كاتب الموضوع :
دانة الحمادي
المنتدى :
الارشيف
10:00 الصباح
فيلا خالد ..الصاله..
البحرين
كنت متردد افتح باب الغرفه عليها.. كنت افكر اني اجبرها.. بس في النهايه ماراح الاقي غير الكره في قلبها.. فكرت اتعامل معاها بدلال.. ما راح ارفض لها أي شي تطلبه.. وهي تطلب شي حتى ما ارفض الي تطلبه.. ليه احس بنفسي جبان ليه احس بالخوف من رفضها كل ما فكرت اقترب منها.. كنت ابي اصحيها.. ابي اجلس معها.. من تزوجنا واحنا منفصلين.. هي بروحها وانا بروحي.. طيب وبعدين.. وبعدين.. حسيتها افتحت الباب وانا سرحان بافكاري.. شفت عيونها.. باين فيهم الدموع
خالد: صباح الخير
لبنى: ..................
خالد يمسك كتفها: قلت صباح الخير
لبنى بجفا: وانا قلت ابتعد عني
خالد يبتسم: ما اقدر ابتعد عن روحي
لبنى: ...................
خالد بحنيه: ممكن افطر من يد حبيبتي عشان عندي لها مفاجأه بتسعدها
لبنى تتركه: اكيد مصيبه جديده وضرب جديد.. شكرا ما ابي منك شي.. ياليت تتركني بروحي
معاها حق.. هذي حياتي معاها من تزوجنا.. اتركتني وانزلت.. انتبهت انها نست باب الغرفه مفتوح.. دخلت وجلست على سريرها.. لمست مخدتها.. كانت مليانه دموع.. هذي اخرتها ياخالد لبنى تكون حياتها معاك حزن ودموع.. لفت انظري علبة الذهب الي كنت مخليها لها بذاك اليوم.. موجوده على حالها.. بكيسها وجلادتها.. ما افتحتها ولا اقربت منها.. قلبي متقطع.. طلعت من غرفتها ونزلت للمطبخ.. جلست على الكرسي وهي راحت تحط قدامي صحون الاكل.. رن تلفوني
خالد: الو
راكان: هلا خالي
خالد: هلا
راكان بخوف: خالتي وين اتصل على تلفونها وماترد علي
خالد: لحظه شوي.. لبنى هذا راكان
لبنى تبتسم: هلا يما
راكان: خالتي.. اشلونج
لبنى: الحمدلله بخير
راكان: تصدقين كنت اتصل على تلفونج وماتردين.. اخذت السياره وقلت بجي لج بسرعه خفت فيج شي
لبنى تدمع عيونها: لا يما انا بخير.. فطرت حبيبي ولا ليلحين
راكان: لا ما فطرت
لبنى: خلاص يما تعالي افطر معانا
راكان: لا خالتي.. انا عندي شغل مع جدي
لبنى: عن الدلع.. وتعال يلا انتظرك
راكان: خليها مره ثانيه.. وبعدين بشوفج الليله
لبنى: شنو مجهز مفاجأه من مفاجأتك
راكان: بصراحه احنا معزومين على العشا الليله مع جراح
لبنى: اها.. بنطلع كلنا مع بعض طبعا صح؟
راكان يفهمها: أي صح
لبنى: خلي بالك من تصرفاتك يما
راكان: لا تخافين.. جهزي روحج
لبنى: ماشي.. مع السلامه
خالد: اش فيه
لبنى: .....................
خالد: خايف عليج مني
لبنى: الحمدلله الي لقيت احد في هالدنيا يخاف علي
خالد: قال لج على عزومة جراح
لبنى: أي
خالد: اش رايج نروح لمكان ثاني بروحنا
لبنى: ليش
خالد: نغير جو
لبنى: الظاهر منت حاس بروحك
خالد: مافهمت
لبنى: منت ملاحظ انه سعادتي مع هالجمعه الحلوه.. منت ملاحظ وجودي معاك تعاسه بالنسبه لي
خالد يجرها لحظنه: تعاسه؟
جريتها لحظني.. حسيت برعشتها.. حسيت بشوقها.. كنت اشوف عيونها وتعابير وجهها.. عارف انها محتاجه لحظني مشتاقه لي.. عارف انه حواجز كبيره موجوده بيني وبينها.. مع انها زوجتي حلالي.. اسحبت روحها مني وراحت لغرفتها.. جلست على الكرسي من جديد.. وغرقت بتفكيري
&&&&&&&&&&&&&&&&&&&
12:15 الظهر
في شقة ليال.. في البلكون..
