كاتب الموضوع :
دانة الحمادي
المنتدى :
الارشيف
ساره: شكلك تعبانه
ليال: تبين الصراحه ايوا.. ومستحيه اتركها واروح ارتاح
ساره: شويه بس وياخذها يطلعون مع بعض.. وبعدين تروحين ترتاحين
ليال: عبدالرحمن وين؟
ساره: بالفندق من شوي متصل علي يتطمن عليج
ليال: يووووووووووه ساره مابي أي شي يربطني بعبدالرحمن
ساره: وليش الضيق الحين
ليال: لاني ما ابي مشاكل.. كفايه الي صار لخوله من وراه.. ما ابي أي شي يبعدني عنها ويخرب علاقتي بها حتى سؤاله
ساره: ول يا ليلى.. هذا جزا الرجال يسأل عن حالج
ليال: لا تزعلي مني ياساره.. عبدالرحمن احس فيه من يشوفني يلمح وهالشي انا مابيه.. ابي اربي الي ببطني بروحي.. ومن جد رافضه الزواج
ساره: على راحتج ياقلبي لا تضايقين روحج.. انا بكلمه
ليال: يعني كلامي صح؟
ساره: بصراحه أي.. عبدالرحمن قايل لي اكلمج واشوف ردج
ليال: وهو متوقع اني ارضى.. يا حبيبتي الرجال ماعليه زود بس امه تتطفش الكل من حولها.. وانا ما ارمي نفسي كذا.. كفايه المشاكل الي بيني وبين طليقي هالمره اجيب لنفسي مشكله اكبر.. لا يا قلبي خليه يكون بعيد عني احسن له ولي
ساره: ههههههههههههههههه على جذي الرجال بيظل طول عمره من غير زواج بسبب امه
ليال: براحته مشكلته ماهي مشكلتي.. بس يكون هو وامه بعيدين عني
احمد: يلا لينا البسي عباتك.. بنطلع شوي
لينا تهمس: ضروري نطلع خلينا نتعشى معاهم
احمد: لا.. نتعشى بروحنا.. ولا خايفه مني
ليال تهمس: يلا قومي لا تصيري زي لوح الثلج.. روحي انبسطي معاه.. واتركيني ارتاح ظهري بينكسر من زود الجلسه
لينا: هههههههههههههه طيب قمنا
احمد يهمس لها: من هذي
لينا بجفا: ليه تسأل
احمد: ههههههههههههههه يعني كنت اقول لو كنت عارف تأثيرها قوي عليج جذي كنت من زمان قايل لها تقولج تقومي معاي
لينا بحزن: طيب
احمد يهمس: يلا لا تتأخرين بنتظرج عند الباب
&&&&&&&&&&&&&&&&
9:10 الليل
فيلا عبدالرزاق .. غرفة خوله..
قطر
عبدالرزاق: هههههههههههههههههه
خوله: والله يحق لها تخاف
عبدالرزاق: بيني وبينك تمنيتها لعبدالرحمن.. قلت تصير جنبج.. وتريح هالمسكين
خوله: أي بس ليال وحده ماهي سهله.. يعني الكلمه الي امك بتقولها لها.. ليال بتردها الف.. هذي اذا مامدت يدها عليها
عبدالرزاق: ول
خوله: أي حبيبي ليال الضرب فيها مايكسرها الا يقويها
عبدالرزاق: انا عارف انها ماتصلح تعيش مع امي.. بس تمنيت انها تكون لعبدالرحمن.. اهم شي عندي انها تكون جنبج العمر كله
خوله: ياااااااااااااااااااربي احبه احبه احبه.. مايترك لي مجال الا واحبه فيه اكثر واكثر واكثر
عبدالرزاق: هههههههههههههههههه بس انا احبج اكثر
خوله: ماتبي نتخانق صح
عبدالرزاق: ماتبين يدي تنمد عليج صح
خوله: أي بس انا مريضه
عبدالرزاق: ههههههههههههههههههه جبانه صار الجد وتخاذلتي
خوله: شوف احنا ممكن نتخانق باللسان بس
عبدالرزاق: أي هذي الشي الوحيد الي شاطره فيه لسانج مافي اطول منه.. وانا ما اقدر عليه
خوله: وانا اقدر اطوله عليك.. انتي روحي يارزاق.
