8:00 اليل
فيلا خالد ..الحديقه..
البحرين

سحبني راكان على الحديقه.. وسمر ربطت عيني.. كنت امشي معاهم وانا عيوني مقفوله.. ضحكهم علي يجبرني اني ابتسم..حنان كانت تضحك من قلبها.. واسمع تعليقات تغث القلب من ام خالد.. تعليقات تكسر النفس.. تغصب الروح على الحزن.. يمكن لو كنت سعيده مع خالد كانت تعليقاتها تهون.. بس الحزن الي بقلبي صعب اني اوصفه.. وهي لو تعرف عنه كانت بتفرح.. راكان فتح الربطه الي على عيني.. اخذني المنظر الي شفته.. جلسه تجنن.. والحديقه منظمه تنظيم حلو.. اول مره احس براحه من الي شفته..تلاقت عيني بعيون خالد.. شفت ابتسامته ولفيت بنظري عنه عارفه اني كل ما احتجت الراحه وحبيت اني الاقيها عنده.. لقيت بدالها وجع القلب.. فضلت اكون بعيده عنه.. راكان كان مثل المجنون معاي.. ضحك ومزح ونكت وهباله والمساعد الاول له سمر.. نسيت شوي من همي معاهم.. كنت اضحك واصفق.. وام خالد كانت كل شوي تعليق.. وصلو الجماعه.. الكل شاف فرحتي.. اعتقدو اني فرحانه.. مادرو انه لو ما الله ثم راكان وسمر كنت في حاله ثانيه.. دخلت المطبخ اجهز للعشا.. جات ليال ولينا معاي.. جهزنا كل شي تقريبا وتركنا الباقي على شغالة ليال.. طلعنا لهم من جديد.. سوالف الرجال تاخذ العقل.. واحمد ولينا كانو فاكهة الجلسه.. الكل يفكر ايش ممكن يصير في عرسهم واذا احمد وقع قدامها وهو يمشي.. واذا لينا عطست واخترب الميك اب.. سوالف تضحك وتفرح القلب.. ام لينا اخذت النصيب الاكبر من التريقه.. سمر وديما وريما اخذو جانب واجلسو فيه.. كنت متابعه راكان وعيونه ما نزلها عليهم.. يشبه خالد كثير.. نفس الابتسامه نفس نظرة الحب.. ما انكر اني كنت اشوفه واتذكر ايامي مع خالد.. وما انكر انه ادمعت عيني على ذيك الايام.. افتقدتها وافتقدت الفرح القديم.. كنت مركزه عيوني على راكان.. رفعت عيني ولقيت خالد يشوفني بحده.. اكيد غار.. قمت من مكاني ورجعت المطبخ.. قلت للشغاله تاخذ العشا لهم.. قعدت بروحي اتذكر خالد وقت الي كنا صغار.. كنت ابتسم بحزن.. انتبهت انه في احد واقف جنب الباب بس ماحبيت اني التفت سويت روحي مشغوله بالاكل.. خلصت الي بيدي والتفت ومالقيت احد.. طلعت ورجعت لهم.. راكان كان كل شويه يعطي اوامره لل DJ الي خلى من السهره احلى واحلى.. خلصنا عشا وجلسنا شوي كملنا سوالف وضحك.. جات عيني بعيون ام خالد ولقيتها تبتسم لي.. سبحان مغير الاحوال.. كنت اتمنى انها تكون مبسوطه.. والي اتمناه اكثر انها تتركني ارتاح في حضن حبيبي شوي
احمد بهمس: جراح بكره يوصل
عبدالرزاق بهمس: الله يستر
