احداث كثيره ومتلاحقه ......انتظرتها بلهفه وسعدت بقرائتها

تسلم ايديكي دانه ............قصه مختلفه ومميزه

اقتربت المواجهه وبدء اللعب مع لافي ...........فهل سينكشف الملعوب

ام يقع في الفخ.............ز

لينا واحمد ...............ومقلب انقلب الي جد.........اخشي ان تكون اصيبت بأنهيار

عصبي وهو السبب به........

اكتشفت ان جراح هو ابو صبا ..........زالزوج المجروح والمخدوع
والواضح عليه رومانسيته الشديده
ولكن للاسف ليس له حظ
مفاجأه جديده .........وشخصيه غامضه ..........
من هو عبد العزيز ...........ومما يختبيئ ~؟.؟؟؟
هل في حد عاقل ينقل السرير الساعه 3 الفجر الا اذا كان مختفي من شيئ
او راه مصيبه جامده
متي ستنال لمي راحه البال .......وهل ستلين لعبد اللطيف

شكرا دانه علي البارتين الأكثر من رائعين ........جزاكي الله خير

وترجعين لنا بالسلامه ...........

بالشفاء بأذن الله

شكرا ايمو الغاليه .........علي النقل ...وتميزك بالألتزام بمواعيد التنزيل
ا
حتي يوم الاربهاء انتظرك منذ الأن بشوق شديد

تحياتي

دندونتي الرائعه
صاحبة القلم المميز
طال غيابك ولكنك تبقي في قلوبنا
دعواتي القلبيه لك بدوام الصحه والعافيه

السلام عليكم ورحمة الله وبركاته


اليوم الاربعاء موعدنا ............

مع البارت 13 ...... ومازالنا مستمرين مع ليال النشمي ....... وهروبها المستمر من لافي ........
وسر عزيز الغامض ......... وصمت لمي المثير ....... وحب لينا واحمد الغريب .........


بعد قليل البارت ..........

الجزء الثالث عشر

ليال بحسره: ياليتك تقدر تلحق على الي بقى يا احمد يا ليتك
جملتها الاخيره اثرت فيني كثير.. لايكون جرا لها شي ماهو زين.. سترك ياربي.. لا ياربي خذ عمري ولا يجرا للينا شي.. ياربي طلبتك لينا ياربي لينا.. نزلت دمعه مني من غير لا احس.. تذكرت وقت قالت احبك وانا ماتركت لها فرصه تكملها.. يمكن انه الغضب اعماني بس مستحيل كنت بتخلى عن زوجتي حبي حلمي الي عشت عشانه.. رجعت وانا اسوق مثل المجنون.. خوفي اني ما الحق على الي بقا.. ياربي سترك
وصلت لبيت لينا وفعلا كنت قبلهم.. دخلت البيت وانا بموت لو جرا عليها شي.. شفت البنات يبكون.. والصاله خاليه.. صعدت غرفتها لقيت امها جنبها وتبكي بجنون.. وهي مرميه على السرير والدم طالع من خشمها.. مادريت بحالي شلتها ونزلت بها.. صرت اصرخ بالبنات يقومون معاي.. كنت بإحساسي.. مابي اروح مع لينا ويجرا عليهم شي وهم بروحهم بالبيت.. ركضو للسياره.. ركبت الام جنب لينا بالكرسي الخلفي.. والبنات انحشرو مع بعض بالكرسي الي جنبي.. سحبت التلفون ورحت اتصل
احمد بحده: فيصل
فيصل: هلا ياخوي.. خير مالك اش صاير
احمد: انت وين
فيصل: بالبيت خير
احمد: الحقني زوجتي.. زوجتي
خانتني دموعي وانا اسوق فقدت السيطره على روحي.. دموعي عرفت كيف تخونني.. بس لينا عمرها ما فكرت تخون.. وصلت على المستشفى ولقيت المسعفين عند الباب ينتظروني بعد ما اعطاهم فيصل التعليمات.. خذوها وطارو بها وانا اركض وراهم.. دخلوها غرفة الفحص.. وانا والبنات واقفين برا.. انتبهت انه عمتي ماهي جنبي.
احمد بحده: وين امكم
ريما بخوف: ما ادري
ديما: تتكلم في التلفون
نسيت ليال.. اكيد انها تكلم ليال.. رفعت عيني وشفتها تجر روحها جر.. المسكينه مثقله.. والحمال متعبها.. وانا خلصت عليها.. نزلت عيني ولاني عارف انطق بحرف
عبدالرزاق بخوف: سلامات.. سلامات.. ان شا الله خير
ليال بحده: ليه كل ذا.. ليه
عبدالرزاق: يا ليال ماهو وقته الان.. نتطمن على البنت وبعدين نسأل اش صار
ليال تمسكه من ياقته: اسمعها مني.. اذا تظن ان لينا ما وراها ظهر تكون غلطان.. اذا ماعرفت اجيب لها حقها والله ما اكون ليال النشمي.. تراك ماتعرفني.. وقت الي ابي احمي الغالين على روحي ماتهمني روحي فداهم
كلامها ذبحني.. ضيعني.. حسسني اني بفقد لينا من جد.. مستحيل افقدها مستحيل.. كل هذي وعمتي مابينت.. توقعت انها تبكي منهاره.. توقعت انها ماتبي تشوفني.. توقعت اني ممكن انطرد من بينهم.. حياتي متعلقه تحت رحمة الله.. تذكرت شي وقلت اجربه.. كثير حاولت اني اجرب هالشي بس كنت اضحك.. الحين انا محتاج اني اسويه.. شلت غترتي من راسي وفرشتها على الارض.. ونزلت اسجد لله.. ظليت جذي مده ادعي ودموعي ماهي موقفه.. ياربي تخليها لي.. ياربي تخليها لي.. من بين سجودي.. لعب ابليس في راسي من جديد.. يوم اني شلتها من البيت للسياره كانت بارده.. تكون ماتت؟!!.. اكيد ماتت.. حتى اني ماحسيت بنبضها.. جسمها كان بارد اكيد اني ذبحتها.. ذبحت جبيبتي بيدي.. اعوذو بالله.. ياربي مالي غيرك ارتجيه.. ياربي ما عصيتك بيوم.. ياربي حاولت اساعد المظلومين وارجع لهم حقهم.. لوجهك الكريم.. يارب اسألك عفوك ورضاك واطلب تخلي لي زوجتي حبيبتي.. اللهم لا اعتراض على حكمك وقدرك.. يارب ارحم حالي.. ورجعها لحظني من جديد.. والله اني احبها وانت تعرف بهالشي.. وصدقني اول ماتفتح عينها بقول لها اني احبها واني ماحبيت احد غيرها.. يارب والله اني بحياتي ما بقسى عليها.. بس تردها لي ولحضني.. انتبهت لروحي كيف اتكلم مع ربي.. حسيت روحي فقير.. ماعندي اسلوب اتكلم فيه مع ربي.. ما اعرف كيف اطلبه ولا اترجاه.. ماعندي عقل ارتب كلامي او اوزنه لربي.. دموعي ماهي راضيه توقف.. ضميري ذبحني.. سمعت صوت فيصل يكلمني
فيصل بحده: احمد
احمد يقوم ويمسكه من ياقته: لا تقول ماتت واتركتني لا تقول
فيصل: اهدى يا خوي هي بخير.. والحمدلله ماصار شي خطير
عبدالرزاق: الحمدلله.. الحمدلله
ليال بحده: بدخل اشوفها
فيصل: بننقلها من غرفة الفحص لغرفه خاصه ترتاح فيها
ليال بحده: قلت بدخل
فيصل يبتعد عنها: أي اكيد تفضلي.. بس هي نايمه مابتحس فيج.. لا تخافين مافيها شي
رجعت وكملت سجودي.. شكر وتضرع وامتنان لله.. حسيت بعمتي مشت جنبي ووقفت شوي.. وحسيت بأم سالم بعد مرت حولي.. وحسيت بالبنات بعد.. كنت دايخ.. احس اني بطيح من طولي.. ضربتها.. ورميتها على الارض جريتها معاي وانا ماشي وكملت عليها ورميتها على الحيط.. وجرحتها وقلت لها حقيره.. هالرقيقه ينقال لها حقيره.. وين عقلي.. وين عقلي.. حسيت بجسمي يثقل وعيوني تنقفل.. غصب عني غصب عني

