كاتب الموضوع :
دانة الحمادي
المنتدى :
الارشيف
الجزء العشرون
11:30 اليل
في الشاليه ..عند البحر..
البحرين
ليال: لمى مالك
لمى بتوتر: ابد حبيبتي انا بخير
لينا: ليش تأخرتي
لمى: كنت ارتب المطبخ
لينا بحده: وليش ما انتظرتي نكون مع بعض.. منتي بروحج يا لمى.. وبعدين ترتبي والشغالات جالسات؟!!!
لمى بحزن: ماني حاسه بجوع.. مافيها شي اذا رتبته.. اشغل نفسي عن همي شوي
منصور: يا عيال العشا كان حلو ماقصرتو
لينا: هذي طباخ لمى عمي
ام خالد: والنعم فيها حرمه كفو.. كم عمرك يما
لمى بضيق: 29
ام خالد: ممتاز.. سنك مناسب لولدي خالد
حنان بحده: يما
لمى بحده: بس انا متزوجه خالتي.. وخالد مايناسبني حتى لو كنت ماني متزوجه
لينا بهمس: اش صار ليه عصبتي على الحرمه جذي
لمى بهمس: قاهرتني وحده ماتعرف السنع.. من جات وهي تضايق لبنى بأي وسيله قدامها كفايه عاد
فيصل: احد يشوف احمد وعبدالعزيز يا جماعه وين راحو
وليد: احمد حتى ماتعشى جاه تلفون وقام بسرعه
عبداللطيف: وعبدالعزيز وين راح كل هذي بالمخزن
منير: بتصل فيه
فيصل: يمكن احد خطفهم
بواحمد: ما اظن يبا
عبداللطيف: ليش عمي
بواحمد: مابيلاقي عندهم فلوس حتى يطلب عليهم فديه
منصور: ههههههههههههههههه رقبتي سداده يا بواحمد
بواحمد يضحك: قدها ياخوي
منصور: لبنى يبا ليش سرحانه
لبنى تنتبه: ابد عمي انا مرتاحه
منصور يقوم يغسل يده: الحمدلله انج بخير
خالد بحده: يمكن فاقده احد تحبه
لبنى تشوفه بإنكسار: صح من قال لك
خالد بضيق: واضح من غير لا احد يقول
لبنى: فاقده وجوده وروحه
خالد بحده شديده: ماتعبتي وانتي تمثلين دور المسكينه الي تبي الكل يتعاطف معاها ويمسح دموعها
ليال بحده: خالد ايش هالكلام
خالد بحده: لا تتدخلين من فضلج
ليال: بتدخل وصوتك لا يعلى انت فاهم
لبنى تمسكها: ليال الله يخليج اسكتي
ليال: ماني ساكته.. انا سكت على تصرفاته وكلامه الجارح معاج بس لحد هنا وكفايه
خالد: ان شا الله يسعدج الوضع الي انا فيه يا بنت عمي.. الغريب يرفع صوته على عشان عيونج
فيصل يمسكه: خالد الله يهديك.. اش صار لك
خالد: اسألها ليش واقفه مع احمد بروحهم من شوي.. تتكلم مع الغريب وانا ولد عمها ما الاقي منها غير الجفا
لينا: ولا كلمه زياده.. واحترم روحك انا كنت واقفه معاهم بس ليال نادتني
خالد: عارف ان الكل بيبرر تصرفاتها وبيغطي عليها
ليال بحده: ولا كلمه.. هذي قلة حيا ماراح اسمح بها.. البنت اشرف من اننا نغطي عليها
لبنى تتركهم وتركض: بس خلاص.. ارحموني
ام خالد ترفع صوتها: عشان تنبسطين.. الكل يتخانق عشان خاطرج
لقيت لمى تصرخ في ام خالد.. صارت عصبيه لدرجة ماقدرنا عليها.. ما عمري شفت لمى بهالحال.. واحمد بعد اختفى ومانعرف وين راح.. لبنى ركضت على الشاليه وفي عز صراخنا سمعنا صوت السياره تتحرك
سمر بخوف: ماما هذي سيارتج
حنان بجزع: قلبي.. خالد تحرك الحق على بنت عمي
شفت عزيز وهو جاي يركض.. كنت عامله روحي عنتر ساعتها.. خالد كان زي الي صحى من نومه.. وقفت في وجهه وعطيته كف.. وقف مصدوم من حركتي.. كيف عملت كذا ما ادري.. هو وبنت عمه انا ايش يدخلني بينهم.. كيف مديت يدي عليه.. سحبني عبدالعزيز له ووقف بيني وبين خالد.
