9:20 الليل
فيلا منصور ..غرفة لبنى..
البحرين

جلسنا فتره طويله.. الصمت كان سيد الجلسه.. كنت ملاحظه خالد مع كل حركه تتحركها البنت يفز قلبه معاها.. مع كل آه تقولها ترجع الدموع لعيونه.. مع كل بكا كل ونه احسه يموت قبلها.. مشو الجماعه الي معاي.. احمد اصر انو لينا تظل معاي.. حنان ماكان عندها مانع ابد.. خالد اخذ له كنبه في الصاله ورمى نفسه عليها.. ماحسيت به نام هذيك الليله خوف على البنت
ليال: خالد داق بعد!!!!
حنان: أي شكله مابيرتاح الا اذا قامت وقالت له انا بخير
ليال: يحبها؟
حنان: عمره ماحب غيرها
ليال: ليه ما طلبها
حنان: طلبها كثير وهي ترفض
ليال مستغربه: وليه!!
حنان: علمي علمك.. فجأه لقيناها تزوجت
ليال: تزوجت؟!!
حنان: أي.. راحت لبيت زوجها وخالد مثل ماتشوفين هذي حاله
ليال: يمكن هي ماتحبه
حنان: بالعكس روحها فيه
ليال: قلبتي راسي
حنان: هههه احنا راسنا مقلوب من تصرفها من زمان
ليال: ما سألتيها ليه
حنان: قاطعت الكل.. ماصارت تحب احد يزورها او تزور احد غير عمي الله يرحمه
ليال: يمكن زوجها من النوع الي مايتعاشر
حنان: من قالج!!!.. اليوم اكتشفنا انه سكير
ليال: اعوذو بالله.. ما قلت لك.. لو هو رجال زين كنتي شفتي بيتها مفتوح
حنان: هذي خالد يتصل
ليال: اقول لك.. خليه يجي يشوفها
حنان: وانتي عادي عندج
ليال: ليه لا.. انا وعلي غطاي.. ولينا بعيده عن المكان الي بيدخله.. خليه يجي يشوفها يمكن يرحمنا شوي
حنان: الو خالد
خالد: ما صحت؟
حنان: حبيبي تعال شوفها وارتاح
خالد بلهفه: باي
حنان: ماصدق.. باي من غير ولا كلمه
ليال: ههههههههههههههه عارفه الحب
خالد يدخل: آسف الي ازعجكم
حنان: تعال.. وخلي ببالك اني ماراح ارد على تلفوناتك وخلاص بناااااااااام
خالد يشوف لبنى: أي أي خلاص تطمنت.. باي
حنان: باي
ليال: يا مسكين
حنان: انتي ليه لا بسه الغطا ماتبين تشيليه.. هو خلاص ماراح يرجع.. لا تخافين خالد رجال ويعرف السنع.. مابيدخل من غير لا يقول
ليال: ههههههههههههههههه لا عادي خليني على راحتي
حنان: تعالي تذكرت انتي كنتي عند ابوي اليوم!!!
وانا بعد تذكرت كنت ناسيه هالموضوع.. صدفه غريبه اني اقابل بنت منصور ولا اعرف انها بنته.. واقابل ناصر ولا اعرف انه اخوه الله يرحمك يا ناصر.. صرنا نسولف في كل شي وعن كل شي.. حنان صارت سيدة الحوار.. صارت تحكي عن بيتها وعيالها وزوجها الي يخونها.. انفطر قلبي عليها وقت قالت انها متزوجه وغير متزوجه.. لا حول ولا قوه الا بالله الكل ماهو مرتاح.. بعد ماحسيت انها فظت الي بقلبها كشفت لها عن وجهي.. خافت في البدايه واصرت تعرف ايش موضوعي.. صرت اقول لها مختصر مفيد ومازدت على الي قلته لابوها.. قلت لها عن الاطقم.. وان ابوها بيساعدني.. صارت مهتمه اكثر تبي تعرف انا ايش بعمل بالفلوس.. قلت لها وحده من الافكار الي براسي.. شفتها متشجعه كثير
حنان: انتي شكلج ذكيه كثير
ليال: شكرا
حنان: انا مستعده امولج يا ليال
ليال: ههههههههههههههههه وانتي منين بتموليني ان شا الله من هشام
حنان: هههههههههههههه هشام خليه يمول نفسه.. انا من جد اتكلم معاج.. اقدر امول عشر مشاريع في وقت واحد بس ابي مشاريع تسوى عشان ارمي فلوسي فيها
ما انكر اني لقيت شخص من مجموعة اشخاص كنت ادور عليهم.. كنت مخليه براسي اني ادور على اكبر مجموعه من الاذكيا.. الاذكيا وبس.. الشغل الي براسي كبير.. ومحتاج قوه عقليه اكبر.. وحنان ممكن اعتمد عليها فيه.. اتطمن على بنتك يا يا ناصر.. وان شا الله ببتدي اتكلم مع الكل.. وابين لهم الشغل الي براسي.. وافقو.. بتوكل على الله واكمل عليك يا لافي.. ما وافقو بنتظر لحد ما نصاب الاشخاص الي ابيه يكتمل.. سهرنا كثير والسوالف اخذتني مع حنان.. المسكينه ما نامت الا قريب اذان الصبح.. وانا ظليت صاحيه مستغربه حالي

&&&&&&&&&&&&&&&&&&&&&

7:15 الصباح
في المستشفى ..غرفة سلطان..
السعوديه

ام سلطان: صحيت يما
سلطان بتعب: انتي بخير يما
ام سلطان تبوسه على راسه: ردت فيني روح من سمعت صوتك يما
سلطان بتعب: الكل بخير
ام سلطان: الكل بخير يما وماصار لاحد شي
سلطان بتعب: ونوف
ام سلطان: والله يا يما ان الكل بخير ويسأل عنك
سلطان: الحمدلله.. انا ضربته يما.. ضربته على وجهه بس كان اضخم مني غلبني.. غلبني يما.. اااااااااه احس اني برجع انام
ام سلطان: نام يما..جعله الوجع الي ما ينتهي حسبي الله ونعم الوكيل
سوسن تدخل: صباح الخير يما
ام سلطان: صباح النور يما.. ابشرك لسا صاحي وسأل عن الكل.. بس رجع نام
سوسن: احسن يما.. غسان يقول اليوم او بكره ويرفعو الابر عنه وبيرجع يصحى
ام سلطان بفرح: ان شا الله يما.. زوجك معاكي
سوسن: وصلني وراح يشوف نوف
ام سلطان: نوف البارح جات تزور سلطان
سوسن: ومابكت
ام سلطان: طبيعي يما.. بكت على حاله وصلاح يقوي فيها.. والحمدلله.. تتكلم
سوسن: عادي؟
ام سلطان: لا ماهو عادي زي زمان.. بس امس احسها احسن عن كل يوم
سوسن: الحمدلله
ام سطان: دريتي عن البيت الي يبون يشترونه
سوسن: ايوا عبدالله قال لي.. اياكي تقولي منتي موافقه
ام سلطان: دام بوسلطان قال نروح خلاص كلمته بتمشي يما
سوسن: يما ما اوصيكي تراكي بتعيشي مع ناصر في بيت واحد.. ومع طليقته يعني فيه احتمال يرجعها
ام سلطان: يرجعها يعلقها ما يهمني المهم عندي سلامة بنتي وامانها.. الكلب ابوه مارحم بنته اجل ايش بيعمل في بنتي
سوسن: ايوا كذا احبك تكوني كذا
سلطان يفتح عينه: سوسن حبيبتي
سوسن: يا قلب سوسن ياخوي
سلطان بتعب: ماشفتك من جيت هنا.. وحشتيني حبيبتي
ام سلطان بهمس: تراه مايدري بالدنيا.. هذا تأثير المخدر
سوسن: نام ياروح سوسن
سلطان: لا تقولي لليال عني يا سوسن.. ما ابيها تقلق علي ها حبيبتي
سوسن: ابشر بالخير يا قلبي
ام سلطان: يا روحي انت.. نام يا قلبي

