كاتب الموضوع :
دانة الحمادي
المنتدى :
الارشيف
الجزء الثامن عشر
5:30 الصباح
فيلا لافي ..غرفة عبير..
لندن
لافي يفتح الباب: عبير صاحيه
عبير بضيق: صاحيه ما ابي اتكلم معاك
لافي يدني منها: وليه عاد ماتبين تكلمي بابا
عبير: لا ما ابي اتكلم معاك.. واذا زودتها تراني برمي نفسي من الشباك حتى اموت وارتاح
لافي: تبين تموتي يعني
عبير: ايوا
لافي يستخف دمه: موت موت تطلع روحك يعني
عبير تناظره: قلت ايوا
لافي يستخف دمه اكثر: طيب براحتك ما اقدر امنعك عن شي انتي تبينه.. بس لاتعمليها في بيتي.. تراني بتحول لتحقيق.. ترضي على ابوك وامك يتبهدلو لانك تبين تموتي
عبير بضيق: اتركني لحالي
لافي يجلس جنبها: وليه عاد.. ليه حبيبي زعلان مني كذا
عبير بحده: والله اني بزعق بأعلى مافي صوتي.. ابتعد عني ماني طايقه روحي
لافي يسحبها له: واذا اخذتك بحضني
عبير تقوم عنه: ما ابي ما ابي.. ارحمني.. ابي اتطلق منه.. ماني طايقته
لافي: هههههههههههههههه
عبير: انا نازله تحت.. صدقني اذا ما خلصت منه بنتحر
لافي: ول عبورتي حبيبتي.. تبي تنتحر عشان عبدالرحمن زوجها
عبير: بابا ماني فاهمتك.. ماني فاهمه انت ليه زوجتني له.. بابا انا في ضيق.. فيني اكتآب بابا.. اكرهه واكره ضحكته واسنانه حتى عطره يقلب كبدي.. بابا انا نفسي برجال حلو وسيم احب الدنيا اذا شفته.. هذا يقلب الكبد.. اكره روحي اذا شفتني جنبه او بحضنه.. ابي روحي تطلع
لافي: تبين واحد حلو تتزوجيه وتحبي الدنيا اذا شفتيه؟.. وانا
عبير: ومحسبني بتركك.. انت حبيبي
لافي: وزوجك الوسيم
عبير: آآآآآه بابا ليتك تفهمني
لافي: فاهمك.. وعشان بنتي حبيبتي تحبني بتسمع كلامي لحد النهايه
عبير: آآآآآه ياقلبي.. اذا فيها خلاصي من عبدالرحمن بسمع غير كذا لا
لافي: فيه خلاصك منه وموته
عبير بفرح: من جد الي تقوله موته موته
لافي: ايوا مجهز له موته على كيفك
عبير: وليه كل هذا.. يطلقني وارتاح منه
لافي: لا يا قلبي.. انا داخل مع اخوه بصفقه كبيره.. اذا اخوه لعب معاي فيها بذبح عبدالرحمن.. اما اذا كان رجال عاقل.. بيكون لي حكي ثاني.. بس المهم ايش عملتي بالي قلت لك اعمليه
عبير: اليوم اخذته على سوق المجوهرات اخذت طقم من المحل الي قلت لي عليه
لافي: طقم واحد بس.. انا قايل لصاحب المحل يجهز سبعه وتاخذي خمسه
عبير: مارضى.. قال لي ما معي سيوله.. ناخذ واحد ونرجع بعدين آخذلك الي تبين
لافي: البخيل.. الا عقله معه.. الموضوع ماهو محتاج لسيوله
عبير: لا يا حبيبي عقله ماهو معه انا دوخته.. بس الظاهر انه ما معه سيوله
لافي: تعرفي انه يمتلك مدرسه خاصه تدخل عليه ذهب كل شهر
عبير: هالخايس بوعطر خايس.. عنده مدرسه خاصه
لافي: ايوا.. ووقت الي قلت له ايش تملك.. ما جاب لي سيرتها
عبير: يعني قال لك على الي يملكه كله
لافي: لا خبى علي الاشيا المهمه
عبير: مثل ايش
لافي: ماعليكي الان.. قولي لي.. كيف يعني دوختيه
عبير تبتسم: وانت مالك هذا زوجي
لافي يمسكها من ذراعها بقوه: ايش هالاسلوب
عبير: اسلوبي الجديد.. واذا ما عجبك طلقني منه وانا ارجع عبير القديمه
&&&&&&&&&&&&&&&&&&&&
8:35 الصباح
شقة ليال ..الصاله..
