الجزء الثاني عشر

4:20 العصر

فيلا لافي ..الصاله..
لندن
ام ناصر: ما تغديتي يما
عبير: ماني مشتهيه يما
لافي: مالك حبيبتي
عبير بقرف: ولا شي
العنود: هههههههههههههه طيب اذا قلت لك قومي نطلع نغير جو
عبير: ما ودي
العنود: غريبه.. عبير بنت لافي تقول للطلعه لا.. ما اصدق
ام ناصر: انا شايفه انك متغيره هاليومين.. ايش الي مضايقك
عبير تقوم من الطاوله: ولا شي
لافي: وين رايحه
عبير: رايحه انام
ام ناصر: تبين تقولي لي انك ماتعرفي ايش فيها
العنود: والله ما اعرف.. من زمان ما جلست معها نتكلم
لافي بحده: ليه
العنود بخوف: ما ادري بابا.. على طول بغرفتها ومسكره على روحها الباب.. البارح من سمعت عن موت جاكلين وهي تبكي
لافي: تبكي على هالكافره؟!!.. اجل لو مسلمه ايش بتعمل
ام ناصر: موتت هالجاكلين اثرت بالكل
العنود: صحيح بابا.. جاكلين كانت طيبه مع الكل.. ساعات احسها هبله
لافي يبتسم: تتصنع يا بابا.. في هالزمان مافي شي اسمه اهبل
ام ناصر: صدقت
العنود: اسمع تلفوني
ام ناصر: قومي شوفيه.. وردي على المتصل
العنود: من بيكون يعني.. وحده من البنات.. مالي خلقهم بصراحه
ام ناصر: ماهي عبير الي تغيرت بس.. اشوف انتي بعد
العنود: ماما تبين الناس يبقون على ماهم عليه.. ضروري التغيير يا قمر
لافي: هذا هو يدق مره ثانيه.. بتردي عليه ولا اقوم انا ارد
العنود: والله اذا ودك تغازل الجييف الي اعرفهم ماعندي مانع
لافي: هههههههههههههههههه جييف عاد
العنود: اشوف راق لك الموضوع لايكون ودك
لافي: والله اذا حلوين ماعندي مانع.. بس طالما طلعو جييف خلاص غيرت رايي
العنود تناظر امها: اشوفك ساكته ماعدتي تغيرين
ام ناصر: خليه يشبع بهم.. بالاخير بيرجع لي
العنود: شوف الثقه
ام ناصر: طبعا.. انا ام ناصر.. ولا ايش قولك
لافي يتصنع الخوف: أي أي أي طبعا انتي ام ناصر تاج راسي
العنود: هههههههههههههههههههههه احبببببببببببببك
لافي: ههههههههههههههه عجبتك؟
العنود: وكيف ماتعجبني.. انت.. يوووووووووه
لافي: قومي ردي طيب..هذي ثالث مره يدقون
العنود: قمنا.. بس تعرف اذا طلعو صحباتي بذبحهم
لافي: هههههههههههههههه وليه عاد قلت لك جيبيه وانا ارد عنك
ام ناصر: لا تصدق حالك عاد
لافي: اشوف قمنا نغير ياحلو
العنود: لحقوووووووووووووووووو
لافي بخوف: ايش في!! مالك؟!!
العنود: هذا ناصر يدق علي
ام ناصر بلهفه: يما قلبي عطيني ياه
لافي بحده: لا.. تكلمه العنود وتشوف ايش فيه
العنود: هلاااااااااااااااااا يا قلبي انت
ناصر: كنت متأكد انك بتقولي هالجمله
العنود: وحشتني يا دب.. وينك عني
ناصر: اخبارك
العنود: تمام.. مشتاقه لك موت
ناصر: بعيد الشر عنك يا العنود.. ودك تجيني شوي
العنود: ياريت يا ناصر ياريت
ناصر: خلاص بحجز لك وتجي عندي
العنود بخوف: على طول!!
ناصر: اذا ودك ليه لا
العنود: لا ماهو على طول.. ابي اشوفك واتطمن عليك وارجع لهنا مره ثانيه
ناصر: خلاص حبيبتي.. الي تامرين عليه
العنود: انت بخير؟
ناصر: الحمدلله
العنود: وليال ما في اخبار عنها؟
ناصر بحزن: لا لسا
العنود: معلش ياخوي.. لا تضايق روحك
ناصر: ايش اخبار امك وابوك
العنود: كويسين.. امي متلهفه تبي تكلمك.. وابوي بعد
ناصر: ماله داعي
العنود بحنيه: ليه ياخوي
ناصر: الي جاني منهم يكفي.. المهم انتي عندي
العنود: وعبير ماتبي تسأل عنها؟
ناصر بحده: لا.. ولا تجيبي لي سيرتها ابد مفهوم
العنود: حاضر اهدى انت
ناصر: اسمعي.. تقولي لابوكي ناصر يقول.. تحجزلي على اول طياره للسعوديه.. تقضين اسبوعين او ثلاثه وبعدين ترجعين
العنود بخوف: تبيني اقول لبابا هالكلام؟!! .. اخاف
ناصر: قولي له وماعليكي.. هو الكلام كلامك؟!!.. قولي له ناصر يقول
العنود: طيب واذا مارضى
ناصر: بيرضى ماعليكي اعملي الي اقول لك عليه
العنود: حاضر
ناصر: ابي اسألك وتجاوبي ايوا او لا
العنود: قول
ناصر: هم جنبك؟
العنود: ايوا
ناصر: تقدري تبتعدي عنهم
العنود: طبعا لا
ناصر: جاوبيني على سؤالي بس ابيكي تمنعي نفسك من الصدمه قدامهم واضح الي اقوله
العنود: ايوا
ناصر: ابوكي يقعد معاكي لحالكم
العنود: لا من زمان
ناصر: تمام.. وكيف عن عبير
العنود: كثير هاليومين
ناصر: وماجا في بالك شي غلط يصير
العنود بخوف: بصراحه ايوا
ناصر: اسمعي انتبهي من ابوكي كثير اياكي تجلسي معاه لحالك انتي فاهمه.. واذا بغى شي قبل لا تروحي له تقولي لامك انك رايحه له وقولي لها ناصر يقولك ديري بالك علي انا مع ابوي.. مفهوم
العنود: ايوا
ناصر: اياكي تاخذي كلامي على انه مزح.. تراه جد.. وجد الجد بعد
العنود: بس ماني فاهمه
ناصر: راقبي عبير وابوي وانتي تعرفي
العنود تتصنع الفرح: ماشي الي قلت عليه.. بعد ايش تبي زياده
ناصر: اذا سكرت منك ابيكي تقولي لهم اني اتفق معاكي على جيتك للسعوديه واني اوصيكي تجيبي اغراضي
العنود: عرفت عرفت.. الاب توب الي في غرفتك وغيره
ناصر: تعجبيني.. ابيكي تفتحي عينك كويس.. وتديري بالك على حالك
العنود: الله لا يحرمني منك يا خوي
ناصر: ولا منك.. اسمعي.. انا قلبي ماهو متطمن.. قولي له اني بحجز لك التذكره بنفسي وبدزها لك.. مفهوم
العنود: حاضر.. بس جدتي ماقالت لي
ناصر: احتمال اخلي احد من اصحابي يرافقك بالرحله حتى يحرسك من غير ما تعرفيه.. ما ابيكي تخافي حتى تطلعي من هنا
العنود: تامر شي ثاني
ناصر: تلفوني هذا تدقي عليه على طول.. أي شي تلاحظيه تقولي لي عليه مفهوم
العنود: اكيد حبيبي
ناصر: احتمال ابوكي يا خذ تلفونك ويدق لي منه وانتي ما تدرين.. ابيكي اول ماتدقي علي انتي الي تتكلمي واضح
العنود: ايوا
ناصر: انا عارف اني اشغلت بال ابوكي كثير وبيجلس يسألك اسأله كثيره.. جاوبي عليها كلها وانتي سعيده ومبسوطه.. ما ابيه يشك اني احذرك من شي
العنود: هههههههههههههههههههه الله يقطع شرك.. دامك تضحك هذا يكفي عندي
ناصر: بكلمك باليل.. سلام يا حلو
العنود: سلام يا عمري
ام ناصر بلهفه: بشري ايش فيه
العنود تتصنع الخوف: بابا
لافي بحده: اخلصي ايش قال
العنود: يقول بيدز تذكره لي للسعوديه اسبوعين او ثلاثه وبرجع هنا.. ووصاني اقولك انه هو الي يقول
لافي يعض على شفايفه: هو يقول ها.. طيب يا ناصر
ام ناصر تمسكه: حلفتك بالله.. ولدي تعبان.. وماهو عارف ايش يعمل.. اعمل له الي يبيه من غير لا تضايقه.. يمكن يحس اننا مالنا غيره ويرق لنا.. لافي طلبتك.. ناصر يالافي لا ترد له طلب
لافي: خلاص بابا جهزي حالك
العنود تبوسه: ربي لا يحرمني منك ولا من حنانك يا الغالي
لافي ينسك يدها بقوه: ايش قال لك بعد
العنود بخوف: ابد وصاني اجيب له اغراضه.. وفي اوراق وفايلات قال لي اسلمك ياهم.. وقال لي اجيب له جاهز الاب توب.. وكم غرض من هدومه
لافي: وايش كان يقول لما تردي وتقولي ايوا.. لا..
العنود: يقول.. ودك تجي السعوديه.. قلت له ايوا.. قال تدخلي الملحق.. قلت له لا من زمان.. قال اجل ادخليه وجيبي اغراضي.. جيبي كذا وكذا وكذا.. وانا ارد واقول له ايوا على الي اذكر مكانه واتأكد من الي ما اعرف وين مكانهم
لافي بقهر: دق من تلفونه صح
العنود: ايوا بابا

