علمتني قسوته ان اكون - الصفحة 10

02-01-09, 08:18 AM

المشاركة رقم: 46

المعلومات
الكاتب:	دانة الحمادي
اللقب:	ليلاس متالق

البيانات
التسجيل:	Nov 2008
العضوية:	102916
المشاركات:	118
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : دانة الحمادي المنتدى : الارشيف

ليال: الله يجمعكم على الخير يارب ولا يفرقكم ابد
خوله: يارب.. الله يسمع منك ويعوضك الخير
ليال: يارب
خوله: ماقلتي لي تطمنتي على ابوكي
ليال: بصراحه لا.. وبالي مشغول عليه
خوله: تبين اساعدك بشي
ليال: خوله.. انا مابرتاح الا اذا شفته بعيوني
خوله: بس انتي قلتي له انك ماراح تسامحيه
ليال: ايش تقولي انتي هذا ابوي حبيب قلبي.. انا نور حياته.. اكيد بعد الصور الي شافها رق لحالي
خوله: يعني بترجعي لهم
ليال: لا طبعا.. بكون بعيده عمري كله.. ماراح آمن على ولدي اذا رجعت لهم.. بوناصر انتي ماتعرفي ايش ممكن يعمل
خوله: انتي مارضيتي تقولي لي عليه
ليال: معلش الا هذا.. خليني على راحتي ياخوله.. اذا لقيت انه ضروري اقول لك بجي بنفسي بقول لك
خوله: على راحتك حبيبتي
ليال: خوله ضروري اروح السعوديه
خوله بخوف: تروحي لهم برجولك!! والله ما اتركك انا ما صدقت لقيت روح تشاركني الدنيا.. تتركيني
ليال: ومن قال اني بتركك.. ابي اشوف ابوي.. وبعد ابي اروح البنك افك الوديعه الي عندي.. وابي اظبط اوراقي الرسميه
خوله: مافهمت..
ليال: الوديعه مبلغها كبير شويه.. بينفعني بالي ابي اعمله وجالسه اخطط عليه.. وابوي لازم اشوفه حتى اعرف اعيش القلق بيذبحني عليه.
خوله: والاوراق الرسميه ايش تقصدي بها
ليال: ضروري ارجع السعوديه واجلس هناك فتره.. بوناصر ماهو سهل زمانه عرف اني بقطر.. واكيد بيدز من بيدور علي لازم يعرف اني بالسعوديه.. بيخلي بباله اني محتميه بأهلي وراح يفكر الف مره قبل لا يآذيني
خوله: خلاص بجي معاكي السعوديه نعيش فتره هناك ومتى ماقلتي نرجع بنرجع
ليال: يا مجنونه انتي منتي حمل ذا كله.. ناويه على نفسك انتي.. اهتمي بالي ببطنك خليه يجي الدنيا بسلام.. وانا بعرف اتصرف ان شا الله لا تقلقي علي بس.. ربك بينور طريقي.. وبيدلني على الطريق الصح

&&&&&&&&&&&&&&&&&

6:30 المغرب
فيلا لافي ..غرفة نوف..
لندن
نوف: البيت حزين مره
صلاح: انا حجزت على طيارة بكره.. بجي باخذك
نوف بخوف: مستحيل ابوي ما بيرضى بهالشي
صلاح: رضى ولا بكيفه.. انتي زوجتي وماراح يمنعني عنك
نوف: اجل اذا جيت خلك قدامه ضد اختك.. هو اذا شافك كذا ماراح يعند معاك
صلاح: هذا الي بيصير.. اخذك وبعدين يوريني ايش يقدر يعمل
نوف: الكثير ياصلاح الكثير
صلاح: وناصر وينه؟
نوف: بالملحق.. ماهو راضي يفتح لاحد الباب.. امي على بابه تبكي.. وابوي عامل مثل الثور الهايج.. العنود بغرفتها مسكره على نفسها.. وعبير في المستشفى ولا احد داري عنها
صلاح: ايش طلع معاها
نوف: ابوي يقول الدوده الزايده
صلاح: الله يجيرنا
نوف: بشرني عن ابوك
صلاح: صحى اليوم الصبح.. والحمدلله الجلطه اثرت على رجوله.. الدكتور طمنا انه الحاله ممكن تتعالج بس محتاجه وقت
نوف: الحمدلله.. الحمدلله
صلاح: سوسن سقطت
نوف بخوف: واااااااي يما.. وكيفها الان
صلاح بحزن: تايهه.. ضايعه في عالم ثاني
نوف: الي صار يجنن العاقل
صلاح: الله ينتقم من الي كان السبب
نوف: آمين
صلاح: الجده وفتحيه بيجون بكره معاي
نوف: حلو صلاح الله يخليك خلك معاهم.. ابوي اذا شاف جدتي معاك ماراح يقدر يعمل شي
صلاح: لا تقلقي

