السلام عليكم ..

بصراحه آنا أول مره أرد على قصه بهالمنتدى ..

مع أني قارئه من زمان ..

وأتوقع أن ( ليال تتزوج جرآح ) ..وأتمنى توقعي صحيح :$<<<لووووووول

يعطيج العافيه حبيبتي ع القصه وبإنتظار التكمله إن شاء الله ..

عساج على القوهـ ..

9:30 الليل
شقة ليال ..غرفة ليال..
البحرين

ليال على التلفون: يعني شنو
صلاح: يسأل عنج بلهفه.. مبين انه عارف انك ولدتي
ليال بخوف: يا خوفي على عيالي
صلاح: عندي فكره ابيكي تسمعيني فيها كويس.. اول شي ابيكي تجاوبي على اسألتي حتى نوصل لنتيجه نأمن عيالك فيها
ليال: قول
صلاح: تعشقيه؟
ليال تكذب: نسيت عشقه
صلاح: خلي ببالك اني ابي اجابه صريحه
ليال: اتكلم من جد
صلاح: ماتحسي بالامان معاه
ليال بهذي صريحه: ابد.. ماهو ناصر الي بيأمن حياة عيالي
صلاح: حلو.. اجل اسمعي.. اسمع من غسان انه لافي يواجه مشاكل بشغله احتمال انه يرجع السعوديه
ليال بخوف: قلبي على عيالي
صلاح: لا تخافي ماراح يقرب لهم اذا زوجت ناصر
ليال بحده: مستحيل ارجع له.. انت سامع مستحيل
صلاح: ومن قال لك انك العروس
ليال بغصه: مافهمت
صلاح: بزوجه أي وحده وارتاح من هالهم.. لافي اذا شافه متزوج بيشيل فكرتك من راسه
ليال: ممكن.. بس ايش يثبت لك انه لافي ما يدور علي
صلاح: يدور عليكي وماراح يلاقيكي.. المهم عندي انه اذا جا وناصر متزوج يقطع الامل في وجودك بالسعوديه وفكرت انك موجوده وحنا نتستر عليكي
ليال: صح.. خلاص اجل توكل على الله.. واقنعه بالزواج
صلاح: فيه شي ثاني ودي اقول لك عليه
ليال بخوف: ايش هو
صلاح: ناصر كان متزوج قبل لا يتزوجك
ليال بصدمه: ايش؟!!!!!!!!!!!
صلاح: انا عارف انه ما قال لك.. اسمعي تزوج من بنت عمته.. هي تقول لافي حاوليتقرب منها وتحس انه تحرش
ليال بخوف: ها !!!!!!
صلاح: البنت اشتكت لابوها.. وابوها ماقصر بهدل لافي وطلقها من ناصر
ليال: ليش ما قال لي!!!!!
صلاح: تبينه يقول لك ان زوجته تقول ان ابوه يحاول يتقرب من بنت اخته.. ماترضاها الرجوله يا ليال
ليال بحده: بس ترضاها الرجوله لما اقوله ابي تأمن حياتي من ابوك.. ما ياخذ الامور بجديه
صلاح يحاول يهديها: ناصر اساسا ماكان مصدق الي زوجته قالته.. وبعدين كانت علاقتها بام ناصر مستحيله.. خناق ووجع راس ومشاكل لها اول مالها تالي.. كان مقتنع ان البنت تبي تنتقم من امه
ليال: حسبي الله عليهم
صلاح: زعلتي
ليال بحده: وازعل على ايش.. اسمع زوجه أي وحده.. وخليه يبتعد عن طريقي وما ابي اسمع عنه أي شي
صلاح: ماعرفتي البنت هذي من تكون
ليال بحده: تكون زي ماتكون ماتهمني.. المهم عندي عيالي يكونو بأمان
صلاح: البنت هذي اخت غسان زوج العنود
ليال: مها؟!!!!!
صلاح: لا.. بسمه
ليال بغيره: مايهمني.. جهنم تحرقهم المهم عيالي
صلاح: البنت من جات من سفرها وهي بعيده عنه.. بس انا اشوف الوقت مناسب عشان يرجعها.. نرتاح حنا من زنه في سؤاله عليكي.. وترتاحين من الخوف على عيالك
ليال بعصبيه: ماشي صلاح اعمل الي تشوفه مناسب
صلاح يحاول يثيرها حتى يتأكد: ليه احسك تغيري على ناصر
ليال بكل جديه: غلطان.. حياتي هم بناتي الان.. وناصر مافي شي يجمع بيني وبينه
صلاح براحه: انا اقدر اقول له انك تزوجتي حتى يقطع الامل برجعتك ؟
ليال: موافقه.. احسن شي تعمله
قفلت الخط معاه.. وحسيت بالنار شابه في قلبي.. حسيت كل شي اسود بعيني.. ليه ماقال انه متزوج.. كنت اكلم نفسي وانا بقمة الغضب.. ودي الاقي تفسير للي سمعته من صلاح.. كنت بجن.. ودي اعرف ليه.. طلعت من غرفتي وانا النار تاكلني.. شفت خالتي ام لينا من شافت وجهي اركضت علي
ام لينا برعب: خير يما اش صار لج
ليال بغضب: الخسيس النذل كان متزوج قبل لا يتزوجني.. الحقير ولد امه خبى علي انه متزوج.. الكلب ذيل ابوه ماجاته الجرائه انه يقولي عن بنت عمته.. زوجته
لبنى تطلع من الغرفه: خير ليال اش فيج
ليال تصارخ: الحيوان كانت بنت عمته حليلته وماقال لي
لبنى تحاول تحضنها: اهدي طيب
ليال تبعدها عنها: الحقير ماعرف يأمن حياتي وحياة عيالي الي ماتو.. احترق قلبي عليهم وعلى موتهم وهو واقف يتفرج
لينا تدخل الشقه: اش صار الصراخ واصل لبرا.. اش صار ياليال
ليال بغضب: ال##### متزوج قبل لا يتزوجني.. انا يخبي علي هالشي
احمد يدخل: ليال اش صار
ليال: ال#### ماقدر يقول لي ان ابوه يحاول يتقرب من زوجته عشان كذا طلقها
ام لينا بخوف: اعوذو بالله
لينا بخوف: اش هالكلام
ليال: انااااااااااااا يعمل فيا كذا.. اناااااااااااااا يعمل فيا كذا
عبدالعزيز يدخل: اش صار ليه الصراخ
ليال بحده: اناااااااااااااااا يموتو عيالي من غير لا يتحرك فيه ساكن حتى يأمن لهم حياه عدله
لينا تحاول تحضنها: اهدي خلاص
ليال تبعدها: اناااااااااااااا عيالي يموتون وهو يدور على شغل ابوه
لمى تصحى من النوم: اش صار العيال نايمين شوي شوي ليش الصراخ
ليال بحده: اناااااااااااااااا يجبرني اشتغل مع ابوه وهو عارف اني حامل.. وقلت له انه في من دفعني على الدرج.. وذبح ولدي داخلي
ام لينا بخوف: احمد يما البنت بتجن اتصل على فيصل
احمد يتصل: فيصل انت وين
ليال بصراخ: لا تتصل فييييييييييييييييه.. ما ابي احد .. ما ابي احد.. ابي اشوفه.. الكلب ولد ابوه الي حبيته من قلبي.. الي كنت بفقد حياتي عشانه.. الي فقدت عيالي ولا تأثر.. الي شوهني ورجع يبكي علي.. انا يعمل فيا كذا.. انااااااااااااااا يعمل فيا كذا
مسكني عزيز من كتوفي وانا ماني حاسه بروحي.. كنت اصرخ من القهر الي حسيته في داخلي.. شعور بالذل ملكني.. مسكني وانا اصرخ فيه.. بعدته عندي بقوتي.. ومشيت عنه وانا احذف بكل شي قادمي رحت اكسر كل شي قدامي.. كنت اصرخ من القهر الي فيني.. مسكني من جديد ورفع يده علي.. صفعته لي كانت قويه.. الكل صرخ فيها وانا الوحيده الي كانت ساكته.. جلست على الارض قدامه.. رحت ابكي من القهر.. من الظلم.. من المر الي حسيته بحلقي.. دنت ام لينا مني واحضنتني.. رميت بنفسي في حضنها.. كنت ابكي بكا في حياتي مابكيت زيه.. في اليوم ذا مات ناصر بالنسبه لي.. مات ومستحيل يرجع يعيش بقلبي من جديد.. حسيت روحي اضعف وقوتي تروح.. رميت نفسي على الارض وغمضت عيوني

