السلام عليكم ورحمة الله وبركاته
اعزائي متابيعي قصة علمتني قسوته أن أكون (دانة الحمادي )
الكاتبة تعاني من وعكة صحية
لطيب اصلها ولحرصها على قرائها ومتابعيها
اوكلت مهمة نقل القصة للاخت Emomsa
التي نشكر لها جهدها
ونشكر الكاتبة ايضا على حرصها ونتمنى لها الشفاء العاجل
أرونا تفاعلكم مع القصة حتى يكون دافع لعودة الكاتبة وشفائها
وفقكم الله
مشرفات القسم

الجزء التاسع


5:30 العصر


في شقة عبداللطيف ..الصاله..


الكويت

ام عبداللطيف: يا يما يا حبيبي انت ليش رابط روحك فيها
عبداللطيف: احبها يما
ام عبداللطيف: بس هذي عيونها على احمد
عبداللطيف: واحمد تزوج حبيبته وهي عارفه انه يحب بنت عمه كثير
ام عبداللطيف: وهي عارفه انك تحبها بس ماهي راضيه تفتح لك المجال حتى ترتبط فيها
عبداللطيف: ماتفرق عندي المهم انها تكون بخير
ام عبداللطيف بحزن: قلبي عليك يا يما.. اخوانك الصغار تزوجو وصار عندهم عيال وانت تركض لي ورا لمى
عبداللطيف: اش فيها لمى الحلى والدلال
ام عبداللطيف: وقلبها متعلق بغيرك
عبداللطيف: لانه الوحيد الي وقف معاها وساعدها.. حتى انا جات اوقات ماكنت مصدقها
ام عبداللطيف: ويمكن هالشي الي مخليها مقفله قلبها عليك
عبداللطيف: يما يعني انتي تتمنينها لي
ام عبداللطيف: يا يما انا اتمنالك السعاده.. ولمى بنت عدله.. وان شا الله اذا لها الخير معاك بتلاقيها من نصيبك
عبداللطيف: الله يسمع منج
ام عبداللطيف: الا احمد وين راح
عبداللطيف: رجع البحرين يقول وله على لينا
ام عبداللطيف: ههههههههههههههههههه خليه يريحني شوي.. صك راسي وهو يتكلم عنها
عبداللطيف يهدد: بقول له
ام عبداللطيف: ان سويتها لا انت ولدي ولا اعرفك
عبداللطيف منصدم: ول ليش عاد كل ذي عشان احمدوه
ام عبداللطيف: نظر عيني احمد.. عمره ماغث قلبي بكلمه
عبداللطيف: من شوي كان صاك راسك
ام عبداللطيف: اي وانا الصادقه.. صك راسي بهالحرمه الي اخذها.. بس الله علي شاهد انه عمره ماغثني بكلمه.. وطول عمره اخو لك مايرضى عليك بأقل كلمه اقولها في حقك وانت منت موجود
عبداللطيف: ياربي وين اروح.. وين اطس.. وين اولي..الكل يقصد ويشعر بأحمد
ام عبداللطيف تضحك: اتصل على لمى خلني اسأل عنها
عبداللطيف: هذي خوش كلام.
ام عبداللطيف: عارفه الي يسعدك انا
عبداللطيف يعطيها بوسه في الهوا: احبك ..الو
لمى: هلا عبداللطيف
عبداللطيف: اش اخبارج
لمى: زينه الحمد لله
عبداللطيف: ماناقصج شي؟
لمى: ناقصني اطلع من هالمكان
عبداللطيف: والي يطلعج اليوم ويلففج الكويت
لمى بفرح: من جد
عبداللطيف: وغلاتج عندي من جد
لمى متردده: بس اخاف
عبداللطيف: انا معاج وانتي خايفه
لمى: والله مامنك قصور.. بس انا خايفه
عبداللطيف: لا تخافين دامي معاج
لمى: الله يخليك لي والله من غيرك ما ادري اشلون كنت بعيش
عبداللطيف: قولي من غير الله وغيري.. دايما اذكري الله بالاول
لمى: صح.. من غير الله وغيرك
عبداللطيف: انا شوي وجايك كلمي امي وبعدين روحي جهزي روحج
لمى: ياربي يخليك لي
عبداللطيف يبتسم: ويخليج لي.. امي معاج
ام عبداللطيف: هلا يما لمى
لمى: هلا خالتي اشلونج
ام عبداللطيف: بخير دامج بخير
لمى: والله يا خالتي من دزيتي الشغاله لي وانا مرتاحه
ام عبداللطيف: الحمدلله
لمى: ماتتخيلين الرعب الي عايشه فيه.. احس كل شوي بيدخل علي
ام عبداللطيف: يخسى هالكلب الي ماخاف الله فيج
لمى: الله كريم وينتقم منه
ام عبداللطيف: بتشوفين الله اش يسوي فيه.. حسبي الله عليه
لمى: مابتجين مع عبداللطيف
ام عبداللطيف: اكيد بجي.. انتي ماقاصرج شي
لمى: شوفتج يا خالتي
ام عبداللطيف: مسافة الطريق يما

&&&&&&&&&&&&&&&&&&

5:50 المغرب


فيلا عبدالرزاق ..المجلس..


قطر



احمد: طلاقج سهل جدا اختي.. اتركيه على.. شهر بالكثير وورقة طلاقج عندج.. بس المهم لازم اتعرف على صلاح
عبدالرزاق: صلاح بيكون في قطر عقب اسبوعين
احمد: حلو.. عشان اخذ الاهل وارجعهم البحرين مره وحده
ليال: وكيف عن عوض لسا ماكلمتنا عنه
احمد: عوض هذي سالفته سالفه.. عوض هذي ابوه رجال دين واخته محاميه درست معاي.. تفاجأت بها متصله فيني بعد سنين تطلب الحق عليها.. اسمها لمى.. سافرت الكويت ولقيت الدنيا مقلوبه عليها.. قضيه اخلاقيه وقضية شرف وقضية تهريب وقضية ***** وقضية شيكات من غير رصيد.. واخر شي هرب من بيت الزوجيه وهي ماهي متزوحه
عبدالرزاق فاتح عيونه: اعوذو بالله
احمد: رحت لصاحبنا عبداللطيف.. لقيته يسب ويلعن فيها.. حسيت انه في شي غلط بالموضوع البنت طول عمرها معانا مثل الاخت ما اطلعت العيبه منها الحين متهمه بقضايا مايصدقها العقل.. وكل قضيه فيهم توديها ورا الشمس من كثر ماهي خطره.. المشكله في ذي كله انه ابوها رجال دين.. امام وخطيب جمعه والرجال سمعته مثل الورد بين الناس.. توفى بجلطه بعد الي اسمعه عن بنته.. رحت لاخوها عوض ادور عليها.. طردني من المكتب.. وقال لي انه تبرا منها وانه مايعرف عنها أي شي.. وانا طالع جاه اتصال وحسيته ارتبك.. لاحظت ارتباكه وشفت وجهه تغير.. طلعت من عنده وانا متأكد انه له ايادي ورا الي جرا لاخته.. صرت اراقبه في كل مكان يروحه.. في كل مكان يتواجد فيه.. صرت مثل ظله ما افارقه.. قدرت اوصل لانه زوج اخته من كلب حقير مهرب مخدرات يطالبه بمبلغ كبير فباع اخته بمقابل انه صاحبه يتنازل عن الدين.. ومن عقبها لمى اختفت وما حد عرف لها على مكان.. في النهايه وصلت الي ان عوض ذي مهرب وتاجر مخدرات كبير.. عنده اكبر شبكة ***** على مستوى الكويت.
عيدالرزاق: اعوذو بالله
احمد: قدرت امسك عليه ادله كثيره.. بس كل دليل عندي مرتبط بناس مالهم ذنب ابد.. اخرها الشركه الي اقولكم عنها.. انا قدرت اني اتصرف واحل امور كثيره متعلقه بناس كثيره مالها ذنب اذا عوض انمسك.. بس بقت عندي مشكلة الشركه.. الشركه هذي عوض استولى على ثلثها.. والثلت الاولي لعيال ايتام اكبرهم عنده 15 سنه.. والثلث الثاني لاخوات ثنتين عوانس اعمارهم في الخمسين
عبدالرزاق: وانت كيف بتخليه يبيع نصيبه
احمد: بالاسلوب الي هو يتبعه مع الي يبي يستولي على شي منهم
ليال: كيف يعني؟!!
احمد: يهددهم بفضيحه ويخليهم غصب عليهم يتنازلو له عن حلالهم
عبدالرزاق: بس انت تقدر تتعامل معاه بنفس الطريق وماتكون محتاج للفلوس
احمد: وهذا الي بسويه.. الفلوس الي ابيها هي للايتام والعوانس.. حقهم الي سرقه منهم.. ودام فيه مشتري يبقى الفلوس الي بيدفعها تروح لهم احسن
خوله: الله يجازيك الخير يا خوي
احمد: المهم عندي الان المشتري.. اذا تقدر تدبر لي احد من معارفك.. اكون شاكر لك
عبدالرزاق: من الي بيكون متابع للشركه في حال اني شريت نصيب عوض
احمد: عبداللطيف بيكون متابع
عبدالرزاق: يعني ادفع وعيوني مغمضه
احمد: يا خوي الحلال مايبي الي عيونه مغمضه.. صحيح انك بتعتمد على واحد عدل بس وجودك مهم
عبدالرزاق: توكل على الله دام الموضوع فيه خير.. والله اني ماراح اتأخر
احمد بفرح: في ميزان حسناتك يا خوي.. الله يجزاك خير عن الايتام والحريم الي ماعندهم رجال يحميهم
ليال: ولمى ايش بيكون مصيرها
احمد: دامي لقيت المشتري.. يبقى بكرا رايح الكويت.. وبلعب بالورقه ماقبل الاخيره مع عوض
لينا: وايش هي
احمد: بخليه يبيع نصيبه.. وبطلع على الكلب الثاني بهدده بالي في يدي مقابل طلاق لمى.. وعلى طول النيابه
عبداللطيف: بس هذي فيه خطر كبير عليك
احمد: ماهو انا الي بتحرك.. عندي رجال كثيرين بيتحركون بدالي انا مهمتي اني احرك واراقب
ليال: وايش مصير لمى بعدين
احمد: انا عارف انه سمعتها خلاص.. مارح تلاقي في شغلها النجاح سمعت اخوها والفوضى الي سواها حق سمعتها.. شي لايمكن حله.. بس الله كريم.. تطلع من هالشر وبعدين يصير خير
ليال: انا لاحظت شي وودي اسألك عنه.. بس تجاوبني بصراحه وقدام الكل
احمد: تفضلي
ليال: لطيفه الي كلمتها قدامنا في المطعم هذاك اليوم هي نفسها عبداللطيف صاحبك؟!!
احمد: ههههههههههههههههههههههههه
لينا تنتبه: أي والله اشلون ما انتبهت لهالشي
احمد: عشان الغيره عاميتج
ليال: واتوقع كل حرمه كلمها هي في الاساس رجال.. وزي ماقال من شوي هو يراقب ويحرك.. اكيد كلهم رجال
احمد: من خوفي على شغلي.. وعلى سريه المعلومات الي عندي.. صار عندي هوس اني ممكن اكون مراقب.. عشان جذي اكلم الرجال الي معاي على انهم حريم
لينا بهمس: نصير بروحنا واوريك
احمد: هههههههههههههههه
عبدالرزاق: الله يعينك ياخوي على الي بيجيك.. والله لو اني عامل جذي بام سالم.. كانت قضبتني الباب
احمد: هههههههههههههههههههههههه
خوله: معاش الي يقبضك الباب يابوسالم.. الا بتطلع روحك بس
عبدالرزاق: ههههههههههههههههههههههه
احمد: عموما.. هذي اوراق العماره اختي.. شريتها وسجلتها باسمي.. وهذي ورقه مبايعه مني لج طبعا من غير تسجيل تضمن حقج بالعماره سويتها من غير تاريخ.. انتبهي لهالشي زين
ليال: ايوا فاهمه
احمد: العماره جاهزه للاجار.. بقا اني اعطيج رقم الدلال.. حتى تتفقي معاه على سعر الاجار وراح يدخل لج كل نهاية شهر فلوس الاجار بهالحساب باسمي طبعا وهذي بطاقه تخولج للسحب من أي مكان انتي فيه.. وهذا دفتر شيكات بعد وتخويل رسمي مني بالسحب
في حال احتجتي شي
ليال: الله ييسر امورك يارب
احمد وهو واقف: كثري من هالدعاء.. محتاجه له كثير هاليومين
عبدالرزاق: وين وقفت!!
احمد: بس يا خوي الحق اتطمن على عمتي والبنات.. ولازم امشي بدري حتى ما اتأخر علي الجماعه بالكويت
عبدالرزاق: ماتمشي العشا عندي اليوم.. عندك تلفونك وتقدر تحرك جماعتك مثل ماتحب وجودك او عدمه ماراح يأخر شي.. عندك الي تحركهم
احمد: والله يا خوي اعذرني.. الساعه الحين 6:30 مابلحق.. المره الجايه بقعد بتغدى واتعشى قبل لا اروح البحرين
خوله: لينا كلميه
لينا: ما اقدر خوله.. بكره با شوفكم خلاص
عبدالرزاق: والله يا خوي عيبه في حقي تطلع من غير عشا
احمد: مافي بيننا تكليف يا خوي.. وبعدين خلاص البيت صار بيتي.. وانت اخوي
عبدالرزاق: عزيز وغالي والله.. وجيتك على الراس