خالد بحده: انتي ماتربيتي
ليال: الي ماتربى هو انت عشانها رافضتك اتهمتها مع احمد
عبدالعزيز بحده: ليال انكتمي وادخلي داخل
احمد يركض لهم: اش صار
ليال: اسأل قليل الحيا الي متهم بنت عمه انها واقفه معاك
احمد يمسكه من ياقته: يا كلب شوف تلفونك كم مره اتصلت فيك
عبدالعزيز يفكهم: احمد بالعقل ياخوي
عبداللطيف يمسك احمد: ابتعد عنه.. انت تشوفه ماهو بوعيه
احمد: يكون في علمك بدر في بيت عمك.. الحارس الي مخلينه عند البيت شافه يدخل من شوي.. ولبنى اكيد راحت بيت ابوها.. يا تلحق عليها يا بدر يذبحها مثل ماذبح ابوها
حسيت خالد طار على السياره.. والحقه عبدالعزيز وركب معاه.. احمد وعبداللطيف وفيصل تحركو بسرعه بعد.. وانا وقفت في مكاني ماني قادره اتحرك من الخوف.. البنت ممكن تموت في أي لحظه.. حنان من اسمعت عن بدر في بيت عمها امسكت التلفون تدق على لبنى تحذرها بس لبنى ماترد.. صار الجو متوتر.. وماحد قادر ينطق.. منصور كان واقف بشموخه بس احس من داخله منهار.. ركب سيارته.. وانا اصريت انه ينزل.. ماني مستعده اخسره هو بعد.. صحيح علاقتي فيه بسيطه ومحدوده بس حبيت هالرجال.. وليد ومنير وراكان اقنعوه بأنه ينزل.. وجلس معانا على اعصابه.. وانا الخوف بيقتلني.. عدت الساعه والثانيه والوقت يجري ومافي خبر عنهم.. ولاواحد يرد على تلفونه.. سترك يارب.. ياربي تحفظهم.. ياربي يرجعو لي بالسلامه
ام خالد بكل هدوء: راكان
راكان باعصاب تالفه: نعم
ام خالد: ودني البيت احس بالتعب وابي انام
ياربي ودي اقتلها.. ماهي من البشر ابد معدومة احساس.. فرحانه اكيد اقلبت يومنا وتبي تروح تنام ترتاح.. شفت حنان تهمس لولدها انه ياخذ جدته.. احسن بعد وجودها يوترني.. قلت لخان ياخد ام احمد وابوه.. وخالتي ام لينا وخالتي ام عبداللطيف.. ويوصلهم على البيت شكل ابو احمد كان مره تعبان.. قربت الساعه على 02:00 الصباح واحنا جالسين نحتري تلفون على الاقل
ليال: حنان خذينا على بيت لبنى
لمى: أي حنان.. خلاص مافيني صبر
لينا: قومو انا بعد احس بموت.. اكيد البنت جرا عليها شي
حنان: خايفه على ابوي اذا تحركت
ليال: ياربي الصبر
لمى: مافيني صبر حنان وصفي لخان الطريق وانا ولينا نروح
لينا: أي انا موافقه
ليال: لا طبعا ماني موافقه يانروح كلنا.. او نجلس كلنا
سمر تجلس بحضن امها: ماما اش بيصير الحين
حنان تبكي: وانا اش عرفني
لينا تطمن سمر: حبيبتي مابيصير الا الخير
سمر تبكي: ودي اعرف وينهم.. اتصل على خالي ومايرد
حنان تبكي: الله يستر
رجع راكان وقلت لحنان ابوها لازم يمشي وجوده خطر على صحته.. وبعد نقاش طويل اخذه راكان ووليد ووصلوه على البيت.. ظلينا على هالحال لحد الساعه 04:00 الفجر.. دق احمد على لينا وصوته كان تعبان مره.. قلت للينا تخليه سبيكر حتى نسمعه.. الكل كان بحاله تعيسه
احمد: دخلنا عليها وهو يضرب فيها.. كسور ورضوض.. بس لحقنا عليها.. البنت منيمه في الستشفى.. آلمها توجع القلب.. صراخها ليلحين بأذني
لينا: وبدر؟
احمد: اقبضو عليه.. وبيتقدم للمحاكمه
منير: نبتدي يا احمد
احمد بضيق: أي ابتدو.. اهم شي الطلاق.. وبسرعه
وليد: لا يكون عندك فكر
حنان: خالد وين؟
احمد: منهار.. اسعفها فيصل وهو شالها بدمها وركض بها على المستشفى
ليال بحده: عشان ترتاح نفسه الان
لينا تمسك يد ليال: ماهو وقته الحين هالكلام
ليال: والشباب الي معاك بخير
احمد: كلنا بخير.. الشباب ماقصرو نزلو فيه ضرب لحد ماكسرو عافيته
ليال: يعني الي صار فيه اكثر من الي عمله بلبنى
احمد: اكثر بكثير.. احنا خمسه ياليال
ليال: ياربي يخليكم ويزيدكم قوه على قوتكم.. ياربي ماتحرمني وجودكم وجمعتكم ويخليكم.......................
لينا: ليال ترا المسجد ماهو هنا للشحاذه
سكت.. يمكن ابتسمت غصب عني.. بس وجع قلبي على هالمسكينه كبير.. احسها اكثر وحده فينا تضررت.. اكثر وحده فينا عايشه بتعاسه.. ما خذت حبيبها.. ووحيده لا اب ولا ام ولا اخ.. ربي يرحم حالك يا لبنى
احمد: لمى
لمى: نعم اسمعك
احمد: ماكان ودي نرجع للبيت.. بس لازم الكل يرجع الحين
لمى بخوف: ليش هالكلام لي !!!
احمد: كنت ابي ابعدج عن التلفزيون هاليومين
لمى بحزن: عوض خلاص
احمد: وليش الحزن.. عوض ينبكي عليه؟
لمى بحزن: لا طبعا
احمد: خلاص البنات معاج ومافي خوف عليج.. ابيج قويه
لمى بحزن: اكيد
احمد: لينا
لينا: نعم
احمد: جهزو كل شي عشان ترجعون.. احنا شوي وراجعين لكم
حنان بخوف: ولبنى
احمد: خالد معاها
&&&&&&&&&&&&&&&&&
5:30 الصباح
فيلا العايله ..جناح غسان..
