[COLOR="DarkRed"]الجزء الرابع عشر[/COLOR]


12:45 الظهر
في فيلا غسان ..عند الحريم..
السعوديه
ام غسان بخوف: ايش الي صار ايش هالصراخ
الجده: اجلسي هذا ناصر مع غسان
ام غسان بقلق: عارفه هالشي سامعه صراخهم
فتحيه: هههههههههههههههههه قولي مسرحيه عاملينها
ام غسان: على من!!!!!!
الجده: على العنود.. حتى ترضى بغسان
ام غسان تبتسم غصب عنها: من جدكم انتو
الجده: مبسوطه؟
ام غسان بفرح كبير: الا بطير من السعاده.. لو تعرفي قد ايش تمنيت العنود لغسان.. وهو بعد يانور عيني ماراضي يتزوج غيرها
ام عبدالله: اجل افرحي
ام غسان: وحنا بنتركهم كذا.. صراخهم يرعب الي مايترعب
فتحيه: الله يعينها العنود
ام غسان: لو اعرف بس هي ليه تخاف من غسان كذا
الجده: ماحد فينا عارف.. بس ان شا الله كل شي يعدي على خير
ام غسان: بقوم اشوفها قلبي مو متحمل ابي على الاقل اكون جنبها
الجده: ايوا هذا وقتك روحي الان.. وما ابيكي تتكلمي اتركي هالشي على غسان وناصر

&&&&&&&&&&&&&&&&&&&&&

1:00 الظهر
في بيت النشمي ..الصاله..
السعوديه


سلطان: يما
ام سلطان: عيوني
سلطان: ايش عملتي بالموضوع الي كلمتك فيه
ام سلطان: والله يا يما انا كلمت سوسن.. وهي وافقت بس فيه شي
سلطان بإهتمام: خير
ام سلطان: ليال ضروري تعرف
سلطان: أي اكيد.. ضروري انها تعرف
ام سلطان: انت عارف انها اخبر بالعنود من سوسن.. ورايها مهم
سلطان: اكيد يما
ام سلطان: واذا ارفضت؟
سلطان: عادي.. ولا كأني قلتلك شي
ام سلطان: من جد يما.. يعني مابتزعل من اختك
سلطان: لا وليه ازعل
ام سلطان: يا قلبي انت يا سلطان.. ان قالت ليال لا على العنود لازوجك وحده.. تنسيك الدنيا
سلطان بخبث: من هي يما سولفي لي عنها
ام سلطان تضربه: تبيني اقول لك عن البنت ها
سلطان يبتسم: وليه لا.. يمكن اغير رايي
ام سلطان: الله يكملك يعقلك يما.. لو لك نصيب في العنود بتلقى الله يسهل دربك يا يما

&&&&&&&&&&&&&&&&&&

1:20 الظهر
فيلا غسان ..غرفته..
السعوديه

العنود تبكي بحرقه: ماني غلطانه والله العضيم نادو مها واسألوها والله هي الي جابتني هنا.. وانا منين اعرف انها غرفته
ناصر: حتى لو صدقت ان مها جابتك هنا.. انا شفتك بحضنه وامس يبوسك.. وأول ما وصلتي تناديه حبيبي خلنا نجلس مع بعض
العنود تبكي: والله غصب علي.. ماني قاصده اسأله هو يجاوبك
ناصر: ولو.. ملكتك الان
العنود بحده: مستحييييييييييل
ام غسان تدخل: بشويش على البنت يا عيال
العنود تستنجد بها: الحقيني يا عمه الحقيني.. وينها مها.. تقول لناصر.. والله ما ادري انها غرفة غسان
ام غسان: البنت معاها حق.. حنا جايبين لمها اثاث جديد لغرفتها واستأذنتني تجلس بغرفة غسان.. بس الظاهر نست تقول له
ناصر: ولو.. الملكه الان
العنود بحده: مستحيل.. مستحيل اتزوج هالانسان.. على جثتي انت سامع.. ما ابيه ما ابيه
ناصر: والي شفته
العنود بحرقه: اسأله اذا لي دخل بالي سواه.. والله مالي ذنب
ناصر: ولو
العنود تبكي: غسان الله يخليك قوله انك انت الي غلطان ماهو انا.. لا تطيحني من عين اخوي الله يخليك غسان.. انا مالي غيره.. قول له انك انت الي جيت وانا ما ادري عنك
غسان يوجعه قلبه عليها: حبيبتي اسمعيني
العنود واحلى كف على وجهه: ماني حبيبتك.. ماني حبيبت احد.. اكرهك يا اخي اكرهك ما ابيك ما ابيك
ناصر يسحبه: يلا يا غسان
العنود تتعلق فيه: ناصر طلبتك.. ان زوجتني له بموت.. يا خوي لا تصدق الي شفته وصدقني.. ناصر انت حبيبي وعارف اني بحياتي ماكذبت عليك.. والله اني ماني غلطانه.. ناصر الله يخليك ما ابيه ما ابيه اعمل فيني الي تبيه ان شا لله تدفني حيه بس لا تزوجني له.. اكرهه اكرهه.. بقتل حالي اذا زوجتني له
ناصر تقطع قلبه: حبيبتي الي بسويه بيرد كرامتك.
العنود بانهيار: أي كرامه هذي الي تقول عليها.. هالحيوان مايصير زوجي انت سامع.. كيف تبيني اعيش معاه وانا اكرهه انا ما اطيق اسمه حتى اعيش معاه.. ناصر بموت بموت
غسان بخوف: عنووووووووووود

&&&&&&&&&&&&&&&&&&&&

2:10 الظهر
شقة ليال..غرفتها..
البحرين


ليال على التلفون: الووووو على الحلوين
سلطان بلهفه: هلا بقلبي
ليال: وحشتني قلت اسأل عليك
سلطان: انتي الي وحشتني.. وميت على شوفتك
ليال: ياربي يخليك لي
سلطان: مالك احسك مجهده
ليال: ابد كنت انظف البيت وتعبت.. عاد قلت اول ما اخلص تنظيف ادق عليك عشان ارتاح
سلطان: تسلمين لي ياقلبي.. وصوتي يريحك يا ليال
ليال: تقدر تقول هالشي.. صوت اخوي حبيبي يفرحني ويضيع حزني بعد
سلطان يمسح دمعته: الله يخليك لي.. سولفي لي ايش اخبارك
ليال: والله الحمدلله.. عايشه مبسوطه
سلطان: محتاجه فلوس؟
ليال: لا حبيبي معي الي يكفيني
سلطان: اياكي تحتاجي وماتقولي لي
ليال: يااااااااااربي يخليك يا سلطان
سلطان: ويخليك يا قلب سلطان
ليال: انا داقه عليك عشان موضوع سوسن كلمتني فيه
سلطان: ترا اذا ما اعجبك انسيه
ليال بفرح: من جد سلطان
سلطان: ايوا من جد.. ماهي مهمه
ليال: الموضوع ماهو كذا
سلطان: خلاص انا فاهم.. وبعدين امي قالت انها بتزوجني وحده احلى منها
ليال: اتركني اشرح لك على الاقل
سلطان: ياقلبي ماله داعي.. لو فيه نصيب كان تسهلت الامور
ليال: صح.. بس ابي اقولك.. ماني رافضه عشان عيب بالعنود او اني خايفه على نفسي من نسب لافي.. ناصر كان قايل لي انه معطي ولد عمته كلمه عشان العنود من زمان.. يعني تقدر تقول البنت في حكم المخطوبه
سلطان: قلت لك مايهم.. انسي موضوعها خلاص
ليال: ايش رايك انا ازوجك
سلطان: هههههههههههههههه ومن بتزوجيني
ليال تفكر: والله ما ادري.. عطني فرصه وانا الاقيلك بنت كويسه.. تسواك يا خوي
سلطان: خلاص موافق.. كنت ابي اقول شي بس متردد
ليال: ايش هو
سلطان: يعني اقول اذا ما فيه نصيب مع العنود ايش رايك بعبير
ليال: بقولها لك بصريح العباره ومن غير لا استحي منك.. عبير وسخه.. طبع واخلاق
سلطان: اعوذو بالله.. لا خلاص شوفي لي وحده مثل ماقلتي تسواني
ليال: مستعجل يا عيوني
سلطان متردد: تبين الصراحه
ليال: هههههههههههههههههههه خلاص فهمت.. عطني كم يوم وبدق عليك
سلطان: انتظرك
ليال: مع السلامه يا خوي
خوله: منظفه البيت ها
ليال: ما ادري ليه ما قلت له اني حامل
خوله: ليلحين خايفه منه
ليال: يمكن حذر
خوله: وعنود من جد مخطوبه
ليال: لا طبعا.. سوسن قالت لي على الي ناصر ناوي يعمله عشان يحمي اخته.. تلاقيه الان ملك عليها
خوله: زين الي سويتي وقلتي لسلطان هالشي
ليال: واجع قلبي هالسلطان
خوله: معلش.. بكره الله يرزقه الي احسن منها
ليال: ان شا الله
خوله: بتروحين للينا اليوم
ليال: لا.. اليوم احس بظهري يوجعني كثير
خوله: خلاص يا قلبي ارتاحي انتي.. بترك العيال عندج.. وبروح لها
ليال: خذي راحتك