احمد بهمس: لا تخاف.. ليال اتركها علي
عبدالرزاق بهمس: تاركها على الله يا اخوي
خوله بهمس: تحسينها مبسوطه؟
ليال بهمس: لا
خوله بهمس: وانا بعد
ليال بهمس: والله يا اختي كل ما اشوف حالتها احس بعجز.. ودي اساعدها بس اسلوبها تمنع فيه الكل عن انه يتدخل في حياتها
خوله: دامها مانعه الكل مابنقدر نسوي لها شي ياليال
لمى بهمس: ودي اتكلم معاها
لينا بهمس: اش بتقولين
لمى بهمس: بقول لها
لينا بهمس: لا انجنيتي انتي.. ليال بتقوم الدنيا علينا.. اسكتي خلي عبدالرزاق وخوله يتصرفون
لمى بهمس: وليال؟
لينا بهمس: اش بيصير على ليال.. احنا جنبها وماراح يصير شي
حنان بهمس: كل شي تمام؟
لبنى بهمس: الحمدلله
حنان بهمس: ليلحين احس الحزن بقلبج
لبنى بهمس: فاقده ابوي
ديما بهمس: سمر شكلي بنفضح من ورا نظراته
سمر بهمس: اش اسوي تعبت وانا اكلمه ناسي روحه
ديما بهمس: خلينا نغير المكان
سمر بهمس: والله بيلحقنا
ديما بهمس: وبعدين يعني.. اقول لك اشري عليه خليه يجي
سمر مستغربه: وبعدين!!
ديما بهمس: خلك واقفه معاه بعيد عني شوي.. بكلمه عشان يوقف من حركاته هذي
سمر تأشر: الله يستر منج انتي وياه.. شكلكم بتسون سالفه لنا الليله
ديما بهمس: ماهو انا الي ابتديتها
راكان يجي بسرعه: هلا سمر تبين شي
ديما بصوت واطي: اسمع راكان سمر كلمتني عن الي قلت لها عليه وانا قلت لا.. الله يخليك وقف من الي تسويه.. انا ماني حمل مشاكل من اهلي واضح الي اقوله
راكان يبتسم: انتي مناديتني عشان تقولي هالشي بس
ديما بحده: أي.. وما ابي اعيده مره ثانيه.. مابي مشاكل انت سامع.. وقف من حركاتك هذي قدام الكل
راكان يبتسم: بس انا..................
ديما تتركهم وتمشي: مايهمني انت شنو.. المهم تبتعد عني
سمر بهمس: حذرتك يا راكان من الي تسويه
راكان: غصب عني.. من جد حبيتها
سمر: طيب.. ارحمني من المشاكل معاها.. وخلك بعيد
راكان: بكون بعيد.. راضيها.. عشاني سمر
سمر تبتسم: من عيوني ياروح سمر
راكان: انا بمشي وليد يأشر علي بشوفه اش يبي
وليد اشر على راكان وهمس له.. وراكان راح لل DJواعطاهم امر.. وليد مسك العود وراح يغني" لا تسألو اليل عن قمرته ونجومه.. واسلو حالي عن خل شغلني.. شوفو الوجع بقلبي واعرفو وشهي همومه.. زاد الوله فيني وخلي هجرني" كلمات الاغنيه ومعانيها حتى لحنها كان حزين.. رحت مع الاغنيه حسيتها مناسبه بالجو الي عايشه فيه.. كان ودي اصيح.. كان ودي اشكي حالي.. شفت الكل سرح في همه شفت الكل تأثر مع وليد.. الكل عنده هم ماهو بس انا.. الكل يعاني وفي شي شاغل تفكيره وباله.. ماهو بس انا

