12:00 الليل
عند البحر
البحرين
راكان: جالس بروحك
خالد يلتفت عليه: صاحي!!.. وسمر معاك بعد!!
سمر: البنات نامو وانا ما جاني نوم
خالد: امج وخالتج نامو؟
سمر: ماما نايمه وخالتي ما ادري عنها
خالد: عارف انج ماتحبينها
سمر تجلس جنبه: ما احبها عشانك.. اكره اشوفها عشان عارفه ان قلبك يحترق
راكان يجلس: لا تزعل مني انا بعد ما اطيقها
خالد: بس انا احبها.. وابيكم تحبون الي احبه
سمر: مستغربه عليك
راكان: شي يحير.. اليوم على الفطور وقت الي شرقت حسيتها تحبك بعد.. فزت لك وكانت تبي تمسكك بس منعت روحها
سمر: طبعا عشان ماتحل عليه
خالد: من جد!! ما انتبهت
راكان: انت حالتك حاله وين تنتبه.. بس من قلت لها انك تبي تخطب.. وهي في دنيا ثانيا
خالد يبتسم: منتبه عليها
سمر: خالي اذا تركت زوجها بتتزوجها
خالد: طبعا
راكان: لو منك ما اسويها.. وحده تتركني وتاخذ غيري وارجع اخذها!!!!
خالد: ماجربت تحب
راكان: ولا ابي احب اذا جذي

&&&&&&&&&&&&&&&&&&

2:20 الصباح
في المستشفى ..غرفة عبدالرزاق..
لندن

]
جراح: هههههههههههههههههههه
خوله ميته ضحك: بطني وجعني من الضحك
عبدالرزاق: الكلب.. جعله من هالحال
جراح: تمثيل ولا احلى متى تعلمتو ذا كله
خوله: تصدق من كثر صراخي احس بلعومي يألمني
جراح: هههههههههههههه وانتي صارختي بعقل.. كنت ماسك نفسي عنك قدام لافي.. تصدقين صدقتك
عبدالرزاق: والحين اش المفروض انه صار لي
جراح: انت الحين تحت الملاحظه.. وبكره بيجيك دكتور بيعلمك كيف تتصرف
عبدالرزاق: تصدق عاد احلى شي انك اخترت مستشفى يشبه المنتجع حتى ما احس بالضيق
خوله: جعلك ما تشوف الضيق بحياتك
عبدالرزاق: كلمتي؟
خوله: اكيد تطمن
جراح يضحك: ان شا الله هم بعد تطمنو
خوله بحده: ماتحب اني اقلب عليك ها
جراح: ماتقدرين
خوله: جراح تراك عزيز وغالي
جراح: صدقيني يا خوله.. لولا كلمتي الي عطيتها عبدالرزاق.. كنت اجيب لك اسم هالحرمه في نص ساعه
خوله بخوف: الحمدلله الي معطيه كلمه
جراح: الي محيرني ليه خايفين عليها مني انا بالذات
عبدالرزاق: ماهو بس منك يا جراح.. انت مالك دخل بالموضوع ابد.. هي حاله خاصه جدا.. شخصيه معروفه ومااقدر اعترف باسمها لاحد
جراح: طيب
خوله: ليش احسك مشدود لها جذي
جراح: كلام عبدالرحمن عنها.. حسسني انه مافي زيها.. صرت متشوق اعرف هي مين
خوله: ابعدها عن راسك
جراح: تبون الصراحه.. عندي احساس اني اعرفها.. احسها قريبه مني
عبدالرزاق: لا تعرفها ولاهي قريبه منك ولا بحياتك قابلتها.. ولابحياتك عرفتها
جراح: عموما اذا احتاجت شي تراني موجود ومن غير لا اسأل عنها حتى
خوله: فيك الخير

&&&&&&&&&&&&&&&

7:30 الصباح
في الشاليه
البحرين

صحيت الصباح ورحت ادور على الحريم.. نمت ولا حسيت باحد.. كلهم نايمين بس لبنى ماهي موجوده.. خفت نزلت ملهوفه ابي اشوفها في المطبخ.. شفت عبدالعزيز جالس عند الشباك في الشاليه
ليال بخوف: عزيز
عبدالعزيز ينتبه لها: هلا اختي
ليال بخوف: لبنى ماهي هنا
عبدالعزيز: عند البحر جالسه.. لا تخافين
ليال: لحالها؟
عبدالعزيز يبتسم: أي.. خالد جالس برا مع احمد عند باب الشاليه لا تخافين البنت بخير
ارتاح قلبي مشيت عنه ووقفت لفيت عليه وابتسمت
ليال: نسيت اقول لك صباح الخير
عبدالعزيز يبتسم: صباح النور.. روحي شوفي البنت
ارتاح بوجوده رجولته حلوه عيونه ابد ما يرفعها في احد خصوصا الحريم.. ياربي يزيح الهم عن صدره.. طلعت وشفت الشباب وكان مبين على خالد انه ما نام.. سلمت عليهم ومشيت عند لبنى
ليال: الحلو جالسه لحاله
لبنى تلعب بالرمل: كنت بغلط لو ما طعتكم وجيت معاكم
ليال: مرتاحه؟
لبنى: كثير.. يمكن اليوم اول مره اصحى وانا ابتسم
ليال: ياقلبي.. ابشري بالي يسرك.. بأذن الرحمن كل يوم راح تصحين وانتي مبتسمه
لبنى تبتسم: الله يخليج لي
حزينه والحزن بيقتلها.. حتى بإبتسامتها حزينه.. ليه قلبي متقطع عليها كذا.. تذكرت عبدالعزيز كيف يناظر الشباك وهو حزين.. يمكن يشوف حزنها.. او يشوفها وهي تمسح دموعها الي اشوف بعضها على خدودها ويتذكر سبب حزنه.. آه يا لبنى
ليال: تشتغلي
لبنى: لا
ليال: ايش دارسه
لبنى: كنت دارسه ادارة اعمال بس ما كملت
ليال: ليه!!!
لبنى: يعني.. نفسيتي رافضه التعليم
ليال: ودك تشتغلي
لبنى: لا
ليال: وتظني جلست البيت بتفرح قلبك
لبنى: يمكن بعدين افكر في الشغل.. الحين ابي ارتاح وبس
ليال: من ايش
لبنى: اكد جربتي تكوني بقلق وتوتر
ليال: اكيد
لبنى: واشلون ارتحتي
ليال: اشتغلت
لبنى: بس انا ماودي.. ودي ارتاح
ليال: يمكن اذا تكلمتي مع خالد ترتاحين
لبنى: وانا مفضوحه لج جذي
ليال: انتي وهو.. خالد ماهو قادر بخبي مشاعره ناحيتك
لبنى: غلطانه.. هو ناوي يخطب
ليال: وهذا الي مضايقك؟
لبنى: بالعكس انا اتمنى له الخير.. وياليته يتزوج.. شي من الهم الي بقلبي بيرتاح
ليال: متأكده انتي اذا حبيبك تزوج قلبك بيرتاح
لبنى: مافي رجال يحب وحده تركته واخذت غيره ياليال.. كنت من زمان مخططه اني اخذ غيره واخليه يقطع الامل اني ارجع له ويمكن يتزوج من غيري وارتاح
ليال: عشان كذا صبرتي على زوجك
لبنى: أي
ليال: صبرتي على الضرب والكدمات الي شفتهم على يدك عشان حبيبك يتزوج غيرك!!!.. ليه كل ذا يالبنى
لبنى تتهرب: ولا شي.. فطرتي ولا ليلحين
ليال: كلميني لبنى
لبنى تقوم: لا تسأليني ماعندي رد
ليال تمسكها: لا تهربي
لبنى تنتبه: خالد واحمد جالسين!!!
ليال: ومالها اذا جالسين
لبنى تنزل عيونها: ولاشي
ليال: كنتي تتمنيه يجي يكلمك
لبنى: ليال الله يخليج ما ابي اتكلم عنه.. اذا تبين تساعديني خليه يتزوج الي يبيها ويريحني
ليال: اعرف الاول ايش السبب وبعدين اسعى لك في الي تبينه
لبنى: يعني تقدرين؟
ليال تقوم: طبعا وبسهوله بعد
لبنى: لا.. الاول سوي الي ابيه وبعدين اقول لج كل شي صدقيني
ليال تمشي معاها: على فكره ماني غبيه وما احب لعب العيال