&&&&&&&&&&&&&&&&

6:15 المغرب
فيلا عبداللطيف ..الصاله..
الكويت


ام عبدللطيف: تراكم ماراح تطلعون من هنا قبل لا تتعشون
منير: غدا وعشا.. يا حلوها من عزيمه.. اقول كل يوم سكنو في بيت جديد
وليد: ههههههههههههههه تراني قاعد.. واذا بغيتيني اقعد للغدا بكره بعد بقعد
لمى: والله ماتستحون.. يلا اشوف كل واحد يقوم على بيته ولا شغله.. واستحو الحرمه ما ارتاحت
عبداللطيف: ومن شكى لج.. امي مرتاحه صح يما
ام عبداللطيف: أي والله مرتاحه.. وانا اش سويت كله على الشغالات
منير: والله هالقعده ناقصد احمد
عبداللطيف: احمدوه قعدته حلوه.. ما ادري اش بسوي اذا خلص شغله ورجع البحرين
وليد: عني انا بلحقه.. لا زوجه ولا عيال ولا ام ولا اخوان
ام عبداللطيف: عندك ابوك يا يما
وليد بضيق: ابوي مع زوجته وعياله.. مشغول بهم الله يسعده
منير: خلااااااااااااص منغير هالحزن.. احنا قاعدين نضحك لا تخرب قعدتنا بسيرة ابوك وزوجته
لمى: انسى يا خوي
وليد يناظر عيونها: اذا قدرتي انتي تنسين
لمى: قاعده احاول.. مابتنتهي حياتي عند هالحد.. الحمدلله على كل حال
وليد: صح الحمدلله.. بس تعرفين.. انا من جد قررت.. بعيش في البحرين مع احمد
منير: يا اخي اهلك وديرتك.. واحنا
وليد: اكيد اني بجي.. يا اخي انت فكر فيها.. احنا ما اشتغلنا الا وياه.. من غيره كنا ضايعين
منير: في هذي صدقت.. زماني كنت معلق شهادتي على الحيط
عبداللطيف: ما اتوقع ان احمد يستقر في البحرين.. الي اعرفه ان شغله الي في الكويت.. كبير وهو مدخوله الاساسي
لمى: وهو ايش يشتغل
عبداللبطف: اعذريني هذي اسرار
وليد: احنا بعد مانعرف.. بس اذا جانا شغل اشتغلنا.. والصدق ينقال من عرفناه وحنا ماقعدنا في بيوتنا ابد
منير: والله دخلتها براسي اني اروح البحرين
عبداللطيف: هي انت وياه.. اشوف العالم كله بيهج ورا احمدوه.. وانا تتركوني لمن
ام عبداللطيف: كل شي جاهز لبكره؟
وليد: عني انا كل شي جاهز
منير: وانا بعد
لمى: وانا بعد جاهزه
ام عبداللطيف: طيارتنا متى
عبداللطيف: 2:00 الظهر

&&&&&&&&&&&&&&&&&

6:55 المغرب
فيلا غسان ..الصاله..
السعوديه
الجده: متأكد انها نامت
ناصر: ايوا يما
الجده: وقت ما اغمى عليها كانت بوعيها
ناصر: ايوا يما.. ولو تشوفي رجاها.. تقول لي بقول لليال على الي عملته معي.. اشوفها بس والله لاقول لها
ام غسان دموعها ماهي موقفه: عيني عليها ظنيتها ماتت.. آآآآآآه ياقلبي عليكي يالعنود
ناصر: بعيد الشر عنها.. يا عمه ماصار شي اغمى عليها بس.. لا تكبرينها عاد.. وبعدين الي اعمله في مصلحتها
ام غسان بحده: ماهو بالغصب.. الزواج يجي بالرضى
ناصر: ماعندي وقت يا عمه.. اخاف من ابوي عليها.. الان هي بحمى غسان.. وانا عارف انه مابيقصر عنها.. يكفي ان يد ابوي مابتطولها
ام غسان: حسبي الله على ابوك.. داعيه عليه من قلبي.. الله يشيله من الدنيا
الجده: بس يا ام غسان.. يومين ويعدي هالشي على خير
ام غسان تبكي: مها.. يا مهااااااا
مها جات من المطبخ: نعم يما
ام غسان: سخني الغدا ووديه غرفت اخوك اذا صحت البنت تاكل
مها: حاضر يما
ام غسان: خذي معاكي مويه.. وقولي له يسمي ويمسح على وجهها فيه
مها: حاضر
الجده: نمشي حنا يا بنتي
ام غسان: وين يا خالتي.. والبنت
ناصر: البنت مع زوجها يا عمه.. واذا صحت يجيبها البيت
ام غسان: خالتي استني شوي ليه مستعجله
الجده: يا بنتي فتحيه مشت مع ام عبدالله.. واكيد جالسه بالبيت لحالها
ناصر يبوس راسها: لا تقلقي كل شي بيصير بخير يا عمه

&&&&&&&&&&&&&&&&&&

7:25 اليل
في المستشفى ..غرفة لينا..
البحرين

لينا بخوف: وين ليال ليش ما جات معاكم
خوله: ويه يما ماقلنا السلام عليكم
عبدالرزاق يضحك: لا تخافين.. تعبانه شوي وقالت ترتاح
احمد: بتصل عليها.. لا تخافين
خوله: اشلونج اليوم
لينا: بكره الصباح بطلع
عبدالرزاق: الحمدلله على السلامه
خوله: خالتي والبنات وين
لينا: طلعو من شوي مع اهل احمد
خوله: خساره يعني مافي غيرنا
احمد: خذي ليال معاك
لينا: ليال حبيبتي
ليال: هلا بالحلو.. كيف حالك اليوم
لينا: الحمدلله.. بكره بطلع
ليال: احلى خبر.. اجل بنفلها بكره.. مشاوي واغاني
لينا: والي يرحم والديج اغاني لا.. كلش ولا عايشه المرطه وعيسى عون
خوله: ههههههههههههههههه مالت اش عرفج في الفن
لينا: خليناه لج مانبيه
ليال: هههههههههههههههه لا يا قلبي موسيقى عاديه
لينا: حلو
ليال: يلا ياقلبي.. خالتي والبنات شكلهم وصلو بروح اشوفهم
لينا: ماشي ياقلبي مع السلامه
عبدالرزاق: اش مناسبته هالاغاني
لينا: تقول بنفلها بكره مشاوي واغاني
خوله: يووووووووه نسيت اقول لك على حفلة الشوا الي سويناها وانت بلندن
لينا: هههههههههههههههه وانا بعد نسيت اقول لاحمد
احمد: قولو سمعونا

&&&&&&&&&&&&&&&&&&&

8:45 الليل
فيلا غسان ..غرفته
السعوديه



فتحت عيني ولقيته جنبي.. يصلي.. غمضت عيني من جديد.. دموعي من القهر الي جواي خانتني.. كنت مقهوره كثير.. فتحت عيني وشفته وهو يسجد.. فكرت اني اقوم اذبحه.. اعوذو بالله.. قلبت نفسي ما ابي اشوفه.. رجعت غمضت عيني.. ماني قادره انام ابي انسى الي صار.. احس بوجع بقلبي احس بالقهر ذابحني.. احس بالمر الي ما قد حسيته بحياتي.. اكرهه.. اكرهه.. مألم هذا الشعور.. اعيش مع الانسان الي بحياتي ما حبيته.. الانسان الي ظلمني بيوم.. مألمه حياتك يالعنود.. تذكرت ليال.. تذكرت كيف كنت كارهه حياتي وما كنت احب احد فيها غير نفسي.. تذكرت كلامها وقوتها.. وينك ياليال.. وينك انتي الوحيده الي كنتي بتقدري على ناصر.. ياليتني اجيك.. حسيت بالظلم الي صار لك يا ليال.. ذقته وشربت من نفس الكاس الي شربتي منه.. ليتني اعرف انتي وين.. كنت هربت وجيتك..ليال طلعيني من الي انا فيه لا تتركيني اقضي باقي عمري حسره مع غسان.. اكره اسمه.. وين فرحتي يوم الي جيت وين راحتي وين ذاك الاحساس الحلو الي حسيت فيه.. بداخلي الم كبير.. مقهوره مجبوره على شي ما ابيه.. مظلومه وعايشه مع من ظلمني.. اكرهك يا غسان.. يا زفت يا حيوان
غسان: عارف انك صاحيه
العنود: .........................
غسان: في شي يوجعك؟
العنود: .........................
غسان: ماراح المسك ولا راح اقترب منك.. ابي اسندك عشان آخذك على البيت.. انا قلت لناصر خليها لحد ماتصحى وانا بوصلها
العنود: .........................
غسان: مارديتي.. تبين تكملي نوم هنا.. انا بنام على الكنب ما راح اضايقك ابد
حاسه بتعب كبير.. احس كل قوتي ضايعه.. حتى اني ماقادره ارد عليه او اقوم اضربه.. كان ودي اعملها اضربه واضربه واضربه لحد ما ترتاح نفسي ودي اسمعه من الحكي اقذره.. ودي اسبه واهين رجولته.. ودي اقول له اني اكرهه.. كنت ساكته ساكنه فاتحه عيني بس من غير حركه.. اشوفه يكلمني بس ما اسمعه.. احس اني بعالم ثاني.. اشوفه مسك يدي كنت بصرخ بس ماقدرت.. شكله يشوف نبضي.. صحيح تذكرت هو دكتور.. فتح عيني على وسعها وصار يشوفها.. لمس جبهتي.. نظراته كلها قلق علي.. غمضت عيوني.. ما ابي اشوفه.. حسيت بجسمه بدفا جسمه.. فتحت عيني شالني من مكاني.. لبسني عباتي وطار بي على السياره.. كنت دايخه اشوف الناس وما اسمع صوتهم.. اشوفه يلمس جبهتي كل شويه.. يكلمني بس ما اسمعه.. غمضت عيني

