجمعه بالذات وين تختفي.. انت عارف كل تحركاتنا.. وعارف اشيا عنا حريمنا مايعرفوها.. احنا ما نعرف عنك أي شي
عبدالعزيز ينزل راسه: انا ما اشتغل.. كنت مدير علاقات عامه في شركه كبيره.. راتب كبير ومستقبل كبير.. وفلوس مالها عدد بالبنوك.. من كنت صغير وانا اشتغل عشان جذي تجمعت عندي فلوس كثيره.. بعيد عن امي الي طلقها ابوي.. وابوي الي يتزوج ويطلق على حسب مزاجه.. في يوم صحيت على اني متهم في قضيه.. ماصدقت الي مريت فيه.. مستحيل على عقلي يصدق الي كنت فيه.. ابوي لعب لعبته وسحب فلوسي
خالد بحده: شنو!!!!!!!!
احمد يمسكه: خله يكمل يا خالد
عبدالعزيز يبتسم: انطردت من شغلي.. وعشت حياتي وحيد
عبدالرزاق: احلى اختصار سمعته في حياتي
احمد: يوم الجمعه وين تروح
عبدالعزيز: اروح ازور ابوي
عبدالرزاق مستغرب: انت تصالحت معاه
عبدالعزيز: لا
خالد: تروح اش تسوي
عبدالعزيز: قلت يوم الجمعه يوم مبارك.. يمكن الله يصفي قلبه بيوم من الايام الي اتمناها يوم جمعه.. ويحبني بدل هالكره الي ماني عارف سببه
عبدالرزاق تدمع عينه: .....................
احمد: وهو ليش يكرهك
عبدالعزيز: علمي علمك
خالد: وتروح عنده طول اليوم اش تسوي
عبدالعزيز: اجلس على رصيف الشارع يمكن قلبه يحن علي.. ويفتح لي الباب
احمد: ومن متى وانت على هالحال
عبدالعزيز يبتسم: من سبع سنين
عبدالرزاق يمسح دموعه: ومنين تصرف


يتبع

عبدالعزيز: من فلوسي
خالد: قلت ان ابوك سحبها
عبدالعزيز: سحب اكبر مبلغ املكه من بنك واحد.. والباقي تركه او يمكن ما عرف عنه.. ما ادري
عبدالرزاق: الحمدلله انك بخير
عبدالعزيز: بخير من الله يا رجال
خالد: الحمدلله
احمد: ومنين بتجيب فلوس الشركه
عبدالعزيز: لا تخاف من فلوسي بعد
احمد: قررت تترك ابوك وتسترد فلوسك صح
عبدالعزيز: استرد فلوسي.. بس ماراح اترك ابوي ابد.. ان شا الله ابد لحد ما اموت او هو يموت
عبدالرزاق: الله يحنن قلبه عليك
خالد: وانت منين عرفت انه بيسترد فلوسه من ابوه
احمد: عشان ماراح هالجمعه له.. كنا في بيتك على العشا.. والصبح كنا مع بعض
عبدالعزيز يبتسم: تراقبني
احمد: في البدايه كنت منتبه لك وانت تراقب الكل.. ما ادري ليه حسيت منك بالخوف.. بعدين صرت تتقرب مننا بشويش.. صرت خايف منك اكثر.. الحقيقه عبدالرزاق كان يطمني منك.. دايم يقول.. لاتخاف من واحد يخاف الله.. صحيح انك قدامي تخاف الله.. بس كنت دايم اشك فيك.. لحد ما ارتحت لك.. كان ودي اساعدك.. بس من غير لا تطلب مني هالشي ما اقدر اتصرف
عبدالعزيز: وما ابيك تتصرف لحد ما اطلب منك.. لو تشوفون ابوي يقطعني ما ابي احد يتدخل بننا
خالد: ماهي لهالدرجه يارجال
عبدالعزيز يضحك: ماعرفت ابوي ياخوي
عبدالرزاق: مافي ابو يسوي جذي بولده
عبدالعزيز بحزن: يمكن ماني ولده
احمد: لا تزعل نفسك.. اسمعها مني نصيحه.. اذا كانت الفلوس مشكله معاك.. فاحنا لا.. بنعطيك وتردها لنا اذا صار معاك.. لا تبتدي حرب مع ابوك انت في غنى عنها.. فلوسك ماراح تزيد من اسهم الشركه او تقللها.. انت عارف هالشي
عبدالعزيز بحده: بس.........