عبدالرزاق: يااااااااااااااه من زمان ماناديتني رزاق
خوله: عيب ما احب اصغرك قدام احد.. رزاق بيني وبينك بس
عبدالرزاق: طيب ماله اذا ناديتج خوخه.. حلو ويجنن
خوله بحده: يعني خلصت اسامي الدلع حتى تناديني خوخه والله مو حلو.. ويغث
عبدالرزاق: هههههههههههههههههه يغث عاد.. ما عاش الي يغث حبيبتي.
خوله تحضنه: الله لا يحرمني منك يارزاق
عبدالرزاق: بكره العصر بيجيكي الي وصيتي عليه
خوله تزيد بحضنه: والله؟.. ياربي احبه احبه
عبدالرزاق: هههههههههههههههه حاسبي جرحج ياحرمه
&&&&&&&&&&&&&&&&&&&&&&
9:30 الليل
في سيارة احمد
البحرين
احمد: لينا
لينا تنتبه: نعم
احمد: وين وصلتي
لينا: بعيد
احمد: بعيد وين
لينا تتنهد: لا ابد معاك
احمد: سمعتي اش قلت
لينا تتهرب: احمد ابي ماي
احمد: هههههههههههههههه حلوه التصريفه هذي.. طول عمرج ذكيه
لينا: ذكيه عشان اقول لك ابي ماي
احمد: ذكيه عشان تهربتي من سؤالي
لينا: ماتهربت ابي اشرب بس
احمد: حاضر نوصل الفندق واشربي براحتج.. لحظه ارد على التلفون.. الو
.....: ..............................
احمد: هلا مريم
.....: ..............................
احمد: قاصرتني الاوراق بس وكل شي يصير جاهز
.....: ..............................
احمد: عن العجله عاد شغلي احبه ياخذ راحته لحد مايستوي مضبوط زي الطبخه يا مريم.. اذا استعجلتي عليها.. مابتلحق تنضج
.....: ..............................
احمد: اليوم وليد كلمني وتفاهمت معاه.. بس مثل ماقلت شروط العقد بتتنفذ كلها.. ماراح اتنازل عن أي شرط
.....: ..............................
احمد: الكلام هذي ماهو عوض الي يحدده.. روحتي للكويت هي الي بتحدد الي ابيه
.....: ..............................
احمد: عموما نكمل كلامنا بعدين الان عندي شي اهم.. اكلمج بعدين
.....: ..............................
احمد: والله تقدرين تقولين هالشي.. وبعدين هذي ماهو شغلج اهتمي بامورج.. سلام.. اسف لينا اش كنا نقول
لينا: .......................
احمد: سرحتي مره ثانيه
لينا بضيق: ممكن ارجع للبيت
احمد: ممكن اعرف ليش
لينا: تعبانه ومحتاجه ارتاح
احمد: نتعشى الاول.. وتشربي الماي ولا نسيتي الماي
لينا بحزن: احمد ابي ارجع البيت
احمد بحده: ماسمعتيني اش قلت
لينا بحده: وانا ابي ارجع البيت مابي اتعشى
احمد: انتي ما اكلتي شي اليوم.. حتى الغدا ماتغديتي مثل الناس
لينا: ..........................
احمد: وصلنا انتظري افتح لج الباب
كنت كارهه نفسي وكارهه وجودي معاه.. كنت كارهته وماني طايقه اسمع منه كلمه.. على الي صار اليوم الظهر مع الزفت الي اسمها مريم.. يكلمها الحين ولا كأنه شي صار.. عادي يكلمها ويقول لها بيرجع يكلمها.. انت شنو يا اخي معدوم احساس.. انا جنبك وانت تكلم غيري.. والله لو اسويها واكلم غيرك كنت ميته من زمان.. ابي ارجع البيت ودي اروح لفراشي اشكي له.. الظاهر اني بتعود اشكي لفراشي كثير.. دخلت الفندق وانا اسحب رجولي كنت ابي اصرخ فيه رجعني البيت.. حسسني اني ماني حرمه لها كيانها ومشاعرها.. ليش جذي يا احمد اش الي سويته لك.. والله عيب.. تفاجأت به يا خذني بالمصعد
لينا: احنا وين رايحين
احمد: نتعشى
لينا: ليش هو فيه مطعم فوق
احمد: لا فيه اكل
حسيت بسؤالي سخيف وهو رد علي باجابه اسخف منه.. طول عمري اتمنى ليلة ملكتي تكون غير.. كنت ابيها مثل الحلم الي ماودي اصحى منه.. الان انا عايشه بكابوس ودي أي احد يهزني حتى اصحى منه.