&&&&&&&&&&&&&&

اليوم التالي 9:30 الصباح
بيت ام لينا ..الصاله..
البحرين


ام لينا: نور البيت يما.. نور البيت
لينا تحضنها: منور بوجودج يما
احمد يحضنها: منور بج يالغاليه
ام لينا: حياكم يما.. استريحو
ريما تطلع من المطيخ: هلااااااااااااااااا ديما تعالي لين وصلت
لينا تحضنها: هلا ياروحي هلا
ديما تنزل من الدرج: هلا يا روحي انتي
لينا تحظنهم: وحشتوني
ريما: البارح عندج
لينا: بعد وحشتوني
ديما: لين تبين تروحين غرفتج ترتاحين
لينا: لا يا روحي انا بخير.. بقعد شوي مع امي وبعدين اروح
ريما بدلع: مسويه عصير
لينا: الحقيني فيه.. عطشانه
ريما: من عيوني دقايق
ديما: وانا مسويه حلاوه
لينا: وقهوه بعد؟
ديما تبتسم: لا القهوه عليج
لينا: ههههههههههههههه
ام لينا: استريحو يما.. بشوف الغدا وجايه
لينا: ليش متضايق
احمد: البنات ليلحين زعلانين مني
لينا: لا تهمتم هم يموتون عليك.. انت دلعهم بس وتشوف
احمد: عندي مفاجأه للكل ان شا الله تبسطهم
لينا: قول لي عليها
احمد يحضنها: عندي رحله بحريه حجزت للكل
لينا بفرح: واااااااااااو ليال بتطير من الوناسه
احمد: وحبيبتي!!!
لينا: حبيبتك دامها معاك اكيد مبسوطه
ريما بتردد: لين اجي
لينا تبتعد عنه: هههههههههههههههه تعالي ياروحي
ريما: لين اش تختارين الكوكتيل ولا البرتقال
لينا: اممممممممم اثنينهم
ريما: هههههههههههههه اشربي لين تشبعين مسويه كثير
احمد: وانا
ريما بخوف: تفضل
احمد ياخذ الكاس ويمسك يدها: ليلحين زعلانه علي
ريما بخوف: انا لا
احمد: ليش ما تكلميني
ريما بخوف: عادي.. بروح اشوف امي في المطبخ يمكن تبيني اساعدها
احمد: ديما معاها.. ابي اكلمج
ريما: اترك يدي وكلمني
احمد: وليش خايفه جذي ما بذبحج
ريما بخوف: خلني اشوف امي
احمد يرق لها: طيب انا مسوي لكم مفاجأه عشان ترضون علي
ريما: شنو
احمد: بنطلع رحله بحريه كلنا
ريما تبتسم: كلنا؟
احمد: أي كلنا تبين تعزمين ربعج بعد
ريما تفكر: ربعي.. لالا بس خالتي ليال وخالتي خوله
احمد: خلاص الي تامرين عليه.. كم ريم عندي
ريما بدلع: ههههههههههههههه يعني بصيد وبسبح
احمد: تحبين الصيد
ريما: نفسي اتعلم
احمد: اعلمج
ريما: من جد تتكلم
احمد: اكيد من جد
ديما: ريما انا جبت الحلاوه جيبي القهوه
لينا: ومن الي سواها
ديما: امي طبعا
احمد ياخذ صحن الحلاوه منها: تعالي قولي لي
ديما: خير
احمد: ابي اراضيج
ديما: ماني زعلانه
احمد: بس ماتكلميني
ديما: انا قاعده اكلمك
احمد: ماصرتي تسولفين معاي
ديما: انا قاعده اسولف معاك
احمد: ماصرتي تحبيني مثل اول
ديما تنزل راسها: ....................
احمد: مسوي لكم رحله بكره
ديما: رحله؟
احمد: أي ماتبين تروحين
ديما: بس لين ليلحين تعبانه
لينا: من قال لج انا بخير.. والدكتور قال لي هالشي
ديما: ما ادري شوفي امي
ريما تجيب القهوه: ديما قالك على الرحله البحريه
ديما: أي
ريما: بيعلمني اشلون نصيد
ديما تبتسم: من جد
احمد: انتي بعد تبين تتعلمين
ديما بحيا: أي
يتبع

احمد: خلاص بكره اعلمكم.. ونصيد السمك واذا صدنا شي عدل بنطبخه ونشويه على الساحل
ريما بفرح: ايواااااااااااااااا

&&&&&&&&&&&&&&&&&&&

12:20 الظهر
في بيت النشمي ..الصاله..
السعوديه

منال: ونوف وينها في
ام سلطان: خذاها صلاح تشوف اختها
منال: سوسن قالت لي انها رايحه
ام سلطان: أي قالت لي بعد
منال: وكيف عن بكره
ام سلطان: والله ما ادري.. كلمي الجده واسأليها.. العنود تعبانه وحنا نروح نخطب فتحيه
منال: يمكن هالشي يفرح العنود
ام سلطان: كلمي الجده الان
منال: الان يما!!!
ام سلطان: أي ايش فيها
منال: كلميها انتي.. انا استحي
ام سلطان: دقي رقمها بكلمها
منال: حاضر.. لا تنسين تعتذري منها اننا ماجينا للعنود
ام سلطان: أي اكيد
منال: خذي يدق
ام سلطان: السلام عليكم
الجده: وعليكم السلام من معي
ام سلطان: انا ام سلطان
الجده: هلا يما.. هلا ومرحبا
ام سلطان: كيف حالك يما
الجده: الله يسلمك.. بخير ونعمه
ام سلطان: جعلك دوم يما.. وكيفها العنود
الجده: الحمدلله بخير من شوي جايه من عندها.. الحمدلله احسن
ام سلطان: ابي اعتذر منك يما.. ما قدرت ازورها اتطمن عليها واشوفها
الجده: لا يما عارفه انك مشغوله مع بوسلطان.. وبعدين انتي بكره عندنا بكره تشوفيها وتتطمني عليها
ام سلطان: والله اني داقه عليكي حتى اسألك عن جيت بكره
الجده: البنت بخير وماعليها الا العافيه.. وان شا الله اليوم بعد العصر تطلع.. وخليها تنبسط بخالتها
ام سلطان: وانا بعد اقول كذا.. خلاص اجل بكره نلتقي
الجده: حياكم الله

&&&&&&&&&&&&&&&&&&&

4:30 العصر
في المستشفى ..غرفة العنود..
السعوديه

فتحت عيني والتعب احسه راح.. حاولت اتكلم من شفته جنبي اختفى صوتي.. حسيت برعشه بجسمي.. صرت ارتعد.. حس علي وغطاني بلحاف ثاني.. همس لي
غسان: ودي ادفيكي بحضني.. بس عارفك بتتضايقي
غمضت عيوني.. كنت بردانه.. المكان كان بارد.. وانا ارتجف.. حتى الغطا ماكفا.. صرت ارتجف اكثر.. راح وسكر المكيف.. حسيت براحه شويه.. وجسمي ارجعت له حرارته.. غمضت عيوني من جديد وتذكرته البارح كلما فتحت عيوني لقيته يناظرني وعيونه مليانه دموع.. كل ما فتحت عيوني لقيته صاحي.. اكيد انه مانام.. خوف علي ولا ضميره يأنبه على السواه فيني.. ماكنت ابي اشوفه صرت ابعد عيوني عنه.. بس كان يلاحقني بنظراته.. كنت ابي انام من جديد.. ما ابي اشوفه.. ابي اغمض عيوني حتى ما اشوفه.. ابي اقوم من مكاني ابي اهرب بس وين اروح.. وينك ياليال.. كيف عشتي بعد ماهربتي.. كيف قدرتي تهربي من غير لا تخافي.. ليت عندي قوتك كنت هربت.. ما ابيه ما ابيه.. رجعت دموعي تنزل قدامه.. صار يمسحها لي كلما انزلت
العنود: بعد يدك يدك عني
غسان بحنيه: حاضر
العنود: قوم اطلع برا
غسان يبتسم: من عيوني شويه وبتجيكي سوسن زوجة عبدالله.. بتركك معاها وبطلع.. ما ابي اضايقك
العنود: ابي ارجع البيت
غسان: انتظر المحلول الي بيدك يخلص.. واخذك على البيت
العنود بحده: بيت جدتي
غسان: اكيد يا قلبي.. بيت جدتك
العنود تبكي: تكذب علي
غسان: والله العضيم ما اكذب.. والله العضيم اني باخذك عندها.. ما ابيكي تخافي مني
العنود: وين ناصر
غسان: الان ادق عليه
العنود بحده: لا.. ما ابيه
غسان: حاضر.. لا تضايقي روحك
رجعت غمضت عيوني.. ما ابي اشوفه.. ليه يتعامل معاي بهالحنان.. ليه يبي يرضيني.. عارفته زين عشان بعدين يقتلني.. وين اروح وين اروح
غسان: عنود.. لازم تاكلين شي
العنود بحده: مابي
غسان: طيب على الاقل تشربي عصير.. جسمك محتاج للسكريات.. واذا ما اكلتي او شربتي شي تراكي بتدوخي.. وبرجع اركب عليكي محلول من جديد
العنود تغمض عيونها مستسلمه: ........................
غسان يجيب العصير من الثلاجه الي جنبه: برفع راسك واذا حسيتي بدوخه قولي لي
العنود بخوف: راسي يلف غسان
غسان: شوي شوي.. ارجعي ارخي راسك.. برفع السرير بشويش
العنود تغمض عيونها: ........................
غسان: كذا كويس؟
العنود: .......................
غسان: افتحي حلقك واشربي بشويش
صرت اشرب شوي شوي.. كأني طفله.. صار كل شوي يقول لي برفع السرير كمان شويه.. وانا كنت ماسكته من ثوبه من كثر خوفي.. وهو حاضنني بقلبه.. لحد ما جلست
غسان: باقي شويه من العصير كمليها
العنود: خلاص ما ابي
غسان: اسمعي.. ابيكي تخلصي هالعلبه عشان تشربي علبه ثانيه.. انتي لسا دايخه ومحتاجه للعصير.. اوكي حبيبي
كان ماسكني بقوته.. وانا كارهه هالشي.. كنت ابي اشرب العصير حتى ترد قوتي ويوخر عني.. كنت ابي ابكي.. حاسه روحي ضعيفه جنبه.. ليه يصير معاي كذا ليه
سوسن: السلام عليكم
العنود تمد يدها: الحقيني
سوسن: بسم الله عليكي ياقلبي.. بعيد الشر عن روحك
عبدالله: السلام عليكم
غسان: هلا عبدالله
عبدالله: هلا بالنسيب.. ان شا الله الف مبروك
غسان: اختي ام ليال.. الله يخليكي خليها تشرب العلبه كلها واذا حست بدوخه بعد هالعلبه عطيها علبه غيرها.. الثلاجه جنبك مليانه
سوسن: حاضر
العنود دافنه راسها بحضن سوسن: .......................
غسان: حياك معاي عبدالله
سوسن: مالك يا روحي ايش صار لك
العنود: اجبروني عليه.. وانا ما ابيه ما ابيه
سوسن: بس عبدالله يمدح به وبأخلاقه.. يقول انه غسان مافي منه
العنود: ما احبه اكرهه من قلبي
سوسن: تعوذي من ابليس هو صار شي بينكم
العنود: الكثير
سوسن: عشان كذا كارهته
العنود: ايوا.. سوسن
سوسن: يا عيوني
العنود تبكي: ابي اروح لليال.. ابي اهرب لها.. قولي لها اني بموت اذا ظليت معاه.. سوسن الله يخلكي لا تتركوني معاه.. قولي لليال تجي تاخذني
سوسن: اهدي طيب.. اهدي
العنود تبكي: ما ابي اهدى.. ابي اروح لليال.. قولي لها اني شربت من نفس الكاس الي اشربت منه.. قولي لها اظلموني.. وناصر جبرني عليه.. وينها تدافع عني.. قولي لها بيقتلني غسان يبي يقتلني
سوسن: عنود منتي صغيره.. اهدي وفكري كويس.. كلنا حولك.. ايش بيقدر يعمل يعني.. حنا جنبك ومابيقدر يضرك بشي.. قولي لي.. هو ضايقك بشي
العنود: زواجي منه وبهالطريقه هو الضر لي
سوسن: وغيره
العنود تدفن راسها بحضن سوسن وتبكي: ............................
سوسن: اشربي العصير طيب.. صحتك لازم ترد.. قومي ارفعي راسك
نوف: السلام عليكم
سوسن: هلا حبيبتي وعليكم السلام
نوف: مالها
سوسن: دايخه شوي.. تشرب العصير وتفرفش
نوف تجلس جنبها: ماتبين تسلمي علي صار لي شهور ماشفتك
العنود تحضنها: بموت يا نوف بيقتلني
نوف: من ذا !!!!
العنود: الحيوان الي اسمه غسان
توف: هههههههههههههههه انتي لسا خايفه منه.. يا بنت اكبري.. غسان يحبك ويموت على ترابك