&&&&&&&&&&&&&&&&&&

10:00 الليل
شقة ليال ..غرفة لمى..
البحرين

ديما بخوف: ماعرفتي اش فيها
ريما: سمعتها تتكلم عن واحد اكيد تقصد زوجها
سمر: انا ماشفته من ولدت.. المفروض انه يكون موجود ويشوف البنات على الاقل
ديما: في مشاكل بينهم.. والظاهر مشاكل كبيره
ريما: عمي عبدالعزيز صفعها صفعه قويه
سمر بخوف: يما قلبي
ديما: عشان تهدى.. قريت مره ان الحاله العصبيه ساعات تحتاج لصفعه حتى الي يعاني منها ما يجن
ريما: شكلها تعبان كثير
سمر: طبيعي الصراخ الي صارخته شي فضيع.. انا حسيت انه احد مات لها
ريما: عمي عبدالعزيز خايف عليها كثير
سمر: ياليت هو يتزوجها
ريما بفرح: ياليت اتمنى.. انا احبه كثير
ديما تبتسم: والله فكره.. هو رجال حنون وطيب.. ياليت يتزوجها
ريما: تجون اخطبه لها
ديما: ههههههههههههههههههه لا تدخلين نفسك في مواضيع الكبار
سمر: وزوجها ياغبيه
ديما: قلنا منفصلين
سمر: ماقلتو!!.. قلتو فيه مشاكل
ريما: لا منفصلين
ديما: سمر اياكي احد يعرف عن هالاشيا
سمربجديه: عيب سرنا مدفون بقلوبنا
ديما تبتسم: تعجبيني
سمر بهمس: مثل منتي عاجبه ناس
ريما: تبيون تشربون شي
سمر: ياليت.. ابي عصير
ديما: وانا بعد
ريما: بروح اجيب لنا وبرجع
سمر: ريما راحت.. اش قلتي
ديما مستغربه: في شنو
سمر: راكان معجب فيج
ديما: وبعدين!!
سمر: يبي يقول لامي عشان تخطبج له
ديما فاتحه عينها: منتي صاحيه.. تعرفين كم اعمارنا
سمر: عادي شنو يعني.. 14 سنه
ديما: صدق!! ما دريت
سمر: شنو يعني
ديما: يعني تشيلين هالموضوع من راسج ولا ابي اسمعه مره ثانيه
سمر: ليش عاد.. والله راكان حبوب وطيوب
ديما: على نفسه.. انا تدخليني بهالمواضيع
سمر: ديما عشان خاطري.. وافقي خطوبه على الاقل
ديما بحده: سمر منتي صاحيه من جد.. حنا صغار على هالشي.. يمكن هوكبير بس انا لا.. وشنو خطبه منتي صاحيه.. ابي اكمل دراستي وابي ادرس جامعه وابي اتوظف.. راكان ماهو بخطتي ابد
سمر: افففف كنت ابيج معاي على طول
ديما: بلا غباء.. انا معاج.. وبعدين هالموضوع لا تفتحينه لي مره ثانيه ممكن

&&&&&&&&&&&&&&&&&

10:20 الليل
في مكتب لافي.. على التلفون..
لندن
لافي بحده: هذا آخر كلام يا بومحمد
بومحمد بملل: ايوا
لافي يرقق من حدته: ياخوي انا قلت لك ان مالي دخل
بومحمد: لافي الي عندي قلته.. الموضوع وصل لجهات اكبر وانا حذرتك من قبل
لافي: مستحيل ارضى بالي يصير.. انا راجع السعوديه اكلم الوزير
بومحمد: انصحك لا.. الوزير بعد ماعرف بالي عامله قالب الدنيا عليك.. افضل انك تنسحب بهدوء
لافي بعناد: ماراح استقيل
بومحمد: انت كذا او كذا معرض نفسك لمسائلات قانونيه
لافي: وين وقفاتك يا بومحمد.. هذا وانا لافي يصير معاي كذا
بومحمد: الا الغلط يا بوناصر.. حنا مانتستر على الغلط
لافي: ابي وقفتك
بومحمد: اعذرني يابوناصر معاي تلفون مهم
لافي: تنسحب عني بدبلوماسيه
بومحمد: معلش التلفون مهم.. مع السلامه
لافي سكر التلفون بحده: معلش يا بومحمد بيجي اليوم الي تحب فيه رجولي تطلب اني اساعدك
السكرتير: والحين يا عمي ايش بيصير
لافي يقوم من كرسيه: جهز كل اوراقي.. وكل اغراضي ودزهم على البيت

&&&&&&&&&&&&&&&&&&&

11:15 الليل
شقة ليال ..غرفتها..
البحرين

فيصل: شوي وبتصحى
ام لينا: يعني هي بخير يما
فيصل يبتسم: بخير ومافيها الا العافيه.. لا تخافين عليها.. شي بقلبها وطلعته
ام لينا ماسكه يد ليال: الحمدلله.. اهم شي انها بخير
لينا بشوية حده: بس عبدالعزيز صفعها بقوه
فيصل يبتسم: كانت محتاجه لهالشي
لبنى: الحمدلله
فيصل يقوم يطلع: وينه عبدالعزيز
لبنى: واقف برا مع احمد عند باب الشقه يقول ينتظر عبدالرزاق
حنان تدخل: السلام عليكم
لبنى تبتسم: هلا ياروحي عليكم السلام
حنان بخوف: اش صار لها
لينا: بخير لا تخافين
حنان تحط يدها على قلبها: الحمدلله
لبنى: من قال لج
حنان: خوله.. عبدالعزيز اتصل على عبدالرزاق وهي تتصل فيكم وماحد يرد عليها عاد اتصلت فيني
لينا تنتبه: نسينا خوله الله يعننا عليها اذا وصلت
حنان تضحك: يا جبانه
لينا: جبانه جبانه.. بس ارحموني من خوله اذا وصلت
لبنى: هههه الله يعيننا عليها