&&&&&&&&&&&&&&&&&

7:15 اليل
في فيلا عبدالرزاق ..الملحق..
قطر
ام عبدالرحيم عند باب الفيلا: خولوه.. خولوووووووووه ووجع
صوفيا تطلع من المطبخ: ايوا ايوا ماما
ام عبدالرحيم: خولوه وين؟ ووجع انتي الثانيه
صوفيا: مام خوله مع مام ليال في الملحق
ام عبدالرحيم: ومن هذي بعد
صوفيا: انا ما ادري
ام عبدالرحيم تضرب الخادمه بالعصا: اشوف وخري خليني اشوف من هالساحره الجديده الي عندها.. يامكثر السحر عندنا

في الملحق
صوفيا تسبق ام عبدالرحيم: مام.. مام خوله
خوله: مالك يا صوفيا ايش صار
صوفيا: هذي ماما كبير هنا.. هذا كله صراخ صراخ صراخ
خوله: قصري حسك.. وروحي جهزي لها القهوه.. الله يعننا عليها
ليال: هههههههههه وايش بتقولي عني.. وشوفي وجهي ايش عامل
خوله: ما عليكي بتصرف.. اقول حاولي تكسبيها في صفك
ليال: هذا الي ناويه عليه.. وغلاتك لاخليها تموت على تراب رجولك
خوله: كنت متأكده انك ساحره
ليال: ههههههههههه بعيد الشر عني
ام عبدالرحيم تدخل: خولوه.. خولوه ووجع.. قاعده انادي من الصبح.. وانتي ماعطتني الاذن الصمخه.. وينج
خوله: حياج يا خالتي هنا تعالي
ام عبدالرحيم: البقره الي عندج تقول انه عندج ضيفه
خوله: أي خالتي بعرفج عليها تعالي.. استريحي الاول
ام عبدالرحيم بخوف: ويه ويه كفانا الشر.. زاغ قلبي.. شنو ذي
خوله: خالتي مب جذي عاد.. خليني اعرفك على ليلى
ليال: هلا خالتي كيف حالك
ام عبدالرحيم: والله يا ليلى كنت بخير من شفتج اختبص قلبي
ليال: من ذوقك خالتي.. الله يسلمك
خوله: خالتي ليلى هذي زوجها صاحب عبدالرزاق
ام عبدالرحيم: ويه متزوجه؟!! زين الي حصلتي لج احد ياخذج.. انا والله لو ادفعو لي فيج كنوز الدنيا مازوجتج واحد من عيالي
خوله ترفع صوتها: عاد اقولك كانت مع زوجها تتمشى بشوارع لندن.. عاد هجمو عليها جماعه يبون يسرقونهم.. اذبحو زوجها وشوهو وجهها
ام عبدالرحيم: ويه ويه ويه.. شوفي ايش عامله بحياتج يما الي الله يعاقبج جذي
ليال: كل الخير خالتي.. لدرجة انه ام زوجي قبل لا تتوفى على يدي دعت لي بالخير في الدنيا من كثر ماكنت احبها وارعاها
ام عبدالرحيم: وام زوجك كانت معاكم وقت الي اذبحو زوجك
ليال: ايوا يا خالتي.. كانت ملسونه شوي عاد واحد من الجماعه قطع لسانه وذبحها