&&&&&&&&&&&&&&&&&&&

بعد عشر ايام


بيت النشمي ..غرفة صلاح..


السعوديه



نوف: ليه نظرتك حزينه كذا
صلاح بضيق: كيف ماتكون حزينه وانا بالي مشغول بها.. الله يردها لحضني
نوف: يارب.. ياريت بيدي شي كنت ماتأخرت
صلاح: الله يخليكي لي.. عارف انك ماراح تتأخري بشي
نوف: والله يا صلاح ماراح اتأخر عن روحي اذا هالشي بيردها لك ولناصر
صلاح: انتي متوقعه ترد له؟!!
نوف: اتمنى.. والله ناصر حاله يقطع القلب
صلاح: ادري عنه.. بيني وبين عبدالله اتصال.. بس زي ماتشوفي محنا دارين هي وين حتى نقول له
نوف: وين بتكون بس.. ناصر مابقى مكان مادورها فيه
صلاح: انا الي راسي بينفجر من كثر التفكير.. وين راحت كيف اختفت
نوف: متأكد مالها صاحبات من ايام الجامعه
صلاح بحده: حتى لو لها.. تتوقعي بدق الباب واقول لهم ليال تراهي مختفيه من عندنا ومانعرف لها مكان شوفوها الله يخليكم اذا كانت متخبيه ببيتكم
نوف بحنيه: هدي نفسك.. وان شا الله خير
صلاح يتنهد: الله كريم
ام سلطان من ورا الباب: صلاح.. يما انت نايم
صلاح يفتح لها: لا حبيبتي حياكي
ام سلطان: صباح الخير يما
نوف: صباح الورد على عيونك يما
ام سلطان: كيف عصافيري اليوم
صلاح: ههههههههههههههه
نوف: عصافير عاد
صلاح: يمكن تشوفنا نغرد قدامها وحنا مانعرف
ام سلطان: دامكم مبسوطين ومتهنين بتبقون زي العصافير.. الله يديم عليكم هالسعاده
صلاح: آمين
ام سلطان: اقول يما
صلاح: قولي يما
ام سلطان: ابوك يبيك تمر عليه قبل لا تروح مكتبك
صلاح: ان شا الله رايح.. وانتي ما تامرين بشي
ام سلطان بحزن: ليال يما
نوف: الله يردها لنا يما
صلاح: ان شا الله خير

&&&&&&&&&&&&&&&&&&&
يتبع

02:45 الظهر



فيلا لافي ..غرفة عبير..


الصاله




عبير على التلفون: هلا نوفه
نوف: هلا ياقلبي
عبير: كيف حالك
نوف: الحمدلله بخير.. وانتو كيف حالكم
عبير: حنا تمام الحمدلله نسأل عنك.. كيف ناصر
نوف: حاله مايسر.. يدور مثل المجنون عليها
عبير: ولسا مافي اخبار عنها
نوف: ابد.. الكل خايف عليها.. وهي ولا لها اثر
عبير: تتوقعي وين راحت.. تكون لسا بلندن
نوف: ما اظن صلاح يقول انه في من جا لهم من طرف ابوي.. وقال لهم انها هنا بالسعوديه
عبير: يمكن عند احد من معارفهم
نوف: ولا احد يدري عنها.. ام سلطان اخذت بناتها وعملت جولة زياره عند كل الي تعرفهم.. وتقول عادي محد يعرف عنها شي والكل يسأل عنها ومفكرين انها بلندن
عبير: ناصر مايرد على اتصالات امي وهي مقطعه حالها عليه
نوف: بيني وبينك ناصر ماهو بعقله.. ولو ماهو عبدالله وصلاح معاه كان انجن عليها
عبير: الا ماقلتي لي.. هي كيف هربت
نوف: انا هربتها
عبير: وانا اسأل حالي.. ابوي يقول انه ربطها بالحبال كويس.. كيف هربت
نوف: عبير.. انا عارفتك زين.. وعارفه ان الرجال الي كان يدور عليها جايك انتي.. واكيد انتي معطيته اسمها
عبير بارتباك: ها وانتي كيف تتهميني بهالشي.. ماهو كافي ان ابوي وناصر شافوه طالع من عندها تبين تقولي انه جايني في المكان الي هي جالسه فيه.. مصره تركبيني الغلط يا نوف حتى بعد ماعرفتو انها وحده وسخه
نوف بحده: ليال ماهي وسخه ياعبير.. انتي عارفه هالرجال زين.. وانا متأكده انك ورا الي جرا لليال
عبير: انا غلطانه الي داقه اتطمن عليكي.. معلش يانوف.. قلت اختي وحبيبتي ومايصير اتركها كذا من غير لا اسأل عنها
نوف: فيكي الخير يا عبير.. بس اذا طلعت صادقه بالي اقوله عقابك من الله كبير يا حبيبتي
عبير بحده: مع السلامه نوف.. وبلا حكي فاضي
لافي يجرها له: انتي تعرفي الرجال الي لقيناه طالع من ملحق ليال!!!!
عبير بخوف: لا بابا.. واعرفه منين
لافي بحده: اجل ايش الي تقوله نوفو
عبير برعب: انا ايش دراني هذي تتهمني على الفاضي
لافي: وانتي ليه خايفه كذا
عبير: لانك بتضربني زي ما كنت تعمل اذا ليال جاتك تشتكي مني
لافي: ليال بحياتها ماجات اشتكت منك
عبير تبكي: تجي واذا ماجاتك تروح لناصر اكيد.. صرتو تكرهوني وتحبونها طلعت بعينكم انا الغلطانه والمجرمه وهي الملاك.. والان بعد الي شفتوه بعيونكم بعد بتطلعوني انا الي غلطانه
لافي يحضنها: لاتبكي طيب.. انا مصدقك حبيبتي
عبير: بابا
لافي: ياروح بابا
عبير: انا عمري ماحسيتك تحبني.. دايم انا غلطانه بعيونك.. كنت اموت من قهري اذا اشوفك تدلع ليال.. مع اني انا بنتك بس حبيتها اكثر مني
لافي يشوفها بحده: عارفه اذا تأكدت انه الرجال الي كان هنا جايك.. بذبحك بيدي
عبير تبكي: في لحظه انقلبت علي.. في لحظه صرت تبي تذبحني
لافي يمسك شعرها بقسوه: اسمعيني هنا.. هالتمثيل ماراح يمشي علي
عبير بألم: بابا ما امثل.. بابا صدقني.. ما مثل عليك

&&&&&&&&&&&&&&&&&&&&&

5:00 العصر


في الكورنيش


قطر


ساره: ليش متضايقه جذي
خوله: من قعدنا وانتي تتأففين
ليال: اكره هالانسان اكرهه
لينا: هههههههههه لاتكوني بس عاشقه مثلي وانتي ماتدرين
ليال بضيق: يا شيخه انتي بعد.. انا وين والعشق وين
ساره: يا اختي والله من عرف عن جيتنا هنا.. وهو ملزم الا يجي معانا.. وعبدالرحيم استحى منه وماتكلم
ليال: بس هو عارف اني ما ابيه شوفي ايش جالس يعمل
لينا: يا بنت الحلال اتركيه عنج.. ولا تبيني له انج مهتمه
خوله: لينا معاها حق.. قومو خلونا نتمشى
ليال: والعيال؟
خوله: الرجال موجودين مع الشغالات.. قومي بس
ساره وهي تقوم: انا اشرت على عبدالرحيم اننا بنتمشى
خوله: وانا بعد
ليال: يلا اجل قبل ماتطلع روحي من تصرفات عبدالرحمن
لينا: هههههههههههههه الرجال يحبك يا اختي عطيه فرصه
ليال: يخسى مافي رجال بيقرب مني طول ما راسي يشم الهوا.. انا جربت حظي مره وكفايه علي الي شفته معاه
ساره: بس جذي حرام عليج روحج
ليال: لا حرام ولا شي.. انا كذا مرتاحه ومافي احس مني
عبدالرحمن جايهم جري: وين وين ياحريم.. وين رايحين
ساره مستغربه: عبدالرحمن اش فيك
عبدالرحمن: شفتكم ماشين قلت اشوف اش تبون وبجيبه لكم
خوله منصدمه من حركته: مانبي شي رايحين نتمشى مثل العالم.. وبعدين حنا قايلين لرجالنا.. انت اش دخلك
عبدالرحمن: أي بس انا محد استأذن مني
ساره فاتحه عيونها: انت صاحي!!.. ومن المفروض الي يستأذن منك
ليال بحده: هذا باين يستهبل.. شاف ماحد عارف كيف يوقفه عند حده قال اجي استخف دمي
عبدالرحمن يبتسم: بس انا امزح معاكم.. ماقصدت شي
ليال بحده: أي مزح ذا.. مافي وحده فينا تحل عليك.. والمتزوجات استأذنو من رجالهم انت ايش دخلك بالموضوع
عبدالرحمن: عطيني فرصه ابين لج...............
ليال بصراخ: لا تبين لي ولا ابين لك.. عبدالرحمن انا يكفيني الوجع الي فيني.. لا تستهبل علي اكثر.. الي اعرفه انك طلبتني وانا رفضت.. طيب وبعدين.. ايش المطلوب
عبدالرحمن: ولا شي ابد.. انا كنت ابي اوريج اني جنبج على طول
ليال بحده: كنت توري هالشي لزوجتك الي ماقدرت تحافظ عليها.. انا انساني.. ولا عاد تجي تستخف دمك من جديد قدامي.. واضح الي اقوله ولا تبيني اعيد
عبدالرزاق بحده: ليلى
ليال بحده: اخوي عبدالرزاق.. انتو ماقصرتو معاي في شي وانا شايله هالجميل على راسي.. بس هالموضوع زاد عن حده.
عبدالرزاق بحده: عبدالرحمن امشي الحين
عبدالرحمن: أي بس........................
عبدالرزاق بصراخ: قلت امشي
خوله: بصراحه زودها ياعبدالرزاق.. زودها كثير
ساره: الغلط راكبه ياخوي.. عيب يكلم الحرمه جذي.. طلبها ورفضت.. وهو كل شوي عامل له حركه او قايل له كلمه.. بصراحه عيب
ليال بضيق: انا ماشيه
عبدالرزاق: ماصار الا الخير يااختي لا تكبيرينها
ليال: سامحني بس حاسه بتعب ودي اروح ارتاح.. بدق على خان وبروح معاه
لينا: خذيني معاج
ليال: بتروحي معاي.. ولا بيت اهلك
لينا: بيت خالتي.. اش رايكم تروحون معاي والله القعده هناك اريح
خوله: يلا وبعيدن الجو اليوم ماهو حلو
ساره: يلا بقول لعبدالرحيم وجايه معاكم

&&&&&&&&&&&&&&&&&&&

7:15 الليل


في شقة عبداللطيف ..الصاله..



