الجزء الخامس عشر

10:00 الصباح
في سيارة ليال
البحرين


كل خطوه يخطيها كنت احس بالموت يدني مني.. كنت اشوفه وعيوني زايغه ليه ما فكرت احمل سلاح معاي.. غبيه ايش بتفيدني الفلوس الان.. كنت افكر أأمن نفسي بالفلوس والان ايش بيصير.. غبيه كان المفروض انو يكون في سلاح معاي ادافع فيه عن نفسي وعيالي.. توكلت عليك يارب.. هذا قدري وهذا نصيبي.. تشهدت.. قرب من باب السايق وافتحه.. رمى علي بالورقه الصغيره.. سكر الباب ومشى.. وراح للمكان الي كان فيه.. اخذت الورقه بسرعه وفتحتها "سالم جالس يلعب على وحده من الالعاب وماهو راضي يتركها.. الحريم جالسين جنبه يترجونه وصوت اللعبه ماهو تاركهم يسمعون اتصالاتج.. دقايق وتنتهي اللعبه ويجون.. انا موجود لا تخافين".. الحمدلله.. الحمدلله.. انت موجود؟ الحمدلله انك موجود.. دمعت عيني وانا اقرا هالكلمه.. انا موجود.. الحمدلله.. الحمدلله.. هدت نفسي.. ارتحت اكثر لانه موجود.. وفعلا دقايق وشفت الرجال يحملون على السياره جنب الثلج.. وهو واقف مكانه ماتحرك.. لحد ماشاف الحريم جو.. وتأكد انه ام لينا اركبت معاي.. ومشى للرجال يساعدهم.. كنت سرحانه كثير بالموقف الي صار لي معاه.. يمكن صار لي كذا عشان الله ينبهني لموضوع السلاح.. قررت اني اقول لاحمد على الي صار لي مع عبدالعزيز.. واطلبه يجيب لي سلاح.. مشينا وعبدالعزيز ركب مع عبداللطيف في السياره نص نقل.. كان بالي مشغول به وبتصرفه كثير.
وصلنا اخيرا.. ونزلنا من السيارات.... نزلو الشباب وتجمعو عند السياره نص نقل.. وحنا تجمعنا في ناحيه.. ننتظر احمد يقول لنا وين نروح.. المكان روعه والبحر اروع واروع.. صحيح اني اموت في البحر.. بس بحياتي مادخلت فيه رحله.. صيد ووناسه.. احمد دخل وحده من المكاتب الموجوده.. واخيرا طلع منها مع موظف اشر له على اليخت الي بنركب عليه.. كان يخت فخم مره.. وكبير مره.. حسيت بالوناسه من شفته.. والعيال دخلتهم طاقه غير طبيعيه.. جا احمد واخذهم.. هو عارف ان العيال مالهم صبر على الوناسه.. اخذهم واخذ الشغالات حتى يكونو معاهم لحد ما نوصل.. كنت امشي وانا فرحانه مبسوطه.. ركبت على اليخت وكنت خايفه.. مسكتني خوله من يد ولينا من اليد الثانيه.. تمنيت صلاح يكون معاي.. اكيد كان بيشيلني وارتاح من التعب الي انا فيه.. المهم وصلت وجلست.. واااااااااااااااااااي ما اقدر اوصف سعادتي.. صراخ العيال وركضهم شي عجيب.. صرت اشوف الرجال وهم يساعدو بعض في حمل الاغراض.. كنت اعد الثلاجات والكراتين متى يخلصون عشان يمشي اليخت.. تأخر الوقت.. صرت مثل ريما.. كل شوي اقول بيني وبين نفسي ضاع الوقت يلا عاد.. صرت اضحك على حالي.. وبعد ما اطلعت روحي اخيرا مشى اليخت.. وطبعا كان فيه واحد متخصص هو الي يسوقه خان كان معاه يشوفه كيف يسوق اليخت.. وحنا جالسين مستمتعين بالجو الي يا خذ العقل.. شوي حسيت روحي ماني قادره
ليال: انا جعت.. ما جعتو؟
خوله: بصراحه انا بعد جعت
لينا: يلا خلونا نجهز شي ناكلها.. الرجال تعبو واكيد جياع
لمى: تبون فطور معتبر ولا شي يسد الجوع وخلاص
ليال: لا يا قلبي شي معتبر طبعا.. ايش جايين نسد جوع حنا
ام عبداللطيف: ههههههههههههههه أي يما اهتمو فيها ترا الحامل على طول جذي
لمى: من عيوني انا الي بأكلك لين تقولين بس
ليال: مابقول.. اكليني انتي بس
لينا: قمنا قمنا.. لا تاكلينا
خوله تحط رجل على رجل: ولا تنسون الشغالات لو سمحتو.. وخان والسايق معانا بعد..احسبو حسابهم
لينا: حلفي عاد
لمى تضحك: هي تمزح صح
لينا: لا حبيبتي مفكرتنا عبيدها
خوله: يلا يا حلوات اشتغلو عشان حنا جياع
لينا: بتقومين قدامي ولا افل شعرك العبل
لمى: هههههههههههههههههههه قومي تراني بساعدها
ليال: هههههههههههه قومي واعتقي روحك.. تراهم تصاحبو
خوله: امري لله.. اقوم اشرف عليهم
لينا تسحبها: انتي الي بتشتغلين واحنا بنآمر عليج
صرت اسمع صراخ العيال واحمد معاهم.. التفت ادور عليهم.. وتلاقت عيني بعيون عبدالعزيز.. نزل عيونه بسرعه.. ابتسمت بخاطري وقمت من مكاني تركت الحريم الكبار مع بعض سواليف وضحك.. وصلت عند احمد.. وكان واحد من الشباب الكويتي معاه.. تركنا ومشى من شافني جايه
احمد: تراج مرعبه الكل
ليال: كيف يعني
احمد: اشوف الكل يسأل عنج.. تخيلي هذا وليد.. يقول لج هيبه تخوف
ليال: ومتى عرفني عشان يعرف اني اخوف
احمد: ههههههههههههههه شخبارج
ليال: الحمدلله كويسه
ريما: احمد شوف جذي!!
احمد يصلح لها الخيط: جذي حبيبتي
ديما: طيب انا خلصت.. وبعدين
احمد: وبعدين تحطين قطعت عجين صغيره وتعلقينها جذي بس حاسبي الطرف حاد
ريما: جذي ؟
احمد: أي حبيبتي
سالم بملل: ريما تعالي نلعب
ريما: الحين جايه اصبر شوي حبيبي..
ديما: تعال سالم نصيد سمك.. شوفني
سالم: شنو ذي خيط
ديما: أي يصيد سمك.. امسكه
سالم: جذي
ديما: صح عفيه عليك.. شوف البحر فيه سمك
سالم بقرف: وع مابي.. ريما تعالي
ريما تقوم معاه: يلا
عبدالرزاق: ريم جيبي سالم انا بلعب معاه وانتي صيدي مع اختج
ريما: لا عمي انا بلعب معاه
عبدالرزاق: لا حبيبتي.. خليه معاي شوي.. وبعدين لعبي معاه
ريما: حاضر
احمد: كل هالشي صار!!!!
ليال: يمكن الله ينبهني لضرورة سلاح يكون معاي
احمد يناظرها بسخريه: وين مفكره حالج بهوليود
ليال: يعني مايصير يكون عندي سلاح
احمد: لاطبعا.. في البحرين من عاشرالمستحيلات.. السلطات الامنيه محذره تحذير شديد على المواطنين والساكنين انه يكون في يدهم سلاح
ليال: وحتى اذا طلعنا ترخيص
احمد: أي ترخيص الله يهديج.. يا حبيبتي احنا ماعندنا هالشي.. سلاح في البحرين ممنوع.. وحتى امتلاكج له يعد جريمه يحاسب عليها القانون حساب عسير
ليال: بس هذا عشان حمايتي
احمد: تخيلي عاد.. حتى لو صار عندج بأي طريقه كانت.. ولنفترض انه تعرضتي لحادث واستخدمتيه دفاع عن النفس.. ونقول مثلا انه الجهات الامنيه اثبتت انج كنتي في حالة دفاع عن النفس.. راح تبرئين من التهمه بس راح تعاقبين على حملك للسلاح.. يعني جذي مسجونه وجذي مسجونه
ليال: وبعدين.. انا محتاجه للسلاح
احمد: خليني افكر اكيد بلاقي حل بعيد عن السلاح
ريما: احمد الحق خيطي راح
عبدالعزيز بحده: امسك البت.. احمد انتبه للبنت
احمد يلحقها: لا تمسكيه اتركيه.. ريمااااااااااا
ما استوعبت الي صار احمد ما قدر يمسكها.. المجنونه طاح الخيط من يدها وما ادري كيف رمت حالها وراه.. رمى احمد بحاله وراها.. شفت عبدالعزيز هو الثاني رمى بحاله وراهم.. الزقت ديما فيني من الخوف.. صرت واقفه بمكاني جامده.. مو مستوعبه الي صار ابد.. اتلفت ادورهم مافي احد.. ثلاثهم تحت المويه.. ياربي سترك.. سمعت ام لينا تصرخ وراي.. شفت الشباب هم بعد نزلو البحر.. عبدالرزاق واقف وماسك ولده.. جات خوله وسلمها الولد.. ورمى روحه هو بعد.. ياربي سترك.. طلع احمد.. وهو يدور.. صرخت فيه.. كلهم تحت.. ورجع مره ثانيه.. اطلعو الشباب هم بعد.. بس عبدالعزيز والبنت لسا ما اطلعو.. ياربي سترك