&&&&&&&&&&&&&&&&&&


4:35 الصباح
في فيلا الجده ..على التلفون..
السعوديه

ناصر: ايوا اليوم.. مالك
العنود: ابد مالي شي.. بس الحجز صار بسرعه
ناصر: طبيعي يصير بسرعه تبيني اتركك هناك من غير لاحميكي
العنود: وايش منه خايف.. من ابوك
ناصر: الي عرفته عنه.. يخليني متأكد انه ممكن يآذيكي
العنود: لا تخاف علي.. اقدر احمي حالي
ناصر: يلا بلا كثر حكي.. قومي جهزي حالك وجهزي شنطك
العنود: يا حبيبي انا شنطتي جاهزه من قلت لي انك بتحجز لي
ناصر: والله عفيه عليكي.. تراكي ماتحبي السفر
العنود: ههههههههههههههههه تصدق عاد اكره كثر الترحال
ناصر: فاضيه
العنود: بلا ثقل دم عاد.. دلعني شوي
ناصر: وادلعك ليه.. بكره اذا تزوجتي زوجك يدلعك براحته
العنود: وانا بصبر لحد ما اتزوج.. عز الله عنست.. ولا ذقت الدلال
ناصر: هههههههههههههههه وليه بعيد الشر
العنود: لان المواصفات الي ابيها غير موجوده بالعالم كلها
ناصر: ايوا ايوا.. نسيت تبين رجال عنده 4 ايادي و6رجول
العنود: عنكبوت ذا ماهو رجال
ناصر: ههههههههههههههههههههه
العنود: ومن قايل لك انه هذي موصفاتي
ناصر: وايش مواصفت اميرتي
العنود بفرح: الله.. ايوا كذا الدلع يكون
ناصر: اخلصي ايش مواصفاتك
العنود: ابيه طويل.. عريض.. جميل.. اخلاقه عاليه.. شهم كريم.. غني.. يسفرني كل يوم ديره
ناصر: احلفي عاد
العنود: لالالا ابي يفطرني بديره ويغديني بديره ويعشيني بديره
ناصر رافع حاجبه: وغيره
العنود: ابي سيارته اخر موديل.. يعني كل سنه سياره.. وحده لي ووحده له
ناصر: وغيره
العنود: ابي اعيش بقصر كبير مررررررره.. ابيه فيه من انواع الزرع والورد.. ابي فراشات بعد لا تنسى
ناصر يضحك: لا ماني بناسي
العنود: وابي......................
ناصر: بعد ذا كله بقى شي؟!!!
العنود: طبعا بقا اشيا كثيره
ناصر يفرك راسه: ايش بقا
العنود: ابي غرفة نومي تكون غير عن باقي الغرف
ناصر: كيف يعني!!!
العنود: ابي السرير من الذهب الخالص
ناصر: الخالص!!!!!!!!!!!
العنود وابيه يصب تمثال على شكلي.. بس يكون من الماس
ناصر: ماس!!!!!!!
العنود: ايوا وبشرط انه الاحجار تكون صغيره.. وموزعه على التمثال بصوره مرتبه ومبدعه
ناصر: وغيره
العنود: ماسك علي وغيره وغيره.. الي يسمعك يقول انه عندك عريس بهالمواصفات
ناصر: ههههههههههههههه واذا قلت لك عندي
العنود: مستحيل منين
ناصر: ههههههههههههههههههههه حلوه هذي منين.. من الدنيا
العنود: اجل خلاص.. موافقه موافقه موافقه
ناصر: حقيقه ماتستحين.. هذا وانا اخوكي تتكلمي معي كذا
العنود: مجنونه اذا ماتكلمت معاك كذا.. اجل تبيني اضيع الرجال من يدي عشاني اكلم اخوي
ناصر: ههههههههههههههههههه يعني موافقه اقول للرجال انك موافقه
العنود: هههههههههههههههههه لو فيه خير مارماه الطير
ناصر: يعني ايش
العنود: يعني لو هو رجال وكويس.. كان متزوج من زمان.. مابيستنى رجعتي من لندن
ناصر: واذا قلت لك انه فعلا يستنى رجعتك
العنود: ناصر احسك تتكلم من جد
ناصر: مين انا؟!!.. انا احكي معك
العنود بخوف: ناصر
ناصر: مالك حبيبتي
العنود بخوف: باب غرفتي بندق
ناصر بحده: مقفله الباب
العنود بهمس: ايوا
ناصر: كويس.. اجلسي مكانك ولا تتحركي فاهمه
العنود بهمس: حاضر
ناصر: كلميني لحد مايزهق ويروح
العنود بهمس: وكيف تعرف انه ابوي
ناصر: قومي طلي من تحت الباب!!!!
العنود تقوم من فراشها: من جد
ناصر: ايوا.. قومي وبشويش لا تطلعي صوت
العنود بهمس: خلك معاي لا تقفل
ناصر: ماني مقفل معاكي يا روحي لا تخافي
العنود بعد ما تأكدت: ناصر
ناصر: خير
العنود: هو يا ناصر هو
ناصر: معلش.. قلت لك.. طلي مره ثانيه وشوفيه يوقف عند باب عبير
العنود ترجع تطل: شكله ايوا
ناصر: دخل عندها
العنود بخوف: ايوا
ناصر يحاول ينسيها: ماقلت لك
العنود بخوف: خير
ناصر: توحه اخطبوها
العنود تنسى ابوها: احلف
ناصر: والله.. يوم الخميس بيجون عشان يشوفها العريس
العنود: وااااااااااااااي يعني بحضر
ناصر: ايوا بتحضرين.. بس ها
العنود: ايش
ناصر: اياكي تتريقي عليها.. خالاتي ماهم مقصرين فيها
العنود: هههههههههههههههه احسن تستاهل.. ام لسان
ناصر: هههههههههههههههه تصدقين احسها بتعقل عقب هالزواج
العنود: هي وافقت
ناصر: احسها مياله له
العنود: هي تعرفه
ناصر: لا طبعا.. بس شافته مع جدتي وخلاتي.. واحسها تفكر فيه.. كل ما ادخل عليها الغرفه الاقيها سرحانه ومبتسمه
العنود: هههههههههههههههههه امووووووووووووت واشوفها
ناصر: بعيد الشر.. كلها اليوم وينقضى وتكوني بالسعوديه