الكويت


عبداللطيف يدخل الشقه: يما.. يما
ام عبداللطيف تطلع من المطبخ: بسم الله الرحمن الرحيم.. خير يما
عبداللطيف: وين احمدوه
احمد يطلع من غرفته: احمدوه بعد.. ماشي.. بشر اش الاخبار
عبداللطيف: مبروك الاعدام
احمد بفرح: ايوااااااااااااااااااااااااااااا
ام عبداللطيف ترقص: انتصرنا والناصر الله
احمد: هههههههههههههههه.. الله يبشرك بالخير.. يلا خالتي البسي بنروح للمى
ام عبداللطيف: طيران
عبداللطيف: هههههههههههههههه امي قامت تعرف تقول طيران
احمد: من فرحتها
عبداللطيف: الحمدلله
احمد: انت تأخرت كثير.. وين رحت.. المحاكمه صارت الظهر. وين كنت
عبداللطيف: رحت اخلص امور الكلب الي متزوج لمى مع منير.. جهزنا كل الاوراق وجيتك
احمد: ماصار شي يلفت انتباهك في المحاكمه؟
عبداللطيف: اشيا كثيره
احمد بخوف: مثل
عبداللطيف: كان فيه واحد في القاعه قاعد وساكت ولا تحرك ابد.. من نطق القاضي بالحكم.. وقف وكلم بالتلفون
احمد باهتمام: كلم من؟
عبداللطيف: الكلب الي متزوج لمى
احمد: حلو .. حلو.. هاذي الي ابيه
عبداللطيف: على مين تتصل
احمد: على حبيبتي منى
عبداللطيف: هههههههههههههههههه سلم عليها كثير السلام وقول لها حبيبتج لطيفه تسلم عليج
احمد: انطم بس.. الو
منير: هلا ويا هلا ويا اهلين
احمد: اشولنج حبيبتي
منير يقلد صوت الحريم: والله مشتاقه لك يا عيوني.. وحشتني اعنبو لا الو ولا مسج ولا انتركم حتى
احمد: هههههههههههههههه معلش حبيبتي الحريم الي عندي اشغلوني عنج
منير يقلد صوت الحريم: ومن الي معاك الحين يا عيوني
احمد: عندي لطيفه تسلم عليج كثير السلام
منير يرجع لصوته: وع مالقيت الا لطيفه.. اقول خلها تنفعك
احمد: هههههههههههههههههههه لطيفه منى تسبج
عبداللطيف: عارفتها تغير مني
منير: هذي الي بذبحه قال اغير
احمد: لطيفه منى قالت كلمه كبيره ما اقدر اقولها
عبداللطيف يسحب السماعه من يده: وانت يا قليل الحيا منيرو وثول.. اش قلت ها
منير: والله ماقلت شي.. تراه يكذب عليك.. ماتعرف احمدوه ومقالبه يعني
عبداللطيف: تراك حلفت
منير: والله حلفت والله
احمد: هههههههههههههههههه قالو لذاك احلف قال جاك الفرج
عبداللطيف: هههههههههههههههههه خذ بس
احمد: هلا منير
منير: هلا ياخوي.. بشر اش الاخبار عندك
احمد: مبروك الاعدام
منير بفرح: الله يبشرك بالخير.. الحمدلله.. جعله جهنم ان شا الله
احمد: ان شا الله.. اسمع ابيك تتحرك للكلب الي متزوج لمى.. وترمي اخر ورقه
منير: من عيوني
احمد: الاشرطه والاوراق جاهزين عندك
منير: كل شي جاهز
احمد: تستلم توقيعه على ورقة الطلاق.. وعلى النيابه على طول
منير: من عيوني
احمد: بيننا اتصال
منير: ماشي.. سلام
احمد: سلام
ام عبداللطيف: يلا يما انا جاهزه
عبداللطيف مستغرب: شنو ذي يما
احمد: ههههههههههههههههههههههههههههه
ام عبداللطيف: يمال العافيه وعلى شنو تضحك
احمد: ههههههههههههههه على المشموم
عبداللطيف: هههههههههههههههههههههه بنروح عرس يما!!!!
ام عبداللطيف: لا يما بنروح نبارك للعروس
عبداللطيف يبتسم: بتخطبينها لي
ام عبداللطيف: وليش لا.. ببارك لها على هالعلوم الزينه.. وبخطبها والله كريم
احمد: الله كريم

&&&&&&&&&&&&&&&&&&&&

8:40 الليل


في بيت خالة لينا ..المجلس..


قطر


ام لينا: وانتي ليش تصيحين الحين
ليال تبكي: قهرني
ام لينا: ماعليج منه قومي ضحكي وفرفشي الزعل ماهو زين للي ببطنج
خوله بهمس: انا خايفه تتركني
ساره بهمس: لا تقولين جذي.. زعل بسيط ويروح لحاله
خوله بهمس: ماعرفتي ليال
ساره بهمس: حسبي الله عليه خرب وناستنا
خوله بهمس: اول مره اشوفه بهالحال
ساره بهمس: مجنون بها
خوله بهمس: حسبي الله عليهم لا امه مخليتني مرتاحه.. ولا هو
ساره بهمس: ولد الوز
لينا: هديتي شوي
ليال: الحمدلله
ام لينا: يا يما واش فيها اذا طلبج.. طلبج ورفضتيه.. انتهى الموضوع
ليال تبكي: ما انتهى خالتي.. صاير مثل ظلي.. متابعني وين ما اروح.. بمشي مع البنات جاي ركض يقول ما استأذنت منه!!. محسبني على ذمته الحمار
خوله: عبدالرزاق مابيسكت
ليال تبكي: عبدالرزاق مابيقدر يوقفه.. هو كلمه مره وثنتين وثلاث.. هذا مافي احد قادر يوقفه
ساره: ارجع البيت واقلبها على راسه
ليال تبكي: ولا تقلبينها على راسه ولا تكلمينه.. مابي عجوز النار تحط الحره في خوله وتجي بيتها وتبهدلها من تحت راسي
خوله: ما حد يقدر يمسني او يمسك يا روحي اهدي انتي بس
ليال: انا هاديه.. بس مره ثانيه ان تعرض لي لابهدله.. سمعتو
خوله: بهدليه مثل ماتحبين اهدي انتي بس تلفونج هذي الي يرن
ليال: لا ماجبت معاي تلفون
لينا: لا هذا تلفوني .. الو
احمد: هلا
لينا بفرح: اهلين
احمد بحده: قاعده تبكين
لينا بهمس: لا هذي ليال
احمد بحده: خير ايش صار
لينا بهمس: ما اقدر اقولك الحين بعدين اتصل فيك واقول لك
احمد: مافيني صبر لبعدين.. اطلعي عنهم وقولي لي
لينا تطلع عنهم: هلا احمد
احمد: ها اش صار
لينا: اخو عبدالرزاق طلبها للزواج من قبل ورفضته
احمد: أي بس هذي متزوجه
لينا: عارفه بس اهل عبدالرزاق ما يعرفون.. عبدالرزاق قايل لاهله انها مطلقه
احمد: اها.. وبعدين
لينا: من رفضته وهو ماهو راضي يتركها.. اليوم طلعنا على الكورنيش.. قمنا بنتمشى.. الا هو جاي ويقول لها ما استأذنتي مني
احمد مستغرب: انجن ذي!!!!
لينا: من جد مجنون.. عاد سمعها كلمتين.. وهي ما اسكتت عنه شرشحته.. ومن رجعنا وهي تصيح
احمد: وانتو وين الحين؟
لينا: في بيت خالتي
احمد: طيب شوفيها اذا تحتاج دكتور.. لا يصير على عيالها شي وهي ماصدقت تحمل
لينا: لا تخاف.. هي بخير الحين
احمد: لين
لينا قلبها يرجف: خير
احمد: جيتي بعد ثلاث ايام
لينا تبتسم: عارفه
احمد: ماتبين تقولي لي شي
لينا: توصل بالسلامه
احمد: مشتاقه لي
لينا تبتسم: ......................
احمد: لين
لينا في قلبها ياروح لين انت: خير
احمد: ليش مبتسمه.. تحبين اناديج لين
لينا: تعرف اني اكره هالاسم
احمد: بس اشوفج مبتسمه اكيد حلو هالاسم بصوتي صح
لينا بهمس شديد: صح
احمد: اش قلتي
لينا: اقول خلني اروح للحريم
احمد بحده: تعالي وين رايحه
لينا: معاك ماسكرت الخط
احمد: اذا جيت ماني تاركج الا لما اسمعها
لينا: تسمع شنو
احمد: الكلمه
لينا تبتسم: أي كلمه
احمد: الي ابي اسمعها
لينا تستهبل: أي شنو هي عاد
احمد: هههههههههههههههه بتجبريني اني اقولها لج يعني.. ماتقدرين تلعبي علي
لينا تستهبل: ماني عارفه عن شنو تتكلم.. أي كلمه الي تتكلم عنها
احمد: هالكلمه من اربع حروف
لينا تستهبل اكثر: أي وبعدين
احمد بحده: يا ثقل دمج.. انتي شكلج مابتجين بالطيب.. والتلفون ماراح يغصبج تقولينها.. اذا جيت بسمعها انتي سامعها
لينا: الله يعيني عليك.. قمت تقط خيط وخيط
احمد: ههههههههههههههههههه استهبلي استهبلي صرت حافظ حركاتج
لينا: الساعه كم بتجي
احمد: خلاص انا قررت اني اطول يومين بعد يعني بتأخر خمس ايام
لينا بلهفه: وليش عاد
احمد: ههههههههههههههههههه اذا ماسمعت الكلمه الي ابيها بقعد بالكويت ولاني راجع
لينا: حرام عليك
احمد: ليش انتي تحبيني
ديما: لينا.. لينا
احمد: ياربي ياربي شوي وكانت بتنطقها جات مفرقة الاحباب ومشتت الكلام
لينا: ههههههههههههههههههههههههههههه خير حبيبتي اش فيج
ديما: لا كنت بتأكد اذا كنتي بخير ولا لا
لينا مستغربه: الحمدلله بخير
ديما بصراخ: يعني شفتج واقفه بروحج وتلعبين بشعرج وفرحانه ومبسوطه قلت اكيد انج تكلمين احمد.. عاد قلت اوصل له الي اشوفه
احمد: هههههههههههههههههههههههههههههههه حبيبتي هالبنت
لينا ترمي عليها النعال الي برجولها: انا اوريج صبرج علي
ديما: ههههههههههههه اذا لقيتيني.. احمد هالبنت تحبك تحببببببببببببببببببببببك
لينا بحده: بتذلفين من هنا ولا تجيج النعال الثانيه
احمد: هههههههههههههههههههه لا تصرخي عليها جذي.. هذي حبيبتي
لينا بقهر: والله عاد
احمد: طيب ناديها وقولي لها.. وانا بعد
لينا: وانت بعد شنو
احمد: شوفي اخر كلمه قالتها.. وقولي لها وانا بعد
لينا تبتسم: بس انا ما سمعتها اش قالت
احمد: ناديها وهي تقول لج
لينا خلص صبرها: وليش انت ماتقول
احمد: وليش اقول نادي ديما وهي تقول
لينا بحده: خلاص ماله داعي لا اناديها ولا تقولي
احمد: تعرفين انج تحفه وانتي عصبيه
لينا: والله عاد
احمد: ماقلتي لي
لينا: خير
احمد: تحبيني
لينا: اتصل على ديما تقول لك
احمد: هههههههههههههههههههههههه
لينا: خلني اروح للحريم
احمد: تمللتي مني
لينا بحده: أي
احمد: ول انا احمد حبيبج.. تمللتي مني
لينا: ومن قال
احمد: انتي قلتي
لينا: هاه ضحكتني احلم بها
احمد: طيب يا لين اشوفج بس وهذيج الساعه قولي ضحكتني
لينا: ماشي
احمد: مع السلامه
لينا تدخل على الحريم: مع السلامه
خوله: ههههههههههههههههههههههههههه
ليال: هههههههههههههههههههه الله يقطع بليسج يا خالتي
ساره: امووووووت واشوف هالموقف قدام عيني
لينا بحده: احلفو والله
ام لينا: بسم الله الرحمن الرحيم.. جاكم العصف الراعد
خوله: هههههههههههههههههههههههههه
ساره: خير عمتي لينا شالي موعاجبج
لينا: يعني اكلم احمد بسرعه بسرعه.. ولا اخذت راحتي عشان ارجع للي قالبه الدنيا صياح وهم وآخرتها ارجع بسرعه والاقيها تضحك
ام لينا: يعني تبينها ترجع تصيح عشان تحسي انج سكرتي المكالمه عشانها!!!
لينا زعلانه: لا بس انا ما اخذت راحتي معاه
ام لينا: والله التلفون بيدج رجعي اتصلي عليه
لينا بحده: لا طبعا.. هو يتصل مو انا
خوله: الله يخلف عليج يا خالتي.. الله يعينج على هالعله
ام لينا: تقولين فيها.. عله وماتعرف لزوجها
ليال: يا خوفي بكره لا يطير وتجلس تغني انا المنسي
ساره: هههههههههههههههههههه
لينا: هي هي هي هي ياخفج
خوله: دمها عسل والله
لينا: اشربيه ياقلبي
خوله: افطر فيه كل صباح ياروحي
لينا: خليه لك بروحج.. لا توزعينه على احد عشان مايخلص
خوله: لا يقلبي هذا مو للتوزيع.. للاستعمال الداخلي فقط
ام لينا: ههههههههههههههههههههههههه
لينا: خفيفه انتي بعد
ليال: هذي عاد خفيفة دم خلقه.. حروفها نكت
خوله: انا قايله انك عسسسسسسسسسل
لينا بقهر: تلوقون لبعض.. كل وحده فيكم تمدح الثانيه.. والحقيقه مافي اثقل منكم
ليال: طيب اش رايك تدقي غليه وتسأليه عن لمى.. ماقال النطق بالحكم اليوم؟
لينا تحضنها وتبوسها: صح صح صح صح
خوله: الله يخلف عليج ياخالتي هذي عله خالصه
ام لينا: الله يعينني على هالعله يا يما
لينا تتصل: بس انتي وياها ..الو هلا احمد