&&&&&&&&&&&&&&&&&&&

5:00 العصر
شقة ليال ..الصاله..
البحرين

ام لينا: حيا الله من جا
ام عبداللطيف: الله يخليج يا اختي.
ليال: منوره البحرين يا خالتي
ام عبداللطيف: منوره بج يما
خوله: هلا اختي كيف حالج
لمى تبتسم: الله يسلج حبيبتي.. وينها لينا
ليال: لسا ما جات مع احمد
ام عبداللطيف: يوصلون بالسلامه
ام لينا: احمد راح لاهله يجيبهم
ام عبداللطيف: عاد يا شوقي لاختي ام احمد.. اسمع صوتها ولا عمري شفتها
ام لينا: الحين تشوفينها.. الله يحفظها قعدتها ماتنمل
ام عبداللطيف: ولا سوالفها الله يحفضها
خوله: صوفيا
ليال: ومنين تعرفينها خالتي ام احمد
ام عبداللطيف: احمد الله يحفظه دارس بالكويت مع ولدي عبداللطيف.. عاد شبه ساكن عندي.. والله انه في غلاة عيالي
ام لينا: الله يسلمج احمد بعد يشكر فيج
ام عبداللطيف: والله من اخلاقه الله يحفظه.. مافي مثله والله
خوله تاخذ الصينيه من صوفيا: روحي انتي جهزي الباقي
صوفيا: اوكي ماما
خوله: تفضل يخالتي
ام عبداللطيف: تسلمين يما
خوله: تفضلي حبيبتي
لمى: شكرا ياروحي
ام عبداللطيف: الحين احنا عرفنا انج ام لينا.. والبنات من يكونون
ام لينا: هذي خوله بنت اختي ابوها قطري.. وجايه مع زوجها البحرين عشان عنده شغل
ام عبداللطيف: هلا يما
ام لينا: وهذي ليلى صاحبة بنتي لينا.. سعوديه متزوجه بحريني
ام عبداللطيف: النعم بأهل السعوديه
ليال: ينعم بحالك
خوله: وهذي بنتج خالتي
ام عبداللطيف: اعز واغلى من بنتي.. هذي لمى بنت جارتي الله يرحمها.. دارسه مع احمد وعبداللطيف.. ومثل اختهم
ليال: محاميه بعد؟
لمى: أي نعم
خوله: يا عزنا.. اليوم البيت كل الي فيه محامين
ليال: وانتي محسبه روحك منهم
خوله: طبعا ماهو انا الي دوم ادافع عنك؟!!
ليال: ههههههههههههههههههه ايوا اكيد
خوله: خلاص ابقى محاميه
لمى: ههههههههههههههههه لو جذي كان الناس كلهم صارو محامين
ليال: ومرجعهم خوله
لمى: يلا بلا دراسه بلا وجع راس
ليال: هههههههههههههه صدقتي
لينا: السلام عليكم
ام لينا: هلا يما تأخرتو
ليال: هذي لينا
احمد: وهذي احمد وراها
ام احمد: وام احمد معاهم
خوله: ومافي احد وراكم بعد
ام احمد: ريحي رقبتج من التلفت ما احد معانا
خوله: ههههههههههههههههه ابتدينا
ام عبداللطيف: هلا بالعروس هلا والله
لينا: هلا خالتي اشلونج
ام عبداللطيف: من شفتج صرت بخير.. وانت ماتتصل تطمني عليها.. ادور اخبارها من عبدالطيف ووليدوه الي رفع ظغطي
احمد يبوس راسها: حقج علي ووليدوه باخذ حقج منه.. وينهم
ليال: بالمجلس مع عبدالرزاق
احمد: هلا لمى اشلونج
لمى: الله يسلمك
احمد: لينا بعرفج على لمى اختي
لينا: هلا وغلا والله
لمى: هلا بج حبيبتي.. اشلون صحتج