&&&&&&&&&&&&&&&&

10:10 الليل
شقة جراح ..غرفة مزيان..
لندن


جراح: اغراضك جاهزه يا روحي
مزيان: جاهزه ياخوي
جراح ينادي: جويل.. جويل
مزيان: تعرف لو ماهي خوله تعبانه ماكنت رحت البحرين
جراح: عشان خوله بس.. طيب وجراح
جويل: نعم استاز
جراح: قولي للشغاله تنقل اغراض مزيان
جويل: تأمر استاز
مزيان: صبا وين؟
جراح: نايمه
مزيان: ابيها تنام بحضني الليله
جراح: اعملي الي تبينه
مزيان: كم يوم بنجلس هناك
جراح: مزيان لا زم تعرفين اني رايح عشان ابي اكتشف شي.. ابي اعرفه واعرف مين وراه بعدين نرجع مكان ما تبين
مزيان: انت رايح لشغل؟
جراح: ماهو شغل بالتحديد.. ابي اعرف شخصيه واحد مهم عندي كثير
مزيان بملل: الي تبيه اعمله.. ما ابي نجلس بفتدق
جراح: تبين اشتري فيلا
مزيان: لا ياروحي.. ابي شقه لنا.. تكفينا اسبوعين ثلاثه
جراح: من عيوني
جويل: اسمحولي استاز
جراح يبتعد: تفضلي
مزيان: جويل خذي هالشنطه وهذي بعد.. الصغار هذول خليهم لحالهم
جويل: حاضر مدام
جراح: جهزتي اغراض صبا يا جويل
جويل: جاهزين استاز
جراح: يلا اجل الطياره باقي عليها 5 ساعات
مزيان: ماني عارفه اصرارك اننا نركب طياره عامه..كنا اخذنا طيارتك وانتهينا
جراح: لاني ما ابي اروح بصفه رسميه
مزيان: طيب.. متخفي يعني حتى الشخص الي تدور عليه ما يعرفك؟
جراح يبتسم: تفهميني

&&&&&&&&&&&&&&&&&

10:30 الليل
فيلا العايله ..الحديقه..
السعوديه
غسان: اش الي مسهرك كذا
ناصر: غسان!!
غسان: خوفتك؟
ناصر: كنت سرحان ماحسيت عليك
غسان: شفتك سرحان ومنت حاس بالي حولك
ناصر: ليه سبت زوجتك
غسان: نامت.. قلت اتركها ترتاح
ناصر: تراها خايفه على الي ببطنها من ابوي
غسان ينزل راسه: عارف هالشي
ناصر: هالشي مضيعني ياخوي.. تفكيري مشغول بها وبليال
غسان: وليال مالها
ناصر: صلاح يقول تبي تتزوج
غسان يخبي تفاحأه: ..........................
ناصر: ليال راحت مني خلاص
غسان بحزن: ماعندي شي اقوله لك
ناصر: وانا ماعندي شي حتى اقوله لنفسي
غسان: لا تعذب نفسك.. هذا النصيب
ناصر: ماتوقعت يصير كذا.. توقعتها تهدى وبعدين ترجع لي.. ما ظنيتها تبتعد عني كل هالبعد
غسان: زوجتك عنيده
ناصر بحزن: كانت زوجتي.. كانت
غسان: صدقني لو الله كاتب ترجع لك.. مافي قوه بتبعدها عنك
ناصر: عنيده.. وعنادها بيبعدها عني حتى لو ما تزوجت غيري.. ظنيتها حامل وبتبتعد عني عشان الطفل يعيش بعيد عن ابوي.. بس الظاهر انه الطفل مات
غسان: ماتعرف الخير وين
ناصر: ثلاثه يا غسان.. الي ماتو ثلاثه
غسان: الله يعوضك الخير ياخوي
ناصر: والله ماني عارف من الي ضيعت بغبائي.. بسمه ولا عيالي ولا ليال