&&&&&&&&&&&&&&&&
يتبع

9:20 اليل


في بيت النشمي ..الصاله..



السعوديه


سلطان: خلاص احجز معاكم
صلاح: ماله داعي حنا بنروح للدكتور يكشف عليه وبنشوف العلاج ونرجع
ام سلطان: وهالدكتور الالماني مابيروح غير في البحرين.. يعني مابيجي السعوديه
صلاح: لا يما.. بيجلس في البحرين اسبوعين.. عاد المواعيد الحق لا تلحق عليه
سلطان: وانت لقيت موعد؟
صلاح: أي اكيد اتصلت للمستشفى الي مستضيفته.. وحجزت موعد قبل لا يجيى
نوف: الله يقدم الي فيه الخير
بوسلطان: ومتى السفر
صلاح: بكره ان شا الله يبا
بوسلطان: وكل شي جاهز يبا
صلاح: أي يبا.. لا تقلق انت بس
بوسلطان: ام سلطان
ام سلطان: لبيه
بوسلطان: دقي على البنات خليني اشوفهم قبل لا اسافر
ام سلطان: ان شا الله
سلطان: ايش رايكم لو اعزمكم على العشا برا الليله..بمناسبة الشغل الجديد
صلاح: والله ياريت
بوسلطان: خذو خواتكم ورجالهم وعيالهم معاكم
سلطان: تقصد معانا.. كلنا بنروح
صلاح: ومافي احد بيعتذر وبيقول تعبان
بوسلطان بضيق: انا تعبان.. وابي ارتاح
صلاح: انسى هالشي.. انت مافيك الا العافيه.. ورجولك الحمدلله تستجيب للعلاج.. عاد لا تعشق السرير حتى ماتثقل رجولك
سلطان: صلاح معاه حق.
بوسلطان: يلا يبا نوف روحي جهزي حالك
نوف تقوم: حاضر عمي
بوسلطان: دقيتي على البنات يا نوره
ام سلطان: ايوا كلمت منال.. وجالسه ادق على سوسن
بوسلطان: ابي اروح مكان كبير فيه اكل ولعب للعيال
سلطان: من عيوني يا بوسلطان.. انت تامر.. كم بو سلطان عندي
صلاح: اثنين.. عندك بوسلطان ثنين
بوسلطان يمسك يده: والله يبا؟.. والله
صلاح: ايوا يبا
ام سلطان: ان شا الله الف مبروك والله فرحتني
صلاح: اقول ايش راي سلطان اذا سميت ولدي على اسمه
سلطان ماهو مصدق حاله: انا !!!!
صلاح: اكيد انت وانا كم اخو عندي عشان اغليهم غيرك
بوسلطان يمسح دموعه: ياربي لا تفرقهم واجعلهم على قلب واحد.. ياربي حنن قلوبهم على بعض.. ولا تدخل بينهم حسود يفرقهم.. ورجع لحضني الغايبه وافرحني بشوفتها قبل ماتاخذ عمري
صلاح يحضنه: لك طولت العمر يبا.. لا عاد اسمع منك هالكلام.. البنت بخير وتحت عيوننا.. ايش منه خايف عليها
بوسلطان يبكي: وحيده يبا.. وحيده في الدنيا لحالها.. ومحنا قادرين نحمي بنتنا يبا
صلاح: بكره تنحل الامور.. لافي حله بيد رب العالمين يبا.. طول بالك.. ومايصير الا كل خير
سلطان: تبيني ادق على سوسن تقول لها انك تبي تكلمها
بوسلطان: لا.. لايبا.. دامها بخير ما ابي اقلقها علي.. اخاف اذا اسمعت صوتي تقلق
صلاح: ها يما.. جهزتي
ام سلطان تمسح دموعها: دقايق يما واكون جاهزه
سلطان: صلاح
صلاح: بوسلطان لو سمحت
سلطان: هههههههههههههههه والله مصدق حالك.. واذا انا ماني راضي
صلاح: افا.. اجل بيعيش ولدي من غير اسم.. وينادونه من غير اسم راح من غير اسم جا
سلطان: ههههههههههههههههههههه لا يا خوي.. ابوي احق بانك تسمي عليه
بوسلطان: لا يبا.. انا مبسوط كذا.. خلاص يابو سلطان.. توكل على الله وسميه سلطان.. سعادتي في انكم تحبون بعض الله لا يفرقكم.. ويخليكم لبعض ولخواتكم من بعدي
سلطان: اقول تراك ذبحتنا من بعدي ومن بعدي.. اذكر الله بس.. وادعي الله انه يطول بعمرك لليال على الاقل.. مستسلم للموت وحنا برقبتنا ليال.. تعرف انها روحها فيك.. والله اذا جرا عليك شي لا يجرا عليها اشيا من بعدك عاد انت شوف الي يرضيك
صلاح: لا تقسى عليه ياخوي
سلطان: شوفه ايش عامل بحاله.. لا بس ثوب الحزن.. ومعيش نفسه بهم ماله داعي.. حنا نبيك تصحى وتتعافى حتى نعرف كيف نطلع هالمسكينه من الي هي فيه.. وانت الموت على لسانك هذا بدل ماتحمد الله انه البنت نظيفه وانه هالكلب ماقدر انه يضرها او يضر سمعتها.. المفروض انه دامها جاتك تفرح انها سامحت الكل وانه مافي قلبها أي شي عليكم.. انا الي المفروض البس ثوب الحزن على الكلام الي سمعتها ياه.. انا الي المفروض اذبح حالي عشان شكيت فيها.. بس انا عارفها كويس طيبه ومافي احن منها.. اكيد انها بتسامحني بعد ماتعرف الي عملته لها
صلاح بخوف: ايش عملت!!!!!!!!!!!
سلطان: اقنعت ناصر يطلقها

&&&&&&&&&&&&&&&&

9:55 الليل


فيلا عبدالرحيم ..غرفة عبدالرحمن..


قطر


عبدالرحيم: انت اكيد انجنيت
عبدالرحمن: احبها ياناس.. احبها
عبدالرحيم: انت خبل.. من وين حبيتها
عبدالرحمن: لا تسألني اشلون ومنين.. حبيتها وخلاص.. وابيها يا عبدالرحيم
عبدالرحيم: هو غصب.. غصب ياخوي
عبدالرحمن: ماهو غصب.. انا عارف انها خايفه بعد المشاكل الي مع زوجها.. بس انا بعوضها
عبدالرحيم بحده: لا تجنني عاد.. اشلون بتعوضها وانت منت قادر على امك
عبدالرحمن: با خذها وبعيش بعيد عن امي
عبدالرحيم: لا تخلق لروحك الحلول السهله.. الواقع صعب
عبدالرحمن: ماهو صعب.. عشان ليلى يهون كل شي
عبدالرحيم: حتى امك !!!!!!!!
عبدالرحمن: بتزعل كم يوم وبعدين بترضى
عبدالرحيم: بس البنت ماهي راضيه فيك ولا في امك.. ليش منت راضي تفهم
عبدالرحمن: اذا شافت حنيتي بترضى
عبدالرحيم بحده: الله اكبر تبي تجنني انت.. عبدالرزاق معصب من تصرفك اليوم.. وخوله قالبه الدنيا وساره تقول البنت حالتها حاله من تصرفاتك يا عبدالرحمن
عبدالرحمن: معلش اليوم معصبه بكره ترضى
عبدالرحيم: انت غبي.. الحرمه هذي في حمى عبدالرزاق.. يعني اخوك ما بيوقف معاك اذا الحرمه هذي طلبت انك تطلع من حياتها.. بيجبرك انك ماتدخل بيته دامها فيه
عبدالرحمن: مايقدر يعملها انا اخوه وهو يحبني
عبدالرحيم: يا خوي منت صغير حتى اعلمك السنع.. الحرمه في حماه فاهم في حماه.. هذي امك يوم مامدت يدها على خوله وولدتها ما اقربت من ليلى عشان عارفه انها في حمى عبدالرزاق.. ضربت حرمته ولا المست الحرمه الي في حماه.. تبيني اعلمك السنع يا عبدالرحمن
عبدالرحمن: ماله داعي اعرفه زين.. بس البنت هذي خذت قلبي.. وانا مصمم اني اخذها
عبدالرحيم يمسكه من ياقته: اذا ظليت تعيد هالكلام انا الي بذبحك انت فاهم.. اذا الطيب ماهو نافع معاك نجرب معاك القوه.. خلي عينك بعيني.. اذا تعرضت للحرمه هذي مره ثانيه انا الي بذبحك انت سامع.. قلنا لك ماتبيك.. ماتبيك.. يحتاج اعيد

&&&&&&&&&&&&&&&&&&

10:30 الليل

شقة بوصبا ..الصالة..

