كاتب الموضوع :
دانة الحمادي
المنتدى :
الارشيف
11:20 الظهر
شقة جراح ..في الصاله..
لندن
جراح: الحمدلله على السلامه
عبدالرحمن: الله يسلمك يا خوي.. كيف حالك ان شا الله تكون بخير
جراح: اسأل عنك.. كيف الاهل ان شا الله كويسين
عبدالرحمن: الحمدلله كلهم بخير
جراح: كلمت عبدالرزاق؟
عبدالرحمن: اتصل فيه ومايرد علي
جويل: حمدالله على السلامه استاز
عبدالرحمن: هلا جويل الله يسلمك
جويل: كيفا الوالده ان شا الله منيحا
عبدالرحمن: الحمدلله
جويل: شو بتحب تشرب
عبدالرحمن: ولا شي
جراح: ايش الي ولا شي.. تبيها تقوم قيامه علينا.. جايه وقاتله حالها تسلم عليك وآخر شي تقول لها ولا شي.. والله لا تذبحك وتذبحني معك
جويل: بعمل حالي ما اسمعت شي وبعيد سؤالي.. وحزاري تكون الاجابه غلط
عبدالرحمن: هههههههههههههههه خلاص عصير من يدج
جويل: أي هيك بتعجبني يا ماما
جراح: اعذرني عبدالرحمن شوي ارد على التلفون
عبدالرحمن: خذ راحتك
جراح: هلا بوناصر
لافي: بالمهلي
جراح: ايش علومك
لافي: الحمدلله.. انت كيف حالك.. سمعت انه زوج اختك وصل
جراح: ايوا وصل.. وفي المستشفى
لافي: ماعليه شر ان شا الله.. انا قلت اخذ العنوان منك عشان ازوره
جراح: فيك الخير يا بوناصر.. خلاص ادليك المكان ونتلاقي بعد ساعه
لافي: خلاص.. الاقيك هناك
جراح: مع السلامه
عبدالرحمن: من الي بالمستشفى
جراح: زوج مزيان
عبدالرحمن: لالا ماعليه الا العافيه.. سلامات
جراح: الله يسلم قلبك.. شكلك مادريت
عبدالرحمن: لا والله مادريت بشي
جراح: بعيد الشر عنك.. معاه ورم في راسه
عبدالرحمن بصدمه:لاحول ولا قوة الا بالله.. الله يشفيه.. والله حزنتني عليه
جراح: الحمدلله على كل حال
عبدالرحمن: قوم ليش قاعد ابي اروح اشوفه
جراح: اشرب العصير طيب وبعدين نمشي
عبدالرحمن: العصير لاحقين عليه.. قوم قوم
&&&&&&&&&&&&&&&&&&&&
12:15 الظهر
شقة ليال ..البلكون..
البحرين
ليال: الحلو جالس لحاله يفكر
ام لينا: لا يما لا افكر ولا شي
ليال: ليه تخبين علي
ام لينا: اش باخبي يا يما
ليال: خوفك عليها.. طيب ابكي يمكن ترتاحين شوي
ام لينا: انا بخير يما.. ضيق ويروح
ليال: دامك بهالحال مابيروح
ام لينا: لا يما ان شا الله بيروح والله بيبدله فرح
ليال: ان شا الله.. سمعت ان ربعه من الكويت بيجون بعد يومين
ام لينا: حياهم الله.. لازم اروح البيت عشان استقبلهم هناك
ليال: انتي متضايقه من قعدتج معاي
ام لينا: لا يا يما انا متعوده على بيتي
ليال: انسي.. مابتروحين بيتك هاليومين.. واذا بيجون شقتي موجوده وانتي صاحبتها
ام لينا: ليش ذي كله
ليال: عشان عارفه الي تفكرين فيه.. مابيكي تدخلي البيت وتتذكري الي صار لها قدامك.. بقول لك ربه ضاره نافعه.. ولينا هذا الي بغته.. كانت تتمنى انه هو الي يقول لها احبك.. صحيح انه لعب عيال.. وكان ممكن تخسر حياتها عشان هالشي.. بس الحمدلله ربك ستر.. واحمد زي ماتشوفي.. ماتركها لحظه.. ولو عليه قطع من جلده عشان مايجرا عليها شي
ام لينا: الحمدلله
ليال: خلاص اجل بعدي الشيطان عنك.. هي كذا او كذا كانت بتتزوج وتتركك.. ولا تبينها تعيش عندك العمر كله
ام لينا: لا يا يما.. ابي لها السعاده
ليال: خلاص اجل.. بعدي هالتفكير الي لا يودي ولا يجيب.. وانبسطي لها.. شوفي سعادتها وسمعي ضحكها.. والله ما كانت كذا
ام لينا: الحمدلله
خوله: السلام عليكم
ام لينا: هلا يما
خوله: هلا بالحلوه
ام لينا: وين عيالك يما
خوله: حمودي نيمته.. وسالم مع البنات
&&&&&&&&&&&&&&&&&
12:40 الظهر
في المستشفى ..عند نسيب جراح..