&&&&&&&&&&&&&&&&&&&

7:30 الليل
فيلا الجده ..غرفة العنود..
السعوديه

ناصر: حمد الله على سلامة الحلوين
العنود: ..............................
غسان حاملها: ناصر الله يخليك شوف لي شي تاكله.. البنت لسا دايخه
فتحيه: انا بروح اجهز احلى عشا
غسان بضيق: ودزي عصير خالتي الله يخليك
ناصر: تحسي بشي العنود
العنود: ...........................
غسان: لا تضايقها ناصر.. دامها ماتبي تتكلم اتركها على راحتها
ناصر: احلف عاد.. تراها اختي
غسان بضيق: عارف ومالي مكان بينكم.. بس الله يخليك لا تزيدها.. تراها ماهي بناقصه
ناصر يناظره: من جدك انت
غسان يغطيها: ايوا من جدي.. الله يخليك شوف لي غطا ثاني اخاف تبرد باليل
ناصر يتركهم: حاضر
غسان بضيق: مرتاحه كذا
العنود: ...........................
غسان: عنود.. حبيبتي انا بمشي مثل ماتبين.. حبيبتي ردي علي حتى اتطمن انك بخير
العنود: ...........................
غسان: طيب تسمحين لي اكون معاكي الليله.. ماراح اضايقك نامي براحتك وانا بسهر معاك.. والله اني مابضايقك.. ردي علي بس سمعيني صوتك انك بخير
العنود: ابي ليال
غسان مستغرب: من؟!!!
ناصر: وهذا الغطا.. والعصير.. بغيت شي ثاني عمي
غسان: ابي اسهر معاها الليله
ناصر: والله اذا هي ما عندها مانع.. انا بعد ماعندي مانع
غسان يمسك وجهها بحنيه: عنود ناظرني.. والله ثم والله بعمل لك الي قلتي عليه.. بس اتركيني اسهر عندك الليله.. بموت قلق اذا مشيت عنك وانتي بهالحاله
ناصر: عيني يا عيني
غسان بحده: شوف تراني مانمت من يومين.. لا تزيد همي.. ماني ناقص يجرا عليها شي
ناصر بحده: ايش تقصد
غسان: اقصد انك تطلع برا.. ابي اكلم زوجتي ممكن
ناصر: زوجتك اذا ماردت علي الان بانها موافقه انك تظل هنا.. انت الي بتطلع برا فاهم
غسان بحنيه: عنود.. انا حلفت
العنود: .........................
غسان يبتسم: حبيبتي ردي عليه.. قولي له انك تبيني اظل هنا.. حبيبتي انا حلفت بالي تبينه
ناصر يمسك كتفه: قوم معاي
غسان يقوم: عنود حبيبتي انا حلفت
العنود تناظره: ..........................
غسان يبتعد عنها: حلفت بالي تبينه
العنود تغمض عيونها: اخاف تلعب علي
غسان يرجع لها: بتسمعين بنفسك واذا ماقدرت اعمل شي بمشي صدقيني
العنود: يعني بشوفها
غسان: ما اتوقع تشوفينها.. على الاقل تكلينها
ناصر بحده: من هذي؟
غسان يغمز للعنود: تبي تكلم امها.. ناصر عشان خاطري خليها تكلمها
ناصر: عنود كلميني.. انتي تبين تكلمي امي
العنود تغمض: ايوا
ناصر: يعني موافقه يسهر عندك
العنود تهز راسها موافقه: ...........................
ناصر: امي بس.. ابوي لا.. انتي سامعه
العنود: .........................
ناصر بحنيه: ردي علي
العنود: ايوا
ناصر بشده: اياكي تكلمي ابوي.. اياكي
غسان: تطمن انا جنبها وما بتركها تكلمه
ناصر يطلع: انا رايح اعجل بالعشا وراجع لك
غسان: افتحي عينك ناصر مشى.. شوفيني
العنود تشوفه: ...........................
غسان: تحبي الله
العنود مستغربه: اكيد
غسان: ابيكي تحلفي بعزته وجلاله انك اذا كلمتي ليال ماتقولي له
العنود بلهفه: والله
غسان يمسك تلفونه ويدق: .. الو عبدالله
عبدالله: هلا غسان العنود كيفها
غسان: كويسه.. عبدالله.. طلبتك
عبدالله: امرني
غسان: ابي اكلم زوجتك بموضوع يخص ليال
عبدالله: وايش دخل ليال
غسان: العنود تبي تكلمها.. ابي زوجتي ترتاح يا خوي.. ماني قادر اشوف زوجتي بهالحال.. ما اقدر اكلمها عن الي انت تعرفه يمكن ليال تقدر تقوله لها
العنود بخوف: عن ايش؟!!!
غسان: استني شوي.. ايش قلت يا خوي
عبدالله: سوسن كلمي غسان
سوسن بخوف: غسان العنود بها شي
غسان: انا داخل على الله ثم عليك.. اختي انا عارف انه صلتك بليال قويه.. يمكن انتي ماتعرفي غسان من يكون.. اسألي عبدالله عني.. ثقي اني اذا اعطيتك كلمه راح اوفي بها حتى لو على قص رقبتي
سوسن: آمرني يا خوي واذا قدرت على طلبك ان شا الله ما اردك
غسان: قولي لليال انه عنود تبي تكلمها
سوسن: ايوا بس انا منين اعرف مكان ليال
غسان: انا اوعدك وعد رجال انه ماحد يعرف انه عنود كلمتها ابد.. عهد علي اوفي فيه اني احافظ على هالشي اذا صار.. وماحد يعرف عنه طول منا عايش.. بس قولي لها هالشي.. زوجتي بتروح من يدي.. انتي بنفسك شفتي حالتها.. انا قايل لناصر الطريقه غلط.. بس هذا الي صار.. والان لا ناصر ولا انا قادرين نقول لها الحقيقه.. ليال هي الوحيده القادره.. اختي انتظر منك رد
سوسن: ما اوعدك بس اشوف
غسان: انتظرك جنب التلفون
سوسن: بس هالشي يبيله وقت
غسان: انتي تشوفين ان عندي وقت؟.. انتي قرري
سوسن: ان شا الله خير
اسمعه ولاني مصدقه.. اشوف دموعه وهو يكلم سوسن.. معقوله يمثل عليها.. يقول انه قال لناصر انه الطريقه غلط.. ناصر متفق معاه على الي صار لي.. ايش الحقيقه الي ماهو قادر يقولها لي.. ايش الي صار ماحد يقدر يوصله لي غير ليال.. راسي يلف من جديد.. حسيت روحي دايخه لقيتني بحضنه.. اخذ العصير وشربني.. ودق على ناصر يعجله بالعشا.. جا ناصر وهو ماهو مصدق اني ابي اكلم امي
ناصر: كلمتي امي
غسان: لف راسها وداخت.. بعدين تكلمها.. دامك سمحت لها.. تكلمها بأي وقت
كنت بحضنه كل ذا.. منظره وهو يترجا سوسن اثر بي كثير.. ما ادري ليه رقيت له.. يقول مانام من يومين معقوله يبي يذبحني وماينام يومين يسهر على راحتي.. غمضت عيوني وانا بحضنه.. كنت كل شوي اسمع ناصر يتكلم.. وهو يسكته.. كنت اسمعه يقول لناصر يا اخي ارحمني من سماع صوتك واسكت ابيها تنام مرتاحه.. ما اكذب على نفسي كنت مرتاحه.. وفي نفس الوقت خايفه.. حسيت روحي أغني فتحت عيني ولقيته جنبي.. مبتسم
العنود: حسيت اني أغني
غسان يبتسم: هههههه ايوا كنتي تغنين
العنود: ليال ما دقت؟
غسان: لسا
العنود: كم الساعه الان
غسان: 3 الفجر
العنود تفز: نمت كل ذا
غسان: صحه يا رب
العنود بحيا: شكرا
غسان يبوس يدها: تصدقيني اذا قلت لك احبك
العنود تسحب يدها: تتوقع ليال تدق
غسان: اتمنى
العنود: وليه تتمنى
غسان: حتى حبيبتي ترتاح
العنود: ايش الي مخبيه علي انت وناصر
غسان: اجلي الاجابه على هالسؤال
العنود: ابي اعرف
غسان: عنود.. اذا سمعتيني اقول لك اني ما اقدر على شي.. فلا تتوقعي اني اعمله
العنود بحده: بس انا ابي اعرف
غسان: من غير عصبيه.. ابيكي هاديه زي ما صحيتي.. طلبت منك تأجلي هالسؤال ما قلت لك انسيه.. فيه فرق
العنود تنزل راسها: حاضر
غسان يذوب: احبك
العنود: ................................
غسان: حاسه بجوع
العنود تهز براسها لا: ......................
غسان: هههههههههههههه ماتعرفي تكذبي.. تبين نطلع شوي
العنود بخوف: وين نروح
غسان وليه خايفه كذا.. نروح ناكل شي انا بعد جعان.. صارلي يومين لا اكل ولا نوم
العنود تناظره: ومن قال لك ماتاكل ولا تنام
غسان: آكل وحبيبتي جعانه.. انام وحبيبتي ماهي مرتاحه.. ها
العنود: تظن بصدقك اذا قلت لي اني حبيبتك
غسان: براحتك المهم اني عارف اني احبك كويس.. قومي عشان تغيري ملابسك
العنود: طيب خلينا نطلب ونجلس بالبيت
غسان: ابيكي تغيري جو البيت نطلع وتشمي هوا.. وبعدين يمكن ليال تدق.. الاحسن تكلميها وحنا برا.. خلي ببالك انه ناصر شك انك تبين تكلمي امك
العنود: ايوا لاحظت

&&&&&&&&&&&&&&&&&&&&&

4:15 الصباح
سيارة احمد ..على التلفون..
جسر الملك فهد

ليال بحده: غبي انا قايله من زمان انه غبي
سوسن: اهدي انتي.. ما كان عارف انه بيصير لها هالشي
ليال: وهي كيفها الان
سوسن: خايفه منه بطريقه مثيره.. تحسين انه بينهم شي ماحد يعرفه غيرهم
ليال: ولافي
سوسن: ماله
ليال: مادرى عن العنود
سوسن: ما ادري عنه
ليال: لازم اكلم ناصر
سوسن: ناصر؟
ليال: اكيد.. لازم اعرف ايش الجديد الي صار خلى ناصر يعمل كذا
سوسن: انتي خايفه على العنود ولا على ناصر
ليال: خايفه على الي ببطني
سوسن: طيب.. كلميه وارجعي كلميني بعده طمنيني
ليال: سلام
لينا: بعد بتكلمينه
ليال: ضروري اكلمه.. الوضع مايسر
احمد: اصبري شوي نعدي الجوازات وندخل في الاجواء السعوديه حتى تصير المكالمه سعوديه محليه
ليال: وكيف عن الجواز
احمد: لا تخافين.. عندج جواز بصورتج واسم مختلف
ليال بخوف: مافهمت.. مزور يعني
احمد: هو من الناحيه القانونيه.. رسمي.. بس في الحقيقه..............
لينا بخوف: منت صاحي
احمد: هذي الحل الوحيد الي بيدنا.. عبدالرزاق مكلم واحد من اصحابه وهو الي تصرف له بهالموضوع.. اذا سافرت بجوازها وبأسمها.. اكيد هالكلب بيعرف عنها.. وبيدور عليها
لينا: يعني ماننكشف
احمد: استحاله تنكشف.. وبعدين هي استخدمته لما جات البحرين مع زوجة عبدالرحيم
ليال: وليه كل هالثقه
احمد: عشان الي عمل لك هالجواز شخصيه كبيره
لينا: من
احمد: لا تسألون عن شغلي
لينا: براحتك المهم ان ليال بخير
احمد: وصلنا ليال اسمك جواهر
ليال: وع جواهر ادري تذكرت.. الله يهداه عبدالرزاق ما عرف يختار لي اسم عدل
لينا: هههههههههههههههههه وقتك
احمد بجديه: افضل انج تنكتمين.. لانه ماهو وقت اختيار اسامي تعجبك
ليال: هههههههههههههه زين نمزح يا عمي ما كفرنا

&&&&&&&&&&&&&&&&&&&&

4:50 الصباح
فيلا الجده ..غرفة ناصر..
السعوديه

ليه احسك جنبي الليله.. ليه اشم عطرك.. ليه جفاني النوم يا ليال.. حبيبتي وينك.. تعالي شوفي حالي.. مشتاق لك ليال الشوق توهني.. ودي اتطمن عليكي وعلى الي ببطنك.. حاس بوجعك.. كيف عايشه وانتي لحالك.. من يدلعك من يشوف طلباتك.. حبيبتي وينك.. تلفوني بهالساعه؟
ناصر: الو
ليال: ...............................
ناصر: اعرفك من انفاسك
ليال: ...............................
ناصر: مشتاق لك.. ضايع بدونك.. تايه وحيد روحي معاك.. ماني لا قيها.. ليال
ليال: اخبارك
ناصر: اخباري ماتسر
ليال: ايش الجديد عندك
ناصر: الجديد انه موتي قريب
ليال: مالها العنود
ناصر: حياتي صارت غير مهمه عندك؟
ليال: حياة العنود اهم
ناصر: انتي كويسه
ليال: الحمدلله
ناصر: وامانتي الي معك
ليال: ماني عارفه عن ايش تتكلم
ناصر: الحمل متعبك صح
ليال: داقه اسأل عن العنود
ناصر: واضح من انفاسك يا قلبي
ليال: الغريب انه احساسك عالي بعد ماتركتك.. وانا جنبك ماكنت كذا
ناصر: انا مستعد اهجر العالم واعيش معاكي بمكان ماحد يعرف عنه شي.. مستعد للي تبينه بس اكون معاكي.. مستعد اني ابيع روحي واشتري رضاكي.. بس ترضي علي
ليال: فات الوقت لذا كله.. احنا خلاص.. مايصلح نرجع لبعض.. ابوك بيظل بيننا بكل شي
ناصر: ماراح اترك له مجال انه يدخل بحياتي ابد
ليال: مابنسى الي عملته بي ابد
ناصر بحنيه: احبك
ليال: كلمني عن العنود
ناصر: زوجتها لغسان غصب عنها.. انهارت
ليال: ليه ماتكلمت معاها وشرحت لها
ناصر: مافي وقت يا ليال.. خفت انها تتصرف تصرف يبعدها عني.. ويطولها ابوي بعدها
ليال: ايش الجديد الي عرفته
ناصر: الخادمه دقت علي من لندن وقالت لي انها شافت ابوي مع عبير
ليال بخوف: ايشششششششش
ناصر: وقالت لي انه الي شفته طالع من الملحق هذيك الليله كان جاي لعبير ماهو لك
ليال بخوف: والعنود؟
ناصر: العنود بخير.. بس ماني قادر اقول لها شي
ليال: وعبير كيف بتنقذها
ناصر: ومن قال لك اني بنقذها.. خليها
ليال: حرام عليك هذي اختك
ناصر: ومن قال لك انها اختي.
ليال بحده: انت لازم تتصرف.. عبير لازم ترجع السعوديه انت فاهم
ناصر: لا طبعا.. خليها معاه.. هي من طينته.. وسخه زيه.. للاسف ماعرفت انه وسخ غير متأخر
ليال بحده: بعد لازم تتصرف وتنقذها.. هذي صغيره لا تتركه يلعب بها
ناصر: ريحي اعصابك حبيبتي.. عبير ماتسوى انك تعصبي نفسك عشانها
ليال تبكي: حرام عليك حرام عليك
ناصر: عبير خربت بيتك وهدمت حياتك وتبكي خوف عليها
ليال: عشان عندي دم هذي في النهايه انسانه حنا محاسبين عليها.. فاهم انت محاسب امام الله عليها
ناصر: ابوها يتحاسب ماهو انا
ليال: لا تقسي قلبك.. انت طول عمرك حنون
ناصر: ماتركو للحنيه مجال بقلبي.. صلاح قال لك عن نوف؟
ليال متردده: صلاح؟
ناصر بحده: ايوا صلاح.. اكيد قالك انها ماهي بنت.. تعرفي انها ماتذكر شي.. تعرفي انه لو ما الله وصلاح اختي كانت بعالم ثاني.. ترضي على نوف؟.. هذا المصير يكون لنوف؟.. تقولي اني حنون.. أي حنيه تنتظريها مني وانا اتخيل ايش ممكن يكون مصير نوف.. لو تعرف بالحقيقه.. لو تعرفي اني ميت خوف لو اكتشف انه العنود هي كمان زي نوف.. ماتعرفي بالمر الي حاسس بيه.. لو شخص غير لافي كنت ذابحه وشارب من دمه من زمان.. بس هذا لافي.. ابوي تخيلي ابوي.. ايش الي اقدر اعمله فيه.. شوري علي قولي لي
ليال: وكل امرك لله.. هو المنتقم منه
ناصر: العنود بحاله صعبه.. ودي اكلمها بس ماني قادر اقول لها حقيقة ابوها.. ماعندي الكلمات المناسبه الي اقولها لها.. ماني لاقي تعبير مناسب اوصف لها الي عرفناه.. دليني علميني.. تراني ضايع من غيرك يا ليال
ليال: اتركها على الله وعلي انا اكلمها.. اعطيني رقم غسان