&&&&&&&&&&&&&&&&&&&&

5:00 العصر
في شقة ليال ..البلكون..
البحرين
خوله: وانتي من ايش خايفه
ليال: ما ادري.. خايفه على عبدالرزاق من لافي
خوله بثقه: ماعرفتي عبدالرزاق يا ليال.. صحيح هو طيب وحنون.. بس وقت الشغل تلاقيه غول.. ممكن يبلع لافي في لحظه
ليال: اجل ما عارفتي لافي.. ممكن يحسس عبدالرزاق انه انكسر قدامه وهو في الحقيقه يجهز له ضربه قويه
خوله: اتحداه
ليال: وليه الثقه هذي
خوله: عشان يا قلبي لافي لحاله.. يشتغل لحاله.. بس عبدالرزاق اذا طاح او انكسر بيلاقي الف من حبايبه يرفعوه.. احنا مرينا بظروف صعبه كثير.. ما لقينا الي عندنا بسهوله
ليال: تبين الصدق.. انا ابي العب وعاجبتني الفكره كثير.. بس الان مع حملي صعب على اني اتحرك
خوله: وانتي من قال لك تحركي انتي ارتاحي وشغلي مخك.. واتركي التنفيذ على عبدالرزاق واحمد
ليال: انا مفكره في شي ابي ابتدي فيه.. بس متردده.. استنى اختار الوقت المناسب
خوله: وشو هالي مفكره فيه
ليال: ادخل السوق
خوله: وانتي عندك الي تشتغلي فيه؟
ليال: عندي الكثير
خوله: منين؟!!.. الي اعرفه انك دفعتي اغلب الي عندك على هالعماره
ليال: ناصر ترك لي الكثير
خوله: ناصر؟!!!!!!
ليال تبتسم: حبيب قلبي
خوله: حبيب قلبي؟!!!!!
ليال: وليه مستغربه
خوله: اول مره تقوليها.. حبيب قلبي
ليال: لاني احبه وبحياتي ماحبيت غيره
خوله: حبيب قلبك كم ترك لك
ليال: ترك لي ملايين كثيره.. الفلوس الي شريت بها هالعماره كانت مهري.. ناصر عطاني عشره مليون ريال.. وقبل لا يطلقني ترك لي زيهم.. اقدر اوقف بهالمبلغ
خوله: توقفين بها.. بس ماتقدرين تتحركين بالسوق فيها
ليال: غلطانه.. لعبت الارقام هذي لعبتي.. اقول لك على شي وتصدقيني
خوله: قولي
ليال: انا اقدر اصير تاجره وانا بجيبي 100 ريال بس
خوله: اقول احلمي.. تبين اغطيكي احسن.. قال 100 ريال تعملها تاجره
ليال: خليني اشرح لك
خوله: اسمعك
لينا تدخل عليهم: خوله قومي محمد يبكي
خوله استنيني: فاصل ونواصل.. استنيني
ليال: هههههههههههههههههه
لينا: هههههههههههههههه خبله
ليال تمسكها من اذنها: لا تقولي كذا على خوله
لينا: اه اه وليش عاد والله خبله
ليال: الله يخليها لي.. ويخلي خبالها كمان
لينا: الله لا يفرقكم.. يلا قولي لي
ليال: ايش اقول
لينا: الي كنتي بتقوليه عن 100 ريال.. يلا بسرعه قبل لا تجي خولوه وتخرب علي
ليال: هههههههههههههههه عساكي العافيه يعني محمد مايبكي
لينا: لا طبعا.. قلت انتهز فرصه واستغل الموقف واخليه في صالحي
ليال: والله انها تجيكي وتبهدلك.. وشوفي الي يفكك منها
لينا: ماعليج منها زين.. ماتخوفني
ليال: ياربي رحمتك ابتدينا اليوم.. ايش بيسكتهم الان
خوله تمسكها من شعرها: الولد يبكي ها.. يالدبه اياكي تعيديها
لينا بحده: شعري شعري يا همجيه
ليال: ايوا ايوا انا عارفه انه ذا الي بيصير
خوله: انا همجيه يا لمتوحشه
ليال: بسسسسسسسسسسسسسس.. اسكتي انتي وياها
لينا تتوجع: ماشفتيها كيف سحبت شعري..الهمجيه حطت قوتها في شعري
خوله: احسن عشان تحرمين تلعبين علي مره ثانيه
لينا: انا ارويج تراني ماني بسهله يا خولووووووووووووووووه
خوله بحده: ووجع لا تقولي خولوه لا يسمعج سالم ويمسكها علي.. هو من الله يناديني خوله.. صاحبته ماكني امه
لينا تضحك: عضيه وهو يتعود يناديكي ماما
ليال: هههههههههههههههههههههه بعيد الشر عنه
خوله: عضج احمد بليلة عرسج يا حماره
لينا: ول ول ياهي دعوه
ليال ميته ضحك: لا ومن القلب بعد
لينا: اعوذو بالله منج ومن دعاويج
ليال: هههههههههههههههههههههه
لينا: يعني ماتعرفين تقول عسى احمد يقول لج احبج ويفرح قلبج يا لينا يا اختي يا حبيبتي
خوله: موتي ان شا الله مايقولها غير وانتي روحج تطلع
لينا بحد: خولوه ووجع تدعين علي بالموت جعل الموت يشيل بليسج يا ام لسااااااااااااااان
ليال: راسي.. صكو راسي
خوله: انا ام لسان يا ام اربعه واربعين قايمه
لينا: انا.. انا يا لوح يا هبله
ليال: بسسسسسسسسسسسسسسسسس بس اهدو.. توم وجيري وقت مستقطع للجميييييييييييييييييع من فضلكم من فضاكم
لينا: عشان ليال بس بسكت
خوله: عشانج ياليال بنطم
لينا: ههههههههههههههههه قدرج
خوله: قدر يلبس راسك
لينا: عساج تطيحين فيه وهو مليان ماي مغلي
خوله: جعل الماي المغلي يحرق لسانج
لينا: جعل لسانج القص
ليال بصراخ: بسسسسسسسسسسسسسسسسسسس رحمو حالي بس
لينا: خلاص خلاص.. عشانج
خوله: خلاص زين انكتمنا
لينا: هههههههههههههههههههههه قدرج
ليال: ههههههههههههههههههههههههههه
خوله: تضحكين انتي ووجهك
ليال: قولي شي عدل عشان ماتمسكه عليكي
خوله: انا اوريها يجي احمدوه بس وانا اوريها
لينا بحده: احمدوه في عيونج.. اصغر عيالج اشوف
ليال: مره ثانيه!!.. لا لا كذا كثير.. انا تعبت
صوفيا: مام ليال
ليال: ايوا صوفيا.. زين الي جيتي ارحمي حالي من هالثنتين
صوفيا: في رجال برا عند الباب
ليال بخوف: يما قلبي.. من ذا نعرفه؟!!
صوفيا: لا ماما ما نعرفه
لينا: خلكم انتو هنا.. وانا اشوفه.. لا تخافين بعرف اتصرف معاه
خوله: ليال دقي على صلاح بسرعه


عند الباب
لينا: نعم
عبدالعزيز معطيها ظهره: السلام عليكم
لينا: وعليكم السلام
عبدالعزيز لازال معطيها ظهره: اعذريني.. انا حاب استأجر وحده من الشقق.. انتي صاحبة العماره؟
لينا: أي نعم انا صاحبة العماره.. انا بعطيك رقم الدلال وانت تفاهم معاه
عبدالعزيز: الدلال هو الي قال لي اني اجي اتكلم معاج.. لانه يقول انه العماره راح تتأجر للشركات بس.. وانا محتاج اني أأجر عندكم لانها قريبه من شغلي
صلاح: السلام عليكم
عبدالعزيز: وعليكم السلام ورحمة الله
صلاح: يا هلا ويا مرحبا
عبدالعزيز: هلا بك يا خوي
صلاح: افتحي المجلس اختي
لينا: دقايق يا خوي


في الصاله
خوله بقلق: من؟
لينا: يقول يبي يأجر شقه
ليال تحط يدها على قلبها: مت من الخوف
خوله: ماله داعي الخوف.. من بيعرف انج هنا
لينا: صلاح نقذني
ليال: كيف
لينا: لاني قلت له اني صاحبة العماره.. يعني فكرت بسرعه قلت اذا كان من طرف لافي اكون بالواجهه
ليال: يا بعد قلبي الله يخليكي لي
لينا: تبون الصدق
خوله: قولي
لينا: وسييييييييييييييييييييم
خوله: يا قليلة الحيا هذا وانتي على ذمة رجال والنعم فيه
لينا: وانا قلت لك حبيته ولا عشقته.. انا اوصفه انه وسيم
ليال: الله يقطع بليسكم انتو الثنتين.. بسكم عاد.. صدقو البنات يوم سموكم توم وجيري
خوله: ماتسمعينها
ليال: اسمعها بس يا لينا لا تعملي شطانه مره ثانيه
لينا: حاضر ماما
ليال: ههههههههههههههههههههههه
خوله: تاخذيني على قد عقلي انتي بعد
ليال: ياربي ما اجرمت البنت.. وصفت الرجال يعني انتي بحياتك ما عملتيها
خوله: اممممممممممم
لينا: بلا امممممممممم .. حلال عليها وحرام علي
خوله: في النهايه عيب
ليال: ييييييييييييييييييي طيب طيب.. قولي لي يالينا ليه مارح للدلال
لينا: يقول الدلال هو الي قال له انه يجي هنا
خوله: اها اكيد يبي يأجر لحاله
لينا: أي قال لي هالشي.. يبي لحاله ماهو تبع شركه
ليال: ايش رايكم
خوله: والله ما ادري
لينا: انا بعد.. اذا بنوافق عليه لا زم نعرفه الاول
خوله: سألتيه اذا لحاله ولا عنده عيله
لينا: لا والله
ليال: ما اظن اني بوافق.. بصراحه ما ابي مشاكل
خوله: يا حبيبتي يا قلبي.. وين المشاكل وبعدين هو بيسكن بحضنك حتى تخافي منه.. بيأجر شقه وبيسكن فيها ويدفع لك المقسوم الشهري.. وانتهينا
لينا تقتنع: خوله صادقه.. وبعدين العقد الي بينجبر يوقعه بيخليه يلتزم بأشيا كثيره
ليال بتردد: يجي صلاح ونشوف