احمد يفتح الباب: تفضلي
لينا بخوف: وين!!!
احمد: وين يعني داخل
لينا ترجع خطوه لورا: لا طبعا ما ابي ادخل
احمد يمسكها من ايدها: وين رايحه
لينا: راجعه البيت
احمد: ومن بيرجعج اذا انا ما بغيت
لينا: باخذ تاكسي يرجعني
احمد: عن الفضايح واتركي الخوف عنج انتي معاي
اكسرتني هالكلمه انتي معاي.. صح انا معاه مع الحب الوحيد الي بحياتي مع الي تمنيت اني اكون بحضنه من زمان.. مع الي كان فارس احلامي.. الان هو زوجي وانا كارهه وجودي معاه.. دخلت وانا ودي اصرخ احس اني ابي اصرخ كثير.. احس روحي بتطلع من بين ظلوعي الم وحسره على حبي.. اشر لي على الكرسي.. وجلست عليه.. واتصل على التلفون ثواني والعشا كان جاهز.. ماهمني الجناح الي كنت فيه ولا الفخامه الي كان عليها.. كان المهم عندي اني الاقيه الاقي احمد الي حبيته سنين عمري الي بحياته ماحس علي.. وقفت وقربت من الشباك.. وقفت اشوف المنظر كان حلو كثير.. يأسر القلب.. سرحت بعيد عن احمد.. حسيته قرب مني.. بس انا مثل ما ليال قالت لوح ثلج.. كنت بارده في عواطفي يمكن لاني مالقيت الي تمنيه.. لمس شعري وصار يلعب فيه.. يمكن وقتها تحرك احساسي شوي يمكن ابتسمت وقتها.. تلاشت هالبتسامه بسرعه من تركني وراح يرد على تلفونه
احمد: هلا لطيفه
.....: .........................
احمد: متى هالشي
.....: .........................
احمد: خلاص يصير خير.. بكره بكون بالكويت.. لا بجي بالسياره ماعندي وقت انتظر الطياره
.....: .........................
احمد يناظرها: ههههههههههههههههههه مشتاااااااااااااق وابي اشوفج بسرعه قبل لا يصير أي شي يخرب الي براسي
.....: .........................
احمد: ههههههههههههههههههههه
.....: .........................
احمد: والله وانا مستعجل اكثر.. اعطيج تلفون بكره اول ما اطلع من البحرين.. سلام
لينا بضيق: ابي امشي الحين
احمد: دامج ماتحبيني ليش تغيرين جذي
لينا: ماحبك وما اغير.. ابي ارجع لان وجودي مثل عدمه
احمد: من قال مثل عدمه.. انتي معاي وبجناح وبعيد عن عيون الناس.. يعني ممكن يصير لوجودج معاني كثيره
لينا: عمري ماحسيت انك وقح معاي مثل اليوم
صفعني.. خل كل قوته بيده وصفعني.. هزته كلمة وقح.. ماهزه انه يكلم غيري باول يوم اكون فيه معاه.. احس بقلبي معصور الم.. كنت واقفه في مكاني وماسكه خدي غمضت عيوني وماكنت ابي اصدق انه مد يده علي.. كنت في دوامه كبيره اكيد اني احلم مستحيل تكون هذي بداية حياتي مستحيل.. حسيت الدنيا تلف فيني.. قوتي تلاشت.. الارض من تحتي صارت مثل البحر الي ماني قادره اوقف عليه.. حسيت بجسمه يلمسني.. شالني وحطني بالسرير.. كان حاضني بقوته يمكن كان خايف علي.. او خايف من عمي لا يعرف.. او خايف من امي لا تقلب الدنيا عليه.. او خايف من الفضيحه الي ممكن اعملها عشان مد يده علي.. كنت اسمع دقات قلبه اشلون كانت سريعه.. بحياتي ماصرت قريبه منه مثل اليوم.. ماترك لي مجال افرح بهالقرب.. صدمه ورا صدمه.. تركني وفتح الثلاجه وجاب منها ماي وشوية ثلج.. لف الثلج بخرقه.. وخلاها على وجهي وشربني الماي.. حسيت بحنانه.. الي بحياتي ماحسيت بحنان رجال.. بحياتي كلها كنت أسأل كيف يكون حنان الرجال كيف شعور الحرمه وهي جنبه.. وكيف وكيف وكيف.. اشيا كثيره ماعرفت بحياتي لها معنى ومن الواضح اني ماراح اعرف.. كنت مغمضه عيوني وهو ماسك الثلج ظليت جذي فتره طويله يمكن نمت شويه ماني عارفه كنت مرتاحه وانا بحضنه.. ماكان ودي افتح عيني كنت ابيها مسكره جذي لاني عارفه اني اذا فتحتها بلاقي منه شي يعكر راحتي.. اما بيكلم حرمه بوجودي.. او يمكن تنتظرني صفعه ثانيه من يده
احمد: ماودي اقعدج من نومج.. بس دام انج صاحيه ومسكره عيونج.. افتحيها عشان الوقت تأخر
لينا تفتح عيونها: الساعه كم!!!!!