السعوديه
كنت متوتر.. خايف اول مره احس بالخوف.. ايش بيصير بكره.. كان المفروض اني افكر قبل لا اخطي هالخطوه.. بس انا فكرت والفرصه حلوه الليله.. وهي نايمه ولا هي حاسه بشي.. يا خوفي.. مسكت مصحفي وظليت اقرا.. لحد ما صارت الساعه 7 الصباح.. كنت ادعي من قلبي كلها نص ساعه ويروح مفعول المنوم.. كنت اسمع دقات قلبي.. ماني عارف ايش بتكون ردت فعلها وايش بتصرف معاها.. ياربي متكل عليك.. رحت اشرب مويه تطفي النار القايده بقلبي.. الخوف نشف ريقي.. شفتها تتحرك ونبض صدري يزيد.. ايش صار لك يا غسان كل هذا حب فيها.. قوي قلبك اذا ضعفت ممكن تتركك وتكون ردت فعلها سيئه.. قوتك بتقويها.. شفتها تفتح عيونها.. نمت جنبها.. كنت اتابع حركاتها.. والخوف ماتركني
العنود تصحى: صاحي؟
غسان: ما قدرت انام
العنود تبتسم: وليه عاد
غسان يبوسها على راسها: عشان اشوف عروستي كيف تصحى
العنود بخوف: عروستك؟!!
غسان: صباح الخير يا عروس
العنود تفز من مكانها: ايش تقول؟
غسان: ايش اقول!!.. مبروك ياعروس يا احلى عروس
العنود تغطي نفسها: متى
غسان: البارح نسيتي
العنود: ماني متذكره شي
غسان: هههههههههههه اعمليهم علي.. اكيد الحيا مقطعك بعد الي قلتيه البارح
العنود: والله ماني ذاكره شي
غسان: يعني منتي ذاكره انك انتي الي طلبتي
العنود فاتحه عيونها: انا؟!!!
غسان بحده: ايوه انتي.. شوفي لا تعمليها علي وتزعلي وتعصبي.. تراكي انتي الي طلبتي مني
العنود: قوم اطلع برا
غسان يحضنها: احلمي اترك زوجتي بعد احلى ليله؟
العنود: احلى ليله؟!!!
غسان: من جد ماتذكري
العنود ببرائه: لا
غسان يحضنها: احبك يا احلى عروس
كنت اشوف عيونها وهي تلمع كل ما قلت لها عروس..كان ودي ابكي على حالها.. كانت مبسوطه وانا قلبي يتقطع.. كانت هاديه وهي بحضني اول مره احسها هاديه.. احس الجبل الي كان على صدرها انزاح.. آآه يا العنود.. يا قطعه من روحي.. الان ارتاحي يا قلبي.. تركتها وقمت صليت ركعتين لله.. تستاهل الحمد ياربي.. وهي بعد صلت لها ركعتين وبعد ما انتهت انتبهت انها ساجده.. طولت بسجودها.. اول ما ارفعت راسها
غسان بلهفه: طولتي بسجودك
العنود بنشاط: عادي ليال كانت تقول اقرب مايكون الانسان لربه وقت السجود
تركتها تسولف وتحكي وانا اشوف فرحتها قربتها لحضني.. صارت في حضني تضحك وتسولف عن ليال ماكان مهم عندي ايش تقول.. المهم اني اسمع ضحكها واشوف فرحتها.
العنود: غسان
غسان: ياروح غسان
العنود: تصدق ودي انام.. احس اني تعبانه
غسان يفتح يده: بس بحضني
العنود بحيا: لا
غسان يحملها: احلمي تكوني بعيده عني
العنود تحضنه: احبك
&&&&&&&&&&&&&&
10:45 الصباح
في المستشفى ..غرفة لبنى..
البحرين
طلعت منها وانا ابكي بكا كأنه احد متوفي لي.. لينا تهدي فيني وانا ابكي بوجع.. حنان صارت تبكي وراكان يحاول يهديها.. لبنى منظرها حسسني انها ميته.. ماكنت شايفه طريقي.. لمى امسكتني مع لينا وجروني للسياره.. جلسنا في الكرسي الخلفي.. احمد يسوق وجنبه عبدالعزيز.. وحنان وراكان بسيارتها
احمد: ليال البنت بخير
ليال بحده: بخير تقول بخير وهي مجبسه من راسها لرجولها.. وين بخير ووجها ملون
لينا: اذكري الله.. الحمدلله انها عايشه
لمى تبكي: الحمدلله
عبدالعزيز بحده: ابيج تسكتين.. غلطج البارح ليلحين ماتكلمت عنها
ليال بحده: مو من حقك تكلمني اساسا
عبدالعزيز بحده: ولا كلمه.. تمدين يدج على رجال غريب!!.. حطيتي روحج في موقف سيء قدام الكل.. ماتقدرين حتى تدافعين عن نفسج.. البنت الي ضربتي خالد عنها غريبه عليج.. وماتقرب لج حتى تتصرفين جذي.. متعاطفه معاها؟ حبيتيها؟ صارت لج اخت دنيا؟ بعد مايعطيج الحق انج تمدين يدج على الرجال.. واحد غيره اذبحج
احمد بحده: عبدالعزيز معاه حق.. تصرفج غلط
ليال بحده: تلوموني الان على تصرفي.. بس مافي واحد فيكم وقف في وجهه يمنعه عن وقاحته.. ولا واحد فيكم كان موجود وامه تغلط عليها وهو بكل وقاحه يكمل على امه.. البنت وحيده وماعندها سند غير الله ثم احنا.. تبوني اسكت
عبدالعزيز: ولو مانقدر نتدخل بينهم.. اخته الي هي اخته ما تدخلت
ليال بحده: لانها تحامي لاخوها
لينا: اهدي خلاص.. عبدالعزيز الله يخليك ليال ماهي قادره تتنفس اهدى انت بعد
احمد: روق ياخوي.. المهم عندي ان البنت بخير
ليال: حلو المهم عندك البنت بخير.. والي هي فيه ماهو مهم عندك
عبدالعزيز بحده: تبينا نذبح خالد عشان ترتاحين
ليال بحده: لا.. بس تدافع عن لبنى
عبدالعزيز: ليش ماتبين تفهمين انه دفاعنا عن لبنى بيتفسر في حقها شي شين
ليال: اجل لا تلومني اذا تدخلت ووقفته عند حده
عبدالعزيز بحده: لا تجنيني.. أي رجال اذا عصب ما يشوف الي قدامه وخالد من هالنوعيه اذا عصب مايكون بوعيه.. الرجال اقوي من الحريم يا ليال.. تبينه يذبح الي ببطنج عشان تقعدين بحسرتج.. ناقصه انتي
ليال تنتبنه: ايش الي انا ناقصته!!!!!