امريكا


بوصبا: وانتي قاطعه هالمسافه هذي كلها حتى تسمعيني هالكلام
ام صبا: رجعه للسعوديه ماني راجعه.. انا حياتي قضيتها بلندن.. وماودي اني ارجع السعوديه نهائي
بوصبا: وايش قرارك يا مدام
ام صبا: الطلاق
بوصبا: وانتي أي مشكله تواجهنا قلتي لي طلاق.. ماعندك حل ثاني
ام صبا: لاني مليت من العيشه معاك.. زهقت ضاق خلقي.. انت انسان صعب العيشه معاه.. عقلك متخلف واسلوبك قديم.. انا ماتعودت على كذا
بوصبا: عقلي متخلف!! واسلوبي قديم!! اشوف ماكان هذا كلامك ايام الحب والركضه وراي
ام صبا: كنت غبيه.. ماكنت عارفه انه حياتي بتكون كذا معاك.. انا لي مستواي.. ولي برستيجي الي ما اقدر اغيره.. ولي طبقه معينه من الناس اتعامل معاهم.. ماهو أي واحد اقعد معاه او اشاركه
بوصبا: والمطلوب
ام صبا: قلت لك ابي اتطلق
بوصبا بهدوء: ايوا.. تبين تتطلقي
ام صبا: وياريت بأسرع وقت.. ومن غير مشاكل
بوصبا: ماقلتي لي
ام صبا: الله يخليك لا تطولها قلتي او ماقلتي.. انا جايه من امريكا عشان اسمع منك هالكلمه وامشي
بوصبا: صار ماعندك وقت.. اشوف جدولك صار مزحوم حتى ماعندك وقت تناقشي مصير حياتك يا مدام
ام صبا: طلباتك
بوصبا: استريحي.. انا مابي اتهور معاكي.. لو واحد غيري كان ذبحك من بدري.. كنت بوريك بحق العقل المتخلف والاسلوب القديم زي ماتقولي
ام صبا: الله يخليك اذا كنت ناوي تحل المشاكل الي بيننا.. فانا مابي احلها
بوصبا: صدقيني يا ام الغاليه.. ماهو منك من الي مالي راسك
ام صبا بحده: ايش تقصد
بوصبا: ثواني بس ارد على التلفون
ام صبا: انت ماتستحي.. الانسان الراقي مايقول مثل هذا الكلام
بوصبا يبتسم: ثواني وارد عليك .. الو
محمد: هلا
بوصبا: اهلين محمد.. جيب الاوراق الي طلبتهم منك وتعال لي
محمد: انا واقف عند الباب يا خوي
بوصبا: ثواني ويفتحون لك سلام.. جويل.. جويل
جويل: ايوا استاز
بوصبا: محمد عند الباب دخليه وخليه يجي هنا
جويل: حاضر استاز
بوصبا بهدوء: نرجع ما مدام الي كنتي تقولينه.. الانسان الراقي الي تتكلمي عنه.. هو الي يحافظ على بيته.. وعلى سمعته.. ويحترم انه صار له بيت وبنت.. الانسان الراقي مايكون علاقات خارج بيته.. ويجي بالنهايه يدور على الطلاق يا مدام
ام صبا بحده شديده: تلمحيك هذا علي انا!!! .. انا ما اسمح لك انك تقول الشين فيني.. انا اشرف منك ومن الف زيك انت احقر من انك تكون زوج لي انا
محمد: سلام عليكم.. انا اسف الي جيت بهالوقت.. تحب ارجع مره ثانيه
بوصبا: لا لا لا ليه ترجع مره ثانيه.. انا ابي اخلص من هالشي بسرعه
ام صبا بحده: شي انا شي!!.. انت احقر من تعاملت معاه.. واحقر لاني فكرت اني ارتبط بواحد زيك متخلف عقليه قديمه المفروض انك انسان على مستوى راقي.. بس للاسف اكتشفت فيك انك واحد............................
بوصبا بحده: ولا كلمه انتي الي زيك تسكت توطي راسها بالارض وتسكت
ام صبا بحده: هالكلام ماهو لي.. انا ما اوطي راسي في الارض انت سامع انا اشرف....................
بوصبا يرمي لها مظروف كبير: ولا كلمه.. هاكي هذي صور حلوه لحضرتك.. تمتعي بشوفة شرفك
ام صبا تتفرج على الصور: ايش ذا!!!!
بوصبا: ماتعرفين مين ذا.. تبين اعرفك عليه؟
محمد: ماله داعي ياخوي.. ام صبا.. انتي طلبتي الطلاق وموكلي جاهز للطلاق الان.. بشرط توقعي على هذي الاوراق الان.. والصور الي بيدك هي صور اصليه.. وبداخلها النيجاتيف.. اذا فكرتي اننا راح نبتزك بالصور تكوني غلطانه.. موكلي سكت من حاله وهذا دليل على رقي اخلاقه.. ماهو لضعف منه هذا عشان صبا بينكم بس
ام صبا بصدمه: طلقني
محمد: الاول توقعي على الاوراق
ام صبا: وين الاوراق
محمد: هذي الورقه الاولى
ام صبا: ايش ذا؟
محمد: تنازل عن الفيلا الي مكتوبه باسمك بباريس
ام صبا مصدومه: وقعت عليها.. وايش غيره
محمد: الورقه الثانيه
ام صبا باستغراب: ايش ذا!!!!!!!!!
محمد: تنازل عن الشقه الي مكتوبه باسمك في لبنان.. والشقه الثانيه الي بتركيا
ام صبا: وانا وين اعيش؟
بوصبا: المكان الي يعجبك.. اقول لك.. روحي عيشي مع جو.. هو اسمه جو يا محمد
محمد: اسمه يوسف.. ويدلعونه جو
بوصبا: الله على الرقي في الدلع يا محمد
محمد: يلا يا مدام انا عندي شغل كثير
ام صبا: وقعت
محمد: وهذي الاوراق تنازل عن الارصده المجمده في خمس بنوك
ام صبا بحده: لا طبعا.. انا كيف اعيش
بوصبا: بفلوس جو.. هذي بالاساس فلوسي ولا الحياة الراقيه الي انتي عايشه فيها حلوه من واحده متخلف.. انا برحمك من هالشي وبطلع من حياتك انا وفلوسي.. حتى ما تعيشي بفلوس واحد متخلف
ام صبا: وقعت في شي ثاني
محمد: اخر ورقه يا مدام تفضلي
ام صبا فاتحها فمها: مستحيل.. مستحيل.. ايش ذا
محمد: تنازل عن البنت
ام صبا: بتحرمني من بنتي!!!
بوصبا: اتوقع انك حرمتي روحك منها اول ماخنتيني
ام صبا: بس انا ماخنتك
بوصبا: كونك تعرفي هالحيوان.. هذي بالنسبه لي خيانه
ام صبا: مستحيل اتنازل عن البنت مستحيل
محمد: في ظل هالشي انا مظطر اني ارفع عليكي دعوه.. انك ماتصلحي لحضانة البنت.. وذلك للامور السيئه الي بدرت منك.. والصور الي بيدك تشهد بهالشي.. فرجاءا يا مدام وقعي بسكات على الاوراق.. من غير أي مشاكل.. انتي عارفه حساسية الموقف لوحده راقيه مثلك.. وعيب الشوشره لها بالوسط الي هي عايشه فيه
ام صبا: انت كذا بتنهيني
بوصبا: وانهيكي ليه.. عندك جو جيبي منه العيال الي تبينهم.. انا وبنتي انسينا.
ام صبا تبكي: مستحيل هذي بنتي.. البنت معاها سنتين بس.. حرام عليك تحرمني منها
بوصبا: احركم منها!!! انتي راميتها وعايشه بعيد عنها.. انتي الي اخترتي ماهو انا.. كان المفروض انك تفكري بها قبل أي خطوه تخطيها
محمد يوقف: اعذرني يا خوي.. انا ماعندي وقت اضيعه مع دموع زايفه.. انا رايح لاجتماعي والاوراق والصور بدزهم المكتب حتى يتخذو الاجراءات اللازمه حتى تاخذ حضانة البنت.. اعتذر يا مدام
ام صبا بحده: وقف هنا
محمد: اذا بغيتي تتكلمي معاي تتكلمي بأدب انت حرمه راقيه.. والحرمه الراقيه ماتتكلم مع الناس بقلة ادب
ام صبا: وقعت الاوراق.. طلقني
بوصبا: انتي طالق

&&&&&&&&&&&&&&&&&

في اليوم التالي ( قبل المغرب)


مطار البحرين ..في المقهى..


صلاح: انت بخير؟
بوسلطان: الحمدلله
صلاح: تطمنت على حالك
بوسلطان: الحمدلله.. مع اني ماعرفت هالدكتور ايش يقول
صلاح: معاه دكتور بحريني ويترجم لك ايش يقول.. كيف ماعرفت
بوسلطان: يا يبا حتى الدكتور البحريني الي جاي يترجم.. خلط لي بين العربي والانجليزي
صلاح: هههههههههههههههههههه وانت ماقصرت فيه يبا.. صرخت عليه ووقفت قلبه
بوسلطان: اجل هذي سواة.. جايبينه مترجم صرنا محتاجين الي يترجم لنا ايش يقول
صلاح: ههههههههههههههههههههههه
بوسلطان: طيارتنا متى يبا
صلاح: كمان ساعه
بوسلطان: أي خير
صلاح: شكلك مستعجل كثير
بوسلطان: ابي اروح اطمن امك
صلاح بخبث: خذ هذا التلفون وطمنها.. يعني لازم تكون قدام عينك حتى تقول لها
بوسلطان يبتسم: بتكسر عيني يعني
صلاح: هههههههههههههههههه وانا اقدر
بوسلطان: تعرف اني اشتاق لها حتى وانا بالشغل
صلاح: هههههههههههههه عيني يا عيني.. اجل الله يصبرك هاليومين
بوسلطان: مافهمت!!
صلاح: والله يا بوسلطان.. كنت ابي اقول لك بس قلت انكتم لاني عارف لو قلت لك بتعاند ماراح ترضى تجي البحرين معاي
بوسلطان: خير ايش مهبب
صلاح: ههههههههههههههههههه عندي شغل بالكويت يومين.. بنرجع السعوديه عقب ما اخلص
بوسلطان بحده: الله يقطع بليسك يا صلاح على هالسواة
صلاح: هههههههههههههههههههه لا تزعل اوعدك تكون مبسوط
بوسلطان: كيف بكون مبسوط وانت ناوي تلففني الخليج
صلاح: هههههههههههه يبا حبيبي انبسط وانسى الهم.. بنقعد بالكويت يومين مابنهاجر.. ونوره لاحقين عليها.. مالك مستعجل على شوفتها.. لسا اليوم الصبح كانت معاك
بوسلطان: انت اكيد غبي.. اقول لك اشتاق لها وانا بالشغل يعني وحنا جنب بعض بالسعوديه.. اجل كيف لا بعدت عنها يومين وانا بالكويت
صلاح: ههههههههههههههههههه ليتني نوره
بوسلطان: ههههههههههههههههههههه ماتستحي
صلاح: ايوا كذا اضحك.. والله لا تنبسط.. وغلاة عيونك عندي لا تنبسط

&&&&&&&&&&&&&&&&&&

6:30 المغرب



فيلا عبدالرزاق ..الملحق..