&&&&&&&&&&&&&&&&&&

12:15 الظهر
فيلا الجده ..غرفة العنود..
السعوديه


فتحت عيني.. متى نمت.. ما اذكر متى نمت.. اكيد حبيبي حملني لهنا.. حبيبي؟!!.. صرتي تحبيه يالعنود.. وين خوفك منه.. رفعت راسي ادور عليه.. لقيته جالس على الكرسي بس نايم.. ياروحي عليه.. نيمني ونام وهو جالس خفت عليه من هالوضعيه.. قلت بعمل لعبه وبجيبه على السرير ينام عليه واقوم عنه.. ضليت عامله روحي نايمه مغمضه عيني
العنود: آآآآآآآآآآآآآه
غسان نايم: .....................
العنود ترفع صوتها: آآآآآآآآآآآآآآآآآآآه
غسان صحى: بسم الله عليكي العنود.. العنود مالك حبيبتي
العنود: راسي يألمني
غسان بخوف: نروح المستشفى؟
العنود: امسكه بقوه
غسان يمسكه: كذا حبيبتي
العنود تعمل نفسها نامت: .........................
غسان: نمتي ياقلبي؟.. العنود
العنود تعمل حالها تعبانه: غسان لا تتركه خلك كذا ماسكه
غسان: حاضر ياقلبي.. نامي انتي
نيمني.. وسحبته معاي.. المسكين نام مره ثانيه بسرعه.. كنت مبسوطه وانا جنبه.. حسيت بحنانه من جد.. ما ابي أي احساس ثاني يحتويني.. مابي افكر بأي شي ثاني غير اني بحضنه.. تذكرت بابا والي قالته لي ليال عنه.. قمت من مكاني.. وهو ماهو حاس فيني.. ياروحي صار له يومين ما نام.. التعب هد حيله.. وانا ماقصرت فيه.. وقفت بعيد عنه.. اتأمله وهو نايم.. حلو شكله وهو نايم.. اول مره اشوف جمال غسان.. خوفي منه معميني.. جلست على الكرسي الي كان جالس عليه.. رحت بتفيكري بعيد.. حبيتيه يالعنود!!.. بعد ايش حبيتيه.. واذا ماطلعتي بنت.. ايش بتكون ردة فعله.. اكيد بيتركني ويروح.. ليه حبيتك ماني عارفه.. وينك يا خوفي.. ليه ماترجع لي وتخليني اكرهه من جديد.. لازم اكرهه.. لازم اكرهه من جديد.. حياتي معاه متعلقه بخط رفيع.. اذا انقطع انا الي بموت.. دخلت الحمام (الله يعزكم) اخذت دوش وطلعت.. غيرت ملابسي ونزلت تحت.. شفت جدتي جالسه بالصاله.. سلمت عليها ورميت براسي على رجولها.. اتذكر وقت كنت صغيره معودتني اني اخلي راسي على رجولها وهي تلعب فيه.. ابتسمت لي وصارت تلعب بشعري
الجده: شعرك انعم شعر في بناتي
العنود: لا تسمعك نوف وتزعل
الجده: ههههههههههههههههه ماتزعل
العنود: ايش اخبار التجهيزات
الجده: كل شي جاهز ماقاصر شي
العنود: وخالتي ايش اخبارها
الجده: مرتها خالتك ام عبدالله حتى يروحو الصالون
العنود: احسن بعد.. احسها اذا اجلست لحالها بتجن
الجده: وانتي كيف صحتك
العنود: كويسه
الجده: كلمتي ليال؟
العنود: مين ليال
الجده: ههههههههههههههه على فكره تراها مكلمه ناصر قبل لا تكلمك
العنود: ماني عارفه عن ايش تتكلمي
الجده: طيب.. وينه غسان؟
العنود: نايم
الجده: ضايقك بشي
العنود تهز راسها بلا: ......................
الجده: شفتي كيف مهتم فيكي
العنود: يما هو يحبني من جد؟
الجده: يحبك من زمان.. بس ابوكي الله يصلحه عارض زواجكم
العنود مستغربه: ليه هو طلبني من قبل!!!
الجده تلعب بشعرها: كثير.. كان وده يتزوجك من زمان
العنود: بابا ما قال لي
الجده: الله يسامحه عاد.. المهم انك زوجته الان
العنود: تتوقعي بابا يعمل شي اذا عرف اني ملكت
الجده: وان عمل ايش بيعمل يعني.. انت زوجة غسان خلاص
العنود تبتسم: .........................
الجده: بديتي ترتاحي له
العنود: مين انا؟.. لالا
الجده: وليه تخبي.. اسمعي الحرمه اذا خافت من شي عليها تقوله لزوجها.. خصوصا اذا عرفت ان زوجها يحبها كثير ويموت على ترابها.. هذي اقوى بطاقه رابحه بيد الحرمه.. حب الزوج لها بيمنع أي حواجز تكون بينها وبينه.. اجلسي معاه وقولي له على الي مخوفك.. ان الله كاتب انك تستمري معاه.. مافي قوه بتفرق بينكم.. وان ماعجبه الي بتقوليه وقرر انه ينفصل.. فالخير لك وله.. لا تحسبي انه هالشي نهايه للكون.. كل شي يصير للانسان خير وصلاح له.. اكيد السعاده اذا ماهي بهالمكان فهي في مكان ثاني
العنود تفز من مكانها: يعني اذا قلت له.......................
الجده: ايش يما قول لي وانا اقولك ايش تعملي
تراجعت.. ماهانت علي نفسي اقول لها على الي مخوفني.. ابتسمت لها وقمت عنها.. شغلني التفكير من جديد.. دخلت المطبخ هرب من نظرات جدتي.. بيني وبن نفسي كنت اتمنى تكون فاهمه ايش الي مخوفني.. حتى جدتي ما اقدر اصارحها وينك ياليال ليتني مكلمتك وانا جالسه لحالي.. بكلم سوسن حتى تكلمها لازم اتكلم معاها وهي تشور علي

&&&&&&&&&&&&&&&&&&&&&&

12:45 الظهر
على اليخت
البحرين


طلع عبدالعزيز وريما بين يده.. سبح فيها بسرعه والرجال حوله.. حسيت عبدالرزاق بكا.. عارفه قد ايش هو متعلق بالبنات خصوصا ريما.. ركب احمد بسرعه واخذ البنت من يد عبدالعزيز.. ركب عبدالعزيز منزل راسه ومتعمد يرفع صوته للحريم
عبدالعزيز: البنت الحمدلله بخير
ام لينا تبكي: الله يطمن قلبك
وبسرعه نزل عليها واعطى الكل ظهره وعمل لها تنفس صناعي.. وخرجت كل المويه الي برئتها.. آآآه يا قلبي نشف دمي.. قتحت عيونها وشافت الكل ولهفته عليها.. جلست تضحك.. سحبتها لحظني بعد ماجلست جنبها.. ورحت ابكي.. خوفي عليها افقدني الاحساس كنت حاستها بنتي قطعه من روحي.. فديت قلبها كانت مهتمه فيني وتحبني كثير وهي الي تجيب الاكل لحدي.. هي الي تعمل عصيري بيدها.. هي الي تضحكني وتنسيني همي.. ياربي تحفظها وتبارك فيها.. لمى سحبت نفسها وراحت تكمل الاكل بعد مالمحت بعيونها الدموع.. قامت ريما من حضني زي القرد تنطنط قدامهم
ريما: مافيني شي.. والله انا بخير
عبدالرزاق يمسكها من كتفها: مره ثانيه اذا الخيط طاح من يدج تتركينه ماترمي روحج معاه
ريما: انا صدت سمكه.. وسحبت الخيط مني كنت ابي اقول لكم شوفوها بس ماعطتني فرصه لقيت روحي في البحر
عبدالعزيز: هههههههههههههههههه الحمدلله انج بخير
ريما بدلع: شكرا
عبدالعزيز: تعالي بعلمج اشلون تتصرفين مع الخيط.. شكله احمد بيتوب يعملج مره ثانيه
ريما: اغير ملابسي واجيك
فز احمد من مكانه بعد جملة عبدالعزيز ونزل في كبينة اليخت لحقه عبدالرزاق.. عارفه انه محمل نفسه ذنب الي صار.. ام لينا قامت من مكانها وراحت للمى تبعتها خوله ولينا.. وانا جلست اتابع عبدالعزيز مع البنات بعد ما ارجعت ريما.. كيف ربط الخيط في وحده من الاعمده.. وراح يعلمهم كيف يسحبو الخط اذا صادو شي.. وفعلا خيط ديما هالمره صاد.. ركضو الشباب عليه يساعدونه.. والبنات تنطنط فرحانين.. سحبو السمكه وطلعوها.. حملتها ريما وركضت على احمد.. غابت شوي بالكبينه.. ورجعت مع عبدالرزاق واحمد الي عيونه حمر.. يا عيني عليك يا احمد الله يلوم الي يلومك يا خوي.. حاسه بالي بقلبك.. معلش الحمدلله على كل حال.. البنات شدو الشباب للصيد.. صار كل واحد جالس وخيطه بيده.. البنات ما شا الله عليهم تعلمو بسرعه.. هذا يقول لهم وهذا يعدل عليهم.. والفرحه ماليه قلوبهم.. اخيرا طلعو الحريم من المطبخ.. آآآآآآآآآه وصحون الاكل تشهي.. ركضت ريما وديما واجلسو جا سالم وجلس معاهم.. احسه مشتاق لهم نسوه المسكين وهم مشغولين بالصيد.. جلست ديما تأكله وهو مبسوط.. والحريم رجعو لسوالفهم والشباب مع بعض ضحك وسوالف.. لكني ما اسمع صوت احمد بينهم.. انتبهت لام لينا عملت كم سندويش وقامت من مكانها.. شفتها راحت للمكان الي يصيد فيه الشباب.. انتبهت ان احمد واقف لحاله هناك.. راحت ووفقت جنبه حطت يدها على كتفه وهو باس يدها.. وقفت معاه شوي ورجعت.. اشرت على لينا تقوم هي بعد له.. وقامت المسكينه.. احسها كانت متلهفه توقف معاه.. رجعت لاكلي.. كنت اكل مثل المجنونه.. طبع جديد تعلمته من البنات اذا عجبني الاكل ادندن واهز براسي.. ضحكت لمى علي
لمى: انا بعد عندي هالطبع
ليال: جعلهم العافيه البنات علموني عليه
ام عبداللطيف: حلو طباخ لمى؟
ليال حاشر الاكل بحلقها: مالك رجعه على الكويت يا لمى
لمى: هههههههههههههههه .. عليج بالعافيه ياروحي
خوله: الاول تولد وبعدين تعفو عنج
ليال: ههههههههههههههههه صح هذا الي كنت بقوله
ام احمد: يما منكم انتو الثنتين.. شوفو الاستغلال للناس
خوله: ياربي حشرت روحها.. وانت من كلمج الحين
ام احمد: ماكلمتج يا قليلة الحيا
لمى مستغربه: استهدو بالله يا جماعه
ليال: ههههههههههههههههههه لا حبيبتي هم كذا عادي.. لا تخافين
ام عبداللطيف: وانا بعد صدقت
ام لينا: هههههههههههههههه لا يا اختي اهم جذي على طول
خوله: اقول ام احمدوه.. كلي وانتي ساكته
ام احمد: سكت حسك يا ام سلوم
ام لينا: ههههههههههههههه بس انتي وياها
ريما: خالتي خوله لازم تقلب على احد
ديما: لانها ماهي لاقيه لينا.. ولا بالعاده مع لينا هالكلام
خوله: بس يا سيتا وجيتا
ريما: ههههههههههههههههه اوكي توم وجيري
لمى: هههههههههههههههههههه ماني راده للكويت خلاااااااااااااص
ليال: ايوه هذا الي نبيه


عند الشباب

منير بهمس: اول مره اشوف لمى تضحك من قلبها
عبداللطبف بهمس: وانا بعد ملاحظ هالشي
وليد بهمس: الحمدلله انها مبسوطه اش نبي اكثر من جذي
عبدالعزيز ينتبه لهم وبحده: وانتو بتقعدون تتابعون الحريم
وليد: لا يا خوي.. هذي اختنا مرت بحالة حزن من بعد وفاة ابوها.. والحمدلله اليوم نشوفها تضحك
عبدالعزيز: انتو اخوان؟
وليد: لا.. احنا اخوان دنيا
عبدالرزاق: الله لا يفرقكم
منير: امين يارب
احمد: ليلحين ماشبعتو؟!!!
وليد: انت ماكلت شي يا خوي
احمد: لا اكلت ام زوجتي جابت لي
عبدالرزاق: تمام
عبداللطيف: بشر ماصدنا شي
احمد: أي خيط منير صاد
منير بحده: يا برودك يا اخي وساكت؟
احمد: كمل اكلك شلتها ورمت خيطك مره ثانيه
منير: ياااااااااااااااا وليش عاد.. كنت ابي اشيلها
وليد: ههههههههههههههههههههه من يمسح دمعة هذا المسكين
عبدالعزيز: ههههههههههههههههههههههههههههه