البحرين
ليال على التلفون: هو قال لك هالكلام
سوسن: لا قال لعبدالله حتى اذا اتصلتي علي اقول لك
ليال: عبير بنت؟!!!!
سوسن: تصوري.. راح على لندن في اقل من يومين.. ورجع وهذا الي قاله
ليال: كل شي جايز
سوسن: كلمتي صلاح؟
ليال: ايوا حبيب قلبي كلمته البارح صوته يوجع القلب
سوسن: ان شا الله.. ربي يعوضهم الخير
ليال: ان شا الله.. الله يرزقهم الخير.. وقولي لنوف تنتبه على حالها مره ثانيه.. الحمدلله الي الله حفظها ومآذت نفسها
سوسن بضيق: الحمدلله.. محتاجه شي
ليال: لا حبيبتي.. محتاجه اسمع صوتك
سوسن: كل يوم اكلمك يا ليال
ليال: هههههههههههههه طماعه ايش اعمل لسا قلبي مشغول عليكم ما ادري ليه
سوسن: الحمدلله كلنا بخير.. لا تقلقي يا قلبي
ليال: سلمي على امي.. مع السلامه
خوله: كل شي تمام؟
ليال: سوسن تقول ايوا.. بس ياختي قلبي مشغول عليهم كثير
خوله: كلمتي امج وابوج؟
ليال: ايوا كلمت صلاح البارح معاهم.. سلطان يقولو انه مع ربعه.. جا زار نوف وطلع.. ياربي الكل يكلمني ومافيه شي.. ليه هالاحساس بس
خوله: تعوذي من ابليس
ليال: اعوذو بالله منه
خوله: اشوف تلبسين.. على وين
ليال: عندي شغله
خوله: بجي معاج
ليال: خوله اذا تدلعت عليكي ماتزعلي علي
خوله: لا طبعا تبين تطلعي بروحج
ليال بدلع: ايوا
خوله: انادي صوفيا تروح معاكي
ليال: لا ما بحتاجها.. اساسا انا رايحه للبنك.. بسحب فلوس وبسأل عن كذا شغله وانا جايه
خوله: طيب ياروحي لا تتأخرين
&&&&&&&&&&&&&&&&&&&&&&
9:30 الصباح
في المستشفى ..غرفة لبنى..
البحرين
لبنى: حنان..ماقلتي لقو ابوي.. خالد وينه تأخر كثير
حنان بخوف: والله يا اختي ماادري قاعده اتصل عليه ومايرد.. يمكن جايين في الطريق.. خالد قال بيمر على احمد عشان يخلص معاه اجراءات القسم
لبنى: مين احمد؟!!
حنان: احمد محامي.. خالد متعرف عليه من كم يوم.. بس صارو اصدقاء بسرعه
لبنى: اتصلي على احمد.. ابي اكلم ابوي
حنان: ماعندي رقمه يا لبنى.. خلينا ننتظر شوي
خالد يدخل: السلام عليكم
لبنى تقوم من فراشها: جبته معاك وينه
حنان: وينه
خالد: ....................
