خالد.. صرت اكره هالاسم.. خالد.. اكرهه واكره اني وافقت عليه.. خالد الي حلمت فيه طول عمري.. خالد الي صرت زوجته بعد سنين من العذاب.. بعد الي شفته من بدر.. بعد الي سمعته من الحقيره امه..الحين عرفت هي ليش كانت تضحك.. الحقيره اختفت عن الجلسه مده.. تكون هي الي دخلت هالرجال لبيتي.. حسبي الله ونعم الوكيل فيها اذا كانت هي سبب الي انا فيه.. فكرت في بدر.. بدر منين له يعرف انا وين سكنت.. مافي غيرها.. الله لا يسامحها اذا هي.. الله لا يسامحها.. الكلب طلع من الغرفه البارح وجلس يضرب فيني.. الله اكبر عليه كسر عضامي.. اش تفرق عن بدر يا خالد.. ولا شي.. كمل علي واتصل على الشرطه وجو اسحبو الرجال.. قال لهم انه حرامي.. سحبت روحي لغرفتي.. وقفلت الباب.. كنت ذكيه الي من لبست ملابسي امس فقلت باب غرفتي.. تكون هالحقيره ركبت لهنا وفتشت بالغرف.. حسبي الله عليها.. جعلها ماتربح لا بدنيا ولا بآخره.. سمعته يضرب علي الباب بقوته.. سحبت روحي بالغصب ورحت فتحت الباب.. كانت الدنيا تلف فيني.. من شفته طحت على الارض.. غمضت عيوني وانا بين يده.. تمنيت هالحضن ارتاح فيه.. الحين انا بحضنه وهذي حالي.. شفت خوفه وانا ماني قادره افتح عيوني من الآلام الي فيني.. شالني وحطني بسريري.. اتصل في فيصل والثاني جا بسرعه.. شافني وشاف الرضوض الي بجسمي.. التفت على خالد وكان الغضب معميه
خالد: ماحسيت بروحي كنت................
لبنى بتعب: البارح كان في حرامي في بيتنا.. ركبت الطابق الثاني وخاف مني صار يضرب فيني وخالد حس عليه وجا لحق علي.. اتصل في الشرطه واسحبوه
فيصل يرق لها: لا زم نروح المستشفى
لبنى بألم: لا.. ابي أي مسكن وخلاص.. وجودي في المستشفى ماراح يفيدني بشي
لبنى: فيصل الله يخليك.. عطني أي مسكن.. وطلعو عني ابي ارتاح
اطلعو عني.. حاولت اغمض عيوني.. الالم هد حيلي.. ماكنت ابي اسوي أي مشكله جديده كفايه الي انا فيه.. اقوم بالسلامه وانفصل عنه بكل هدوء.. ماني بايعه عمري ولاني الي بموت على حنيه منه عشان احيا.. عندي بيتي وعندي فلوسي.. وعندي حياتي الي ابي اعيشها بالطول والعرض خالد خلاص.. ماصار له مكان فيها.. كنت افكر تفكير جدي في الموضوع.. وقررت خلاص.. غمضت عيني اخيرا.. وحسيت من يهز كتفي صحيت ولقيت خالد قدامي.. في لحظه حسيت بالخوف.. تداركت نفسي ورجعت لقوتي.. حط بحلقي حبوب وشربت بعدها شوية ماي.. لفيت بنظري وشفت فيصل واقف يكلم بالتلفون غمضت عيني.. وفي لحظه سمعت اسم ليال.. فتحت عيني بسرعه وصرخت فيه
لبنى بحده: ليال لا تعرف.. لا تعرف
خالد: انا قلت له يتصل فيهم
ماكنت طايقه كلامه.. مسوي روحه بطل قال هو الي قال له يبلغهم.. يبي يوريني انه ماهو خايف منهم ولا يبي يوريني انه بطل وبيعترف لهم بالي سواه فيني.. مايهمني.. ماصار يهمني.. غمضت عيوني ورحت بعيد.. حلمت بأبوي.. شفته حزين ومهموم.. يا قلبي عليه ليتك ماتكون مهموم عشاني يبا.. كفايه اني ذبحتك.. حسيت بروحي اصيح وصياحي يعلى.. كنت بين النايمه والصاحيه.. حسيت بيد تهزني.. فتحت عيوني وشفته قدامي
