خلف يمسك عبدالله مع ناصر ويجرهم هم الاثنين: اقول لا تطولها معاي تراهي كبرت براسي.. وبتاخذ العشا ومن جيبك بعد.. بس بعد ما ارميكم بالحمام
عبدالله يحاول يفك نفسه من خلف: يا خلف ماكان اتفاقي معاك كذا
ناصر بحده: كان اتفاق يالحمير!!!!!!!!!!!
خلف يجرهم جر: كان اتفاق والان صار عناد.. ويلا وروني ايش تقدرو تعملو انتو الاثنين
عبدالله: خلف خلاص خلاص لا ترميني طيب هذا انا داق على المطعم اصبر لا تجرني وقف
ناصر: يا حمير اغراضي خلوني اطلعها من جيبي قبل لا تتبل
عبدالله: وانا بعد خلووووووووووووووووووووووف استنى
خلف بعد ما رماهم: ههههههههههههههههههههههههههههههه يا حلوكم وانتو زي السمك كذا بالمويه
عبدالله يسبح: هههههههههههههههههه اوريك.. اوريك
ناصر يسبح ويمسكه: متفق معاه ها.. متفق معاه
عبدالله: ههههههههههههههه بصراحه مالقيت برنامج يبسطك غير خلف
ناصر يمسكه من رقبته: ايش اعمل فيك الان
عبدالله: الي تبيه
ناصر بحده: اطلع من هنا الاول وبعدين اضربك لحد ما اشبع
خلف: وين تطلع يا حلو انت وياه.. الاول العشا
ناصر بصراخ: اقلب وجهك انت وجثتك.. الفلوس غرقانه في المويه
خلف: تنشف يا حلو.. هذي فلوس ماهي كلينكس
عبدالله: هههههههههههههههههههههههه

&&&&&&&&&&&&&&&&&&&&&&&&&

12:00 الصباح
في الفندق ..جناح ليال..
البحرين
صلاح على التلفون: والله ما ادري ياخوي
احمد: وهي وينها الحين
صلاح: نايمه
احمد: حاسب يمكن مسويه روحها نايمه
صلاح: لا تخاف.. شخيرها واصل للكويت عندك ماتسمعه
احمد: ههههههههههههههههههههه حرام عليك يا خوي.. والله من الثقل الي على ظهرها
صلاح: عارف هالشي.. ايش اخر الاخبار عندك
احمد: عبداللطيف يقول خلاص طلقها بهدوء
صلاح بفرح: الحمدلله.. هذا هم وارتحنا منه
احمد: صدقت.. الحين نقدر نقول انه لافي ماراح يلمس منها شعره
صلاح: اتمنى هالشي
احمد: توكل على الله.. وان شا الله ماراح يلاقيها طول عمره
صلاح: وهي بتعيش كذا طول عمرها ياخوي.. هذي لها بيت وام واب واخوان
احمد: عارف كل هالشي.. لاتستعجل الامور ياخوي.. ماتدري بكره الله ياخذ هالكلب ونرتاح منه
صلاح: الله يعجل بهاليوم
احمد: بتقول لها انها تطلقت
صلاح: والله ماني عارف.. متردد.. اخاف اقول لها ويزيد همها هم
احمد: زوجتي تقول انها ليلحين تحب زوجها
صلاح: عارف هالشي.. عارفه زين
احمد: انا افضل اننا مانتسرع ونقول لها.. وضع الحمل الي هي فيه يخلينا مانستعجل
صلاح: خلاص نأجل الموضوع
احمد: عبداللطيف يقول انه ناصر.. وصى سلطان والوالد بوصيه
صلاح مستغرب: ايش هي
احمد: يقول خلي ليال تحافظ على امانتي الي عندها
صلاح: بس هي قالت له انها فقدت الجنين
احمد: من الواضح انه عارف انها لعبه من ليال
صلاح: الله يستر
احمد: لو فيه خوف منه.. كنت لقيته مخلينا في مشاكل معاه.. بس هو انسحب بهدوء.
صلاح: يبيها ترجع.. سلطان كان قايل له من قبل اننا نبيه يطلقها عشان ترجع
احمد: سلطان وقف وقفه يا صلاح.. عبداللطيف يشكر فيه
صلاح: الله يهديه.. بتفرح ليال اذا اعرفت
احمد: ماهو الحين ياخوي
صلاح: عارف لا تقلق
احمد: وانت متى بتمشي
صلاح: والله ماودي ارجع السعوديه واتركها لحالها
احمد: انا بعد ماودي تروح الحين. انا قاعد احاول اخلص اموري بسرعه ياخوي وارجع.. عارف انه الحمل بيكون كبير على عبدالرزاق
صلاح: عارف هالشي
احمد: يا خوي انا عارف انك تفكر في زوجتك بعد.. ليش ماتقول لها.. وتجيبها البحرين لحد ماليال تولد بالسلامه وبعدين ترجعون السعوديه.. وتقدر تقول انه المكتب الجديد محتاج وجودك جنبه
صلاح: ما اقدر يا خوي.. صحيح انه زوجتي امينه على اسراري.. بس يبقى انه ناصر اخوها الوحيد وهي متعلقه فيه كثير.. يمكن يرق قلبها عليه وتقول له عن ليال وهالشي بيسبب لي ولاختي مشاكل كبيره.. وتلاقي ناصر جاي البحرين من غير لااحد يعرف عنه.. وهذيك الساعه حلها
احمد: الله يسهل الامور
صلاح: وانت باقي لك كثير
احمد: أي والله يا خوي كثير.. الشغل الي عندي كثير ومهم بعد.. وما اقدر اتركه للشباب يديرونه
صلاح: وعرسك يا حلو بتأجله
احمد: من الواضح انه بيتأجل.. وبعدين هالشي في صالح ليال.. يكون تولد بالسلامه.. وتعمل عملية التجميل.
صلاح: أي والله.. ما اقدر اشوف وجهها.. توجع قلبي كل ما جات عيني بعينها
احمد: يا رجال.. كلها كم شهر وترجع لوضعها الطبيعي.. وترجع تتذكر هالايام وتضحك عليها
صلاح: الي عاشت فيه ياخوي ايام ماينضحك عليها.. يا خوفي عليها من البكا باقي عمرها
احمد: اعوذو بالله اش هالتشائم الي انت فيه.. يا اخي اذا اختك صاحبة المشكله متفائله.. انت تظلمها ليش
صلاح: ليال طول عمرها قويه.. طول عمرها