&&&&&&&&&&&&&&&&&&&&

5:15 العصر
في شقة جراح ..غرفة عبدالرزاق..
لندن
عبدالرزاق على التلفون: قلت له انه لافي لعب علي وخسرت فلوس ماهي سهله
احمد: وعرض عليك انه يساعدك
عبدالرزاق: جراح صاحبي وماراح يتخلى عني
احمد: حلو.. الجزء الاول وانتهينا منه.. نبتدي في الجزء الثاني
عبدالرزاق: نتوكل على الله ونبتدي.. بس من راس المال الي بتخليه طرف ثالث في الموضوع
احمد: أي واحد يكون مزيف
عبدالرزاق: مثل من
احمد: مثل عوض
عبدالرزاق: عوض؟!!! الي محكوم عليه بالاعدام!!!!
احمد: أي هو بعينه
عبدالرزاق: مافهمت
احمد: اسمع.. اذا صارت اللعبه واختفت الفلوس بيكون عوض وقتها ميت.. وخلي لافي يدور عليه بعدين
عبدالرزاق: ههههههههههههههههههههه حلوه.. يعجبني عقلك
احمد: لا تنسى انك بتكون في الواجهه.. يعني لازم تستمرض بعد الي بيصير
عبدالرزاق: المرض مقدور عليه
احمد: ولا تنسى يا حلو انه رقبتك بتكون في يدي.. وفلوسك بجيبي
عبدالرزاق: هههههههههههههههههههه تصدق نسيت
احمد: لالالاتنسى هالشي ابد
عبدالرزاق: والله يا احمد من غير لا تطلب.. حلالي هو حلالك يا خوي
احمد: والنعم فيك.. والله يبارك له فيه
عبدالرزاق: احمد ماقلت لي
احمد: خير
عبدالرزاق: ايش هالعداوه الي طلعت تجاه لافي مره وحده
احمد: تبي الصراحه
عبدالرزاق: اكيد
احمد: احب العب على ناس مثل لافي.. دامه يظن انه مافي غيره بهالكون.. بعرفه انه في الاذكا والاقوي منه
عبدالرزاق: شكلك ناوي نيه شينه على لافي يا احمد
احمد: يا خوي قطع الاعناق ولا قطع الارزاق.. وهذا لعب بحياة الناس
عبدالرزاق: كيف قادر يعيش هالرجال.. وحنا صلاة وعباده وتقرب من الله ولا ملحقين وبعد نحس اننا ماسوينا شي
احمد: لما يصير انسان بالاول بعدين بيصير عنده هالاحساس
عبدالرزاق: الله يعيننا عليه
احمد: شايفك متحمس كثير
عبدالرزاق: ماهي اول مره لافي يوقف لي بشغلي.. لافي خرب علي صفقات كانت بيني وبينها توقيع بس.. وهو بسهوله امتلكها.. في لحظه الاقي كل شي يخترب علي.. الي مفرحني اني بحط راسي براسه.. وباذن الله بنقدر عليه
احمد: الله يسهل الامور.. موعدك معاه متى
عبدالرزاق: على الساعه 6:00
احمد: وطيارتك متى
عبدالرزاق: 10:00 باليل
احمد: تمام.. وقت مناسب
عبدالرزاق: لشنو
احمد: عشان اجهز الاوراق قبل اعدام عوض.. خلني اروح الان عشان ادز لك اوراق المشروع
عبدالرزاق: بكون جنب الفاكس ومابتحرك

&&&&&&&&&&&&&&&&&&&
يتبع

5:30 العصر
في بيت النشمي ..الصاله..
السعوديه


ام سلطان بسعاده: حيا الله من جانا
فتحيه: الله يحيكي يا قلبي
ام سلطان: نور البيت يا ام فهد
الجد: منور بأهله يما
منال: عاد يا فرحتي بكم اليوم
سوسن: تصدقين وانا بعد صليت الصبح وجالسه افكر ايش اعمل حلويات واعد الدقايق عشان نجي
ام عبدالله: الله يقطع بليسك.. اجل ما نمتي
سوسن: تبين الصدق.. مانمت
ام نور بخبث: مانمتي فرح بجيتنا.. ولا عبود ماخلاكي تنامين
فتحيه بحيا: الله واكبر ابتدينا
ام عبدالله: اقول وراكي ماترضي براجو تراه زين وشغلته زينه.. وتريحينا يا اختي.. قعدت الحريم ممله من غير هالسوالف
فتحيه بحده: اخس عليكي مالقيتي غير راجو هندي البقاله.. على الاقل قلتي اسلام الباكستاني الي متوهني بجماله
منال: هههههههههههههههههههه يعني اذا ماهو هندي صار بكستاني
الجده بقهر: ماتشوفي حظها طايح
ام نور: هههههههههههههههههه طايح ومايشيله غير اسلام الباكستاني
فتحيه: والله يا زينه زيناه
ام عبدالله: الله وا اكبر لا تقولي انك تحلمي به
فتحيه: ياريت هو انا اقدر انام عشان احلم
سوسن: هههههههههههههههههههه والله عسل
ام سلطان: وانتي دامك ميته على الزواج كذا.. ورا ماوافقتي على المتقدمين لك
الجده بقهر: اه يا وجع قلبي
فتحيه: سلامة قلبك يا قلبي
منال: بعيد الشر عن قلبك يما.. انا الي بفكك منها
الجده بفرح: والله؟!!
منال يثقه: ايوا
ام نور فاتحه عيونها: من جدك انتي!!!!!
منال: أي والله
سوسن: ههههههههههههههههههههه شوفو شكلها
ام سلطان: خير عمتي اشوف الحكي ماهو عاجبك
فتحيه: ايش ناوين عليه
منال: كل خير
الجده: انتي تتكلمي من جد
منال: ايوا يما.. اسمعو.. اخو زوجي ارمل ورفض الزواج بعد ماتوفت زوجته.. وعجزنا وحنا نحايل فيه وهو ابد.. عاد يوم قلت له ان عروسته عندي.. واني انا الي بزوجه اشوفه بدا يلين للفكره
فتحيه بحده: انكتمي لا اقوم افرك خشتك بالقاع.. ارمل ورافض الزواج.. هذا حظي!!!
سوسن: اقول اكرميني بسكاتك انا وافقت عليه خلاص
ام نور: انتو تتكلمو من جد
ام سلطان: أي ومالكم منتو مصدقين كذا
ام عبدالله: عشان عارفين طبع هالعله.. بتطيره من يدها زي كل مره
الجده: لا الا هالمره.. اذا الرجال زين ومايتعيب.. مصلي ومسمي.. خلاص على بركة الله
فتحيه: لا طبعا ماهو بكيفكم تمشون حياتي.. لا يعني لا
ام عبدالله: سوسن حبيبتي
سوسن: ياعيون سوسن
ام عبدالله: اقول ماتبين تفرحينهم
سوسن: بايش
ام عبدالله: انك وافقتي على عريس فتحيه
ام نور: هههههههههههههههههههههههه صحيح سوسن وافقتي خلاص.. اجل من فتحيه المال ومن زوجها العيال
ام سلطان: ههههههههههههههههههههههه
الجده: هههههههههههههههههه الله يرجك يا بنت
منال: دام سوسن وافقت قومو خلوني اوريكم ياه
فتحيه بحده: انتو هيييييييييييييييييي.. اجلسو مكانكم.. والله ومصدقين حالكم اني بوافق
ام سلطان: وليه ماتوافقين يا بعدي
فتحيه: لا يا بعدي ماني موافقه ومابي اتزوج ريحو روحكم
ام سلطان: وان شا الله لحد متى بتظلي متعلقه في اسلام
سوسن: هههههههههههههههههههه لين يجي يخطبها
ام نور: وانا الي بملك عليها
فتحيه بحده: بس انتي وياها عن التريقه
ام سلطان: بس يا بنات خلونا نتكلم جد شوي
سوسن: خلاص خلاص
ام سلطان: شوفي حبيبتي انا عارفه انه المفروض يجي لبيتك ويخطبك.. بس انا قلت امهد لك الموضوع حتى ما تتعصبي وتحتدي وترفضي.. وبعدين انا رتبت مع البنات من غير هو لا يعرف بشي حتى تشوفيه.. يمكن اذا شفتيه الله يفتح عليكي وتوافقي عليه
فتحيه: يا ام سلطان يا حبيبتي هو بعد ماشاب
منال: لا شاب ولا غيره وشفيكي الزين كله
فتيحه: أي والله نسيت اني ملكة جمال الكون.. والعيون يا الله من فضلك خضر شوفوها وشحلاتها.. ومن كثر ما انا صغيره مافي تجاعيد بوجهي
منال: ههههههههههههههههههه الله يقطع شرك
ام سلطان: أي تتريقي على حالك.. الله واكبر على بليسك.. أي تجاعيد هذي.. وايش يعني عمرك 43 سنه لساكي صغيره
فتيحه: أي صغيره لسا امي من شوي مغيره الحفاظه
ام عبدالله: ههههههههههههههههههههه
ام نور: وانتي صغيره عجزنا وحنا نقنع فيكي قلتي لسا صغيره وخلوني شوي لما اكبر.. كبرتي وعجزتي والان تبين ترجعي صغيره
ام سلطان: الله يهديكي انتي بعد هذا كلام تقوليه.. اسمعي يا فتحيه.. هذا النصيب حبيبتي وكتبت الله.. كبيره صغيره هذا مايمنع
منال: بو سلمان دق علي يما
ام سلطان: قومو بسرعه عشان تشوفوه.. تراه مايشوفكم
منال: تراني متفقه مع بوسلمان يوقف معاه بالحوش شويه حتى توحه تاخذ راحتها
فتحيه بحده: توحه بعينك
ام عبدالله تسحبها: يلا بلا كثر كلام