&&&&&&&&&&&&&&&&&&&&&&

يتبع

&&&&&&&&&&&&&&&&&&&&&&

7:10 الصباح
في المستشفى ..غرفة احمد..
البحرين


فتحت عيني.. لقيتني نايم على سرير ابيض.. ماهو سريري.. رفعت راسي.. لقيت عبدالرزاق نايم على الكنبه.. وفيه واحد ما اعرفه جالس عند السرير ويناظرني
احمد بتعب: من انت؟
عبدالعزيز: انا عبدالعزيز.. جار عبدالرزاق
احمد: أي تذكرت
عبدالعزيز: الحمدلله على السلامه
احمد: الله يسلمك
كنت ناسي روحي وقاعد اسولف مع عبدالعزيز.. حسيته هادي بطبعه.. شكله وسيم بس حزين.. اشتغل عندي الفضول عشان اعرف ليش حزين جذي.. وقتها تذكرت لينا.. قمت من مكاني
عبدالعزيز: خير وين رايح
احمد: اشوف زوجتي
عبدالعزيز: شوي شوي.. ليلحين نايمه
احمد باستغراب: وانت من قال لك
عبدالعزيز: الدكتور فيصل كان عندك من شوي وقال لي
احمد: ووينه فيصل الحين
عبدالعزيز: ما ادري
تركته وطلعت.. رحت على طاولة الاستقبال.. وسألت عن غرفة لينا.. دلوني ورحت على طول لها.. فتحت الباب من غير لا اضربه.. لقيتها نايمه.. نايمه ولاهي حاسه بشي.. عمتي جالسه تقرا قرآن ومبين عليها ما نامت.. ليال نايمه على السرير الي جنب لينا.. وخوله جالسه مع البنات على وحده من الكنب.. كنت ساكت حتى اني ماسلمت.. دنيت منها ورفعت راسها.. من شوقي لها بستها قدامهم.. حطيت يدي على رقبتها وحسيت بنبضها.. آآآآآآآآه ياقلبي.. ينبض جعل نبضي يوقف قبلها.. لمست حرارتها بيدي.. وحضنتها.. ورجعت دموعي تخونني.. حسيتها تحركت.. بعدتها عن حضني شوي حتى ما آذيها.. انتبهت اني حضنتها بقوه
لينا: لا تبعدني عنك
احمد: احبج.. احبج.. فتحي عيونج وسمعيني
لينا مغمضه: ههههههه ما ابي افتح عيوني اخاف احلم
احمد: والله ماتحلمين.. وانا جنبك افتحي عيونج.. خليني اشوفهم
انتبهت ان خوله اخذت البنات واطلعت معاهم.. صحيح اني نسيت روحي معاها وماراعيت وجود البنات.. بس غصب علي.. كنت بفقدها.. بنحرم منها.. بغبائي وعنادي
ليال تصحى: لينوه ووجع يا خذ زوجك صحيتي؟
لينا بتعب: بعيد الشر عنه.. لا تدعين عليه
ليال: الا بدعي عليكم لحد ما اولد.. ماعملتو خير فينا.. جعلكم العافيه ان شا الله.. قومي ياخالتي قومي.. خلينا نروح البيت نرتاح.. هذا هي زي القرد مع زوجها
ام لينا: ................................
ماكنت قادر احط عيني بعيون عمتي.. طلعت مع ليال حتى من غير لاتكلم لينا.. منتبه على ذي كله.. عارف الي يدور براسها.. وكل شي بيرجع لوضعه ان شا الله.. المهم لينا بخير
لينا تبتسم: خفت علي ياروحي
احمد: احبج
لينا بدلع: اش كثر
احمد: حبي ماله حد
لينا بدلع: ما اصدقك
ما قدرت امسك نفسي.. وهي تتدلع بحضني.. حبيبة قلبي ماتبي تحسسني اني غلطان معاها.. حاسس بوجع جسمها.. وهي تخبيه عني.. غبي الي ماعرفت قدري عندج يا لينا.. غبي الي قسيت عليج وبغيت اخرب بيتي الي تمنيته معاج.. غبي الي ماعرفت قيمة الجوهره الي عندي.. الا بعد مابغيت اخسرها
حطيت راسي بحضنها وصرت مثل الطفل ابكي من قلبي.. كنت اعتذر وماني عارف اش اقول.. احبها من كل قلبي.. عاندتها وقسيت عليها.. ليش وصلت روحي معاها لهالشي.. كنت قلت لها من زمان اني اموت عليها.. كنت بينت لها من وحنا صغار اني احبها.. صارت تلعب بشعري وتهديني.. صارت تضحك على بكاي.
لينا: لوكنت اعرف اني بشوفك بهالحاله كنت مثلت عليك اني ميته احسن
احمد: احبج
لينا: احبك من عرفتك بهالدنيا
احمد: عمري ماحلمت بغيرج
لينا: حمودي
احمد: تدلعيني بعد.. ما استاهل منج هالدلع