مع خالد واحمد

خالد: تتوقع تقول لها
احمد: اذا بنت عمك ذكيه ماراح تقول شي
خالد: ذكيه يا احمد ذكيه
احمد بتعب: بقوم اصحي الشباب.. وانت بعد قوم عشان تنام ساعتين زي الناس
خالد: روح انت انا بخير.. اخاف اتركها
احمد: وانت تشوفها بروحها.. الكل حولها ياخالد
راكان: صباح الخير
خالد: صباح النور
راكان: ول شكلك مانمت يا خالي
احمد: العاشق سهران يحمي عشقه
راكان: ههههههههههههههه طيب روح انت نام وانا بكمل بدالك
احمد: ارحم حاله يا راكان
راكان: اقول لك شي وتسويه
خالد: قول سمعني
راكان: روح لها وقول لها لبنى انا رايح انام منتي بروحج هنا راكان عينه عليج.. بنام ساعتين وبكون معاج لا تخافين
احمد: هههههههههههههههههه ياعيني تعلم
راكان: بس الله يخليك بحنيه شويه.. عشان البنت ترق لك
احمد: هههههههههههههههههه روح سوي الي قال لك عليه
خالد يروح: شكلي باخذ كورس منك ياراكان
راكان يضحك: حاضرين للطيبين
احمد: خالك ذي غبي
راكان: وانت الصادق.. عاشق تراب لبنى

&&&&&&&&&&&&&&&&&&

8:45 الصباح
مكتب لافي
لندن


لافي بحده: يعني كيف اختفي كيف
السكرتير: عمي ماله أي اثر.. حتى ماله أي سجل يثبت هويته بديرته
لافي بحده: والكويت!!!
السكرتير: حتى الكويت ماعندهم أي وثيقه تثبت وجود هالرجال
لافي: والاوراق الي بيدي
السكرتير: سليمه بس شحاته هذي ماهو موجود
لافي بحده: الكلب الكلب
السكرتير: وعبدالرزاق ياعمي كيف وضعه
لافي: عبدالرزاق بين الحيا والموت.. عبدالرزاق نزل بنص ثروته.. ايش الغلط الي صار.. المشروع ولا اروع.. والاوراق سلميه
السكرتير: يمكن عوض خبى عليك موضوع محاكمته
لافي: بالعكس الرجال قبل موته كان صريح معاي وفهمني انه يواجه مشاكل مع الحكومه.. بس ماتوقعت انها توصل للاعدام
السكرتير: تلاقيه المحامي الخاص له.. كان عارف انه بيعدم ولعب بالاوراق واستولى على الفلوس
لافي: راسي يلف.. ماهي اول مره اتعامل مع تجار من نوعية عوض.. بس وين الغلط
السكرتير: لازم بنلاقي شحاته الكلب
لافي بحده: تلاقيه وابيه قدامي حي وانا الي اقتله بيدي.. هالكلب يلعب على لافي
بجن.. بجن.. اول مره احد يلعب علي.. لو عبدالرزاق له يد ماكان بين الحيا والموت الان.. وما اعتقد ان ليال لها يد بعد.. بس هالكلب شحاته وين راح وكيف اختفى.. كيف قدر يستخرج الاوراق هذي.. او هي بالاساس اوراق صحيحه.. ولما سمع بمحاكمة عوض سحب الفلوس.. بس كيف.. كيف.. بجن الغيض الي انا فيه بيشلني.. ماني مصدق ان هالكلب قدر يلعب علي.. يلعب على لافي بن فهد.. يوووووووووه مالي خلق ارد على التلفون.. من ذا
لافي يرد: هلا بومحمد
بومحمد: هلا لافي.. اخبارك
لافي بممل: بخير الله يسلمك
بومحمد: ايش موضوعك مع عوض الكويتي
لافي يمسك غيضه: عادي.. التجاره ربح وخساره
بومحمد: بس التجار يقولون ان شريكك صارت له جلطه وخسر نص ثروته
لافي: عادي يا بومحمد.. هذي تجاره.. وشريكي اكيد عامل حسابه
بومحمد بتريق: عاد انت خلي بالك على نفسك.. السوق تراه شمتان فيك يا لافي
ماطولت معاه.. السوق شمتان بي!!.. الاقيك يا شحاته بطلع روحك بيدي.. بذوقك الويل وبعدين بذبحك.. لافي يصير عليه كذا!! انا تخلي السوق يشمت بي.. ماشي ماشي