&&&&&&&&&&&&&&&&&&&&

2:30 الظهر
فيلا الجده ..غرفة العنود..
السعوديه

تعمدت اركب غرفتي حتى اطل عليه وهو نايم.. فتحت باب غرفتي بشويش حتى ما اصحيه.. تفاجأت انه ماهو على السرير.. دخلت قلت اكيد بالحمام( الله يعزكم) رحت جنب الحمام مافيه صوت.. فتحت الباب ومالقيت احد.. رجعت جنب السرير مره ثانيه.. وينه وين راح.. رفعت راسي ولقيت ناصر قدامي.. عملت حالي ارتب السرير
ناصر عند الباب: تدوري عليه
العنود تعمل حالها مشغوله: ....................
ناصر: طيب ليه كنتي حزينه وانتي تدوري عليه
العنود: ماكنت حزينه
ناصر بخبث: طيب كنت بقول لك انه مشى
العنود طاح اللحاف من يدها: وايش تبيني اعمل
ناصر: طيب ليه انصدمتي من سمعتي انه مشى
العنود: وليه انصدم.. مشى براحته
ناصر: ماتبين تعرفي ليه مشى
العنود: مايخصني
ناصر: براحتك.. كنت بقول لك الي قال لي عليه بس شكلك ماتبين تسمعي
العنود تكابر: مايهمني.. احتفظ فيه لنفسك
ناصر يمشي: براحتك اذا غيرتي رايك وتبين تعرفي ايش قال لي تراني بغرفتي
مشى عني وجلست على حافة سريري.. ايوا مصدومه كيف طلع وما قال لي.. ماحسيت عليه متى مشى.. معقوله انه يبي يتطمن علي ويوم تطمن مشى خلاص.. طيب متى بشوفه ما قال لي.. طيب كيف بسمع صوته.. حسيت راسي يلف مره ثانيه.. صح اعمل حالي مريضه وبيجيني بسرعه اكيد
ناصر يرجع لها: على فكره.. لا تعملي حالك تعبانه.. تراكي بخير وما عليكي الا العافيه
العنود بخوف: بسم الله الرحمن الرحيم.. متى رجعت
ناصر: انا ما مشيت عشان ارجع
العنود بحده: طيب اتركني لحالي
ناصر بخبث: طيب ماتبين انادي لك احد يجلس معاكي
العنود: لا
ناصر: فكري يمكن تغيري رايك تراني سامح لك.. اغتنمي هالفرصه
العنود:شكرا مانبي منك شي
ناصر: طيب تبين انادي لك غسان يجي يجلس معاكي.. ولا انادي لك غسان ولد عمتك الي يحبك.. ولا انادي لك غسان زوجك الي يموت فيكي
العنود: اللهم جيبك يا طولت البال
ناصر: افا اشوفك تملي مني بسرعه.. طبعا عشان عندك غيري
العنود: ناصر انت ماتبي نخسر بعض صح
ناصر يضحك: صح
العنود: اتركني لحالي قبل مانخسر بعض
ناصر: حاضر حاضر
سكر الباب ومشى عني ليتني اخترت يناديلي غسان زوجي الي يموت فيني.. ليه ما اخترت هالاختيار كنت بتجرأ وبقول له هالشي عشان اجلس معاه واقول له الي مخوفني زي ماقالت جدتي وهو بعدين يختار.. احسن ما احبه اكثر والاقي روحي ما تقدر تبعد عنه.. غطيت وجهي بيدي ورحت افكر.. بعد مالقيت الي يحبني ممكن يتركني؟!! خفت انه يتركيني.. ما ابيه يتركني.. ليتني ماعرفت الحقيقه.. ليتني ظليت على عماي زي نوف.. ليه ما اكلم ناصر وهو يقول لغسان.. حسيت هالغثيث رجع لي مره ثانيه ابتسمت وانا مغطيه وجهي بيدي.. جلس جنبي رميت نفسي عليه.. بسته على خده.. قلت له
العنود: انا خايفه منه يا ناصر.. خايفه منه
شميت عطره.. رفعت راسي ولقيته غسان.. قمت عنه ورحت بركض.. سحبني له بقوته.. خفت من قوته.. غمضت عيوني.. وصرت ارتجف
غسان يهمس: اهدي
العنود: اتركني ابي امشي
غسان: تمشي تروحي فين
العنود: أي مكان بس بعيد عنك
غسان: وليه كل ذا
العنود: لاني اكرهك
غسان: اتحداكي.. عارف انك حبيتيني
العنود بحده: انت غلطان.. صدقني انت غلطان
غسان: قلت لك اهدي
العنود: غسان الله يخليك اتركني
غسان: ليه خايفه مني
العنود: من قال
غسان: من شوي قلتي هالشي.. وعطيتيني احلى بوسه بعد
العنود: ماهي لك توقعتك ناصر
غسان: اكذبي علي.. زي ماصار اليوم الصباح.. كذبتي علي وقلتي راسك يألمك وخليتيني انام على السرير صح
العنود: ماهو صح ماهو صح
غسان يبوسها: لا صح
العنود بحده: وخر عني

&&&&&&&&&&&&&&&&&&&

7:55 اليل
في اليخت
البحرين

تأخرت سوسن.. يا خوفي صار شي ماهو كويس.. قلبي عندك يا توحه.. ايش الي مهببته الان ليتني مكلمتك قبل لا يشوفك العريس.. ياربي تمم لها على خير.. انت اعلم بالصالح لها.. وفقها يارب.
ليال بلهفه: الو.. اخيرا دقيتي
سوسن: اعذريني ياروحي.. لسا فاضيه
ليال: بشريني كل شي تمام
سوسن: تطمني الكل بخير
ليال: الحمدلله.. وتوحه
سوسن: هههههههههههههه ام عبدالله ماقصرت اربطتها جنبها.. لا انطقت ولا تحركت
ليال: ههههههههههههههههه يا قلبي عليها.. الله يعينكم عليها اذا مشو الحريم
سوسن: عشان كذا داقه عليكي الان قلت تكلمينها عشان تهدى وماتحشرنا
ليال: وينها
سوسن: قالت بتجي وراي
ليال: وانتي وين الان
سوسن: بغرفتها
ليال تهمس: وناصر كيفه مبسوط؟
سوسن بضيق: ماشفته
ليال تنتبه لحالها: قلتي للجده بعد
سوسن: ماقلت لهم انك بتكلمينهم.. قلت لهم اني ابيهم في موضوع مهم
ليال: خير ما فعلتي
سوسن: هذي الجده وصلت
الجده: خير يما مالك.. ايش الموضوع المهم الي تبيني فيه
سوسن تقوم تسكر الباب: مالك يما كل الخير طبعا تعالي استريحي
الجده تجلس على الكرسي: استرحت قولي يما اشغلتي بالي
سوسن: خذي كلمي
الجده تناظرها بشك: ليال صح
سوسن: كلمي انتي بس
الجده: الو
ليال: يا روحي ليال انتي.. حاسه اني انا
الجده دمعت عيونها: ياقلبي هالصوت والله.. متأكده انك ورا ذا كله
ليال تضحك: وحشتيني يما
الجده: انتي الي وحشتي عيني يما
ليال: تسلملي عيونك يا قلبي.. مبروك لتوحه
الجده: يبارك لي بحياتك وبعيالك.. جعلي افرح بشوفتهم واعرسهم بعد
ليال تغير الموضوع: اتفقتو على كل شي
الجد تحس عليها: الحمدلله يما.. الملكه بعد اسبوعين
ليال: بشرك الله بالخير.. وياربي يتمم لها بالخير والسعاده يا ربي
الجده: معك فلوس؟
ليال: معاي الخير يما لا تخافي علي
الجده: كيف ما اخاف عليكي وانا عيوني ما تشوف النوم
ليال: ايش هالكلام الي تقوليه لالا هذا الحكي مايرضيني ابيكي تنامي وترتاحي تراني بخير ونعمه
الجده: والله يما!!
ليال: والله يما
الجده: يعني منتي محتاجه شي ما ناقصك شي
ليال: الحمدلله يما.. وصدقيني اذا احتجت اول باب ادقه بابك
الجده: تحلفي بالله!!
ليال: احلف يما
ارتحت من كلمتها.. حسيتها تضحك مبسوطه.. كلمت توحه بعدها.. حبيبة قلبي فرحتها ماتنوصف.. صارت تكلمني عن العريس وتوصفه لي.. عمرها ماتتغير خبالها زي ماهو ماتغير.. يا حبي لها والله.. كلمت امي بعد ياشوقي لها صارت تسولف وتحكي عن الكل صرت اسمع لها وانا مبسوطه.. عارفه اني مقصره مع امي والمفروض اني اكلمها.. بس كذا احسن.. اذا كلمتهم على طول احساس الخوف علي بيقل.. كذا بيكونو منتبهين علي من نفسهم.. المشكله لو انه الخوف علي لحالي تهون المصيبه.. بداخلي ارواح لازم احافظ عليها.. سكرت منهم وانا مبسوطه طلعت من الكبينه ورحت اشوف الجماعه لقيت الحريم على قعدتهم وسوالفهم وضحكهم.. الشباب كملوها سباحه.. واخذو البنات معاهم يعلموهم كيف يسبحو.. الحمدلله.. الكل بخير ومبسوط.. بس انا جعت.. ما اذكر اني وقفت اكل.. صرت اناظر خوله.. حبيبة قلبي افهمتني ادخلت المطبخ وعملت لي كم سندويش سريع وجات
لمى: جعانه ياقلبي
ليال تضحك: انا من ركبت هاليخت وانا جعانه
لمى: ايش رايكم نطبخ السمك
خوله: أي والله ياريت.. بس بيكفينا
لينا: يكفي ويزيد بعد
خوله: لا يا روحي ما اظن يكفي.. عندنا وحده تقعد عليه بروحها
لينا بحده: اذكر الله عليها لايصير لها شي
خوله: يا حبيبتي يا قلبي عيوني ماهي حاره
لينا: احلفي بس.. قومي قومي بلا كثر كلام جهزي السمك
خوله: وليش ماتقومين تجهزينه يا حلوه
لينا: بصراحه اقرف من السمك.. احب اكله بس
لمى: ههههههههههههههههههه يا حلوه من عذر
لينا تلعب بحواجبه: شفتي اشلون