لينا: تستاهل عمري كله
احمد: تعرفين اش ودي
لينا: خير
احمد: ودي تضربني لين اقول بس
لينا: بعيد الشر عنك.. الحمدلله انك بخير
احمد: حتى بوجعك تخافين علي اذا بخير ولا لا
لينا: لانك روحي
احمد: احبج

&&&&&&&&&&&&&&&&&&

7:30 الصباح
في سيارة ليال
البحرين

خان: ماما
ليال: نعم
خان: ماما لينا كويس
ليال: الحمدلله
ريما: خالتي
ليال: نعم ياروحي
ريما: يعني لين بخير مافيها شي
ليال: أي حبيبتي الدكتور طمنا وقال شويت رضوض
ريما: بس هي كانت ميته
ليال: لا حبيبتي مغمي عليها بس
ديما: ماما ليش ساكته
ام لينا: ........................
ريما: ماما ردي علي
ليال: مالكم خايفين كذا.. مابها شي.. هي بخير.. اكيد محتاجه تنام بس.. والحمدلله لينا ماعليها شر.. خالتي.. انتي عارفه بنتك وراسها.. هي بغت شي وحصلت عليه اليوم.
ام لينا بكدر: عقب شنو.. بغت تروح مني
ليال: تعوذي من ابليس.. والحمدلله هي معاه بخير.. وهذي الي حنا نبيه
ام لينا: الحمدلله
ليال: اقول فرفشي بنفرح بعرسها قريب
ام لينا بحزن: بدري يما بدري
ليال: والله ما اظن احمد يمنع روحه عنها بعد الي صار
ام لينا بحزن: الله كريم
ليال: خان روح على العماره
ام لينا: أي خان.. خليها تروح ترتاح وبعدين احنا نروح البيت
ليال: لا يا قلبي.. بتجين معاي.. وبتنامين وتريحين عندي.. والعصر نروح للموفقه مع زوجها
شفتها بحزنها واكتئابها مارضيت اني اخليها تروح البيت لحالها مع البنات.. الاسلم لها تكون معاي.. حالها خوفني عليها.. اكيد حست بالخوف انها تنحرم من لينا بنتها وصديقتها الوحيده بهالدنيا.. معلش الحمدلله على كل حال.. تطيب وترجع لها صحتها وانا اوريها.. بغت تخسر حياتها عشان يقول لها احبك يا عقلك يا لينا.. ياربي يسعدك ويهنيكي.. تذكرت عبدالعزيز.. هذي ثاني مره اشوفه فيها.. كان واقف مع عبدالرزاق.. ومن شافني نزل عيونه ولف بجسمه.. ليه احس بالريبه تجاهه.. ماهو خوف منه.. بس شك او فضول.. ليه مبين عليه الحزن كذا.. وصلنا العماره.. ووصل عبدالرزاق بسيارته معانا.. نزلت من السياره وانتبهت انه عبدالعزيز وقف بسيارته بعيد شوي.. لما دخلنا العماره.. دنا بالسياره ونزل منها.. غريب هالرجال.. بالعاده نشوف الرجال مايصدقو تجمع حريم ويظهرو مواهبهم ورجولتهم قدام الحريم.. هذا الرجال غير.. بعيد عن الناس.. حذر بتصرفاته كثير.. تعمدت اني اتأخر في مشيتي لحد ماوصلت لباب المصعد.. كنت ابي اشوف تصرفه ايش ممكن يعمل اذا لقانا لسا واقفين بالمصعد.. بيدخل معنا ولا بيبعد نفسه زي مايعمل.. وفعلا اول ما انتبهت انه دخل العماره دخلت المصعد.. مسك عبدالرزاق باب المصعد.. ونادا عبدالعزيز
عبدالرزاق: حياك ياخوي المساحه كبيره بالمصعد وياسع من الحبايب الف
عبدالعزيز باصرار: شوف طريقك يا خوي.. اركب وراكم ان شا الله
عبدالرزاق: ياخوي
عبدالعزيز يرفع يده يسكت عبدالرزاق: كمل طريقك ياخوي
كملنا طريقنا.. وتصرفه قالب راسي.. غريب هالرجل عجيب.. ايش سره.. تعمدت اتأخر في دخولي للشقه.. وحسيته تأخر.. دخلت خوله مع زوجها لشقتهم.. وانا فتحت شقتي لخالتي والبنات.. وخليت بابي مفتوح.. بعدين حسيت بروحي بايخه وفضولي ماله داعي.. حياته وهو حر فيها.. ايش مايكون سره.. وانا مالي ليه مهتمه كذا.. دخلت شقتي وقفلت الباب..وقفت ورا بابي.. وانا افكر.. كل الي ابيه مجموعه كبيره وذكيه.. ابي مجموعه كبيره وذكيه.. وهالرجال احسه ناحيته بشي غريب.. يمكن ادبه وسنعه هم الي زادو الفضول عندي ناحيته