&&&&&&&&&&&&&&&&&

11:45 الليل
فيلا لافي ..غرفة عبير..
لندن

عبير على التلفون: يمكن تستغرب اتصالي.. عبير معاك
عبدالرحمن مستغرب: خير
عبير: ابي اتكلم معاك.. تسمح لي
عبدالرحمن: اشوف منتي خايفه
عبير تلعب عليه: عبدالرحمن انا اسفه على الي صار بيننا.. عبدالرحمن انا كلي اسف وندم.. عبدالرحمن يمكن اني دلوعه وغبيه وماعرفت اشلون اتعامل معاك.. انت تعرف اني ماعرف انعامل مع رجال.. بس اوعدك اكون لك الزوجه الي تحبك
عبدالرحمن مستغرب: عبير انتي مجبوره علي!!
عبير: كنت.. بس الان لا.. الان اكلمك بكل اقناع.. عبدالرحمن ماحد جبرني عليك ولا احد يعرف اني اكلمك الان
عبدالرحمن: تحلفين يا عبير؟!!!
عبير: احلف يا عبدالرحمن ماحد يعرف اني اتكلم معاك ولا احد يعرف اني ابي ارجع لك واعيش عمري معاك
عبدالرحمن يبتسم: ليش سويتي فيني جذي
عبير: ابوي حب يناسبك بس انا لا.. غصبني اني اوافق.. ووافقت.. بس بعد ماطلقتني عشت في فراغ.. عبدالرحمن انا محتاجه وجودك.. تعال اخذني.. ابي اعيش معاك وبحضنك
عبدالرحمن: الي ماتعرفينه اني حبيتج من قلبي
عبير: وانا عرفت قيمتك
عبدالرحمن بفرح: يعني مافي صراخ وخوف من تشوفيني
عبير تحس بفرحته: اكيد لا
عبدالرحمن: يعني ارجعك وترجعي قطر معاي على طول
عبير: اول مارتجع ارجع معاك
عبدالرحمن: اليوم بروح للشيخ وبرجعج وبكلم ابوج عشان اجي اخذج
عبير بفرح: احبك عبدالرحمن احبك
سكرت منه وانا بموت من الفرح.. مالقيت حل غيره.. اعيش مع عبدالرحمن ولا ان لافي يلمسني مره ثانيه.. راضيه بعبدالرحمن.. بس المهم اني اطلع من هالبيت وابتعد عن لافي.. كنت حابه انك ترد علي ياناصر واقول لك الحق علي كلامك صح.. بس للاسف عبدالرحمن اقرب لي منك.. ما هو مهم عندي.. المهم اني اليوم ارجع لعبدالرحمن بكره ولا بعده ارجع معاه قطر.. كذا احمي نفسي منك يا لافي.. كيف كنت غبيه وسهله كيف

&&&&&&&&&&&&&&&&&&

12:05 الصباح
شقة ليال ..الصاله..
البحرين

كنا جالسين كلنا بالصاله وكنت بحضن خوله وهي ضامتني لصدرها.. كنت بين كل لحظه والثانيه تنزل مني دمعه غصب عني.. القهر الي بداخلي كبير.. كنت ابي انسى الي انا فيه.. كنت ابي اضيع.. ابي انسى همي بأي طريقه كانت
فيصل: اش رايكم نروح الشاليه الليله
احمد: والله فكره يا اخي
حنان: بكره الصباح خالد بيجي مع امي.
وليد: نروح الشاليه.. وبكره من الصبح نجيبه من المطار على الشاليه
فيصل: صح ونقعد لنا يومين نغير فيهم جو الحزن الي احنا فيه
لبنى: انا موافقه وبقوم اجهز اغراضنا
ليال بحزن: ماودي
لبنى بحده: انكتمي بنروح وتغيري الحزن الي انتي فيه.. قبل كنتي تجبريني على الشي الي ما ابيه الحين دوري
خوله: روحي جهزي اغراضها.. وانا بعد بجهز اغراضي واغراض عيالي
عبدالرزاق: خلج معاها بقول للخادمه
ام لينا: احمد يما لازم ارجع البيت عشان اغراض البنات
احمد: من عيوني يما وين البنات ناديهم خل نمشي
حنان: انا بعد بروح اجهز اغراضي واغراض عيالي
كلهم مشو.. جلست مع خوله لحالي كنت ابكي في حضنها من جديد.. وهي ياقلبي حنونه علي وكل شوي تصبرني.. عارفه اني احبه وماهو سهل علي اعرف هالشي عنه.. ماني مصدقه الي سمعته.. كنت ابكي اكثر ما اتكلم.. هي الي كانت تتكلم وتقويني.. احس اني لحالي قلبي فاضي.. خالي.. رحت لبناتي وخليتهم بقلبي.. يمكن ارتحت شويه.. يمكن حسيت بالامان معاهم.. تركت خوله معاهم ورجعت غرفتي.. من سكرت الباب تجدد الحزن الي فيني.. دق تلفوني ورحت رديت
ليال: هلا عزيز
عبدالعزيز: اهلين بالي يتدلعون
ليال تبكي: اعذرني على الي صار
عبدالعزيز: انا الي ابي اعتذر خدك اش اخباره
ليال بحده: متورم يا متوحش
عبدالعزيز يبتسم: انا اسف
ليال تبكي: كنت بجن
عبدالعزيز: مايسوى انج تفقدين عقلج عشانه
ليال تبكي: ....................
عبدالعزيز: الي اعرفه انه الحرمه تعطي روحها وحياتها لرجال يسوى.. بس انا من عرفتج ماشفت شي في حياتج يدل على انه رجال يسوى انج تضيعين عقلج عشانه
ليال تمسح دموعها: معلش الحمدلله على كل حال
عبدالعزيز: صح هذي الكلمه المناسبه.. جهزتي العيال؟
ليال: ايوا
عبدالعزيز: خذي لهم لباس ثقيل الوقت صار بارد.. والشاليه بيكون بارد باليل
ليال: لا تقلق اخذت احتيطاتي
عبدالعزيز: يلا عشان اجهز انا بعد
ليال: عزيز
عبدالعزيز يبتسم: تعرفين انج الوحيده الي تناديني عزيز
ليال: متضايق؟
عبدالعزيز: بالعكس مبسوط
ليال: يمكن عشان انا حاسه انك مظلوم زيي
عبدالعزيز يبتسم: اتركيها على الله.. الكل عايش بهمه
ليال: انا وانت غير.. احساسي يقول زي مافي حياتي رجال قلب اماني.. انت بعد في حياتك حرمه قلبت امانك
عبدالعزيز يهرب: ليال انا ليلحين ما جهزت اذا تأخرت وليد ومنير بيجروني وبنزل لكم من غير لاخذ شي معاي
ليال: هههههههههههههههه لا خلاص مايهون علي

&&&&&&&&&&&&&&&&&&

12:20 الصباح
في شقة عبدالرزاق ..الصاله..
البحرين
احمد: والله ودي اني اعزمه قلت بترك هالمهمه عليك وبعدين اكلمه
خوله: عبدالرزاق الله يخليك قول له.. مزيان بحاله الله اعلم فيها.. خليها تجي وتغير جو.. والله بتنبسط
عبدالرزاق: بس جراح بيعرف ليال ساعتها
خوله: ومن بيخليه يشوفها.. الحريم لحالهم والرجال لحالهم
عبدالرزاق يفكر: والله ماني عارف ليال اكيد ماراح توافق
احمد: ودي اعرف هي ليه خايفه منه
عبدالرزاق: هي مرعوبه منه لانه على صله بلافي.. انا ماقلت لها انه علاقتي فيه قويه.. حتى ماتخاف مني
احمد: قول لها اني انا الي كلمته وانا على معرفه فيه.. وانا ما ادري عنها وعنه شي
خوله: احمد معاه حق.. الله يخليك يا عبدالرزاق وافق.. عشان مزيان
عبدالرزاق: وانتي محسبه اني ماني مفكر في مزيان.. بس ليال بعد
احمد: ياخوي والله فشله.. انا اتصلت على محمد وعزمته.. تخيل عاد جراح يعرف اني عزمت محاميه وهو لا
خوله: والله فشله
عبدالرزاق: خلاص نقول انك على علاقه بجراح وانا ما اعرف
احمد: توكلنا على الله
خوله: خالتي والبنات اجهزو
احمد: أي ومع ليال.. انا قلت لهم اني عند عبدالعزيز
عبدالرزاق: اتصل عليه وخله يطلع عشان محد يعرف انك عندي.. والله يستر من ليال