5:30 الصباح
في سيارة غسان
السعوديه

غسان يبتسم: مرتاحه كذا
العنود: ....................................
غسان: طيب تحسي بدوخه
العنود: لا
غسان: كويس.. ضغطك كان نازل شوي عشان كذا تحسي بدوخه
العنود: ................................
غسان: ايش رايك نروح عند البحر شوي
العنود: لا نرجع البيت
غسان: ليه!!
العنود: انت مانمت من يومين
غسان يوقف السياره: واذا مانمت من يومين ايش بيصير
العنود: ماني عديمة احساس انت تعبان ومحتاج ترتاح
غسان يجرها لحضنه: قولي انك خايفه علي.. عنود الله يخليكي قولي انك خايفه علي
العنود تبتعد عنه: ...................................
غسان: انا اسف.. نسيت روحي.. حسيتك مهتمه بي
العنود: ابي ارجع البيت
غسان: من عيوني
العنود: اليوم الخميس؟
غسان: ايوا حبيبتي.. في شي
العنود: اليوم خطبة توحه
غسان: ايوا عارف.. مبسوطه
العنود: ما اظن الفرح يدل مكاني
غسان: غلطانه.. الفرح حولك وانتي منتي شايفته
العنود: اذا كان تقــ...............................
غسان: اعذريني ارد على التلفون.. الو
ليال: السلام عليكم
غسان: وعليكم السلام
ليال: غسان معاي
غسان: من انتي
ليال: كيف اقول لك من انا من غير لا اعرف من معاي
غسان: انتي الي داقه يعني لازم اعرف انتي من الاول
ليال: انا بغيت اكلم غسان.. اذا منت هو اعذرني تراني داقه غلط
غسان بحده: اجل انتي داقه غلط
ليال بحده: لا ترفع صوتك علي.. انا اتكلم معاك باحترام.. ماني وحده من الشارع
غسان يقفل الخط: قليلة حيا
العنود: من هذي
غسان: وانا ايش عرفني.. قال قول لي من انت عشان اقول لك.. وحده ماتربت
العنود: يمكن ليال
غسان ينتبه: والله نسيت ليال.. ياربي احتمال هي.. انا ايش عملت
العنود بقهر: طول عمرك متسرع
غسان بنتبه: صح طول عمري متسرع.. واغلط
العنود: كيف بكلمها مره ثانيه الان
غسان: بدق عليها الرقم عندي
العنود برجا: الله يخليك.. ولا تزعلها
غسان يدق على الرقم: من عيوني.. هذهي ردت.. السلام عليكم
ليال: .....................
غسان: انا اسف اني سكرت الخط.. هذي قلة حيا مني.. بس ما احب هالاسلوب معاي.. نسيت اني انتظر مكالمه مهمه من وحده ما اعرفها ولا بحياتي كلمتها لاني مشغول بأهم شي بحياتي.. انا اسف.. اذا كنتي انتي من انتظر الله يخليكي ردي علي.. الوضع الي عندي مايستحمل انك تاخذي على خاطرك مني.. تراني ماني بعقلي حالها مايسر.. وانا مشغول عليها كثير
ليال: تحبها
غسان: روحي فيها
ليال: عطني اكلمها.. وبعديها بكلمك
غسان: ماقلتي من معاي
ليال: ماقلت لي انت من
غسان: انا غسان
ليال: وانا ليال.. ابيك تكون جنبها وانا اكلمها اخاف ماتستحمل الي بقوله لها ويجرا عليها شي
غسان: العنود معاكي
العنود ماهي مصدقه: ليال
ليال: هلا يا قلب ليال
العنود تبكي: تعالي اخذيني معاكي يا ليال
ليال: ياروحي انتي.. ابيكي تسمعيني كويس.. وتفهميني.. ابي اتأكد انك بخير
العنود: ماني بخير.. تعبانه يا ليال
ليال: والي بقوله لك بيتعبك اكثر.. لازم اتأكد انك بخير حتى اقوله لك
العنود بخوف: ما فهمت
ليال: زواجك من غسان.. لمصلحتك.. صحيح ناصر تصرفه غلط.. بس يا عنود ماكان فيه وقت عشان يشرح لك.. الي بقوله لك ماحد يعرف عنه أي شي.. المفروض انك ماتعرفي عنه بعد.. بس وضعك يجبرني اني اقول لك
ابتدت كلامها بشرح طويل.. مليته في البدايه بس بعدين صرت اسمعها باهتمام صارت تقول لي عن اشيا كثيره وتذكرني بمواقف كثيره اقنعتني بكلامها لانها اثبتت لي بأكثر من شي انه كلامها صحيح.. وجات عند سالفت نوف.. كانت تقول لي وانا احس الدنيا تلف فيني.. مستحيل الي اسمعه.. مستحيل اذا نوف مادرت عن حالها اكيد انا بعد.. تمكن الخوف مني.. صرت ارتجف داخلي.. ونظرات غسان تلاحقني.. هالمره فيها قتل بيقتلني وما حد بيدري عني.. كيف بثبت انه ماحد لمسني وانا ما ادري عن حالي.. كان ودي اسألها اذا غسان يعرف عن نوف.. ما قدرت ماكنت ابي اثير موضوع نوف قدامه وافضحها.. كفايه انها ماتعرف شي عن حالها.. يا مسكينه يا نوف.. يا خوفي على نفسي انا بعد.. ظلت ليال معاي اكثر من الساعتين.. كنت سعيده بها وخايفه انها تتركني.. ليتها تجي تاخذني معها.. احس بالامان معها.. صحيح دموعي ماوقفت وهي تكلمني.. بس حسيت اني مرتاحه وهي تكلمني.. حسستني اني مهمه عندها وانها تخاف علي.. قالت لي كلام كثير عن غسان.. اكدت لي انه يحبني.. واني لازم اغير فكرتي عنه.. حاولت تعرف انا ليه اكرهه.. بس ماقدرت اقول لها لانه جنبي.. كان ودي اني اقول لها على الي بقلبي.. كان ودي اقول لها عن خوفي.. بس ماقدرت.. سكرت الخط وانا تفكيري في مكان بعيد.. هدت روحي بس سكن بقلبي خوف من نوع ثاني.. كنت هاديه وانا اتكلم معاه.. طلبت منه اني اروح البيت.. كنت محتاجه اني انام او محتاجه اني اعمل نفسي نايمه حتى افكر في الي قالته لي ليال.. وصلنا على البيت وجيت بركب الدرج.. لقيته ماسكني وحملني بين يده نظرته حلوه.. كلها حنان.. فكرت اني ابكي بحضنه.. فكرت اني اقول له على خوفي.. تراجعت حسيت اني بطلب عطفه علي.. وهالشي مستحيل يصير.. اذا كانو خايفين علي من بابا.. خلاص ماراح اقرب له.. بس المهم عندي اني انفصل عن غسان