عبدالرزاق: لا بس ولا غيره.. الفلوس ماهي مشكله معانا.. الفلوس بتجيب لك مشكله جديده مع ابوك.. وانت منت قاصر.. خلك بعيد عن المشاكل واحنا رقابنا سداده
خالد: وبعدين انت عنصر مهم في المجموعه.. سواء كان معاك او لا.. نصيبك محفوظ واسمك مذكور من ظمن المساهمين.. العلاقات العامه اهم نقطه في بداية كل شركه وبعدين يا اخي.....................
عبدالرزاق: لحظه يا خالد
احمد: خير من يتصل فيك
عبدالرزاق باستغراب: لافي!!!
عبدالعزيز يذكره بسرعه: شحاته مالقيناه.. ويدك لحد الان ما تتحرك.. وانت تبتدي مشروع جديد مع مجموعه جديده من اصدقائك الي سددو ديونك
احمد: عبدالعزيز جيب ورقه وقلم نكتب له اذا غلط بالحكي.. وانت جاوب وخله التلفون سبيكر
عبدالرزاق: الو نعم
لافي: وينك يارجال
عبدالرزاق: هلاااا بوناصر.. كيف حالك
لافي: اسأل عنك يا خوي.. كيف حالك انت وايش اخبارك
عبدالرزاق: فضل من الله الي انا فيه يا خوي
احمد يكتب: " اسأله لقى شحاته"
لافي: الحمدلله انك بخير يارجال.. تراني اسأل جراح عنك وعن اهلك وعلومك
عبدالرزاق: يوصل لي السلام يا خوي ما منك قصور.. الا بسألك مافي اخبار عن الحرامي شحاته.. ودي انك تريحني وتقول لي انك لقيته
لافي: يارجال اتركه عنك.. دام امورك طيبه وبخير ماعليك منه.. وين بيروح.. الدنيا صغيره
عبدالرزاق: حسبي الله ونعم الوكيل.. كنت بروح فيها
لافي: بعيد الشر عنك يا رجال.. كيف العيال
عبدالرزاق: بخير الله يسلمك
لافي: الا وش اخبار الشغل عندك هاليومين.. على ايش شغال

&&&&&&&&&&&&&&&&&&&

4:40 العصر
فيلا العايله ..جناح صلاح..