لبنى بكل غضب: لو تشوفني اموت ما ابيك تقرب مني انت فاهم
لبنى بحده: ما اسمع منك ولا حرف.. وما ابي اشوفك حتى.. لاني طايقتك ولاني طايقه قربك.. انتظر الله يعطيني القوه وارجع بيت ابوي.. اني اكون معاك انسى.. اني ارضى اكون معاك انسى.. مابنسى الي سويته فيني ابد
خالد باحتقار: لا تتصورين اني جاي عشان اراضيج.. كنت بقول لج نفس الكلام الي قلتيه.. تصحين وتاخذين اغراضج وعلى بيت ابوج
لبنى بحقد: من غير لا تقول.. انت منت رجال عشان اكمل حياتي معاك
خالد يرفع يده: يا كلبه انا رجال غصب عنج.. قليلة حيا ماتربيتي
لبنى بحده: تربيت وتربيتي احسن من تربيتك.. على الاقل عندي عقل.. اوزن فيه الامور
خالد باحتقار: وعقلج الي توزنين فيه الامور قال لج تواعدين رجال في غرفة نومي يا محترمه
لبنى تضحك: أي غرفة نوم يا محترم.. انا من جيت هالبيت دخلت هالغرفة بس غرفتك الي مادخلتها ولا عمري بدخلها ما اعرف هي وين
خالد ينتبه للي قالته: بروح افتح الباب اكيد ليال
لبنى: وياليت ماترجع لغرفتي مره ثانيه.. ماني حابه اشوفك.. وياليت ما اشوفك ابد
مشى عني.. وانا كنت منهاره من التعب كان ودي اكلم فيصل واقول له عن الحبوب.. كان ودي اخذ وحده ثانيه الوجع الي بجسمي كبير.. وماني قادره استحمله.. آه رحمتك يارب.. يالله تعطيني القوه عشان اطلع من هنا.. دخلت علي حنان وراكان قبلها وسمر تركض مثل المجنونه وتبكي.. راكان شاف حالي ووقف مصدوم.. وسمر الزقت فيه.. حنان اصرخت فيهم
حنان بحده: طلعو برا.. برااااااااااااا
سمر تسحب راكان: حاضر ماما
اطلعو العيال من الغرفه ونادت حنان خالد بكل قوتها.. جاها وهو انسان ثاني غير الي كان يطردني من شوي.. كانت تصرخ فيه من غير عقل.. وهو ساكت ويشوف حالي.. كان باين انه قال لحنان كل شي صار.. حتى ضربه لي.. انتبهت انها ارفعت يدها عليه.. صارت تضربه على وجهه كأنه ولدها.. كانت ترمي عليه من الكلام القذر الشي الكثير.. ما انكر اني حسيت براحه شوي.. ما انكر انها سوت فيه الي كان خاطري اسويه.. كنت اشوفه وانا مستمتعه بالي هي تسويه فيه.. دنت جنبي واحضنتي كانت تصيح على حالي.. همست لها
لبنى: دقي على فيصل ابي اكلمه
حنان تدور تلفونها: حاضر حبيبتي.. اش تبين منه
خالد يعطيها التلفون: خذي تلفوني
حنان تتصل على فيصل: هلا فيصل
فيصل: هلا ام راكان.. خير اختي اش فيه صوتج
حنان: سلامتك ياخوي خذ لبنى تبي تكلمك
لبنى: تعبانه يا خوي.. الحبوب ما اعطتني نتيجه
فيصل: اخذي حبه ثانيه يالبنى.. انا جايك بالطريق.. كان عندي اوراق مهمه خلصتها وجايك.. قلت لك نروح المستشفى
لبنى بحزن: ماراح يشفو الي فيني يا فيصل
فيصل يقدر حزنها: ماسافة الطريق لبنى واكون عندج
حنان تسكر التلفون: حبيبتي
حنان تبكي: فيني هالاه ولا فيج
لبنى: خليه يطلع برا ما ابي اشوفه