خوله تكتم ضحكها: ويه ويه عاد حنا عندنا كثير من الملاسين
ام عبدالرحيم بحده: خولوه ايش تقصدين؟
ليال: عاد خوله يا خالتي تشكر فيكي ماتتخيلي.. من جيت هنا بدت تقول لي عن اهلها.. عاد مابقى كلام حلو ماقالته في حقك
ام عبدالرحيم: أي ايش تقول
ليال: تقول اول ما جابت سالم.. كيف تركتي بيتك وراحتك وجيتي هنا تراعي ولدها.. عاد تقول كانت مرتاحه من قومت الليل والرضاعه وتبديل الغيارات.. تقول خالتي ام زوجي غير عن الناس.. اذا حبت حبت من قلبها واذا اكرهت اكرهت من قلبها.. افضالها على الناس كثيره.. ماتترك زياره او واجب الا وتروح.. مامنها قصور مع احد الكل يحبها ويحسب لها حساب
ام عبدالرحيم متفاخره بنفسها: أي أي هذي انا
ليال: عاد مشا الله عليك من جد.. خوله كانت تقول انه لك هيبه تخوف.. وصدقت من دخلتي علينا فز قلبي لك.. من جد لك هيبه ياخالتي وخصوصا قلبك طيب وحنينه.. لو وحده غيرك ماكانت رضت تجي لحدي تتطن على.. والله مافي منك
ام عبدالرحيم: لج الواجب يا بنيتي.. عاد سامحيني يبنيتي اول مادخلت كنت معصبه شويه
ليال: لا تقولي كذا من حقك اكيد مشتاقه لخوله ولسوالفها
ام عبدالرحيم: أي خوله تشتاق لها النفس
ليال: صدقتي.. من كثر ماتسولف عنك وتشكر بمواقفك.. افتكرتك امها
ام عبدالرحيم: خوله زوجة ولدي وام عيالي
ليال: والنعم بك وبها والله.. السنع والذوق
ام عبدالرحيم: خجلتيني يا يما
ليال: بالعكس هذي كلام خوله عنك خلاني اتشوق شوفتك.. ولا وانتي جايتني بعد.. الشرف لي والله
ام عبدالرحيم: الله يسلمج والله.. الا ان شا الله تكوني بخير هنا
ليال: والله الحمدلله مرتاحه.. بعد الي صار لي كنت بموت.. لو لا الله وخوله
ام عبدالرحيم: الحمدلله.. ام سالم ماتقصر مع الكل
خوله: الله يسلمك خالتي تعلمت هالشي منك
ام عبدالرحيم: وين سالم يما ماشفته
خوله: مع عبدالرزاق خالتي.. خذه معاه
ام عبدالرحيم: أي صح يما خليه يتعلم الشغل مع ابوه هذي حلاله.. هو الوحيد لو له اخوان نقول بيشلو الحمل معاه
ليال: ان شا لله الثاني بيجي وبيملي الدنيا على امه وابوه واخوه
ام عبدالرحيم بحنيه: وانتي اشلونج يما مع الي ببطنج.. ان شا الله طمنوج عليه
خوله فاتحه عينها: الحمدلله.. الحمدلله