&&&&&&&&&&&&&&&&&&

10:45 اليل
فيلا خالد ..الحديقه..
البحرين

احمد على التلفون : هلا جراح
حراج: هلا وغلا احمد اخبارك
احمد: الحمدلله.. بشر طيارتك متى
جراح: يعني تقريبا 4 ساعات
احمد: وشلون بتغطي على جيتك البحرين
جراح: لا تخاف ربعي مغطيين على وجودي بالطياره العامه
احمد: ممتاز.. بنتظرك بالمطار.. وحجزت لك جناح بالفندق
جراح: والله يا خوي ابي منك خدمه
احمد: آمرني
جراح: اذا قدرت تلغي حجز الفندق.. وتشوف لي شقه لي ولاهلي
احمد متردد: با شوف يا جراح ما اوعدك.. بحاول قد ما اقدر اني الاقي لك طلبك.. الوقت قدامي قصير
جراح: معلش يا خوي.. حاول.. اختي ماتبي الفنادق بالمره.. انا اسف الي احرجتك
احمد: لا يا خوي مافي احراج.. بس ان شا الله القى لك طلبك بسرعه
جراح: اتمنى هالشي..واعذرني مره ثانيه
احمد: عيب عليك يا رجال اش هالاعتذارات
جراح: احس اني احرجتك
احمد: ولا يهمك يلا خلني اشوف طلبك.. مع السلامه
عبدالرزاق بإهتمام: اش فيه
احمد: يبي يلغي حجز الفندق.. وقال لي اشوف له شقه
عبدالرزاق قتح عينه: وين بتشوف له الشقه
احمد يبتسم: وين تتوقع
عبدالرزاق: آآآآآآآآآآآآآه ياقلبي.. انت ناوي على موتي.. ليال ذابحتني ذابحتني
احمد يضحك: عن الخوف يا رجال.. انا اتصرف
عبدالرزاق: يا خوي لا تخليني بوجه المدفع وتتخلى عني
احمد: ههههههههههههههه والله يافرحتي.. اقول اش رايك اجرب اشوف اش يصير
عبدالرزاق يقوم عنه: انا ماشي ورايح استخبى بشقتي
احمد يمسكه: ههههههههههههههههههههههههههههه اقعد ماني قادر اسكت
عبدالرزاق يضحك: خلني امشي طلع من جد بتقلبها على راسي ياخوي
احمد: هههههههههههههههههه لا تصير جبان عاد.. اقعد ابي اكلمك
عبدالرزاق: مافيها كلام بروح احجز لي ولاهلي ونروح قطر.. قبل لرقابنا تطير من وراك بسبب عرسك
احمد: ههههههههههههههههههههههه
عبدالرزاق يجلس: وانت من جد بتسكنه في عمارة ليال
احمد: وليش لا.. مين بيقول لها عنه.. وبعدين هو اش بيعرفه بها
عبدالرزاق: احمد تراني ماني قد ليال.. الحين تتفاهم معاها.. انت سامع

&&&&&&&&&&&&&&&&&

11:00 الليل
فيلا العايله ..جناح بوسلطان..
السعوديه
بوسلطان: كلمتيها
ام سلطان: بكره ان شا لله.. لا تنسى بنتي لازم تعرف قبل لاكلم ام غسان
بوسلطان: خير ان شا الله.. وانت مالك ساكت
سلطان: ابد يبا ما ادري ليه الضيق محتويني
ام سلطان: اعوذو بالله وليه ان شالله
سلطان: ماهو ضيق عشان البنت.. بس ماني عارف
بوسلطان: تعوذ من ابليس يبا.. الحمدلله الي بموت وانا متطمن عليكم
سلطان يحضنه: لا تقول كذا يبا.. جعل يومي قبل يومك.. والله ما اعرف اعيش بلاك.. اياك اسمعك تقول هالكلام
ام سلطان بحده: يعني انت الي تقوله هو الصح.. كلامك ذا بعد اياك اسمعك تقوله مره ثانيه
سلطان يبوسها على راسها: لا تزعلي يالغاليه.. يما.. ماني عارف ايش مالي احس روحي تسبح في فضى.. ما احس اني واقف على الارض
ام سلطان: اعوذو بالله يما.. ايش الي صار لك.. اذا ماتبي البنت خلاص.. بلا هالزواجه يما
سلطان: بالعكس يما.. هالبنت زوجتي.. انا حاسس اني بعيش معاها.. بس...........
بوسلطان بخوف: بس شنو يا سلطان.. كلامك يضيع العقل
سلطان يقوم: لا تهتم.. ما ادري ايش فيني اليوم جالس اهوجس.. يمكن من الفرح
ام سلطان تبتسم: ههههههههههه ايوه كذا خوفتني عليك
سلطان: يلا طيب خلوني اطلع للشباب شفتهم شوي مجتمعين بالحديقه
بوسلطان: روح يبا وانبسط معاهم
سلطان: يما لا تسرعي بخطبة البنت استني لحد ما اقول لك