قطر

عبدالرزاق: يقول جاي بالمطار
ليال: بس هو المفروض يجي بعد بكره ماهو اليوم
عبدالرزاق: وماله يجي اليوم.. الظاهر يبي يقعد يومين هنا.. خليه مافيها شي.. انتي ليه قلقه جذي
ليال: صحيح قلبي مبسوط بس من جد قلقه
خوله: ياربي.. دام قلبك مبسوط خليه ينبسط.. لا زم تعكر هالفرح ولا ماتصير ليال
عبدالرزاق: ههههههههههههههههههههههه
خوله: أي اش عليك انا الي اعاني منها ومن همها.. تعرف تفرح لا.. تعرف تضحك لا.. شايله هاقلق وتدور فيه
عبدالرزاق: هههههههههههههههههه بهدلتي الحرمه يا خوله
خوله: جعلها.. اذبحتني.. طول يومها وهي عايشه بقلق.. ارحمي حالي جاني اكتأب من زود قلقك
ليال: هههههههههههههههه حاضر عمتي انتي تآمري
خوله: أي جذي خليكي مطيعه
عبدالرزاق: بعد عندي خبر
ليال بخوف: ها شفتي شفتي اكيد فيه شي.. ولا ما تقول عندي خبر.. الله يستر
خوله تضربها بالمخده: انتي بتنطمين ولا شلون ذبحتينا قال لك عندي خبر ما قال لك خوله ماتت
ليال بحده: بعيد الشر عنك لا اسمعك تعيدي هالجمله مره ثانيه والله ازعل عليكي
خوله تبتسم: تخافي علي ياقلبي
ليال: من لي اخاف عليه غيرك
خوله: الله يخليكي لي
ليال: ويخليكي لي يارب
عبدالرزاق: اقول اش رايكم اطلع واخليكم تتغزلو في بعض شويه.. عادي عندي
خوله تضربه على ايده: بلا كلام ماسخ.. كمل
عبدالرزاق: احمد بعد جاي اليوم
ليال بخوف: ياويل قلبي.. ماقلت لكم اكيد فيه شي.. انا كنت حاسه.. كنت عارفه انه فيه شي صاير.. منتو راضين تقولوه لي
خوله بصراخ: هيييييييييييييييييييييييييييي يقول احمد بيجي.. ماقال خوله انتحرت
عبدالرزاق: هههههههههههههههههه الله يعينك عليها يا خوله.. تراكي معانيه
خوله بحده: والله توك الي حاس فيني
عبدالرزاق: أي والله ماحد قال لي
خوله: شفت بعينك اش تسوي فيني
عبدالرزاق: هههههههههههههه شفت شفت.. الله يعينك
ليال: الان استلمتوني انتو الاثنين
خوله: اقول انطمي انتي ووجهك يالمقنع
عبدالرزاق: هههههههههههههههه ايوا كلميها عن وجهها يمكن تنسى هالقلق شوي
خوله: هذي آآآآآآآآآآآآآآآآآآه على قلبي منها.. اذا نست القلق.. بيجيها اكتئاب.. اختي وانا عارفتها ما تترك القلق في حاله.. الا تلحقه تلحقه عشان يجيها
عبدالرزاق: ههههههههههههههههههههههه وهو يقول لها ياليال اتركيني لحالي
خوله: وهي تقول له ابد ابيك ابيك
عبدالرزاق: هههههههههههههههههههههه
ليال: ماشي معلش.. اتريقو على حالي
خوله: شفت شفت الان بتقول لك قلقه عشان يتريقو على حالي اكيد فيني شي وهم ماهم راضين يقولو لي
عبدالرزاق: ههههههههههههههههههههههههههههههههههه

&&&&&&&&&&&&
يتبع

7:00 الليل


شقة عبداللطيف ..غرفة عبداللطيف..


الكويت


عبداللطيف على التلفون: ليه دايم ترفضيني
لمى: عشان احنا مانصلح لبعض انت عارف هالشي
عبداللطيف: انتي عارفه اني احبج كثير
لمى: اعذرني بس انا معتبرتك اخ
عبداللطيف: واحمد
لمى: اخ ثاني.. ما يقل معزه عنك
عبداللطيف: يعني احنا الاثنين بكفه وحده
لمى: لا طبعا هو ماتخلى عني يا عبداللطيف.. وقف معاي وطلعني من الي انا فيه.. غيره سكر الخط بوجهي وسمعني كلام ماينقال
عبداللطيف بحزن: عارف اني غلطان بحقج كثير.. وودي تسامحيني
لمى: عبداللطيف انت اخ.. والحرمه تدور على الي تعيش معاه وتثق فيه طول عمرها.. واعذرني انت موقفك معاي ما اقدر انساه.. صحيح انك ماقصرت ووقفت مع احمد وشلت من المسؤليه الكثير.. بس هالشي مابينسيني الي سمعته منك
عبداللطيف: يعني ماودج تسامحيني
لمى: مسامحتك عبداللطيف.. بس اننا نرتبط.. ماودي هالشي
عبداللطيف: عموما انتي بتبقين اختي وحبيبتي وانتي عارفه هالشي زين.. مكانج كبير عندي لمى.. عمري ماراح اكررغلطتي معاج.. ببقى طول عمري جبنج اذا احتجتي لي مابيج تترددين بيوم انج تلجئين لي
لمى: مامنك قصور.. واعتذر من خالتي بعد حاستها زعلانه علي
عبداللطيف: من امي!!.. بالعكس امي تحبج كثير.. وهي عارفه انج بترفضين.. هذي ماهي اول مره اطلبج فيها
لمى: اشلون عن الكلب الي تزوجني
عبداللطيف: الاوراق بيد منير واكيد اليوم بيخلص كل شي.. وبعدها الاوراق الي تدينه بيسلمها للنيابه حتى مايتعرض لج مره ثانيه
لمى: الحمد لله.. يعني اقدر اطلع الحين
عبداللطيف: اكيد تقدرين.. وخذي راحتج بعد.. خلاص كل التهم المنسوبه لج.. طلعتي منها برائه.. الحياة فدامج عيشها طولها بعرضها.. وياريت اكون فيها معاج
لمى: بتجي تاخذ الشغاله
عبداللطيف: لا خليها معاج.. مابيج تقعدين بروحج
لمى: بس خالتي مابتقدر على شغل البيت
عبداللطيف: امي اخذت لها بدل الوحده ثنتين تعرفين البيت جهز خلاص.. وبننتقل قريب ان شاء الله.. كنت اتمنى انج تكوني شمعته لمى
لمى: مصر انك ماتقفل هالموضوع
عبداللطيف: لين اموت
لمى: بعيد الشر عنك
عبداللطيف: تبين اجي اطلعج تشمين هوا
لمى: لا بطلع بروحي اتمشى
عبداللطيف: خذي الشغاله معاج
لمى: حاضر.. اتركك الحين
عبداللطيف: مع السلامه
ام عبداللطيف: لا تتضايق يما
عبداللطيف: عادي يما ما صار شي

&&&&&&&&&&&&&&&&&&

7:15 الليل



فيلا عبدالرزاق ..المجلس..