لندن
لافي عند الباب: الرجال تعبان مره
جراح: الله يعين
عبدالرحمن: الله يلطف به ان شا الله
لافي: لا حول ولاقوة الا بالله.. والله انه رجال والنعم به
جراح: الحمدلله على كل حال
عبدالرحمن: طيب والطبيب ماقال شي
جراح: لسا الفحوصات يا خوي
لافي: ان شا الله خير.. اتركها على الله يا خوي.. قل لن يصيبنا الا ماكتب الله لنا
جراح: ونعم بالله
لافي: اسمع حنا ممكن نجيب له اطباء من احسن الاماكن حتى يباشرو حالته
جراح: لاتخاف معاه 5 اطبا من انحاء العالم مختصين بهالمرض.. بس ينتظرو الفحوصات والتحاليل حتى يقولو رايهم
عبدالرحمن: الله كريم
لافي: جراح من ذا
جراح ينتبه: اه والله نسيت اعرفكم ببعض.. هذا عبدالرحمن بن سالم
لافي: اخو عبدالرزاق!!!!
عبدالرحمن: أي نعم
لافي: هلا بالرجال.. والله والنعم بك وبعبدالرزاق
عبدالرحمن: تسلم
جراح: عبدالرحمن هذا لافي بن فهد.. بوناصر
عبدالرحمن: ايوا ايوا.. اسمع عنه.. والنعم بك يا خوي
لافي: الله يخليك
&&&&&&&&&&&&&&&&&&&
1:15 الظهر
فيلا الجده ..الصاله..
السعوديه
العنود في حضن الجده: الحمدلله انك كويسه
الجده مبسوطه: خفتي علي يما
العنود: عارفه كنت اركض وابكي وتفكيري معاكي
فتحيه: وغسان كيف لحق عليكي
العنود بضيق: الله يخليكي يا خالتي لا تجيبي سيرته..الان يجي ناصر ويغثني بطاري غسان
فتحيه: هههههههههههههههههه ول لهالدرجه ماتحبيه
العنود: سبحان الله الي زرع كرهه بقلبي
الجده: تراني ما ارضى عليه
فتحيه: وانا بعد تراني مربيته
العنود: الله يخليكي يا خالتي تقول مربيته..الي يسمعك يقول عمرك 60
فتحيه: ولو غسان هذا احبه من قلبي..ما ادري ليه تكرهيه كذا
العنود تتذكر: كذا.. المحبه من الله.. والكره بعد
الجده: نعرف انه المحبه والكره من الله.. بس لما الواحد يكره بهالطريقه اكيد فيه شي صاير
العنود بخوف: وايش بيصير يعني
فتحيه: انتي قولي
العنود تغير الموضوع: انتي الي قولي
فتحيه: عن ايش
العنود تغمز لها: عن العريس الجديد
فتحيه: بس يا بنت استحي
العنود تفتح عينها: الله واكبر.. فتحيه تستحي!!!!!!