&&&&&&&&&&&&&&&&&&

8:45 الصباح
فيلا منصور ..غرفة لبنى..
البحرين
كنت صاحيه جفاني النوم.. جلست اتابع البنت بحركاتها بونتها الي ما وقفت.. حتى دموعها ماهي راضيه توقف.. كنت حاسه ان خالد بيموت ويعرف عن اخبارها.. سمعت صوت الحريم تجمعو.. ماكنت ناويه اطلع.. دخلت علي سمر
سمر: خالتي صباح الخير
ليال: صباح الورد ياقلبي
سمر: خالي يسأل خالتي لبنى صحت؟
ليال: لا حبيبتي.. لسا.. واذا صحت بخلي امك تدق عليه
سمر: في شي ثاني
ليال: ايش يا قلبي
سمر: جدتي مسويه سالفه
ليال: على ايش
سمر: على خالتي لبنى تقول لا زم تقعد حتى تسلم على المعزين
ليال: قولي لها خالي يقول اذا اطلعت من غرفتها من غير لا يعرف بيقلب الدنيا
سمر تبتسم: ههههههههههه اشلون مافكرت في هالشي
ليال: شكلك عارفه اني اكذب
سمر: طبعا عارفه.. بس لا تخافين هذي سرنا
ليال تحضنها: الله يحفضك
كنت ابتسم معجبه بشخصيتها وقوتها.. كأني اكلم حنان.. ما شا الله اخذت من امها الكثير.. دنيت من لبنى.. كنت اشوف عيونها ترمش.. عرفت انها ماهي نايمه
ليال: اسمي ليال.. من السعوديه.. في يوم صحيت لقيت نفسي وحيده بهالدنيا حتى اهلي تخلو عني.. حسيت اني بموت لاني لحالي لا اب ولا اخ ولا زوج اقدر استند عليه.. صحيح موجود بس وجوده وعدمه واحد.. اهل زوجي ذبحو عيالي واحد ورا الثاني ليه ماني عارفه.. قررت اهرب من المكان الي كنت فيه رحت لقطر تخيلي اني طول طريق هروبي كنت مفكره اني لحالي كنت ابكي ضعفي ووحدتي وقل حيليتي والخوف الرهيب الي ملك كياني.. تخيلي اكتشفت اني ماني بروحي وفيه احد يتبعني من مكان ماهربت لحد ماوصلت قطر
لبنى بخوف: اكيد كان زوجك
ليال تبتسم: لا.. تخيلي انه كان الله.. حفظني من الشر يالبنى.. وسبحانه سخر لي ناس وفقت جنبي حمتني ودافعت عني.. رجعت لي قوتي الي كنت فيها.. وجود الله جنبي حسسني بالامان الي كنت انتظره من العباد.. على قد العذاب الي عشت فيه زمان.. على قد الخوف والحذر الي انا فيه.. على قد ما انا مرتاحه لاني بحما الله
لبنى: ماشفتي شي من عذابي.. وما تأذيتي قد ما تأذيت
ليال تكشف عن وجهها: ارفعي وجهك عن المخده وشوفي وجهي
لبنى ترفع وجهها: شنو ذي
ليال: شي من العذاب الي عشت فيه.. اقول لك على شي بعد
لبنى: قولي
ليال: انا تركت قطر جيت للبحرين عشان اخو العيله الي كنت عايشه فيها حاول يعتدي علي
لبنى فاتحه عينها: مستحيل
ليال: كل شي مقدر ومكتوب.. نصيب اني اجي البحرين ونصيب اني اعرف الوالد الله يرحمه واشتري عن طريقه العماره الي انا فيها.. ونصيب اني اتعرف على عايله بحرينه وكويته.. ونصيب اني اشوفك امس
لبنى: قعدتي مع ابوي!!!!
ليال: للاسف مره وحده
لبنى تدمع عيونها: كنتي بتحبينه
ليال: انا حبيته من جد.. كلمته قبل لا يتوفى مرتين.. وماتتخيلي طيبته معاي
لبنى تمسح دموعها: حبيبي طيب مع الكل
ليال: دامك تعرفي هالشي.. فتأكدي انه الله بيجازي ابوكي عنك كل خير.. بتلاقيه يسخر لك ناس يساعدونك على الدنيا وياخذو بيدك.. من غير لا تحسي.. ابوك الله يرحمه كان يساعد الكل.. تظني الله بيترك بنت عبد له بعد موته
لبنى: اكيد لا
ليال: خلاص اجل.. غسلي وجهك وفكري ايش تبين تعملي.. وانا يدي بيدك.. ماهو انا لحالي بس.. انا والعوايل الي الله رزقني فيهم.. بتشوفي كيف هم طيبين وبينسوكو همك
حنان تصحى: صحيتي ياقلبي
لبنى: انا بخير حنان.. اربشتكم معاي
حنان والنوم بعيونها: اربشينا كم لبنى عندنا
ليال: قومي غسلي تراكي قلبتي كبدي
حنان: استحي انا اكبر منج
ليال: خلاص بسجل صوتك واسمعيه.. صدقيني بتلاقي القنوات يركضو عليكي يبون يشترونه.. عشان يخوفون فيه العيال
حنان بقهر: انتي تولدين بالسلامه وتشوفين الي تعتقج من الضرب
ليال: ههههههههههههه حسره عليكي ياليال الكل متوعد فيكي
حنان تبتسم: ومن غيري
ليال: خوله ولينا
حنان: ول الا هالخوله.. امس حسيتها يتذبحني لاني قلت لج المكان مكانج
ليال: ههههههههههههههههه هذي اختي الي ما ولدتها امي
حنان رايحه: الله يخليها لج
لبنى: وهذي وين عرفتيها
ليال: هذي القطريه الي قلت لك عنها
لبنى: جات معاج البحرين!!!!
ليال: ايوا هي وزوجها وعيالها
لبنى: ماني مصدقه
ليال: ماقلت لك ربك مايترك احد من عباده قومي يلا
لينا تصحى: صحيتو
ليال: اول وحده نايمه واخره وحده تقومين
لينا تحك راسها: ماكنت نايمه يومين.. احمد ماتركني.. يخلص من سالفه ويبتدي سالفه
لبنى: ومن هذي
ليال: لينا اعرفك على لبنى.. لبنى هذي لينا بحرينيه
لينا: هلا باختنا الرابعه
ليال: الخامسه.. نسيتي حنان
لينا: لا حنان كبيره علينا يعني نعدها كبر امي
حنان بحده: كبر امج يا لمخرفه
لينا: لا قصدي جدتي اعذريني يالغاليه
لبنى تبتسم: ........................
ليال: تعودي تسمعي هالكلام.. تخيلي انهم يصبحوني ويمسوني فيه.. تصدقين مايتعبون.. طبعا اقصد لينا وخوله.. حنان لسا متعرفين عليها.. بس والله شكلها من طينتهم

&&&&&&&&&&&&&&&&&&

11:20 الظهر
في المستشفى ..جنب غرفة نوف..
السعوديه

صلاح على التلفون: من جد خلاص توكل على الله واشتريه
ناصر: بس ضروري تشوفوه
صلاح مصدوم: ايش نشوف يا خوي
غسان: جيب التلفون
صلاح: ساعات احسه غبي
غسان: ناصر يا خوي ايش فيك.. تشوف عندنا وقت حتى نشوف وحتى يعجبنا او مايعجنا.. يا اخوي اسمع الكلام.. اشتريه دامه جديد.. وخلنا ننلم نوف بكره تطلع من المستشفى.. وسلطان بيظل لحاله من غير مايكون واحد فينا معاه.. واذا قدرت تاخذ الفيلا الان.. بنكون كلنا مع البنات و بتقدر نتناوب على الجلسه معاه
ناصر: خلاص خلاص رايح ادفع الفلوس.. وقول للحمار الي جنبك ماني غبي
غسان يضحك: حاضر بقول له
صلاح: ايش يقول.. هات هالغبي
غسان: وبنعيش في مكان واحد.. يا خوفي على المكان مننا
صلاح: اسمع يا غبي
ناصر: ايوا ياحمار
صلاح: بتدفع الفلوس الان من اشوف رقعة وجهك بعطيك شيك بنصيبي
غسان: وانا بعد معاه
صلاح: اياك تلبس ثوب الشهامه معاي.. ابوي حالف ماني قده
ناصر: مالت عليك.. ابوك حلف عليك يعني الضر بياصلك ما بياصلني
صلاح: وصلك كلام الرجال صح.. يلا انتظر أي حركة عيال منك يا غبي
غسان: هههههههههههههههه سكرت في وجهه الله يعينك عليه
صلاح: مسج لتلفونك
غسان يفتح تلفونه: هههههههههههههههههههه اسمع اسمع.. "قول للحمار الي جنبك اني رجال غصب عن خشمه وبوريه".. هههههههههههه الله يعينك عليه
صلاح: اترك عنك الضحك الان وقول لي
غسان: خير
صلاح: امورك ماشيه مع زوجتك
غسان يتنهد: والله يا خوي يوم اقول اني متهني ويوم تنقلب الدنيا على راسي
صلاح: ابيك تسمع الي بقوله لك.. سبق ليال وفهمتني زوجتك بايش ممكن تمر فيه
غسان بحده: وكيف اختك تكلمك عن زوجتي
صلاح: عشان زوجتي مرت بنفس الظروف.. لا تنتظر اختي تكلمك عنها
غسان: اسمعك

&&&&&&&&&&&&&&&&&&

11:55 الظهر
شقة جراح ..الصاله..
لندن

جراح: عملت الي قلت لك عليه؟
عبدالرحمن بحده: ايوا لسا مسكر معاه
جراح: قلت لك من قبل لافي وراه غرض
عبدالرحمن: الحمدلله الي كشف عمره
جراح: طلقتها الان؟
عبدالرحمن: ايوا كلمته وقلت له انها تقول انها مجبوره وانا ما استحمل تصرفاتها معاي.. وطلقتها
جراح: كويس يا خوي.. الان تروح السفاره وتصدق ورقة الطلاق وضروري انك تكتب بالورقه انك مادخلت عليها.. ودزها له ببريد مستعجل
عبدالرحمن بحده: فاهم فاهم
جراح: وانت ايش الي معصبك الان
عبدالرحمن: امس لما رحنا محل المجوهرات لقيت الموظف مجهز 7 اطقم لقيتها تختار خمسه منهم.. وكل الدلال الي بالعالم تدللته علي.. قلت بجرب وباخذ واحد اذا هالدلال استمر برجع في نفس الليله وباخذ لها الاطقم الي اختارتها.. يا اخي ركبنا السياره وانقلب حالها.. واليوم تكلمني عن المدرسه الخاصه الي عندي.. اقول لها ماعندي قالت انا متأكده
جراح: الاشاعه وصلت لابوها يا خوي وهو لاعب هاللعبه عليك
عبدالرحمن: وقت الي قلت لي راح نقول كذا ونطلقها اشاعه.. ما كنت موافقك.. الان كل شي واضح وباين
جراح: الحمدلله الي الله فكك منها
عبالرحمن: انا رايح السفاره الان.. وبعديها على المطار
جراح: طريق السلامه يا خوي
عبدالرحمن: ماقصرت يا جراح.. جميلك على راسي
جراح: لا تقول كذا احنا اخوان.. المهم انك سالم يا بن سالم