السعوديه
نوف بخوف: وين بالبحرين
صلاح يلبس ثوبه: صديق ياروحي
نوف تدمع عيونها: سلم عليها قول لها انها واحشتني كثير.. ودي اجلس واتكلم معاها.. المكان فاضي من غيرها
صلاح يمسح دموعها: البسي احلى ماعندك ويلا
نوف تشوفه: يلا وين
صلاح: نروح لها
نوف بفرح: من جد
صلاح: ايوا من جد.. يلا ياروحي
نوف بفرح: خمس دقايق
صلاح يضحك: لا خذي وقتك حنا رايحين عرس.. ونشوفها هناك.. ابيكي تكوني اجمل من العروس
نوف بغرفة الملابس: من عيوني.. دامي بقعد معاها وبشوفها
صلاح: سلطان بيجي معانا
نوف: ماشي يا قلبي
صلاح: نوف ما اوصيكي
نوف: على ايش
صلاح: لا تتكلمي قدام احد
نوف: ماني فاهمه اتكلم عن ايش
صلاح: يعني عن روحتنا للبحرين
نوف: أي بحرين
صلاح: وقت استهبال الان
نوف: ماني فاهمه من جد
صلاح: اقصد شوفتنا لليال
نوف: مين ليال.. ما اعرف احد بهالاسم
صلاح يضحك من قلب: اعشقك
نوف: اموت فيك.. صلاح اختار لي البس هذا ولا هذا
صلاح: اعشق الاحمر عليك
نوف تبتسم: صلاح.. هذا احمر وهذا احمر.. أي واحد فيهم
صلاح: الي من غير اكمام
نوف تبتسم: هذا من غير وهذا من غير
صلاح يفكر في جمله ثانيه: امممممممممم
نوف: ماراح تلعب علي.. هذي لعبتي انا
صلاح يضحك: وشكلك بارعه فيها
نوف بحزن: تعلمتها من ناصر حتى اجاري بابا.. اقصد بوناصر
صلاح ينتبه: ولا تنسيني انا بعد تراكي تلعبيها علي كثير اذا ما ودك تجاوبيني على الي ابيه
نوف تضحك: تنتبه لي يعني
صلاح: ايوا وامشيها لك بمزاجي
نوف: طيب اختار
صلاح: القصير
نوف: طيب.. احط الميك اب والبسه حتى اوريك ياه
صلاح: من غير لا توريني.. بدره.. جميله.. ما انخلق في حلاة زوجتي
نوف تركض عليه وتحضنه: احبك يا روحي

&&&&&&&&&&&&&&&

6:00 المغرب
في الطياره
لندن
عبدالرحمن على التلفون: يا عبدالرزاق وانا اش سويت
عبدالرزاق: سويت الي براسك يا عبدالرحمن
عبدالرحمن: زوجتي ياخوي ما اقدر اجلس واتفرج لحد مايصير عليها شي
عبدالرزاق: قلت لك اني بجي معاك ليش ماتصبر
عبدالرحمن: البنت تصيح ليلها بنهارها.. بروح اشوف اش صاير معاها
عبدالرزاق: سعيد بيكون معاك.. قلت له يستقبلك.. بيكون لك حارس شخصي.. اياك تمشي بدونه.. سامعني
عبدالرحمن: كل هذا خوف من لافي!!!
عبدالرزاق: سوي الي اقولك عليه لا تنرفزني
عبدالرحمن: طيب طيب حاضر ياخوي
عبدالرزاق: وحاسب من لافي وكلامك معاه.. لا تنسى الي فهمتك ياه عن حالتي.. ولا تقول له اني عايش في البحرين.. قول له عندي شغل بس.. اديره وارجع قطر.. متنقل يعني
عبدالرحمن: ايوا فاهم
عبدالرزاق: وحاسب من الي بتقوله لك زوجتك.. احتمال في لعبه بينها وبين ابوها
عبدالرحمن: ياخوي زوجتي ماهي راعية هالسوالف
عبدالرزاق: وانت سمعتني اقول هي راعية هالسوالف.. قلت لك احتمال.. يعني نكون حذرين فاهم
عبدالرحمن: فاهم عمي أي اوامر ثانيه