&&&&&&&&&&&&&&&&&&&&&&

8:25 اليل
فيلا لافي ..غرفة لافي..
لندن
لافي بحده: الكلبه الحقيره.. ليتني القاها.. القاها بس وبعرف كيف اكسر راسها
ام ناصر: الله يشيلها.. الله يشيلها حرقت قلبي على ولدي
لافي بحده: كيف اهربت كيف
ام ناصر: ولدي يالافي ولدي بيموت حسره عليها
لافي: عرفت تخليه يتعلق فيها وهي عقرب تلعب عليه
ام ناصر: كيف ما حسينا عليها
لافي: الغريب انها تطلع معاه وتدخل معاه وعمرنا ماشفنا الغلط منها
ام ناصر: فيه شي غلط في الموضوع
لافي: ليتني ذبحتها قبل لا تهرب ليت
ام ناصر: القهر الي جوا قلبي كبير.. ليتني مسكتها من شعرها وغسلت بوجهها ارض الملحق الي هي فيه
لافي بكل غضب: العقرب.. كيف تمسكنت حتى تمكنت.. بنت الليل الي ماحسينا عليها
ام ناصر تبكي: آآآآآآآآآآآآآه يما على ولدي.
لافي: الخوف منها لاتخرب شغلي
ام ناصر بحده: خايف على شغلك وناسي الي حابس نفسه وقافل على روحه الملحق
لافي بحده: ولدي بخير.. كم يوم وبيفوق من الي هو فيه.. بس المهم هالكلبه فين راحت.. وين اختفت
ام ناصر بحده: اقول له ولدي.. يفكر فيها وين راحت تبي تجنني انت
لافي يمسك ذراعها وبحده: اشوف قمتي ترفعي صوتك يالطيفه.. من متى تعلمتي هالشي
ام ناصر: من قهري على ولدي..ماكان قصدي يالافي.. ناصر حاله مايسر.. المره هذي بيذبحه الحزن على هالكلبه
لافي بحده: قلنا يومين وبيطلع من الي هو فيه.. غيره ايش في
ام ناصر: ولا شي ولا شي
لافي يتركها: لطيفه
ام ناصر بخوف: نعم يا بوناصر آمرني
لافي: جعان جهزي لي شي آكله
ام ناصر: حاضر.. هذا تلفونك يا لافي شوف من يدق
لافي: وينه
ام ناصر: على الطاوله بجيبه لك
لافي بحده: اشوف جيبيه
ام ناصر: هذا الرقم غريب ومن هنا يمكن هي
لافي بغضب: الو
مسعود: عمي انا مسعود
لافي: ها ايش عرفت
مسعود: الاوراق الي بيدي مكتوب فيها انها كانت حاجزه على طيارة السعوديه بكره.. بس بهذيك الليله ارجعت حجزت على قطر.. وسافرت على الطياره يا عمي
لافي بحده: كنت متوقع.. جيب الاوارق معاك.. وعط المقسوم لديفيد وقوله لافي مبسوط منك كثير.. مع السلامه
ام ناصر: ها بشر وينها فيه
لافي بغضب: في قطر
ام ناصر مستغربه: وكيف راحت على قطر.. كيف مافهمت
لافي: اجل اسمعي هذي.. كانت حاجزه على طيارة بكره للسعوديه
ام ناصر: جعلها الوجع كانت مقرره تهرب!!!!
لافي: بس ايش الي خلاها تفكر تهرب.. ماني فاهم
ام ناصر: والان كيف بتلاقيها بقطر
لافي: بشوف احد هناك يدور عليها.. حبايبي كثار
ام ناصر: يعني بتردها لولدي
لافي: بجرها من شعرها وبخليها خادمه تحت رجوله هذا ناصر بن لافي
ام ناصر: ما اظن احد يقدر عليها جعلها الوجع متى خططت ومتى حجزت
لافي: هذي ليال.. انتي فاكره انها وحده من البقر الي عندك.. هذي ليال
ام ناصر: يعني اروح ابشر ولدي.. اقوله اننا لقيناها
لافي: روحي
ام ناصر بفرح: الله يخليك لي ولعيالي يالافي
روحي.. روحي خليني مع هاجس ليال شوي.. كل يوم عن يوم تكبري بعيني ياليال.. ياليتني عرفتك قبل ناصر.. كنت عرفت كيف اروضك.. مهره يا ليال مهره.. تحتاج لخيال يروضها.. حسافه.. لو ماكنتي زوجه لولدي.. كنت تزوجتك من زمان.. القاكي بس.. كيف حسيتي بالخوف وحجزتي على السعوديه.. ايش الخوف الي سكنك.. انا ما عملت شي غير اني ما ابيكي تحملي الان.. اش لك بالعيال ودوشتهم.. بيشغلوكي عن شغلي.. كنت فاكر اني مسيطر عليكي.. كيف فلتي من يدي كيف.. القاكي يا ليال.. القاكي واشغلك زي العبيد عندي.. القاكي بس وبعدين يصير الي ابيه.. كيف تصرفتي من ورا لافي.. كنتي قدام عيني طول الوقت كيف كنتي بهالبرائه وانتي بنت ليل.. كيف قدرتي تتحركي من غير لا احس عليكي.. هربتي في غفله مني.. منين جبتي الفلوس.. منين وانتي ما عندك حساب هنا.. منين وانتي تاخذي مصروف حالك حال العيال.. منين جبتي الفلوس يكون فيه احد ساعدك!!.. بس هي ماعندها ربع او اصحاب تلجأ لهم.. التقارير الي توصلني تقول انها معزوله عن الكل همها الدراسه وبس.. القاكي ياليال واذا لقيتك هذا وجهي ان شفتي نور الشمس من جديد.. مهره ياليال مهره