عبدالعزيز ينتبه لغلطه: .......................
احمد يوقف السياره: تكلم.. اش تقصد بكلامك
عبدالعزيز: كل واحد مننا شايل من الهم ما تكفيه سنين حتى ينساه.. وهي ماعندها اهل ولا زوج جنبها وهي بهالحال.. قاعده تصارخ على الرجال وتمد يدها عليهم حتى تدافع عن ناس مالها صله بهم وهي اساسا ماهي من هالديره.. تلاقي تفسير ياخوي للي اقوله؟؟. يمكن انت وزوجتك تكونو قربين منها وتعرفو مشكلتها.. بس الي قاعده تسويه تفتح العيون حولها.. حتى النقاب الي مخليته على وجهها مابيحميها عن الناس الي خايفه منهم
ليال بحده: انـ..................
احمد يشغل السياره: ولا كلمه.. ليال
شفت نظرات الغضب بعيون احمد وهو يناظرني بالمرايه الي جنبه.. عزيز في لحظه كشف عن نفسه.. اكيد كان منتبه للكل وهو بيننا.. كيف ما انتبهت له.. كنت افكر في حزنه ولا انتبهت انه زينا يملك من الذكاء الكثير.. يمكن يفوقنا ذكاء.. بس الي يجمعه بنا الحزن والماضي والخوف من بكره.. كنت كل شويه اناظر احمد.. وهو يناظرني بعد.. حسيته يبي يقول لي شي ما كنت فاهمته صرت احرك له عيوني اني ما ني فاهمته.. لف بالسياره ووقف في محطة بنزين.. نزل منها وعزيز نزل معاه.. عزيز كان معطينا ظهره بعكس احمد الي كان يناظرني بقوه.. كنت فاهمه انه يبي يقول شي.. بس ماني فاهمه هو ايش يبي.. سبق عزيز في الجيه وصار عزيز وراه.. وقتها حرك احمد شفايفه وقال لي "اكسبيه بنحتاجه معانا في شغلنا" فهمت اخيرا.. التفت للينا وهمست لها "ساعديني اكسب عزيز" هزت راسها موافقه للي قلته.. ركب احمد وعزيز السياره.. احمد رجع يناظرني اكيد قصده ابتدي
ليال: عزيز
عبدالعزيز: موافق على الي تبينه.. بس في شي لازم تعرفونه
وقتها لمى صارت تسعل بقوه.. لينا كانت في الوسط وصارت تهديها.. التفت عليها عزيز وشفته يكلمها بس بحركات خفيفه بوجهه.. بعديها بسرعه قال لاحمد
عبدالعزيز: احمد ما عندك ماي
لينا: ماعندنا بس..............
ليال فاهمه للحركه الي صارت من عبدالعزيز: مايحتاج البنت هدت.. صح لمى
لمى: أي الحمدلله
احمد بخوف: انتي بخير
لمى: الحمدلله بخير
شفته.. شفته.. اكيد يعرفو بعض.. ولا كيف يكلمها بحركات وجهه وهي قايله لي انه سر ما حد يعرفه غيري.. اخذت نفس عميق.. انتبه لي عزيز وقتها وفهم اني عرفت سره
ليال: ايش كنت تبي تقول عزيز.. خلي ببالك انه بيظل سر.. الي عرفته بيظل سر.. بيننا حنا الاربعه بس
احمد فهمني.. وشافني بالمرايه وانا بادلته النظره.. فهمني بعد.. تذكرت انه لمى وعزيز اختفو وقت العشا.. ايش ممكن صار لازم اعرف من لمى.. سرحت بتفكيري انتبهت لعزيز يقول
عبدالعزيز: بكون سعيد اذا اعتبرتوني اخ.. حاب الجمعه الحلوه الي انتو فيها.. حاب خوفكم على بعض.. هالشي انا فاقده بحياتي.. الشي الي لازم تعرفوه عني اني على خلاف كبير مع الوالد.. خلاف وصل للمحاكم وصارت له قضايا كبيره.. عشان جذي انا بعيد عن الناس
احمد: قضايا من أي نوع
عبدالعزيز: كل شي ممكن تتخيله
ليال بخوف: مافهمت
عبدالعزيز: ابوي يكره شي في حياته اسمه عبدالعزيز.. بعيد عن ذكر الاسباب الي ما ابي اذكرها.. مهم عندي انكم تعرفون اني بريء من كل القضايا الي اتهمت فيها
احمد: بس................