البحرين
احمد: ومتى ان شا الله بتطلبونها
ليال: اليوم العصر.. ان شا الله
خوله: في خاطري شي ابي اقوله
لينا: اتمنى انه نفس الشي الي براسي
لمى: بصراحه وانا بعد بموت واعرف اجابة السؤال الي براسي
ليال: ول.. قولو ايش عندكم
خوله: الي اعرفه انه مها اخت بسمه
لينا: برد الله قلبج يا خوله.. هذا الي ابي اقوله
لمى: بصراحه وانا بعد
ليال تنزل راسها: اخت بسمه اخت غيرها.. ماهو مهم.. المهم عندي ان اهلي بخير
عبدالعزيز: ما هو واضح يا ليال
عبدالرزاق: ليال كلنا مستغربين.. عارفين انج تحبين زوجك.. وعارفين الي صار بس الغريب محنا عارفين انتي على شنو ناويه
ليال: الي لازم تعرفونه اني ماراح ارجع لناصر لو ايش يصير.. المهم عندي بناتي
لمى: الي ماني قادره اصدقه انك تزوجي اخوج من اخت زوجة زوجك السابقه
ليال: لمى الله يخليكي.. لا تطوليها وهي قصيره.. ناصر ما صار يهمني في شي.. وبعدين لا تنسون اني بتزوج
خوله تبتسم: صح.. خبر زواجك بيخلي ناصر يفقد الامل في رجعتج
عبدالعزيز: ماني قادر افهمج
ليال: معلش انا عارفه مع من اتعامل.. ولازم اجبر نفسي على الشي الي بيحافظ على امان عيالي
احمد: عندي لج مفاجأه
ليال تبتسم: فرحني
احمد: يوم عرسي تعرفينها
ليال تقوم: والله بايخ
عبدالرزاق: هههههههههههههههههه تعالي وين تروحين
ليال تقوم: بشوف بناتي
خوله: تتصلون على خالد
احمد: المفروض انه يسمونه نكد حزن وجع قلب غلط يسمونه خالد
عبدالرزاق: هههههههههههههههههه
عبدالعزيز: صدقت.. غبي
لينا: صدقت فيها.. غبي من جد
لمى: الله يعين هالمسكينه عليه
خوله: لحظه شوي تلفوني يرن.. الو
مزيان بضيق: وينك انتي
خوله: هلا ياقلبي.. ليش متضايقه
مزيان: ملل يا خوله.. بموت من الملل
خوله: معاش الملل وانا خوله.. قومي تعالي كلنا مجتمعين بشقة ليا.... نور
مزيان بفرح: والله.. جايتكم
خوله تنتبه: مع السلامه
لينا بخوف: قومي روحي شقتج قبل ما ننفضح
لمى: انا مالي شغل فيكم.. روحو مع مزيان قبل ماتجي هنا بسرعه
عبدالعزيز بقهر: ادعي عليج يا خوله.. ما اقدر
خوله: زلق لساني يا خوي اش اسوي
احمد يضحك: الله يعينج على ليال
عبدالرزاق: اقول تراني عندي شغل مهم.. اقوم اكمله.. اذا زوجتي توفت اليوم بلغوني
عبدالعزيز: هههههههههههههههههههه نفسي مره اشوفك توقف بوجه ليال
احمد: ماعليك منه.. هذا جبان
لينا: بنشوفك اش تسوي معاها يالشجاع
احمد بخوف: وليش!! انتو ناوين تخلوني بوجه المدفع؟
خوله: دامك قلت عن بوسالم جبان.. ورينا اش تسوي
لمى: انا عن نفسي بقول انه احمد هو الي قال لمزيان تجي هنا
احمد بحده: شوف النذاله
خوله: هههههههههههههههههههه والله فكره
لمى تضحك: اعجبتك صح؟
عبدالرزاق: وانا بعد سمعته
عبدالعزيز: خلكم من الضحك.. انا حاس انه جراح بيجي مع اخته
خوله: لا تكبرها
عبدالعزيز يبتسم: ليال معاها حق بخوفها منه.. جراح ماهو هين
لينا: لا تخوفني انت بعد.. قول الي تشوفه
عبدالعزيز: الي اشوفه انه جراح عينه على ليال
احمد بحده: عيب عليك يا رجال
عبدالعزيز: ماقلت العيب يا احمد.. اعجاب جراح بليال واضح
عبدالرزاق: ومتى شفت هالشي
عبدالعزيز: اسأل خوله وهي تقول لك
احمد: صدق الي يقوله يا خوله؟!!!
خوله: مع اني ما تكلمت معاه من قبل.. بس صح انا ملاحظه هالشي بعد
عبدالرزاق: ماقلتي لي!!!
خوله: كنت اكذب نفسي واقول عادي.. بس دام عبدالعزيز يشاركني هالراي.. يبقى................
لمى بخوف: يبقى ليال بخطر صح
عبدالرزاق: ماهي لهالدرجه عاد.. جراح رجال والنعم فيه.. عيبه انه ذكي.. واكيد شاك بس ماعنده شي يأكد الي براسه
ليال تدخل عليهم: الحقو.. مزيان وجراح على الباب
عبدالعزيز: حياهم الله.. روحي تغطي انتي وانا بستقبلهم ولا تنسين انتي زوجتي
ليال تروح مسرعه: أي صح
&&&&&&&&&&&&&&&&&&
01:00 الظهر
فيلا خالد ..غرفة لبنى..