&&&&&&&&&&&&&&&&&&

5:45 المغرب
في شقة ليال ..الصاله..
البحرين



صلاح: ايش رايك
ليال: وليه مصر على الطابق الاخير
صلاح: يقول انه مايبي يختلط بالاجانب
خوله: يعني يبي يختلط فينا!!!!
صلاح: لا ماهو قصده كذا.. يقول انه مايحب يسكن جنبهم.. هذا مافي الموضوع
ليال: هالطابق لا.. يسكن بالتاسع مافي مشكله عندي
لينا: قال لك اذا معاه عايله ولا لحاله؟
صلاح: والله يقول لحاله.. ويقول انه ماله علاقه باحد ابد.. وبقول انه من الشغل للبيت.. وانه بحياته مادق باب جاره ولا بحياة احد ما دق بابه.. ويقول بعد انه عازب وانه ماعمره عمل مشاكل واذا على الاجار بيدفع سنه مقدم
ليال: معزول عن الناس ومايبي يختلط با احد!!.. شي غريب
خوله: لو انا مكانه ما اعرف اعيش
لينا: ول عايش بهالدنيا الطويله العريضه بروحه
صلاح: ايش قلتو
ليال: ليه لا.. اهم شي مالنا علاقه فيه ولا يكون له علاقه بنا ابد
صلاح: وكيف عن الشقه أي وحده بتعطيه
ليال: الطابق التاسع شوف أي وحده من الشقق يبيها
صلاح: واذا اصر على العاشر
لينا: ليال حبيبتي اسمعي مني خليه يسكن بالعاشر على الاقل يكون فيه رجال موجود متى ما كنا موجودين حولك
خوله: كلام لينا صح.. وبعدين اذا خفتي من لافي وربعه انهم يلاقوكي بتلاقي هالغريب يدافع عنك
ليال: واذا كان هو من تبع لافي وحنا محنا عارفين
صلاح: خلاص بكلمه واقول له اننا محنا موافقين
ليال: احسن بعد مانبي مشاكل.. انا كنت مرتاحه من فكرت الاجانب هذي
خوله: وهم الاجانب الي بيحمونك.. والله لو يسمعو صراخك واصل لحد قطر.. ماراح يدخلو نفسهم بالمشاكل
لينا: خوله معاها حق
ليال: اسمعو.. نسأل احمد.. نعطيه اسم المستأجر وهو يسأل عنه اذا زين توكلنا على الله.. واذا راعي مشاكل.. نعتذر منه.. ويشوف له مكان ثاني
صلاح بخبث: ادق عليه.. ولا زوجته تبي تدق عليه
خوله: ويه وااااااااااااي على زوجته.. اقول دق عليه زوجته تتعزز
ليال: يا شين الي يتعززون
لينا: ابتنكتمين انتي وياها ولا اوريكم

&&&&&&&&&&&&&&&&&

6:05 المغرب
في بيت النشمي ..مع الحريم..
السعوديه


ام نور: من جد حلو
ام عبدالله: ايش هالجمال.. والله لو زوجي خليته كل يوم قدامي واقعد اناظر فيه
فتحيه: ايش رايك تبدلي تراه لسا ما تزوج
ام سلطان: ههههههههههههههههههههه وتتنازلي عنه لام عبدالله العجوز.. تاخذه ايش تعمل به تربيه
فتحيه بحده: لا تخلله
سوسن: ههههههههههههههههههه
منال: تراه اكبر منك بثلاث سنين
الجده: كلميني عنه يما
منال: توفت زوجته وهو ماكمل معاها سنه.. توفت في حادث سياره مع السايق.. ومن بعدها عاف الزواج.. من شغله للبيت ومن البيت للمسجد.. هادي وطيوب.. من سكنت معاهم وانا ماشفت منه غير كل خير.. يدخل يذكر الله ويطلع يذكره.. راعي وقفات.. ويحب اخوانه واخوانه يموتون عليه.. والبنات مايعرفو يجلسو بالبيت بلاه
الجده: بس الحزن ماليه يما
منال: يما اصله كان مزعل حرمته يوم الي طلعت منه ومحسس روحه بالذنب.. تشوفيه ساعات مهموم ومتضايق من نفسه اذا ذكرها.. وساعات ماتسمعي غير الضحك
فتحيه: با اختصار معقد
ام نور: اسم على اسمك حبيبتي وانتي العقد ماخطتك
ام عبدالله: انكتمي بس وانتي معقده من فوقك لتحتك
الجده: كملي يما
منال: واصل للناس حتى اهل زوجته لساه يزورهم لحد هاليوم.. بس من اخر الايام كان يسولف مع ابو زوجته عنها الله يرحمها ومن بين الحكي الاب قال له انه الحرمه كانت معصبه مع اخوها.. واقتهرت على تصرف حرمة اخوها مع امها.. وعقبها استأذنت من زوجها عشان تجيهم البيت وصار الي صار.. هدت روحه لما عرف ان ماله يد بموتها.. وهذا هو قدامك يبي يتزوج
ام عبدالله: الحمدلله
ام نور: بصراحه عاجبني
فتحيه: مبروك عليكي.. اسمعو اذا ودكم تزوجوه.. اعرف وحده من صحباتي ارمله هي بعد.. وتدور على زوج.. بدلكم عليها وروحو شوفوها.. اما انا انسو
سوسن: ايش اسمه يا منال
منال: عدنان
ام نور: حتى اسمه حلو
فتحيه: وصاحبتي اسمها لينا.. يناسبو بعض.. عليهم بالعافيه
سوسن: ههههههههههههههههههههه
ام سلطان: يعني ماحرك شي داخلك
فتحيه: ابد
ام سلطان: ما اعجبك شكله
فتحيه: لا
الجده: منال يما
منال: خير يما
الجده: قولي له يتفضل حتى يشوفها نظره شرعيه
فتحيه بحده: من هذي الي يشوفها نظره شرعيه والله انكم مصدقين روحكم
ام سلطان: الله يقدم الي فيه الخير
ام عبدالله: الله يجعله من قسمتك ونصيبك يالغاليه
ام نور: هو ايش يشتغل
منال: مدرس
ام نور: يعني عنده خير
منال: الحمدلله.. عنده .. صحيح انه ماهو راضي يطلع من بيت ابوه ماهو عشان ماعنده.. بس عشان مايبي يفترق عن اخوانه وهو الكبير فيهم.. يحب لمتهم حوله.. ولا هو راضي اننا نسكن لحالنا
الجده: فيه الخير.. والله انه عجبني
منال: لو تتخيلي يما.. قد ايش احبه.. والله ثم والله ماراح الاقي اطيب واحلى من توحه له.. طيبه وحنونه وتعرف العدل والسنع يكفي انها تربيتك
الجده: ماعليكي زود يما.. هذي الساعه المباركه الي نناسبكم من جديد
فتحيه: الا ماقلتو لي من العروس عشان ابارك لها
ام سلطان: بقولك ان شا الله الخميس الجاي وحنا عندكم بالبيت
فتحيه: حنا بابنا مسكر ومانفتحه ابد للناس
ام سلطان: بندخل من الشباك
فتحيه: بيتنا مافيه شبابيك
ام سلطان: بندخل من فتحت المفتاح
فتيحه: ابوابنا كهربا.. المفاتيح خلص وطرها
ام سلطان: بننزل ببراشوت
فتيحه: ماعندنا حيشان ولا سطوح
ام نور: الان هذي الي عندها سنع.. جالسه تطرد في الحرمه الله يقطع بليسها فشلتنا فيها
ام عبدالله بحده: الله يا خذ بليسك يا فتحيه.. استخفيتي انتي والله عيب عليكي
فتحيه: بتجي هي وبناتها يا هلا ويا مرحبا العين اوسع لها من الحاجب.. بس مع ناس غرب لا
ام سلطان: غني من اليوم الا يوم الخميس
فتحيه: وايش تبيني اغني.. ظلموني الناس
ام سلطان: لا.. غني ياليل مطولك