&&&&&&&&&&&&&&&&&&

6:30 المغرب
في فيلا الجده ..غرفة ناصر..
السعوديه


ناصر على التلفون: اكلم الدكتور غسان لو سمحت
الممرض: ايوا.. بناديه لك
ناصر: انتظرك

وبعد دقايق

غسان: الو نعم
ناصر: انعم الله عليك بالخير يا حلو
غسان: هلا هلا.. ليه ما دقيت على تلفوني
ناصر: لانه مسكر يا حلو
غسان: تصدق ما انتبهت عليه
ناصر: المهم عارف انك مشغول.. اسمع طيارة العنود توصل على الساعه 10:15 باليل
غسان: توصل بالسلامه
ناصر: ابيك تروح تاخذها من المطار
غسان: انجنيت انت!!.. والله ما اظنها تركب معاي
ناصر: عن الخوف وروح لها.. انا بكون مشغول شوي
غسان: والله حاس انك عاملها لعبه يا ناصر
ناصر: ماهو مهم.. ابيك تكسب ودها.. ابيك تبين لها حنيتك.. ممكن
غسان: انا قايل انك قاصد هالحركه
ناصر: اسمع ابيك تجيبها على مكتبي بستناكم هناك.. حتى ماحد يقول ليه ولد عمتها جايبها من المطار
غسان: حاضر عمي.. طيب واذا مارضت تركب معاي
ناصر: بكلمها على التلفون وبقول لها اني دزيتك لها
غسان: جميلك على راسي يا ناصر
ناصر: جميلك انت الي على راسي.. المهم انها تكون بخير معاك
غسان: بحطها بعيوني واغمض عليها
ناصر: بس لا يكثر تراها لسا ماصارت حليلتك
غسان: ههههههههههههههههههههههه لا يكثر منك تراني ما اردها الليله البيت
ناصر بحده: تخسى والله.. اجل انسى الي قلت لك عليه
غسان: لالالالا تكفى رجيتك خلاص خلاص بصير مؤدب
ناصر يضحك: ايوه كذا تعلمو الاحترام
غسان: لا تصدق نفسك عاد