&&&&&&&&&&&&&&&&

1:30 الصباح
في الشاليه
البحرين


وصلنا الشاليه اخيرا.. دخلت وانا فرحانه غير عن اخر مره جيت فيها.. كنت كل شوي اشوف الساعه.. كنت مشتاقه اشوفه.. كنت اعد الساعات متى بيجي متى بيوصل متى بكون بحضنه.. الابتسامه مافارقتني.. سمر تتابع تعابير وجهي وانا من الفرح ماقدرت اداري.. دخلت الغرفه الي فيها العيال وكانت لمى نايمه معاهم.. لمى تقول انها نست همها وحزنها مع العيال.. صارت ماتحب تفارقهم تراعيهم بنفسها وماترضى احد يلمسهم غيرها.. تطمنت انها نايمه وطلعت عنها.. كان ودي اتكلم معاها بس للاسف نايمه.. نزلت تحت ولقيتهم عند البحر.. خوله كانت مخبوله بالجو.. هذي اول مره تجي معانا.. عبدالرزاق يضحك كل شوي عليها.. عبدالعزيز بعد حسيته اخذ على هالجو.. كان هادي من شفته اول مره..بس الحين غير..جلست جنب حنان.. ماقدرت اخبي فرحتي
حنان: الفرح مرسوم على وجهج
لبنى تبتسم: مشتاقه له
حنان: الله لا يفرقكم
لبنى: ودي اكون بحضنه
حنان: ماشبعتي منه يو الملكه
لبنى: مالحقت عمي كلمه وطلع بسرعه
حنان اختفت ابتسامتها: يعني ماقرب منج!!!
لبنى: لا
حنان تحضنها: بكره يجي وتملين منه
لبنى: بحياتي ماراح امل من خالد.. هذي روحي
حنان: عيني يا عيني
لبنى: حنان.. اذا جا يوم والله اخذ روحي.. قولي له ان عمري قضيته معاه.. عمري مافكرت في غيره حتى وانا مع بدر
حنان بخوف: يعني شنو!!.. بدر ماله وجود بحياتج
لبنى: بحياته ما كان له وجود
حنان بخوف: مافهمت!!!
لبنى تلعب بالرمل: مو مهم تعرفين الحين المهم انج تقولين له هالكلام.. احبه اكثر من روحي.. حنان قولي له اني خنت حبه بس مع امي وابوي.. من حقي احبهم اكثر منه.. امي وابوي اقرب لي منه.. هم الروح الي ساكنه بداخله
حنان تحس بعذابها: ليلحين ماتبين تقولين لي ليش تركتيه
لبنى تبتسم: عشان امي وابوي
حنان: مافهمت!!!
لبنى تغير الموضوع: تظنين انتظر لحد بكره وانتظره هنا ؟
حنان: ودج تروحين المطار؟
لبنى ترفع عينها للسما: ودي اكون بحضنه
حنان بحنيه: كل ذي حب
لبنى بشوق: مشتاقه له.. حرمت روحي منه سنين.. الحين لا
راكان يجلس جنبهم: اكيد سيد الحديث خالي
لبنى تبتسم: ...................
راكان: انا قلت
حنان: بس ياولد
راكان: خالتي تراني بخطب
لبنى تلتفت له: من جدك انت
راكان: وليش لا
لبنى: يا يما انت صغير
حنان: ماهو صغير انا قلت بخطب له وبعدين يكمل دراسته
لبنى: لا تسمع كلام امك تراها تبي تصير جده عشان تربي عيالك.. اسمع مني.. كمل جامعتك وحدد مستقبلك وشوف الشغله الي تبي تدخل فيها وانا بخطبها لك بعدين
راكان: افا يا خالتي.. انا قلت بتفرحين لي
لبنى: يا يما انا فرحانه لك.. بس بالعقل
راكان: تبين الصارحه ماني قادر انتظر
لبنى بحيا: ههههههههههههههههه الله يقطع شرك
حنان: طبعا شبيه خاله
لبنى: ماني خاطبه لك


يتبع

راكان بدلع: تراني بزعل
لبنى: والله مايهون علي زعلك.. قول لي من هي
راكان: بعدين اذا قعدنا بروحنا اقول لج من هي
حنان تضربه: اشوف انا برا الموضوع
راكان: يما هذي عروس ولازم ادلعها انتي صار لج معاي 18 سنة
لبنى: ههههههههههههههه
حنان تضربه: جذي
راكان: هههههههههههههههههههه احبج يما.. عاد تصدقين اني بقول لخالتي قبلج
حنان: تسويها عارفتك زين
راكان: شبيه خالد صح
لبنى: ما اظن عياله يطلعون يشابهونه جذي
راكان: هههههههههههههه انتي جيبيهم وانا اعلمهم.. لا تخافين انا موجود
لبنى: وين موجود بتكون مشغول مع الحسناء الي تبيها
راكان: لو سمحتي خالتي من غير غلط على حبيبتي
حنان: بيذبحني من القهر يتكلم من صدقه
لبنى: ههههههههههههه الله يعينج عليه


مع احمد وعبدالرزاق


احمد على التلفون: هلا والله بوصبا
جراح: يا هلا وغلا.. هلا بسيد المشاريع الوهميه
احمد: هههههههههههههههه عجبني اللقب
جراح: وينك يا رجال لا سمعنا صوتك.. ولا شفناك
احمد: متصل عشان تسمع صوتي وبترجاك عشان تجي وتشوفني
جراح: ههههههههههههههههه لي الشرف والله
احمد: ياخوي متصل عشان اعزمك على عرسي عاد لا تردني
جراح يحس انه انفتح له المجال حتى يجي البحرين: والله ياخوي ماودي اردك.. بس انت عارف اختي من توفى زوجى وهي بدنيا ثانيا
احمد: شوف ياخوي تراني ماني حمل لسان خوله.. تراها صاكه راسي اذا جراح بيجي اخته معاه.. عاد شوف لك صرفه
جراح: ههههههههههههههههه وخوله من يقدر عليها
احمد: أي والله يا خوي تراك تعرفها
جراح: طيب قول لها تكلم مزيان وتقنعها.. واذا وافقت من عيوني نكون عندك
احمد: اتشرف بك خلاص اقول لخوله تكلمها وان شا الله خير
جراح: ايش اخبار المجموعه
احمد يبتسم: أي مجموعه
جراح: هههههههههههههههه اكيد عبدالرزاق جنبك
احمد يضحك: أي جنبي
عبدالرزاق: يسأل عني باين
احمد يضحك: أي.. ويسأل عن المجموعه بعد
عبدالرزاق ياخد التلفون: يا اخي كم مره قلت لك مالك شغل بالمجموعه.. ليش تحب المشاكل انت
جراح: ههههههههههههههههه طيب طيب اكلتنا يا اخي
عبدالرزاق يبتسم: اش اخبارك
جراح: انا الحمدلله.. بس مزيان يا اخي توجع القلب
عبدالرزاق: معلش يا خوي.. الله يصبرها
جراح: والله ياخوي تعمل فيني خير اذا خوله تكلمها تقنعها تجي البحرين
عبدالرزاق: من عيوني.. بشوف اش يطلع مع خوله