&&&&&&&&&&&&&&&&&

6:30 المغرب
في المطعم
لندن


لافي: الاوراق هذي خطيره
عبدالرزاق: والربح اخطر
لافي: انت واثق من عوض ذا
عبدالرزاق: انا مالي ثقه في ابوي
لافي: صدقت.. بس المشروع يفر الراس
عبدالرزاق: لعبه جديده ماحد لعبها في السوق من قبل
لافي: وليه حنا ما نمتلكها ونلعب فيها براحتنا
جراح: عجزنا مع عوض ماهو راضي
لافي: انا اتكلم معاه
عبدالرزاق: اعطيك رقمه وانت تتفاهم معاه.. بس بقولك
لافي ينتبه لعبدالرزاق: لا تهددني ياخوي
عبدالرزاق: ماهو تهديد يا خوي.. بس تحذير.. انا ما احب اللعب بالمشاريع.. راس المال ماهو سهل ابد.. يعني اذا بدخل معاك برمي بنص الي عندي فيه.. وانا ناوي عليه.. يا تكون معاي ونكون قلب واحد على عوض.. او انه اوراقي عندي.. وحنا حبايب طول العمر
لافي: جراح مالك خاطر يعني
جراح: انا اشتغل بالي اعرفه.. المشروع ذا انا ماني فاهم منه شي.
لافي: احسن لك خلك بعيد.. من زمان وانا اقول انك منت جريء بالتجاره.. التجاره يبيلها قلب قوي
عبدالرزاق: صدقت جراح ماله بهالموضوع وانا من البدايه قايل له انه مايناسبه.. ابي الي يوقف معاي يكون قوي
لافي: أي بس انت تقول انه عوض اساسا تاجر مخدرات
عبدالرزاق: ما كذبت.. مشروعنا ماله دخل بالمخدرات.. وهو لسا يتاجر فيها؟ هذا صار له سنين وهو بهالتجاره.. بس اذا انمسك حنا مايوقف حالنا ابد.. هو بشغله لحاله.. هو بالنسبه لنا مجرد شريك
محمد يوصل: السلام عليكم
جراح: هلا محمد
محمد: تأخرت عليكم اشوفكم تقلبون بالاوراق
لافي بعنجهيه: المفروض انه المحامي اول من يقعد على طاولة التفاوض للمشاريع ما يوصل اخر الناس يا محمد
محمد: انت عارف انه شغل جراح مايستحمل التأجيل.. وبعدين انا شايف المشروع من البدايه.. الدور عليك انت انك توافق عليه
لافي: انا موافق.. باقي اني اعرضه على المحامي تبعي
عبدالرزاق: لك لحد بكره العصر.. وترد علي
محمد: فيه بند في العقد يا عبدالرزاق انا خايف منه
عبدالرزاق: أي بند
محمد: هذا الي يقول يحق للطرف الاول الي هو عوض في حال تأخر الطرف الثاني او الثالث الي هو انت ولافي عن تسليم الحصص المقرره من كل شهر.. ان يحتسب نسبة 25% من النسب المقرره كنوع من تعوض الخسائر التي سيتسببها التأخير في دفع الحصص
عبدالرزاق: عوض يقول انه من حقه يظمن ان الفلوس تندفع في وقتها المحدد في العقد
محمد: ايوا بس انت عارف ان التاخير يوم واحد كم بيخسرك!!!
عبدالرزاق: وليه اخسر انا مقرر اني ادفع فلوسي دفعه وحده.. ولا ايش قلت يا لافي.. ايش الي بيمنعنا عن الدقع مره وحده.. هو حسابنا خالي مافيه فلوس؟
لافي: لا طبعا اكيد فيه.. بس انا افضل ان هالبند ينلغي
عبدالرزاق: براحتك اذا كلمته قول له على الي تبيه.. واذا وافق خير لنا.. ولا انا عندي انه الموضوع ماهو بذي الاهميه الي تخاف منها
محمد: طيب هو ليه اختار انه العمله تكون بالدينار الكويتي.. ليه ماتكون بالدولار زي باقي المعاملات.. ولا يبي يستغل انه الدينار الكويتي نسبته عاليه بدول الخليج
عبدالرزاق: والله انا ماتفرق معاي.. المسأله كلها انه المشروع بيصير على ارض الكويت.. يعني هو الي بيديره بإشراف مننا.. من الطبيعي تكون العمله بالدينار الكويتي.. واذا اصريتو انها تكون بالدولار.. عادي بيحسب لكم فرق العمله بين الدينار والدولار وبيكتبه لكم.. الموضوع ذا مامنه خوف.. دام الاسعار حنا تأكدنا من صحتها وتأكدنا من عرض السوق يبقا حنا خايفين من ايش
لافي: اشوفك واثق
عبدالرزاق: انا متحمس بس.. وبعدين لا تنسى انه المشروع ظل بيدي فتره.. وانا سألت عن كل كبيره وصغيره فيه.. تقدر تقول اني شبه متأكد من الربح
لافي: ايوا بس لازم اخذ وقتي انا بعد
عبدالرزاق: لافي هذا من حقك.. بس انا ماعندي وقت.. ولو البارح مافتحت موضوع انك تدور على مشروع جديد وبرتم مغاير عن الي في السوق انا ماقلت لك عليه
لافي: والله يا عبدالرزاق.. ماني عارف ايش اقول
عبدالرزاق: عادي الموضوع مايستاهل الاحراج.. لو انك مابتقدر عليه قول
لافي: المسأله ماهي اني ماني قادر عليه.. بس الوقت عندك ضيق وانا ما احب اشتغل كذا
عبدالرزاق: حصل خير ياخوي.. ماصار الا الخير.. وبعدين وعسا ان تكرهو شيئا وهو خير لكم
محمد: يعني بتشيله لحالك؟
عبدالرزاق: طبعا.. وليه لا.. من قل الفلوس عندي
جراح: والله يا خوي ما انصحك.. انتظر شوي وشف احد يدخل معاك فيه
عبدالرزاق: انا توكلت على الله خلاص.. المشروع ذا في راسي ولازم ادخل فيه.. يا اخي كفايه ربحه.. بتعب في البدايه بس بعدين برتاح
محمد: لو عندي كنت دخلت معاك
عبدالرزاق: ههههههههههههههههههه خلك انت بالمحاماه واترك التجاره لاهلها.. التاجر مننا.. يشم ريحة الفلوس منين جايه.. ومن الريحه يعرف اذا المشروع ذا ناجح ولا لا
لافي: انا معاك
عبدالرزاق: اخر قرار
لافي: اخر قرار
عبدالرزاق: اجل توكلنا على الله

&&&&&&&&&&&&&&&&&&&&
يتبع

7:10 الليل
في السياره ..مع غسان..
السعوديه

غسان: وانت قلت لها هالشي
ناصر: لا لسا
غسان: المفروض انك تستشيرها
ناصر: لا.. توصل السعوديه واتطمن انها بخير وبعدين يصير خير.. متأكد انها ماراح تقول لي لا
غسان: بس انت تقول انها اكدت شكوكك
ناصر: كنت حاس انه بيعمل حركه.. بس ما ظنيت انها بتكون مع عبير
غسان: ماهو معقول انه يتجرأ مع بنته
ناصر: بكيفه معاها مايهموني.. نوف وتطمنت عليها باقي عندي العنود
غسان: وعبير يا ناصر
ناصر: ماتهمني
غسان: بس ضروري انك تحميها
ناصر: تحمي حالها.. الي سوته لا يمكن اسامحها عليه
غسان: يا خوي ضروري انك تتأكد بالاول
ناصر: اتأكد من ايش وليه.. يا خوي الي شفته منهم ماهو قليل.. والي عملته في زوجتي من وراهم ماهو قليل بعد.. لو تشوف وجهها ايش صار فيه.. يا غسان حالها يقطع القلب.. ما اقدر اسامح نفسي كيف شكيت في ليال
غسان: ربك يلين القلوب وان شا الله بكره بتصفى ويرجع كل شي لحاله
ناصر: تقصد مع ليال؟
غسان: اكيد
ناصر: ماراح ترجع لي انا عارف ليال كويس.. مستحيل تسامحني مستحيل
غسان: ايش رايك نروح لخلف نغير عنده جو
ناصر: خلف؟.. والله فكره يلا خلينا نمشي
غسان: بس لا تنسى وعدك لي
ناصر: العنود لك وماراح ارجع بوعدي.. ايش رايك تروح تجيبها
غسان: اذا شافتني بتخاف مني
ناصر: اجل كيف تبي تعرس عليها
غسان: كذا.. احبها من زمان.. تشوفها عيب
ناصر: ماهو عيب.. بس العنود تخاف منك من كانت صغيره.. تتوقع انها ترضى تتزوجك
غسان: ما ادري.. بس انا ابيها
ناصر: دامك بتحميها من ابوي.. فخذها مني كلمه.. هي لك حتى لو مابغتك

&&&&&&&&&&&&&&&&&&&&

بعد يومين
في شقة خوله ..الصاله..
البحرين

عبدالرزاق: جهزتي ولا لسا
خوله: خلاص خلاص جاهزه
عبدالرزاق: وليال جهزت
خوله: ليال جاهزه من بدري.. بس جالسه على المنتدى تقول تخلص كم شغله
عبدالرزاق: يلا طيب.. خليها تجيب الجهاز معاها تخلص شغلها هناك
خوله: يلا خلاص حمودي جهز خذ احمله وانا رايحه اشوف اختي


عند ليال

خوله: ليال حبيبتي جهزتي
ليال: والله الرسايل الي جايتني كثيره ابي ربع ساعه بعد واجهز
خوله: عبدالرزاق يقول خذي الجهاز معاج ويلا
ليال: يلا طيب عيالك اجهزو
خوله: أي ومع ابوهم بالسياره
ليال: والشغالات بعد؟
خوله: أي ياقلبي
ليال: يلا خلاص.. البس نقابي
خوله: خلاص ؟
ليال تطلع من الشقه: ايوا
خوله: قفلي الباب كويس
ليال: قفلته خلاص
خوله: مانسيتي شي
ليال: لا ابد
خوله تدوس زر المصعد: بتركبي مع خان
ليال: ايوا اكيد.. سياره وحده لنا كلنا ماراح تكفي
خوله: وليه ان شا الله
ليال: لينا سيارتها بورشة تصليح
خوله تدخل المصعد: اها
دخلت المصعد وشفته فتح باب شقته.. اول مره اشوفه صدقت لينا من قالت وسيم.. من صدق وسيم.. الغريب انه من لمحنا رجع مره ثانيه ودخل شقته.. ايش ذا مايبي احد يشوفه ولا مستحي عشان حريم.. ولا خايف من شي ويداري نفسه.. انشغل تفكيري فيه بسرعه.. وكل الي شفته فيهم لحظه بس.. صحيح اني كنت معارضه انه يسكن بالعاشر بس اخيرا وافقت
خوله: شفتيه؟
ليال: ايوا شفته
خوله: متى سكن!!
ليال: من وقع العقد
خوله: بس ما انتبهنا انه جاب اثاث
ليال: صدقتي
خوله: عجبني سنعه.. دخل شقته من شافنا
ليال: تظنيه سنع؟
خوله: وانتي بتجلسين تشكي بالناس كلها
ليال تفتح باب المصعد: ماهو شك بس اثارتني حركته
خوله: انا اشوفها عادي.. ركبي السياره نكمل كلامنا عند البحر
خان: ماما يلا بسرعه
ليال: خير ايش صاير
خان: هذا ريما جنني.. كل شوي يدق تلفون انت وين
ليال: هههههههههههههههه يلا طيب