&&&&&&&&&&&&&&&&&&

12:15 الظهر
في شقة عبدالرزاق ..الصاله..
البحرين

احمد: ههههههههههههههههههه بشرك الله بالخير
عبداللطيف: يعني عبدالرحمن الحين في قطر
عبدالرزاق: لا ياخوي هو في المطار الان وقريب يركب الطياره
منير: والله خبر حلو
وليد: اهم شي يوصل بالسلامه
احمد: نتكلم في لعبتنا الحين
عبدالرزاق: الاعدام متى
احمد: بكره الفجر.. عبدالرزاق بتتحرك الان قبل يجينا خبر ان عوض مات
عبدالرزاق: وانا مستعد
عبداللطيف: حافظ يا خوي اش بتقول
عبدالرزاق: عيب انت تكلم بوسالم
احمد: فيه مشكله
عبدالرزاق: خير
احمد: ام سالم.. ضروري ترجع قطر معاك.. وتقعدون هناك ماهو اقل من شهر.. ورجعتكم هنا بتعتمد على جيت دكتور زياره للبحرين.. وخوله بتجيبك متابعه لحالتك الصحيه
منير: فكرت في اخوانه وامه اذا درو ان ولدهم صارت له جلطه.. يمكن واحد من اخوانه يقول بيجي معاه البحرين
وليد: ممكن
عبداللطيف: اش رايكم يروح للندن يكلم لافي وينجلط هناك.. يتعالج ويرجع البحرين يكمل علاجه.. من غير اهله.. والمشاكل الي ممكن تصير معاهم
احمد: أي بس مافي وقت.. زوجته مشكله ثانيه
وليد: ماهو ضروري تروح معاه الحين تلحقه بعدين
عبدالرزاق: لا ما اقدر اتركها تجيني بروحها مع العيال
احمد: تقدر تتصرف الحين للندن
عبدالرزاق: توكل على الله ان شا الله بقدر اتصرف

&&&&&&&&&&&&&&&&&&&&

1:00 الظهر
فيلا منصور ..الصاله..
البحرين

اطلعو الحريم وظلينا لحالنا سحبنا نفسنا ورجعنا الغرفه.. خوله جات اجلست معاي شوي وقالت لي على الاتفاق الي صار للخطه الجديده.. سلمت علي ومشت.. حسيت بخوف وقت مشت.. بس الي ريحني انها من مشت من عندي حتى الان كلمتني يمكن 15 مره.. عارفه انها ما بتتركني.. حتى لو فصل بيننا البحر.. حسيت بالوحده شوي.. بس لينا وحنان نسوني الهم بسرعه.. واتصالات خوله بعد عوضتني الوحده الي حسيتها.. لمى تصاحبت على لبنى وصارت قريبه منها.. هالشي خفف عليها هي بعد.
سمر: ماما
حنان: نعم ماما
سمر: الغدا جاهز
حنان: قولي للشغالات يجهزونه وحنا جايين
سمر: انادي جدي وخالي بعد.. تراهم بروحهم قاعدين
حنان: وراكان وين
سمر: راكان راح البيت يجيب لي اغراض وجاي بالطريق
حنان: اش رايكم يا بنات اغرفكم على ابوي.. صدقوني بتحبونه.. ابوي يا بنات ينسي الواحد همه.. قعدته بس تعوض عن كل شي
ليال: تبين الصراحه.. صدقتي.. والنعم به الله يخليه لك يارب
حنان: امي يمكن تكون جافه شوي.. بس معلش عشاني استحملوها.. ها اش قلتو نناديهم
ليال تناظر لبنى: ناديهم.. وخلي ناس تتطمن على ناس وترحم اذنك من الاتصالات
حنان: هههههههههههههههههه
كنت عارفه ان لبنى مبسوطه في داخلها انها بتجلس معاه.. واضح انها تعشقه.. بس ليه تركته.. وهو يا عيني من خوفه عليها.. قلب راسي وكبدي.. كنت ابي اصرخ عليه واقول له ارحمني زهقت من كثر ماتدق.. ههههههههههههههه كان نفسي اعملها.. بس كنت عارفه ان العاشق يصير زي المهبول عشان بس يتطمن على الي يحبه.. طلعنا للصاله ولقيت العجوز جالسه ونافخه الوجه.. والضيق باين عليها.. تعمدت اني اجلس جنب لبنى ولينا جنبي.. ولمى جلست جنب لبنى.. وحنان صارت جنب خالد.. كنت حاسه ان حنان تعمدت تجلس جنبه حتى تنتبه عليه
منصور: حيا الله بناتي والله
ليال: تحيا وتدوم يالغالي
منصور يبتسم: شفتي الصدف يبا
ليال: الله يرحمه هو سبب جمعتنا الطيبه
منصور ينزل راسه: الله يرحمه
سمر: يبا تصدق انهم طلعو قراب صاحبتي الي معاي بالمدرسه
منصور: وانتي تحبينها كثير
سمر: تبي الصدق.. ديما من اقرب صحباتي واطيبهم.. هذي اختها
منصور: مرحبا يبا
لينا: مرحبا بك يا عمي
ليال: وكلنا تعرفنا على بعض صدف.. حتى حنان وخالد
خالد: الحمدلله الي جمعنا
حنان: ليال تقول انه الصدفه هذي اكيد لها معنى
منصور: اشلون يعني
ليال: يعني تظن اني بهالفتره البسيطه اقدر اتعرف على احسن الناس واطيبهم كذا.. من غير هدف.. اكيد الله له حكمه في هالشي
لمى: اولها اننا جنب لبنى
منصور: ماقصرتو والله.. البنت الحمدلله هدت نفسها
ليال: الحمدلله.. لبنى اساسا قويه.. ولقت الي يقويها قبلنا
نظرت خالد لها بعد هالجمله ذوبتها كنت حاسه عليها تبي تقوم من على الطاوله تهرب منه تخبي شوقها عنه.. تخبي لهفتها له.. ليه يا لبنى.. ليه تعملي بحالك كذا.. هو باين انه يموت عليكي بعد.. صار الكل ياكل وهي تحرك شوكتها بالصحن.. سرحانه في دنيا ثانيا.. وهو يتابعها في حركاتها.. ترمش عيونه اذا تنهدت.. تدمع عيونه اذا دموعها خانتها وانزلت.
ام خالد بحده: يما ليش ماتاكل
خالد ينتبه: شبعت يما.. ابي قهوه بس
حنان: راكان ماما ليش ماتاكل
راكان: شبعت يما.. انا بعد ابي قهوه
منصور يقوم: كملو اكلكم يا بنات.. البيت نور بوجودكم ليتكم عندنا كل يوم
لبنى منزله راسها: عمي
منصور: آمريني يبا
لبنى: انا راجعه بيت ابوي الليله.. بكره اخر ايام العزا و.................
منصور يقاطعها: بكره آخر يوم ماهو الليله.. بكره نتكلم.. كملي اكلج
مشى وهي لسا منزله راسها.. في ايش تفكري اكيد في خالد اكيد تبي تهرب منه.. بس كيف بتعيش لحالها في بيت ابوها.. بتجن.. اكيد بتجن الذكريات بتلاحقها وبتذبح من روحها المذبوحه.. تمنيت اني اتدخل بينهم واقول لمنصور انها بتجي معي.. بس بصفتي ايش اتكلم.. مالي صفه.. ليتني عرفتك زين قبل ماتموت يا ناصر.. يمكن كان لي معزه اكبر واقدر اخذ لبنى معاي
خالد يفاجأ الكل: هذي بيتج ماراح تطلعي منه
لبنى: بكره انا رايحه بيت ابوي.. ماراح اكسر كلمة عمي.. ما ابيه يزعل مني
ام خالد بحده: خلاص لا تكسرين كلمة عمج تقعدين لبكره وبعدين طريق السلامه
لبنى تقوم: الله يسلمج خالتي
ام خالد بحده: انا ام خالد ولا تقولين خالتي
حنان بهمس: ليش جذي عاد.. وبعدين يا يما تبين ابوي يسمعج ويقلب الدنيا
خالد بهمس: حنان قومي لحقيها
ام خالد: بس قومو وراها راضوها لا تزعل.. دلعو فيها البقره الضاحكه
ايش ذا.. حتى ما احترمت وجودنا حنا الاغراب بينها.. قلبي عليكي يالبنى.. ايش هالحرمه هذي.. لادم ولا احساس ولا كرامه للضيوف الي عندها.. ولا مراعاة لخاطر هالبنت المكسوره.. عنجهيه وغرور وقسوه ليه كل ذا.. قمنا غسلنا ودخلنا الغرفه
حنان: اكيد منتي زعلانه؟
لبنى: لا حبيبتي لا تكبرينها ما صار شي
حنان: سمعي هشام مسافر اسبوعين اش رايج تقعدين عندي.. واذا رجع باخذ عيالي وبقعد معاج
لبنى: لا تخربين حياتج عشاني انا بخير.. اش بيصير علي اكثر من الي صار.. عقب ابوي خلاص المفروض اني ما اخاف من الدنيا.. خوفي الوحيد كان عليه.. وخلاص راح
ليال: طيب اسمعي بقول لك.. انا عندي لينا لاجئه ساكنه عندي
لمى: ههههههههههههههه انقلبت عليج
لينا: عادي تروح خوله تبقى ليال.. الله يعينني
ليال: وعندي لمى لاجئه كويتيه
لمى بحده: تخسين هذا الي قاصر.. اشوف انقلبتي علي انا بعد
لينا: خليها خليها نست روحها لاجئه سعوديه
لمى: ههههههههههههههههه تصدقين نسيت هالنقطه
لينا: انا موجوده بذكرج
ليال: شفتي كلنا لاجآت الي يجمع بيننا هو حبنا لبعض.. سأليهم اذا يقدرون يعيشو بعيد عن بعض
لينا: والله يا اختي اني ما اعيش خمس دقايق بدونهم
لمى: وانا من جيت البحرين وعرفتهم والله ماودي ارجع الكويت عشان ما اتركهم
حنان: وانا من عرفتهم حسيت اني ماني بروحي بهالدنيا.. قبل كنت وحيده وعايشه في حالي.. الحين وجودهم في حياتي غير طعم الدنيا
ليال: تعالي انتي بعد معانا.. جربي انك تكوني اختنا ووحده مننا.. بتلاقين الامان معانا.. كل وحده فينا لاقت الضر من يد زوجها
لينا: بعيد الشر.. انتو كيفكم انا غير
ليال: الحمدلله انك غير
لمى: فرحانين انج بخير
حنان: انسي الدنيا معانا يا لبنى.. لا تخلين روحج في قوقعه وتسكري على روحج داخلها.. لا تعيدين نفس الغلطه الي غلطتيها بحق نفسج يا لبنى
لبنى: ماني فقيره حتى اترك بيتي واعيش في بيت غير
ليال: ولا وحده من البنات فقيره.. عندك حنان وانتي اعلم بها مننا.. ولينا تملك مشا الله.. الله اكبر.. ولمى عندها في البنوك مايغطي عين الشمس.. وانا احلمي تعرفي ايش عندي
لمى بحده: يعني احنا فضحتينا وانتي قلتي لها احلمي تعرفين!!!!
ليال: ههههههههههههههه ايوا بكيفي اقول الي ابيه
لينا: ولدي بس صدقيني يا ليال بخلص حقي منج
حنان: عيني يا ليال الكل متهدد فيج
ليال ببرائه: حسد يا اختي اللهم يا كافي
لبنى: هههههههههههه
سمر: ماما
حنان: آآآآآآآآآه ياقلبي خالج اش فيه
سمر: ههههههههههه يبيج
ليال: سمر يا قلبي قولي له تقولك خالتي ليال ارحمنا شوي.. البنت بخير وتضحك.. ممكن تنسانا شوي
سمر: ههههههههههههه حاضر
حنان: والله ما يقعد تلاقيه يتصل
ليال: اياكي تردي على التلفون
لينا: ههههههههههههه اسمعو.. اش رايكم بكره نطلع رحله بحريه مثل الي طلعناها
لمى: ايوااااااااااااااااا من جد رحله
حنان: انتو تحبون البحر
ليال: نمووووووووووت فيه
لمى: تفوتكم الوناسه الي كانت بالرحله هذيك المره.. ضحك ورقص واغاني وشي خيال الصراحه.. شي ولا في الاحلام
حنان: بعد بكره نروح اش قلتي لبنى
لبنى: لا طبعا.. بكره العزا يخلص.. واحنا نروح رحله
ليال باستهبال: لا صح معاها حق.. الشرع يقول مايجوز
لينا: ههههههههه صح وانا قريت في وحده من التفاسير الي تروح رحله بعد موت ابوها حرام شرعا
لبنى: اشوف استلمتوني
ليال: أي لاتفتي من نفسك.. مين حرم هالشي ومين منعه.. السنه تقول الحداد ثلاث ايام بس.. والحرمه الي زوجها يموت هي الي تعتد
لينا: الحرمه ولا البنت!!! ذكروني بس
ليال ترميها بمخده: بس انتي بعد
لمى: يا لبنى يا حبيبتي الحزن بالقلب لو قعدتج بالبيت بترجعه كنا حبسناج فيه.. بس هالشي مابيصير
ليال: وبعدين شفتي علامات الخاتمه.. انتي بنفسك قلتي لي انه شكله كان مبتسم.. واحمد يقول حمله خفيف مره.. ايش تبين اكثر من كذا رضا من الله
لبنى: الحمدلله
لينا: خلاص بكلم احمد حتى يحجز لنا