&&&&&&&&&&&&&&&&&&&

7:15 اليل
في المستشفى ..غرفة لينا..
البحرين

احمد: مضايقك؟
لينا: من انت!!.. اكيد منت عارف قدرك عندي
احمد: اقصد يمكن انج مليتي مني وانا بحضنك
لينا: الا بموت من الوناسه
ليال تفتح الباب: السلام عليكم
احمد يقوم: وعليكم السلام هلا بالغاليه
ليال: انت انكتم انا ما اكلمك
خوله: السلام عليكم
احمد: وعليكم السلام..هلا بام سالم
خوله: اقول اكرمني بسكوتك..تراك منت قد لساني
نزلت عيني من عقب جملة خوله.. خوله بطبيعتها وحده حقانيه.. وماترضى بالغلط.. دخل عبدالرزاق عقبها وكان مبتسم سلم علي بحراره.. هو بطبيعته طيب ويحب الناس كلها.. جلسو
ليال: كيف حال الحلوين
لينا: الحمدلله.. بخير
خوله: ماتحسي بألم
لينا تبتسم لاحمد: اكذب عليج اذا قلت لج حاسه بألم
ليال: ان شا الله دوم.. ياربي تدوم عليكي هالسعاده.. انتي وثقيل الدم هذا
لينا: والله حرام عليكم.. تراني ما ارضى عليه
خوله: وليش عاد ماترضين عليه
لينا: وانتي اش عليج.. حاشره روحج
خوله بحده: الحين انا اش علي والله انج تستاهلين الي يصير فيج
لينا: هههههههههههههههههه عسل على قلبي انتي اش قاهرج
احمد يجلس جنبها: الله يخليج لي
عبدالرزاق: اقول احترم وجودي على الاقل
خوله: لالا تركه على راحته معاها.. ولا كأننا موجودين.. خذو راحتكم حبايبي.. والله منظر حلو
احمد: ههههههه
ليال: ول ايش هالضحكه الصفره.. فرفش يا أخي لينا وبخير.. وماعليها شر
احمد بضيق: الحمدلله
عبدالرزاق: عاد اقول لك يا لينا.. فيه ناس
احمد بحده: عبدالرزاق
خوله: والله ان قدرت عليه ما بتقدر علي.. اكمل لج عاد ناس.. صاحو عليج صيااااااااح.. انا ما صاحو علي جذي
ليال: هههههههههههههههههه غياره
خوله: غصب علي يا اختي اغير
لينا: اذكري الله بس
خوله: لا الاه الا الله.. كفايه الي صار لكم
كنت فرحان بأنه مافي قلوبهم شي علي.. سعيد بقعدتي معاهم.. الحمدلله قلوبهم مافيها شي.. بس الي شاغلني عمتي.. ليلحين مابينت.. حتى البنات ماشفتهم.. استأذنت منهم وتعذرت اني بشوف فيصل.. طلعت من الغرفه.. ورحت اتلفت قلت ماهو معقول انهم يجو بروحهم.. اكيد عمتي والبنات معاهم.. بس وينهم.. اخذت تلفوني قلت بتصل على عمتي.. رفعت التلفون على اذني في نفس اللحظه الي دق فيها التلفون.. سمعت نغمه قريبه مني.. لفيت بجسمي.. وشفتها جالسه مع البنات على كراسي الانتظار.. سكرت التلفون ودنيت منها.. جلست بين رجولها على الارض.. عارف لينا اش تعني لها.. كنت بحرمها منها
ام لينا: روحو شوفو اختكم يا بنات
ديما بخوف: ان شا الله
حسيت البنات خايفين مني.. ركضو بسرعه على غرفة لينا.. جلست اناظر عيونها.. كانت قويه.. بعكسي كنت منهار بعد ابي ابكي.. الذنب الي داخلي بهدلني.. بحياتي ماكنت ضعيف جذي يمكن لاني ماغلطت على احد من قبل.. هالمره احس بالمر بلساني لمجرد اني اذكر الي سويته بلينا
احمد: مثلت علي انها تكلم غيري
ام لينا: .......................
احمد: كان نفسي اتزوجها من زمان.. حلمت فيها كثير.. بس بحياتي ما قلت لها اني احبها واموت على ترابها
ام لينا: .......................
احمد: وقت الي سمعت بأذني انها تكلم غيري بغيت اموت.. بحياتي ماعرفت عنها الشين.. طول عمرها الزين والسنع بروحها وطبعها واخلاقها
ام لينا: .......................
احمد: انتي كبيره وتعرفين اش يعني الرجال يسمع زوجته حبيبته تكلم غيره.. واحد غيري ذبحها في مكانها.. انا ماحسيت بروحي وقت الي رميتها على الارض.. ومشيت عنها عشان امنع روحي من ذبحها
ام لينا: .......................
احمد يحط راسه على رجولها: انا مالي غيرها.. وعمري ماتمنيت غيرها.. وعمري ما بكيت قدام احد الا عليها.. عارف اني بغيت اخسرها.. بس وربي غصب عني.. حاولت ابعدها عني حتى مآذيها.. لكنها عاندت معاي.. كانت ماسكه ثوبي بقوتها.. وانا وقتها ماني بعقلي.. بليس يلعب براسي اذبحها.. بس قلبي ماطاوع هالشي.. كنت ابي ابعدها عني حتى مآذيها.. والله اني آذي روحي ولا امسها بضر.. والله اني ادفع روحي بس اشوفها سعيده ومبسوطه
ام لينا: .......................
احمد يناظر عيونها: تعالي معاي وشوفي اش كنت ناوي افاجأها فيه ليلة البارح.. كنت حاجز لها بفندق ننام فيه.. ومن الصبح رحله بحريه.. كنت ابي اعوضها غيبتي عنها طول هالوقت.. كنت اسوق من الكويت لي البحرين وانا مشتاق لها
ام لينا: .......................
احمد: والله اني ما اكذب عليج.. احبها من قلبي
ام لينا تقوم عنه: .........................