فتحيه: وليه ان شا الله شايفتني قوية عين زيك
العنود: انا ماني قوية عين.. انا طويلة لسان.. ويمكن هالشي مخليكم ماتحبوني
الجده بحنيه: لا يما انتي قطعه مننا كيف مانحبك.. مافي احد يكره عياله يما
فتحيه: لا تقولي كذا يالعنود.. صحيح انك ثقيلة دم وقعدتك ما احبها وما اطيق سوالفك.. بس ايش اعمل مجبوره استحمل وجودك
العنود تبتسم ابتسامة ضيق: عارفه هالشي
الجده: لا يما خالتك تمزح معك.. انتي عارفتها
ناصر يدخل: يما
الجده: روحي
ناصر: انا طالع تبين شي
الجده: سلامة قلبك يما.. وين رايح
ناصر: طالع مع غسان لواحد من الربع عازمنا على الغدا
الجده: امانة الرحمن يما
ناصر: عنود قولي للشغاله تجهز عصير للرجال
العنود بخوف: أي رجال
ناصر: غسان.. أي رجال بعد
فتحيه بفرح: هو هنا؟
ناصر: لا جاي بالطريق
فتحيه: انت مستعجل؟
ناصر: لا حبيبتي آمري ايش بغيتي
فتحيه: اجلس مع غسان شوي
ناصر: هو جاي مخصوص لك عشان يقعد معاكي شوي
فتحيه: يا قلبي على هالولد..والله اني ربيت
الجده: قومي يما قولي للشغاله تجهز العصير.. وضيافه للرجال
ناصر: ماهو وقت ضيافه يما..هي كاسة عصير وحنا ماشين
الجده: ولو يما.. غسان من زمان ما جا عندنا
ناصر: وانتي ليه جالسه كذا..قومي قولي للشغاله
العنود بحده: وانا ايش دخلني هو جاي يزوركم انا لا تدخلوني بالموضوع.. ولاتجبروني اجلس معاكم
فتحيه: والله مصدقه حالك.. ومن قال انك بتجلسي معاه.. حبيبتي مكانك هنا بالصالة او فوق بغرفتك.. لا يا قلبي انا اغير على غسان بصراحه
العنود تتخصر: ومن ايش اسم الله
فتحيه: تبين الصراحه.. انا حاطه عيني على وحده له.. وابيه يتزوجها.. اخاف اذا شاف جسمك وعودك وجمالك يغير رايه
العنود بكل غرور: هاه.. يشبع بها.. اساسا انا الي ما ابيه
ناصر بتريقه: روحي جهزي الضيافه ودخليها بالمجلس قبل لا يجي الرجال..وبعدين استخبي بغرفتك لا ياكلك
العنود تمشي: هاه ثقيل دم
الجده تهمس: انت خلاص نويت
ناصر: ايوا خلاص.. ماعندي حل ثاني عشان احميها من ابوي
&&&&&&&&&&&&&&&&&&&&
1:25 الظهر
في بيت النشمي ..في غرفة ليال..
السعوديه
ام سلطان بخوف: يما قلبي
سوسن: هذا الي عبدالله قاله
ام سلطان فاتحه عيونها: بنت اخته؟!!!!!
سوسن: الحمدلله الي اختي بعيده عن يده
ام سلطان: ويلي على بنتي.. ويلي عليها وعلى روحها
سوسن: يما اهدي لا يسمعونا.. وبعدين ليال بخير وما جرا عليها شي.. انا اكلمها كل يومين.. وما قالت انه لافي لمسها حتى
ام سلطان تبكي: ويلي عليها الي شكيت بها وظنيت بها ظن السو.. ويلي عليها وعلى الي عملته بها.. كان زمانها بحضني
سوسن: هي كويسه بالمكان الي هي فيه.. وبعدين طول ماهي بعيده عن السعوديه هي بأمان
ام سلطان: وهالمسكينه الي بيزوجونها غصب عنها
سوسن: يما عبدالله يشكر بغسان واخلاقه.. ويقول مافي منها.. بس هي ليه تخاف منه كذا ماحد عارف.. عبدالله يقول انه غسان يموت على ترابها
ام سلطان: كل هذا مايشفع يما.. اذا صار الي تقولي عليه بتكره حياتها معاه يما
سوسن: ما اظن.. دام ناصر معاها بتكون حياتها غير.. وبعدين تكون في يد غسان ولا يد ابوها.. ناصر خايف على خواته من ابوه فاهمتني يما
ام سلطان: فاهمتك يما.. وتتوقعي اذا انه حاول مع بنت اخته.. تضنيه مع بناته بعد
سوسن: ما اظن.. بس الحذر واجب
ام سلطان: صدقتي
سوسن: عشان كذا ابيكي تشيلي فكرة انه سلطان يا خذها.. سلطان ماراح يقدر على لافي.. غسان اقوى منه.. صحيح انه اخوي والمفروض اني ادور على مصلحته وسعادته.. بس هالبنت ماراح يسعد معاها.. هالبنت بالذات لا
ام سلطان: فاهمه
سوسن: ابيكي ماتكلميه انا بتكلم معاه.. وبعرف كيف اراضيه.. ولا اقول لك.. بخلي ليال هي الي تكلمه.. اذا سمع صوتها بيمشي الي تقول له عليه
ام سلطان: احسن بعد.. قولي لها هي الي تكلمه.. حنا ما بنقدر عليه
&&&&&&&&&&&&&&&&&&&
1:50 الظهر
فيلا الجده .. في المطبخ..