لبنى تنادي: يبا وينك يبا انا هنا تعال حبيبي مافي احد معاي
خالد يمسكها: لبنى اسمعيني زين
لبنى افهمت: لا ما ابي اسمع ما ابي اسمع قوله يدخل
خالد يمسكها بقوه: لا تنهارين انتي تبين تشوفينه صح.. على الاقل اكسبي الوقت عشان تشوفينه مافي وقت
لبنى بكل قوتها: لاااااااااااااااااااااااااااا.. قول له يدخل انا انتظره خالد عشاني قول له يدخل
حنان: ماني فاهمه اش صار
خالد: لقوه في سيارته عند البحر.. ازمه قلبيه وتوقف القلب
لبنى تبكي: مستحيييييييييييييييييييييييييل
خالد يهزها: قلتي تبين تشوفينه لبنى حبيبتي.. اذا انهرتي الحين واغمى عليج بتحتاجين اكثر من ثلاث ساعات لين تصحين.. واحنا مانقدر نخليه جذي عشان تشوفينه.. اكرامه سرعة دفنه
لبنى تبكي بوجع: انا ذبحته انا ذبحته.. ليتني عشت بعذابك يا بدر ولا قلت لابوي.. انا ذبحته وذبحت روحي معاه.. من بقى لي غيرك يا نور عيني.. يبااااااااا انطفا نور عيني يا نور عيني.. ليت الموت جاني ولا جاك
خالد يحضنها: حرام النوح على الميت يا لبنى هالي تسوينه مايجوز.. اذكري الله واهدي عشان الله يتقبل دعاج له ويرحمه
يمكن كلمة خالد اثرت فيها وهي بحضنه.. وقفت صراخها بسرعه بس بكاها ينسمع يوجع القلب يحرق العين.. وين قوتها وين شخصيتها كل شي اختفى بهاللحظه.. غريبه هاللحظه.. ساعات اسميها اللحظه الفاصله الي يتثبت فيها المؤمن.. هي بالاساس فاقده الوعي.. روحها ضايعه من زمان.. عقلها في دنيا ثانيا من تزوجت بدر.. وين لبنى.. خالد قواها بقوته.. كلامه لها وعاها صحاها.. كنت في السياره معاهم وهي بحضني كانت ماسكه ملابسي بيدها تعصر المها فيني.. وهو بين ذي كله كان الحزن ماليه.. وصلنا المقبره وانتبهت انه في رجال واحمد معاهم منهم عبداللطيف ووليد ومنير.. تذكرت ابوي.. تذكرت انه ماحد قال له
حنان بخوف: خالد.. ابوي
خالد ينتبه: ما قلت له
&&&&&&&&&&&&&&&&&&&
10:10 الصباح
في محل منصور ..في المكتب..
البحرين
ليال: ايش قلت
منصور: على فكره الاطقم تساوي اكثر من الي طلبتيه
ليال بفرح: ما كذب عمي ناصر وقت قال لي انك تخاف الله
منصور يبتسم: لا تخليني اغير من اخوي عاد
ليال: اياك.. الله يخليكم لي انت وياه
منصور: ايش رايك اخلص لك الي تبينه ونمر عليه المحل
ليال: هههههههههههه والله فكره هو اساسا قايل لي انه شاري لي حلوى
منصور: هههههههههههههههه حبيتي الحلوى البحرينيه
ليال: ماتتخيل المسكين من طلعت من عنده اخر مره وهو كل يوم يشتري يقول يمكن اني امره او احد من طرفي يمره
منصور: الميزه في ناصر.. انه يحب القديم تلاقي الحلوى على طول في مكتبه
ليال: ولا تنسى القهوه
منصور يبتسم: الله على قهوته.. كانت زوجته الله يرحمها هي الي تسويها له.. وكنت ادوخ من اشربها الحين لبنى بنته صارت كل يوم تسويها وتاخذها له على المحل.. البنت طلعت تشبه امها راعيت بيت الله يحفظها
راكان بهلع: يبا
منصور ينتبه له: بسم الله عليك خير يبا ايش فيك
راكان مستغرب: خالتي!!!
ليال: راكان ايش تعمل هنا
راكان: هذا جدي
منصور: خير يبا اش صاير.. خوفتني امك واختك بخير
راكان: بخير يبا بس عمي ناصر
ليال تمسك يده: ايش فيه
راكان: .........................