&&&&&&&&&&&&&&&&&

10:50 الظهر
في المستشفى ..غرفة سلطان..
السعوديه

سوسن: اشوف ماني عاجبتك
سلطان: تبين الصدق لا.. دلوعه وبايخه وماحد يحب يجلس معاك
منال: هههههههههههههههههه عارف انك ما تقدري تعملي له شي..عشان كذا لسانه طويل
سوسن: طيب يا سلطان.. تقوم بالسلامه وانا اوريك
سلطان: والله اذا تبين تاخذين حقك.. يلا دامي نايم بالفراش
سوسن: مايهون علي أألمك عشان انتقم منك
سلطان يحاول يحضنها: يا قلبي انتي
سوسن: وخر بس.. من شوي بايخه ودلوعه.. والان قلبك
منال: هههههههههههههههه
سلطان: اقول يا سخيفه ابي مويا
منال: مين يكلم ذا !!!!
سوسن: ههههههههههههههه يكلمك
منال: اشوف قلبت علي
سلطان: يعني نغير جو.. مره هالبايخه ومره السخيفه
سوسن: تصدقين ودي اضربه دامه مابيقدر يردها لي
سلطان: هههههههههههههههههه بردها بعدين
سوسن: ما تقدر ساعتها بكون بحضن عبدالله
سلطان: وبيخوفني عبدالله يعني
منال تشربه المويه: وليه مايخوفك
سلطان: لانه صاحبي واذا قلت له ابي اختي بكلمة راس وخر.. بيعطيني ياها على طبق من فضه
سوسن: هاه والله مصدق حالك
سلطان: لا تتحديني سوسن
سوسن: سلطان لا تهددني تراني ما ازوجك
منال: خذيتي الموافقه؟
سوسن: ماني قايله.. والي يبي مني خبر يفرحه يعتذر مني
سلطان يتلوى من الالم: آآآآآآآآآآه
منال بخوف: سلطان مالك يا خوي
سوسن بخوف: امزح معاك بنادي الدكتور
سلطان بتعب: لا تناديه.. انا بخير
سوسن: من جد انت بخير حبيبي
سلطان يبتسم: ما ادري يمكن الخبر الي عندك يصحيني
سوسن: ليال وافقت وقالت اقول لامي نخطب مها
سلطان بجنون: ايوااااااااااااااااااااا هذا الخبر الحلو.. شفتي لا اعتذرنا ولا شي
سوسن فاتحه عيني: تمثل علي!!!!
منال بقهر: روعتنا يا اخي
سلطان: خفتو علي من جد
منال بحده: صدق والله.. ماتعرف انك غالي يعني
سلطان: لا عرفت خلاص
سوسن: يا ثقل دمك.. اقول ترا ليال وافقت بس انا الي بخطب.. يعني لازم تشتري خاطري
سلطان: هنا عاد مشكله
منال تضحك: طحت بشر اعمالك من ينقذك منها
سلطان: اقول سوسن دلوعتي
سوسن تلعب بظفرها: ................................
سلطان: سوسن يا روحي.. اخوكي الكبير يناديكي
سوسن: ايوا اسمعه خير
سلطان: اقول معقوله تكسري بخاطري
سوسن: عادي لاني بايخه.. عادي
سلطان: مين ذا الي غلط على اختي وانا اخذ حقها منه.. انا بذبحه لجل عيونها.. وبشوه خلقته عشانه غلط عليها وزعلها
سوسن: منال ودك نمشي.. راسي وجعني
سلطان يرميها بالمخده: يا ثقل دمك.. مانبي منك شي.. انا اساسا ماني متحمس لها ذي
منال: ليه عاد.. ماصدقنا انك تلاقي وحده زينه
سلطان: والله ما ادري.. ما احس اني ابي اتزوج.. دريتو خلاص شيلو الموضوع من راسكم ولا تفتحوه الا اذا قلت لكم عليه
سوسن بحده: تكون البنت تزوجت وجابت عيال.. مصدق روحك انها بتجلس تستناك لحد ماتقرر من جديد انك تبي تتزوج
سلطان: يعني بتخطبنها لي بسرعه اذا غيرت رايي
سوسن ترمي عليه مخدته: يا ثقلك.. زين الي تمزح
منال: عساك رايق كذا على طول
سوسن: ماقصر اليوم بهدلنا
منال: عسل والله.. هذا سلطان عاد.. من بغلاته

&&&&&&&&&&&&&&&&&&

01:40 الظهر
في الشاليه ..غرفة لبنى ولمى..
البحرين
لمى: لبنى من امس وانتي رجعتي لبستي ثوب الحزن من جديد
لبنى بضيق: بالعكس ما تتخيلين راحتي بهالمكان
لمى: يلا يالمرتاحه قومي نتغدي
لبنى: لمى
لمى: نعم ياروحي
لبنى: الكل قاعد؟
لمى: أي نعم خالد قعد وينطر اميرته تجي عشان يتغدى
لبنى بضيق: لا تقولين هالكلام مره ثانيه
لمى: وليش عاد.. يا بختج الي عندج واحد يحبج جذي
لبنى بحزن: خلاص راحت علي.. راح زمان الحب يا لمى
لمى: قومي قومي.. وفرفشي شوي.. انتي هنا عشان تنسين الهم.. يلا
سمر تدخل عليهم: خالتي
لمى: نعم حبيبتي
سمر: فيه ناس يقولون اذا مابتنزلين الحين بيجون ينزلونج
لمى تضحك: روحي قولي لهم احنا نازلين
لبنى: لمى ودي انام ما ودي اكل.. انا ما نمت البارح وحاسه بتعب
لمى: عن الدلع ننزل نتغدى وارجعي نامي.. قومي