&&&&&&&&&&&&&&&&&&

5:30 العصر
في شقة عبداللطيف ..الصاله..
الكويت

احمد: ليش متكدره يا الغاليه
ام عبداللطيف: ولا شي يما.. خلصت شغلك
احمد: الحمدلله
ام عبداللطيف: ومتى بترجع البحرين
احمد: مليتي مني
ام عبداللطيف: امل منك يا يما.. انت ولدي
احمد: عزيزه وغاليه يا خالتي
ام عبداللطيف: ماسويت شي عن لمى؟
احمد: مخليها على راحتها.. اذا بغت تتكلم بتتكلم
ام عبداللطيف: وبتعطيها جوازها
احمد: لا طبعا.. الجواز معاي.. لا تخافين خالتي.. انا عارف انها ليلحين تحت تأثير صدمه من الي صار لها.. اخاف اذا الجواز صار عندها تتهور
ام عبداللطيف: عفيه يما لا تعطيها ياه
احمد: لا تخافين خالتي ماراح اعطيها ياه
ام عبداللطيف: ريحتني يما
احمد: ارتاحي
ام عبداللطيف: واشلون زوجتك
احمد يبتسم: الحمدلله.. زينه
ام عبداللطيف: الله يهنيك يا يما
عبداللطيف يدخل: السلام عليكم
احمد: وعليكم السلام ها بشر خلصت الاوراق
عبداللطيف: افا عليك كامله
احمد: تمام الان اقدر اتصل على الرجال
عبداللطيف: شوف الورقه هذي
احمد بفرح: الله اكبر منين جبتها
عبداللطيف: قدرت استخرجها من دائره حكوميه.. مختومه ومصدقه بعد
احمد: كفو عليك والله انك جبتها
عبداللطيف: الحين دق وانت قلبك حديد
احمد: قاعد اتصل.. الو
محمد: نعم
احمد: معاك المحامي احمد.. المحامي الخاص بالاستاذ عبدالرزاق
محمد: هلا بهالصوت والله.. وانا محمد محامي جراح
احمد: يا هلا وغلا.. اسمع عنك كثير
محمد: والله يا خوي من كثر ما عبدالرزاق يتكلم عنك.. احس اني اعرفك من زمان
احمد: ههههههههههههههه تسلم ياخوي.. المهم عندي لك اوراق تطير العقل ابيها توصل بيد لافي.. وتقول له من عوض
محمد: طيب واذا شك انه عوض ذا ماعنده محامي؟ معقوله جالس هو يشتغل لحاله
احمد: ههههههههههههههه عوض هذي بطبعه بخيل.. ويخاف على الفلس.. وهو بطبيعته يخلص شغله بنفسه.. هو معروف بهالشي.. وبعدين من قال ان ماعنده محامي.. بس يستخدمه اذا شاف له ضروره
محمد: تمام.. زين الي قلت لي.. بس يا خوي انا خايف عليكم من هاللعبه مع لافي
احمد: لا تخاف علينا.. توكل على الله انت بس.. وكل شي يصير بخير
محمد: اجل خذ رقم الفاكس وارسل الاوراق الان
احمد: كم الرقم

&&&&&&&&&&&&&&&&

5:50 المغرب
عند شط البحر
البحرين


تعودت على هالمكان.. صارت بيني وبينه ألفه عجيبه.. كل ماحبيت انسى التعب الي انا فيه لقيتني اقول لخوله خلينا نجي لهنا.. الحلو ان الكل يكون مبسوط.. فرحه كذا من غير سبب.. يمكن المنظر له تأثير يمكن الجو.. يمكن الجمعه.. ما ادري المهم عندي اني اكون مرتاحه.. هالايام صرت اعد الي باقي لي على الولاده.. قبل ماكنت كذا.. كنت دايما افكر كيف استقر.. الان غير صرت اعد كم بقا واشوف عيالي.. وينك يا ناصر.. تمنيتك جنبي.. لو تعرف حاجتي لك في هالايام.. وحيده يا ناصر بدونك.. وحيده ومالي غير خيالك اناديه.. يسليني يفرحني يعوضني غيابك.. هاليومين بالذات صرت اسأل نفسي كيف بيعيشون عيالي من غير اب.. فكرت اني ادق على ناصر واقول له انا وين.. فكرت اني اعيش معاه بعيد عن اهلي واهله.. ضعفت نفسي كثير وكنت بعملها.. بس الخوف يرجع يصحيني.. اكيد بفقد عيالي من جديد.. انا اخترت من زمان ولازم اكمل طريقي.. مافي مجال للتراجع.. اما اني اعيش مع ناصر بلا عيال.. او اعيش مع عيالي بلا ناصر
ام احمد: ليال.. تعبانه حبيبتي
ليال تنتبه: ها.. ايوا خالتي شويه
ام احمد: ليش سرحانه يما جذي
ليال: عادي خالتي الجو ينسي الواحد نفسه
ام لينا: اتركيها يا اختي.. هي على طول جذي
ام احمد: طيب مددي رجولك يما
ليال: حاضر
لينا: تبين اجيب لج شي لظهرج
ليال: والله ياريت
ريما: وما تبين مني شي
ليال: تسلمين لي ياقمر
ريما: خالتي ماقلتي لي اش بتسمين العيال
ليال تبتسم: تصدقين اني مافكرت
خوله: فاتني.. انا بعد نسيت
لينا: شيكتي نوعهم
ليال: لا مابغيت
لينا: وليه!!
ليال: كذا.. قلت اخليها مفاجأه احلى
ام لينا: احسن يما.. سوي الي تبين
ام احمد: اش تبين تسمين اذا اولاد
ليال: بسمي محمد ويحيى
خوله: عندنا محمد اختاري اسم ثاني
ليال: والله ابدا.. هذا نبيي ابي اسمي عليه
ام لينا: أي يما سمي حبيبتي.. احسن الاسامي اسمه اللهم صلي عليه
لينا: اللهم صلي عليه
ديما: ماحبيت اسم يحيى
ليال: بالعكس.. اموت على هالاسم.. بعد من حبي في النبي يحيى
ام احمد: الله ينولك الي تبين يما
ديما: طيب واذا بنات
ريما: سميهم مثلنا.. ريما وديما
ام لينا: لالالالالامانبي احد يقلد علينا.. تشوف لها اسماء ثانيه
خوله: هههههههههههههههه عاد ومن زين الاسامي ريما وديما.. اسامي ايس كريم
ريما بقهر: يما شوفيها
ام لينا: ههههههههههههههههه غيرانه يما.. ماعندها بنات
ديما: بكره تجيب ونشوف اش تسميهم
لينا: وحده عايشه المرطى.. والثانيه شمه الخظاريه
ام احمد: هههههههههههههههههههههه
خوله: أي واش فيهم اسامي تجنن.. اساسا انا احب فنهم مافيها شي اذا سميت عليهم
ليال: الله يعينك على بلوتك.. اجل تبين تسمي شمه
خوله: أي وادلعها مشمومه
ريما: هههههههههههههههههههه
ديما: ريما مشمومه وين
ريما: محشوره في غرشة عطر
لينا: هههههههههههههههههههههه
ليال: ههههههههههههههه انتي الي جايبته لنفسك
خوله: تتريقو انتي وياها ياحلا الايس كريم
ام لينا: وين قايمه يما
لينا: احمد متصل يما
خوله: احمد حببببببببببببببببببببببيبي اتصل يا يما
لينا: فتحت التلفون واسمعج
خوله: ويه ويه جعلج العافيه يالينا
ليال: تستاهلين.. كم مره قلت لك بطلي هالشي
لينا: هلا احمد
احمد: هلا يا روح احمد
لينا تبتسم: روحه بس
احمد: يا طماعه
لينا بدلع: انا طماعه!!
احمد: طبعا طماعه
لينا بدلع: من حقي
احمد: أي حق الي تتكلمين عنه
لينا: يه انت..........
احمد: ها انا شنو
لينا: ههههههههههههههه انت احمد
احمد: يعني ترضين خوله تسمعني الكلمه الي ابيها وزوجتي لا
لينا تبتسم: .......................
احمد: يعني لا.. لينا
لينا: .......................
احمد: لينا ردي علي ترا والله كلها اربع ساعات وتلاقيني عندج في البحرين واخليج تقولينها غصب عليج
لينا: شنو الي اقوله
احمد: الكلمه
لينا: أي كلمه
احمد: الي ابيج تقولينها
لينا تضحك: حدد ماني عارفه أي كلمه تقصد
احمد: سكري التلفون
لينا بخوف: زعلت مني!!
احمد: يعني اذا زعلت منج بتراضيني وتقولينها لي
لينا: أي شنو عاد
احمد: الكلمه
لينا: لا الاه الا الله.. قولها عشان اعرفها
احمد: تبين اقولها يعني
لينا تتمناها: .........................
احمد: لينا.. تنتظرين اني اقولها يعني
لينا: ...................
احمد: خلج جريئه وقولي لي.. تتمنين اني اقولها لج من صدق
لينا: متى بترجع البحرين
احمد: اربع ساعات واكون عندج
لينا: لالالا ماقصدت
احمد: بس انا قاصد
لينا: من جد ماقصدت.. بس هالمره طولت بالكويت
احمد: خلاص اربع ساعات واكون عندج
لينا: لا طبعا.. اذا جيت البحرين مابخليك ترجع الكويت مره ثانيه
احمد بخبث: ليش
لينا تبتسم: .........................
احمد: تبين نتزوج وتجين معاي الكويت
لينا: لا طبعا بدري
احمد: بدري !!!!!!!!
لينا: طبعا انا فرحانه جذي
احمد: وان شا الله لحد متى
لينا: اقولك الي بخاطري؟
احمد: اكيد
لينا: ابي ليال تولد بالسلامه وتعمل عمليتها.. وبعدين ابي اسوي عرس كبير
احمد: من عيوني الي تامرين عليه.. كم لينا عندي
لينا: احمد
احمد: ياروح احمد
لينا: انت.................
احمد: انا شنو
لينا: تعشيت ولا ليلحين
احمد: هههههههههههههههههههههههه.. طول عمرج عنيده.. بس مو اعند مني يا لينا.. حاذري مني
لينا: تخوفني منك؟
احمد: تبين الصدق
لينا: اكيد
احمد: خافي لينا.. تراج ماتعرفيني زين
لينا من غير لا تنتبه: اعرفك
احمد: تعرفيني؟
لينا: اقصد.. اقصد
احمد: ههههههههههههههههههه شكلج تراقبيني من زمان
لينا تبتسم: ...........................
احمد: كنتي تراقبيني وانا ماني عارف
لينا تبتسم: لا
احمد: وانا الي كنت اظن انج تكرهين اسمي.. لينا
لينا: نعم
احمد: انا ........................
لينا بلهفه: شنو؟
احمد: لينا انا....................
لينا: قول شنو
احمد: لازم امشي الحين وبكلمج بعيدين
لينا تتنهد بصوت مسموع: طيب
احمد: ههههههههههههههههههه عصبتي يا حلوه
لينا بقهر: لا عادي