ليال بحده: انطق
&&&&&&&&&&&&&&&
10:20 الصباح
جنب المقبره
البحرين
كنت واقفه جنب السياره في الوقت الي المفروض اني اكون جنبها.. ابتعدت.. على قوتي وشراستي وعنفي في الدنيا.. الا اني ماقدرت استحمل اشوفه ميت.. عمي ناصر الي حبني مثل بنته وعمره مافرق بيننا.. الحين اشوفه ميت.. من يومين بس كنت عنده كان بخير ومافيه شي.. يضحك ويسولف ويسألني عن العيال وهشام.. عمي ناصر الي عارف بغناي وكم املك واش املك.. معودني كل ماجيته يحط مظروف في يدي بداخله فلوس.. ويقول لي اشتري لج حلاوه يبا.. تذكرت اني مافتحت المظروف رميته بالسياره ونسيت اخذه معاي على البيت.. كنت اصيح من وجع قلبي عليه.. خفت اطلع صوت اكتفيت بدموعي الي من سمعت انه مات ما وقفت.. فاتت ساعه او اكثر.. تأخر راكان قلت له يروح لابوي يقول له.. الله يستر عليه هو بعد يا خوفي لا يصير له شي.. هو روحه في عمي.. الله يرحمك يا عمي.. الله يرحمك.. رجعت كلمة لبنى لاذني.. انطفى نور عيني يا نور عيني.. زادت دموعي.. لقيت خالد طالع ودنا مني
حنان بخوف: ليش تركتها بروحها
خالد: اطلبت تكون بروحها معاه
حنان بخوف: ياربي بروحها معاه يا قلبها
خالد: قوي قلبج انتي بعد اش فيج الحين
حنان: خالد المكان الي احنا فيه ما هو حرام الحريم يدخلون فيه
خالد: هذي اسمه المغيسل.. المكان الي يتغسل ويتكفن الميت.. المقبره هي الي ما يجوز تدخلونها
حنان: خالد ماتبي تقول لبدر
خالد: اقول له عشان يجي وهو سكران.. ونفتضح ساعتها ناصر الشيخ مناسب سكير
حنان: فكر في لبنى يا خالد.. هذي لازم تتطلق منه
خالد: على بالي.. نكمل ايام العزا ويصير خير
حنان: هذي ابوي وصل الله يستر
خالد: قلتي لراكان
حنان: أي
منصور بحده: انا اخر الناس ياكلب
خالد منزله راسه: عمي ما مات في بيته يبا
منصور بخوف: اشلون يعني
خالد: عمي مات في سيارته.. تأخر عن جيته لبيته عبال ما دورناه والشرطه دوروه.. لقوه في سيارته ميت.. ازمه قلبيه وعبال مالحقت عليه في المستشفى الي كان فيها حنان كانت مع لبنى منهاره.. خلصت الاجراءات وجبته على المقبره
منصور دمعت عينه: والبنت وين؟
خالد: كنت معاها داخل بس طلبتني اتركها معاه
منصور: صار لها زمان؟
حنان: أي يبا صار لها زمان
منصور يتركهم ويروح داخل: حسابي معاكم بعدين
راكان: يما
حنان تنتبه: اختك وين
راكان: كانت معاي يما.. بس وقت الي رحت لجدي بالمحل لقيت خالتي ليال
خالد: ليال السعوديه!!!
راكان: أي لما عرفت بانه عمي ناصر مات.. احسها انجنت
خالد: اشلون يعني!!!
راكان: تعرف عمي ناصر زين
حنان: واختك وين الحين
راكان: لما عرفت خالتي اني بجيب جدي هنا.. قالت سمر تروح معاي.. فسمحت لها
حنان: زين سويت.. اسمع احمد واقف هناك مع الرجال اخذ رقمها من عنده.. قوله امي تبي تتطمن على اختي
راكان: حاضر
&&&&&&&&&&&&&&&&&
12:15 الظهر
في شقة ليال ..الصاله..
البحرين
خوله: اذكري الله يا ليال.. اطلبي له الرحمه من الله
ليال تبكي: الله يرحمه.. ياربي يا حبيبي ترحمه.. ماقصر معاي.. المسكين يقول لي انه من بعد مامشينا منه كل يوم يشتري لي حلوى يقول يمكن امر او احد من طرفي يمر
لينا تبكي: الله يرحمه حبيبتي
ليال تبكي: عاد تصدقين كنت مع اخوه اليوم وكنا نقول نخلص الشغل الي بيدنا وبنمر عليه
خوله صارت تبكي: الله يرحمه
ليال: ليتني مريت عليه وسألت عنه يا ليت
لينا: الله يرحمه
ام لينا توصل وبخوف: بسم الله الرحمن الرحيم اش صاير يما
لينا: الدلال الي ليال تعرفه توفى
ام لينا تمسك قلبها: الله يرحمه يا يما
ليال تبكي: قلبي يا خالتي
ام لينا تسمكها: بسم الله عليكي يما وين ريما.. ريمااااا
ريما: نعم ماما انا جيت
ام لينا: جيبي ماي لليال بسرعه
ريما بخوف: فيها شي يما
ام لينا: يايما روحي جيبي الماي
ريما تلف: حاضر.. انتي سمر صح
سمر: أي من انتي
ريما: انا ريما اخت ديما معاج بالصف
ديما وصلت: اخيرا وصلت
لينا بحده: ليلحين مع عادة هالدرج ها
ديما: معلش لين خاطري اغلبها مره
ريما: ديما هذي سمر
ديما تشوفها مصدومه: مومعقول سمر!!!