تحت على الغدا

خالد: ايش الاخبار
راكان: من دخلت تنام وهي بغرفتها وما اطلعت منها
خالد: وما سمعت شي من الحريم؟
راكان: عنها؟
خالد: أي
راكان: لا.. بس منتبه انهم ما خلوها بروحها
ليال: وين سمر يا راكان
راكان: راحت تنادي خالتي لبنى
ديما: خالتي انا جهزت الكيكه لبعد الغدا
ليال: ياربي اجهز كيكة عرسك يا ديما
راكان: لا تقولين انج تعرفين تطبخين!!!!!
ديما تنزل راسها وتمشي: .............................
ليال: ان شا الله ماهو عاجبك
راكان: لا بس بهالسن وتعرف تطبخ غريبه
ليال: وسمر ماتعرف؟
راكان: ودها بس امي ما تخليها
ليال مستغربه: حنان.. من جد الي يقوله راكان
حنان: أي البنت صغيره.. ما احبها تدخل المطبخ لاحقه على التعليم.. وبعدين مالي قلب اشوفها تحترق او يصير لها شي
ليال: وليه خالتي ام لينا ماقالت هالكلام
حنان: عشان عندها غيرها انا اطالع الله واطالعها.. مالي غيرها ياليال خوفي عليها كبير
عبداللطيف: وهو البنات حظها طايح من شوي
حنان بحده: بعيد الشر عن بنتي.. قال حظها طايح
خالد: هههههههههههه الرجال يمزح
حنان: يمزح بعيد عن بنتي.. عشان ماتدخل مطبخ صار حظها طايح
عبداللطيف: يا حلوج وهي ماخذه رجال همه بطنه.. بدورج هذيك الساعه عشان اضحك عليج
حنان تفكر: كل رجال بيتقدم لها بسأله انت همك بطنك والي بشوفه اجابته أي بطرده
لينا: ههههههههههههههههههه عنست البنت
ام لينا: يما دخليها المطبخ وعلميها.. حتى اذا احترقت عادي يما حروق المطبخ ماهي مميته.. لازم هالشي يصير.. لسعه من هنا زيت حار طاير من هنا.. عادي
ام احمد: والله لو امي الله يرحمها تسمعج.. كان احرقتج
حنان تضحك: ول
بواحمد: يا يبا حريم اول ماعندهم هالدلع.. البنات لازم يتربون على هالشي.. وبعدين البنت اذا طلعت للدنيا وهي ماتعرف تطبخ بتحس انه قاصرها شي مهم.. دلع الرجال كله في طباخ الحرمه
حنان: ولا يهمك عمي من اليوم بتدخل
وليد: شنو البرنامج اليوم يا شباب
فيصل: مغنى بعد اذنك
وليد: اووووهووووووو من قاله عن المغنى ذي
ريما: عمي الله يخليك عشان خاطري
وليد: عشان خاطرج بس.. ولا هذي لا
فيصل:لايكون سارق حلالك؟!!!
وليد: لا بس من اول ماشفتك ماحبيتك
عبدالعزيز: هههههههههههههههههه
منير: اضحك.. اضحك.. والله لو ادري انك بتضحك كنت من زمان قالب مهرج
فيصل: قدرك المهرج ياخوي
عبدالعزيز: هههههههههههههههههه
احمد: وين الغدا ياحريم
لينا: ننتظر لبـ...........................
خالد يفز: قايم اشوفهم

في غرفة لبنى
لبنى: والله لو لي مزاج كنت جيت معاكم.. بس تعبانه من جد
سمر: طيب اش اقول لخالي قالي ماتنزلين الا وهي معاج
لبنى تمسك راسها: سمر الله يخليج.. قولي له تعبانه تبي تنام بس ارحموني ودي ارتاح
خالد يدخل: لبنى
لبنى بخوف: خير
خالد بحده: ليش تأخرتو.. الناس قاعده تنتظر تشريفج.. فيه كبار في السن ينتظرون يا لبنى.. انتي ماتستحين
لمى مصدومه: خالد احنا نازلين البنت مانامت طول اليل وراسها يلف
خالد: انزلو انتو اتركوني معاها شوي
لبنى تطلع: انا نازله

&&&&&&&&&&&&&&

6:15 الليل
فيلا العائله ..جناح صلاح..
السعوديه
صلاح: نور المكان
نوف: منور بك يا روحي
صلاح: ارتاحي على السرير
نوف: ابي اجلس شوي
صلاح يوقف عند باب البلكون: عندي لك مفاجأه.. هنا ورا الباب تعالي شوفيها
نوف بضيق: اتركها لبعدين
صلاح يبتسم: مفاجأتي تضيع الهم
نوف بأستسلام: خلاص بشوفها
صلاح يفتح الباب ويدخلها: ايش رايك
نوف مبهوره: وااااااااااااااااااي ايش ذا
صلاح: شفت تصميم مشابه عند واحد من اصدقاي في البحرين.. واصريت اني اعمل لك زيه تمام.. عارف اذا جلستي هنا بيضيع همك
نوف تحضنه: روعه يا صلاح
صلاح: مبسوطه؟
نوف: دامك معاي اكيد
صلاح: شفتي الورد
نوف: طبيعي؟
صلاح: طبعا طبيعي.. هالزرع ذا كله طبيعي
نوف: بدق على العنود تجي تشوف
صلاح: ونادي غسان بعد
نوف تدق: ههههههههههههههههه الو
العنود: هلا نوف
نوف: انتي وين
العنود: بجناحي
نوف: تعالي جناحي شوفي صلاح ايش عامل لي.. وقولي لغسان بعد يجي
العنود: يلا جايه
نوف تبتسم: سلام
صلاح يبتسم: ابتدينا شغل تعالي شوفي وتعالي اوريكي
نوف: هههههههههههههه من جد المكان حلو.. اتوقع اني انام هنا
العنود تنادي: نوف انتي وين
نوف: هنا بالبلكون
العنود: غسان معاي.. صلاح هنا؟
نوف: ايوا هنا تعالو
العنود تدخل: ...............................
غسان: ما شا الله.. ايش ذا
العنود منبهره: انا دخلت مكان ما اظن انه في بيتنا
صلاح: هههههههههههههههههه لا هذا بيتكم
غسان: ومتى لحقت عملت كل ذا
صلاح: دقيت على ناصر وقلت له اختار لي جناح يكون به بلكون.. وبعديها اتصلت على محل زرع.. وقلت لهم انا ايش ابي.. امس وصلو وعملو كل الي تشوفوه
العنود: تراني بعد اختك.. ماعملت لي كذا
صلاح: عندك زوجك
العنود بدلع: غسان
غسان يضحك: ياروح غسان
العنود: ابي شي احلى منهم
غسان: ههههههههههههه استأذني صلاح الاول
صلاح: ماني موافق.. هذا لحبيبتي بس
نوف بدلع: صلاح عشاني
صلاح: خلاص بعطيك رقم المحل بس يعملو لك تصميم ثاني
العنود: طبعا تصميم ثاني واحلى من كذا بعد
غسان يضحك: خلاص امسكي لسانك لا يغير رايه
العنود تتأمل المكان: صلاح اذا ودكم انت ونوف تمشون عادي لا تستحو مني
نوف: هههههههههههههههه اشوفك ملكتي المكان حبيبتي هذي بلكونتي
غسان: عنود قلبي هذي مكانهم
العنود: غسان انت نسيت انك قلت لي عامل لي بلكونه تجنن.. تراهم اسكنو بجناحنا
صلاح: ههههههههههههههههههههههه حلوه
نوف: بدق على الخادمه تجيب لنا الشاي هنا ايش رايكم
صلاح: فكره
غسان: في وقتها
صلاح: الوووووو ياسرحانه
العنود تتأمل المكان: .......................
نوف: ههههههههههههه ولاهي بداريه عنك
غسان: خلوني ادق على المحل قبل لا تجيب اغراضها وتنام عندكم
صلاح: ههههههههههههههههههههههههه