عبدالعزيز: ماني مجبور اقول لكم عن حياتي الخاصه.. مثل منتو شايلين همكم ومخبينه.. انا افضل اني اشيل همي واخبيه.. ممكن اكون لكم اخ بس مشاكلي الخاصه بتظل مشاكلي بروحي.. احب اني احتفظ فيها لروحي
لينا: براحتك.. كل واحد فينا عنده همه.. زي ما قلت.. المهم انه قلبك علينا وقلبنا عليك
عبدالعزيز: تفهميني
ليال: انا حابه اننا نكون اخوان دنيا.. قلبنا واح ودمنا واحد
عبدالعزيز: موافق
احمد: فيه شيا لازم تعرفه عننا وفيه اشيا لازم نعرفها عنك
عبدالعزيز: بعيد عن حياتي الشخصيه انا موافق
&&&&&&&&&&&&&&&&
4:00 العصر
في المستشفى ..غرفة عبدالرزاق..
لندن
جراح: مالك مبسوط كذا كأنك ربحت صفقه وانا ماني عارف
عبدالرزاق: احمد من شوي مكلمني
جراح: ايوا ايش الاخبار عنده
عبدالرزاق يبتسم: الاخبار ممتازه فوق الممتازه بعد
جراح: ايوا ربحت صفقه يعني؟
عبدالرزاق: ربحت شخص جديد للمجموعه
جراح: ليه انت معزم تأسس مجموعه
عبدالرزاق: أي ومجموعه ماهي هينه ابد
جراح: وانا ماني منها
عبدالرزاق: انت على راسها يا جراح
جراح: على راسها وماني عارف اعضائها
عبدالرزاق: هههههههههههههههههه لا تجرني بالكلام
جراح: صعب اخذ منك الي ابيه يا عبدالرزاق
خوله: السلام عليكم
جراح: هلا والله
خوله مبسوطه: رزاق كلمت احمد
عبدالرزاق يبتسم: أي قال لي
خوله: ما تتخيل فرحتي
عبدالرزاق: ماتوقعت انه ممكن يكون معانا
خوله: اهم شي انه رجال والنعم فيه ونظرتك فيه ما خابت
عبدالرزاق: سألتي عن لبنى
خوله: أي لينا تقول حالتها حاله.. مجبسه من راسها لرجولها
عبدالرزاق: الحمدلله انها عايشه
خوله: الحمدلله
جراح يحط رجل على رجل: مثل الاطرش في الزفه
خوله: اصبر شوي خليك اطرش بعد خمس دقايق.. عبدالرزاق
عبدالرزاق يضحك: خير يام لسان طويل
خوله تغمز له: احمد قال لك عن القضايا
عبدالرزاق بخوف: قال لي.. تبين الصراحه خايف اش نوع هالقضايا
خوله: لينا تقول انه رفض يقول لهم عنها
عبدالرزاق: الرجال مامنه خوف.. احمد قال لي عن تصرف هالمجنونه وهو كيف حماها من خالد
خوله: انت طالع فيه للسما.. بس انا خايفه منه
عبدالرزاق: لا تخافين من رجال يخاف الله ماهي ذي كلمتج
جراح: والله الفضول بيذبحني
خوله: بعيد الشر عنك
جراح: كلام.. وين الفعل
خوله: أي فعل يا خوي.. تشوفنا مخبين عليك شي.. كل كبيره وصغيره معانا نقولها لك صح رزاق
عبدالرزاق: هههههههههههههههههه انا اشهد
جراح: تشهد ها.. اخليكم انا.. تامر شي
خوله: اقول تدل بيتكم
جراح بابتسامه صفره: لا.. باخذك معاي تدليني
خوله: ما ودي امشي الحين انتظر شوي اكمل سالفتي مع زوجي وبعدين اوديك
جراح يبتسم بخبث: اش رايك اني عرفت الاميره الي مخبينها عني
خوله: اميره؟
جراح: ايوا انا قررت اني اسميها الاميره.. لحد ما اشوفها بعيوني
خوله: لا تدخل نفسك بوضوعها يا جراح
جراح يقهرها: هالشي يرجع لي ولمزاجي
خوله بقوه: احذرك
جراح يبتسم: والله وصرتي قويه يا ام سالم..تحذرين جراح بن مبارك
عبدالرزاق: هههههههههههه هذا من تأثير الاميره
جراح باصرار: ابي اشوفها
&&&&&&&&&&&&&&
عدت الايام سريعه.. والتجهيزات للشغل صارت تنتظر التنفيذ.. جلسنا كلنا واتفقنا على الاساسيات.. وكل واحد من المجموعه عرف دوره واختار منصبه والناحيه الي ممكن يبدع فيها.. صارت الترتيبات و تقريبا الكل دفع نصيبه من الفلوس حتى لبنى وافقت انها تشغل فلوسها معانا بس لازالت ماهي حابه تشتغل.. تطلقت من بدر الي انحكم عليه ب10 سنين للقتل غير العمد.. ودفع غرامات للاضرار الي حصلتها لبنى من يده