سمر تحضنها: انتي تقربين لهم
ديما: أي هذول اهلي..اش صاير
ريما: تعالو نروح الغرفه
خوله: زين الي البنت طلعت تعرف ديما جالسه تشوفج وهي خايفه
ليال تبكي: ما قدرت امسك نفسي.. الله يرحمك يا عمي
لينا: هذي تلفونج يا ليال
ليال: ردي مالي خلق
لينا: الو
حنان: هلا ليال
لينا: ماني ليال من معاي
حنان: اختي انا ام سمر.. ولدي قال لي انها مع ليال
لينا: حنان انا لينا
حنان: هلا لينا.. الله يخليج يا لينا اكلم سمر
لينا تقوم عنهم: ان شا الله حبيتي
حنان: هي بخير مافيها شي
لينا: الحمدلله بنتج قويه.. عضم الله اجركم يا اختي
حنان: اجرنا واجرج
لينا: دفنتوه خلاص
حنان: أي خلاص احنا راجعين البيت خلاص
لينا: زين الي قلتي لي.. ليال مسويه مناحه هنا
حنان: منين تعرفه
لينا: الله يرحمه هو الي دلاها على العماره الي هي فيها
حنان بحزن: الله يرحمه
لينا: شوفي احمد يدل البيت.. اذا بتجين لها
حنان: لينا ضروري اروح البيت اجهز للعزا.. احمد والدكتور صاحبه معانا
لينا: من فيصل!!
حنان: أي بنت عمي اتعبت علينا واحمد قال نخليه يخاف يصير لها شي
لينا توصل للبنات: خلاص ولا يهمج احنا اكيد بنجي ونجيبها معانا.. سمر حبيبتي خذي كلمي حنان
سمر تاخذ التلفون: ماما
حنان: هلا ماما انتي بخير
سمر: أي ماما تصدقين اطلعت صاحبتي الي معاي بالصف بنتهم
حنان: زين ماما.. سمعي هم بعد شويه بيجون عندنا بيجيبونج معاهم.. عادي ولا تبين راكان يجي يا خذج
سمر: لا ماما بقعد مع ديما
&&&&&&&&&&&&&&&&&&&&
2:05 الظهر
في المستشفى ..غرفة نوف..
السعوديه
صلاح: خلاص يا روحي
نوف تهز راسها موافقه: .........................
صلاح: ماتبين تتكلمين
نوف: تهز راسها لا: ...................
صلاح: طيب ابي من حبيبتي بوسه احس انها بخير
نوف تبوسه: .....................
صلاح: ماهي زي زمان.. هذي بايخه
نوف تلف وجهها: ......................
صلاح: افا صلوحي يكلمك تلفي وجهك عنه.. ماهقيتها طلع ولدي اهم مني
نوف تغطي عيونها: .........................