&&&&&&&&&&&&&&&&&&

11:30 الليل
فيلا خالد ..الحديقه..
البحرين
ودعت الكل.. وجات ام خالد واقربت مني.. كانت تضحك.. مستغربه عليها اليوم من جات وهي وجه عابس والحين اشوفها غير.. اش الي مخبيته يا ام خالد.. مشت هي بعد مع حنان والعيال.. وظليت لحالي.. رحت المطبخ ولقيته مرتب ونظيف شغالة ليال ما قصرت جات بوقتها
خالد: معلش شغالتج محتاجه اسبوعين.. انا متفق مع حنان تجيب شغالتها لج
لبنى: ماله داعي.. اقدر اقوم ببيتي
خالد يبتسم: طول عمرج راعية بيت
لبنى: تحب تشرب شي
خالد: تبين الصراحه ودي اكل.. ما اخذت راحتي بالاكل.. او تقدرين تقولين اني هضمت الي اكلته من كثر الضحك مع الشباب
كان ودي اضحك على الي قاله.. او على الاقل ابتسم.. فضلت اني انشغل بتحضير شي خفيف له ياكله.. قلت يمكن ترجع نفسي تهدى معاه.. يمكن اكون بحضنه الليله.. ما ابي غير حضنه بس.. جهزت الاكل وجيت بشيله ولقيته يبعدني
خالد: الاشيا الثقيله الرجال بس هو الي يشيلها
لبنى: بشويش طيب
خالد: نروح بالصاله الي قوف؟
لبنى: براحتك مكان ماتبي
شفته يبتسم.. مشى ومشيت انا وراه.. كنت اشوفه وهو يمشي.. وجود الجماعه اليوم خفف من الحزن الي كنت فيه.. نفسي ارتاحت شوي.. احس اني احسن وابي اجلس واسولف معاه.. واقوله على الي مريت فيه.. كنت ابي اقول له عن بدر.. كنت ابي اقول له عن ايامي السوده معاه.. وصلت للطابق الثاني.. حط الاكل والتفت لي.. ابتسم لي وغصب عني ابتسمت.. قرب مني وسمعت صوت قوي جاي من وحده من الغرف.. تركني وراح يشوف.. ظليت واقفه.. كنت اسمع صراخ.. كنت احس بشي ماهو طبيعي صاير.. خفت ولزقت بالحيطه الي جنبي.. الاصوات علت.. كنت اسمع خالد يصرخ مثل المجنون.. خفت اروح اشوف اش فيه.. فتح باب الغرفه وطلع منها وهو يجر بيده آدمي
خالد بكل غضب: هالحيوان يقول انه ينتظرك بغرفة نومنا



- مين هالرجال
- ايش دخله بيت خالد
- ايش راح يجرا لليال وجراح.. وخالد لبنى

السلام عليكم ورحمة الله وبركاته


على الوعد يوم السبت .........


اتمنى لكم قراءة ممتعة ..............

السلام عليكم

صراحه البارت اللسان عاجز عن وصفه احب اشكرج اختي على تواصلج والتزامج الله يعطيج الف عافيه

بالنسبه لهذ

سوري ما اكتمل الكلام كنت اقول بالنسبة للاخ خالد شكله مايتوب من اول مره ولازم هالمره لبنى تخليه يندم الف مره قبل ماترجعله حتى يعرف اهميتها وغلاها قاهرني هالخالد

السلام عليكم ورحمة الله وبركاته

شكرا لردج الجميل ايوه ابيج تبردين قلبي في خالد وامه (طماعه)خخخخخخخخخخخخخ
جزاك الله الف خير وان شاء الله اليوم يكون في بارت انا من الظهر قاعده انتظر اشيك كل دقيقه حتى لايفوتني شىء ههههههههههههههههه (قاعده على اعصابي) بس انتي لا تهتمين خذي راحتج في انزال البارت :)