&&&&&&&&&&&&&&&&&&
يتبع

9:30 الليل
فيلا الجده ..مجلس الرجال..
السعوديه

بوعبدالله: انا سألت عنه والكل يمدح بأخلاقه
بونور: وانا بعد عندي واحد من اصدقاي يشتغل معاه ويقول عنه رجال والنعم فيه
ناصر: باقي انها تستخير والله يكتب الي فيه الخير
عبدالله: اخيرا بتتزوج وبتفكنا من شرها
غسان بحده: صون لسانك يا عبدالله تراني ما ارضى عليها
صلاح: محسبها خالتك؟.. ماهي خالتك
ناصر: لا توحه مربيه غسان.. وتراه اقرب لها مننا كلنا
سلطان: اهاااا واشوفه فصص الرجال وهلكه اسأله.. تراه الموضوع كذا
غسان يناظره: عندك مانع سيد سلطان.. اشوف ماهو عاجبك
سلطان يتصنع الخوف: لالا ماعندي مانع الرجال رجالكم اعمل فيه الي تبي.. انا ايش يدخلني
بوعبدالله: ههههههههههههههههههههه
ناصر: ههههههههههههههه رجالنا عاد.. ماهي زينه بحقه يا سلطان
سلطان: اشوفه اللتفت علي محمر لي عيونه.. تقول واحد من العيله.. وليه عاد اسحب نفسي احسن
ناصر: انا نسيت اقول لكم سامحوني والله.. غسان اساسا ولد عمتي.. وملك امس على العنود
سلطان يبلع ريقه: مبروك
صلاح: لااااااااااا عاد هذا خبر تنساه.. مبروك يا رجال
ناصر: الله يبارك فيكم
غسان: الله يبارك فيكم وعقبالك يا سلطان
سلطان: ان شا الله
غسان: الا مانويت.. اشوفك قريب بتنتهي مدة صلاحيتك
صلاح: ههههههههههههههههههههه تراك ماعرفت سلطان.. والله ان طحت بلسانه ايش يفكك منه
ناصر: اقول انك ماعرفت غسان.. هذا الي يطيح بلسانه امه داعيه عليه
سلطان: اقول مادريت
غسان: لا ما حد قال لي
سلطان: كاتبين بالجريده انك بغيت تنتحر وناصر انقذك من العنوسه وزوجك اختك رأفه بحالك
بونور: ههههههههههههههههههههههههه
غسان: اقول قوم دور لك على وحده بسرعه ريحته طلعت من زود ماخللت
بو عبدالله: هههههههههههههههههههه يا مخلل
سلطان: اقول اني خاطب وحده من خواتك عشان ابليك بريحتي
ناصر فتح عينه: ........................
غسان يبتسم: يا حلوها من بلوه
سلطان ينتبه لغلطته: يلا ياصلاح شوف امي اذا اخلصو تأخرنا على ابوي
صلاح يهمس لسلطان: يا غبي نوف تقول عنده اخت تقط الطير من السما
سلطان يهمس: ليال وعدتني هي تزوجني
صلاح بهمس: اقول انكتم بس تراك فشلتنا قدام الرجال.. انا اكلم ليال
سلطان يهمس: يعني اتوكل على الله
صلاح يهمس: توكل على الله.. بقلب قوي بعد
سلطان: اقول يا خوي
غسان: سم ياخوي
سلطان: من شوي كنا نمزح
غسان منصدم من الي قاله: ها.. أي اكيد طبعا
سلطان: قدرك وقدر اختك ماهو مزح يا خوي.. قدركم اني اخطبها في بيتها
ناصر يبتسم: والنعم فيك
غسان بفرح: والله اني اتشرف بكم يا خوي.. صحيح اني ماقد عرفتكم واليوم اول مره اشوفكم.. بس يشهد الله انكم دخلتو قلبي
بونور: ايش السالفه يا بوعبدالله
بوعبدالله: ايش ياخوي
بونور: اشوف صار اسبوع الزواجات السريعه
عبدالله: هههههههههههههههه اسكت لا تسمعك خالتي وتظن انك تبي تعرس انت بعد
بونور يرفع صوته: انا ماقلت شي انا ماااااااااااا قلت شي.. هذا بوعبدالله الي يقول
بوعبدالله بحده: اشوف رميتها براسي!!!!
سلطان: كل هذا خوف منها
بونور: بتعرس وبتجرب وبتقول ياليتني مخلل ولا اقدمت على العرس
غسان: ههههههههههههههههههههههه
بونور: معلش اضحك بذكرك بيجي يوم واشوف دموعك اربع اربع
سلطان: اخس لا يكون بتمد يدها عليه
صلاح: ههههههههههههههههههههههههه
بونور: لا يا خوي الا حسره على ايام الحريه
ناصر يهمس: ابي اكلمك بعد مايمشون
غسان يهمس: وانا بعد
سلطان يوقف: يلا حنا ماشين.. واعذرونا اذا غلطنا بالحكي
ناصر: عيب عليك كلنا نمزح
بونور: يلا حنا بعد ماشين
غسان: السلطات العليا اعطت اوامرها؟
بونور: ايوه.. وعلى الجندي الضعيف المسكين الي زيي انه ينفذ
بوعبدالله: هههههههههههههههههههه
عبدالله بتريقه: عاد انت الي مسكين انا اشهد
بونور: ليه ماهو واضح
عبدالله: مكتوب على جبينك الله يسلمك
سلطان: اشوفك على خير ياخوي
غسان: سعيد بمعرفتك يا خوي
سلطان: انا الي اسعد
غسان يسلم بحراره: تشرفت بمعرفتك ياخوي
صلاح: الشرف لي يا خوي
غسان: اكيد لنا جمعه ثانيه
صلاح يهمس له: ليال كلمتني عنك.. وتمدح فيك.. عشان كذا انا متشجع اخطب لاخوي.. الرجال الي مثلك صعب نتردد في نسبه
غسان يبتسم: ماعليك زود.. واختك مافي مثلها.. كفايه انه زوجتي ردت صحتها بعد ماكلمتها
بوعبدالله: وحنا بعد السلطات العليا اعطت اوامرها
ناصر يودعهم عند الباب: هههههههههههههههههه شرفتونا والله
غسان يرمي بنفسه على وحده من الكراسي: بكره ضروري اروح على الدوام عندي شغل مأجل
ناصر: صار لك يومين مارحت
غسان: لعيونها كل شي يهون
ناصر: قول الي تبيه
غسان: لا انت قول
ناصر: ابي اعرف ايش موضوع الخوف
غسان: تقصد ليه العنود خايفه مني
ناصر: ايوا
غسان: انت تعرف اني بحياتي ما خبيت عليك شي.. هالموضوع بالذات الي خبيته عليك حتى ماتصير مشاكل
ناصر بخوف: ايش صار وما قلت لي عليه
غسان: باختصار الموضوع متعلق بعبير.. كانت تواعد واحد وتشوفه على انها العنود.. جيتك البيت مره ودخلت المجلس.. انتظرتك مده وتأخرت علي.. قلت اتمشى بالحديقه لحد ماتجي.. لفت انتباهي حركه صارت ورا المطبخ الخارجي.. قلت اروح اشوف.. طليت وما لقيت احد.. رجعت مكان ماجيت.. واسمع لك صوت ثاني.. لفيت بجسمي.. لقيت خيال حرمه يركض.. شكلها عبير توقعت انها كانت تمشي واستخبت من شافتني.. كملت طريقي وجلست على وحده من الكراسي في الحديقه بعيد عن المكان الي سمعت الصوت فيه.. شفت العنود جايه تركض من غير لا تنتبه علي.. وراحت لنفس المكان.. رحت وراها.. تبي الصراحه كانت تتمشى ولا مبين عليها انها متجه لمكان معين.. وقفت متخبي اراقبها وين تروح.. واسمع لك صوت رجال يناديها.. وقفت خايفه وانا هجمت على مكان الصوت والقالك ولد مستخبي طلعته وجلست اضرب فيه لحد مالدم غرق يدي.. سحبته على سيارتي وربطته.. رجعت لقيتها من الخوف واقفه بمكانها ترتجف مسكتها وطحت فيها.. كنت اصرخ فيها بذبحك.. كنت اضرب فيها من غير شعور.. جات الخادمه وفكتها من يدي.. رجعت للكلب الي بسيارتي.. وكملت عليه.. رميته بالشارع ومشيت عنه.. ومن يومها وهي الخوف مني متملكها.. كنت بموت من الي شفته انت عارف اني متعلق فيها واحبها.. ومستحيل عقلي يصدق الي شفته.. بعديها بسنين.. تلاقيت بالخادمه الي فكتها مني.. وجلست اسأله لحد ماقالت لي انه هالولد يجي لعبير.. حاولت اشرح للعنود اقول لها اوصل لها الي عرفته.. بس ما عطتني فرصه خوفها مني كان حاجز قوي منعني اقول لها عن الحقيقه المره الي عرفتها عن اختها.. تتعرف على الشباب باسم اختها
ناصر: وليال تقول لي انقذها.. تستاهل الي يصير فيها.. حسبي الله عليها اذا ابوها مارحم بناته.. هي بترحم خواتها

&&&&&&&&&&&&&&&&&&&

11:10 الليل
على اليخت
البحرين

ماحسيت بالوقت.. اليوم عدي حسيته يجري.. حاسه بسعاده ماتنوصف.. الجو على الليل صار تحفه.. الشباب اجلسو تطبيل وغناوي.. وليد ماشا الله عليه صوته يجنن.. والبنات الله يحفظهم كل ما خلص من اغنيه اطلبو اغينه ثانيه.. وناسه وضحك.. حتى عزيز.. اقصد عبدالعزيز كان طول اليوم يضحك.. نسى همه وحزنه.. ولمى بعد كانت تضحك من قلبها.. سمعت ام عبداللطيف تقول ان وفاة ابوها اثرت عليها كثير وخلتها بحزن كبير.. مسكينه حاسه فيها.. ياربي تخلي لي ابوي وامي ولا تحرمني منهم.. يكون عبدالعزيز هو بعد فقد غالي وحزين عليه.. كل شي جايز.. مبين على عبداللطيف يحب لمى كان كل شوي يناظرها ويبتسم لها.. بس هي تصده.. ياترا ليه.. مبين عليه طيوب ويحب الناس.. اكيد فيه سر.. على تعبي كنت خايفه احمد يقول يلا بنمشي.. ماكان ودي نمشي ابد.. كنت بعد ابي اجلس.. صحيح ان ودي انام واريح ظهري.. بس بعد ابي اكمل وناستي
لمى: السمك جاهز يا حلوين
احمد: الله على هالريحه.. جنان
لينا: لمى عملت خلطه تجنن.. وشوت السمك
ليال: ماني قادره يلا ابي اكل
عبدالرزاق: يلا يا جماعه نبي ناكل
ام لينا: ما شا الله مابطلنا اكل اليوم
ام عبداللطيف: طلعت البحر جذي يا اختي.. اكل ووناسه
ام احمد: احمد يما يبيلنا كل فتره نجي هالرحله
احمد: تامرين يما
خوله: أي هذي الكلام الي يسعد.. الحين اقدر اقول لكم خل نمشي.. كنت خايفه تقولو بنشي.. وانا ليلحين ماشبعت
ليال: هههههههههههههه وانتي بعد.. انا بعد عندي هالشعور
احمد: ليش انا ماقلت لكم
لينا: خير
احمد: احنا بنجلس لحد 3 الفجر
ريما: ايوااااااااااااااااا
ديما: هذا الكلام الحلو
احمد: مبسوطين
ريما: كثييييييييييييييييير
عبدالرزاق: هههههههههههههههههه
شفت عبدالعزيز تضايق.. سأله عبدالرزاق بهمس مالك.. رد عليه بكره الجمعه ما ابي اتأخر عن زيارة ابوي.. استغربت ابوه؟!! اجل ليه عايش لحاله.. وابوه وين؟!! حسيت ان ضيقه زاد.. قلت بنقذ الموقف
ليال: يا حلوين حنا لنا رجعه ثانيه صح
احمد: اكيد صح
ليال: اجل نجلس كمان شويه ونرجع.. عشان من جد انا تعبت
ريما: خلاص نخلص عشا ونمشي
خوله: أي خلاص.. لنا رجعه ثانيه
احمد: خلاص موافقين؟
ام لينا: أي يما خلاص
عبدالرزاق: أي بس اهل الكويت يوعدونا انهم يكونو معانا
ام عبداللطيف: اكيد يما مابنفوت وناسه مثل هذي
حسيت عبدالعزيز ابتسم.. او رتاحت نفسه.. المهم اني ساعدته.. يعني اقدر اقول اني رديت له الجميل للي سواه معاي اليوم