&&&&&&&&&&&&&&&&&&

9:30 الليل
في بيت ام لينا ..غرفة لينا..
البحرين

احمد: والله فكره بس عندي تعديل بسيط
لينا: ايش هو
احمد: بنروح شاليه الجو صار بارد شوي.. ماهو لطلعت بحر
لينا: حلو
احمد: عوض اعدامه اليوم الفجر
لينا باهتمام: عشان جذي عبدالرزاق سافر
احمد بضيق: اي
لينا: وليش متضايق جذي.. عبدالرزاق عليه خوف؟
احمد: لا عبدالرزاق بخير.. انا ماقلت للمى
لينا: تبي الصراحه احسن.. انا عندي انها مبسوطه وفرحانه وناسيه الهم الي كانت فيه.. الله يخليك لا تقول لها هي بدون اخوها عايشه سعيده.. لا تجيب سيرته حتى ماتنقلب حياتها
احمد: ماتكلمت عنه؟
لينا: لا ما جابت سيرته ابد
احمد: خليها على راحتها.. حلو اني ابعدها في الشاليه هاليومين لحد ماتهدى الاوضاع في الكويت
لينا: تتوقع ينقل على التلفزيون
احمد: ماهو مهم عندي المهم اني ابعدها عن كل شي هاليومين.. والشاليه بخليه فاضي من الراديو والتلفزيون
لينا: زوده بالاكل هي تحب تطبخ بتنسى روحها هناك
احمد: صح.. بكره اروح اجهز كل شي مع الشباب.. وبعد بكره نروح
لينا: وليش بعد بكره.. نخلص العزا واحنا ماشيين.. ونسويها مفاجأه للكل
احمد: مابيلحقون يجهزون روحهم
لينا: بكره بخليهم يستعدون لكل شي
احمد: بتقولين لام خالد
لينا: لا الله يخليك.. هذي وحده ماتنطاق ولاتتعاشر.. وحده تحسها من كوكب ثاني
احمد: كوكب القرده مثلا
لينا تمسك الضحكه: صدقني حتى القرود بتخاف على بعض بس هذي ماتحب احد
احمد: خلاص لا تقولون لها.. ام عبداللطيف لسانها طويل واذا لقت حرمه جذي مابتسكت عنها
لينا: ام عبداللطيف وحده حقانيه وما بتسكت عن قلة حيا هالحرمه.. وجع لا ادب ولا سنع ولا حشيمه للناس الي عندها
احمد: ول
لينا: تصدق قدامنا تطرد لبنى.. تقول لها تقعدين لحد بكره وبعدين طريق السلامه
احمد فتح عينه: ول
لينا: تقول كأن البنت سارقه حلالها
احمد: والبنت اش ردت
لينا: قامت من كرسيها ورجعت غرفتها
احمد: لا حول ولا قوة الا بالله
لينا: بس ليال ما اتركتها قاعده تحاول فيها تعيش معاها
احمد: ههههههههههههه ليال بتجمع الاولي والتالي وبتسكنه معاها
لينا تضحك: تصدق عشان تقنعها صارت تقول لها اني لاجئه عايشه معاه.. ولمى لاجئه عايشه معاها
احمد: ههههههههههههههههههه اكيد لمى ما سكتت
لينا: طبعا ما سكتت بس لمى فاهمه على ليال.. صرنا ماخذين الموضوع ضحك بس
احمد: وهي اقتنعت؟
لينا: انا اشوف الابتسامه في وجهها يمكن توافق بس بعد احس انها بتكابر
احمد: دام ليال في الموضوع بتقدر عليها.. ليال اذا تبي الشي يصير اقعدت تزن كأنها حرمه عجوز
لينا: ههههههههههههههههههه بقول لها
احمد: خوفتيني.. كل مره اكلمها اقول لها هالشي