&&&&&&&&&&&&&&&&&&

11:00 الليل
في شقة جراح ..على التلفون..
لندن

عبدالرزاق بحده: مافهمت
جراح: وليه العصبيه.. كلمني وقال لي على الخلاف الي بينكم.. مافيها شي
عبدالرزاق: والمطلوب
جراح: يبي يراضيك.. وندمان على الي صار
عبدالرزاق بحده: لا
جراح: يا ابن الحلال.. كويس انه عارف غلطته وندمان عليها.. ويبيك ترضى عليه بأي طريقه
عبدالرزاق: جراح الله يخليك تراني اعصب من اتذكر الي سواه.. خلني اهدى وبعدين يصير الي يصير
جراح: شوف ياخوي.. ما ابي اتدخل بينك وبين اخوك.. بس اخوك لو معدنه ماهو طيب كان ماحاول انه يرضيك.. غيره عاند واصر يعمل الي براسه.. تعوذ من ابليس هذا اخوك ومالكم غير بعض
عبدالرزاق: يصير خير
جراح: وكيف عن شغله
عبدالرزاق: براحته يعمل الي يبيه.. عبدالرحمن ماهو صغير
جراح: يعني اخليه يجي واقعد معاه
عبدالرزاق: ماراح اوقف في طريق خير ممكن يدخل عليه
جراح: كفو عليك.. وين وصلنا بموضوع لافي
عبدالرزاق: البارح كلم احمد على انه عوض.. واستفسر عن كل صغيره وكبيره بالمشروع
جراح: وكيف احمد قدر يكلمه من تلفون عوض الخاص
عبدالرزاق: يا اخي احمد هذا لا يستهان به.. معارفه مسهلين له اشيا كثيره.. يقول جماعه له بالاتصالات الكويتيه العبو في الموضوع.. وسهلو له العمليه
جراح: ماهو المفروض انه رقم عوض الخاص مراقب من الجهات الامنيه
عبدالرزاق: ما اعتقد لان الحكم صدر خلاص.. واكيد المراقبه والبحث وقفت
جراح: حلو اجل يقدر يتحرك بسهوله في الموضوع ما من وراه خوف
عبدالرزاق: تبي الصراحه.. على قد ما احمد ذكي وجريئ بالي قاعد يعمله.. بس خوفي من لافي وذكائه مشتتني
جراح: دام الخطه تمشي على حسب المرسوم يبقى لاتخاف
عبدالرزاق: اشوف الكل متحمس انه لافي يتأذى
جراح: انت تعرف لافي كويس.. وضربه مثل هذي بتكسر لو جزء بسيط منه في السوق.. ممكن عقبها تتوالى الضربات.. وبعدين ينهار.. جعله مايقوم مره ثانيه
عبدالرزاق: كل هذا بقلبك عليه
جراح: ومن يحب هالرجال.. اسمه بس يوتر اقوى راس.. ماهو خوف منه.. الا خوف من عقله وافكاره.. وانواع نصبه.. يا اخي صرت اتمنى انه يكون عندي عقل زي عقله حتى بس اقدر اقرا هو ايش يبي بالضبط
عبدالرزاق: الاستيلاء على العالم.. زي الكارتون
جراح: هههههههههههههههههههه صدقت.. هالايام افلام الكارتون حقت الاطفال كلها يبون يستولون على العالم
عبدالرزاق: اكيد الي مدرسهم لافي
جراح: ههههههههههههههههههههههه
عبدالرزاق: متى عبدالرحمن قال بيجيك
جراح: قال اذا انت وافقت بيكون هنا عقب اسبوع
عبدالرزاق: توكلنا على الله

&&&&&&&&&&&&&&&&&

يتبع

الصباح
في بيت ام لينا ..في الصاله..
البحرين

ما: التلفون يرن؟!!!
ديما: من تتوقعين بهالساعه
ريما: ما ادري.. دريتي خليه لا تردين.. واذا شي ضروري بيتصلون على تلفون لينا
ديما: صح.. الساعه الحين 2:00 الصبح
ريما: ان درت امي اننا سهرانين مع التلفزيون بتقلب الدنيا علينا
ديما: هههههههههههههه صدقتي.. بس كله يهون عشان لينا
ريما: وييييييييييييي رد مره ثانيه
ديما: برد.. يمكن احمد
ريما: تكلمي بشويش
ديما بهمس: الو
احمد: هههههههههههههههههههههههههه بالهمس يالمجرمه.. اكيد سهرانه ماحد درا عنج
ديما بهمس: ههههههههههههه أي سهرانه مع ريم نتابع فلم
احمد: أي فلم!!!!!!
ديما بهمس: فلم عجييييييييييييب
احمد: أي عن شنو عاد
ديما بهمس: افتح التلفزيون على mbc4 وانت تشوف
احمد: أي بس انا واقف برا عند الباب
ديما: وااااااااااااااااااو اكيد مفاجأه حق لينا
احمد: صح.. ها بتساعديني اخوفها
ديما تلعب بحواجبها لريما: ههههههههههههههههه اكيد
ريما: من على الخط
ديما: هذي احمد يقول عند الباب.. يبي يخوف لينا
ريما تحط يدها على حلقها: هههههههههههههههههه موافقه بروح افتح الباب
احمد: كل ذي فرح اني بخوف لينا
ديما: يلا ريما بتفتح لك الباب
احمد: يلا انتظرها
ديما: باي.. بشوفك بعد شوي
احمد: هههههههههههههههههه وانا بعد باي
ريما تفتح الباب: هلالالالالالالالالالا
احمد: ههههههههههههههههههههه شلونج يا قمر
ريما: شكرا شكرا.. من ذوقك
احمد: ههههههههههههههههه ها ندخل ولا في السما غيوم
ريما تسحبه من يده: اكيد تدخل

&&&&&&&&&&&&&&&&

[2:25 الصباح
في شقه خوله ..غرفة خوله..
البحرين


خوله: وشو؟!!!!!
عبدالرزاق: هذا الي قاله جراح
خوله بخوف: يعني قال لجراح عن ليال
عبدالرزاق: لا.. قاله عن الخلاف.. وقال له عن الي صار.. بس ماذكر اسامي
خوله: الحمدلله ريحتني
عبدالرزاق: خوله انا جعان
خوله: من عيوني.. اروح اجهز لك شي تاكله
عبدالرزاق: قومي نروح المطبخ نجهز مع بعض.. من زمان ما عملناها
خوله تسحبه من يده: أي والله من زمان.. حمودي وجيت ليال اشغلوني عنك
عبدالرزاق: يا حبي لك يا خوله.. وحشتني ليالينا
خوله: نعيدها يا بوالغالي
عبدالرزاق: عرفنا انه سالم الغالي.. طيب وانا
خوله: انت كلي يا رزاق.. الله لا يحرمني منك ابد
عبدالرزاق يفتح باب المطبخ: ولا منك.. ما قلتي لي شنو بنطبخ
خوله: الي في نفسك
عبدالرزاق: ايش غير البيض والطماط
خوله: لااااااااااااااا.. قايمين وداخلين المطبخ وزوجي جعان عشان تقول لي بيض!!!
عبدالرزاق: خلاص قرري انتي
خوله بخوف: بسم الله الرحمن الرحيم شنو هالصوت
عبدالرزاق: صوت من الشقه الي جنبنا
خوله: خلينا نشوف.. من عين الباب.. الاصوات قويه
عبدالرزاق: يلا
خوله: ها اش صاير
عبدالرزاق مستغرب: تصوري ينقل سرير
خوله: الله واكبر السرير؟!!!
عبدالرزاق: صار له 4 ايام ساكن!!!!!
خوله: على شنو كان ينام
عبدالرزاق: امره غريب هالعبدالعزيز
خوله ترجع المطبخ: المهم انه في حاله.. وما يتدخل في الي مايخصه ابد
عبدالرزاق: الشور يقول لي اروح اساعده.. واكسبه صديق
خوله وقفت: تساعده؟!!!
عبدالرزاق: خلينا نعرف اش سره
خوله: وتتوقع لو له اسرار بيقولها لك عشان ساعدته يركب اثاثه؟
عبدالرزاق: ليش لا
خوله بهمس: طيب انا بعمل لكم اكل وبتصل عليك اذا جهز
عبدالرزاق يبوسها: هذا الكلام الصح.. احبج يا خوله.. راعية سنع
خوله تضحك: واذا بغيتني اساعدكم ماعندي مانع بعد
عبدالرزاق يفتح باب الشقه: ذلفي داخل عطيتج وجه
عبدالعزيز: انا آسف اكيد ازعجتك
عبدالرزاق: لا تقول جذي ياخوي
عبدالعزيز: كان المفروض انه شركة الاثاث تنقله لي.. بس لقيت اني انقله بروحي احسن
عبدالرزاق: خلني اساعدك
عبدالعزيز: لالالالا.. انت ماقصرت واعذرني على الازعاج.. انا بهتم بذي كله
عبدالرزاق: عيب عليك تقول هالكلام احنا اخوان
عبدالعزيز متردد: ..............................
عبدالرزاق: بتقعد تتأمل فيني مده طويله.. اخلص احمل الخشبه من ناحيتك