&&&&&&&&&&&&&&&&&&&&

يتبع

02-01-09, 08:21 AM

المشاركة رقم: 47

المعلومات
الكاتب:	دانة الحمادي
اللقب:	ليلاس متالق

البيانات
التسجيل:	Nov 2008
العضوية:	102916
المشاركات:	118
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : دانة الحمادي المنتدى : الارشيف

9:10 الليل
المستشفى ..غرفة يوسف النشمي..
السعوديه
ام سلطان: انت بخير ياروحي
بوسلطان: بخير الحمدلله
ام سلطان تحس بشي يوجعك؟
بوسلطان: احس بقلبي يوجعني مع كل دقه ينبض فيها
ام سلطان بخوف: بعيد الشر عنك انادي الدكتور؟!!
بوسلطان بحزن: لا.. نادي ليال
ام سلطان: ليال؟.. الله يردها لحضننا
بوسلطان: ماراح ترد.. ماراح ترد.. ماراح تسامحنا ولا راح تآمن لنا من جديد.. هذي بنتي وانا عارفها
ام سلطان: وين بتروح يعني يارجال.. اكيد بيهدى قلبها وبترجع تدق وبتقول تعالو خذوني.. بتقول ام سلطان قالت
بوسلطان: هذي ليال يا نوره
ام سلطان: عارفه يا يوسف عارفه.. الله يردها لحضننا
بوسلطان: قلت لك ماراح ترد.. ابي اتطمن عليها بس.. الصور الي شفتهم تقطع القلب.. تقطع القلب
ام سلطان: الله يلطف بها وبنا.. الله يلطف بها وبنا
بوسلطان: مادقت على احد من اخوانها؟
ام سلطان: لا.. وهم مانزلو التلفون من يدهم يدقو على الرقم الي اتصلت منه.. بس يقولو الجهاز مسكر
بوسلطان يبكي: اكيد خايفه وتبي تأمن نفسها.. اااااااه يا يبا ظلمتك يانور حياتي.. ظلمتك ياقطعه من روحي
ام سلطان تبكي: كيف صدقنا فيها هالكلام.. كيف لافي اقنعنا بالي قاله..
بوسلطان: عشان انها كانت تكلم ناصر من ورانا من قالي الكلب عنها الي قاله تذكرت انها كلمت ناصر من ورانا النار اشعلت بقلبي.. صدقت كل الي قاله في حقها.
ام سلطان: سوسن الوحيده الي ماصدقت.. الوحيده الي عارضت.. منال ياقلبي حايره خايفه على اختها وخايفه تخسرنا.. اااااااااااااااه قلبي يايما وينك تجي تشوفي نوره والي جرا لها ولبنتها