عبدالرزاق: خلك على اتصال معاي.. لا تنساني.. واذا دقيت علي تجاوبني بسرعه
عبدالرحمن: حاضر.. بلزق التلفون بيدي حتى ما اتأخر عليك وارد بسرعه
عبدالرزاق بحده: تتريق انت الحين
عبدالرحمن: بالعكس الا فرحان بخوفك علي
عبدالرزاق بحنيه: يمكن اكون قسيت عليك في اشيا كثيره.. بس بتبقى اخوي الي احبه
عبدالرحمن: الله لا يفرقنا ياخوي
عبدالرزاق: آمين

&&&&&&&&&&&&&&&&&

7:00 اليل
قاعة الفندق
البحرين
دخلت قاعة الحفل في الفندق وشفت ترتيبها وتنظيمها.. تطمنت انه كل شي بخير ورحت للجناح الي قلت لاحمد يحجزه لي.. دخلت انا والحريم.. ورحنا كلنا على المرايه حتى نشوف اشكالنا مره ثانيه بعد المكياج الي حطته لنا الحرمه.. خوله صارت وحده ثانيه.. من جد صارت حلوه.. ماهو عشان كانت قبيحه هههههههههههههه.. اخاف تسمعني.. بالعكس خوله حلوه بس المكياج خلاها.. خلاها.. يوووووووه ماني لاقيه غير هالجمله.. خلاها احلى واحلى.. صارت احلى بكثير.. ههههههههههههههه يا خوفي لو تسمعني.. لمى بعد تغيرت مره.. حنان صارت وحده جديده اول ما اطلعت بعد المكياج ما عرفتها الكل صرخ لما اكتشفنا ان الي قدامنا حنان.. لبنى صارت رووووووووعه في نعومتها وجمالها.. صرت ابتسم كل ما شفت لبنى عارفه انه لو شافها خالد ما بيتركها.. الله يعينك يا لبنى عليه.. تعودنا على المشاكل والهموم.. نسينا اننا حريم والمفروض اننا نهتم بنفسنا شوي.. لينا اختفت عن ناظر الكل.. رتبت مع خان انها تكون معاه لحالها مع امها وام عبداللطيف الي وصلت متأخره شوي.. بس لحقت على المكياج.. خذت نصيبها هي بعد مع ام لينا.. بس من جد الكل صار حلو.. لينا كانت رافضه اننا نحط مكياج للبنات.. حنان بعد مارضت.. بيني وبين نفسي ماكنت راضيه كنت ابي احسس البنات بأنوثتهم.. وبأنهم ضروري يهتمو بنفسهم وجمالهم بكل وقت ماهو بس وقت العرس.. او اذا جا الزوج.. ما ابي اعود بناتي على هالشي.. ابي اخليهم يعيشو سنهم وانوثتهم.. ما ابي الهم ياكل من روحهم.. انا عارفه انه المستقبل ممكن بخبي لي الشي الكثير.. بس ضروري ازرع القوه بداخل بناتي.. حتى الهم والحزن لازم يكسروه.. دخلو البنات وهم لا بسين ثيابهم وكانو يجننو.. رحت اتألم ديما وجمالها هي بعد ماراح تسلم من عيون راكان.. كانت حنان تمدح جمالها وادبها.. وهي ياعيني الخجل بيقتلها.. كنت اضحك بيني وبين نفسي.. حنان وكنتها ديما.. والله يناسبو بعض.. بس عسى مايكون حظ ديما زي لبنى.. رحت اشوف بناتي بالغرفه.. محمد ربي يخليه انخفظت حراته وصار احسن شوي من الصباح.. حملته بين ذراعي وصرت ابوسه
خوله تدخل عليها: اشوفك تاركه عيالك وماسكه ولدي
ليال: هو ولدي بعد
خوله: الله يخليكي له
ليال: ودي بشي.. بس مستحيه منك
خوله: قولي يا قلبي انتي.. تتدللي على عمري
ليال: ودي ارضعه
خوله: ترضعينه!!!!