&&&&&&&&&&&&&&&&&&&&

12:45 الصباح
فيلا خلف .. جنب حمام السباحه..
السعوديه
عبدالله: عندي لك مفاجأة
ناصر: الله يستر من مفاجآتك يا خوي.. كفايه المقلب الي عملته بي انت وذاك الدنبخ
خلف يهجم عليه: ومن تقصد ها.. من تقصد
ناصر يعمل نفسه خايف: هذاك الي هناااااااااااااك ماتعرفه
عبدالله: ههههههههههههههههههههه
خلف: اقول تراني احرمك من الضيف
ناصر: بتحرمني من الجنه يا عمي
عبدالله: خلاص اجل يروح من مكان ما جا
ناصر: عن لعب العيال عاد.. وقوم ناد ضيفك خلني اشوف مين ذا
خلف: تعال يالضيف
غسان يدخل: سلام عليكم
ناصر بلهفه: هلا والله.. هلا بغسان
غسان يحضنه بقوة: بالمهلي ياخوي.. وينك فقدتك
ناصر بضيق: ويني!!! ضايع بهالدنيا
غسان: طول بالك يا خوي.. مثل ماقلت هذي دنيا.. مابتعطيناعلى كيفنا وانا اخوك
ناصر: كيف حالك ايش اخبارك
غسان يطلع معاه من المجلس: الحمدلله.. حالي بخير.. وانت ايش اخر علومك
ناصر يمشي معاه: علومي ماتسر.. علومي شينه.. وحالي يصعب على الكافر
غسان: تعوذ من ابليس.. كل شي ممكن يتصلح.. وان شا الله كل شي يرجع زي ماكان
ناصر: خلاص ماراح يرجع زي ماكان خلاص
غسان: انت عارف ابوك يا ناصر.. منت غشيم عن تصرفاته.. كيف تركته يلعب بحياتك كيف
ناصر: انت قلتها.. ابوي
غسان: الله يعينك بلوتك بلوه.. الله يعينك
ناصر: لو اعرف هي وين بس.. برتاح.. بالي يرتاح.. الخوف بيذبحني عليها.. افكر فيها على طول.. ماني قادر اغمض عيوني قلق عليها
غسان: معقوله اهلها مايعرفو شي عنها
ناصر: انا حاس انهم يعرفو.. بس......
غسان: بس ايش
ناصر: ماني متاكد.. ودي اشوفها بعيوني.. ودي المسها.. حتى اتطمن عليها
غسان: عبدالله يقول انك طلقتها
ناصر: ايوا.. هذي رغبتها
غسان: انت عارف انها تحبك
ناصر: عارف هالشي.. بس الي لازم تعرفه انه أمانها معاي انا وبس
غسان: لا ياخوي.. هي بأمان الان.. طول ماهي بعيده عن ابوك هي بأمان
ناصر: توقعت انه ابتدى يتغير.. كل تصرافاته قدامي تقول انه تغير
غسان: مستحيل يتغير.. مستحيل
ناصر: ودي الاقيها
غسان: لا تتعب نفسك.. هي كذا بأمان اكثر
ناصر: كيف اقدر اصدق انه يحب زوجتي.. زوجة ولده
غسان: الان تصدق كلام بسمه؟
ناصر: الان بس صدقت كلامها
غسان: بسمه تسأل عليك
ناصر: فيها الخير.. كيفها مع زوجها
غسان: بسمه تطلقت من سنه
ناصر بصدمه: لا تقول
غسان: ماكانت مرتاحه معاه
ناصر: ولا كانت مرتاحه معاي
غسان: انت عارف هي كيف تحبك
ناصر: بعد الي صار ما اظن
غسان: بسمه اختي وانا اعرفها زين.. وعارف انها ما تطلقت الا لاتها ما قدرت تنساك
ناصر: ومانست الي امي عملته فيها.. ومانست الي ابوي عمله فيها بعد!!!!
غسان: اكيد مانست.. الي خالي عمله معاها شي ما ينذكر
ناصر: انظلمت هي بعد.. عارف هالشي.. وانا بعد ظلمتها لاني ما صدقتها بس الان مصدق كل شي
- من بسمه هذي ايش قصتها مع ناصر
- من جاكلين وايش علاقتها بلافي
- ايش راح يكون تصرف لافي بيوافق انه يقدم استقالته؟!!
- ليال بتعرف عن طلاقها ولا صلاح بيخبي عليها اكثر