يتبع

10:00 الليل
شقة ليال ..الصاله..
البحرين

لمى: انا خذت اغراضي واغراض خالتي وجيت شقتج لاجئه
ليال: ههههههههههه ماعاش الي يقول عنك كذا
لمى: لا حبيبتي عاش وقال
ليال تحضنها: لا تقولي انك زعلتي
لمى: زعلت.. اش تبين الحين
ليال بدلع: والله حرام.. ماقصدت.. لمى ياقلبي تراني كنت قاصده اضحك لبنى بس
لمى تعاند: طيب
ليال: لمى عن الدلع البايخ.. البنت بحاجه للي يهتم فيها وهي بهالظروف.. والله العضيم عارفه انه كل وحده فينا بداخلها هم يملي الدنيا.. بس حنا مع بعض كل وحده فينا تخفف عن الثانيه.. هي ماعندها احد
لمى: ...........................
ليال تدمع عيونها: والله ماقصدت ازعلك.. محسبتك فهمتي علي انها لعبه عشان لبنى تقتنع وتكون معانا صدقيني
لمى تضحك: ههههههههههههه يا غبيه تصيحين.. كنت امثل عليج
ليال تضربها: قومي عن وجهي.. وجعتي قلبي
لمى: هههههههههههه معاش الي يوجع قلبك
ليال تمسح دموعها: عاش
لمى: ههههههههههههههه انا ازعل منك والله انك غبيه
ليال: من جد كنتي فاهمه علي؟
لمى: اقول لج على شي وتصدقيني
ليال: ايش
لمى: انا اقرا حركات الوجوه
ليال: مافهمت!!!
لمى: شوفي حاولي تكلميني بوجهك.. بعيونك بحركة رمشك وانا اعرف ايش تبين تقولين
ليال مندهشه: استني خليني الاقي شي افكر فيه.. يعني انتي تقرين حركه الشفايف بعد
لمى: شوي بس حركه الوجوه تختلف
ليال: لقيت.. شوفي وجهي
لمى تنتبه لها: ........................
ليال تبتسم: ها ايش قلت
لمى: تبين تعرفين سبب حزني
ليال مستغربه: تصدقين من اول ماجيتي وانا اكلم نفسي واقول انك تفهمي الي ابي اقوله بسرعه.. حتى يوم رحنا على الرحله البحريه.. كنت كلما ابي اقول لخوله تجيب لي اكل القاكي تجيبيه من غير لا اطلب.. انتبهت عليكي بعد مع لينا كنتي تجاوبيها على اسأله ما اسألتها
لمى: ليال هذي دراسه وعلم.. وعندي شهاده بهالشي
ليال: من جد!!!
لمى: أي بس ما حد يعرف عن هالشي
ليال مستغربه: ليه تأمنيني انا على هالسر
لمى: لاني ابي اشتغل معاج.. عارفه انج تخططين لمشروع جديد.. ودي ادخل معاج فيه.. انا عارفه ان احمد قال لكم عن قصتي.. صحيح انكم تحاولون ما تبينون هالشي لي.. بس هالشي واضح.. انتي عارفه اني فقدت اسم وسمعه.. وشغلي معاج بيطلعني من الي انا فيه
ليال: ماطلبتي غالي يا روحي.. لمى اياكي تحسي بحالك غريبه معاي.. نفسي تحسي اني قريبه منك.. ودي تكوني اختي
لمى: انتي اختي ياغبيه
ليال بحده: وايش موضوع غبيه هذي الي ماسكتها علي يا خبله
لمى: غبيه لانج قاعده تقولين للناس عن قصتج وانتي ماتعرفينهم
ليال: قصتي؟
لمى: أي قصتج.. انا عارفه قصتج من كلامج الي منتي حاسه فيه.. ساعات اذا قعدتي مع احد تنسين نفسج وتخربطين بالكلام.. وساعات اللقاج تسولفين عن الماضي قدام أي احد من غير لا تنتبهين
ليال: بس انا ما اذكر اني قلت شي عن حياتي قدامك
لمى: يوم الي رحنا للمطعم وتعرفنا على حنان.. كنتي تكلمين سوسن
ليال تبتسم: ههههههههه نسيت
لمى: انتبهي على روحج.. صحيح ان الله موقف معاج ناس طيبه وتحميج.. بس ماتعرفين اش الزمن مخبي لج
ليال: صدقتي
لمى: نتكلم في المفيد.. انا بسحب فلوسي كلها وبدخل معاج في الي تفكرين فيه.. بس بعطيج نص الفلوس النص الثاني بعيش فيه
ليال: لا تستعجلي.. ابي احدد ايش ابي بالضبط وبعدين بقعد مع الكل والي يبي يشتغل معاي يا هلا ويا مرحبا
لمى: انتي متعمده انج تجمعينهم حولج؟!!!
ليال: تبين الصدق ايوا.. انا داعيه من الله انه يسخر لي من الناس اطيبهم واقواهم واحنهم قلب علي وعلى عيالي.. والحمدلله اجمل واروع من المجموعه الي انا معاها مافي
لمى: تصدقين اني متحمسه عشان ابتدي شغل
ليال: حلو خليكي كذا على طول لحد مانبتدي

&&&&&&&&&&&&&&&&&&&&


7:45 الصباح
في المستشفى ..غرفة زوج مزيان..
لندن

خوله تهمس: مزيان.. مزيان حبيبتي
مزيان تصحى من النوم: خوله؟!!!!
خوله تحضنها: يا روح خوله
مزيان تبكي: وينك يا خوله.. وينك تلحقي علي
خوله تمسح دموعها: اذكري الله.. قولي الحمدلله
مزيان: الحمدلله
خوله: قومي غسلي جايبه فطور
مزيان: والله ما اشتهي
خوله: مزيان وجهك اصفر من قل الاكل.. تحسبي حسن مايشوف وجهك ويوجعه قلبه عليكي بزياده.. قومي يا اختي.. قوي من نفسك وقويه معاك.. حسن الي فيه ماهو شوي
مزيان تقوم: جايه لحالك؟
خوله: عبدالرزاق برا.. وجراح جاي بالطريق
مزيان تمشي: طيب قولي له يدخل
خوله تفتح الباب: حياك يا بوسالم
عبدالرزاق يدخل: وينها
خوله: دخلت تغسل.. جراح وين؟
عبدالرزاق: مع الدكتور شوي ويجي
خوله: وجهها يوجع القلب
عبدالرزاق: الحمدلله كله اجر يا ام سالم
خوله: الحمدلله
حراج يدخل: السلام عليكم
عبدالرزاق: هلا
جراح: وينها
خوله: دخلت تغسل
جراح: الله يخليك يا خوله مالي غير الله ثم انتي.. خليكي معاها واكليها زين
خوله: اتركها على الله ثم علي.. وان شا الله خير
عبدالرزاق: اش الاخبار عندك
جراح: طمني على عبدالرحمن الاول
عبدالرزاق: كلمته وهو في البيت الحين.. وكل شي بخير
جراح: الحمدلله.. عوض اعدموه اليوم الفجر
عبدالرزاق: يعني اتصل في لافي الان
جراح: لا استنى.. عملت كذا اتصال عشان تبث القضيه على التلفزيون اليوم باليل.. قول لي.. كلمت لافي وقلت له انك بلندن حتى تشوف حسن؟
عبدالرزاق: اي كلمته وانا في البحرين وقلت له اني جاي اشوف حسن
جراح: حلو.. كل شي جاهز الان.. انتظر مني اتصال عشان تبلغ الزفت لافي
عبدالرزاق: اتفقت مع المستشفى الي بتنقلني لها
جراح: كل شي جاهز ولا تخاف.. وان شا الله مابيكشفنا
خوله: اشوفك عاد روحك معانا في الموضوع.. لا تصدق حالك بس
جراح: ههههههههههههههه ليش انتي ما تعرفين اني عضو جديد بهالمافيا
عبدالرزاق: هههههههههههههههه والله انها احلى مافيا يا جراح
جراح: القلب الواحد هذي الي صعب انك تجمعه.. مستغرب كيف عرفت هالمجموعه
خوله: هذي حبيبة قلبي.............
عبدالرزاق ينبهها: ام سالم كيف حالج
خوله تنتبه: الله يسلمك.. كنت اقول هذي صاحبتي معرفتني على اخوها والي معاه
جراح انتبه للي صار: ايوا الله يخليها لك
خوله: يوووووووه تلعب على مين انت يا عبدالرزاق.. جراح ماينلعب عليه
عبدالرزاق: هههههههههههههه لسانك يا ام سالم
خوله: ماعليك انت.. جراح منا وفينا
جراح يبتسم: الله يخليكي.. ماقلتي لي مين صاحبتك هذي
خوله بحده: وانت اش دخلك.. غلطنا قدامك واعترفنا خلاص لا تسأل عن الباقي
جراح: هههههههههههههههههه بس انا عارف هي مين
خوله تفتح عينها: مين؟!!
جراح: هذي الي عشقها عبدالرحمن
خوله تداري: هي هي هي هي لا ياذكي وحده غيرها
جراح: هههههههههههههه عبدالرزاق ايش اخبارك
عبدالرزاق: ههههههههههههههه انت متفق معاي انك ما تسأل
جراح: لا تخاف.. عند كلمتي
مزيان: وصلت ياخوي؟
جراح: وصلت يا عيوني.. كيفك اليوم
مزيان بحزن: بخير الحمدلله.. حسن كل يوم يتعب اكثر
جراح: مزيان انت عارفه وضع حسن كويس.. وعارفه انه تحت الله
مزيان: الله كريم
خوله تحضنها: حلوه عطايا الرحمن صح
مزيان: صح
عبدالرزاق: قولي اللهم آجرني في مصيبتي.. واخلف عليا خيرا منها