المكسينه طلعته من الغرفه.. وارجعت اجلست جنبي.. الآلام تذبح.. تذكرت وقت الي كسرني بدر.. تذكرت المعاناه الي كنت فيها.. كنت اصبر نفسي لان خالد جنبي.. الحين وينه.. خلاص ماراح اجيب له طاري على لساني او في خيالي.. غمضت عيوني.. حسيت قربها بالامان.. ليتها تظل عندي نايمه.. كنت ابي اقول لها هالشي بس العيال وين بيكونون.. سكت كنت اصارع دموعي لا تنزل ما ابي احد يشوف دموعي.. سمعت سمر وهي تفتح الباب وتقول ان ليال والجماعه جاو.. فضلت اعمل روحي نايمه
لبنى بتعب: حنان غطيني.. ما ابي احد يكون عندي
لبنى: ما ابي احد يعرف ايش صار.. قولي لهم حرامي البارح كان بالبيت.. وضربني.. وخالد لحق علي
حنان تبكي: حسبي الله ونعم الوكيل
لبنى: قولي لهم نايمه.. ماابي اشوف احد وما ابي احد يشوفني
لبنى: آه تذكرت.. اذا سألو ليش انا بهالغرفه قولي لهم الحرامي كان بغرفتي وانا كارهه ادخلها
فيلا لافي ..غرفة الطعام..
لافي: اشوف النسيب الي بنتك مابغته وطلقها.. ما جا اخذها زي ما قال لي
ام ناصر: الغايب حجته معاه يا بوناصر
لافي: ولايمكن بيعلقها زي ماجننته بعمايلها
ام ناصر: لا بعيد الشر.. هذي عبير مافي منها حبيبتي انا لافي: اشوف يا ام ناصر.. ناس مالهم صوت
ام ناصر: عبير ماما مالك ساكته ابوكي يمزح معك لا تعمليها جد
عبير: ماما تسألي عن نوف والعنود؟
ام ناصر: عادي ما اهتمو بأمهم حتى اهتم فيهم
عبير: بس نوف كانت تدق وانتي الي ما تبين تردي عليها
ام ناصر: لانها تزوجت اخو الكلبه الي فرقتني بولدي
ام ناصر: ابوكي خيرها.. وهي اختارت.. خلاص خليها تشبع بالي هي فيه
عبير: طيب والعنود ايش عملت
ام ناصر: وافقت اخوها على عصيانها لابوها
عبير: ناصر بعد عصى بابا.. بس انتي لحد اليوم تدقي عليه
عبير تقوم: بكره انا بعد ترميني زيهم وتقولي رجعت لعبدالرحمن وعصيت بابا
لافي: تقدري تسيبيه وانا ارضى عليكي
عبير: مايهمني بابا.. تظن اني بكون احسن من خواتي.. انا بختار زيهم.. بختار حياتي
ام ناصر بحده: بس يا بنت ولا كلمه.. لا تكلمي ابوكي كذا
عبير: اشوف بابا عمل لك غسيل دماغ
لافي يصفعها: انا ماعرفت اربيكم
ليال: انا بخلي الشغاله مع لبنى تدير بالها عليها
خالد: ماله داعي انا موجود
خوله بحده: لا.. وجود الشغاله مهم
احمد بحده: وبعدين كان لازم تنقلها المستشفى
خالد: والله حاولت معاها ومارضت.. تظن بخلي زوجتي وهي بهالحاله
فيصل يحاول يهدي من حدتهم: ليال انا حاولت معاها.. بس مارضت
ليال: كيف ترضى وهي تغطي على زوجها
لينا تمسكها: خلينا نتطمن عليها الاول وبعدين يصير خير
ليال بحده: تعرف اذا ما اقدرت تحضر عرس احمد ولينا.. صدقني ياخالد.. ماحد بيوقف في وجهك غيري حتى لو لبنى غطت عليك
عبدالعزيز: انا افضل انج تكلمينها
ليال تناظر خالد بحده: حاولت بس التعب الي هي فيه مانعها
لينا: طيب نجلس معاها الليله.. حالتها ما تستدعي نتركها جذي
خالد يتركهم ويروح المطبخ: البيت بيتكم.. الحين اتصرف واجيب لكم سراير تنامو عليها
عبدالرزاق: ليال ماهو طبيعي يكون هو الي ضربها جذي
احمد بنفس الحده: متى الحرامي دخل.. متى صار ذي كله.. الموضوع فيه كذبه
فيصل: الي قلته لكم لبنى بروحها قالته لي