&&&&&&&&&&&&&&&&

يتبع

[COLOR="Black"]السلام عليكم و رحمة الله
شكرااااااااااااااااااااااا على البارتين الرائعين
روووووووووووووووووووعة كالمعتاد .... شكرا ايمو .. و أنا دعيتلك كتير و الله .. الله يوفقك و ييسرلك و كتير كتير مش هقول كله ( أصحابي بيقولولي اني لو رحت الحسين هكسب كتير على فكرة (: )

دانة
طلبتك ... تكفين " اللي تهز جبال هه؟! " .. أرجوكي ..بليز .. الله يخليكي أبوس راسك ..إكسكوزي مواه ..
ابعدي ليال عن ناصر قد مانتي عايزة لكن لازم لهم لقا تاني .. بأي شكل أنا راضية ..لكن متكونش دي نهايتم للآخر ... على الأقل هو أبو اللي الطفل اللي جاي و بعدين الراجل مكفرش حتى صلاح صدق عليها .. أرجوكي ما تقسيش عليه للآخر ..اللي خللاها تصادف الناس الحلوة دي كلها يخليه يشوفها و يشوف ابنه .... أنا أسفة اني طولت كده بس و الله أثر فيا خالص سامحيني
أختكم إيمان[SIZE="4"] [/COLOR][/SIZE]

07:15 الليل
في الشاليه ..عند البحر..
البحرين
راكان: ههههههههههههههه وخافت منه؟!!!
سمر: لو تشوف شكلها يفطس من الضحك
راكان: تعرفين اني بديت احبها
سمر: انا ماني قادره
راكان: احسها تحبه.. من قال انه بيخطب وهي منقلب حالها
سمر: احسن خليها تحس بشعوره وقت الي اخذت واحد غيره
ديما: سمر احنا جاهزين
سمر تقوم: سوري راكان بروح مع البنات
راكان: سمر هذي صاحبتج ؟
سمر: اي اسمها ديما.. اخت لينا زوجة عمي احمد
راكان: اهلا وسهلا انا راكان اخو سمر
ديما منزله راسها: اهلا.. يلا سمر
سمر: باي ياحلو

في الصاله

ليال: ودي اعرف ايش معاها هالبنت.. ليه تعمل بحالها كذا
لينا: حالتها حاله معاه
لمى: تصدقون انها مانامت غير لمى صاحت صياح
ليال: لاحول ولا قوة الابالله.. وبعدين ايش الحل الان
لينا: مالنا غير الصبر
ليال: وين احمد
لينا: مع الشباب
لمى: اش ناويه عليه
ليال: نطلقها من الزفت الي متزوجها
لينا: تطلقينها من غير لا تشاورينها محسبه انجج وليتها
لمى مستغربه على ليال: يمكن ماتدرين!!!!!!!!
ليال: عن التريقه.. نسأل احمد عن الرأي القانوني للي هي فيه
لمى: صح وبعدين نقعد معاها.. يمكن البنت خايفه وماعندها خلفيه عن هالامور
لينا: ممكن
حنان: متجمعين على الخير
لينا: ماعندنا غير موضوع بنت عمج
ليال: لساها نايمه
حنان: والله يا اختي رحت اشوفها لقيتها لافه نفسها بلحافها
ليال: اجل ماهي نايمه
لمى: خلونا نروح نقعد معاها ونجيب طاري الطلاق ونشوف هي على ايش ناويه
حنان: الحين وهي بهالحزن.. ما اظن.. بتعاند وبتهرب عارفه بنت عمي زين


مع الشباب

احمد: تطمنت عليها
خالد: من الغدا ماشفتها
احمد: حتى الغدا ما اكلت شي
خالد: منتبه عليها.. قول لي
احمد: خير
خالد: اذا ابي اطلقها من زوجها شاسوي
احمد: بصفتك شنو تطلقها من زوجها
خالد: وليها
احمد: ابوك موجود منت وليها ياخالد
خالد: طيب ابوي يبي يطلقها من زوجها.. اخلص وقول
احمد: خالد لا تستعجل الامور.. تلاقيه الشرطه وبعدين موضوع الطلاق يصير سهل