صلاح بجديه: ابيكي تفهمي شي واحد.. دامنا مع بعض ماحد بيقدر يكدرنا.. الولد راح يجي بداله الف بس انا اذا رحت عنك من بيكون بدالي
نوف بخوف: لا تقول كذا
صلاح: لا بقول.. لانك محسستني انها نهاية العالم لاننا فقدنا ولد
نوف: ماهو غلط مني او منك
صلاح: ايش مايكون الغلط.. ما احب تحسسيني انها نهاية العالم اذا ماصار لنا الي نبيه
نوف: ما قصدت احسسك كذا.. بس ما توقعت انو ابوي يكرهنا كذا
صلاح: لا تجيبي سيرته وانتي ترتاحين.. لا تفكري فيه وانتي ترتاحين.. احسبي انك وقعتي وان الله ماكتب لنا نشوف هالولد
نوف: اكذب على حالي
صلاح: لا طبعا ابيكي تنسي حالك بأي طريقه كانت.. فكري ان الي صار خير لك الي بتعيشي معاي ومع جدتك والعنود وناصر في بيت واحد.. ماهو مفرحك هالشي
نوف: كثير
صلاح: يعني لو مافقدتي هالولد كنت عشتي معاهم
نوف: طبعا لا.. بس تظن اني بفضلهم على ولدي
صلاح: ايش قلنا.. ماهو وقت تفضلي مين على مين.. ابيكي تبسطي حالك وبس
نوف: فهمتك
صلاح: ويلا وين بوستي الي احبها
نوف: بلا طمع
صلاح باسلوب طفولي: نوف تراني صارلي كم يوم ماحد باسني حتى امي تصدقين
نوف تبتسم: معلش حبيبي لانك صغير الان.. اذا كبرت شويه بنبوسك مثل ماتبي
صلاح يحضنها: هههههههههههههههههه الله لا يحرمني هالروح ياقلبي
نوف: تحبني
صلاح: اكثر من روحي
نوف: مالي غيرك احبه
&&&&&&&&&&&&&&&&
2:45 الظهر
فيلا الجده ..غرفة العنود..
السعوديه
العنود بخوف: غسان!!!!!
غسان: ول هذي مقابله تقابليني بها.. تصرخي باسمي كذا
العنود تنتبه لنفسها: ما قصدت بس ليه تركت عمتي ومها لحالهم
غسان: ابي اجلس معاكي
العنود: طيب وهم.. كيف عنهم
غسان يعمل حال منتبه: تصدقين ما انتبهت.. يا خوفي عليهم
العنود بخوف: ارجع لهم بسرعه يلا روح
غسان: بس انا ابي اجلس معاكي شوي.. وحشتيني
العنود: كلمني تلفون يلا عاد قوم بسرعه
غسان: لا ما ابي اروح.. ابي اقولك وحشتيني.. ما ابي اروح
العنود: طيب والحريم هناك
غسان بخبث: خايفه عليهم يعني
العنود: اكيد
غسان: تعالي معاي
العنود: وين!!!!
غسان: نروح نجلس معاهم.. ناصر قال لي انه بيجلس هنا وماهو طالع
العنود: والله ما ودي
غسان: خلاص انا ابي اجلس هنا.. واذا صار عليهم شي برقبتك
العنود تاخذ عباتها: يلا مشينا
&&&&&&&&&&&&&&&&&
4:30 العصر
في فيلا منصور ..الصاله..
البحرين
وصلنا بيت منصور.. كان ينطق من الفخامه.. هو في الحقيقه فيلا بس التصميم لها معتق.. تحسسك انك في بيت من بيوت البحرين القديمه.. دخلت الفيلا مع خوله ولمى ولينا وام لينا وام عبداللطيف والبنات سمر وديما وريما.. وصلنا الصاله.. ورحنا نعزي الحريم.. كنت تايهه ادور على بنت ناصر الله رحمه.. ماعرفتها يمكن وحده من الي فاتو بس انا ابي اعرفها.. رحت ادور على سمر حتى اسألها وما لقيتها.. كملت طابور الحريم الي قدامي.. انتبهت انو حنان بعد لسا ما شفتها.. وصلت لحرمه عجوز اكبر من خالتي ام لينا.. فيها شبه من حنان شويه اكيد هذي امها.. سلمت عليها
ليال: عضم الله اجرك خالتي
ام خالد: اجرنا واجرج
ليال: انتي ام حنان
ام خالد: أي نعم
ليال: اجل اناديكي ام خالد
ام خالد: وانتي من
ليال: صاحبة حنان