بعد ما اطلعت من المستشفى اصريت انها تعيش عندي.. منصور كان ناوي انها تعيش معاه بس لبنى رفضت طبعا عشان العقربه الي اسمها ام خالد.. كنت مبسوطه فيها لدرجه ماحد قادر يصدق انها اخت دنيا بس.. الشباب الكويتي قررو انهم يعيشو بالبحرين.. لمى كانت رافضه فكرة الرجعه للكويت.. تقول ان مالها عيشه بعد الي صار لها.. ام عبداللطيف يا قلبي.. صارت تروح اسبوع للكويت وترجع اسبوع للبحرين.. عبداللطيف طبعا كانت عنده الشركه الي وكلها له عبدالرزاق يديرها.. فكانت فكرة استقراره في البحرين صعبه شوي.. عبدالعزيز ماتغير عليه شي.. الجديد انه طلع من عزلته وصار مع احمد وخالد على طول.. سره لازال مدفون في صدره.. ولمى ماقدرت اخذ منها لا حق ولا باطل في موضوع معرفتها بعبدالعزيز قلت لاحمد عن الي عرفته عنهم قال لي بكره اكيد بنعرف ايش بينهم.. حنان صارت مهتمه بالشغل كثير.. حنان سيدة اعمال من زمان بس معانا احسها انولدت من جديد نست هشام وبلاويه.. وصار تركيزها اكثر للعيال والشغل الجديد الي ماخذ قلبها.. خالد مع اني اكره وجوده.. ولازلت شايله عليه بقلبي لكن يحاول انه يندمج بالمجموعه.. ويحاول انه ما يكون جاف مع لبنى يمكن ترضى عليه.. منصور صار لي الاب الي فقدته.. صار يخاف علينا كلنا ومايتطمن غير لما يكون عنده تقرير وافي عن تحركاتنا.. سهل لنا الكثير ووفر علينا الوقت في معاملات واجراءات كثيره.. اهلي اسكنو مع اهل ناصر ومرتاحين والاهم من الراحه هو انهم متطمنين على روحهم.. هذا الشي مهم عندي كثير بعد.. ما انكر ان الخوف مالي قلبي عليهم من لافي.. بس الحمدلله صرت مطمنه على الكل.. فتحيه تزوجت من عدنان ومافي مشاكل.. منال تقول انه مدللها.. وهي عايشه معاه كأنها مولوده من جديد
في ليله حسيت بآلآم الولاده كنت ابتسم لاني وصلت للي كنت احلم فيه.. حسيت بآلآم صعب اني اوصفها لكنها ماتجي شي جنب الاوجاع الي عشت فيها السنين الي راحت.. وبعد عنا وطول وقت.. اخيرا ولدت.. وجبت بنات.. اخيرا صرت ام.. كنت احضن بناتي وانا ماني مصدقه حالي.. صلاح ترك الي بيده وجاني يطير.. ملهوف علي لانه تركني في الفتره الاخيره.. ومبسوط لانه يشيل عيالي بين يده.. كانت الدنيا ماهي مكفيه سعادتي الي انا فيها.. نسيت لافي ونسيت ناصر ونسيت الدنيا من شفتهم.. شي كبير من الهم الي عشت فيه راح بشوفتي لهم.. حسيت اني قدرت احميهم بفضل من الله.. كنت اسجد لله وانا الفرحه ماليتني وماليه دنيتي وحياتي.. بناتي يجننو.. تمنيتهم بنات والحمدلله ربي رزقني الي تمنيته.. يمكن كنت متضايقه ان خوله بعيده عني.. لكنها ماكانت تسكر التلفون غير لما تعرف ادق التفاصيل.. اغلب يومي ينقضي معاها على التلفون.. تمنيتها جنبي.. تمنيتها تشوف عيالي.. تمنيتها اول من يحملهم.. الحمدلله.. ربي ماتركني وحيده.. لينا ولمى ولبنى وحنان ماتركوني ابد.. كنت جعانه نوم.. بعد الولاده صرت ابي انام.. خالتي ام لينا تقول طبيعي.. بس خوفي على البنات كان يمنعني من النوم.. لمى الله يخليها لي.. هي الي تراعيهم وتغير لهم ولبنى معاها تساعدها.. وانا نايمه.. كنت ابي اقوم كنت ابي اطرد الكسل من جسمي.. بس خالتي ام لينا تقول ارتاحي.. جسمك محتاج للراحه.. تسع شهور حمال وطفلين يتعب الجسم كثير
لما كان عبدالرزاق بلندن.. دق على احمد وقال له انه في لعبه جديده على لافي.. كنت مبسوطه كثير لهالاخبار.. خصوصا ان اللعبه الاوليه لعبة عوض.. جابت نتايج مرضيه.. اما اللعبه الثانيه كانت مافي اسهل منها ومافي اجمل منها.. اشتغلنا على الاوراق ولعبناها صح.. والاسم الي لعبانا فيه هو اسم حنان منصور الشيخ.. بنت تاجر المجوهرات البحريني.. وزي ما قال عبدالرزاق اسم جديد وتاجره موجوده بالسوق يعني لافي ماراح ينتبه انها لعبه.. وبالفعل دخلت حنان اللعبه وانا واحمد صرنا الي نحسب كل خطوه.. وعبدالعزيز الي ابدع في ذكائه وتعليمه لحنان نوع الحركات الي المفروض الي تتخذها.. اما اسماء التجار الاساسيه الي اختفت ورا عبدالرزاق كان لها الدور الكبير في تسهيل الامور.. وخصوصا بوفواز صاحب المشروع.. ونجحت خطتنا.. وصارت الضربه الثانيه للافي.. وعبدالرزاق اول من كلمه يواسيه.. ههههههههههههههههه هو في الاساس شمتان فيه بس المغفل صار يقول لعبدالرزاق كل قهره.. كنت مبسوطه كثير كثير.. بالشي الي جالسه انجزه.. جزء بسيط من الي حلمت فيه يتحقق.