السلام عليكم ورحمة الله وبركاته


لكل محبي ومتابعي ( علمتني قسوته ان اكون ) من الاعضاء والزوار ..........


على الوعد معكم ......... ان شاء الله الاحد القادم الجزء11 ............


اتمنى لكم قراءة ممتعة ......... ولا تنسونا من تعليقاتكم ...............

الجزء الحادي عشر


"بعد اسبوع
في الفندق ..غرفة ليال..
البحرين
ليال: مالك سرحانه ليه
خوله: عبدالرزاق يبي يروح قطر يومين
ليال بجديه: روحي معاه.. انا بخير لا تقلقي علي
خوله: مابتركج بروحج
ليال: يا خوله لا تكبريها.. انا بخير وبروح عند لينا لحد ماشقتي تجهز
خوله: صلاح وين؟
ليال: نزل.. يقول عنده شغل
خوله: متى بيرجع السعوديه
ليال: المفروض بكره
خوله: مستحيل اتركج بروحج مستحيل
ليال: يا قلبي قلت لك بروح عند لينا هاليومين.. لا تخافين على انا بخير
خوله: قلت لا
ليال بحده: عن العناد.. هالشي مايستحمل راسك ذا.. قلت لك اني بخير.. وزوجك لا تتركيه لحاله واضح الي اقوله
خوله: لا
ليال: هذي لينا تدق.. خليني اشوفها.. الو
لينا: هلا بالحلو
ليال: هلا بالحلوين
لينا: شخباركم وحشتوني
ليال: وانتي اكثر والله.. متى بشوفك
لينا: الليله.. امي عازمتكم على العشا
ليال: واااااااااااي اكيد بنجي
خوله: اش صاير
ليال: تقول خالتي ام لينا عازمتنا على العشا
خوله: أي هذي الاخبار الي تفرح
ليال: اقول لينا
لينا: قولي ياروح لينا
ليال: تسلم لي روحك.. اشرايك ناخذ العشا ونروح جنب البحر
لينا: تصدقين عاد ريما من امس وهي تترجا امي نروح على البحر
ليال: يا حبيبة قلبي هالبنت
لينا: تصدقين تراهي مع امي بالمطبخ تساعدها بس لان ليال بتجي تتعشا معاها
ليال تضحك: الله لا يحرمني منها
لينا: شوفي بقول لهم يجهزو حالهم وبمركم نروح
ليال: لا حبيبتي حنا الي بنمرك.. خان اليوم المغرب بيوصل من قطر
لينا: ممتاز.. الحين بتقدرين تتحركين بسهوله
ليال: صدقتي.. ايش اخر الاخبار معاكي
لينا: شقتك تقريبا جاهزه بس باقي غرفة العيال محتاجه وقت
ليال: ممتاز.. يعني اقدر انتقل الليله مثلا
لينا: وليش لا.. تقدرين.. كل شي فيها جاهز
ليال: وكيف عن شقة خوله
لينا: بكره يجيبون الاثاث.. وتنتهي.. خوله كل الي سوته انها اختارت اثاث بس.. والشقه ماتحتاج لشغل كثير
ليال: تمام
لينا: يلا ياقلبي.. بخليج الحين وبشوفج على العشا.. لا تتأخرون
لينا: حاضر وسلمي على خالتي.. مع السلامه
خوله: ها بشري.. كل شي جاهز؟
ليال: تقول شقتك ناقصها الاثاث وبكره يجيبوه.. وشقتي باقي غرفة العيال لسا ما اجهزت بس ممكن انتقل لها من بكره
خوله: خلاص.. بكره ننتقل
ليال: لا ياحلوه.. بكره انتي مسافره مع زوجك.. وانا بروح عند لينا هاليومين.. وبعدين يصير خير
خوله بعناد: حبيبتي مابتقدرين علي.. قلت بكره بننتقل