&&&&&&&&&&&&&&&&&&

8:20 الصباح
فيلا منصور ..المطبخ..
البحرين

حنان: صحيت ماما
راكان بضيق: يما اذبح روحي يعني اش تبين اسوي بروحي عشان ما تكلميني جذي
لبنى: اش قالت غلط
راكان: محسبتني طفل.. كلمة ماما ماتطيع من لسانها
خالد: اقول تدلع قبل مايجون عيالك ويا خذون الدلع كله
راكان: خل يجون بس ترحمني
حنان تمسكه من شعره: بعد اموت فيك يا عيون ماما انت
منصور: يا صباح الدلع
لبنى: وياريت عاجب بعد
راكان: لا ياخالتي بس انا كبرت.. والرجال ماينقال له جذي
منصور: من معلمك هالشي.. يا يبا الرجال مايلاقي الدلال غير بيد امه وزوجته
راكان: مابيه تركته لكم.. طيب خلوني انتفق معاكم خلها تدلعني وتسوي الي تبيه بس لاتقول لي ماما
حنان: طيب.. ماراح اقول ماما بقول حبيبتي
خالد: زين توسي فيك.. اذا ما اعجبتك ماما.. بتقلبك بنت زين جذي
راكان: شوي بتقول تعالي حبيبتي بغير لج الحفاظ
منصور: هههههههههههههههههه
خالد يشرق:....................
لبنى بخوف: بسم الله الرحمن الرحيم.. خالد
حنان تعطيه ماي: اشرب بشويش.. خالد بسم الله عليك
منصور: هههههههههههههههههههه راكان قوم اطلع برا.. زين الي سويته في خالك
خالد يتنفس: الله يقطع شرك.. هذي كلام تقوله
راكان: انت بخير؟
خالد: الحمدلله
راكان يقلد لبنى: اقول بسم الله عليك يا خالد
لبنى تنتبه: وين سمر
راكان يضحك: صحت بس ما انزلت
حنان تشد شعره: الحين تنزل
خالد يناظر لبنى: حنان ابي شاي
حنان تصب له: تفضل حبيبي
منصور منتبه لخالد: مبسوط يبا
خالد ينتبه لنفسه: الحمدلله دام الكل بخير ليش ما اكون مبسوط
سمر: صباح الخير يا حلوين
منصور يبوسها: احلى صباح على اميرتي
سمر تجلس جنب لبنى: اذا انا اميرتك.. عيال خالي اش يطلعون
منصور يناظر خالد: بيصيرون روحي.. اتمنى ان الله يطول عمري لحد ما اشوفهم
خالد يبتسم: قريب يبا
حنان مصدومه: شنو الي قريب!!!
خالد: زواجي ابوي ماقالج اني بخطب
حنان بغضب: لا ماحد قال لي
خالد: اهدي اهدي.. كأنج ماتبين لي الخير
حنان: ماقصدت هالشي.. بس من غير ما اعرف
خالد: هذا انا قلت لج
حنان بزعل: يبا اصب لك شاي
منصور: هههههههههههههه صبي يبا
خالد: خليني اقول لج عنها
حنان بحده: لا تقولي ولا ابي اسمع الله يخليك اكل وانت ساكت
خالد: ول انا اخوج
حنان زعلانه: ..............................
خالد: شفتي لبنى.. حنان ازعلت علي.. ماعندي غيرج يخطب لي
لبنى تبلع غصه: من عيوني.. اشر انت وتلقاني عندها اخطبها لك
خالد: اذا اسألتج امها عني اش بتردين عليها
لبنى تسرح: .......................
سمر تبتسم: خالتي لبنى
لبنى تنتبه: نعم حبيبتي
سمر بخبث: مارديتي على سؤال خالي
حنان بحده: بس يا بنت
راكان: يما ما قالت شي سمر.. ليش عصبتي عليها جذي
حنان بحده: بس انت بعد.. لبنى خلينا نروح نستعد للحريم زمانهم جايين
منصور: امج وين؟
حنان تقوم: مع جارتها بالمجلس
منصور: قعدي ابي اكلم لبنى شوي
حنان بحده: يلا ياعيال قومي خلونا بروحنا
خالد: خليهم يكملو اكلهم
حنان بحده: بعدين يلا يا عيال
منصور: لبنى يبا انا عارف الكلام الي بقوله صعب هاليومين بس ضروري ينقال.. ناصر ترك وصيه لج مع المحامي مفادها انه نص ثروته تكون لج والباقي لي.. ووصى انج تكوني تحت عيني
لبنى تمسح دموعها: ...................
خالد: لبنى ابوي تنازل لج عن نصيبه في ورثة عمي بس عنده طلب
لبنى: من غير ما يطلب.. له الي يبيه ان شا الله يطلب عمري
منصور: ناصر سبق واشترى بيت قديم للوالد الله يرحمه.. ابوي باعه لناصر.. عشان تجارة ناصر.. انا ودي اني امتلك هالبيت
لبنى: ملكك يا عمي
منصور: ماتبين تعرفين البيت اش فيه
لبنى: ان شا الله كنوز الدنيا كلها.. حلال عليك.. منت برخيص عندي حتى اغليه عليك
منصور يحضنها: ليت الي في بالي يصير يا يبا.. لو اعرف هالضيق الي انتي فيه شنو سببه وليش ابتعدتي عنا طول هالسنين
لبنى تمسح دموعها: لا ضيق ولاشي.. هذي نصيب.. الدنيا جذي.. ماتعرف الخير وين
منصور يحضنها: خالد بيخلص لج الاوراق وبيسلمج ياهم
لبنى: يسلمهم لك وبعيدن آخذهم منك
خالد: من الواضح ان مشكلتها مع خالد.. خالد الي مايعرف اش مسوي فيها وخلاها تكرهه جذي
لبنى تبتسم: كل الخير.. انت ولد عمي واخوي.. ومالي غيركم في الدنيا
خالد يقوم: جهزي روحج يومين وبمرج مع حنان نروح المحكمه نخلص اوراق الورثه
حنان: معلش لا تزعلين منه.. انتي تعرفينه
لبنى بحزن: عادي ماصار شي.. المهم انه بيتزوج
منصور: وليش تقولينها بضيق
لبنى: بالعكس.. ماتتخيل سعادتي لا تنسى اني بخطب له

&&&&&&&&&&&&&&&&&&&

6:00 المغرب
في الفندق ..وحده من الغرف..
لندن

عبدالرزاق على التلفون: لااااااااااااااااااااافي الحق علي الحق علي
لافي بخوف: خير ايش صاير
عبدالرزاق: راحت الفلوس يالافي راحت الفلوس
لافي: هههههههههههههههه أي فلوس يا عبدالرزاق الاوراق الي عندنا سليمه.. ايش فيك انجنيت انت
عبدالرزاق: الاوراق الي عندي ماتسوى ريال يالافي
لافي: ههههههههههههههههه يا خوي طول البال.. هدي اعصابك باين انك صاحي من النوم
عبدالرزاق: عوض احكمو عليه بالاعدام واليوم الصبح تنفذ الحكم.. المحامي اختفي سحب الرصيد وماهو بالكويت.. دورت بالبنك عن حساب عوض قالو انه انسحب كله
لافي يفز من مكانه: ايش تقول!!!!
عبدالرزاق: خبر اعدام عوض في التلفزيون.. انت وين.. افتح التلفزيون وشوف.. الحق علي احس اني بموت.. فلوسي راحت فلوسي ضاعت
لافي بكل غضب: اسم المحامي عندي وانا بطلعه من تحت الارض
عبدالرزاق ينهار: انا دقيت على جراح وهو يدور عليه الان الحق علي ياخوي الحق علي
لافي: عبدالرزاق عبدالرزاق.. رد علي



- يا تراانجحت الخطه مع لافي!!!!!
- لبنى بتروح تخطب لخالد؟!!!!
- ايش مخبي الزمن للبنى
- يا ترا المجموعه بتعرف ناصر كيف مات؟!!!

السلام عليكم ورحمة الله وبركاته


على الوعد .... ان شاء الله يوم الاربعاء ............

مع تمنياتي لكم بقراءة ممتعة ............

ادعو لي بالتوفيق وتسهيل اموري في اختبار اليوم ....................

أستمتعت جدا دانه بالبارت....
وفقك الله ورعاك
أجدتي توصيل مشاعر الحزن التي جمعت بين
حنان ولبني وليال,,,,ربما أكون أندهشت في البدايه بتقربها الشديد من لبني ...
ولكني تقبلت الأمر لأن الأحزان تستطيع أن تولف بين القلوب الحزينه...ولا يشعر بالألم الأ القلب المجروح والمكلوم
وأخيرا فلت عبد الرحمن من بين براثن لافي
وخرج علي خير قبل ما تاكله الغوله عبير
وترميه عضم....أأقصد بعد ما تفلسه
صحيح الطمع لا يغني ولا يشبع أبدا
ولكن هل فلت حقا ...أم أن أنتقام لافي سيكون مريع...أذا عرف بالحقيقه...وهل مازال مخططا لقتل عبد الرحمن....
لم أري أبدا في حياتي أنسان بهذه الخسه والنداله....يقتل حفيده بيده ...ابن نوف...أنتقاما منها ومن صلاح...
الا يعرف هذا الرجل خشيه الله,,,وكيف ينام بالليل...لا أدري
لا بد أن يكون أنتقام الله منه مريعا
وقاسيا كي يكون عبره لمن هو مثله...
وأقترف كل هذه الموبقات,,والفواحش
ليال وبدايه مجموعه رائعه من الأصدقاء
فهل سيصبحون شركاء لها أيضا...
لكل منهم مأساته وسره الغامض...
وموت الحاج ناصر الدلال...هل له علاقه
بزوج أبنته...أم أن ما خفي كان أعظم

بارت رائع جدا ومميز....
شكرا ايمو علي انتظامك بالتنزيل
الذي جعل متعتنا تزيد يوما بعد أخر بأنتظار البارتات
ننتظر القادم منذ الأن بشوق شديد
تحياتي

الجزء التاسع عشر

8:30 الليل
في سيارة احمد
البحرين

احمد على التلفون: انت يالقاطع
عبدالعزيز بكل جديه: والله عيب.. احمد تراني اكبر منك احترمني يا اخي
احمد: لايكون قايل شي غلط وانا ما ادري
عبدالعزيز: يا اخي سلم الاول وبعدين قول الي تبي تقوله
احمد: السلام عليكم
عبدالعزيز يبتسم: وعليكم السلام هلا بالغالي
احمد: ههههههههههه وحشتني قلت اسأل عنك
عبدالعزيز: سألت عنك العافيه.. عبدالرزاق وصل بالسلامه؟
احمد: أي واتصلت عشان اطمنك
عبدالعزيز: الحمدلله
احمد: عبدعزيز انا طالبك
عبدالعزيز: رقبتي لك
احمد: انا في مشكله كبيره مع وحده من الحريم الي معاي
عبدالعزيز: اعوذو بالله اش صاير
احمد: وحده من اهلي متزوجه واحد سكير.. ابوها متوفي من ثلاث ايام.. وزوجها الي ذبحه.. وهي ما تعرف
عبدالعزيز مصدوم: لاحول ولاقوة الا بالله
احمد: ابي ابعدها عن المكان هاليومين لحد مانلقى زوجها
عبدالعزيز: رقبتي لك آمرني
احمد: انا باخذ الحريم والشباب على وحده من الشاليهات.. وابي الكل معاي.. تبي الصراحه انا ما اعرف زوجها.. ولا اقدر اتنبأ شنو تكون حركته معاها.. وانت عارف الحريم والعيال عددهم كبير.. ومحتاج عدد الرجال يكون اكبر
عبدالعزيز: متى بتتحرك
احمد: بعد نص ساعه
عبدالعزيز: خمس دقايق واكون جاهز