&&&&&&&&&&&&&&&&&&&&&&

12:05 الليل
فيلا لافي ..الصاله..
لندن



ام ناصر: اشوفكم سهرانين
لافي يتابع التلفزيون: خير بغيتي شي
ام ناصر: ابد.. اشوفكم مطولين بالسهره
عبير: الفلم حلو ماما.. تعالي شوفيه
ام ناصر: ما ابي اشوف شي.. قلبي ماكلني على عيالي
لافي بعدم اهتمام: دقي عليهم
ام ناصر تدق: بدق على العنود
عبير: عطيني اكلمها اذا ردت عليكي
ام ناصر: تلفونها مسكر
لافي: دقي على دلوع امه.. يمكن يحن ويرد عليك
ام ناصر تدق: مع اني عارفه انه مابيرد لكن بجرب
عبير: مارد عليكي؟
ام ناصر: يدق
لافي: اجل خليكي وراه
ام ناصر بلهفه: يما ناصر
لافي ينتبه لها: رد عليكي!!!!
ناصر: اهلا
ام ناصر: كيف حالك يما.. وينك يا حبيبي ماترد علي ولا تكلمني
ناصر: مشغول
ام ناصر: ما وحشتك يما.. ما ولهت على امك
ناصر: عادي يا ام ناصر.. ماهو وقته هالكلام
ام ناصر: مافهمت يما
ناصر: ابيكي تباركي للعنود
ام ناصر: ابارك للعنود على ايش يما
ناصر: غسان ملك عليها البارح
ام ناصر بصدمه: غسان ايش؟!!!
لافي بحده: ايش الي صار
ام ناصر بصدمه: يقول غسان ملك على العنود البارح
لافي يفز من مكانه: ايش!!!!!!!
ام ناصر: ليه يما ليه عملت كذا.. ليه ماقلت لنا.. وبعدين مين غسان ذا الي تزوجه اختك
ناصر: انتي تعرفي غسان مين يام ناصر.. رجال والنعم فيه
لافي بحده: جيبي التلفون
ام ناصر بخوف: لافي شوي شوي على الولد
لافي بكل حده: انت تتحداني ياولد
ناصر: انت عارف اني ما اتحداك.. انا أأمن حياة اختي بس
لافي: من ايش يا كلب
ناصر: من ان يكون مصيرها زي خواتها
لافي: مافهمت!!!
ناصر: ليه منت حاس بالي عملته بنوف.. ولا الي جالس تعمله بعبير.. خاف الله يا رجال.. خاف الله
لافي بكل حده: هالكلام لي ياكلب
ناصر: اكيد لك.. ايش رايك نعمل فحص لعبير ونشوف ايش تطلع.. بنت ولا...........
لافي: ولاكلمه ياحقير.. كيف تكلم ابوك بهالطريقه كيف.. كيف تتهمني بالشي هذا كيف
ناصر: مستحيل بسمه تكذب ونوف تكذب وليال تكذب وعبير تكذب.. مستحيل يا بوناصر مستحيل.. كلهم مالهم علاقه ببعض.. ويقولو نفس الكلام!!.. انت لو مكاني تصدق مين في هالحاله
لافي: انت محسب انه بتزويجك للعنود بتمنعني اني اردها لبيتي
ناصر: اعتبر ذا اعتراف منك انك بترجعها للبيت حتى تستمر في الي انت عليه
لافي بغضب: لاتتحداني يا كلب.. هالكلام ماهو لي انا اقدر اقلب حياتك واخليك تمشي بالشوارع تكلم نفسك.. اقدر ابهدلك واضيعك وارميك بالسجون من غير لا يحس عليك احد
ناصر: بهدلتني وضيعتني وخربت بيتي بتصرفاتك.. تهت بالشوارع وضعت فيها وصرت اكلم نفسي من عضم الي اكتشفته فيك.. لافي بن فهد يطلع كذا.. لافي بن فهد الي ما اشوف غيره بالدنيا.. هذي افعاله.. ليه يابو ناصر ليه.. مافكرت بآخرتك مافكرت انك اذا قابلت الله ايش بتقول له.. لما يسألك كيف تلمس بناتك ايش بتقول له.. غفله.. لعبة شيطان.. نسيان.. ماكنت اعرف الشرع زين.. مافي عذر يابو ناصر مافي عذر
لافي يستعطف: انت فاهم غلط يا ناصر.. كذبو عليك يبا.. الي سمعته غلط يا حبيبي.. تصدق هالشي في ابوك.. انا ابوك وانت تعرفني زين.. متى هالشي صار.. كلكم حولي وتشوفوني.. من شاف علي الغلط.. انا ابوك تكلمني بهالاسلوب يا يبا.. انا الي بقول لك ما خفت الله فيني.. ايش بتقول لله اذا سألك كيف تتهم ابوك من غير لا تتأكد.. ابوك مافي شي ينعاب عليه.. ايش بيكون ردك اذا عرفت اني عكس الي قالو لك عليه.. اسأل قلبك يبا.. اسأله اذا صلاح قال لك شي.. فهو يبي ينتقم لاخته.. واذا بسمه قالت شي.. فانت عارف انها ماتطيق امك ومن تزوجتها وهي في خلافات ماتنتهي معاها.. واذا على عبير هذاهي عندك اسألها وهي تجاوبك.. عندك العنود ونوف بعد.. ليه يا يبا تصدق الغريب وتكذبني انا ابوك حبيبك.. الي ماتشوف في دنيا غيره على قولك.. تصدق ليال وتصدق التسجيل الي سجلته لي هالكلبه.. يا يبا كنت امزح معها انت عارفني كيف امزح معها وبعدين هي دايم تقول انها تحبني نسيت هالشي.. وانا اذا حبيتها بذيك الفتره فهي بنتي وقدرها قدر خواتك.. تظن الشين في ابوك وانت ماسمعته يا ناصر
ناصر: مستعد اغير فكرتي.. اذا عبير اكشفت وشفت النتيجه بعيني
لافي: مصر تصدقهم يعني
ناصر: .................................
لافي بكل ثقه: موافق
ناصر: انتظر جيتي لندن
لافي: انتظرك مع سلامه
ام ناصر: ها ايش قال
لافي يفكر: ..........................
عبير تبكي: يعني عنود تزوجت
لافي: وليه تبكين كذا
عبير تناظر ابوها بحزن: طيب وانا؟
لافي: وانتي بعد ملكتك بكره.. بس بالاول تعملي عمليه صغيره

&&&&&&&&&&&&&&&&&&&&&

12:50 الليل
فيلا الجده ..الصاله..
السعوديه

غسان بهمس: كلمته؟
ناصر بهمس: ايوا
غسان بهمس: ماهدد؟
ناصر بهمس: طبيعي
غسان بهمس: مالك كذا متأثر
ناصر بهمس: ما ادري ما ادري
ام غسان: غسان يما يلا يا حبيبي تأخر الوقت
الجده: أي وقت الي تأخر ذا.. لسا السهره بأولها
ام غسان: لا يما الوقت تأخر والعنود لازم ترتاح
العنود: مرتاحه يا عمه.. مافيني شي
ام غسان تبتسم: جعلك دوم ياربي
مها: يما يمكن قصدها قعدو شوي بعد ماشبعت من غسان
فتحيه: ههههههههههههههههههه وانا بعد حاسه بكذا
العنود احمر وجهها: بس انتي وياها
ناصر: وعامله روحك معصبه بعد.. روحي شوفي وجهك من الاحراج
غسان يبتسم لها: ما عليكم منها تقول الي تبيه.. وانتي حسابك معي بعدين
مها بخوف: وانا ايش قلت.. زوجة اخوي وامزح معاها.. حرام يعني
غسان يهدد: امزحي بس لا تحرجينها كذا
مها: العنود الحقيني.. تراه من يهدد يا ويلي من الي بيعمله بي
العنود: ...........................
غسان: عنود ايش يعجبك.. اعضها ولا احبسها ولا احرمها من صحباتها.. اختاري العقاب الي يريحك
مها بحده: والله عاد.. يا حلوك انت وياها.. عشان تريحها تضايقني بعيشتي
غسان: اذا ماتبيني اضايقك لاتقربي لزوجتي
مها تقوم من جنب العنود: قمنا من جنبها ولاعاد نقرب لها لا بالجلسه ولا بالحكي
غسان يفز ويجلس جنب زوجته: ايوا كذا افسحي مجال
العنود بحيا: والله عيب
ام غسان: لا عيب ولا شي.. خليه يدلعك يما
مها بضيق: يلا يما خلينا نمشي.. بدق على السايق يجينا
غسان: وليه كل هالضيق نمزح ماقلنا شي
مها: وانا بعد ماقلت شي ابي اروح وارتاح
ام غسان: دقي على السايق يما
غسان: وليه تدق وانا موجود.. حنا ماشين اذا ودكم
مها بحده: لا انت تجلس مع زوجتك حتى لا تسمعني كلمتين بالسياره يغثوني.. ليه مشيتي وليه عجلتي كنت تصبري شوي.. كنتي تخليني جالس مع العنود.. لا حبيبي
غسان بهمس: ودك امشي ياروحي ولا اسهر معاكي الليله
العنود بهمس: تمشي افضل
غسان بهمس: ول هذا رد عاد
العنود بهمس: ماعندي غيره.. خلاص انا صرت بخير.. ماله داعي وجودك
غسان يناظرها: لسا خايفه مني
العنود تنزل راسها: .............................
ناصر: يلا ياعمه انا اوصلكم
ام غسان: يلا يما
العنود: لا غسان هو الي بيوصلهم انا........................
ناصر يسكتها: خلاص قلت انا الي بوصلهم.. يجلس معاكي شوي وبعدين يمشي
غسان بهمس: بس شوي
العنود: بس انا طالعه ابي انام
غسان: ايوا بتطمن عليكي انك نايمه وبشي
العنود: ماله داعي.. انا بخير
مها: والله عيب عليكي.. مبين انك جالسه تطردي فيه.. اقول والله لو اني مكانك كنت انبطست.. كنت طلعت وفليتها معاه.. يا غبيه الطلعه مع غسان شي عجييييييييييييييييب.. ماتملي الطلعه معاه.. قومي انتهزيها فرصه واسعدي بحياتك معاه
وين اسعد يا مها وين.. نفسي في الي تقولي عليه.. من جد صرت احبه.. وودي انه مايروح ويظل معاي الليله ودي اني اطلع معاه وافلها زي ماقلتي.. بس بالنهايه.. ايش بتكون النهايه.. احس ذايبه بحبه وهو شايف هالشي.. ماني قادره امنع روحي اني اناظره.. زوجي حلالي.. فيه الف حاجز بيني وبينه
غسان: وين سرحتي
العنود: لا ابد هنا
غسان: وين هنا.. امي ومها مشو وماحسيتي عليهم جدتي وتوحه مشو وكمان ماحسيتي عليهم
العنود تنزل راسها: لا حسيت
غسان: ماقلتي لي تبين تسهري برا.. ولا تروحي غرفتك تنامي
غمضت عيوني بعد هالسؤال.. تمنيت اسهر برا معاه.. وتمنيت اخذ من الحبه الي اخذت منها يوم وصلت على السعوديه.. يمكن تنسيني الافكار الي براسي.. تمنيت اخذها حتى اقدر اقول له احبك زي ماقلتها له براحه من قبل.. آآآآآآآآه يا كثر ما اتمنى
غسان: بعد سرحتي عني.. بأيش تفكري
العنود: تعبانه ودي اروح ارتاح
غسان: نروح الغرفه
العنود بجفا: لا.. انت قلت بتجلس شوي وبتمشي.. انا رايحه الغرفه لحالي
غسان: اذا ماغيرتي لهجتك معي تراني بحملك وبوديكي غرفتك وبغطيكي
ياريت.. ياريت يا غسان يا ريت.. ما ودي اقول لا.. ودي اقول ايوا.. ودي اتكلم معاك زي ماقالت لي جدتي.. ودي اقول لك.. ماني قادره احس نفسي ماهي راضيه تعملها صعبه اقول لك هالشي.. صعبه
غسان يحضنها: قولي لي اسمعك
العنود بخوف: ايش اقول
غسان: الي بخاطرك.. الي مخوفك مني.. الي مخليكي بعيده عني وانا اشوف حبي بعيونك.. قولي لي تراني زوجك.. ماحد بيسمعك غيري.. وسرك بيكون ببير كبير.. حتى اذا لقيت انه الي بتقولينه بيضايقني.. اوعدك اني اعمل الي يرضيكي انتي.. وماعليكي من زعلي.. المهم عندي انتي وراحتك
احبك كل يوم احبك اكثر من اليوم الي قبله.. حنيتك كبيره ورجولتك تجنن.. انحسد على الي انا فيه.. بس الحلو مايكمل.. يا ليتني الوق لك.. ياليتني قد اني اكون زوجه لك.. غسان انت تستاهل الخير.. ماتستاهل وحده زيي