بعد ولادتي بأربع شهور.. وصلت خوله وعبدالرزاق.. راحو قطر واجلسو فيها اسبوعين.. وبعدين جاو البحرين من لهفتي عليها استنيتها بالمطار.. انا و معي البنات.. اطلعت على الصاله زي المجنونه.. من شفتها صرت اصرخ وابكي.. ما ادري ليه حاله كذا جاتني.. صارت حاضنتني وهي تبكي بعد.. بكينا الكل معانا.. كنت مرتاحه وانا بحضنها.. خوله عرفت الامان معاها.. خوله لو ايش ما عملت ماراح اوفيها جزء من الي قدمته لي.. اتركتني وراحت للبنات.. المجرمه صارت تتريق على بناتي.. هذي عيونها كبار وهذي عيونها صغار.. هذي رجولها طويله وهذي يدها قصير.. صارت تدور على الاختلافات.. مع ان البنات شبه بعض.. عبدالعزيز صار يضحك على خبالها
خوله: اشوف تطور الشعب قمنا نضحك ونطلع مع المجموعه
عبدالعزيز: ان شا الله مايضايقج هالشي
عبدالرزاق: ماعليك منها.. تراها فرحانه عشانك معانا
خوله: فضحتنا يا بو سالم.. انا قلت بلعب عليه وبقول له انه مرفوض ومانبيه
عبدالعزبز: بعد!!!
احمد: هههههههههههههه يلا طيب صرنا فرجه للعالم
مشينا ورجعنا على الشقه.. الكل كان موجود.. الكل كان يسولف ويحكي عن اخر الاخبار.. الا خالد السرحان على طول في ملكوت ربه.. بيني وبين نفسي كانت تصعب علي حاله.. بس اتذكر مواقفه وارجع اكرهه من جديد
منصور: يا عيال ابي اقول لكم عن شي
عبدالرزاق: تفضل يا بوخالد
منصور: المفروض انه الي ابي اقوله عائلي وخاص جدا.. بس دامكم على قلب واحد قلت استشيركم في الي ابي اسويه
خالد: خير يبا اش ناوي عليه
منصور يناظر لبنى: انا قررت اخطب لخالد وابيكم تخطبو له
لينا مصدومه: احنا نخطب له!!!
منصور: أي يبا.. مابي امه ولا اخته ابيكم انتو اش قلتو
ليال بضيق: هالشي مالنا دخل فيه يا عمي.. ودامه معزم على الخطبه يتوكل على الله.. حنا نتمنى له الخير
منصور: ول يا ليال كأنه ماهو اخوج الي تقولين هالكلام
ليال: بالعكس يا عمي.. عشانه اخوي وعشان اني عارفه طبعه.. ما ابي أي احد من الموجودين يتدخل في حياته
منصور: ول يا ليال ما توقعت انج شايله عليه جذي
ليال: عمي انت عارف طبع خالد زين
خالد بضيق: يعني ما اشرف ياليال
احمد: ليال ماتقصد هالشي ياخالد
خالد: واضح انها شايله من هذيج الليله
لبنى: ماحد شايل ولا شي.. وبعدين انت ليش معقدها اذا مالقيت الي يخطب لك انا بروح بروحي وبخطب لك.. اذا عمي ماهو راضي بحنان وام خالد يخطبو لك فأنا موجوده.. واسد يا خالد
منصور يبتسم: فيج الخير يبا.. قدها وانا عمج
لبنى: عمي لاتزعل من ليال..انا فاهمتها
منصور: وانا فاهمها بعد وعارف اش مضايقها.. اش رايج ياليال اني ما ابي لبنى تخطب له بعد
ليال بضيق: عمي قول الي بخاطرك
منصور: هههههههههههههههه ابيج انتي تخطبي له
ليال تبتسم: بس انا شروطي صعبه
منصور: موافق عليها كلها
خالد: لايكون بتخطب لي ليال تراني مابيها من الحين اقول لك
عبدالعزيز: بتنكتم ولا اقوم اكتمك انت الحين
خالد يبتسم: ليال ما ابيها لا تجبروني عليها
احمد: ههههههههههههههههه يخاف يجيه كف كل يوم على الفطور
عبدالرزاق: هههههههههههههههههه انا موافق اذا ليال العروس انا موافق.. يا فرحتي فيك يا خالد وانت مصبحينك بكف
لبنى تقوم: بشوف العيال
ليال تمسكها: لمى معاهم اجلسي
لبنى بضيق: اتركيني ابي امشي
ليال: قلت اجلسي
عبدالعزيز: عمي ادخل بالموضوع
منصور: انا طالب لبنى لخالد
لبنى مصدومه: من!!!!
ليال تبتسم: قلت لك شروطي صعبه
خالد بفرح: موافق عليها كلها
ليال: الاول ترمي بروحك من على هالعماره
خالد: من عاشر دور يعني!!!
ليال تبتسم: ايوا
خالد: ماراح اتألم يعني!!!
لينا: يا ثقل دمك
حنان: لا حبيبي ما راح تتألم راح تتكسر بس
خوله: هو فيها تكسير بس.. حتى روحه بتطلع
ليال: عادي فدا الغاليه
لبنى بهمس: ماني موافقه.. لا تتكلمين بلساني.. انا ماني موافقه
ليال بهمس: لسا بدري على مسألة الموافقه.. ومين راح يوافق عليه اساسا.. انا بلعب باعصابه بالاول وبعدين بقول له طلبك ماهو عندنا
لبنى: ماني طفله حتى تتصرفي عني.. انا اكبر منك
ليال تشوف عيونها وتبتسم: لو انك بعقلك ما تركتي حبيبك.. وخالد والحال الي هو فيه ترا من تركك له.. كنت على الاقل فكرتي باسلوب كبار وانتي تتركيه
لبنى بهمس: لي ظروفي
ليال بهمس: طيب عشان خاطري اتركيني العب عليه شوي.. تراني مقهوره منه
لبنى بهمس: لا طبعا لاتتعاملين معاه جذي
ليال بهمس: ليه تخافي عليه
لبنى بهمس: لا بس ماله داعي تلعبين عليه.. ليال الله يخليج مابي مشاكل معاه
منصور: خلصتو همس ولا ليلحين
لبنى: أي عمي خلصنا.. عمي انا ابي...........