&&&&&&&&&&&&&&&&&&&

8:30 الصباح
عند باب العماره
البحرين

احمد: كلكم جاهزين
ريما بفرح: ايوااااااااااااااااااا
احمد: ههههههههههههههه يلا طيب مشينا
عبدالرزاق: لا انتظر شوي
احمد: خير
عبدالرزاق: خلينا نقول لعبدالعزيز
احمد: عبدالعزيز؟
عبدالرزاق: ليش مستغرب
احمد: لاني ما اعرفه
عبدالرزاق: تراه طيب يا خوي وفي حاله.. بقول له يمكن يطلع من العزله الي هو فيها
احمد: ماعرفت عنه شي؟
عبدالرزاق: ابد ولا شي
احمد: يلا طيب لا نتأخر
عبدالرزاق: مابتجي معاي تكلمه
احمد: يلا.. جاي معاك
ريما من السياره: احمد ويييييييييييييييين
احمد: حبيبتي مابتأخر دقايق وراجع
ريما: يلا عاد بسررررررررررررررعه
سالم: بابااااااا يلااااااااا
عبدالرزاق: ههههههههههههههههه حاضر حاضر.. حتى سالم صار مثلها
احمد يفتح باب المصعد: يلا عجل العيال متشوقين
عبدالرزاق يدوس الزر: بنقدر نقنعه.. ولا بيردنا خايبين
احمد: هههههههههههه احسك تتحداني
عبدالرزاق: ههههههههههههههه بصراحه أي.. عشان تجبره يجي معانا
احمد: وانت ليه مهتم به جذي
عبدالرزاق: احسه طيب.. ويبي من يهمتم فيه
احمد يفتح الباب المصعد: ماحد طيب غيرك
عبدالرزاق يدق الجرس: دام هالجمعه فيها شباب طيبين خل يجي يغير جو معاهم وينسى هالحزن الي معيش نفسه فيه
احمد يضرب الباب بيده: عبدالعزيز يا عبدالعزيز
عبدالعزيز من ورا الباب: حاضر لحظه شوي
عبدالرزاق: زين الي رد
عبدالعزيز يفتح الباب: هلا والله.. حياكم
احمد يدخل: هلا بك عندك ثياب
عبدالعزيز مستغرب: ثياب شنو
احمد: ثياب الي يلبسونهم حق الرحلات
عبدالعزيز فاتح عينه: منت صاحي.. والرحلات لها ثياب مخصصه يعني
احمد يسحبه على غرفته: أي اكيد ثياب مخصصه للرحلات.. وبالاخص للبحر.. يعني شورت تي شرت قطن وغيارات في حال فكرت تسبح
عبدالعزيز ماهو فاهم شي: اسبح وين ياخوي.. داخل وهاجم علي وتسحبني وراك كأني عنز.. وتسألني عن ثياب
احمد يفتح خزانة ملابسه: يلا حرك روحك مافي وقت.. بتختار لي ولا اختار
عبدالعزيز: انت فاتح الخزانه خذ لك الي تبيه
احمد: عبدالرزاق.. هذا مناسب؟
عبدالرزاق: أي مناسب كثير وهذاك بعد
احمد: أي هو ذي؟
عبدالرزاق يضحك: اي
احمد: ابي فوط وين الفوط
عبدالعزيز: عندك في هالرف
احمد: تكفي ثنتين يا عبدالرزاق
عبدالرزاق يضحك: تكفي يا خوي
احمد: ابي شنطه صغيره
عبدالعزيز يطلع له وحده: زينه هذي
احمد: ممتازه
عبدالعزيز: تبي شي ثاني
احمد: ابي حذا رياضي وشرابات
عبدالعزيز: تعال خذ الي تبيه
احمد يختار: جذي اوكي
عبدالرزاق: يلا مشينا
احمد يسحب عبدالعزيز: يلا بسرعه مافي وقت
عبدالعزيز عصب: منت صاحي.. وقف لا تسحبني جذي
احمد: من غير عصبيه وخلك هادي وطيع كلامي احسن لك
عبدالعزيز عصب بزياده: بتتركني ولا تشوف شي مايسرك الحين
احمد يسحبه بالغصب: عبدالعزيز يا خوي اسمع كلامي وعن العصبيه
عبدالرزاق يمسك احمد وهو ميت ضحك: عبدالعزيز يا خوي احنا طالعين رحله بحريه.. عاد اذا ترجيناك مابتجي معانا.. واحمد وانت عارفه.. هذي اسلوبه.. يلا ياخوي.. تعال وغير جو
عبدالعزيز بحده: يا اخي اتركني.. ماهو تعامل ذي.. ما احب احد يسوي معاي جذي
احمد: انت شكلك تبي تنطق
عبدالعزيز بحده: صون لسانك عاد.. انا محترمك عشان عبدالرزاق
عبدالرزاق: وعبدالرزاق طالبك ولا ترده
احمد يحط يده على كتف عبدالعزيز: عزيز تكفى.. اهل السعوديه يقولون تكفى تهز رجال.. يعني لا تردني
عبدالعزيز بضيق: يا اخي عصبتني.. انا ما احب يتعامل معاي جذي
احمد يبوس راسه: اسفين عمي.. يلا عاد العيال متشوقين للروحه.. واحنا متعطلين عشانك
عبدالعزيز بكل احترام: انا اعتذر.. ما احب الرحلات.. روحو وانبسطو.. الله يهنيكم
احمد: عبدالرزاق.. تشوف الثياب الي عليه مناسبه للطلعه صح
عبدالرزاق يفكر: انا اشوفها مناسبه
احمد: توكلنا على الله