&&&&&&&&&&&&&&&&&&

8:35 اليل
فيلا منصور ..غرفة لبنى..
البحرين

لبنى: الحين!!!
ليال: ايوا وليه نستنى لبكره
لبنى: وليش مستعجلين
ليال: عشان العيال ينبسطو
لبنى بشك: ماني مصدقه
حنان: تبين كف صح.. محنا متفقين اننا نروح
لبنى: اي بكره
لمى: وفيه فرق بين بكره واليوم
لبنى: لا.. بس اكيد صاير شي
لمى: ماصاير شي يا قلبي
ليال: حنان اخذي لمى وطلعو شوي ابي اكلمها
حنان تطلع: لبنى انا في غرفتي بجهز اغراضي
ليال بعد ما اطلعو: اسمعي كويس.. سبق وقلت لك انه كل وحده فينا في داخلها هم كبير.. والعجله هالمره عشان لمى.. في موضوع يخصها وحنا نبي نبعدها
لبنى متشككه: تحلفين
ليال: والله العضيم ما اكذب.. نروح ونجلس مع بعض وبقولك على قصتها.. يلا قومي لا تضيعي وقت.. كل ما تأخرنا كلما زاد الخوف عليها
لبنى تقوم: يلا

&&&&&&&&&&&&&&&&&&

8:45 الليل
في المستشفى ..غرفة نوف..
السعوديه

نوف: يعني خلاص دفعتو الفلوس
ناصر: ايوا خلاص ومن بكره منتقلين
نوف منزله راسها: ناصر
ناصر يقرب منها: ياروحي
نوف: ماما مادقت تسأل عني؟
ناصر يتهرب: دامنا مع بعض ماهم مهمين
نوف: تصدق من تزوجت ماسمعت صوتها
ناصر: ماهو ضروري
نوف: حنا محنا عيالهم؟
ناصر: والله ماني عارف
نوف: ادق عليها وما ترد علي.. ارجع ادق على عبير وتقولي انها مشغوله.. على طول مشغوله
ناصر يحضنها: والله يا اختي ماني عارف العيب منهم ولا منا.. اقول لك.. اتركيها على الله
صلاح يدخل: وانا كلما غبت عنكم لقيتها بحضنك
ناصر: اه اسف نسيت اخذ الاذن منك
صلاح: اعتقد انو هذا المفروض ياغبي
ناصر: يكون بعلمك اننا بنسكن في بيت واحد وهالمنظر بتشوفه يتكرر كثير يا حمار
نوف بحده: وبعدين معاك انت وياه كيف تكلمو بعض كذا!!!!
صلاح بدلع: شفتيه هو الي غلط
ناصر يقلده: والله ماهو انا هو الي ابتدي
نوف تبتسم: طيب الي بيجلس هادي وما يتخانق مع اخوه.. بعطيه شي حلو.. والي بيغلط بضربه
صلاح: هههههههههههههههههههه
ناصر يحضنها: والله عسل
صلاح: حبيبتي بكره بنجلس هنا لحد الظهر وبعدين ماشيين على طول للبيت الجديد
نوف بخوف: وسلطان
ناصر: دوري بكره اجلس معاه
صلاح: مقسمين حالنا لحد ما يقوم بالسلامه
ناصر: وينطنط قدامك زي القرود
نوف تضربه: شفت غلطت
صلاح: ههههههههههههه

&&&&&&&&&&&&&&&&&

9:10 اليل
فيلا الجده ..غرفة العنود..
السعوديه

غسان على التلفون: لا نايمه.. خلاص ان شا الله بكره رايحين
صلاح: واهلك لحالهم؟
غسان: خليت حراسه
صلاح: ممتاز.. اتفقت مع حراسه للفيلا الجديده
غسان: تلاقيهم هناك الان
صلاح: ممتاز.. وانت ايش اخبارك
غسان: والله خايف
صلاح: انت دكتور شوف المخدر الي مابيضرها.. ونيمها وبعدين اعمل الي قلت لك عليه
غسان: اخاف تزعل
صلاح: وقت عواطف الان
غسان: خليها اذا رحنا الفيلا الجديده
صلاح: براحتك شوف المناسب لوضعك
غسان: اشوفك بكره مع السلامه
العنود صاحيه: ايش الي خايف منه يزعلني
غسان ينتبه: حبيبتي صاحيه!!
العنود: ايوا.. مارديت علي
غسان: هذا صلاح يقول انتقلو الليله.. قلت له انك نايمه واهلي معاهم حراسه.. قال لي احملك ونروح على البيت الجديد أأمن للكل.. بس انا مارضيت اني احملك وانتي منتي حاسه
العنود تحضنه: .........................
غسان: ايش مضاقك
العنود: اقول لك وماتزعل
غسان بخوف: لاطبعا ما بزعل قولي حبيبتي
العنود: خايفه من بكره
غسان يبتسم: خايفه وانا معك
العنود: ........................
غسان: اوعدك انه الي مخوفك مايكون له أي تأثير بحياتنا.. عنود حبيبتي انا بحياتي ماراح اتخلى عنك.. وبحياتي ماراح تكون لي زوجه غيرك.. العنود.. لو ايش يكون.. لو ايش يكون الي خايفه منه انا عند وعدي.. بس المهم تكوني مرتاحه ومبسوطه
العنود تحضنه وتبكي: ..........................