ليال: ودي.. ما ابي اترك بناتي لحالهم بالدنيا.. ابي يكون عندهم اخ يحميهم
خوله تحضنها: خلاص ارضعهم انا بعد.. ويصيرون خوات عيالي
ليال بفرح: الله يخليكي لي ياخوله
خوله: لا تبكيني عاد.. مكياجي يخترب.. قومي خلينا نفرح
ليال تحط محمد بفراشه: كم الساعه الان
خوله: قربت على 8
ليال: نستنى كمان ساعه
خوله: أي ساعه.. قومي الفرقه صارت تعزف وانا براسي رقص لحد الصبح
ليال تضحك: قالو لي انك خبله بس انا ما رضيت
خوله: شوفي لا تغلطين على ام بناتك.. ترا اخذهم واروح عنك
ليال ميته ضحك: والله مجنونه وتعمليها
لمى: يلا ياجماعه مزيان وصلت
خوله: وجراح معاها
لمى: ما ادري
خوله: هالرجال مختفي طول اليوم وين راح
ليال: سمعت احمد يقول نفس الكلام.. تظنيه بخير
خوله: علمي علمك خلينا نسأل اخته ونشوف
طلعنا برا الغرفه وسلمنا على مزيان.. كانت مبسوطه وتضحك.. ومبين انه جراح بخير.. تركت خوله ورحت اتصل في لينا.. قالت لي انها قريبه مني وفي الجناح الي جنبي.. ترجيتها اجي اشوفها.. وافقت بس بشرط اني اكون لحالي.. غافلت البنات وطلعت تسبقني لهفه غريبه لها.. افتحت خالتي ام عبداللطيف لي الباب.. ابتسمت لي ودخلت.. دخلت لحد الصاله وما لقيتها.. لقيت خالتي ام لينا
ليال: وينها
ام لينا: بالغرفه قفلت على روحها الباب.. وما رضت احد يدخل معاها
لينا: ليال تعالي ولا تخلي احد يجي معاكي
ليال تضحك: حاضر
دخلت الغرفة كانت مظلمه.. انتبهت انها ورا الباب.. كنت ابي اشوفها ما قدرت من الظلام.. كنت عارفتها تمام اكيد تجهز غرفتها.. كنت مبسوطه لها كثير.. الحمدلله الي ربي وفقها وتمم لها على خير.. انتبهت لها تقول "امشي خطوتين لقدام" مشيت.. وافتحت النور ولفيت عليها.. كانت آيه من الجمال.. كانت ناعمه مره ورقيقه.. الفستان ينطق عليها.. ذكرت الله عليها ورحت اذكر واهلل خايفه عليها من عيني لا تحسدها.. وهي تلف الغرفه وكل شوي تقول لي " من جد حلوه" اضحك على سؤالها وخبالها.. انتبهت للغرفه اش عامله فيها.. كانت مليانه ورود وشموع وحركات حلوه وعجيبه.. تاخذ العقل.. كنت اضحك من الفرح والسعاده.. صار لي زمان ما فرحت زي هالفرح.. تذكرت ناصر وسعادتي معاه.. كان دايم يفاجأني بنفس الحركات.. بين لحظه والثانيه كنت احس انه بيدخل علي.. ويقول لي انا هنا حبيبتي.. غمضت عيوني حتى ما اشتاق له.. كنت رافضه اني اشتاق له.. ما ابي أي شي يربطني فيه ابد.. ابد