ام خالد: حياج الله حنان عندها صديقات كثارمن السعوديه
ليال: الا هي وين
ام خالد: مع الدليعه الي كل شوي مسويه روحها مغمي عليها
انصدمت بالي اسمعه.. ايش هالقسوه هذي.. ابوها متوفي من كم ساعه وانت محسبتها تتدلع.. وقفت بعيد عن الطابور ادور سمر.. مالقيتها.. رفعت صوتي ورحت اناديها
ليال بحده: سمر.. سمر
سمر: نعم انا هنا
ليال: بسرعه روحي شوفي امك وين وتعالي قولي لي
سمر: حاضر
وراحت تركض تدور على امها.. وانا واقفه مكاني الكلام الي قالته هالعجوز ماريحني.. بصراحه ماحبيتها.. وحده لا تطاق.. ليه تتكلم عن البنت كذا
سمر: خالتي
ليال بلهفه: نعم ياروحي
سمر: تعالي معاي.. امي تنتظرج من زمان
أشرت على الي معاي واتبعوني.. وصلنا للغرفه الي فيها البنت.. ولقيت شي ما اقدر اوصف.. خيال.. بنت هدها الحزن والتعب الوجه اصفر والعيون حمر والجسم ذابل.. ايش ذا.. وهذيك الي ما تخاف الله ماشافت حالتها.. حسبي الله ونعم الوكيل.. لقيت الدكتور فيصل جنبها وخالد معاه وحنان بعد.. بعدتهم واخذتها بحضني.. وهي جسد بلا روحي.. دموع رافضه توقف.. وعقل ضايع ومشتت.. وروح ميته.. والنظر ماهو مستقر.. حضنتها اكثر.. وصرت اقرا عليها.. وكنت اهمس في اذنها رددي معاي.. ماهو ضروري اسمع صوتك رددي من غير صوت.. حسيت روحها ارتاحت.. دنت لمى مني
لمى: ليال البنت نامت
ليال: ادري اتركيها شوي.. اخاف تصحى اذا تركتها
فيصل: يا اختي ماراح تصحى انا ماعطيها منوم.. وبعدين ماهو زين لج انتي حامل
نسيت اني حامل.. ونسيت ان التعب ذابحني.. ونسيت اني ابي احد اشكي له.. ونسيت وجع نفسي.. ونسيت اهلي.. ونسيت كل شي بحياتي وصار تفكيري بالبنت الي قدامي.. قررت انام عندها.. خوله عارضت هالشي بشده تقول لي انا ايش دخلني بهالبنت.. ومنين اعرفها حتى اتعاطف معاها كذا.. بس انا في شي غريب يشدني لها.. حسيت اني مسؤوله عنها.. رفضت كل الي انقال لي
ليال: حنان بعد اذنك.. ابي انام الليله هنا
حنان: مكانج وبيتج يا روحي
خوله: يا ليال بس.............
حنان: لا تخافين عليها.. بقول للخادمه تجهز سرير لي ولها.. ما بتركهم اختي
خوله: حنان ليال امانه برقبتج.. خلي بالج عليها
حنان: لا تقلقي اختي.. ليال هذي حبيبتي والله تراهي في بيتها
لينا: ماتقصرين يا حنان
&&&&&&&&&&&&&&&&&&&&
6:10 المغرب
فيلا غسان ..غرفة غسان..
السعوديه
العنود: انا جايه عشان اجلس معاهم وانت جارني معاك وجايبني هنا
غسان: دخلنا وسلمنا وجلسنا شوي.. انتي ماقلتي تبين تجلسي معاهم.. قلتي تبيني اكون معاهم عشان مايصير عليهم شي.. وبعدين انا الي ابي اجلس معاكي
العنود بحيا: غسان خلينا نرجع تحت معاهم
غسان يبتسم: ليه
العنود: عشان......
غسان يقترب منها: ايوا ليه
العنود تناظره: لا تناظرني كذا
غسان: كيف يعني
العنود: ما ادري
غسان: قولي لي كيف ناظرتك حتى ما اعيدها مره ثانيه
العنود تقوم: ما ادري
غسان يمسكها: كيف يعني ماتدرين.. انا ابي اعرف
العنود: اترك يدي
غسان: لا
العنود: ايش الي تبيه عشان تفكني
غسان: اجلسي جنبي وانا اتركك
العنود تجلس: كذا
غسان: قربي كمان
العنود بضيق: لا كذا كويس
غسان يقربها له: كذا كويس
العنود من غير ماتحس ترمي براسها بحضنه: .....................