ليال: تكذب.. الحرامي بيضرب باي مكان عشان يهرب.. وهي الكدمات عندها على الوجه والكتوف
احمد بحده: بذبحه اذا عرفت انه مد يده عليها
عبدالعزيز: ليش ماشفت وجهه.. شكله هو بعد مضروب
عبدالرزاق: جلستنا ما منها فايده.. نوصي حنان على البنت ونرجع احنا لها بكره
عبدالعزيز: نتصل في حنان الاول عشان ما تتركها.. وبعدين نمشي
ليال: خوله دقي انتي.. احس اني برتكب جنايه
خالد يرجع لهم: ساعه بالكثير وتكون الاسره واصله
احمد بحده: مايحتاج.. احنا ماشيين
طلعو ولا حتو سلمو.. اشلون ما انتبهت انها ما تدل غرفتنا وين.. اشلون ما انتبهت ان شنطتها بالصاله الي فوق وفيها التلفون.. متى راح تتصل على هالكلب الي لقيته.. ومنين دلته طريق البيت.. اشلون مافكرت.. وليش افكر خلاص.. ما يحتاج التفكير.. بتتركني خلاص.. جلست على الكنب وانا مغطي وجهي
خالد: .....................
راكان: تصدق عاد.. كذبة انه الحرامي هو الي ضربها كذبه واضحه
خالد: ......................
راكان: الحرامي ما بيضرب على الوجه والكتوف يا خالي
خالد: ..........................
سمر بحزن: راكان اش رايك تروح تجيب لها اكل
راكان: اش تبين اجيب حبيبتي
سمر تحضنه وتبكي: والله ما ادري
راكان: تعالي خليني اسأل ماما
سمر توقفه: قبل لا نروح.. لازم يسمع هالشي مني.. خالي انا اكرهك.. اكره تصرفاتك معاها.. على شنو تعاقبها.. اش سوت فيك.. ليش سويت فيها جذي.. شكلها يقطع القلب
راكان: اتركيه.. يلا خلينا نروح لها
كل الي اعرفه اني احبها وروحي فيها.. كل الي اعرفه اني اتعرض لمواقف معاها تجبرني اكون جذي.. كل الي اعرفه اني كل ما جيت ابي اسعدها القي روحي اضرها واعيشها بحزن.. متهور غبي متسرع اشلون ما سألتها.. اشلون مافكرت قبل لا امد يدي عليها.. غبي ماكنت جذي ياخالد.. خسرتها وخسرت اختي وحب عيال اختي.. واحترام الناس الي ارتحت معاهم.. سمعت تلفوني يرن.. شفت الرقم رديت
ام خالد بفرح: هلا يا يما اشلونك حبيبي
ام خالد عرفت انه يكذب: بس!!!
ام خالد: لا يما اشلون زوجتك
ام خالد تغيرت تعابير وجهها: اش تسوي يما
ام خالد بحده: تطلعون وين تروحون
خالد: نتسوق عرس احمد قريب وابي اخذ لزوجتي احلى فستان
ام خالد بقهر: خالد يما انتو مافيكم شي مع بعض
خالد: الحمدلله يما مبسوطين
ام خالد: والبارح نمتو كويس
خالد: الحمدلله.. كانت ليله ولا اروع
ام خالد بغيض: ساحرتك انا قلت انك مسحور.. حسبي الله عليها اكيد انك معمي.. اكيد
خالد يغمض عيونه: يما انا مسافر مع لينا
ام خالد بحده: لا.. انت سامع.. لا.. مافي طلعه برا البحرين
خالد: يما لا تدقين علي هاليومين بسكر تلفوني لين ارجع ما ابي احد يشغلني عن لينا.. ابي اعوض السنين الي راحت بدونها
عرفت ان لها يد بالموضوع.. لكن بعد شنو.. اشلون امي عرفت هالرجال.. اشلون اتفقت معاه.. اشلون ما انتبهت ان نواف ماكان عارف اسم بدر.. كان يتكلم عن وحده ويصلح كلامه اول ما ينتبه لنفسه.. اشلون ما انتبهت.. وين عقلك يا خالد.. الضيق ماليني.. والهم كسر نفسي.. ليش يما انا ولدج ليش تسوين جذي.