احمد: 5 الفجر
لينا بحده: اشلون تخليني لهالساعه اشلون
احمد يحضنها: ابيج تعرفين عشان يدي ماتنمد عليج مره ثانيه.. ما احب احد يرفع صوته علي ولا يعصب علي ولا يعتبرني شي تافه.. انا عصبي كثير وما ارضى احد يغلط علي.. حاسبي على هالشي لاني افقد احساسي اذا احد غلط علي.. ما احب هالشي يتكرر بيني وبينج ابد
لينا بخوف: ماتحب احد يغلط عليك بس من شفتك امس وانت طول قعدتك معاي تغلط فيني.. انا بعد ما احب احد يغلط علي
احمد: اوعدج اني احاسب
لينا: بتحاسب!! يعني مابتبدل من طبعك!! بتحاسب بس!!
احمد: لينا هذي شغلي
لينا: احمد لا تلعب علي.. اذا جيت في يوم تطلب مني اني ابدل من نفسي وتصرفاتي.. شوف تصرفاتك الاول.. الشي الي ماترضاه على نفسك لا ترضاه علي
احمد: شنو الي تبينه يتبدل
لينا بانكسار: ولاشي.. ولاشي
رفع راسي بيده كانت نظرته لي غير.. نظرة واحد متقطع قلبه على حالي.. حضني في صدره وراح يلعب بشعري.. آآآآآآآآآآآه ما اقدر اوصف هالراحه.. الي حسيتها معاه الحين شي غير.. غير.. نسيت الوقت والعالم نسيت حالي وانا بحضنه.. رفع راسي من جديد.. وباسني.. يا ربي ما اقدر اوصف شعوري.. اول مره.. اول مره.. ابتسم لي وقال
احمد بكل حنان: بنفطر ونمشي
لينا: ماله داعي انا تأخرت كثير
احمد: ما بيصير شي اذا تأخرنا اكثر بنفطر بس
استسلمت لكلامه وانا حاسه روحي اميره بين يد حبيبها الي تمنته.. ليش صار ذي كله دامك بهالقدر حنون.. وهي الحرمه اش تبي اكثر من جذي.. فطرنا ونزلنا فتح لي باب السياره واحلى ابتسامه مرسومه على وجهه.. حسيته سعيد.. يكون هو بعد يحبني ومخبي؟ مستحيل اش الي غير تصرفاته بسرعه جذي.. يمكن يبي يرضيني عشان ما اقول لاحد انه مد يده علي.. الف فكره وفكره كانت تدور في راسي قطعها صوت التلفون
احمد: هلا لطيفه
.....: .........................
احمد: ما ادري ليلحين.. اش الي صار عندج
.....: .........................
احمد: ممتاز كل شي يصير مثل مانبي.
.....: .........................
احمد: على الساعه 11 باليل اكون بالكويت
.....: .........................
احمد: ابي انام.. ليلحين مانمت من امس.. وابي اخلص الاوراق الي بيدي.. عشان اتفرغ لج يا حلوه
.....: .........................
احمد: اسمعي.. ابي اوصل الكويت تكوني جاهزه.. فاهمه.. جااااااااااااااااااهزه
.....: .........................
احمد: هههههههههههههههههههههههههه اشوفج بس.. سلام
كنت ساكته ملاني الحزن من جديد.. حسيت اني صرت اميره وفي لحظه صرت تافهه.. انلعب علي بكم كلمه وحضن وبوسه وصدقت
يتبع
|
19-01-09, 12:00 AM
جديد مواضيع قسم الارشيف
العرض العادي