غسان بفرح: احبك وانتي مرتاحه معاي.. احبك وانت تطردي الخوف منك.. احب ثقتك فيني.. تصدقيني اذا احلف لك؟
العنود: صرت اصدقك اذا تحلف
غسان: راح الخوف القديم منك؟
العنود: باقي منه شوي.. بس احسه يروح
غسان: ابي اسألك
العنود: ايش
غسان: اذا جبت لك سيرة الزواج بتخافي
العنود تبتعد عنه: ها
غسان: انا ماقلت لك اننا بنتزوج.. انا وعدتك اني اعمل لك الي تبينه.. وماراح ازعلك مني ابد.. بس انتي عارفه اننا بننتقل بيت واحد.. يعني بنعيش في غرفه وحده.. بتخافي مني؟
العنود: اذا حافظت على وعدك مابخاف
غسان: بحافظ على وعدي
العنود تبتسم: ...........................
غسان: طيب ممكن اسألك ايش الي مخوفك
العنود تتهرب: ما ادري.. ابي اشرب
غسان يقوم يفتح الثلاجه: تفضلي
العنود تفتح القاروره: شكرا
غسان: نكمل كلامنا؟
العنود: لا.. ابي اسألك عن شغلك
غسان يفهمها: ماله شغلي
العنود: كيف عن مواعيدك
غسان: بعدين اقول لك
العنود تقوم: طيب ممكن امشي.. تأخر الوقت
غسان يحضنها: مع اني اشوف خوفك لسا موجود.. ومحاولاتك عشان تغيري الموضوع.. واصرارك انك تخبي علي.. الا اني احبك من قلبي.. ماني عارف ايش الي مخليني مطول بالي عليكي
العنود منزله راسها: افترض اننا مانستمر بحياتنا ايش بيصير ساعتها
غسان بريبه: ما فهمت
العنود: افترض لاي سبب من الاسباب.. اننا انفصلنا
غسان بحده: يعني ايش انفصلنا
العنود بخوف: وليه عصبت
غسان: ماعصبت.. ابي اعرف ايش معنى سؤالك.. وضحي لي كويس
العنود: اقصد اننا تطلقنا لاي سبب من الاسباب.. ايش بيصير بعدين
غسان يبتسم: ماراح يصير شي
العنود: مافهمت
غسان: الانفصال الوحيد الي بصير بيني وبينك هو الموت.. الله لا يفرق بيننا.. ارمي الفكره هذي من راسك.. دام راسي بهالدنيا.. ماراح تكوني لحالك من دوني يالعنود
العنود تحضنه: تحلف غسان
غسان: احلف ياروح غسان.. اول مره تحضنيني بكل هالشوق انتي مشتاقه لي يا لعنود
العنود تزيد بحضنها: لا
غسان يبتسم: لا ياقلب غسان
العنود تغمض عيونها: لا
غسان بهمس: احبك
العنود: متى راح ننتقل ياغسان
غسان: ان بغيتي الليله
العنود بفرح: من جد.. طيب واغراضنا بنتركها هناك
غسان: لا ياقلبي اقصد انك تكوني معاي هنا.. وليه ترجعي دامك مرتاحه ومروقه كذا.. ايش الي يمنعك تظلي هنا
العنود بخوف: لالا ابي ارجع بيت جدتي
غسان: ليه خفتي ياروح غسان لسا كنتي مبسوطه ورايقه
العنود: عشان لازم ارجع بيت جدتي
غسان: خوفك اذا كانو اهلك ماهم راضين انك تكوني هنا.. ناصر وانتي تشوفيه يتمنى سعادتك وجدتي وتسمعيها كل ماجينا خرجنا تقول لك اذا تبين تنامي معاي نامي.. من ايش الخوف
العنود متردده: ما ادري
غسان يحضنها: غمضي عيونك منتي مشتاقه لغسان
العنود تقول بخاطرها ايوا: .....................
غسان: على فكره سعمتك تقولي ايوا
العنود فاتحه عيونها: كيف سمعتني؟!!
غسان: هههههههههههههههههه قلبك يقول لقلبي
يتبع
|
28-02-09, 11:46 AM
.. يعني بارتين تلاتة كده و للا حاجة 
جديد مواضيع قسم الارشيف
العرض العادي