قطر


بوسلطان: حنا وين يبا
صلاح: عندي شغل بخلصه مع الرجال وحنا ماشيين على الكويت
بوسلطان: بس انت ماقلت اننا جايين لقطر
صلاح: ايش اعمل اتصل علي الرجال وقال لازم اجي هنا الاول
بوسلطان: اقول يبا
صلاح: قول يبا
بوسلطان: انت تكذب علي.. محنا قريبين من ليال!!.. يا يبا اشم ريحتها
صلاح: هههههههههههههههه الله يا كبرها يبا.. تشم ريحتها عاد.. اشوفك زودتها وحنا مصدقينك.. الي اعرفه انه قلب الام الي يحس.. انقلبت الآيه عندك اشوف
بوسلطان: حلفتك بالله محنا قريبين منها.. انا حاس فيها
عبدالرزاق: السلام عليكم نور البيت والله
صلاح: وعليكم السلام.. هلا بالرجال
بوسلطان ينتبه: هذا ماهو الرجال الي كانت اختك معاه.. اختك هنا يبا؟
ليال بلهفه: يبا
شفته وما صدقت نفسي ابد.. شفته وانا كنت عارفه اني صعب اشوفه.. رميت بنفسي عليه.. صرت ابكي وهو يضحك من قلبه.. صرت اضمه وهو دافنني في قلبه.. صرت اصرخ وهو يضحك ماهو عارف كيف يعبر عن سعادته غير بالضحك.. كنت ابكي من قلبي.. وحشني.. اشتقت له.. اشتقت لروحه اشتقت لحضنه.. محتاجه قوتك يبا.. محتاجه قلبك
بوسلطان: انتي بخير
ليال تبكي: انت الي بخير
بوسلطان: الان رجعت شباب 30سنه
ليال: انا الي راح الهم من صدري
بوسلطان: ارفعي الغطا خليني اشوفك
ليال: ماهو الان
صلاح: ارفعي الغطا عبدالرزاق طلع
ليال: ماهو الان.. كيفهم هناك ان شا الله كلكم طيبين
بوسلطان: كلنا بخير والكل قلق عليكي ويسأل عنك
ليال: حبيب قلبي انت.. تعرف لو انك لسا زعلان علي.. كنت بموت يا بو ليال كنت بموت
بوسلطان يشيل الغطا عنها: بعيد الشر عن روحك يبا.. جعلها بروح الكلب ولا بروحك
ليال تحضنه: احلى مفاجأه يبا.. ما كنت عارفه انك جاي غير من شوي.. شفتك من الملحق وقت الي دخلت مع صلاح
بوسلطان: صلاح ذا.. مخطط لكل شي وانا ولاني داري عن شي ابد
صلاح: تخيلي يسألني عنك ويقول لي حنا قريبين منها؟ اشم ريحتها
ليال: يا بعد قلبي.. يا حبي لك
صلاح: عاد تصدقين صرت اخاف منه.. يقول شم ريحتك ابوي ساحر وانا مدري
ليال تضربه على رجوله: ساحر بعينك.. بعيد الشر عن عمره.. هذا من زود غلاي
صلاح: ايوا حبيبتي عارفين دارين انك الغاليه والدلوعه.. وروحه وقلبه ونور حياته
بوسلطان يحضنها اكثر: ايوا نور حياتي.. هذي نور حياتي انا
صلاح: طيب اتركها خلها تقوم عن الارض جلستها كذا تضر الي ببطنها
بوسلطان بنتبه: قومي يبا.. قومي حبيبتي
ليال: والله اني نسيت ماحسيت بحالي
صلاح: ايوا اكيد ماتحسي بحالك.. هذا بوسلطان.. تنسين الدنيا والعالم اذا تشوفينه.. سلام زي الناس ماسلمتي علي لسا
ليال تحضنه: هههههههههههههههههه يوووووه نسينا اعذرنا.. كيف حالك
بوسلطان: جعلني ما انحرم من هالضحكه يارب
صلاح: قومي جهزي حالك
ليال: وين نروح!!!
صلاح: نروح لفندق نجلس فيه يومين
بوسلطان بفرح: يومين.. يومين يبا.. والله
صلاح: ايوا يالغالي.. ابيكم تجلسو وتسولفو وتنبسطو مع بعض
ليال تقوم: بروح اجهز حالي بسرعه
بوسلطان: هههههههههههههههه جعلني ما انحرم منك يا صلاح.. ياربي يرضى عليك
صلاح: تسلم لي يالغالي.. المهم عندي رضاك
ليال: يعني المره الجايه تجيب لي امي؟
صلاح: احاول على قد ما اقدر حتى ما اثير الشكوك حولي
بوسلطان: لا تقلقي يبا.. اخلي صلاح يطلعها هي وسوسن لحالهم.. وهذيك الساعه دقي عليها كلميها
ليال: ياريت صلاح ياريت
صلاح: من عيوني.. الان روحي تجهزي
ليال: بسرعه ماراح اتأخر
صلاح: عبدالرزاق كلمني عن المحامي الي اسمه احمد
ليال: اه صح هو جاي بالطريق الان
صلاح: هو على وصول.. ابي اسمع ايش يقول وبعدين نمشي
رحت اطير على الملحق.. كانت خوله فيه.. قلت لها عن ابوي واني رايحه معاه يومين.. حسيتها زعلت شويه.. بس ضيعت حزنها بروحها الحلوه.. عارفه انها تبيني انبسط.. قامت تساعدني في ترتيب اغراضي.. كنت مبسوطه كثير اني شفت ابوي.. الله لا يحرمني منك يا صلاح
صوفيا: مام ليال
ليال: ايوا
صوفيا: سير عبدالرزاق يقول سير احمد هنا
خوله: روحي انتي يا صوفيا.. ليال انا جايه معاكي.. بسلم على الوالد واسمع احمد اش عنده
رحت انا وخوله.. دخلنا المجلس وسلمت على ابوي الي كان مبسوط فيها مره.. وصار يسولف معاها عني وهي تسولف معاه عن عيالها.. كنت منتبهه على احمد وعبدالرزاق.. صلاح كان يتابع عيوني.. عرفت انه عبدالرزاق يستشير احمد في موضوع عبدالرحمن.. احمد كان دبلوماسي في رده كثير.. قال لعبدالرزاق يقول لعبدالرحمن ان زوجي طلبني.. وانه فيه احتمال للصلح بيني وبين زوجي.. مؤقتا لحد مايقطع الامل في اني اكون له.. عبدالرزاق وافق.. وناظرني ساعتها ومن غير صوت سألني موافقه هزيت راسي باني موافقه.. طبعا عبدالرزاق كان عارف اني اقرا ايش يقولون.. احمد صار يتكلم مع صلاح عن ناصر.. واخذ منه معلومات كثيره.. حتى عن لافي.. وعبدالرزاق بعد ماقصر عطاه معلومات اكثر تخص شغله وسمعته في عمله وتجارته.. تفاجأت بصلاح يقول
صلاح: اخوي سلطان قعد مع ناصر وحاول يقنعه انه يطلق
بوسلطان: بس ناصر مارضي.. يقول يبي يشوفها الاول يمكن يقدر يراضيها وترجع له
احمد: ليال.. فيه امل ترجعي له؟.. انتي ودج؟.. شوفي اذا حسيتي انه في ذرة حب بقلبك ناحيتة حرام نسعى للطلاق.. واذا انتي رافضه هالشي.. يبقى خلاص مثل ماقلت لج
ليال: ماني مستعده ارجع.. ابي الطلاق
صلاح: ليال اذا تحسي روحك تبين تذلينه هذا شي.. بس اذا كنتي لسا تحبينه لازم تفكري كويس.. فيه اطفال جايين بالطريق
ليال: لا.. الي في بطني هذول عيالي.. ولو اني عارفه انه بيحميه كنت تحاملت على نفسي ورجعت له.. بس لا.. مالي ثقه فيه انه يقدر يدافع عني وعن الي ببطني
احمد: اخر كلمه هذي ياليال؟
ليال: ايوا اخر كلمه
خوله تحضنها: فكرتي كويس ياقلبي
ليال: لا تخافين علي مفكره ومقرره من زمان
احمد: خلاص نتوكل على الله.. سلطان بالي عمله وفر علي الكثير.. ابيك يا بوسلطان تنادي ناصر وتجلس معاه.. وانت بنفسك تطلب الطلاق لبنتك.. وطبعا عذرك انها اذا عرفت انها انفصلت عن ناصر يمكن ترجع لبيتها مره ثانيه.. انا بستخدم الصور والتسجيل في اللعب بأعصاب ناصر حتى مايتأخر في قرار الطلاق.. اكيد انه بيخاف من الفضيحه الي بتلحق ابوه.. طبعا احنا بنهدده برفع دعوى.. واكيد بيخاف من هالشي.. الموضوع هذي بتركه في يد صاحبي عبداللطيف.. هو ذراعي اليمين في شغلي.. ويعدين يجيد اللهجه السعوديه تمام.. انا ابي ناصر يظن انه ليال ليلحين بالسعوديه.. ووجودي بيخليه يفكر انه ليال برا السعوديه ويمكن يبلغ لافي الي بيرجع يدور عليها من جديد.
صلاح: خلاص اترك الباقي علي
احمد: بكلم عبداللطيف وبشوف متى يقدر يجي عندك وبعطيكم خبر
بوسلطان: طيب الي في بطنك هذا ايش بيكون مصيرهم
ليال: مافهمت
بوسلطان: كيف بيعيشو وابوهم مايعرف عنهم
ليال: لا تخاف اكيد اذا كبرو بقول لهم كل شي.. وبعدين يبا عيالي بينكتبو باسم ابوهم.. ماني حارمه ناصر من حقه في عياله
صلاح: حاسبي انه يقدر يضم العيال لحضانته اذا عرف انه له عيال
ليال بخوف: احمد تصرف
احمد:شوفي انا ممكن اتفق مع عبداللطيف على لعبه.. بخليه يوقع على تنازل عن حضانة للعيال
عبدالرزاق: هالكلام مايجوز
ليال: يجوز.. انا ابي احمي عيالي.. ماني عازله روحي عن اهلي ومبهدله حالي حتى بالنهايه يقدر يسحبه مني بسهوله والقانون في صفه.. استحاله اخلي هالشي يصير.. استحاله
احمد: هدي اعصابج انا ماني عارف انتي ليش خايفه من لافي جذي
ليال: لانك ماعرفته ولاشفت هو ايش ممكن يعمل
احمد: لا تقلقي اذا كانت هالورقه بتريحك.. بخلي عبداللطيف يشاغل ناصر ويوقع عليها من غير لا يعرف
خوله: فكري زين ياليال.. انا مع عبداللطيف.. هالشي مايجوز
ليال: بس يجوز للافي يرميني من على الدرج ويذبح ولدي.. ويجوز انه يرغب بي وانا زوجة ولده.. ويجوز انه يجبرني على اني اشتغل معاه.. ويجوز انه يضربني ويهينني ويربطني بحبال ويمشي عني.. ويجوز انه يدور علي من مكان لمكان.. ويجوز انه يدق على اهلي كلهم ويفضحني بشي ماسويته.. ويجوز انه يلعب علي بكلامه.. ويجوز انه يهدم بيتي واماني مع زوجي.. ويجوز انه يتدخل في كل كبيره وصغيره بحياتي.. لا ياخوله.. عيالي ما حد بيلمسهم طول منا عايشه.. اذا كبرو بقول لناصر عنهم واذا بغاهم يدور عليهم.. غير كذا ماراح اسلمهم رقبتي ابد.. حتى لو بالغش
عبدالرزاق: خلاص يا ليال اهم شي احنا حذرناك انه هالشي ما يجوز وانتي عليج تختارين الي في صالح عيالك وحياتك

&&&&&&&&&&&&&&&&&&&&&

8:00 اليل



في بيت خالة لينا ..في الصاله..