ليال تقاطعها: عمي حنا موافقين
لبنى بحده: ليال
ليال: بس زي ماقلت لك شروطي صعبه ان وافقتو عليها.. موافقين على الزواج
لبنى بهمس: انتي تحرجين نفسج وتحرجيني معاج.. انا ماني موافقه تسمعين
خالد: عن الهمس وسمعيني صوتج.. ابي اعرف الي مضايقج
لبنى: انت تعرف...............
ليال تقاطعها: انت تعرف انك ولد عمي وما حد بيخاف علي زك.. وانا ليا شروط لازم توافق عليها قبل لا اقبل بالزواج
لبنى بحده: ليال
منصور: هههههههههههههه لبنى حبيبتي اش مضايقج
لبنى: عمي يالت تعذرني انا.................
ليال تقاطعها: انا حابه اتدلع عليكم واشوف غلاتي بعيون الكل وابيكم تستحملوني شوي عشان ماعندي غيركم
خوله: هههههههههههههههه والله حرام عليج خلي البنت تكلم كلامها
ليال: ماعندنا بنات يتدخلو بهالامور.. حنا الي نقرر وهي عليها توافق او ترفض
لبنى بحده: ليال
ليال تبتسم: ياروح ليال انتي
لبنى بهمس: وقفي هالمهزله.. تراني بطلع من عندج وبرجع بيت ابوي انتي سامعه
ليال: سامعه
خالد بخوف: شنو ليال.. ماهي موافقه
ليال: لسا ما جا وقت الموافقه والرفض.. يمكن انت الي ماتوافق على شروطي
خالد: مستحيل انا موافق من غير لاسمع
لبنى بهمس: وبعدين معاج
ليال: اول شي ابي بيت لحالك معاها ياخالد
حنان: ليال اني تعرفين انه وحيد امي وابوي.. مسألة سكنه بعيد عنهم ماهي...................
ليال: حنان.. انا ابي راحة اختي.. انتي عارفه يعني ايش لبنى تعيش مع امك
منصور يناظر حنان: في شي انا ما اعرفه؟
لبنى بخوف: لا عمي.. صار سوء تفاهم بيني وبين خالتي يوم الي كنا بالشاليه وليال مانسته هذي الموضوع
منصور: ليال يبا.. سوء التفاهم موجود بكل البيوت.. ماهو...................
ليال: عمي وانا ماني حابه سوء التفاهم يكبر.. خلينا نبعد البنزين عن الكبريت احسن
لبنى بهمس: انتي جذي تتفقين وانا رافضه.. ليش ماتبين تفهمين
ليال بهمس: الي افهمه انك تحبيه.. لا تمنعي روحك عنه
لبنى بهمس: لا تتدخلين بحياتي.. ليال لا تورطيني مع عمي.. ما ابي تعشمينهم وبعدين ارفضهم.. ليال ما ابي اخسر عمي
ليال بهمس: وخالد.. ماتبين انك ترتاحي بحضنه
لبنى تناظرها: لا تتدخلين بحياتي انتي ماتقربين لي انتي سامعه اذا حبيتج واعتبرتج اختي هذا مايعني انج تقررين عني انتي سامعه
ليال تبتسم: كأني لمست جرحك يالبنى.. اكيد حضنه مايفارق خيالك
لبنى تقوم: شيلي يدج من هالموضوع
خالد بخوف: ليش مشت
ليال: توعدني انها تعيش بأمان معاك
خالد: اوعدج
ليال: توعدني اني ما اشوف بعيونها دموع
خالد: اوعدج
ليال: توعدني انك تكون لها الزوج والاب والولد الي انحرمت منهم
خالد: اوعدج
ليال: ابي مهر وشبكه وعرس يتكلمو عنه الناس سنين
خالد: لج الي تبينه
ليال: وماراح اتنازل عن البيت يا خالد
خالد: يبا بعد اذنك
منصور: بيتك جاهز يا خالد.. وغيره ياليال ايش تامرين عليه
ليال: يبقى اهم شي
خالد: اش هو
ليال: موافقت العروس
خالد مصدوم: وليش هي معارضه!!!
ليال: خالد الحرمه تحتاج للامان.. 6 سنين مع رجال سكير تخليها تخاف الرجال كلهم حتى اهلها.. البنت قدامك ماهي طايره.. حسسها بالامان
لينا: دامك خطيت اهم خطوه اترك الباقي على الله ثم ليال
خوله: علينا كلنا ان شا الله.. بس هذا انا بحذرك أي غلط معاها تراني انا الي بوقف في وجهك.. محنا رخاص حتى ينرخص فينا
عبدالعزيز: وانت الحين مالقيت تناسب الا من هالمجموعه.. يا اخي دور لك على وحده ثانيه.. ارحم وارخص
منصور: ههههههههههههههه هذي لبنى يا عبدالعزيز ماهي أي وحده
منير: وانا كنت اقول ابي اتزوج وحده من اهلهم الحين خلاص ما افكر حتى
عبدالرزاق: وليش عاد
منير: هذول يخوفون.. والله بكره اقول لزوجتي جيبيلي ماي.. بتجيب لي سكين تقطع راسي بها
ليال: انت تزوج وانا اوريك
منير: لا يبا لا تحلمين اعرفها عليكم.. خلها بعيد عنكم
&&&&&&&&&&&&&&&&
يتبع
|
07-03-09, 08:54 AM
جديد مواضيع قسم الارشيف
العرض العادي