&&&&&&&&&&&&&&&&&&&&&

[6:00 المغرب
في شقة لمى ..الصاله..
الكويت

ام عبداللطيف: ها يما اش قلتي
لمى: قلت لا
احمد: لمى ليش ماتكونين صريحه معانا.. من بيخاف عليج قدنا.. من شنو خايفه
عبداللطيف: برائتج وطلعت والكل عرف بالموضوع.. وانه مالج علاقه باي شي صار.. طلاق وتطلقتي.. وفلوسج وردت لج.. وحياتج الحمدلله مافيها شي عشان تحبسين روحج في الشقه.. خلاص يا لمى الي صار صار وانتهى.. عيشي من جديد
لمى: انا بخير صدقوني.. بس متردده.. اطلع
ام عبداللطيف: يا يما احنا معاج.. ومابنتركج
لمى: والله ماودي.. ماني حابه اطلع
احمد: وبتقعدين على هالحال لحد متى
لمى: ما ادري.. بس انا مرتاحه جذي
ام عبداللطيف: هذي ماهو كلام يا يما.. انتي توج صغيره.. والحياه جدامج طويله.. والي صار اختبار من الله لج
لمى: الحمدلله.. ماقلت شي.. بس ابي اكون على راحتي
احمد: قومي غيري ملابسج.. يلا ناطرينج بالسياره
لمى: احمد الله يخليك.. ماودي اطلع
احمد بحده: كلمه ثانيه.. بمشي وما بتشفويني من جديد يلا تحركي.
لمى تقاوم دمعه: معلش.. ماني حابه اطلع
احمد: انا ماشي
عبداللطيف يمسكه: شوي شوي عليها.. البنت خايفه.. لا تتعامل معاها جذيي
احمد: انت بروحك تشوف انها مخبيه شي.. وما هي راضيه تتكلم.. اظن اننا اهلها يعني اقرب الناس لها.. اذا ماقالت لنا حق من بتقول
عبداللطيف: متى ما ارتاحت وحست انها تبي تقول بتقول
ام عبداللطيف: لمى يما.. فيه شي مخبيته
لمى بتردد: لا خالتي مافي شي
احمد: والله واضح انج مخبيه شي
عبداللطيف بحنيه: مافيها شي.. خليها تخبيه.. المهم اننا معاها
لمى: عبداللطيف
عبداللطيف: آمري
لمى: جوازي وينه
احمد يناظرها: معاي اش تبين فيه!!!!
لمى: ابيه معاي
احمد: ليش!!!!
لمى: جوازي وابيه معاي
احمد: جوازج بيظل معاي
لمى: ليش
احمد: عشان انا قادر اقرا الي براسج زين يا لمى
لمي: من فضلك خل الجواز مع عبداللطيف.. ابي استلمه منه بكره
احمد: ومتى قررتي تسافرين
ام عبداللطيف بخوف: وهـ وين تسافر بعد
لمى بخوف: من قال اني بسافر
احمد: عيونج
عبداللطيف: لمى.. ليش ذي كله
لمى: انا ماقلت اني بسافر.. ابي جوازي يكون عندي وبس
احمد: لا
لمى بحده: مو من حقك تقول لي لا.. انت فاهم
احمد: من حقي لاني اخوج
ام عبداللطيف: بالعدال يا عيال تعوذو من ابليس.. لا تكبرونها
احمد: قومي غيري ملابسج
لمى بحده: لا تأمرني.. قلت ما ابي اطلع ما ابي