&&&&&&&&&&&&&&&&&&

9:40 الليل
في سيارة ليال
البحرين

طلعنا من بيت منصور.. والكل كان موجود.. صحيح الجمعه كثرت ونقصها وجود خوله وعبدالرزاق.. بس مبسوطه لاني تطمنت من شوي عليها وعلى عبدالرزاق.. وكل شي تمام عندهم.. مشيت وركبت سيارتي.. وخالتي ام لينا وخالتي ام عبداللطيف ولمى معاي.. حنان ولبنى والبنات معاها.. راكان وخالد مع بعض.. احمد ولينا وام احمد وابوه بعد مع بعض.. والشباب الكويتي ومعاهم واحد مانتبهت له مين مع بعض.. افتقدت ريما وديما معاي.. وحسدت حنان لانهم معاها.. اكيد الان ضحك ووناسه.. ياربي تدومها علينا فرح.. الطريق كان طويل شويه.. وظهري بدا يغني تعب هو بعد.. اخيرا وصلنا.. نزلت من السياره كنت محتاجه اني انام.. حاسه بتعب عجيب.. بس انا ودي اسهر.. ودي اسهر معاهم اكيد الجلسه بتحلى بعد شوي.. طيب على الاقل اريح ساعه وارجع اجلس معهم.. مشيت وسمعت ريما تنادي
ريما: خالتي لياااااااااال
ليال تبتسم: ماينادوني باسمي
ريما تضحك: نسيت روحي
ليال: ههههههههه قولي ياروحي
ريما: بنام معاج الليله
ليال: احلى خبر.. اقول يا بختي ريما بتنام بحضني
ريما: احبببببببببببببببببببببببج
ههههههههههههههههه تجنن بحلاوتها وعفويتها.. احبها من قلبي.. رفعت راسي وغصب علي التقت عيني بعينه.. ماصدقت روحي.. كنت في داخلي مبسوطه اني اشوفه.. من غير لا احس
ليال بلهفه: عزييييز
عبدالعزيز باحراج: انا اسف كنت.........
ليال تبتعد عن طريقه: عادي يا خوي خذ راحتك.. ابي اشكرك على هذيك المره
عبدالعزيز: اش صار!!!
ليال: وقت الي كنت بالسياره لحالي ومحد واقف معاي غيرك
عبدالعزيز منزل راسه: واجبي اختي.. اسمحي لي
شفت ابتسامته وقت الي قلت عزيز.. من الرحله البحريه ماشفته.. اهتمامي به ماكان لشي شين.. احسه زي باقي الشباب اخ وبس.. وبعيد عن كل المشاعر الي تحسها الحرمه ناحية أي رجال.. عزيز رجولته غير.. رجال بكل شي.. بخوفه واحترامه وادبه واخلاقه.. الله يسخر له الخير ويبعد عنه الحزن الي عايش جواه.. حسيت بالشباب الكويتي وراي.. وطبعا انا امشي على مهل.. في الفتره الاخيره صارت علاقتي فيهم قويه بعد موضوع لافي.. و ماراح احط أي حواجز بيني وبينهم.. وعشان انفذ الي براسي لازم اكسر الحواجز بشرط انه تظل هيبتي بقلوبهم
ليال: على فكره انتظر اسمعكم تضحكون
عبداللطيف بقهر: اقول شوفي طريقج ترا الاغراض الي بيدي ثقيله
وليد: يا حلزونه هانم اسرعي
منير: آآآآه قلبي.. يا سلحفاه هانم الاغراض ثقيله
عبدالعزيز يطلع وبحده: يا شباب شالي تقولونه
ليال: خليهم خليهم.. بكره بوريك اش اقدر اسوي فيهم
وليد: سوي الي تبينه بس اسرعي
عبدالعزيز بكل شهامه: جيب الي بيدك.. وارحمها من لسانك
عبداللطيف: حلو وليد ساعد منير.. عبال عمتي ما توصل لداخل
احمد وراهم: اقول اشارة المرور افتحوها ولا ليلحين
عبداللطيف: ههههههههههههههههههه
عبدالعزيز بحده: بس انت بعد
ليال توقف بعناد: عبدالعزيز الساعه كم معاك
منير: لااااااااااااااا ماهو وقت عناد.. ليال الله يخليج يدي
ام عبداللطيف: ليال يما بشويش وانتي تمشين لا تتعبين روحج بالسرعه
وليد بحده: اسمع هذي اش تقول والله بيذبحوني هالحريم
عبداللطيف بحده: تأدب لا تقول هذي لامي
حنان: ليال يلا عاد ولا تتدلعين
عبدالعزيز منزل راسه: بشويش اختي
ليال: اقول للعذال تراني لقيت الي يحامي لي
احمد: أي والله والنعم.. بس الله يخليج التفتي شوفي الطابور الي وراج
هههههههههههههههههههههههه التفت من جد جلست اضحك ضحك.. طابور من جد يمشي ببطأ على مشيي.. كنت اضحك من قلبي عليهم.. مشو وراي غصب عنهم.. لان الطريق اساسا من مواقف السيارت الي الشاليه شبه جسر ارضي.. يعني حركه فيصل مسويها بالشاليه.. ووصلت اخيرا لداخل رميت نفسي على وحده من الكراسي.. وهم صارو مثل جيش النمل الي لقا قطعت الحلا.. صارو صراخ وتريقه علي.. والمجرم وليد يقلد مشيتي وحركتي.. معلش الثقل الي داخلي ماهو فيه.. ايش ادعي عليه بس
خالد: احمد
احمد: خير
خالد: فيصل بيجي؟
احمد: أي اكيد هذي الشاليه له
منير: والله الشاليه شغل عدل.. صاله وسيعه وغرف كثيره
احمد: فيصل يحب الجمعه.. والشاليه ماينفتح الا اذا معاه مجموعه تسوى
وليد: عشان جذي مليان غرف
احمد: أي
ام لينا تطلع من المطبخ: احمد يما
احمد: خير يما
ام لينا: متى جبت هالاغراض هذي كلها
احمد: هههههههههههههه يما هذي اغراض فيصل بس عادي تقدرين تستخدمينها
لمى: انا حاسه انه فيه حلوين جعانين
عبداللطيف دخل بالسالفه: أي والله من قال لك
لمى: ياشينك
ليال تتريق: ما ادري اضحك عليك ولا اتريق.. استنى خليني افكر شوي
عبداللطيف بقهر: جذي لمى
لمى تضحك: جذاك
حنان: طيب احنا من شوي متعشين
عبداللطيف بحده: انتو متعشين احنا لا
خالد: طيب يا عمي اكلتنا الحين نقوم نجهز لك العشا
عبداللطيف ينحرج: لا ياخوي انت بنفسك بتسويه
حنان: اقول لا تصدق روحك تراه مايعرف يغلي ماي للشاي
الكل اخذ على بعض.. سوالف وضحك وتريقه.. طبعا جهز العشا.. وطبعا الكل اكل وانا اولهم.. على ما اذكر هذي ثالث مره اتعشى فيها.. صرت وقتها ما اقدر اشوف اصابع رجولي وانا واقفه.. يلا هانت مابقى شي وعيالي يجون بالسلامه.. ياربي يجون بالسلامه.. يارب
احمد: وين سرحتي
خالد: وين بعد الحريم اش عندهم يسرحون فيه.. يالطباخ يالبيت يا رجال البيت
لمى: تخسر ياخوي.. ماعرفت الي تكلمها..هذي ليال
فيصل يدخل مبتسم: السلام عليكم
خالد: هلااااااااااااااا والله
فيصل بفرح: بالمهلي.. تعشيتو
ام عبداللطيف: فيه عشا لك يما
فيصل يأشر على احمد: من هذي
عبداللطيف: هذي امي.. عرفت انك بتجي وقالت اكيد بتجي جعان
فيصل: فيها الخير والله
حنان: لينا ..البنات وين
لينا: دخلو الغرفه والله شكلهم نامو
راكان: لا.. مكلم سمر من شوي مانامو
حنان: بروح اشوفهم
فيصل: احمد يقول فيه واحد منكم صوته حلو
وليد يقوم: انا نسيت اكلم جدتي
منير يقوم: وانا نسيت اكلم زوجتي
عبداللطيف يقوم: وانا ولدي ضايع بروح ادوره
عبدالعزيز: ههههههههههههههههههههههه
فيصل: ول عليكم ياكلمه ردي مكانج.. تعالو زين
وليد: والله يا خوي اذا انك جاي تسهر.. بتلاقي خالد واحمد عليهم السهره الليله.. حنا يا بابا رايحين ننااااااااااااام
فيصل: طيب فيه اخ مهذب ماتبون تاخذونه معاكم
وليد: من عبدالعزيز.. يا خوي اسمعها نصيحه مني.. عبدالعزيز ذي واحد رايق يحب الضحك والوناسه.. اعطيه العود خليه يدندن لك.. انصحك تكون علاقتك فيه قويه
عبدالعزيز: شكلي العود بلبسك ياه قبل لا تنام
فيصل: ول هذا طلع من عالم الاجرام.. لا يبا تعال خذه معاك مابيه
احمد: ههههههههههههههههههه
خالد: ابوك وين؟
احمد: دخل غرفته ونام
عبدالعزيز: ماتعرفنا عليه
احمد: ابوي معاه القلب.. المسكين ياخذ دواه وعلى فراشه
عبدالعزيز: الله يخليه لك
احمد: من تدور.. اش فيك
خالد: الحريم اختوفو.. وبنت العم ما اشوفها
فيصل: هذي وانتو جاين حراسه.. اقول مالت عليكم
عبدالعزيز: ادخلو المطبخ عيني عليهم
خالد يفز: يمكن له باب ثاني
عبدالعزيز: لا تخاف مافيه.. شيكت الشاليه
احمد: وانا بعد اقعد لا تنتبه عليك
لينا تطلع من المطبخ: احمد نبي نقعد على البحر شوي
خالد بحده: طبعا لا
فيصل: يا خالد ماهو جذي عاد.. روحي يبا عيوننا عليكم
عبدالعزيز: اسمحي لي اختي.. الحرمه السعوديه شكلها تعبان واذا شافتكم مطولين بالسهره بتجبر روحها على القعده معاكم
فيصل: اختي كلامه صح.. قولي لهم الرجال مارضو واصعدو فوق ارتاحو.. وأجلو الطلعه لبكره
احمد: لينا.. الكل تعبان.. ارتاحو.. وبكره الي تبونه يصير
لينا: ان شا الله
فيصل: خالد.. بنت عمك عليها الخوف كلنا عارفين هالشي.. بس ماجبناها هنا حتى تحبسها
احمد: وبعدين غير من تصرفاتك يا اخي.. تراك جاف
خالد: من خوفي
فيصل: خوفك يكره الحرمه فيك
عبدالعزيز بحده: الي اعرفه انها متزوجه.. يعني شنو يكرها فيه
احمد: يا خوي.. الموضوع ان خالد روحه في بنت عمه.. والبنت تزوجت غيره وهو رافض انه يتزوج غيرها.. والرجال الي تزوجته هو الي ذبح ابوها.. الشرطه قالت انها سكته قلبيه حتى يقدرون يمسكون بدر
فيصل: والقرير الشرعي اش يقول
احمد: تقرير الطبيب الشرعي يقول انه تعرض لضربه عند القلب سببت له هالازمه.. الحين العاشق الولهان خايف عليها من نسمة الهوا
عبدالعزيز: وهي ماتعرف انك تبيها من زمان
فيصل: تعرف بس الظاهر انها رفضته عشان اسلوبه الحلو الي انت تشوفه
خالد: انا ما اشوف روحي قاسي
فيصل: منت قاسي.. بس الحريم مايحبون احد يعاملهم جذي
عبدالعزيز: الحب مايجي بالشده.. خلك لين في تعاملك.. اعطي اكثر ماتاخذ
احمد: وبعدين عندك امل يا اخي.. اكيد مابترضى تعيش مع قاتل ابوها.. واذا تطلقت بتكون قدامك فرصه
فيصل: صح.. عاد انت اشتغل على روحك من الحين
احمد: وبعدين وجهها يوجع القلب يا اخي.. وانت جاف معاها.. من وصلت هنا وما انطقت ابد.. ساكته واي شي انت تقوله تشوفك بإهتمام
خالد: لاني مزعلها اليوم
فيصل: اش هببت!!!!!!
خالد: قلت قدامها اني بخطب وابيها تخطب لي
عبدالعزيز يقوم: مالت عليك.. محسبك رجال
خالد يفز له ويمسكه من ياقته: رجال غصب عليك
عبدالعزيز يبعده بقوته: تصرفك تصرف عيال.. مافي رجال يقول الي يقوله للحرمه الي يحبها
فيصل يمسك خالد: تعوذو من ابليس.. خالد اش جاك
احمد: لا تزعل ياخالد فكر فيها.. بتلاقي روحك غلطان.. تشوفها قاصره هم ووجع قلب.. ارحم حالها.. فكر اش بتكون ردة فعلها اذا عرفت عن ابوها
خالد يتركهم ويطلع: عقلي ضايع من غيرها
فيصل: لاحول ولا قوة الا بالله
عبدالعزيز بقهر: غبي

&&&&&&&&&&&&&&&&
يتبع