&&&&&&&&&&&&&&&&

في الصباح
في الشاليه ..غرفة لبنى..
البحرين

كنت نايمه وماني حاسه بشي.. قلت اني بسهر لحد الصبح وبروح المطار عشان اشوف خالد.. بس النومه اغلبتني.. حسيت روحي نشيطه رحت ادور على الساعه الي جنبي عشان اشوف الساعه كم.. لقيتها 11:00 الظهر.. فزيت من مكاني.. اكيد وصل الحين.. وين حنان كانت جنبي.. غيرت ملابسي وغسلت ونزلت تحت لقيتهم مجتمعين.. سوالف وضحك.. نزلت وقعدت بينهم وانا تفكيري بخالد ليش ما جا.. وينه ايش صار.. اخذت تلفوني واتصلت على حنان.. ماردت علي.. اتصلت على راكان
راكان بحزن: هلا خالتي
لبنى: هلا حبيبي.. وينكم
راكان يتهرب: انا في البيت نسيت اغراض رجعت اخذهم
لبنى: وامك وين؟
راكان بتردد: ما ادري عنها خالتي
لبنى: خالك وصل؟
راكان: .................................
لبنى بخوف: راكان ايش صار بديت اخاف.. خالك فيه شي
راكان: لا خالتي مافيه الا العافيه.. جدتي تعبت شوي
لبنى فهمت: أي خير ان شا الله.. انت بترجع هنا
راكان: اكيد بجي مع سمر
لبنى: ماشي يما بشويش وانت سايق
راكان يوجعه قلبه: ماشي خالتي تبين شي اجيبه معاي
لبنى بحزن: لا يما ابي سلامتك
كان ودي اقوله جيب خالك معاك.. كان ودي اقول له خذ جدتك عني ساعتين بس.. ما ابي اكثر من خمس دقايق اقضيهم معاه.. اكون بحضنه.. قلبي يوجعني.. ونفسي مكسوره.. انتظرت شهر كامل عشان اشوفك اليوم الصباح.. كنت اعد الساعات متى بتجي.. مادريت ان الساعات بتطول.. والاعذار ما بتتغير
ليال: مالك في ايش سرحانه
لبنى تنتبه: ابد.. سلامتج
ليال: انا كلمته وقال بيجي على المغرب
لبنى بضيق: براحته متى مابغى يجي.. يا هلا ومرحبا
ليال: ماكلمتيه
لبنى: ماله داعي.. اكيد مع امه الحين.. ما ابي اكهرب الجو هناك
ليال: انا افكراكلم عمك واقول له عن زوجته
لبنى: لا ليال.. لا تسوينها خليها.. ما هو مهم عندي
لينا: يلا الرجال ناصبين الشباك تعالو نشوفهم
طلعت معاهم وانا بدنيا ثانيا.. كنت عارفه انها ماراح تخليني اتهني.. كنت مفكره ان خالد بيسوي المستحيل عشان اكون بحضنه.. بس الظاهر انه ماهو قادر عليها

&&&&&&&&&&&&&&&&&

1:20 الظهر
فيلا منصور ..غرفة ام خالد..
البحرين
حنان بحده: يعني شنو
ام خالد: يطلقها يعني يطلقها
حنان بحده: حرام عليج الي تسوينه حرام ليش هذي كله
ام خالد بحده: ما احبها ما اطيقها.. طلقها يا يما وانا ازوجك الي احلى منها.. هذي بنت وسخه مثل امها
حنان بحده: وانتي عشان على خلاف مع امها بتقولين عنها وسخه
ام خالد: أي وسخه انا بعيوني شفتها تكلم رجال هذي مثل امها ماتستحي عين قويه
حنان بحده: حرام عليج الله مايرضى جذي.. سنين معاهم وماشفنا منهم العيب لاهي ولا امها
ام خالد: لاني انا شايفتهم.. خالد يما اسمع كلام امك وطلقها هذي وحده ماتسوى
خالد بتعب: خلاص خلصتي
ام خالد: يعني شنو مالي خاطر عندك
خالد: اشلون مالج خاطر عندي انتي امي
ام خالد: خلاص طلقها
خالد: يعني شنو اطلقها.. يما هذي زوجتي.. طلاق ماني مطلق
ام خالد بحده: تبيني اغضب عليك يعني
حنان بحده: انتي الي قلتيه عليها وعلى امها يغضب الله يما تبين خالد ما بغضبج
ام خالد بصراخ: انتي انكتمي واطلعي برا البيت.. براااااااااااا خذي عيالج واطلعي برا
راكان بحده: يلا يما.. ما بنقعد هنا ولا دقيقه
سمر: مام خلينا نمشي
راكان: اظن ان خالي يعرف مصلحته اكثر مننا.. سلام يا خالي
سمر تمشي: لا تصيح بكره اذا تركتها يا خالي
ام خالد: حنانو ووجع ياخذج وياخذ عيالج.. اطلعو برا و لا تجون عندي مره ثانيه يلاااااااااااااا
راكان يرجع: على فكره انا بتصل على جدي وبقول له كل الي قلتيه
ام خالد: اتخسى الا انت.. ياولد السكير راعي النسوان الي من حرمه لحرمه
راكان يمسك التلفون: هلا يبا منصور
منصور: هلا يبا اشلونك
راكان: انا بخير.. كنت ابي اقول لك انه جدتي قالبه البيت علينا واطردتنا منه
منصور بحد: شنو!!!!!!!!
راكان: تقول انها ماهي راضيه على خالتي لبنى وتبي خالي يطلقها الحين ولا بتغضب عليه
منصور بحده: انا جاي الحين.. مع السلامه
راكان بعد ما سكر من جده: شوفي انتي امي وواجب على احترامج لكن عقب الي سمعته منج والله انا الي بعرف اتصرف معاج وارد لج الكلام الي قلتيه
سمر تسحبه: راكان الله يخليك لا تسوي جذي هذي امنا
راكان بحده: امنا ماتعايرنا.. امنا ماتطردنا
سمر تسحبه: تعال خلنا نروح.. حبيبي خلنا نطلع من هنا ومانبي نرجع مره ثانيه
راكان: والله لو ماهو جدي ماكنت عتبت هالبيت دامها فيه
سمر: يلا عااااااااااد.. خلاص اسكت ارحم امي
راكان يمسك يد جدته: والله اذا خالي طلق زوجته الي يحبها.. لا يكون طلاقج انتي بعد معاه.. وانا عارف اش اقول وانتي عارفه انا اش اقصد
خالد يمسكه من كتفه: اش تقصد
راكان: اذا كانت عندها الشجاعه تقول.. ولا والله اني ماراح اعدي الي قالته في حقي
سمر تسحبه: يلا عااااااد عشاني
خالد يكلم امه: اش يقصد راكان
ام خالد بخوف: طلعو برا ابي انام وارتاح
حنان بحده: ماراح نطلع غير لما تقولين لنا راكان اش يقصد
خالد: اش صار مانعرف عنه
ام خالد تغطي نفسها: طلعو برا ابي انام
حنان تشيل عنها الغطا: اش الي يقصده راكان خلاج تخافين جذي
ام خالد تمثل: ماني قادره اتنفس.. لحقوني.. لحقوني

&&&&&&&&&&&&&&

2:00 الظهر
فيلا العايله ..في الحديقه..
السعوديه

ناصر بحده: مافهمت
صلاح: ايش الي مافهمته
ناصر: كيف يعني تبي تتزوج.. ماني موافق
صلاح يبتسم: ناصر انا ما اخذ رايك انا اعطيك خبر بس
ناصر: يعني انت عارف هي وين
صلاح: دقت علي زي ماتدق عليك.. وقالت لي انها تبي تتزوج
ناصر: وولدي
صلاح: أي ولد!!!!!
ناصر: ليال حامل وزمانها ولدت
صلاح: الي اعرفه انه الولد مات.. ناصر بذمتك بعد الي عاشته ومرت فيه تظن الي ببطنها يعيش
ناصر بحزن: يعني ايش؟!! ماراح ترجع لي
صلاح يشوفه: ............................
ناصر: صلاح هي تحبني كيف ترضى تتزوج غيري
صلاح: من جدك انت هالكلام.. تظن انها بعيده عننا ومحنا عارفين هي كيف عايشه ولا منين وتقول انها تحبك!!.. يا اخي هي من قالت لي انها تبي تتزوج انا وافقت على طول.. المهم عندي انها تكون بحمى رجال
ناصر: وانا.. ماني رجال ؟
صلاح: ماهو ذا الموضوع.. انا قلت اعطيك خبر
ناصر: ومن زوجها
صلاح: لسا ما اعرف اذا عرفته هذيك الساعه يصير خير
ناصر يبتسم: يعني خلاص اقطع كل امل انها ترجع.. انا احبها
صلاح: ......................
ناصر: كيف بعيش بعدها
صلاح: انت عايش يا ناصر.. بس هي لا
ناصر: غلطان.. ماني عايش.. انا ماني عايش.. انا مصبر نفسي على امل انها ترجع
صلاح: ناصر انسى ياخوي.. ليال انت تعرفها كويس.. مستحيل ترجع بعد ما افقدت عيالها.. هذول ثلاثه يا ناصر.. ثلاثه.. الله اعلم كيف عايشه بعدهم