&&&&&&&&&&&&&&&&&&&

8:50 الصباح
سيارة خان
البحرين

ريما بملل: يوووووووه ماما اتصلي على احمد
ام لينا: اش الي اخرهم جذي
ليال: اكيد راحو لعبدالعزيز
ريما: يوووووه وهذي ماجهز ليلحين؟
ليال تبتسم: ما حد قال له يا روحي.. اكيد الان يجهز اغراضه بسرعه.. طولي بالك على ايش مستعجله
ريما تنتبه: هههههههههههههه ما ادري
ليال: حنا بنجلس لحد الليل.. يعني بتشبعي
انتبهت على باب العماره.. وسمعت احمد يصرخ على عبداللطيف ومنير.. وهم طلعو من السياره له بسرعه وادخلو من باب العماره.. كل من كان في السيارات خاف.. حسيت انه فيه شي صار ماهو كويس لعبدالعزيز.. كنت ابي اطلع اشوف ايش صار.. مسكت الباب ابي افتحه.. وفي لحظه لقيت عبداللطيف ووليد شايلين عبدالعزيز على كتوفهم.. واحمد وراهم حامل شنطته.. وعبدالرزاق طلع وراهم ماسك بطنه من الضحك.. احسه بيطيح من كثر الضحك.. ارتاحت نفسي انه عبدالعزيز بخير.. وصل عبدالرزاق لسيارته وهو ميت ضحك.. فتح الباب وجلس وهو ماهو قادر يمسك نفسه.. منظر عبدالعزيز المعصب وهم شايلينه غصب عليه يفطس من الضحك صرنا حنا بعد نضحك كنت التفت على خوله في سيارتهم واشوفها تضحك.. والتفت على لينا ومعاها ام عبداللطيف ولمى وديما.. وهم قالبين السياره ضحك ووناسه.. ركب عبدالعزيز بالغصب.. بالسياره الي فيها الشباب الكويتي.. الي كانو شايلينه اجلسو معاه بالكرسي الخلفي قال يثبتوه .. وواحد منهم هو الي يسوق.. كان كل شوي يعطي واحد فيهم ضربه على كتفه.. وكنت ارجع اضحك عليه وعلى عصبيته.. المسكين محمول على الاكتاف مجبور على هالروحه.. ياربي تكون رحله سعيده.. اذا هذي بدايتها.. اتمنى نهايتها تكون اسعد.. قبل لا نمشي ديما غيرت رايها.. وجات عندنا.. ومن ركبت صارت الوناسه من جد.. غناوي وصفقه.. وخبال وضحك.. كانو كل شوي يبدلو بالاشرطه.. وشوي يفتحو الشباك ويكلمو خوله.. ويصارخو هم الثنتين
ديما وريما: خالتي تسمعين هذي الاغاني العدله
خوله: مالت عليكم
كنت اضحك من قلب على خبالها.. احسها ساعات طفله معاهم وساعات خبله معانا وساعات عقل مافي اكبر منه.. كنت كل شوي التفت على عبدالعزيز.. ما ادري ليه مهتمه فيه.. كنت ابي اعرف ليه الحزن ماليه.. الغريب اني اكتشفت انه لمى هي بعد عندها نفس التعابير.. نفس الوجه نفس الحزن.. هي بعد بالنسبه لي لغز.. رحت افكر بالعنود.. كنت اتمنى انها تكون مرتاحه شوي.. اتمنى انها هدت شوي.. قلت لها اذا تبي تكلمني تقول لسوسن.. ابي اكون جنبها.. يا خوفي لا تزيد مشكلتها وتحس انها زي اختها وتنقلب حالها اكثر.. بس انا ماراح اتركها ابد.. العنود هذي احبها زي نوف.. صحيح في البدايه كانت ثقيلة دم زي عبير.. بس بعدين اكتشفت انها انسانه كويسه من الداخل طيبه طيبة ناصر.. وذكيه ذكا لافي بس ماحد اكتشف فيها هالشي.. ياربي يسعدها مع غسان.. صحيح ان ناصر مدح فيه لين حسيت انه ماهو من البشر.. بس المهم انه رجال بيحافظ على العنود وبيحميها من لافي.. لافي حسبي الله ونعم الوكيل فيه وفي الي جالس يعمله.. حسبي الله ونعم الوكيل.. في احد يعمل كذا ببناته.. الله اكبر عليه كيف بيقابل الرحمن.. ايش بيقول له.. استغفر الله.. ياربي استرنا فوق الارض وتحت الارض ويوم العرض.. ياربي يا حبيبي لا تبيليني.. جاني خوف على الي ببطني.. لو كانو بنات ايش بيكون مصيرهم مع رجال مثل لافي.. طردت الشيطان من راسي.. وتعوذت منه ومن افكاره.. الحمدلله اني هربت بالوقت المناسب.. الحمدلله الي لافي ماطالني.. الحمدلله
ديما: خالتي وين سرحتي غني معانا
ليال: والله يا قلبي مني حافظه هالي تقولوه
ريما: ماهو مهم المهم انك تنبسطي.. من شوي كنت تضحكي على عمي عبدالعزيز والحين انقلبتي للحزن
ام لينا: يا يما البنات ملاحظينج
ليال: الله يخليهم لي.. والله انهم معوضيني عن الكثير
ام لينا: ويخليج لهم.. كلمتي هلج مثل ماقلتي لي
ليال: ايوا خالتي
ام لينا: وان شا الله الامور طيبه هناك
ليال: فيه اشيا جديده ماتسر
ام لينا: اعوذو بالله.. لا تضايقي روحج يما.. هذا ابتلاء من الله.. اكيد الله بيزيح هالغمه
ليال: آمين
خان: ماما
ليال: نعم
خان: بابا احمد وقف.. نوقف معاه ولا نروح
ليال مستغربه: وليه انت تدل حنا وين رايحين
خان: اكيد ماما.. في نفر صار فرند انا هو يقول لي وين هذا مكان
ليال: هههههههههههههههههه ما شا لله عليك يا خان.. لا خليك مع احمد
خان يهز راسه: اوكي
وقف احمد سيارته.. ونزل منها.. اشر على خان وعبدالرزاق والشباب انهم ينزلو.. تزلو كلهم الا عبداللطيف وعبدالعزيز.. استغربت اول شي.. وبعدين شفت احمد راح لحد السياره الي فيها عبدالعزيز وفتح له الباب.. وسلم عليه وباس راسه.. وعبدالعزيز كان قمه في الضيق والعصبيه.. بس بعديها رضى على احمد.. وراحو معاه.. كانت فيه سياره نص نقل تنتظر.. شفت الشباب دخلو محل يبيع الثلج.. وطلعو بأكياس ثلج يا كثرها.. راحو على طول للسياره نص نقل الي واقفه ومحمله ثلاجات كبيره.. صارو يفتحو اكياس الثلح ويرموها في الثلاجات.. انتبهت انه احمد وعبدالعزيز ما اطلعو لسا من المحل.. قلقت.. يكون صار شي بينهم عبدالعزيز مبين عليه عصبي.. واحمد بعد.. الله يستر يكون عبدالعزيز مبيتها لاحمد.. ليه الافكار السوده مسيطره على راسي اليوم.. تعوذت من ابليس.. بس الوقت تأخر وهم بعد تأخرو داخل المحل.. القلق اكلني.. شوي وهم طالعين من المحل حاملين قطعة ثلج كبيره مره.. ركضو عليهم الشباب وساعدوهم.. وبعديها جلسو يكسرو بالثلج لحد ما دخلوه الثلاجات.. بعد ما انتهو من الثلج وتكسيره.. جانا احمد وفتح الباب
احمد بتعب: يلا نزلو السوبر ماركت وخذو الي تبونه.. وكثرو من العصير والماي
ريما: نقدر ناخذ الي نبيه بعد
احمد: اخذي الي خاطرج فيه.. لا تخلين شي بالمحل الا وانتي ماخذه منه
ليال: هههههههههههههههههههه الله يقطع بليسك
سالم جاي يركض: ريماااااا
ريما: نعم حبيبي
سالم بكل برائه: خلينا ناخذ حلاوه
ريما تركض معاه: بناخذ كل الي في المحل يلا يا سالم
ديما تتبعهم: اش رايج ناخذ المحل كله
ليال: هههههههههههههههههههه ادفع يابطل
احمد يحك راسه: الله يستر.. خالتي
ام لينا: نعم حبيبي
احمد: خذي كل الاغراض الي تناسب الغدا والعشا
ام لينا: يا يما كنا جبنا من البيت.. الحين بيضيع الوقت
احمد: يضيع.. المهم ننبسط
يا عيني يا احمد يبي يبسط الكل.. نزلت بثقل ورحت امشي.. اقصد اتسحب.. طبعا العيال نسمع صوتهم بس مانشوفوهم.. ام لينا وام احمد وام عبداللطيف مشو مع بعض.. لينا وخوله ولمى قلت لهم يروحو بسرعه يختارو الي يبونه لانه حركتي بطيئه.. سمعت الشباب الكويتي مع بعض.. كانو بالجهه الثانيه.. يعني اسمعهم بس مايشوفوني
منير: هالعبدالعزيز تحفه
وليد: يا اخي عجبني.. والله رجال
منير: هذا وانت ما قعدت معاه
وليد: يا اخي الرجال مايحتاج تعيش معاه عشان تعرفه.. الرجال رجال من قبلته على الناس
عبداللطيف: صدقت.. يا اخي ذوق في كلامه
منيره: شكلنا بنصاحبه
عبداللطيف: ليش لا والنعم فيه
وليد: بس بقو لكم.. هالحريم كلهم متزوجات؟
عبداللطيف بحده: هااااااا عن الغلط احترم نفسك عاد
وليد: والله ماقصدت شي.. يا اخي قلت لك اني بستقر مع احمد.. من حقي اشوف لي حرمه وافكر في زواج
منير: والله اذا بتاخذ وحده من اهل احمد.. امك داعيه لك
عبداللطيف: حيلك حيلك انت وياه.. تراهم كلهم متزوجات.
وليد: من جد!!!
عبداللطيف: أي عندك زوجة احمد وزوجة عبدالرزاق.. والثالثه مايحتاج اشوف جنبها زوجها عشان اقول انها متزوجه
منير: صدقت.. هيا يا الله تقدر تسحب روحها
وليد: معلش بشوف حريمكم بكره اذا احملو ايش بتعملو
عبداللطيف: عني انا بجلس اتريق لحد ما اكرهها في روحها
وليد: والله اتحداك
منير: وانا معاه.. هذا اذا ما انجبرت تغسل وتنظف بدالها.. حريم هالوقت.. الدلع والدلال كله
عبداللطيف: هههههههههههههه عسل على قلبي
وليد: شفت هذي اولها
صرت اضحك معاهم.. يتريقو علي ماشي.. الله يجيب عيالي بالسلامه واردها لكم.. رحت اتمشى واسحب روحي زي ماقالو.. تلاقيت وانا وعبدالعزيز.. صد بسرعه وغير اتجاهه.. يثيرني هالرجال.. سمعت احمد يناديه.
احمد: يا عبدالعزيز وين رايح.. قلت لك هالناحيه.. لا تضيع المكان
عبدالعزيز: دليت ياخوي.. بس فيه وحده من الحريم.. تمشي واخذ لك الي تبي
حقيقه انك محترم.. كبرت بعيني كثير.. من جد غير عن الرجال.. زين عمل عبدالرزاق واحمد الي جابوك غصب عليك.. كنت فرحانه بموقفه.. يمكن كنت خايفه منه اول ما جا.. بس الان احمد الله انه موجود بحياتي.. كنت ملاحظه من رضى الله علي انه في حياتي ناس.. مافي مثلهم.. من جد مافي مثلهم.. كنت احب هالاحساس.. احساس اني مميزه عند الله.. الحمدلله
احمد: ايش اقول
ليال: بسم الله الرحمن الرحيم.. خوفتني
احمد: هههههههههههههه
ليال: اكيد تضحك.. قول ايش بغيت
احمد: افضل انج ترجعين السياره ترتاحين.. لا تجهدين روحج.. الرحله بتحتاج طاقه
ليال: ماشي.. بروح ارتاح
احمد: مابقى شي.. نحاسب ونجي
صرت امشي ببطأ اكبر يمكن لاني حسيت بتعب.. اخذت وقت لحد ما وصلت عند الباب.. سمعت صوت خناق.. التفت
عبدالرزاق: اقول لك ماتدفع
عبدالعزيز: والله العضيم انك ماتدفع
عبدالرزاق: يا رجال لا تحلف
عبدالعزيز: اترك عنك ويلا عشان تحمل الاغراض
ضحت على تصرف عبدالعزيز.. ومشيت لحد ماوصلت لباب السياره.. فتحته وجلست.. طولو تأخرو.. احمد قال انهم يحاسبون وبيجون.. كنت جالسه على اعصابي.. ادق على خوله ولينا ومايردون علي.. كنت ابي انزل اروح اشوفهم.. بس شفت عبدالعزيز جاي.. ارتحت من شفته.. عدلت جلستي ورميت براسي اريح شوي.. بعد حسيت الوقت يمشي وهم لسا ما وصلو.. رفعت راسي.. ولقيت عبدالعزيز لساه بوقفته قدامي ماتحرك.. طمني هالشي.. بس بعد رجع الخوف لقبي ناحيته.. ليه هالافكار ماهي راضيه تتركني.. التفت ادور خان.. وينه وين راح.. بعد مالقيته.. المفروض انه الشباب الكويتي خلص من مقاضيه.. والمفروض انهم بسيارتهم.. ياربي كلني القلق.. رفعت التلفون ادق عليهم من جديد.. وماحد راضي يرد.. مسكت الباب وكنت بنزل.. بس ترددت.. بصراحه خفت من عبدالعزيز مافي غيري وياه بالموقف.. خفت من قلبي.. رجعت ادق وماحد يرد علي.. ياربي ايش اعمل.. فكرت انادي عبدالعزيز واسأله.. بعدين استحيت.. كيف اعملها.. لا طبعا ماهو انا.. ايش اعمل.. توكلت على الله وقلت بنزل.. عشان اشوفهم.. فتحت الباب.. وانتبهت له يأشر علي بعصبيه اني ما انزل.. خفت من قلبي من حركته.. فكرت في لافي.. يكون هو وراه من البدايه.. يكون مسك اهلي بالمحل.. والان جا دوري.. يكون لافي مراقبني من زمان وانا ماني حاسه فيه.. ليش يا عبدالعزيز.. خفت اكثر ومن كثر خوفي قلت بطلع بهرب.. بجري.. وين اجري وعيالي.. آآآآه يا عيالي يا وجع قلبي عليهم.. ايش ممكن يصير لي ولهم.. ادق على ناصر.. واقول له ابوه لقاني وبيذبحني انا وعيالي.. شفت عبدالعزيز يتكلم بالتلفون ومعصب.. شفته يكتب شي بورقه صغيره..ويقرب مني.. يقرب اكثر.. اكيد اخذ التعليمات من لافي.. وجاي حتى ينفذ.. قربت نهايتك يا ليال

- ايش الي بيصير لليال
- معقوله لافي مراقبها من البدايه
- معقوله عبالعزيز يطلع من رجال لافي

السلام عليكم ورحمة الله وبركاته

مع وجود الماء الا ان التيمم مستمر ............ ويسعدني ذلك .....

نزل البارت 14 ........... وانتظروا مني مفاجأة يوم الثلاثاء ...........

اتمنى للمتابعين قراءة شيقة .............

السلام عليكم ورحمة الله وبركاته


الف مبروك الخمس نجوم .......... معلهشي لم اخد بالي الا الان .........

وتستاهل الرواية عشرة وليس خمسه ..........

الف مبروك وعقبال التثبيت قريبا ........... ان شاء الله .................