&&&&&&&&&&&&&&&&&&&&&

10:30 الصباح
شقة عبدالرزاق ..المجلس..
البحرين
عبداللطيف: انت تحلم يا خوي
منير: شكلنا بفلم هندي يا احمد الله يهديك
وليد: انا مقتنع
عبداللطيف: انا مقتنع بعد.. بس التجهيزات منين.. ماعندنا بالخليج الي احمد يقول عليه.. وبعدين اذا جبناها من برا بتكلف الكثير.. الموضوع يحتاج لفكره ثانيه
عبدالرزاق: الفكره حلوه ومترتبه تمام.. وانا من رايي.. ماندور على غيرها.. واذا على التجهيزات انا بجيبها لكم من لندن برسم الخدمه
وليد: سهل انك تجيبها؟
عبدالرزاق: في منتهى السهوله
عبداللطيف: ماشي.. جبنا التجهيزات.. من بيركبها.. يا شباب هذي محتاجه لخبير.. حتى مايبين الماسك انه صناعي
وليد: عبداللطيف معاه حق.. ضروري الخبير
عبدالرزاق: الي بيجيب التجهيزات.. بيجيب الي بيركبها
منير: حلو جذي الجزء الاول انتهى.. ندخل على الجزء الثاني
احمد: الي بيتركب عليه الماسك هو عبداللطيف
وليد: وليش ماهو منير.. منير حاد في تعامله.. عبداللطيف بارد هادي
احمد: عشان عبداللطيف يجيد اللهجات تمام ويعرف كيف يغير طبقة صوته.. وانا ابيه يستخدم هالشي حتى نشتت لافي
عبدالرزاق: والاوراق
منير: الاوراق بتكون سليمه مليون في الميه
عبدالرزاق: اخالفكم الراي.. لازم تكون مزوره عشان اذا صارت ساعة الصفر.. يكتشف لافي ان الاوراق الي بيده مابتنفعه
وليد: ماني معاك.. واحد في خبرة لافي بيكتشف النزوير اول مايشوف الاوراق.. لازم تكون رسميه
عبدالرزاق: هذا يعني انها بتكون مصدقه من الجهه المسؤوله
احمد: ماهو شرط.. كلام وليد سليم من ناحية اذا لافي يعرف في التزوير
عبداللطيف: طيب انا بقابله بصفتي من
احمد: محامي عوض الخاص
عبدالرزاق: واذا سأل عن عوض وين
وليد: عادي نقول انه مسافر
منير: غلط في احتمال يدور عليه ومابيلقى انه مسافر
احمد: صح
وليد: نقول مشغول
عبداللطيف: مابيكون مشغول عن صفقه بهالمبلغ ذي كله
عبدالرزاق: نقول انه عنده مشكله مع القضاء.. واستدعي اليوم
احمد: جبتها يا بوسالم.. حتى نمهد لموضوع الاعدام.. صح فكره ولا اروع
منير: بس يمكن لافي يخاف من هالشي ويتراجع في اللحظه الاخيره
عبداللطيف: ما اعتقد هو عارف ان عوض تاجر مخدرات.. واكيد انه حاسب حساب انه متعرض كل يوم لسين وجيم
وليد: حلو انا مع هالفكره..ومتى التنفيذ
احمد: اول ماتوصل التجهيزات
عبدالرزاق: الان بدق يرسلونها لي
عبداللطيف: مع الخبير لا تنساه.. تخيلو عاد اتكلم مع لافي بن قهد الا طايح الشارب الي معلقينه لي
منير: ههههههههههههههههه ولا يطيح الماسك من وجهك.. ويتعرف الرجال عليك
عبداللطيف يتصنع الخوف: وين اولي هذيج الساعه
عبدالرزاق: تراني من الحين اقول لك ما اعرفك
احمد بتأكيد: ولا انا
عبداللطيف: الا يا الانذال
وليد: ههههههههههههههههه تخلو عنك يا بطل حلها
عبدالطيف: عادي بقوله اني اغير جلدي كل سنتين.. واليوم موعد التغيير.. عاد اعذرنا
عبدالرزاق: هههههههههههههههههههههههههههههه

&&&&&&&&&&&&&&&&&&&&&&&

12:15 الظهر
شقة جراح ..الصاله..
لندن
جراح: غريبه.. لسا عازمنا على العشا.. ايش موضوعه هالرجال
عبدالرحمن: والله ما ادري.. شوف ماني رايح معاك.. اخاف الموضوع متعلق بعبدالرزاق.. والله يا خوفي انه متعلق بعبدالرزاق
جراح: يا خوفي انا بعد.. بس يوم قعدنا معاه.. ماتكلمنا عن عبدالرزاق ابد.. كيف حاله وايش خباره وتغير الموضوع نهائي
عبدالرحمن: ويمكن الحين يبي يسأل عن الي ما سأله
جراح: كل شي ممكن
جويل: استاز جراح
جراح: خير جويل
جويل: استاز عبدالرزاق على التليفون
جراح: اعذرني يا خوي شوي
عبدالرحمن: خذ راحتك.. ولا تنسى تقول له عن لافي
جراح: ماني ناسي
جويل: أي استاز عبدالرحمن
عبدالرحمن أي يا جويل.. اسألي.. انتي ماتشبعين من الاسأله
جويل: بتطمن عليك يا ابني.. حرام هالشي
عبدالرحمن: لا اسألي واتطمني ولا تخلين شي بخاطرج
جويل: لسا ماتزوجت
عبدالرحمن: اذا عندج وحده مناسبه مابقول لا
جويل: ههههههههههههههههه بدك ياني اشتغل خطابه
عبدالرحمن: عشاني على الاقل
جويل: حاضر من عيوني.. وبدك ياها حمرا ولا شقرا
عبدالرحمن بهمس: ابيها مثل ليلى
جويل: شو ماسمعتك
عبدالرحمن: اقول ابيها خليجيه.. لا ابي الحمر ولا الشقر
جويل: أي خلاص بكره بحط لك اعلان بالجرايد .. ولا تزعل حالك
عبدالرحمن: هههههههههههههههههه ماشي يا جويل مردوده لج
جويل: بتحب حط الغدا هلأ
عبدالرحمن: بدري عليه.. استني شوي
جراح: ان شا الله ماتأخرت عليك
جويل: بستأزن
عبدالرحمن: كيف حاله
جراح: يسلم عليك
عبدالرحمن ماهو مصدق: والله؟
جراح: ايوا ليه منت مصدق
عبدالرحمن: ماني مصدق عارف عبدالرزاق زعله زعل
جراح: وانت تشوف الي عملته مايستاهل الزعل
عبدالرحمن: عشان جذي هجيت من قطر وجيت اغير جو
جراح: واذا غيرت جو بتصلح الي صار
عبدالرحمن: اكيد لا
جراح: عبدالرحمن.. قولي الصراحه.. انت ليه جاي لندن
عبدالرحمن: تبي الصراحه
جراح: اكيد
عبدالرحمن: جيت ادور عليها
جراح ماهو مصدق: على مين!!!!
عبدالرحمن: عليها مافي غيرها.. ابي اتأكد اذا رجعت لزوجها ولا عايشه هنا لحالها
جراح: عشان تكمل الي عملته معاها!!!
عبدالرحمن: لا والله ابيها تعرف اني ما ابيها تحس انها بروحها.. ابيها تعرف اني احبها ومتعلق فيها
جراح: بس يا رجال لا تكمل.. عبدالرزاق قال ان الحرمه رجعت لزوجها.. ويوم الي جاني راح زارها مع زوجها
عبدالرحمن ينزل راسه: يعني رجعت له من جد
جراح: من جد ولا من كذب.. يا خوي هي رافضتك عيب عليك تلاحقها كذا
عبدالرحمن: احبها ياخوي.. خذت قلبي
جراح: بس يا خوي تراها على ذمة رجال ثاني.. انساها ودور على غيرها

&&&&&&&&&&&&&&&&&&&&&

يتبع

2:20 الظهر
شقة ليال ..البلكون..
البحرين

ريما: خالتي وينج ادور عليج وانتي قاعده بروحج
ليال: خير يا روحي
ريما تجلس جنبها: شبعتي نوم؟
ليال: يعني احس جسمي تعبان
ريما: انا ماشبعت نوم تصدقين.. ودي نروح بعد الليله
ليال: ماهو بهالسرعه عاد
ريما: خالتي ابي اسألج
ليال: عن ايش ياقلبي
ريما: ليش الوحده تتزوج
ليال انقفلت عليها: تصدقين ما ادري عمري مافكرت بهالسؤال
ريما: مايصير يعني انتي تزوجتي وانتي منتي عارفه ليش تزوجتي
ليال انقفلت من جد: لفين تبين توصلي
ريما: ولا شي.. اسأله جات في بالي مالقيت الي يجاوبني.. بس شكلي بسأل امي
ليال: امك؟
ريما: أي ليش مستغربه.. امي معودتنا اننا نسألها عن أي سؤال احنا نبيه وهي تجاوبنا عليه
ام لينا تدخل: انتي ماقلتي انج ماشبعتي نوم
ريما: أي جيت اسولف مع خالتي ليال شوي
ام لينا: اش تسولفين فيه
ريما: ليش الوحده تتزوج
ام لينا: اول شي الرجال حمايه للحرمه من ظروف الزمان.. هو الي يشتغل عشان يصرف عليها.. وهو الي يحافظ عليها ويراعيها.. وهو الي يكون مسؤول عن كل حاجاتها
ريما: يعني الاكل والفلوس هذي حاجاتها يعني
ام لينا: منها الاكل والفلوس وفيه اشيا بعد مابتستوعبينها او مابتفهمينها اللحين اذا قلت لج عليها
ريما: ليش
ام لينا: عشان العقل له قدره على الاستيعاب.. كل ماكبر العقل كل ماقدر يستوعب الاشيا اكثر.. هذي بعد يعتمد على المراحل الي شرحتها لج من قبل.. انتي عارفه انتي باي مرحله الحين صح
ريما مقتنعه: الطفوله.. أي تذكرت
ام لينا: كل مرحله لها حياتها الي المفروض انه البنت او الولد يعيشونها ويعرفونها زين.. ومسألت الزواج مرحله من المراحل الي لحد الحين ماوصلتي لها
ريما: اها
لينا: ريما ليش.. ابتديتي
ريما: لين حرام عليج ابي اعرف
لينا: وتشوفين هذي وقته
ريما: ليش لا
لينا: ديما وين
ريما: عندها اختبار وتدرس له
لينا: وانتي ماعندج شي
ريما: لا حبيبتي انا خلصت من زمان
لينا: طيب قولي للشغاله تعمل الشاي
ريما تروح: من عيوني
ليال مستغربه: والله لو جلست معاي من اليوم لحد بكره ماعرفت ارد عليها
ام لينا: وليش عاد
ليال: ما ادري تعودت انه هالنوعيه من الاسأله ننضرب عليها حتى يشغلوننا عنها
ام لينا: اكبر غلط.. لازم الطفل يعرف بس بأسلوب راقي ومحترم حتى يكون واعي.. ماهو مثل الاطرش في الزفه
لينا: امي معودتنا على هالشي
ليال: اذا طلعو الي ببطني بنات.. انتي الي بتربينهم.. تراني ما اعرف
ام لينا: الساعه المباركه اني اربي عيالج
ريما: لين انا قلت للشغاله تعمل الشاي
لينا: طيب نادي ام عبداللطيف ولمى.. وقولي لهم يجون يشربون الشاي
ريما: طيران
ليال: ادخلو قلبي هالحرمتين
ام لينا: وانا بعد من جد حبيتهم
لينا: لمى حزينه.. الي مرت فيه شي فوق الوصف
ليال: زي عبدالعزيز
لينا: عبدالعزيز ذي سالفه ثانيه
ليال تتذكر: نسيت اقول لكم على الي عمله معاي
ام لينا بخوف: ايش عمل
ليال: وقت الي كنا بالسوبر ماركت.. طلعت ورحت السياره قلت اسبقكم وانتو تجون وراي.. جلست انتظر وانتظر لقيته طالع من المحل وموقف قدام السياره.. ارتحت من شفته بس بعدين صرت ادق عليكم وماحد يرد علي.. جاتني فكره.. انه هالعبدالعزيز تبع لافي.. وانه حجزكم بالمحل وجاي يخلص علي انا وعيالي.. كنت مرعوبه من هالفكره.. طال الوقت وانا ادق ولا مجيب
لينا: هالخبل ولد الخبله..
ليال: ههههههههههههههههههه حرام عليكي سالم قطعه من قلبي
لينا: صلي على النبي بس.. الا يركب على وحده من الالعاب.. يخلص من وحده ويركب بالثانيه قوم يا عمري قوم يا حبيبي.. ابد ولاهو معطي احد أي اهميه
ام لينا بخوف: بسم الله الرحمن الرحيم.. ايش الي صار.. ليه هالصراخ
لينا تركض: بروح اشوف ايش في
ام لينا تقوم: ياربي سترك
ليال بخوف: الله يستر