&&&&&&&&&&&&&&&&&&&&&

8:45 الليل
في المستشفى ..غرفة عبدالرزاق..
لندن


لافي: كيفه اليوم؟
جراح: زي منت شايف.. دخل غيبوبه
لافي: والعمل
جراح: الدكتور يقول انه محتاج كم يوم.. الحمدلله الي ماوقف مخه
لافي: يعني ماهي جلطه
جراح: الا جلطه.. يبي له كم يوم ويصحى
لافي: ومالها أي تأثير على حياته
جراح: لسا مانعرف.. اعضائه الحيويه بخير وسليمه.. بس هل فيه اضرار ثانيه مانعرف لسا
لافي: وزوجته وعياله؟
جراح: في رعاية الله ثم رعايتي.. عبدالرزاق اخو دنيا يا لافي
لافي: ان احتاجو شي لا تتردد تقول لي ياخوي
جراح: ما منك قصور.. انت لسا مالقيت المحامي
لافي بقهر: ابن الكلب ماله اثر بالدنيا
جراح: والاوراق الي عندكم
لافي: ماتجيب همها
جراح: احاول اطلع العقود والاوراق الخاصه في عبدالرزاق بس لازم يصحى حتى يدليني هو وين مخليهم
لافي: حتى لو لقيتهم مامنهم فايده
جراح: اول مره اشوفك مستسلم كذا يالافي
لافي: ماعندي خيط واحد امشي جنبه والاقي الي لعب علي.. كل الخيوط الي موصله بعوض مقطوعه
جراح: حذرتكم منه انت وهالمرمي.. بس ماسمعتو الكلام
لافي بقهر: صحيح.. بس هذا السوق يا خوي.. ومسيري بلاقي شحاته الكلب
جراح يشوف التلفون: اعذرني يا لافي هذا المحماي تبعي
لافي يشوف حال عبدالرزاق: خذ راحتك
جراح يبتعد وبهمس: هلا بومحمد
بومحمد ميت ضحك: مبروك يا جراح.. الف مبروك
جراح بابتسامه خفيفه: الله يبارك فيك.. وش الاخبار عندك
بومحمد: تسرك يا بوصبا.. التجار فرحانين ولافي اعلن الحرب على الكل
جراح بهمس: ودي اضحك بس تراه معاي
بومحمد ميت ضحك: عند خويك المجلوط
جراح يبتسم: بعيد الشر عنه.. ايوا عنده
بومحمد: الله يبعد الشر عنه.. بس ضربه يا جراح.. اغلب السوق فرحان.. وحاسب يا جراح.. ترا العيون عليك فيه من وصل له انك ورا ذا كله
جراح: ما يقدر يثبت علي شي.. ما قلت لي
بومحمد: خير
جراح: بوفواز رد عليك
بومحمد: بوفواز موافق على فكرتك.. وجالس بجهز الاوراق.. بس يا جراح طلبه اني اكون الوسيط الوحيد بينكم
جراح: له الي يبيه.. ابي نسخه سريعه من اوراق المشروع حتى اقول لكم على الخطوه الجايه
بومحمد: من وراك يا جراح.. الضربه المره هذي ماهي سهله.. وتبي اسم ماحد يعرفه
جراح: عان جذي اقول لك تجهز الاوراق واشوفها عشان اتصرف.. لا تخاف.. كل خطوه بندرسها زين
بومحمد: وجاكلين نسيتها
جراح: لا طبعا ما نسيتها.. وماراح انسى الخدمه الي قدمتها لي ابدا.. سألت لي عن البنت
بومحمد: المعلومات الي عندي تقول انها بالسعوديه.. احتمال عند اهلها
جراح: ما اتوقع.. البنت اذكا من كذا بكثير
بومحمد: عموما.. انا موصي عليها الكل.. واي شي اوصل له عنها بقول لك عليه

&&&&&&&&&&&&&&&&&

9:25 اليل
في الشاليه ..غرفة لبنى..
البحرين

لبنى عند الشباك: ادخلي انا صاحيه
خالد يدخل: انا خالد
لبنى بخوف: خير في شي
خالد: اشوفج حابسه روحج قلت اسألج فيج شي
لبنى: سلامتك.. ابي اكون بروحي
خالد: ليش؟
لبنى: عادي.. حابه اكون بروحي
خالد: طيب بدل منتي واقفه عند الشباك تشوفين البحر.. انزلي اجلسي جنبه
لبنى تسرح: مرتاحه جذي
خالد: لبنى
لبنى: نعم
خالد: اش الي مضايقج
لبنى: ولاشي.. تعبانه بس
خالد: من شنو
لبنى: عادي خالد
خالد يقترب: ماهو عادي.. اذا ماقلتي لي تقولين لمن
لبنى تضيع بعيونه: مافي شي اقوله لك
خالد: يكون خبر زواجي ضايقج؟
لبنى تنتبه: لا بالعكس.. من زمان وانا ودي انك تتزوج وتشوف حياتك
خالد يقترب: يعني عارفه اني ماني قادر اعيش بدونج
لبنى تبتعد: هالكلام غلط.. انا متزوجه وافكر اني ارجع له.. صحيح في خلافات بيني وبينه بس اكيد بقدر احلها
خالد: ماشبعتي وانتي تكذبين
لبنى بحده: خالد
خالد بهدوء: نعم
لبنى: بكره بنرجع صح
خالد: اذا تبين تقعدين اكثر بنقعد
لبنى: لا خلاص بكره نرجع.. ابي ارجع بيت ابوي واكلم بدر عشان نتفاهم
خالد يطلع: خمس دقايق وانتي نازله لمى ولينا يبون يسون حفله.. ليال اصرت انهم يسوها عشان تنسين همج
لبنى: انا ما كملت كلامي
خالد معطيها ظهره: بعدي الكذب عنج وانا اوقف مثل الناس اسمعج
لبنى: اكرهك
خالد: ما اذكر اني في يوم غلطت عليج او سويت شي يضايقج مني.. ليلحين تكذبين بس هالمره على نفسج
لبنى: ابي ارجع بيتي الحين
خالد: بكره ترجعين.. الناس الي هنا كلهم موجودين عشانج.. لا تخربين وناستهم عشان كذبج

في المطبخ

لينا: وااااااااااي الريحه عجيبه
لمى: شكلي بفتح مطعم
ام لينا: وانا معاج
ام عبداللطيف: وين كانت هالمهاره يا لمى.. ماعرفت انج تحبين المطبخ جذي
لمى: هههههههههههه تصدقين حتى انا مستغربه من روحي
لينا: هذي لبنى متصله سكتو شوي .. الو
لبنى: لينا
لينا: ليلحين نايمه.. رحمي روحج يالبنى
لبنى تبتسم: ابي منج خدمه
لينا: عيوني لج
لبنى: ابي اسأل احمد عن كم شغله
لينا: تبين الحين؟
لبنى: ياريت وتكوني معاه ممكن
لينا: اكيد ياروحي بكون معاه.. تظنين بتركج معاه بروحج يمكن تاكلينه
لبنى تضحك غصب: لا تخافين.. ما احب طعم الرجال
لينا: ول وليش عاد.. خليني اتصل عليه واجي اشوفج.. سلام
لمى: ها بشري
لينا: الاكتئاب عندها واصل حده
ام احمد: روحي يما شوفيها.. وطيبي خاطرها
لينا تتصل في احمد: خالتي ماهي معطيه احد فرصه انه يقترب منها
لمى: الحزن الي معيشه روحها فيه شي فضيع
ام عبداللطيف: اقول نسينا ما كلينا
لمى تبتسم: انا كنت جذي!!!
ام عبداللطيف: واكثر.. انا الي ادلع واراضي وساكته
لمى تحضنها: ههههههههههههههه اموت عليج
ام عبداللطيف تبوسها: ربي لا يحرمني من هالسعاده الي بعيونج
لينا: يلا انا رايحه اشوفها
ام احمد: كلمتي احمد يما
لينا: أي خالتي