&&&&&&&&&&&&&&&&&&&

10:15 اليل
فيلا عبدالرزاق ..في الصاله..
قطر
عبدالرزاق: ماني فاهم شي !!!!!
خوله: هذي الي قالته
عبدالرزاق: وورتك الاثباتات
خوله: وسمعت صوته بعد.. كانت مسجلته يقول لها لو ماكنتي زوجه لولدي كنت تزوجتك
عبدالرزاق بحده: الخسيس.. هذا ما يدل طريق الله باين
خوله: اش بنعمل لها الان؟
عبدالرزاق: لازم اعرف من هو زوجها الاول.. وبعدين اقرر ايش ممكن نعمل
خوله: طلبتك.. لا تخليها تعيش بالسعوديه بروحها.. هي على قوتها بس بتضيع.. هذي حامل وما تعرف شي عن الحمال والولاده
عبدالرزاق: ولاشي !! ولاشي!!
خوله: اقولك طلبت من صوفيا تجيب لها ليمون.. وجلست تاكل فيه حتى القشر.. وماتعرف انه هذا وحم
عبدالرزاق: لا حول لله ولا قوة الا بالله.. في ذمة هالكلب حسبي الله عليه
عبدالرزاق: بس انتي تقولي انها فقدت اثنين من قبل.. اشلون ما تعرف ان ذي وحم
خوله: كل مره الوحم كان شكل.. هالمره ما انتبهت انها تتوحم من عز الي هي فيه
عبدالرزاق: وماقالت لك مشتهيه شي غير الليمون
خوله: لا ماقالت واذا صار عارفه انك ماراح تقصر
عبدالرزاق: هذي برقبتنا.. اياكي تبخلي عليها بشي
خوله: حاضر.. وان شا الله نقدر نعوضها لو شي بسيط عن الي شافته
عبدالرزاق: ...........................
خوله: تفكر في شي!!
عبدالرزاق: اكيد.. لازم اناديها هنا الاول.. صوفيا صوفيا
صوفيا: يس بابا
عبدالرزاق: نادي مدام ليال
صوفيا: اوكي
خوله: تراهي مصممه ماتقول عن لقب عيلتها وعيلة زوجها.. خايفه على الي ببطنها كثير.. تراهي فقدت اثنين قبله
عبدالرزاق: لا تخافي بعرف اخليها تتكلم
خوله بترجي: لا تخليها تعيش بالسعوديه لحالها يا عبدالرزاق
عبدالرزاق: يا خوله ليال ماراح تعيش معاج العمر كله.. لا تتعلقي فيها جذي.. حبيبتي بيجي اليوم الي بتمشي فيه.. اما تتصلح الامور مع زوجها او مع اهلها.. البنت مالنا فيها شي.. هي استجارت فينا واحنا واحنا بعون الله بنجيرها بنجيرها بس محنا اهلها.. واكيد بتحن تروح لهم.. مايصير نربطها ونقول لها لا اجلسي مع خوله
خوله: ما تتخيل كيف حبيتها
عبدالرزاق: حبيها ياقلبي.. عارف انه ماعندج خوات.. وخواتي ماقدرتي تكسبيهم حولك.. معلش لو بيدي خليتج تعيشي معاها العمر كله.. بس البنت اكيد بتروح لاهلها
خوله: يعني انت بتوديها لهم
عبدالرزاق: اذا بغت من عيوني بوديها.. بس اذا امانها معاج خلاص البيت بيتها واحنا ضيوف عندها
خوله: الله لا يحرمني رجولتك ونخوتك يا عبدالرزاق
ليال: السلام عليكم
عبدالرزاق: وعليكم السلام.. هلا بام... ام من اناديكي
ليال تبتسم: تصدق ماقررت
عبدالرزاق: اجل اختاري وخليني اناديكي فيه
ليال: بختار يحيى.. لا محمد
عبدالرزاق: هههههههههههههه حددي موقفك يا يحيى او محمد
ليال: ما ادري الاسمين غاليين علي
خوله: يحيى مو حلو اش عاجبك فيه
ليال: لا.. لا تقولي كذا.. هذا اسم النبي يحيى.. عشقت الاسم من قريت في قرأن قوله تعالي بسم الله الرحمن الرحيم "ولم نجعل له سميا" الاسم ذا صار مخصوص للنبي يحيى.. يعني مميز عند الرحمن.. ولا ماقال ولم نجعل له سميا
عبدالرزاق: صدق الله العضيم.. طيب ومحمد
ليال: سيد الناس والبشر
خوله: عليه الصلاة والسلام
عبدالرزاق: افهم من كذا انه الاسمين مايرتبطو باي احد عزيز عندك
ليال: ايوا يرتبطو.. ومافي اعز منهم
خوله: من هذول!!!!!
ليال: النبي يحيى والنبي محمد
عبدالرزاق: هههههههههههههههههه
ليال: ههههه لا تتوقع انك ممكن تعرف اسم ابو زوجي يا خوي