&&&&&&&&&&&&&&&&

[2:40 الصبح
في بيت ام لينا ..غرفة لينا..
البحرين

اليوم انا ناوي عليها هالبنت.. بشوف راسي ولا راسها.. سمعت صوتها بالحمام (الله يعزكم) تسبح.. رحت وتغطيت باللحاف.. بعدين غيرت رايي.. قلت انتظرها عند باب الحمام واخوفها.. واخليها من الخوف تنطق غصب عليها.. بس تخيلت منظرها وكسر خاطري.. يعني اني استخبى بفراشها منظرها ما بيكسر الخاطر.. يوووووووووه.. والله اني ظنيت انهانايمه بفراشها.. قلت اخليها تصحى وانا جنبها عيوني بعيونها.. بس جذي مافكرت فيها.. طيب صدق اني غبي.. ليش ما انتظر برا الغرفه لحد ماتنام.. وبعدين اجي اصحيها.. والله عاد. لحد متى بظل برا.. سمعتها خلصت.. وانا ليلحين ما قررت.. استخبي تحت الطاوله.. واطلع لها مثل الجني.. والله انها بتموت رعب.. لالا اخاف عليها.. بعد شوي.. سمعت صوت التلفون معاها وتكلم وهي داخل الحمام.. ما ادري ليش حسيت اني معصب.. استخبيت جنب الباب.. وهي طلعت
لينا: اهلا حبيبي
....: ................................
لينا: صدق.. هههههههههههههههههههه
....: ................................
لينا: لا ليلحين مادريت.. ماقلت لي.. تحبني؟
....: ................................
لينا: وانا اموووووووووووووت عليك
ماصدقت بعيني الي اشوفه.. كنت شوي وبنشل من الي اسمعه.. معقول تلعب علي كل هالمده؟!!.. حسيت روحي مغفل الصدمه شلت حركتي.. رجولتي خانتني.. المفروض اني اذبخها.. بس ماقدرت.. احبها.. وحبي لها منعني اني آذيها.. مستحيل حلم حياتي.. عشقي تعرف غيري!!!.. لا ويقول لها احبج وهي ترد عليه امووووت فيك.. كل هالدلال له.. كل هالدلع له.. مستحيل مستحيل اصدق.. هذي تتواعد معاه حتى يجيها الحين معقوله؟!! معقوله؟!! حسيت اني مغفل من متى احمد يصير مغفل.. معقوله حبي لج عماني عن حقيقتج!!.. مستحيل الي اسمعه.. مستحيل اني اصدقه.. دنيت منها وسحبت السماعه من يدها وحطيتها على اذني
ريما: الحين تلاقينه مستخبي تحت السرير ههههههههههههههه.. محسب روحه اذكى مننا
احمد بكل صراخ: تلعبون علي يا حمير!!!!!!!!!!
ريما بخوف: ويه يما راحت علينا ديما.. شيلي عليهااااااااااا
سكرت التلفون ورميته على الحيط بكل عصبيه.. سمعته وهو يتكسر.. كنت اشوفها قدامي وهي لافه نفسها بروب.. كنت ابي اذبحها على الي سوته.. تلعبين على يا لينا.. انا شوي وكنت اطلقج
احمد بكل غضب: الحرمه العدله.. ماتسوي جذي.. انها تلعب على زوجها وتشككه فيها.. هذي اكبر غلط
لينا بدلع: كنت عارفه انك بتجي
احمد بكل عصبيه: كنت شوي واطلقج.. تحدي الرجال بكل شي.. الا انج تحسسينه بوجود رجال ثاني بحياتج
لينا بخوف: تطلقني!!.. تطلقني يا احمد.. بس انت تعرف اخلاقي
احمد يرميها على الارض بكل عصبيه: الا الخيانه.. مابتكون فيه حواس عند الرجال اذا شاف زوجته تخونه قدام عينه
لينا تتوجع: يا مجنون.. ما قصدت هالشي.. انت جاي تخوفني.. قلت العب بأعصابك واخليك تقول احبج من قلبك
احمد يجرها لحظنه وبكل احتقار: اكرهج من كل قلبي.. من كل قلبي
لينا تبكي بحرقه: احمد الله يخليك.. احمد كنت ابي اضحك معاك والله ماقصدت انه هالشي يصير.. احمد والله العضيم اني اكلم ريما.. انت ماسمعت صوتها؟.. اقسم بالله اني اكلم اختي.. هي قالت لي انك عندي ومتفق معاهم تخوفني
احمد يناظرها بغضب.. واحلى كف وصلها: اكرهج
لينا مومستوعبه تمسكه من ثوبه: لا تتركني احمد.. الله يخليك لا تتركني.. احمد انتظر شوي.. اضرب فيني لين تشبع.. والله ماقصدت والله ماقصدت.. تعرف انك روحي
احمد يمشي عنها ويسحبها معاه: ابتعدي عني
لينا ماسكه ثوبه: ماتعرف من متى وانا اعشق ترابك
احمد يبتعد وهي متمسكه بالثوب: ابتعدي عني
لينا تبكي: ماعرفت اني كل ليله قبل لانام ادعي الله انك تحبني وتكون لي
احمد بحده: ابتعدي عني
لينا: ما تعرف اشلون قلبي متعلق بك واشلون مرتاح بوجودك.. والله العضيم انا عمري ماخنتك ولا عمري فكرت بغيرك.. وعمري ماتمنيت غيرك.. احمد الله يخليك لا تطلع وانت زعلان.. احمد انا.. انا احبـ......................
احمد يمسكها من يدينها ويرميها على الحيط بكل قوته وبحده: قلت لك.. ابتعدي عني.. يا حقيره

&&&&&&&&&&&&&&&&&&&&&&

3:15 الصباح
في شقة عبدالعزيز ..غرفة نومه..
البحرين

عبدالرزاق: يا خوي انت اشلون نايم هاليومين الي راحو
عبدالعزيز: كان عندي الفراش وهذا يكفي
عبدالرزاق: طيب ركبنا غرفة النوم.. فيه اثاث غير هالاثاث
عبدالعزيز: حاليا لا
عبدالرزاق: ماراح اضغط عليك.. بس امانه عليك اذا احتجت شي.. لا تتردد تطلبه مني تراني اخوك
عبدالعزيز ينزل راسه: ماقصرت
عبدالرزاق: لحظه بس اشوف البيت متصلين
عبدالعزيز: يا خوي تقدر تروح اكيد تأخرت عليهم
عبدالرزاق: اصبر شوي.. هلا ام سالم
خوله: العشا جاهز يا قلبي
عبدالرزاق: دزي الشغاله به
خوله: نايمه.. خليته لك على الطاوله الي جنب الباب.. تعال خذه
عبدالرزاق: ثواني.. مع السلامه
عبدالعزيز: شفت قلت لك تأخرت عليهم
عبدالرزاق: لا تأخرت ولاشي.. انا موصي على العشا.. وهذا هو جهز
عبدالعزيز بأحراج: لالالا أي عشا الله يخليك.. كفايه تعبتك معاي.. الساعه 3:40 الفجر.. يا خوي والله مايصير
عبدالرزاق: تراك تلمح تطردني من زمان وانا معديها لك
عبدالعزيز يبتسم: لالا ماقصدت ياخوي.. بس فشله فيك والله
عبدالرزاق: لا فشله ولا شي.. باروح اجيب العشى..وبعديه نصلي الصبح مع بعض انطرني شوي

&&&&&&&&&&&&&&&&&

3:45 الصباح
في سيارة احمد
البحرين

اشلون مديت يدي عليها.. اشلون.. الحين بياكلني الندم؟!! خلها جذي احسن لها عشان تتربى.. حرقت دمي.. زين اني ما طلقتها.. كنت بنطقها.. حسبي الله على ابليس.. اعذوبالله منه زين الي ما اخترب بيتي.. اعوذو بالله منه.. كان ودي اعطي البنات كف هم بعد.. يمكن اعصابي ترتاح.. اتلفو اعصابي.. كنت ناوي اهنيها الليله.. كنت ناوي اسعدها وابسطها.. واعوضها غيبتي.. آآآآآآآآآآآآآآه من اتذكر اني كنت بطلقها يرتعش جسمي.. من اسمعت اني بطلقها وهي فقدت عقلها.. ودي اتصل فيها والعب باعصابها لين اتلفها لها.. وبعدين اقول لها اني قررت اطلقها.. واتركها هاليومين لين تموت حسره.. عشان تتربى.. ودي ارجع لها واضرب فيها لحد ما احس ان روحي ارتاحت.. ودي اهينها واسمعها من الكلام الجارح يمكن تحس بالي سوته فيني.. ودي اقول لها اني على علاقه بوحده واني بتزوجها على راسها واشوفها اش بتسوي.. حسبي الله على ابليس.. قاعد يلعب براسي.. انا راجع الكويت.. مالي قعده في البحرين.. احس اني اذا قعدت لحد بكره.. بطلقها من جد.. اعوذو بالله من ابليس.. أي طلاق الي يدور بلساني.. اعوذو بالله من ابليس.. تلفوني؟ اكيد هي.. والله لو تموتين يا لينا مارديت.. موتي بحسرتج.. ليال؟
احمد يرد: ليال؟
ليال بحده: انت وين
احمد: خير اش صاير
ليال بحده: زوجتك مغمي عليها وانا رايحه انقلها للمستشفى.. ولي كلام ثاني معاك
احمد: انا قريب منها بوصل اسرع منج
ليال بحسره: ياليتك تقدر تلحق على الي بقى يا احمد يا ليتك

- ياترى ايش الي تقصده ليال بجملتها
- ايش بيصير على لينا
- ايش بيكون مصير احمد
- ترقبوا.. العنود ودورها بالقصه

السلام عليكم ورحمة الله وبركاته


على الوعد معكم يوم الاربعاء باذن الله ..........

اتمنى لكم قراءة ممتعة ................

عزيزاتي قارئات ليلاس المحبوب .........


مشاهدة تزيد عن العشرين ......... لكن ولا رد على الرواية .........


مع ان عهدي بكم صاحبات ردود رائعة ......... ومتميزة فلماذا البخل .......... فانتن كريمات ...... والكاتبة تستحق ........ على الاقل الشكر على رائعتها ...........


اتمنى ارى ردود متميزة مثلكن ............