بين النخل جنب الشاليه
احمد: وينه هذي مايرد على تلفونه ولا في احد شافه
لينا جايه وراه: واقف تكلم روحك؟
احمد بخوف: بسم الله الرحمن الرحيم من وين طلعتي
لينا: من المصباح
احمد: هههههههههههه لبنى اشلونج
لبنى بحزن: الحمدلله
احمد: آمريني
لبنى: ابيك تتابع موضوع الورثه.. ابي اسحب فلوس
احمد: من عيوني.. محتاجتهم بسرعه
لبنى: ياريت.. ياريت بسرعه
احمد: الموضوع بياخذ اسبوع تقريبا اذا محتاجه فلوس ممكن اعطيج لين تطلع الورثه
ريما تركض: لينا.. لينا
لينا: خير حبيبتي
ريما: خالتي ليال تبيج بسرعه
لينا: بروح وبرجع لكم.. لبنى لا تخافين من احمد تراه مايعض
لبنى بخوف: لا تتأخرين
لينا: بشوف ليال وبرجع بسرعه
احمد: لبنى.. كم محتاجه
لبنى: كثير
احمد: كم يعني
لبنى: كل الي تركهم ابوي
احمد مستغرب: ليش
لبنى: ممكن ماتسألني
احمد: ضروري اسألج واعرف.. انتي ماطلبتي من عمج وولده!!!.. اكيد الموضوع خطير
لبنى: ابي اتطلق
احمد: والي تبي تتطلق تاخذ ورثتها كلها..ولا ناويه تطلعين برا البحرين
لبنى: لا.. اطلع برا البحرين وين اروح.. ابي اخذ الفلوس واعطيهم بـ...............
سمر بحده: خالتي
لبنى: نعم حبيبتي
سمر بقهر: جدي وجدتي وصلو
لبنى بخوف: جايه الحين

مع الشباب على البحر
بو احمد: هلا والله حيا الله من جا
منصور: هلا وغلا اشلونكم
عبداللطيف: هلا عمي
وليد: نور المكان
منصور: خالد وينه
فيصل: الظاهر يتمشى.. حتى راكان ماهو هنا
منصور: بتصل عليهم
بواحمد: مايدري انك بتجي؟
منصور يتصل: بصراحه لا اخذت العنوان من بنتي وجيت
بواحمد: حياكم الله
منصور: هلا يبا.. وينك
راكان: اتمشى يبا على البحر.. اشلونك
منصور: انا بخير خالك معاك
راكان: لا يبا.. انا بروحي
منصور: زين يبا تراني معاكم في الشاليه
راكان بفرح: والله.. الحين ارجع.. مع السلامه
منصور: خالد ماهو معاه
عبداللطيف: شوي وتلاقيه جاي يمكن مع احمد
وليد: لا احمد راح لزوجته
منير: السلام عليكم
منصور: هلا يبا وعليكم السلام
وليد: ماشفت خالد
منير: أي كان واقف بين النخل من شوي
عبداللطيف: شوي وتلاقيه جاي يا عمي


مع الحريم
ام احمد: حيا الله اختي ام خالد
ام خالد بقرف: اهلا
ام عبداللطيف تنتبه: وين البنات
ام احمد: مع ليال فوق.. قلت لريما تناديهم
ام خالد: وعيالي وين
ام احمد: خالد مع الرجال وحنان مع البنات
ام عبداللطيف: مايدرون انج بتجين؟
ام خالد: لا مخلينها مفاجأه
ام عبداللطيف بهمس: وياشينها من مفاجأه
ام لينا: السلام عليكم
ام خالد: وعليكم
ام عبداللطيف بحده: يعني شنو وعليكم.. كمليها وين داخله انتي
ام لينا: ماصار شي يا اختي
حنان بفرح: هلا يما متى وصلتو
ام خالد: من شوي يما
حنان تحضنها: وحشتيني.. من جد وناسه زين الي جيتي
ام خالد: وين العيال يما
حنان: راكان مع خاله وسمر مع البنات
ليال: حيا الله من جا
ام خالد: اهلا
ام عبداللطيف بنرفزه: انا مع لمى
لينا: هلا والله البنات يقولون خالتي ام خالد عندنا يا فرحتي والله
ام خالد: اهلا
لبنى: هلا خالتي
ام خالد تقلب وجهها: ......................
لبنى: انا رايحه للمى
حنان بهمس: يما غيري اسلوبج هنا الكل يحب لبنى لا تخلينهم يكرهونج
ام خالد بهمس: انا ناويه انهم يكرهونها
حنان بهمس: ليش كل ذي
ام خالد: شخبار لبنى معاكم يا اختي
ام لينا: الحمدلله لبنى مافي منها.. ان شا الله.. الله يفرج همها.. موت الوالدين شي صعب باختي
ام خالد: الله يعيننا على دلعها.. هي مع اهلها والكل يدلع فيها اشلون بدونهم
لينا: وتتدلع ياخالتي.. البنت تستاهل
ام خالد: وين تستاهل هالبنت ما تستاهل منكم الاهتمام
لبنى تطلع من المطبخ: ليش خالتي
ام خالد: انتي عارفه ليش
حنان بحده: يما خلاص
ام خالد: ماقلنا شي
ليال بحده: وين خالتي ام عبداللطيف
لينا: في المطبخ
ليال: لينا الله يخليج ناديها
لينا بهمس: حاضر لا تعصبين عشان حنان على الاقل
ليال بهمس: ولبنى
لينا: خلاص خلاص
ليال تنادي: ريمااا يا ريماااااا
ريما تنزل: نعم خالتي
ليال: وين البنات يلا عشان تجهزو العشا
حنان: ايش رايج نطلع برا.. ونجلس جلسه جماعيه
ليال بعناد: شوفي لبنى اذا توافق
ام خالد: وان شا الله بنتعشا على كيف لبنى
ليال: طبعا هالمكان مكانها وحنا ضيوف عندها
لبنى: عادي ليال شوفي الي يبسط الكل
حنان تحضن لبنى: خلاص برا