&&&&&&&&&&&&&&&&&&&&&&

10:40
في المطار
السعوديه
وصلت السعوديه اخيرا.. قبل اذا اوصل السعوديه من بعد كل سفره احس بالضيق يمليني.. هالمره غير.. مشتاقه للكل حتى توحه الي ما احبها.. مشتاقه لها ولخناقها وكلامها البايخ معاي.. مشتاقه للكل.. مشتاقه لجدتي الي ماقد عرفتها بيوم.. ولا حاولت اني اعرفها.. غيرتي فيني الكثير ياليال.. خليتيني احب اهلي وديرتي.. وينك يا ليال.. جا ببالي انها موجوده مع ناصر.. وانه ممكن مخبي علينا انه لقاها حتى مايلاقي ابوي بدربه.. ويجبره انه يطلقها.. كفايه عليه بسمه الي راحت من يده غصب عليه.. طلعت للقاعه ورحت ادور عليه.. هو قال لي انه بيجي.. وقفت التفت.. مالقيته.. توقعت انه توحه تكون موجده.. هههههههه والله اني خبله هي لو تحبني بقول معلش.. تستقبلني وانا مكرهتها باسمي.. يمكن ليال الان تحكي لها عني؟.. يمكن انها حبتني من سوالف ليال.. ليه مقتنعه انه ليال مع ناصر واني بشوفها الليله.. لفت نظري بطوله.. ماصدقت نفسي اني اشوفه.. غريبه ايش يعمل هنا.. يمكن يستنى احد.. اكيد ماهو انا.. خلني استخبى قبل لا يعرفني.. عارفته لو البس خيمه بيعرفني بيعرفني.. بس وينك يا ناصر.. ياربي مايشوفني.. بموت من الرعب.. وينك ياناصر.. قلت بروح بستخبى بالحمامات (الله يعزكم) وبعدين قلت كيف بعرف اذا ناصر جا.. ياربي ايش اعمل.. وتلفوني خلصت بطاريته.. هذا وقته عاد.. ياربي مايشوفني.. ابتعدت عنه بعيد.. وجلست على وحده من الكراسي.. اختفى عن عيني فجأه.. رحت ادور عليه بعدين قلت اكيد ان الي ينتظره وصل.. والان مشى.. ارتاحت نفسي من فكرت بهالشي.. رحت ادور على فلوسي عشان ادق على ناصر.. انشغلت بشنطتي.. وانا ادور على الفلوس.. شفت ساعتي ولقيتها 11:20 ياربي طار الوقت بسرعه.. ياربي ايش اعمل ماني لاقيه الفلوس.. ايش اعمل وينك يا ناصر.. قرب مني رجال.. حسيت الخوف ملكني وهو يقترب مني
الرجال: ام سعد؟
العنود: لا
الرجال: اعذريني.. وين راحت هالحرمه
مشى وهو يكلم نفسه ويدور على ام سعد.. كان كل شوي يلتفت علي ويشوفني.. تظراته كانت تخوفني.. اقترب مني من جديد
الرجال: اكيد منتي ام سعد؟
العنود: لا والله
الرجال: شوفي اذا ناويه على الفضايح قولي من الان
العنود تبتعد خطوه: والله ماني هي
الرجال يقترب: وكيف اعرف انك منتي هي
العنود بخوف: ايش تقصد
الرجال بريبه: ولاشي.. بس والله والي خلق هالكون.. ان طلعتي هي وناويه على الفضايح بتذوقي من يدي الي بحياتك ماشفتيه
العنود بخوف شديد: والله العضيم ماني هي
ام سعد: بوسعد
بوسعد بحده: ووجع ان شاء الله.. وينك فيه
ام سعد: ماسمعتني قلت لك ابي اروح الحمام ( الله يعزكم)
بوسعد بحده: لا ماسمعتك خليتيني اصرخ بالحرمه لا بارك الله فيكي
واخذها وراح.. كأنها خادمه عنده.. يعاملها معاملة البهايم.. ليال دايم تقول اذا الرجال ماعامل زوجته من البدايه على انها ملكه.. بحياتها ماراح تكون متهنيه معاه.. بس ناصر كان محسسها انها ملكه.. وينها الان اتمنى انها تكون هنا من جد.. فقدتها وفقدت قعداتها.. رفعت راسي وشفت شباب واقفين يحاولو يلفتو انتباهي.. لفيت براسي على الباب انتظر جيت ناصر.. ياربي ماتصير مشكله.. ياربي ماتتأخر ياناصر.. بس هو عارف بموعد الرحله وعارف متى بجي.. تأخر كثير.. يكون صار له شي.. تكون جدتي ماهي ببخير.. ياربي سترك.. نزلت راسي وانا افكر.. جديده علي اني اقلق على جدتي.. بالعاده اذا جات تزورنا.. اكره نفسي.. بس الان القلق بيذبحني عليها.. عليهم كلهم.. وينك ياناصر.. الان ندمانه اني ماكلمت غسان.. ليتني رحت له على طول.. من لي الان غيرك ياربي.. انتبهت انه في رجال واقف قدامي
العنود بلهفه: ناصر اخيرا جيت
واحد من الشباب: ياعيون ناصر.. ان بغيتيني اكون ناصر.. بكون ناصر
العنود تمشي عنه: .........................
الشاب: وين يا حلو.. وين رايح.. ماتبين تكلمي ناصر.. معي تلفون تبين تدقي عليه.. ترانا بالخدمه
العنود تمشي: .......................
الشاب يعترض طريقها: طيب خذي الرقم.. طلبتك خذي الرقم على الاقل قدام اصدقاي.. لا تفشليني بيجلسو لحد بكره تريقه علي.. عشاني ماعرفت ارقم.
العنود بحده: ابتعد عني
الشاب: تكفين لا تفضحينا خذي الرقم وبتركك.. لا تدقين علي بس تكفين خذيه
العنود تركض: ياربي الحقني.. ياربي