البحرين
كنت واقفه عند المرايه.. اشوف وجهي واشوف جسمي.. في حياتي ما حسيت بهالشي.. ماراح اكذب على حالي.. سعيده بطير من السعاده.. اول مره اصير بحضنه.. ياليتني اكون بحضنه مره ثانيه.. ليش مشيت عنه.. ليش ما نسيت روحي معاه.. كنت ابي هالشي وحصلت عليه.. سمعته ينادي علي.. ما رديت عليه.. ما كنت ابي احد يصحيني من احلى حلم كنت فيه.. الحين حسيت اني حرمه من جد.. رحت اشوف جسمي من جديد.. اتحسس الحروق الي فيه.. ياترا لو تشوف هالحروق ياخالد اش بتقول.. ما عطيتني فرصه اقول لك انا كيف عشت.. ما عطيتني فرصه اقولك عن عذابي مع بدر.. سمعته ينادي علي مره ثانيه وهالمره يضرب الباب بقوه.. غطيت جسمي ورحت فتحت الباب
لبنى: خير
خالد: ليش ماتردين؟
لبنى: وليش ارد
خالد: عشان اتطمن عليج
لبنى: تطمن انا بروحي بالغرفه مافي احد معاي.. تفضل حياك.. هذي السرير مافي احد عليه ولا في احد تحته.. هذي خزانة الملابس ما في احد داخلها.. وين بعد.. اه هذي الحمام.. خالي مافي احد داخله.. تبي تفتش مكان ثاني بعد
خالد يشوفها بحده: خلصتي
لبنى: المفروض اسألك هالسؤال
خالد: تعالي عشان تاكلين شي انتي ما اكلتي من الصبح
لبنى تعطيه ظهرها: شبعانه من الدنيا.. خلني بروحي
خالد: ليال متصله تقول الغدا عندها
لبنى بفرح: أي ياريت ابي اروح
خالد: ياااه.. روحتج لهم تسعدج جذي
لبنى: صارو الفرح الوحيد الي بحياتي
كنت اشوف الاسى بعيونه.. عارفه اني قاسيه معاه بأسلوبي.. بس قسوتي ماتجي شي جنب الي سواه فيني.. كنت ابي اقفل الباب حتى اغير ملابسي.. لقيته دخل الغرفه وجلس على السرير.. خفت من حركته وحسيته ناوي على شي.. جيت بطلع ولقيته ماسكني وصرت بحظنه من جديد.. لقيت امنيتي تتحقق من جديد.. كنت ابي اسحب روحي منه بس لقيت روحي تتعلق بحضنه اكثر واكثر.. كنت ابي اغمض عيوني.. كنت ابي ارتاح.. كنت عنيده حتى بسعادتي.. سحبت روحي منه وطردته من الغرفه.. طلع من غير لا يقول شي.. وقفت عند المرايه من جديد.. صرت اشوف جسمي من جديد.. خوف غريب ملكني.. اذا شاف جسمي وانا بهالحاله اكيد بيشفق علي.. وانا ما ابي اشوف الشفقه في عيونه.. ما ابي احس اني ضعيفه معاه.. ما ابي انسى اني ابي انفصل عنه.. وما ابي انسى ضربه لي.. لقيت روحي اصيح من قلبي على حالي.. ماني عارفه شالي ابيه.. ماني عارفه كيف ارتاح
&&&&&&&&&&&&&&&&&
01:30 الظهر
شقة ليال ..البلكون..
البحرين
مزيان: نور انتي منين من السعوديه
ليال: انا من الشرقيه
مزيان: والنعم.. ومن عيلة مين
ليال متردده: انا من عيلة الراشد
مزيان: جراح.. نور تقول انها من عيلة الراشد.. تقرب لفواز صح
جراح: عيلة الراشد ماهي صغيره يا مزيان
مزيان: انتي تقربي لفواز الراشد؟
ليال تجاريها: فواز بن سعد
مزيان: لا فواز بن خالد
ليال: ماسمعت به
جراح بذكاء: اش تقربي لفواز بن سعد الراشد
ليال: عيال عمومه
جراح بخبث: فواز صاحبي والنعم فيه
ليال بخوف: ينعم بحالك
جراح يبتسم: بس انا ماسمعت انهم مناسبين بحريني
عبدالعزيز يفهم عليه: وانتي من متى على اتصال به
جراح يبتسم: معاه على طول
عبدالعزيز: خلاص اتصل فيه الحين واسأله
جراح: تبيني اسأل الرجال اذا مزوج بنت عمه لبحريني ايش يعني اشكك بكلامكم
عبدالعزيز: لا ابد.. اعمل حالك تسأل عني.. واسأله
احمد: ترا راسي وجعني منكم ومن سالفتكم.. والجوع ذبحنا يا ناااااااااس
لينا: ههههههههههه ننتظر خالد ولبنى
احمد بضيق: السيد نكد جاي
عبدالرزاق: هههههههههههههههه حرام عليك يارجال.. الله يهدي باله بس
مزيان: نور
ليال: نعم حبيبتي
مزيان: كيف عرفتي خوله
خوله: ياربي يا مزيان ماعتقتي الحرمه اش هالاسأله
يتبع
|
18-03-09, 09:36 AM
جديد مواضيع قسم الارشيف
العرض العادي