حنان تحط يدها على كتفه: امي ورا ذي كله صح
حنان: يا خساره ياخوي.. خسرت كل شي
خالد: واذا قلت لها انه امي سبب ذي كله ماراح ترضى بعد.. هي وامي فيه شي بينهم وهي عارفه زين ان امي ما بتخلينا في حالنا.. ليش ماتقول لي على الي بينهم.. هي بعد سبب في تصرفاتي.. يا ناس اغير.. زوجتي والاقي رجال في غرفة نومي.. اش ممكن الواحد يتصرف
حنان: الي تبيه سوه.. ماراح اتدخل بينكم
حنان: سمر معاها.. وراكان في الصاله فوق
في شقة ليال ..في الصاله..
احمد بحده: وانا منين اعرف انج تعرفينه
ليال بحده: كنت تقول لي.. كيف تتصرف من غير لا تقول لي
احمد: ماتصرفت في شي يخصج.. هذا شي ويخصني.. مادريت انج تعرفينه
ليال بحده: عبدالرزاق انت عارف هالشي صح
عبدالرزاق بحده: وانا منين اعرف.. تظنين لو اعرف كنت اخبي عليج
ليال: والله اني حاسه انكم انتو الاثنين لاعبينها
احمد ياخذ تلفونه ويطلع: لا لاعبنها عليج ولا شي انا باروح للرجال وبقول له انه صارت مشاكل مع صاحب العماره وبنقله عماره ثانيه
ليال: وليه الزعل طيب.. ماقصدت اني اجرحك
احمد زعلان: ولا تجرحيني ولا اجرحك.. قلت لج اني ما اعرف انج تعرفينه.. اسفين اختي اعذرينا.. بصلح غلطتي
ليال: والله ماقصدت اضايقك اجلس بس بفهمك
احمد: ليال شنو تفهميني.. ماتبين الرجال عندج خلاص بطلعه.. ليش اقعد وشنو بتفهميني
ليال: احمد الله يخليك لا تقسي علي عاد.. كفايه منظر لبنى في عيني.. اسمع مني بس
ليال بحده: وبعدين معاك ليه الا سلوب ذا عاد
احمد: لانج بتشرحين لي ليش ماتحبين جراح وبتقنعيني انه لازم يطلع.. وليش اضيع وقتج ووقتي.. خليني اطلعه من الحين وخلاص
ليال بحده: لا تخليني اغلط عليك.. تراني معصبه من خالد.. لا تخليني اسمعك كلام مايلوق على اسلوبك ذا
ليال: جراح يعرف لافي تمام المعرفه.. اذا غلط باسمي قدامه بروح انا وعيالي فيها.. انت بنفسك تخاف على اماني وسلامة عيالي
احمد: اول شي جراح بيسكن بالطابق السابع.. ثاني شي ماحد قال انه بيزورج في شقتج.. ثالث شي.. بيحضر عرسي وبيمشي على طول.. رابع شي وهذي الاهم.. انه ماهو انا الي بجيب اصحابي وبعرفهم على مجموعتي.. جراح صاحب وبس.. فهمتي
ليال: بس خوله وعبدالرزاق اصحابهم بعد.. واكيد انهم بيكونو عندهم وبيجونهم
احمد: وانتي اش دخلج بينهم اذا خوله راحت عندهم او هم جاو عندها.. انتي في شقتج وهم في شقتهم
ليال باستسلام: الله يعينني
خوله بخوف: يعني موافقه ولا لا
ليال بخوف: توكلت على الله.. الله الحافظ
يتبع
17-03-09, 03:17 PM
جديد مواضيع قسم الارشيف
العرض العادي