عند باب الشقه

لينا بخوف: خير ياخوي اش صار
عبدالعزيز بحده: وين احمد
لينا من ورا الباب: احمد عنده شغل وبيرجع على العصر
عبدالعزيز بحده: وعبدالرزاق بعد ماهو بشقته
لينا: طلع هو واهله.. خير اش صار قول لي
عبدالعزيز ماسك ريما بيده: اشلون تتركون طفله تركب المصعد بروحها
لينا ماهي مستوعبه: أي طفله!!!!
عبدالعزيز: هالبنت ماهي طفله؟
لينا تطل: ريما؟!! ايش طلعج
ريما تبكي: رحت انادي خالتي ام عبداللطيف.. انتي قلتي لي
وانا جايه على الباب.. سمعت ايش قال عبدالعزيز.. وسمعت انه ريما طلعت من الشقه.. وشفت لينا واقفه ورا الباب وامها جنبها خايفين.. بعدتها عن الباب وفتحته بقوتي.. طلعت قدامه وسحبت البنت من يده.. شفته رجع لورا.. يمكن ماتوقع حركتي.. يمكن كان مفكر اني بكلمه من ورا الباب.. بس ما قدرت ستنى اكثر.. مسكت ريما بقوتي
ليال بحده: كيف تطلعي من الشقه من غير لا نعرف
ريما تبكي: لين قالت لي قدامج انادي خالتي ام عبداللطيف
ليال: تدقي تلفون ماتنزلي لحالك
ريما تبكي: اسفه ما كان قصدي
ليال بحده: ادخلي داخل عند اختك يلااااا
عبدالعزيز يناظرها: انا اسف بس العماره فيها اجانب.. والبنت بروحها في المصعد.. حمقت ونسيت روحي
ليال بحده: ماصار شي.. ماقصرت الي جبتها سالمه
دخلت وسكرت الباب.. وانا بمشي لداخل شفت نفسي بالمرايه الموجوده عند الباب.. من غير غطا على راسي ولا على وجهي.. وقفت مده وانا اشوف وجهي المشوه حسيت بضعف نفسي.. كيف طلعت له وانا بهالحال.. خاف من شكلي ورجع خطوتين.. وقفت اشوف حالي كثير قدام لينا وامها.. نسيت حالي قدامهم نزلت دمعه من عيني.. خذتني ام لينا بحضنها.. اندق الباب وكانت ام عبداللطيف.. رحت بسرعه البس غطاي.. هم بعد ما كشفت لهم عن وجهي.. جلسنا وانا بدنيا ثانيه.. تفكيري كله كان بعبدالعزيز خاف مني.. اجل كيف عبدالرزاق واحمد الي يشوفوني.. اكيد هم خافو بعد.. لينا كانت تناظرني كل شوي.. وامها ياقلبي عليها وجعها قلبها علي.. كانت تقول لي قومي ارتاحي.. اكيد كانت تبي تجي وراي ونجلس لحالنا.. اكيد كانت تبي تبكيني.. رفضت اني اقوم.. ما ابي اروح.. على اني رجعت حنيت لناصر في الفتره الاخيره.. بس اليوم رجعت لكرهي له.. هو الي وصلني للي انا فيه.. الحمدلله على كل حال

&&&&&&&&&&&&&&&&&

4:00 العصر
في بيت النشمي ..الصاله..
السعوديه


ام سلطان بحده: وكيف تتصرف من نفسك كذا
سلطان: هي زلقت لسان.. والله ماقصدت
صلاح: وماله يا ام سلطان.. غسان واهله مايتعيبون
نوف: هي ماتقصد انهم يتعيبون.. الاسلوب غلط.. كان المفروض انها تعرف البنت الاول.. ماحد يخطب من غير لا يعرف البنت
سلطان: طيب انتي كلميني عنها.. انتي بنت خالها وتعرفيها كويس
نوف: يا سلطان.. اكيد اني بمدح فيها.. بس نظرة خالتي لها غير
صلاح: يا يما يعني انتي امس ما شفتيها
ام سلطان: ما انتبهت لها.. ما اتذكر شكلها.. صحيح سلمت علي بس ما اتذكرها
سلطان: يعني بتقلين من قدري وبرجع بكلمتي قدام الرجال
ام سلطان: الي قاهرني انه اختك وعدتك انها هي الي تدور لك
نوف: من سوسن؟
صلاح ينقذ الموقف: تقصد منال
سلطان: صلاح قال بيكلمها
ام سلطان: وكلمتها يا صلاح
صلاح: لا لسا
نوف: غريبه منال اقرب لك انتي تكلمينها يا خالتي.. ليه هالمره صلاح الي يكلمها
صلاح: عشان انا الي فاتحتها بالموضوع من البدايه
نوف تحس: طيب اعذروني اروح ارتاح خذو راحتكم انتو
سلطان: الحق يمكن حست
صلاح: شكلها حست.. خليها اشوفها بعدين
ام صلاح: لا يما الحقها لا تزعل


في غرفة صلاح
صلاح: الحلوين نايمين
نوف: لا حبيبي مغمضه عيوني بس
صلاح ينام جنبها: حاسه بتعب؟
نوف: اخاف اقول لك ايوا تقولي تتدلعي لسا باشهرك الاولى
صلاح: تدلعي ياقلبي.. اذا نوف روحي ماتدلعت مين الي يتدلع
نوف تبوسه: الله يخليك لي
صلاح: من جد تعابانه
نوف: ايوه.. بس لا تقلق
صلاح: وايش عرفك اذا الي فيكي عادي
نوف: خالتي قالت لي.. وعملتني كويس
صلاح: ههههههههههههههههه امي عليها حركات عجيبه
نوف: ههههههههههههه الله يخليها لي والله مافي اطيب من قلبها
صلاح: بس مستحيل تحبك زي ولدها
نوف: وولدها كيف يحبني
صلاح: يعني ماتدرين
نوف: لا ما حد قال لي
صلاح يقوم: قومي بقول لك
نوف: وين
صلاح: احلى فندق نرتاح فيه
نوف: انا مرتاحه في بيتي
صلاح بحنيه: مرتاحه كثير
نوف: فوق ماتتخيل
صلاح: مافي شي زاعجك
نوف: ابد.. اذا بنزعج.. فأنا منزعجه عشان عمي.. اشوف الحزن بعيونه وماني قادره اعمل له شي يساعده
صلاح: طبيعي ياقلبي.. ان شا الله بينكشف الغم الي حنا فيه قريب
نوف: الله بسمع منك يارب

&&&&&&&&&&&&&&&&&&&&&

5:30 العصر
شقة ليال ..البلكون..
البحرين
ام عبداللطيف: ليال يما
ليال: خير خالتي
ام عبداللطيف: اش فيكي يما.. ساكته وسرحانه ولانتي معانا
ليال: ابد خالتي حاسه بوجع اليوم.. وتعب الامس.. وماني شبعانه نوم
لمى: تصدقين اني الوحيده فيكم الي نشيطه.. احس بطاقه ماهي طبيعيه
ليال: ايش رايك تاخذي لينا وخالاتي وتروحو السوق.. او وحده من المجمعات.. قومو غيرو جو.. وانا بروح انام من جد تعبانه
لينا: أي والله ياريت.. ها اش قلتو
ام عبداللطبف: انا ماعندي مانع
لمى: وانا بعد
ليال تنادي: ريما.. يا ريماااااا
لينا: لا تنادينها مابتجي.. قولي اش تبين
ليال: انتي ايش عليكي.. ابي ريما
لينا: براحتك
ليال: ريمااا.. ريماااااا
ديما: خير خالتي بغيتي شي
ليال: هلا حبيبتي.. خلصتي دراسه
ديما: باقي شوي
ليال: ريما وين
ديما: نايمه
ليال: لا ماهي نايمه.. قولي لها اني ابيها
ديما: حاضر
لينا: ياربي كلني الفضول اش تبين فيها
ليال: براضيها انتي ايش عليكي
ام لينا: ماصار شي يما حتى تراضينها
ليال: خليني خالتي ادلعها.. احب اني ادلعها
لينا: أي انتي تدلعين ويجي على راسي انا
ليال: بناتي مافي منهم.. يستاهلو اذا راضيتهم ودلعتهم
لينا: لا تصدقين روحج بس قال بناتي
ريما بحزن: نعم خالتي
ليال: قلبي.. قولي لخان يجهز السياره.. الحريم يبون يطلعون
ريما: حاضر
ليال: كيف بتقولين له
ريما: بتصل تلفون
تعجبني هالريم.. تاخذ قلبي نسخه من لينا بشكلها مختلفه عن الكل بشخصيتها.. احبها كثير.. دقت على خان والحريم اجهزو وانزلو له.. ضليت لحالي شوي.. كنت سرحانه.. انتبهت انها واقفه عند باب البلكون تناظرني.. قمت من مكاني ورحت لها حضنتها واخذتها معي رحت عند ديما اتطمن عليها.. قلت لها انه الحريم اطلعومع بعض.. وانا وريما بنام.. وبعدين رحت لغرفتي نمت وهي بحضني نايمه.. كنت مرتاحه وهي جنبي.. هالطفله حسستني بالامان