قطر


الخاله: لينا يما
لينا: نعم خالتي
الخاله: ليش يما مارحتي مع البنات
لينا: والله ماودي قلت اجلس معاج انتي وامي
ام لينا: ههههههههههههههههههههههههه
الخاله تبتسم: كلمتيه يما
لينا: من؟!!
الخاله: ومن غيره بعد احمد
لينا: امس كلمته
ام لينا: ههههههههههههههههههههه
الخاله تبتسم: انزين واليوم
لينا تناظر امها: لا اليوم ماتصل لي
الخاله: يا يما انتي ليش ماتتصلين عليه.. اش الغلط اذا اتصلتي عليه
لينا بحيا: مافيه غلط بس انا احبه هو الي يتصل
ام لينا: هههههههههههههههههههههه
الخاله: يايما واضح انج مشتاقه له.. اتصلي عليه ولا تخلين بخاطرج شي
لينا بعناد: لا امس مكلمته
الخاله: ياربي على راسج هاليابس.. عنيده
لينا: تعرفين يما اذا ضحكتي الحين بترككم وبروح الغرفه
ام لينا: هههههههههههههههههههههه
لينا بحده: هذي ليش تضحك الحين
الخاله: عشان يا يما انتي مفضوحه.. تحبينه وتكابرين.. والله انه حالج يضحك
لينا: آآآآآآآآآآآآه ياقلبي متى بتفهموني
الخاله: انزين هو متى قال بيجي
لينا: امس لما كلمته قال بعد ثلاث ايام.. يعني بيجي بعد بكره
ام لينا: هههههههههههههههههههههه
لينا بتوتر: لاااااااااااااااا انا طالعه فوق
الخاله: تعالي زين.. بيجوني ضيوف.. ابيج تجهزي الحلا لهم
لينا بضيق: من عيوني رايحه اجهز الي تبينه بس ارحميني من ضحكها
الخاله: برحمج.. ولا تنسين القهوه
ام لينا: زين الي شغلتيها
الخاله: بنتج هذي عنيده
ام لينا: واحمد نظر عيني والله ميت عليها
الخاله: وهي بعد تموت فيه بس ليش تسوي جذي بروحها ماني عارفه
ام لينا: بتذبحني بتصرفاتها معاه
الخاله: خليها تتدلع.. ويه ياعزها تلاقي الي يدلعها.. خليها
ام لينا: وانتي شايفتني مكلمتها.. من خطبها وانا ساكته.. خواتها الصغار يعلمونها اش تسوي معاه وهي مثل الحيط
الخاله: ههههههههههههههههههههه
ام لينا: أي ضحكي انا الي اعاني منها
الخاله: قلت لج تتدلع.. وهو وينه فيه
ام لينا: من ربع ساعه مكلمني وقال لي انه قريب.. تلاقينه عند الباب الحين
الخاله: هههههههههههههههههههه يا خوفي لا يصير عليها شي من الوناسه
ام لينا: خليها دامها معاه خلي يصير عليها عشان تعرف تمنع روحها عنه
الخاله: الله يعينج يا لينا الكل ضدج
ام لينا: والله ماقصرتي يا اختي الي خليتي البنات يطلعون عشان تكون براحتها معاه
الخاله: وياريتها تاخذ راحتها معاه
ام لينا: ههههههههههههههههههههه ما قلت لج حيط
الخاله: ويه هذا هو وصل
ام لينا تنادي: لينا يا لينا
لينا تطلع من المطبخ: نعم
الخاله: حبيبة قلب خالتج انتي شوفي الباب اكيد وصلو
لينا بضيق: والحلا
الخاله: اتركي الشغاله تعمله.. وروحي انتي استقبلي الضيوف
ام لينا: لا تنسين تعدلين روحج وملابسج.. لا يقولون عنج الشغاله جايه تفتح لهم الباب
لينا: هي هي هي هي دمج خفيف
ام لينا: هي هي هي هي هي هي ماهواخف من دمج
الخاله: ههههههههههههههههه الله يقطه شركم انتو الثنتين عيال.. مثل العيال
لينا وهي تفتح الباب: اليوم ماقصرت فيني تريقه وضحك.. كأنه ما حد اخطبوه غيري.. وكل سوالفهم علي.. وين رحت معاه واش قلت له واش قال لي.. اتصل فيني ولا لا.. وليه ماتصلت عليه.. واش ابي اوصل له.. وليش اسوي جذي معاه.. ويه وعليه مايستاهل هالجفا.. ياربي اعتقوني عاد.. ودي هو ينطقها.. يا ناس يا عالم ودي هو ينطقهاااااا.. ويه نسيت حالي.. من عند الباب
احمد: انا احمد يا لينا
لينا مو مصدقه: احمد من!!
احمد: احمد من!! كم احمد عندج
لينا تفتح الباب وفمها فتوح على الاخر: احمد؟!!
احمد: ههههههههههههههههههههههههه خليني ادخل طيب لا احد يشوفج وانتي بهالحاله ويقول ماخذ لي خبله
لينا تضربه على يده: خبله.. انا خبله
احمد: والله ماشفتي شكلج
لينا تدخله المجلس: ليش ما اتصلت تقول لي انك هنا
احمد: واشلون تصير مفاجأه لج
لينا بشك: بسألك
احمد: قولي
لينا: امي تعرف انك جاي صح؟!!
احمد: اممممممممممم لا
لينا بعصبيه: احلف عاد.. وانا اشوفها مابطلت ضحك من الصبح.. تراك طابخها معاها ها
احمد يقفل الباب بالمفتاح: وين رايحه
لينا بحده: اتركني خلني اروح لها
احمد ماسكها من ايدها: وتروحي لها اش تقولين لها
لينا تحاول تفك يدها من يده: وانت اش عليك اقول لها الي ابيه.. اتركني
احمد يمسكها بقبضته بقوه: اعرف الاول اش بتقولين لها
لينا تتالم: أي يدي تألمني.. احمد احمد
احمد يجرها لصدره بقوته: ياروح احمد
لينا خقت: احمد
احمد: ياروح احمد
لينابحده: اتركني
احمد: لا
لينا بحده: عشاني
احمد: عشانج شنو
لينا: ابي اروح لامي
احمد: وتتركيني بروحي!!
لينا: لا ما اقدر اتركك
احمد: يعني بتكوني معاي على طول
لينا: ها
احمد: ابيج معاي على طول
لينا: وانت
احمد: انا شنو
لينا: بتكون لي على طول
احمد: اكيد على طول.. طول عمري
لينا: كل عمرك لي بروحي
احمد: بروحج وماحد يشاركج فيني
لينا: احلف
احمد: والله.. الله يقدرني واكون لج بروحج
لينا بخوف: مافهمت
احمد: يعني انا برقبتي امي وابوي واخواني.. والحين انتي وامج وخواتج
لينا تبتسم: احمد
احمد متوقع تقول له احبك: ياروحه
لينا بهمس: اكرهك.. موووووووووووووووووووت
احمد مصدوم: تكرهيني ها
لينا: ههههههههههههههههه أي
احمد يعض على شفايفه: وموت بعد ها
لينا: هههههههههههههههههههههه أي مووووووووت
احمد: تكرهيني موت ها
لينا بعناد: أي أي
احمد: يعني تعانديني ها
لينا: لا ما اعاندك هذي الحقيقه
احمد: الحقيقه انك تكرهيني ها
لينا: وموت لا تنسى مووووووووووووت
احمد: ارحمي روحج وقوليها
لينا: لما تقولها انت
احمد: اذا حجت البقر على قرونها
لينا بزعل: جذي
احمد: أي
لينا تبكي: ما ابيك
احمد: انا بعد ما ابيج
لينا تبكي: طيب اتركني
احمد: لا طبعا.. احلمي اني اتركج
لينا بخبث: وليه ان شا الله انت تحبني
احمد يقرب منها: اكرهج ومووووووووووووووووت بعد

&&&&&&&&&&&&&&&&&&&&&&

بعد يومين 8:00 الليل


فيلا عبدالرزاق.. الملحق.
.


قطر


رجعت الفيلا وانا في قمة السعاده روحي ردت لي بوجود ابوي معاي.. صرت مثل الطفله وانا بين يده.. دلال ابوي طول عمره غير.. مع اني كبرت بعمري وصار في بطني عيال بس شعوري بأني طفله في يد ابوي مافارقني.. يا حلو هالشعور.. استمتعت بكل دقيقه وهو معاي.. صرت اسولف له عن كل شي.. عن المنتدى وعن نجاحي فيه.. وعن الفلوس الي جنيتها من شغلي الي ما حد يعرف عنها شي.. قلت له كيف هربت.. وكيف جيت السعوديه وايش عمل عبدالرزاق.. وكيف طلعت من السعوديه مره ثانيه.. وقلت له عن خان وكيف هو يعتني بي.. وكيف شريت العماره.. وكيف وكيف وكيف.. قلت له عن كل شي.. سعادته الي بعيونه كانت تريحني نظرته الفخوره بي لازالت تقويني.. ابوي حبيب قلبي روحي هالرجال.. ياربي تخليه لي.. صلاح وعدني انه بعد شهرين راح يرجع البحرين لمتابعة علاج ابوي.. ووعدني انه بيجيبه لي يومين اقعد معاه فيهم.. طلبت منه امي تجي معاه.. وقال بيشوف الظروف.. راحو وقلبي معاهم بس فرحتي بهم ماتنوصف.. دخلت الفيلا وانا عارفه انه خوله وعبدالرزاق ماهم فيها.. محمد ارتفعت حرارته واخذوه على المستشفى.. رحت اتطمن على سالم.. لقيته بالملحق يستنى جيتي.. اخذته وصرت العب معاه شوي وقال لي جوعان.. ناديت على صوفيا حتى تأكله.. صار يترجاني ندخل المطبخ وحنا الي نطبخ.. ههههههههههههههه هالولد عسل والله.. اموت فيه على سنه الصغير بس يقدر ينسي الواحد همه عفويته تاخذ القلب.. ولسانه طويل مثل امه.. اخذ من خوله الكثير.. الشكل وطيبة القلب.. اخذته ورحنا على المطبخ.. وصرنا نطبخ ونسولف سوالف عيال.. وانا رايحه ضحك وناسيه حالي حتى الغطا ماكان علي.. كان البيت خالي وانا عارفه ان خوله وعبدالرزاق بيتأخرو وسالم متعود على شكلي المشوه
سالم: خالتي ابي مكرونا
ليال: من عيوني ياروحي.. تبيها بصلصه حمرا.. ولا بيضا
سالم: اممممممممممممممم حمرا.. وابيها الطويله.. عشان اسحبها وانا اكل
ليال: ههههههههههههههههههه تقصد السباغتي
سالم: ما ادري المهم انها الطويله
ليال: اسمع.. ماني لاقيتها هنا روح لخان وقول له يجيب من البقاله.. قول له.. سباغتي
سالم بفرح: اوكيييييييييي
هههههههههههههههههههه والله صرت تعرف تقول اوكي يا ولد خوله.. خلني اعمل الصلصه عبال مايجيب المكرونا.. انا بصراحه اعرف اطبخ بس ما راح امد في نفسي واقول اني طباخه.. امممممممم امشي الامور.. دراستي اشغلتني كثير.. كان ودي اصير زي امي.. الله يحفظ لي عمرها اكلها يجنن.. ياربي لازم اتعلم منها.. ولا كيف بدلع عيالي
عبدالرحمن: تبين اساعدج
ليال بخوف: بسم الله الرحمن الرحيم.. ايش الي تعمله هنا
عبدالرحمن: جيت اتطمن على محمد.. ساره قالت انه مريض
ليال بتطلع من المطبخ: كنت تدق على عبدالرزاق قبل لا تجي
عبدالرحمن يمسكها من ايدها: زوجك الي عمل بوجهك جذي
ليال بحده: انت كيف تمسكني كذا وخر عني
عبدالرحمن: خافي من الناس كلها الا مني.. جميله مثل ماتوقعتك.. كنت اشوف حلاتك من رسم عيونك
ليال: اترك يدي.. صوفيااااااااااااا
عبدالرحمن: ما اضنها تسمعك.. قلت لها تروح مع خان تجيب اغراض
ليال: ياحقير.. يعني مافي في البيت غيري وغيرك
عبدالرحمن: أي.. مافي غيرنا.. واذا دخلو علينا بيلاقونج بحضني.. وساعتها بقول اني ابي اصلح غلطتي معاكي لاننا غلطنا غصب عننا.
ليال: يا خسيس.. انا اشرف من الي تقوله
عبدالرحمن: عارف هالشي.. عشان جذي ابي اكسر راسج وبجبرج توافقي علي.. قبل لا ترجعي لزوجك
ليال بحده: اتركني اتركني.. سااااااااااااااااااااااالم
عبدالرحمن: سالم انا شفته رايح لخان وعطيته 100 ريال وقلت له اشتري الي تبيه مع خان
ليال: يا كلب يا حقير اتركني
عبدالرحمن: بحياتي ما بتركج.. انتي لي.. انتي فاهمه لي بروحي
ليال: بس انا رديت لزوجي وبكره مسافره له
عبدالرحمن بصدمه: مستحيل.. عبدالرزاق قال انه لسا ما جا حتى يردج
ليال: غلطان.. احمد جا قطر عشان يردني له
عبدالرحمن: احمد المحامي!!!
ليال: ايوا.. اتركني يا عبدالرحمن
عبدالرحمن: وكيف ترجعي لرجال عمل فيج جذي شفتي وجهك اش صاير فيه
ليال: زي ماراح تجبرني اعيش مع رجال يبي يعتدي علي حتى يملكني
عبدالرحمن: مستحيل اصدق انك رجعتي له مستحيل
ليال بصراخ: الحقوووووووووووووووووووني
عبدالرحمن يحضنها غصب عنها: انتي يا ليلى لي
ليال: يا لكلللللللللللللللللللب خاااااااااااااااااااااااااااان
عبدالرحمن: لا تعبين روحج قلت لج ماحد بيسمعك والي ابيه با خذه منج غصب
ليال: يارب.. الحقني انت يارب.. يارب ارحمني او خذ روحي قبل لا يلمسني
عبدالرحمن: احبج.. ليش تسوين فيني وفي نفسج جذي احبج ليلى
ليال: خااااااااااااااااااااااااااااان
عبدالرزاق بحده: اتركهاااااا يا كلللللللللللللللللللللللللللللللللللب



- ايش الي ممكن يصير بك ياليال
- كيف بيتصر عبدالرزاق مع عبدالرحمن
- كيف بتكلمي مشوارك يا ليال