تركت لينا.. ورجعت لجناحي.. كنت متغطيه.. بس انتبهت لوقفت جراح جنب جناح جنبي بعد.. عرفت انه حجز هو بعد.. جاني خوف.. بس انا ليه خايفه.. الحريم معاي وبناتي معاي.. ومالي علاقه فيه.. اطرد الخوف من روحي واروح افرح الليله ما ابي أي شي يكدر خاطري الليله حتى تفكيري.. دخلت جناحي والبنات كانو مشغولات بنفسهم يجهزو للطلعه على الصاله.. جهزنا ودقو الحريم على الرجال حتى يجو ينزلو معانا.. عبدالعزيز حذرني من أي حركه اتحركها من غير لا نعطي خبر لاي احد من رجالنا.. حلوه كلمة رجالنا.. كثير رددتها اليوم.. رجالنا.. صحيح انه ماتربطني أي علاقه محارم بين أي واحد فيهم.. بس كلهم اخواني.. و عوني في وقت ضيقي
وصلنا القاعه.. شلنا عبينا.. ورحنا جلسنا على الكراسي لحد ما جاو الناس.. قمنا نستقبل مع خالتي ام لينا وخالتي ام احمد الي كانت موجوده بالقاعه وقت وصولنا.. ابتدت الفرقه تعزف.. وابتدى الحماس في البنات والخبله خوله معاهم.. هههههههههههههه بهاليوم ما شبعت منها كل شوي اناديها يالخبله.. كانت متقبله هاللقب مني بصدر رحب.. بعكس المسكينه لمى الي حصلت على ضربه قاضيه اسكتتها من يد خوله ههههههههههههههه مضى الوقت بسرعه ما حسيت الا وخالتي ام لينا تناديني اروح للينا الساعه قربت على 11 اليل.. وصار وقت نزولها.. لينا طبعا ارفضت أي احد يضل معاها.. ما تبي احد يشوفها قبل احمد.. انا بس الي اسمحت لي.. حبيبة قلبي دوم تحسسني بغلاتي ومكانتي عندها.. دقيت على عزيز وجا معاي واحمد معانا طبعا.. ركبنا المصعد.. وعزيز جاه اتصال غريب.. في البدايه صار يصارخ وبعدين خفت حدته.. بس صار يتكلم بعصبيه.. ما فهمت في البدايه من يكلم.. بس واضح انه يكلم بنت.. ما اعطيت للموضوع أي اهميه.. وصلنا للطابق الي فيه لينا.. انتبهت لجناح جراح مفتوح.. طليت بدافع من الفضول.. لقيته يكلم الشغاله الي اسمها جويل.. لفيت بنظري الي جاو بعيون عزيز وشفت بعينه الغضب لاني طليت بجناح جراح.. وصلت لغرفة لينا دخلت عليها.. كانت متوتره.. انتظرت لحد ماهدت ورحت انادي احمد.. دخل معاي وشافها.. كان يشوفها بنظرات حب وحنان.. شي حلو.. احساس حلو.. لحظه حلوه.. تركتهم وطلعت برا الجناح.. لقيت عزيز واقف والعصبيه باينه بعيونه
ليال بحينه: مالك يا خوي
عبدالعزيز يغمض عيونه: سلامتك
ليال: من جد مالك.. انا عمري ماخبيت ضيقي عليك.. ليه ما تقول لي
عبدالعزيز يتنهد: صدقيني ولا شي
ليال تشوفه بحده: مره ثانيه لا تجبرني اقول لك الي بخاطري دامك ماتبي تقول الي بخاطرك
عبدالعزيز يبتسم: انتي بحياتك ماقلتي لي الي بخاطرك يا ليال.. اذا بتتكلمي معاي.. تتكلمي عن الشغل.. او مشكله احد من المجموعه.. ليال انا وانتي نشبه بعض.. ما نقدر نلعب على بعض
ليال تبتسم: طيب عشان خاطري قول لي
عبدالعزيز: ابوي تعبان والي معاه ما قالو لي..........
ليال باهتمام: بعيد الشر.. ودك تروح له
عبدالعزيز بعيون شارده: ودي ياليال بس.. صعب الحين
ليال بأهتمام: ليه!!!