&&&&&&&&&&&&&&&&&&&

8:30 الليل
قبل العشا .. على شط البحر..
البحرين

صلاح: خلاص انت روح وانا بظل هنا معاهم
عبدالرزاق: انا اسف.. عارف انك لازم تروح تشوف اهلك.. بس ماهو بيدي
صلاح: يا رجال هذي امك.. روح تطمن عليها والحريم لا تشيل همهم انا بكون هنا
عبدالرزاق: يومين بس وبكون موجود
صلاح: قلت لك لا تقلق روح تطمن على امك ولا تقلق.. متى حجزت
عبدالرزاق: اليوم الفجر الساعه 3:50
صلاح: خير ان شا الله.. توكل على الله
عبدالرزاق: خوله تقول ان الشقق جاهزه.. ومن بكره يمكن ينتقلون
صلاح: خير.. من بكره من بكره.. وحنا ايش ورانا
عبدالرزاق: على قولتك.. ايش ورانا
ديما: عمي
عبدالرزاق: نعم حبيبتي
ديما: خالتي ام سالم تقول العشا جاهز تعالو
عبدالرزاق يقوم: يلا حبيبتي جايين معاج
ديما: اقول ترا خالتي ليال عيونها عليكم من زمان
صلاح: هههههههههههههههههه افتضحنا ياخوي
عبدالرزاق: وانا دايم انسى هالشي
ديما: لش انتو قلتو شي غلط عليها
عبدالرزاق: لا حبيبتي.
ديما: خلاص وليش خايفين.. دامكم ماقلتو شي غلط يبقى خلاص.. انتو في السليم
صلاح: وانتي ليه مهتمه انك تقولي لنا انها متابعتنا ايش نقول
ديما: قلت انبهكم.. عشان تاخذون حذركم وتلقون عذر من الحين
صلاح: ههههههههههههههههههههه انتي كم عمرك
ديما: وليش تسأل
صلاح: مشا الله عليكي عقلك كبير
ديما: مشكور..
عبدالرزاق: الله يحفظكم انتي واختك
خوله: ما خذه قلبك هالديما
ديما: تغيرين
ام لينا بحده: بنت عن طول اللسان
عبدالرزاق: هههههههههههه الله يحفظها والله تاخذ القلب
ليال: خلاص اجل انا اخطبها لك
خوله بحده: تخسين.. ديمو تصير ضرتي هذا الي ناقص
لينا تضحك: الله يخلف عليج بالعقل
ام لينا: بنت لسانج
خوله: خليها خليها.. بكره اذا احمد وصل تشوف الي تسكت عنها
ليال بتهديد: يا ويلك يا لينا
لينا بخوف: اسكت احسن
خوله: احسن واذا منتي قدي ابد لا تتكلمين
عبدالرزاق: لا حول لله.. وانتو بعد خايفين منها
خوله تناظره بحده: عبدالرزاق اشلونك
صلاح: ههههههههههههههههههههه يعني اسكت
عبدالرزاق: اسأل عنج شخبارج ان شا الله بخير
ام لينا: ههههههههههههههههههههه يلا اذا انت خايف منها
صلاح: مالك ساكته
ليال: ابد اسمعكم
صلاح: في شي يوجعك
ليال: لالا ابد.. كل شي بخير
صلاح: ما شوف هالشي بعيونك
ليال تبتسم: لا تهتم.. انا بخير
خوله: وانتو بتقعدون همس مع بعض.. ابي اسمع اش تقولون
ليال: وانتي ايش دخلك
خوله: قلت ابي اسمع.. يلا سمعوني
ليال: اقول تراني عطيتك وجه
خوله: صلاح
صلاح: يا نعم
خوله: قولي انت
صلاح: ههههههههههههههه
ليال: تعرف ان نطقت بحرف تراني ذابحتك
صلاح: ول تذبحيني عاد
خوله: ماعليك منها قول دام خوله ظهرك قول ولا تخاف
لينا: والله مصدقه روحج.. سكتي بس
خوله: لينو اكرميني بسكاتج
ريما: وبعدين يعني.. بنجلس قدام الاكل جذي نتفرج لين تخلصون
ديما: خليهم والله وناسه
ريما: كانهم توم وجيري
ديما: هههههههههههههه
ام لينا: تستاهلون حتى العيال يتمسخرون عليكم
ليال: شفتي كله منك
خوله: معلش.. انا اوريهم هذول.. توم جيري ها.. ماشي يا سيتا وجيتا
صلاح: هههههههههههههههههههههههههه

&&&&&&&&&&&&&&&&&&&&
يتبع[/SIZE]