&&&&&&&&&&&&&&&

6:45 المغرب
في الشاليه
البحرين

لبنى بحده: يعني شنو
لينا تمسكها: لبنى الولد ماله ذنب
راكان: خالتي الي صار قلته لج.. ما احب اكذب عليج ولا اقول لج شي ماصار
لبنى باستسلام: خلاص يما.. زين الي قلت لي
راكان: لا تضايقين روحج.. جدتي بتعصب لها كم يوم وبعدين بتوافق
لبنى تبتسم: .......................
لينا: اتصلت عليهم تسأل عنها
راكان بعدم اهتمام: واسأل ليش.. انا عارف انها تمثل
لينا مصدومه: لا ياراكان.. المرض مافيه تمثيل.. انا بتصل على حنان بسأل عنها
راكان: خالتي ليش ماتسوين لها مفاجعه وتزورينها في البيت
لينا: ههههههههههههه الله ياخذ بليسك مفاجعه عاد
راكان يبتسم: أي مفاجعه.. اذا كانت مريضه بتصحى لما تشوف خالتي
لينا تضحك: اش قلتي
لبنى بضيق: ما ودي.. انا ابي ارجع الشقه احس روحي تعبانه
راكان: خالتي سمعي شوري
لينا: أي لبنى خلينا نسوي عليها غاره ونروح لها البيت كلنا
راكان: هههههههههههههههههه
لبنى: اش يضحكك
راكان: تخيلي عاد كل الي موجود هنا يروحون يزورونها.. صدقيني بتصحى
لينا: انا مع راكان.. اش قلتي

&&&&&&&&&&&&&&&&

7:30 الليل
فيلا لافي ..غرفة عبير..
لندن

لافي برا الغرفة: افتحي الباب يا كلبه
عبير داخل الغرفة: ماني فاتحه.. والي تبيه اعمله
ام ناصر برا الغرفة: يالافي الامور ماتنحل كذا
لافي بحده: والله منتي قدي يا عبير.. بخليكي تلعني اليوم الي انولدتي فيه
عبير: زوجي وابيه يرجعني.. ومالي عيشه معاك
لافي: الان صار زوجك!!.. الي اعرفه انك ماكنتي طايقته ايش قلب الموازين
عيبر: اقلبها واعدلها براحتي.. هذا زوجي وانا ابي ارجع له
ام ناصر بحده: لا تكلمي ابوكي كذا عبير اش جرا لك
عبير بحده: اسأليه ليه دايم يبي يجلس معاي.. ليه دايم يبي نكون لحالنا
ام ناصر تنتبه: يعني ايش هالكلام با بو ناصر
لافي يرميها على الارض: وانتي على طول كذا.. تصدقي أي شي ينقال في حقي.. ماني زوجك وعارفتني كويس تعرفي شكلك مالك عيشه معاي
ام ناصر بحده: لافي
لافي يضرب باب عبير بقوته: ووجع بقلبك.. وانتي ياكلبه بخليكي تعضي اصابعك ندم على الي بيجرا لك وللحيوان الي دقيتي عليه من وراي.. محسبه انك بتكسري راسي بفعلتك ذي.. ماعرفتي لافي يا عبير.. والي ابيه بحصل عليه
عبير داخل الغرفة: ليش ماترد علي ليش.. ناصر انت وين.. ادز رساله احسن.. ادق على نوف اسرع.. ياربي ترد.. يلا عاد ردي.. ماترد ماترد.. بدز رساله

&&&&&&&&&&&&&&&&&&&&

8:00 الليل
فيلا منصور ..غرفة ام خالد..
البحرين

الدكتور برا الغرفة: والله مافيها شي
حنان تناظر خالد: طيب دكتور شكرا تعبناك معانا
الدكتور: بكتب لها شوية مقويات وفيتامينات
حنان: ماله داعي
خالد: والاغماء الي صار لها
حنان: خلاص يا خالد
خالد: طيب انت اعطيتها شي اشوفها نايمه..دايخه ماهي بوعيها
الدكتور: ما اعطيتها شي.. يمكن تعبانه من الطياره.. ياخوي الوالده ما عليها شر.. صحتها طيبه وماتشتكي من شي
حنان: تسلم دكتور ماقصرت
الدكتور يمشي: اذا احتجتو شي اتصلو فيني
خالد: ماني قادر اصدق
حنان: وانت من جد مصدقها
خالد: قلبي وقف من شفتها اغمى عليها
حنان: والله عيب.. امي الي تسويه العيال ما يسونه
خالد: كل هذي عشان لبنى!!!!
حنان: لو اعرف ليش تكرهها جذي
خالد: حنان الحقيني مابي اغضب امي وما ابي اترك لبنى
منصور: تطمنت على امك
خالد بنتبه: أي يبا الحمدلله بخير ما فيها شي الدكتور يقول مجهده من الطياره
منصور بحده: وخر عن طريقي
خالد بخوف: ليش يبا
منصور بحده: عشان ماتغضب امك وماتترك بنت عمك.. وخر
خالد: يبا الله يخليك انا بعرف اراضي امي.. بس الله يخليك لا تصير مشكله بينك وبينها من تحت راسي
منصور يمسكه بقوه: اقول لك وخر
حنان تبعده: تعال معاي خالد.. ابوي بيعرف يتصرف
خالد بخوف: يا حنان انا عارف ابوي عصبي وممكن.....................
حنان تسحبه: تعال زين
منصور يدخل ويسكر الباب: قومي اجلسي قدامي
ام خالد تتصنع التعب: منصور انت جيت
منصور بحده: قومي اجلسي قدامي
ام خالد تقوم بخوف: خير يابو خالد
منصور يمسك يدها: سمعيني زين.. انا ماصدقت انه ولدج يتزوج الي يبيها وقلبي يرتاح من همه.. اياج اسمع انه طلقها.. طلاقج وراها
ام خالد بحده: شنو
منصور بحده: شوفي انا قلتها كلمه.. طلاقج ورى لبنى.. تراني استحملتج كثير وقلت عشان خاطر عيالي.. بس الحين خلاص.. خلي ببالج لبنى عندي بالدنيا.. أي غلط منج بيخسرج بيتج وعيالج.. واضح الي اقوله
ام خالد بخوف: واضح
منصور يمشي عنها: خليني اعرف انج سويتي حركه من حركاتج.. ماحد بيرحمج من يدي
ام خالد بعد ما مشي: معلش يابوخالد.. عشانها بنت حبيبة القلب منت راضي عليها.. معلش.. انا بوريك اش اقدر اسوي فيها.. وزواج ماهي متزوجه ولدي.. دور لها على كلب تتزوجه.. ولدي لا