السعوديه
ليه هالاحساس داخلي.. على اني كنت بمزاج ولا اروع البارح.. بس احس اليوم رجع لي الخوف.. ياربي هو لو يبي يضرني كان ضرني من زمان.. بس ليه انا خايفه منه كذا.. يمكن عشان ضربني.. كنت بموت بين يده هذاك اليوم.. هو حتى ماسمعني.. عشان كذا اكرهه.. طردت هالفكره من راسي.. وجهزت الضيافه والعصير.. رحت ادور على الشغاله ومالقيتها.. وقته عاد.. قلت اخذ الشاي واوديه.. قبل لا يجي هالزفت ويعمل لي ناصر حكايه.. مشيت وانا رجولي ماهي شايلتني.. ليه حاسه بالخوف ماليني.. فتحت الباب ودخلت.. وصلت لحد الطاوله وحطيت الي بيدي عليها.. جيت بلتفت وبرجع مكان ماجيت.. لقيته قدامي.. بطوله بنظرته بابتسامته الي ذوبتني البارح.. بنظرته الي ضيعتني.. بريحة عطره
غسان: كبرتي يا عنود
العنود تحاول تهرب: ابتعد عني
غسان يمسكها: وين؟ ابي اكلمك
العنود بخوف: وخر عني لا تفضحني.. انا ماعلي غطا
غسان: كيفه راسك.. تحسي بوجع لسا
العنود بخوف: وخر عني
غسان: جاوبيني الاول
العنود ترتعش: بصرخ وبلمهم عليك
غسان يطبع بوسه على جبينها: هذي لاحلى عنود
ناصر بكل هدوء: والله عاد !!!!!!!!
رفعت راسي وشفت ناصر واقف عند الباب ومتكتف.. يا ويلي يا ويلي.. سبتهم وركضت بسرعه.. قلبي بيوقف من الخوف.. الله يشيلك يا غسان.. كان قلبي بيوقف من الخوف انا كذا ميته وكذا ميته.. وعلى يد ناصر.. احلى انتقام يا غسان.. عرفت كيف تنهيني.. ياربي سترك.. وصلت غرفتي وقفلت الباب علي.. اسمع دقات قلبي احس اني بموت اليوم.. روحي بتطلع اليوم.. وانا ايش موديني المجلس.. كنت جهزت الضيافه وخليتهم هم يتصرفو.. ياربي سترك.
في المجلس
ناصر: هههههههههههههههههههههههههههههه
غسان: بتموت يا ناصر.. يا خوفي لا يجرا عليها شي
ناصر: ماعليك.. خليها
غسان بضيق: انا الغلطان
ناصر: تصدق عاد كان ودي اذبحك
غسان: قلت لك البارح ماني قادر امنع نفسي عنها.. وتخليني اشوفها من غير غطا.. ناوي على موتي انت
ناصر: نظره شرعيه يا اخي.. بس البوسه هذي بخليك تدفع ثمنها
غسان يغمض عيونه: يا خوفي عليها.. قوم روح وراها تطمن عليها
ناصر: لا تقلق موصي توحه تروح لها.. متفق معاهم على كل شي
غسان يمسك قلبه: طمنتني
ناصر: مادريت انك عاشق كذا
غسان: العنود روحي.. كنت متأكد ان ابوك بيحرمني منها.. ماكان عندي امل انها تكون حليلتي بيوم.. الحمدلله.. صحيح ان النصيب دامه مكتوب لك.. يبقا لك
ناصر: اهدى طيب بكره اخر فصول المسرحيه.. وعلى العصر تكون حليلتك
غسان: وابوك؟
ناصر: ماله
غسان: مابتقول له
ناصر: بدز من يقول له
الجده تدخل عليهم: السلام عليكم
غسان يقوم يبوسها على راسها: هلا وغلا والله
الجده: هلا يما.. كيف حالك
غسان: حالي انتي اعلم به يما
الجده: ههههههههههههههههههههه منت قادر تصبر لحد بكره
غسان: لا والله يما
فتحيه: اشوف الشوق جاب ناس لناس.. وحنا لنا الله
غسان: يا قلبي انتي والله.. كيف حالك
فتحيه تضربه على كتفه: ايش عامل بالبنت
غسان: طلبتك يا خاله.. قولي لي هي كويسه
فتحيه: لا ماهي كويسه.. دخلت عليها تقول تبي تنتحر.. ولو ما هديتها كان زمانها راحت من يدنا
غسان بخوف: ناصر
ناصر: ههههههههههههههههههه ماتعرف فتحيه يعني
فتحيه: والله السالفه من جد!!.. كل هذا وانا ماني داريه عنك يا غسان
غسان: قولي لي من جد هي بخير؟
فتحيه: تطمن بخير
غسان يتنهد: الحمدلله
ناصر: لا تنسو الغدا بكره في بيت عمتي.. قولو للحلوه الي فوق انها تجهز حالها.. واذا اسألت عني.. قولو لها غسان اعترف انه هو الي غلطان
&&&&&&&&&&&&&&&&&&
2:30 الظهر
المستشفى ..غرفة لينا..