وانا اركض من خوفي منه صرت ابكي ماني عارفه وين اروح.. ماني عارفه ايش الي جاني.. صرت انادي غسان بكل قوتي.. صرت ارفع صوتي والكل يلتفت علي.. تمنيته موجود.. ندمت اني مارحت له من اول ماشفته.. كنت منهاره وابي اشوف أي احد اعرفه.. اول مره احس بهالخوف.. اول مره احس روحي محتاجه للي يحميني.. بالعاده لساني طويل على الكل.. هالمره غير.. كل شي جديد علي.. كأني اجي السعوديه اول مره.. وقفت من تعبي.. استخبيت بين حريم كثار.. رحت ابكي من غير صوت.. وينك يا غسان وينك.. لو كنت معاي كويس من زمان ماكنت خفت منك كذا.. وينك ليتني القاك.. حسيت بتعب كبير حسيت اني بطيح من تعبي.. التفت على الشاب الي تعرض لي من شوي.. وفتحت عيني على الي شفته.. غسان معاه!!!.. ياربي هذا غسان.. يضربه؟.. يكون شافني وعرفني؟ ياربي بفتضح الا افتضحت.. اشوفه يضرب بالولد مثل المجنون.. والشباب الي معاه يحاولون يفكو صاحبهم من يد غسان ماهم قادرين عليه.. صار يضرب فيهم هم بعد.. ياربي هذا الولد ماسلم منه اجل انا ايش بيجرا علي.. ايش اتصرف.. ايش اعمل وينك يا ناصر وينك.. بموت من رعبي.. صرت ابكي بين الحريم وانا ماني حاسه بروحي.. الرعب الي داخلي بيقتلني.. اجلسو يهدوني وانا عيوني على غسان.. ترك الشاب وصار يصرخ بكل قوته باسم ناصر.. فهمت انه يناديني.. تركت الحريم.. وطلعت له اشرت عليه بيدي.. ماكنت قادره اصرخ صوتي محشور بالبكا.. كنت خايفه من وجودي معاه.. اكيد بيذبحني.. الا اكيد بيفضحني.. ياربي سترك.. جاني والشرار يطلع من عيونه.. غمضت عيوني قبل لا اشوفه.. مسكني من يدي وجرني وراه.. حسيت حالي زي ام سعد.. ما كنت ابي اكون زيها.. انا العنود مستحيل اترك غسان يستغل الموقف لصالحه.. انا ماغلطت.. ايش ممكن اقول الان وانا ابكي بكا بحياتي مابكيت زيه.. يجرني وراه حتى ما التفت علي.. يسمع بكاي ولا حتى وقف وقال اشوف حالها.. اكرهك يا غسان.. من زمان وانا اكرهك.. واليوم بالذات طحت بحظي.. وينك يا ناصر.. طلعنا من المطار وانا ما اخذت شنطي حتى.. الحمدلله الي شنطة يدي ظلت متعلقه بجسمي.. وصلنا السياره وفتح بابها.. انسامه تخوفني.. غضبه وحدته تزلزل كياني.. اكرهه.. اكرهه.. غمضت عيوني وانا واقفه جنبه.. كنت ابكي من خوفي منه.. فتح باب السياره وبكل هدوء
غسان: تفضلي عمتي
العنود تبكي: ماني راكبه معاك.. ابي اكلم ناصر
غسان يدق على ناصر: خذي كلميه
العنود بلهفه: الو ناصر
ناصر: حبيبتي وينك انتي
العنود تبكي بحرقه: الحقني بموت يا خوي
ناصر: بعيد الشر مالك يا عيون اخوك ايش صاير
العنود: وينك ابيك تجيني الان
ناصر: معلش حبيبتي.. انا مشغول كثير.. دزيت غسان لك وبيجيبك عندي بالمكتب ما ابيكي تخافي منه انا موصيه عليكي
العنود بحده: غسان لا.. ماني راكبه معاه
غسان يناظرها: باكلك يعني
العنود تبكي: ناصر ماني راكبه مع غسان.. دز لي السايق
ناصر: عنود عن لعب العيال.. غسان ماراح ياكلك
العنود برجا: الله يخليك الله يخليك.. بيذبحني
ناصر بحده: ايش الي يذبحك.. والله ان لمسك لا اكون قاتله.. حبيبتي لا تخافي.. غسان ولد عمتك وبيحافظ عليك لين تجيني
العنود بانهيار: قلت لا.. غسان لا.. ماني راكبه معاه لو على موتي.. انت سامع.
غسان يسحب التلفون منها: خلاص ياناصر.. نص ساعه ونكون عندك
العنود: والله ان لمستني لاكون قاتله روحي
غسان: اركبي السياره
العنود تبتعد: لا.. ماني راكبه بصرخ وبعمل لك فضيحه.. وبقول ولد عمتي متهجم علي
غسان: ولد عمتك ماهو من الشارع حتى تقولي هالكلام عليه.. ولد عمتك يقتل حاله ولا يمس عرضه.. انتي الغاليه يالعنود.. اركبي بوصلك عند اخوك
العنود تبكي بحرقه: اذا انا غاليه عندك زي ماتقول اتصل على السايق يجيني
غسان يدخلها: حاسبي راسك.. اجلسي
العنود: طيب ابي اجلس ورا
غسان: لا
جلست وانا احس روحي خلاص بتطلع.. الا غسان.. عارفه انه بيذبحني.. خوفي منه كبير.. فتح الباب وجلس جنبي.. رحت ابكي وابكي وهو كل شوي يناظرني.. وقف عند صيدليه ونزل.. كنت جالسه لحالي.. فكرت اني انزل فكرت اني اهرب.. بس وين اروح وكيف بكلم ناصر.. ياربي ارحمني.. شفته جاي.. رجعت لي نوبه البكا من جديد.. اكرهه ما احبه.. احس بالخوف يملك جسمي من اشوفه.. فتح باب السياره وجلس وفتح وحده من العلب وعطاني منها حبه.
غسان: هذا مهدأ.. خذي حبه بتريحك
العنود بحده: لا
غسان يتحرك بالسياره: والله العضيم انه مهدأ.. اذا ظليتي بهالحاله بيجيك انهيار عصبي.. لا تخافي مني عاد
العنود متردده: لا
غسان يمسك يدها: ليه خايفه مني كذا.. عنود.. هذاك زمان وراح.. ودي افتح معك صفحه جديده


يتبع