&&&&&&&&&&&&&&&&&

8:20 الليل
فيلا العايله ..في جناح ناصر..
السعوديه

صلاح: تلفونك يا اخي رد عليه
ناصر بضيق: هذي عبير.. ماودي حتى اشوف رقمها
صلاح: يا اخي لا تعمل بحالك كذا
ناصر بضيق: اتركني لحالي ياخوي
صلاح يقوم: انا ماشي.. بشوف نوف
ناصر بضيق: معلش مزاجي ماهو رايق
صلاح: شكلها دزت رساله.. شوف الرساله على الاقل..
ناصر بحده: يا اخي اتركها عنك.. ماني رايق لها ولمشاكلها
صلاح: طيب طيب.. خلاص بمشي عنك
نوف تدخل جناح ناصر: ناصر
ناصر يفز: ياروحه.. مالك حبيبتي
نوف بخوف: عبير داقه علي
صلاح يحضنها: وتدق عليكي ليه خايفه كذا
نوف: ما ادري.. بس ما ابي ارد عليها
صلاح ياخذ تلفون ناصر: من حقي اعرف ليه داقه على زوجتي
ناصر: خذ راحتك.. اساسا ماتهمني في شي
صلاح يفتح عينه: خذ اقرا ايش دازه
نوف بخوف: ايش
صلاح يطلع معاها: لا تخافي تقول واحشينها وتبي تتطمن عليكم
ناصر مصدوم: مستحيل "الحق علي ابوي يتحرش فيني" ماني محرك ساكن.. جعلك بهالحال.. هدمتو بيتي وحياتي.. حبيبتي بتصير ملك لغيري.. كسرتو قلبي ورجولتي.. الان دازه تبيني الحق عليكي.. ماني متحرك والي بيصير فيكي يصير.. ماتهميني

&&&&&&&&&&&&&&&&&&

8:30 الليل
في سيارة عبدالرزاق ..على التلفون..
البحرين
عبدالرزاق بحده: يا ثووووووووووووور متى بتتعلم.. ليش منت راضي تفهم.. اشلون ترجعها من غير ما تشاورني
عبدالرحمن: ياخوي هذي زوجتي ارجعها وقت ما ابي.. ليش اشوارك
عبدالرزاق: عبدالرحمن تراك ذبحتني.. ليش ماتبي تفهم انه لافي ماهو بالشخص الي تثق فيه وتناسبه
عبدالرحمن: وانا اش لي فيه.. انا ابي زوجتي.. انا رايح اخذها وراجع على قطر
عبدالرزاق: ماتتحرك من مكانك انت فاهم.. ماتخطي خطوه قبل ماتقول لي
عبدالرحمن: ما اقدر يا خوي.. ابي اروح اخذ زوجتي.. هي محتاجه لي
عبدالرزاق يسكر الخط بوجهه: هالثور مايتعلم
خوله بحده: حسبي الله عليه مانرتاح منه ومن مشاكله كل يوم مشكله جديده
عبدالرزاق: الو حامد
حامد: هلا عبدالرزاق
عبدالرزاق: عبدالرحمن بيحجز على طيارة لندن.. اسمع ما ابيه يطلع برا قطر
حامد: ههههههههههههههه بس.. انت تامر
عبدالرزاق: اذا قدرت انك تبلشه بقضيه بتهمه.. لا تتأخر.. المهم عندي انه مايسافر
حامد: هههههههههههههههه خلاص ولا يهمك.. اعتمد على الله ثم علي
عبدالرزاق: ماقصرت ياخوي.. طول عمري معتمد على الله ثم عليك.. اشوفك على خير.. مع السلامه
خوله: زين سويت عبدالرحمن ماينفع معاه غير هالشي
عبدالرزاق: حسبي الله عليه قلب مزاجي.. بنت الكلب متصله فيه تصيح وتترجاه يرجعها.. راح ورجعها
خوله: حسبي الله عليهم ماهم ناس هذول اباليس.. صدقت ليال عنهم.. ووجع ان شا الله تقول ساحره لعبدالرحمن.. اشوفه خاتم بيدها
عبدالرزاقيتصل: الو هلا احمد
احمد: هلا والله بوسالم
عبدالرزاق: الحمار الي اسمه عبدالرحمن.. رجع بنت لافي