عبدالعزيز: ما ادري يا ليال ما ادري
جراح يطلع من جناحه وبعصبيه: ايش موقفكم هنا.. فيه غرف تكونو فيها
ليال: ننتظر العرسان يطلعو حتى نزفهم
جراح بتريقه: انتو تزفو العرسان؟
عبدالعزيز ينتبه: لا يكون هالشي مضايقك سيد جراح
جراح ينتبه: لا ابد.. مستغرب وقفتكم هنا.. وباين انه في موضوع شاغلكم
عبدالعزيز: موضوع عائلي بيني وبين زوجتي.. تحب تعرفه
جراح يبلع ريقه: انا اسف.. ما قصدت اتدخل بينكم.. اسف مره ثانيه
عبدالعزيز: ماصار شي.. اش رايك تزف معانا العرسان
جراح: اه ايوا.. اكيد
ردود افعاله دايم توترني.. تحسسني انه عارف اني وعزيز محنا زوجين.. فضلت اسكت.. وبعدين اقول لعزيز على الي افكر فيه.. طلع احمد وجنبه لينا.. وقفت وراها ماسكه لها الطرحه.. عزيز وجراح كانو ورانا.. عزيز همس باذني انه ممكن خلال هالدقايق يروح يزور ابوه.. قلت له يروح ولا يقلق بكون مع خالد ولبنى.. ماراح اطلع لحالي
قبل لا نوصل القاعه شفته راح لخالد وعبدالرزاق وقال لهم.. اشر علي ومشى على طول.. في لحظه جات عيني بعيون جراح.. شفت الوان الغضب بعيونه.. كنت دوم اكذب نفسي.. بس غضبه خوفني.. صرت متأكده انه كاشف حركاتنا.. عارفه ذكائك يا جراح.. وعارفه اسلوبك زين.. دخلت القاعه مع لينا واحمد.. وصار وقت الزفه كنت بدنيا ثانيا.. خايفه من جراح خوف كبير.. جلست على طاوله بعيده عن البنات.. ماني عارفه ليه احس برجولي ماهي شايلتني.. وجودي هنا غلط.. بناتي لحالهم.. وانا هنا تاركتهم.. نسيت حالي وطلعت من القاعه.. كويس اني متغطيه تلفت على خالد وعبدالرزاق.. ومالقيتهم.. خفت من قلبي وطرت على عيالي ركبت المصعد ورحت لجناحي.. فتحت باب الغرفه ولقيتهم نايمين.. ومحمد يا قلبي نايم بعد.. رميت غطاي وجلست جنبهم.. نسيت روحي ورحت ابكي خوفي على بناتي.. ابي ارجع بيتي.. ابي استخبى.. ما ابي احد يا خذ بناتي مني.. بموت اذا صار لهم شي.. حملت الحلا بين يدي ورحت ابوس فيها زي المجنونه.. وهي ياقلبي نايمه ولا حست بي.. حطيتها بفراشها.. وحملت الغلا.. حسيتها حاره.. رحت اتلمسها.. ياربي سترك حرارتها مرتفعه.. لف عقلي.. كنت اصرخ والشغالات حولي يهدوني.. حملت البنت وطلعت من الغرفه كنت اصرخ بعزيز وينه.. وينه تركني.. وين اروح من اكلم.. كنت الف بالممر زي الخبله.. وين البنات.. كيف اناديهم.. تذكرت تلفوني.. نسيته بالقاعه.. رحت اركض على المصعد.. بنتي بفقد بنتي.. وقتها صحت الغلا بين ايدي.. وكانت تصرخ يا قلبي.. حاولت اهديها لكن مالقيت الي اهدي نفسي فيه.. انفتح باب المصعد ولقيته قدامي.. كنت اشوفه برعب.. ابتعدت عن المصعد وهو يقترب مني
ليال: اياك تلمسني او تلمس بنتي
جراح ينتبه لصوتها: ايش صار لها.. ليه ماقلتي لاحد انك جايه هنا.. ليه ماقلتي لاحد يجي معاكي.. وقفي كلميني
ليال بحده: مالك شغل بها ابتعد عني
جراح بحده: وين ابتعد ناسيه حالك انتي.. وين غطاكي
ليال تنتبه: طز في غطاي الان.. بنتي بتموت مني
جراح يمسكها: اتركيها بشوفها
ليال بجنون: قلت لك ابتعد عننا.. اياك تلمس بنتي ايااااااااااك



- ايش بيجرا مع جراح بعد ماشاف ليال
- يا ترا بيعرف حقيقتها
- ايش بيكون تصرف صلاح لما يعرف بالي صار