البحرين
فيصل: شوفي انتي مافيج الا العافيه
لينا: يعني اقدر اطلع
احمد: لا بعد يومين
فيصل: مثل ماقال احمد اليوم وبكره خلج معانا وبعده ان شا الله انتي طالعه
لينا: بس انا بخير
فيصل: انا عارف انج بخير.. مافيها شي اذا تأكدنا بعد
لينا: ماني غبيه يا دكتور.. قول انك شاك بشي
فيصل: ههههههههههههههههه لا يالذكيه.. ابي اخذ فحص ثاني على المخ.. صحيح ان الي معاج رضه.. بس نتأكد احسن
احمد: احلف انك منت مخبي شي
فيصل: والله العضيم مافيها شي.. واذا تبي تطلعها من الحين ماعندي مانع
احمد: لا خليها يومين
فيصل: انا ماشي.. على فكره طلبت لكم غدا.. بمناسبة الخطبة الي ما دريت عنها
احمد: هههههههههههههه لا تقول غداك من هالمستشفى
فيصل: لا يا حبيبي.. ماني بخيل مثلك.. من احلى مطعم عشان خاطر العروس
احمد: لا تزودها عاد
فيصل: قلت يمكن تشوف لي وحده.. اختها بنت عمها.. ان شا لله امها.. بس ترحمني من العنوسه الي انا فيها
لينا: هههههههههههههههههههههههه
احمد: اقلب وجهك تراك لا تطاق
فيصل: قولي لي يا عروس.. ماعندج احد لي
لينا: استأذن زوجي وادور لك
احمد يذوب: يا قلبييييييييييييييييييييييييييي
فيصل: هههههههههههههه شوي شوي عليه.. لا يموت علينا
احمد: اقول انك مستمتع بوقفتك معانا
فيصل: والله دام اني حاس اني غاثك.. ليش ما اوقف.. واتغدى معاكم بعد
&&&&&&&&&&&&&&&&&&&&
3:10 الظهر
في سيارة جراح
لندن
جراح: ابيك تحاسب من هالرجال
عبدالرحمن: شكله ماهو بسهل
جراح: صدقت.. ذيب في ثياب رجال
عبدالرحمن: اعوذو بالله
جراح: اسمع احتمال انه عازمك على العشا عشان يا خذ منك معلومات عن عبدالرزاق
عبدالرحمن: وعبدالرزاق داخل معاه بشغل؟
جراح: تقدر تقول كذا.. بس ابيك تكون اذكى منه.. أي سؤال يسألك عن عبدالرزاق.. اما تقول ما ادري.. او تغير الموضوع
عبدالرحمن: اعتمد
جراح: ما اوصيك يا عبدالرحمن.. لافي بيحاول ياخذ منك الي يبيه من غير لا تحس
عبدالرحمن: طيب اش رايك تعتذر منه.. ونأجل العشا.. تبي الصراحه اخاف اطيح بلساني واضر عبدالرزاق.. ماني ناقص اجيب له مصيبه مع هالرجال
جراح: مانقدر بيشك انه في شي
عبدالرحمن: مافي غير اني اروح واقول له فقدت النطق وما اقدر اتكلم
جراح: فقدت النطق؟ !! .. وبتقول له!! كيف تجي هذي
عبدالرحمن: هههههههههههههه ما ادري بتصرف
جراح يضحك: ما ابيك تخاف.. بكون معاك.. بس ابيك تكون حذر
عبدالرحمن: الله يستر
&&&&&&&&&&&&&&&&&&&&&
يتبع
|
18-02-09, 02:04 PM
جديد مواضيع قسم الارشيف
العرض العادي