&&&&&&&&&&&&&&&&&&

9:00 الليل
فيلا منصور ..الصاله..
البحرين
منصور بفرح: هلا والله حياكم يا عيال
احمد: تسلم يا عمي
منصور: وين لبنى
احمد: سلم علينا الاول!! على طول وين لبنى؟
منصور: سلمت ورحبت بكم وبجيتكم اسأل عن حبيبتي الحين
وليد: مع البنات الحين يدخلون
منير: اقول عمي
منصور: آمرني يبا
منير: تسلم لي.. خالد وينه ماشفناه
منصور: مع امه تعبت شوي اليوم بعد.. شوي وتلاقيه جاي
ليال تدخل: عاد انا جيت مع عيالي
منصور بفرح: هلا بج وبعيالج.. وينهم
ليال تعطيه غلا: هذي الغلا
لمى: تسلم على الغلا.. وبعديها الحلا
منير: والله مصدقه روحج على هالاسامي.. قال الغلا والحلا
ليال: لو تكرمني بسكوتك يكون احسن
لينا: هههههههههههههههه وانتو ليلحين مع بعض على الاسامي
منير: والله مقهور.. اسامي ماهي حلوه
عبدالعزيز يدخل: وانت اش عليك.. تسميهم مثل ماهي تبي.. اذا جبت عيال سمهم مثل ماتبي
منصور يقوم له: هلا بعبدالعزيز داخل اخر واحد يايبا
لينا: عبدالعزيز هذي طبعه يدخل اخر الحريم
عبدالعزيز: عارف الحريم يا عمي ان غفلت عنهم.. اغرقو
منصور: هههههههههههههههه والنعم فيك يا يبا
ليال: الله يخليه لنا وياربي ازوجه وافرح به
منصور يشوفها: الله يخليكم لبعض.. انا بحياتي ماشفت مثلكم
احمد: آمين يا عمي.. الله يعلم ان الكل اخوان.. والكل شايل الثاني
منصور: لبنى ماجات وينها
عبدالعزيز: مع عبدالرزاق واهله.. راكان وسمر معاهم شوي وتلاقيهم داخلين
حنان بفرح: يا هلا وغلا والله.. حيا الله من جا
لينا تحضنها: هلا بالحلو والله
ليال تحضنها: هلا هلا.. معلش عاملين عليكم غاره.. قلنا نجي نشوف خالتي ان شا الله احسن الان
حنان: الحمدلله.. شوي وتجيكم وين لبنى
احمد بقهر: يالبنى الي الكل يسأل عنها
حنان: هههههههههههههههه تغير
احمد: وليش ما اغير.. مافي احد يسأل علي
حنان: هههههههههههههه عندك لينا
عبدالرزاق يدخل: السلام عليكم
منصور: وعليكم السلام.. يا هلا بالرجال
عبدالرزاق: هلا بك عمي ان شا الله بخير
منصور: بخير الله يسلمك.. لبنى وين؟
عبدالعزيز: ههههههههههههههه قول له لبنى وين تراهم اقلبو راسنا عليها
خوله: لبنى معاي تراهي بخير.. والي يبي يسلم عليها يدفع لي عشان اسمح له
لبنى تضربها: اش هالكلام
منصور يحضنها: وينج يبا وحشتيني يالغاليه.. ان شا الله بخير
لبنى بحضنه: وحشتني اكثر يا عمي.. انت اشلونك
منصور يبتسم: من شفتج ردت الروح فيني
خالد ينزل: اترك شي لي على الاقل
لبنى تنزل راسها وتبتعد: .............................
احمد: هلا خالد الحمدلله على السلامه
خالد يناظر لبنى: هلا بك يا خوي اشلونك واشلون اهلك
احمد: كلهم طيبين
عبدالرزاق: هلا ياخوي
خالد: هلا بك يالغالي
عبدالعزيز: وينك يا رجال لا تلفون لا رسايل
خالد: والله ماني قادر انام حتى
وليد: الله يعينك
خالد: تسلم يالغالي
منير: اخبار الوالده ان شا الله بخير
خالد يناظر لبنى: بخير الله يسلمك
ليال: شفناك ماتسأل قلنا نعمل غاره عليك ونشوفك غصب
خالد: واحلى غاره والله يكفي انكم جايبين قلبي معاكم
حنان بهمس: استحي شوي
خالد يبتسم: لا
حنان: والله عيب ابوي منحرج منك
خالد يقرب من لبنى: اشلون قلبي
لبنى تقوم عنه: حنان دقي على راكان وسمر تأخرو
لينا: امي وخواتي معاهم الله يخليج حنان شوفيهم
خالد يمسكها: ماتبين تكلميني
لبنى تنزل راسها: ............................
خالد بهمس: احبج
ام خالد: حيا الله من جا
ليال: يا هلا وغلا حمدلله على السلامه
ام خالد: الله يسلمج
لبنى تحضنها: الحمدلله على السلامه خالتي
ام خالد من غير نفس: هلا
كنت ابي اطلع من هنا بأي طريقه.. ماني طايقته ولاني طايقه امه.. احس بالضيق.. حنان اسحبتني معاها للمطبخ.. صارت تتكلم وانا بدنيا ثانيا.. تمنيت حضنه بس.. ماهو اكثر من حضنه.. ودي اتكلم معاه محتاجه له.. كنت واقفه مع حنان وانا مانعه دموعي.. كنت مقهوره.. حاسه روحي ضايعه.. ماتمنيت جذي.. تمنيت حضنه بس.. التفت لقيته واقف وراي.. يشوفني او يشوف انكساري.. كنت اعاند نفسي واقول ما ابي اتكلم معاه.. كنت مقهوره منه وفي نفس الوقت محتاجه حضنه.. جهزت حنان الضيافه وراحت الشغاله تقدمه للضيوف.. كنت واقفه في مكاني ما تحركت.. كنت ابي التفت عليه اشوفه.. بس منعت روحي عنه
حنان تبتسم: يلا حبيبتي نروح لهم
وقتها بس التفت عشان نطلع من الطبخ.. مالقيته ماكان موجود.. شكله زعل لاني رافضه اكلمه.. يزعل مايهمني.. اهماله لي فاق الحد.. وانا ماني قادره استحمل
لبنى تمسك حنان: خلينا نقعد بالحديقه شوي
حنان: متضايقه؟
لبنى بضيق: شوي
رحنا جلسنا بالحديقه شوي.. كنت سرحانه بهمي.. لحد متى يالبنى بتعيشين بهالحزن.. توقعت اني بنسى همي والحزن الي عشت فيه.. كنت ظانه روحي قويه وبقدر اكون مع خالد غصب عن امه.. بس لقيت العكس.. قدرت تقلب حياتي قدرت انها تكسر من نفسي المكسوره بعدته عني شهر كامل والحين تبيه يطلقني.. يمكن هالشي مضايقني.. احساسي انه ممكن يسويها ويطلقني.. اكيد بيسويها.. ياربي اتمنى قبل لا يسويها اكون بحضنه شوي.. ياربي
خالد يمسك كتفها: لبنى
لبنى تنتبه: ها !!!!
حنان: الرجال صار له زمان وهو يانادي.. وين سرحتي
لبنى: ولاشي.. تعبانه من الشاليه
خالد: تعالي معاي ارتاحي شوي
كنت ابي اروح.. كان ودي اروح معاه.. محتاجه اني ارتاح.. عاندت روحي بعد.. كنت ابيه يعرف اني متضايقه من اهماله لي.. بس ليش ابيه يعرف.. هو بيطلقني.. مصدقه حالي ان بيهمه ضيقي او حزني.. واهمه يالبنى.. كنت اشوف عيونه الي عشقتها.. الشوق له بيذبحني.. انا قربه ومانعه روحي عنه.. ليش يالبنى يمكن كرامتي منعتني اقترب منه او اروح معاه.. ما ابي افرض نفسي عليه.. ما ابي يحس اني راميه حالي عليه.. اذا يبيني بيعرف كيف يوصل لي
راكان: خالتي
لبنى تنتبه: خير
راكان: وين رحتي اناديج ماتسمعيني
خالد: الي ماخذ عقلها
راكان: من غيره حبيب القلب.. صح خالتي
لبنى تبتسم لراكان: .............................
راكان: شفتي افهمج
سمر: وانا بعد
لبنى تحضنها: وانتي بعد ياقلبي
خالد: ياليتني سمر
سمر: يا غيار
حنان: ههههههههههههه
خالد: من حقي اغار.. زوجتي وتحب عيال اختي اكثر مني
راكان: حبها اكثر منا.. وهي تحبك
لبنى بجديه: راكان
راكان: انا اسف امزح بس
لبنى: من غير هالكلام
راكان: اسف
ماكان له داعي الاسف.. كنت ابي اقول له كلام الصغير صح.. حبني عشان احبك.. احسه بارد.. احساسه بارد.. مضايقني هالشي كثير.. موترني ومخليني ادور في دوامه كبيره.. ليش يتعامل معاي ببرود جذي.. خالد ماكان جذي.. كان يحب يراضيني يحب يدلعني الحين غير اشيا كثيره صارت غير
خالد يسحبها: تعالي معاي
لبنى بخوف: وين
خالد: بنتكلم مع بعض.. بنتمشى شوي
لبنى تسحب يدها: احنا قاعدين هنا وتاركين الناس داخل
خالد: امي وابوي معاهم.. والكل فرحان ويضحك.. الا انتي
لبنى تشوف حنان: لا.. ودي ارجع الشقه ارتاح
حنان: لبنى يا قلبي امشي معاه شوي.. شويه بس
سمر: اساسا مبين ان خالتي زعلانه منك.. ليش ماتبي تفهم
خالد بحده: بنت
راكان: اختي ماقالت شي غلط.. خالتي زعلانه منك وانت ما....................
حنان بحده: بس.. خذ اختك وروحو داخل يلاااااا
كنت ابي اصرخ فيها.. هم حسو علي.. وزوجي حبيب قلبي ماحس بهالشي.. ضيقي كان واضح لهم.. حزني يشوفونه بعيونهم.. معقوله هو مايشوف؟!! يمكن يشوف بس مايقدر يسوي شي.. لانه في النهايه بيطلقني.. ليش يتعب روحه ويراضيني.. ماكنت ابي اروح معاه كنت حاسه انه بيكلمني عن الطلاق.. ما كنت ابي اسمع شي.. كنت ابي امشي من هنا
خالد يسحبها: تعالي معاي
لبنى بحده: قلت لا
حنان: لبنى خليه يراضيج.. حبيبتي هو عارف انه مقصر معاج
لبنى تمشي عنهم: ماراح يراضيني.. بيزيد همي
خالد يمسكها: انا ؟
لبنى بحده: ابتعد عني
خالد يمسكها: حنان اتركينا شوي بروحنا
راحت عني حنان وظليت بروحي معاه.. مسك يدي ومشيت معاه.. كنت ابي اسكر اذني وما ابي اسمع منه ولا حرف.. ما ابي انفصل عنه.. احبه وما ابي ابتعد عنه.. خالد لا تتركني.. خالد لا تتخلى عني.. وقفنا بين الزرع وكان يشوف عيوني.. وانا ابتعد عن نظراته اهرب قبل لا اضعف واحضنه.. كنت متوتره ابي اصرخ بس القهر الي بقلبي مانعني.. ابتسم لي وصار يسحبني له يجرني لحضنه.. كنت سعيده بهالشي.. اخيرا بكون بحضنه اخيرا.. سمعت صوت يناديني
.....: لبنى انتي هنا.. لبنى.. لبنى
خالد بهمس: من الي ينادي
لبنى: صوت رجال!!!!
.....: لبنى حبيبتي ماتبين تردين علي
خالد بحده: من ذي
.....: لبنى انا نواف ردي علي

- من هالنواف
- اش علاقته بلبنى
- اش بتكون ردة فعل خالد

السلام عليكم ورحمة الله وبركاته


على الوعد معكم يوم الاربعاء ......... ان شاء الله ..........



اتمنى لكم قراءة ممتعة ..........