مع الرجال

منصور: وينك يبا ادورك
خالد مستغرب: يبا.. ماحد قال لي انك هنا
منصور: قلت اسويها مفاجأه
خالد بضيق: واحلى مفاجأه
منصور ينتبه له: اشلون الي عندك
خالد: طيبين.. ومافيهم شي.. على قول امي دلع وبس
سمر: خالي
خالد بضيق: نعم حبيبتي
سمر: امي تقول بنتعشى كلنا هنا
منير: يا حبيبتي يلا ذبحنا الجوع.. بطوننا تغرد.. قولي لهم عجلو
وليد: هههههههههههههه وانت كله جعان وبس
عبداللطيف: عبدالعزيز وين
منير: من شوي متصل عليه.. نايم عشان يسهر الليله.. يقول يبي احمد تلاقيه معاه
منصور: انا من جيت ماشفت احمد
خالد بضيق: تلاقيه بين النخل يكلم
فيصل ينتبه: وليش بين النخل يعني
خالد يسرح: ...........................
لينا: شباب فيه طاولات بالمخزن جيبوها
فيصل: يلا قمنا
ليال توصل: حيا الله من جا.. تصدق احلى مفاجأه
منصور يبتسم: تصدقين عاد جاي اشوفج
ليال: ههههههههههههههه الله يخليك لي.. كيف حالك
منصور: الحمدلله.. وانتي
ليال: بخير عساك بخير
منصور: اشلون لبنى
ليال: حالها مايسر يا عمي.. تبي كم يوم لحد ما تتعود.. انا قلت انها بتنسى هما اذا جات هنا
منصور: ماعرفتي لبنى يا ليال.. هذي روحها متعلقه في ناصر
ليال: الله يعوضها الخير.. ويرزقها من العيال الي يطلعو يشبهوه
خالد بهمس: اكيد ماهم عيالي
ليال تنتبه له: وينك اليوم ياخالد.. ماسمعت لك صوت
خالد بضيق: في الدنيا
ليال: ول ليه هالضيق ذا كله
خالد: لبنى وين
ليال: مع لمى بالمطبخ
تركتهم ومشيت ادور عليها.. كنت معصب وما اشوف الدنيا.. ليش تسوي فيني جذي.. تبيني ابتعد عنها خلاص ببتعد بس من غير ما اشوفها تكلم احد غيري وبين النخل وبروحهم ويعرض عليها فلوس وهي قريب بتوافق.. ما توقعتك نذل يا احمد.. كنت ادخل الشاليه والكل يطلع منه كنت ابي اشوف عينها.. دخلت والشاليه خالي تعمدت اقعد بالصاله.. وقت الي حسيت انه مافي احد غيرنا رحت المطبخ وقفت عند الباب وسمعتها
لبنى تبكي: حقيره اكرهها.. اكره وجودي معاها.. طول عمرها جذي معاي
لمى: معقوله من غير سبب
لبنى: آآآآآآه يا يبا رحت وخليتني بروحي.. بتبيع وتشتري فيني.. سويت لها كل اطلبته مني وليلحين اسلوبها معاي ما تغير.. من شوي تقول لخالتي ام لينا هذي وسخه تربية شوارع
لمى: وخالتي ام عبداللطيف ما اسكتت عنها
لبنى: ودي ارجع بيتي ما ودي انتظر لبكره
ما كنت عارف هي عن مين تتكلم.. شوي وسمعت اسم امي.. تتكلم عن امي بهالسوء؟.. الا امي يا لينا الا امي.. طلعت لبرا وانا مصدوم منها اليوم اكتشفت فيها اشيا كنت معمي عنها.. هالمره من جد خلاص بشوف مستقبلي من غيرج.. وصلت للجماعه شفتهم جالسين والوناسه على اخرها بعكس قلبي المحطم.. حاولت اضحك واغير من مزاجي حاولت بس لقيتني افكر فيها.. قامت لينا من الطاوله اكيد فقدت احمد.. احسن خليها تروح تدور عليها اتمنى تشوفها معاه.. اتمنى انها تقوم الدنيا عليها.. كنت اراقب الشاليه انتظر أي صراخ أي صوت.. تفاجأت باحمد يجي ووراه لينا ولبنى.. اجلسو على الطاوله وانا رحت اشوفها بكل احتقار
ليال: لبنى وين لمى
لبنى: تقول بتخلص الي بيدها وبتجي
ليال: عبدالعزيز بعد ماشفته اليوم
منير: شفته من شوي صاحي قلت له يمر المخزن يجيب كراسي

في المخزن

كنت مبسوطه كثير وماكنت حاسه بالجوع.. رتبت المطبخ وفكرت اعمل كيك.. هههههههههههه عندي نشاط ماهو طبيعي.. الحمدلله احس روحي وحده غير.. نسيت لمى وحزنها والوضع السيء الي عاشت فيه.. انا الحين لمى جديده.. دخلت المخزن قلت يمكن الاقي قالب للكيك.. رحت ادور وانا مشغوله واغني مع روحي.. رفعت راسي وضحكت.. لقيت قالب الكيك.. ما شا الله عليه هالفيصل.. كل شي موجود بهالشاليه.. اخذته وجيت بطلع.. وصدمت في شي.. لقيت نفسي ارجع لورى غصب عني.. كنت بطيح على الارض.. حسيت بيده تمسكني وتشدني له.. غصب عني صرت بحضنه.. ابتعدت عنه بسرعه كنت خايفه ماني عارفه اش صار.. فتحت عيني وياليتني ماشفته
لمى: عبدالعزبز!!!!!!!!
عبدالعزيز مستغرب: لمى!!!!!!!


- لمى تعرف عبدالعزيز؟!!!
- من متى واشلون؟!!!
- ايش بيصير بين لبنى وخالد بعد ماشافها واقفه مع احمد بروحهم

السلام عليكم ورحمة الله وبركاته

سامحوني اتأخرت عليكم ..... ولكني لحقت قبل الساعة 12 ......


المهم انه مازال اليوم الاربعاء ............


على الوعد يوم السبت ......... ان شاء الله ..........


اتمنى لكم قراءة ممتعة ..................

اسلوبك رائع اختى ماشاء الله عليك
بانتظار التتمه
ةدي لكي غاليتي