&&&&&&&&&&&&&&&&&&&&&&&&
[COLOR="darkorchid"]
7:00 الليل
فيلا الجده ..غرفة فتحيه..
السعوديه[/CO
LOR]
العنود: مبسوطه
فتحيه: تصدقين.. اول مره احس بالسعاده.. بالعاده اذا جاني عريس احس بالضيق بكل كياني.. احساسي مع عدنان غير
العنود: يمكن عشان هو نصيبك
فتحيه تفكر: يمكن
العنود: بس تبين الصدق
فتحيه: اكيد
العنود: عدنان يستاهل انك تصبري كل هالسنين عشان تكوني له
فتحيه: اشوف عاجبك
العنود: مومهم يعجبني.. المهم اني اشوف كيف خلاكي سعيده ومبسوطه
فتحيه: مبسوطه لي؟
العنود: صحيح اني ماكنت اطيق اسمك.. ومن اشوفك ينقلب يومي واعيش بهم ماله اول من آخر.. بس من جد الان ماودي افارقك
فتحيه ترميها بمخده: جعلك ماتعرسين قبلي
العنود: أي وجعتيني
فتحيه: احسن.. ينقلب يومك من تشوفيني يا وجه القرد
العنود: ههههههههههههههههههههه زعلتي؟
فتحيه: لا عادي انا بعد ماكنت احبك.. كنت دايم اقول غلط ان تكوني انتي والحماره عبور.. خوات لناصر ونوف
العنود: ليه دايم تربطوني بعبير.. مع اني ما اشبهها
فتحيه: وانا منين اعرف اذا كنتي تشبهيها ولا لا.. ما اشوفك الا معاها
العنود: قدامكم بس.. والا انا طول عمري لحالي
فتحيه: ونوف وينها عنك
العنود: ماكنت احبها
فتحيه: ومن حبيتي في حياتك
العنود: عمري ماحبيت احد.. حتى حالي
فتحيه: وايش الي غيرك كذا
العنود تبتسم: ليال
فتحيه: يا حبي لها هالبنت
العنود: أي والله.. مافي منها.. لو تعرفي شوقي لها.. غيرت فيني الكثير
فتحيه: ماهو انتي لحالك.. الكل تغير حتى امي
العنود: ودي انها ترجع لنا من جديد
فتحيه: الله لا يبارك في ابوكي.. حسبي الله ونعم الوكيل فيه
لقيتها تدعي عليه من قلبها.. بيني وبين نفسي مارضيت عليه.. بس الي يعمله مايرضي الله ولا رسوله.. صحيح اني ما تأكدت من أي شي سمعته عنه.. بس انا شفته يدخل غرفة عبير بالفجر.. احس الدنيا تلف فيني من افكر بهالشي.. ما ابي افكر ما ابي.. كل الي ابيه اني اعيش مرتاحه.. التفكير صار يتعبني.. التفكير صار يجيب لي الخوف.. خوف من بكره ايش بصير.
فتحيه: غسان وين؟
العنود: يقول عنده شغل
فتحيه: حبيتيه
العنود: ما ادري
فتحيه: كيف يعني ماتدرين
العنود: ساعات اقول اني عشقته.. وساعات ابي انفصل عنه.. ماني مستقره بأحاسيسي
فتحيه: تبين نصيحتي
العنود: ياريت
فتحيه: دامه يحبك بهالطريقه.. لا تخسريه.. ماهو من السهوله الحرمه تلاقي احد يحبها كذا
العنود: تتوقعي حبه يستمر كذا على طول
فتحيه: وايش الي مايخليه يستمر
العنود بتردد: يمكن يختفي فجأه
فتحيه: ايوا وايش الي يخليه يختفي
العنود: اشيا كثيره
فتحيه: مثل ايش
العنود تتهرب: ما ادري
فتحيه: ليه ماتفتحي قلبك لي
العنود: كيف يعني
فتحيه: يعني تقولي لي على الي ببالك.. ومخليكي تسرحي على طول
العنود: مافي شي ببالي
فتحيه: عنود.. الكل شايف انك خايفه من شي.. بس ماحد عارف ايش هو.. الكل يبي يساعدك وانتي منتي معطيه احد فرصه حتى يساعدك
العنود: .................................
فتيحه تحضنها: ليه منتي راضيه تعيشي حياتك وتنبسطي فيها
العنود تبكي: ماني عارفه اعيش
فتيحه: وليه بس
العنود: ما ادري
فتحيه: ليه ما تفتحي قلبك لي واوعدك بيكون سرك ببير.. وبساعدك على قد ما اقدر
كان ودي اقول لها.. ايش اقول بس.. لو الي بقوله يشرف كنت قلته من زمان.. الي بقوله شي ماينذكر.. هي من شوي تدعي عليه من قلبها.. اجي الان واقول لها عن نوف وعني.. بزيد النار.. فضلت اسكت.. يا عذابي.. بكيت وانا بحضتها قلة حيلتي وضعفي قدامها وقدام نفسي.. وين اروح كيف اتصرف.. كيف اتصرف

&&&&&&&&&&&&&&&&&&

7:45 الليل
شقة عبدالعزيز ..عند الباب..
البحرين

احمد يدق الباب: عبدالعزيز
عبدالعزيز من ورا الباب: من
احمد: انا احمد يالمرعب
عبدالعزيز يفتح: هههههههه مرعب عاد
احمد: وتضحك بعد يا دمك يا اخي
عبدالعزيز: حياك
احمد: لا بدل ملابسك ويلا بنطلع
عبدالعزيز: تعال زين.. ما احب اطلع
احمد يدخل: اش سالفتك انت
عبدالعزيز: أي سالفه
احمد: يعني طول بعرض بوسامه.. وعاشق البيت جذي؟!!!
عبدالعزيز: عادي.. انا واحد ما احب اطلع
احمد: ليش؟!!
عبدالعزيز: ما ادري
احمد: لا تتهرب من سؤالي.. ولا تقول لي ما ادري
عبدالعزيز: خلها على الله يا رجال
احمد: مشاكل كبيره باين
عبدالعزيز بحزن: قلت لك خلها على الله
احمد: اذا حسيت انك تبي تتكلم تراني موجود
عبدالعزيز: تسلم.. اش تشرب
احمد: اش عندك ينشرب
عبدالعزيز يحك راسه: عندي ماي ينفع
احمد: شاقول بس.. قلت بعزمك تشرب شي عدل.. بس الشكوى لله
عبدالعزيز: اقول ترا خدمة التوصيل في كل مكان.. بتصل على أي مكان ويجيبون لك الي تبيه.. وبلا ذل
احمد: هههههههههههههههههههه انت اش تشتغل
عبدالعزبز: بالعلاقات العامه.. في وحده من الشركات
احمد: واي شركه
عبدالعزيز: شركة تأمين على الحياه
احمد: يعني وسيم وشغله زينه.. واكيد راتب زين
عبدالعزيز: اذا ناوي تتزوجني ترا عندي شروط
احمد: مالت عليك.. هذا الي قاصر.. اصوم اصوم واتزوج عبدالعزيز
عبدالعزيز: هههههههههههههههه بس ياخوي كبدي لاعت
احمد: ههههههههههههههه طيب اخلص.. بنطلع ولا لا
عبدالعزيز: يا اخي ليش متضايق من قعدت البيت
احمد: ودي اعرف اش عاجبك في قعدت البيت
عبدالعزيز: بعيد عن المشاكل والبلاوي
احمد: شكلك تعاني
عبدالعزيز: خلها على الله
احمد: قول لي يالمرعب
عبدالعزيز: اش سالفت المرعب الي ماسكها علي
احمد: زوجتي قالت لي على الي سويته فيهم اليوم
عبدالعزيز: اسكت يا خوي.. من شفت البنت وهي بروحها في المصعد انجنيت
احمد: تبي الصراحه زوجتي من قالت لي وانا سعيد بالي سويته
عبدالعزيز: يا اخي لازم تخلو بالكم على العيال
احمد: انت ماتتخيل عمتي ام زوجتي اشلون تخاف عليهم.. بس الي صار غفله
عبدالعزيز: من هنا تصير المشاكل.. من الغفله
احمد: الحمدلله ان البنت بخير.. وانت ماقصرت
عبدالعزيز: الحمدلله

&&&&&&&&&&&&&&&&&

8:00 اليل
فيلا لافي ..غرفة عبير..
لندن



ام ناصر من ورا الباب: عبير
عبير داخل غرفتها: نعم ماما
ام ناصر: شفتي بابا
عبير: لا
ام ناصر: طيب انتي ليه مقفله الباب
عبير: بدخل آخذ دش
ام ناصر: طيب اجهزي وتعالي ساعديني بالمطبخ.. ابوكي عازم رجال على العشا
عبير: حاضر ماراح اتأخر
ام ناصر: طيب ابوكي ماقال لك هو وين رايح
عبير بملل: ماما وانا ايش يعرفني فيه
ام ناصر: طيب حبيبتي طيب
عبير بضيق: متى بتطلع من هنا
لافي معاها في الغرفه: مليتي مني

- لفين بيوصل لافي بخسته..
- انتظرو خسه جديده له بالجزء القادم.. ايش تتوقعو تكون
- ياترا بتنجح خطة الخبير للعب على لافي.. ولابيكشفهم هالداهيه
- ياترا ناصر اذا وصل على لندن بيكتشف خسة ابوه مع عبير

السلام عليكم ورحمة الله وبركاته

هذه هي المفاجأة ........ يارب تكون اعجبتكم ..........


وعلى الوعد يوم الاربعاء ............

اتمنى لكم قراءة ممتعة ...........

احلي مفاجأه من أحلي ايمو

بارت رائع كالمعتاد من كاتبتنا الرائعه والمختلفه دانه
تسلم ايديكي يا جميل ...لكي أسلوب قوي ومباشر
استطعتي توصيل المشاعر
المهتاجه ببراعه شديده
بين خوف وقلق العنود...وخبث وقرف لافي وعبير
اتوقع انها ستقوم بعمليه ترقيع في محاوله دنيئه لأخفاء الحقيقه
هل ينتوي تزويج عبير من جراح او عبد الرحمن ...
ربنا يستر انا بصراحه مش طيقاه هو والهم عبير
بالتأكيد الي مسكتها عليه انها بتستفيد من وراه
لفت انتباهي كلمه قالها ناصر ان عبير ليست اخته
فهل هناك مفاجاه لا يعرفها حد
ام انه يقصد انه تبري منها ومن افعالها السيئه
غسان وكل هذا الحب هل هو كفيل بأحتواء الام العنود
وذلها لو كانت توقعاتها صحيحه....وانها ليست بنت
ليال ...قسوه الظروف ووطئتها عليه ...مع رؤيتها لنفسها
في المرأه...بعد تراجع عبد العزيز...
فالي متي ستتحمل الهموم والألام
وهل سيكون لها نصيب مع عبد العزيز,,,,اعجبتني مواقفه الحماسيه
الشجاعه..واحترامه للحرمات,,,
الكثير من المواقف الرائعه ...ألهبت خيالي وأحاسيسي
بالرحله البحريه....صورتها بطريقه مبهره
أشعرتني بالجو جدا,,,,وجعلتني كأني أراهم أمامي
أنتظر البارت القادم بشوق شديد
والف الف شكر لأحلي كاتبه...ذات الأفكار المختلفه
سلمت يمناك
والف حمد لله علي السلامه
وأتمنالك الشفاء العاجل
واحلي مفاجأه مفاجأتك يا أيمو
أسعدتيني ...أسعدك الله