عبدالرزاق بجديه: ضروري اعرفه اختي حتى اعرف اشلون اتعامل معاه.. ولدك لازم يعيش.. واذا ظليتي ساكته.. ممكن ابو زوجك يآذيه وانا ماني عارف انه هو ابو زوجك
خوله: لازم تقولي ياليال.. انا عارفه انه قلبك مرتاح لنا.. ولا غير جذي كنتي مشيتي وشفتي مكان ثاني.. حبيبتي لازم نعرف
ليال: اذا عرفتوه بدخلكم في مشاكل معاه.. الامان الي انتو عايشين فيه ذا كله بيروح.. انا ماني مخططه اعيش العمر كله هنا.. ابي اهدى هاليومين بس وبشوف مكان قريب منكم.. بس اني اعيش معاكم هذا اكبر خطر عليكم
عبدالرزاق: ياشين الحرمه اذا فكرت بعاطفتها عشان تحمي الي تحب.. بتخلصي وتجيبي اسمه برضاكي.. ولا اعرفه بطريقتي
ليال بخوف: وكيف بتجيبه يعني
عبدالرزاق: عادي اختي.. ادق على واحد من حبايبي واقوله فيه وحده اسمها ليال دخلت قطر في رحله رقم كذا الساعه كذا شوف لي اسمها.. ويدق علي ويعطيني اسم ليال بالكامل.. وبعدين ادق على واحد ثاني من حبايبي واقوله عندي هالاسم ابيك تشوف لي هي مين وبنت مين ومتزجه مين.. العمليه ماراح تاخذ اكثر من نص ساعه
خوله: هههههههههههههههههه مالك فكك ياحلو
ليال تبتسم: ويعني انت لسا ما سألت وعرفت.؟
عبدالرزاق: من غير لا استأذنك؟.. اكيد لا
ليال: واذا طلبتك لا تردني.. سيبني اتصرف بنفسي من غير لاتدخل انت وتتأذى
عبدالرزاق: بردك بطلبك
ليال: ابو زوجي ماهو شخص عادي
عبدالرزاق: على نفسه يا اختى ماهو على الناس
خوله: ياشين راسك اليابس.. انطقي عاد
عبدالرزاق: جاوبيني الاول
ليال: خير
عبدالرزاق: انتي تملكي شي.. عندك الي يصرف عليك
ليال: الحمدلله.. عندي
عبدالرزاق مستغرب: ورثه مثلا ولا من زوجك
ليال: لا ذا ولا ذا.. انا اشتغل واصرف من مجهودي
عبدالرزاق: بس الان انتي انقطعتي عن شغلك
ليال: لا.. الحمدلله ما انقطعت عنه
عبدالرزاق: اشلون يعني مافهمت.
ليال: شغلي يعتمد على الانترنت
عبدالرزاق: اها.. الانترنت قلتي
ليال: ايوا
عبدالرزاق: اش اسمك الكامل
خوله: يا حبيبتي جذي بنعرف وجذي بنعرف.. انطقي عاد.. شيلي الخوف من قلبك.. واذكري الله.. الا بذكر الله تطمأن القلوب.. وبتلاقي الله يدفعك انك تآمني لنا
ليال: ليال يوسف النشمي
عبدالرزاق يناظرها بحده: يوسف النشمي!!!!!!!!!!!!!!!!!!
خوله: تعرفه يا عبدالرزاق؟
عبدالرزاق: ايش يقرب لك صلاح
ليال بارتباك: مين صلاح
عبدالرزاق: صلاح يوسف النشمي
خوله: اخوها اكيد.. صح ليال
ليال تستوعب غلطها: .........................
خوله: مالك منزله راسك ليه
عبدالرزاق: ههههههههههههههههه اتركيها.. عشان ما انتبهت على غلطتها
ليال: يعني كشفتني
عبدالرزاق: كشفتك.. وانا اقول نظرة الحرمه هذي بالطياره كانت لها معنى اكيد
خوله: ايوا هو قال لي هالكلام.. بس انا ضعت بينكم فهموني
عبدالرزاق: تذكري نورحياتي
خوله: من ذوقك ومن لطفك؟
عبدالرزاق: ههههههههههههههه اي هيا
خوله: مالها
عبدالرزاق: لما اتفقت معاها على فلوس الاعلان عطتني رقم حساب.. وسألت عن صاحب رقم الحساب لقيته بأسم صلاح يوسف النشمي
خوله: مييييييييييييييييييييييييين!!!!!!!!!!!!!!
عبدالرزاق: هههههههههههههههه هذي هي نورحياتي قدامك ياخوله
خوله مستغربه: والله الدنيا صغيره والله
ليال: زوجي اسمه ناصر لافي بن فهد.. ولد التاجـ..............
عبدالرزاق يفز من مكانه: التاجر الي ماحد قادر يكسره!!! عرفته
خوله تمسكه من ثوبه: يعني شنو!!.. يعني شنو!!
عبدالرزاق: يعني ابليس بعينه
خوله: بسم الله الرحمن الرحيم.. يما على اختي
عبدالرزاق: لازم اتصرف بسرعه.. زمانه عرف انك هنا بقطر.. هذا لافي انا اعرفه زين

&&&&&&&&&&&&&&&&&

- ايش راح يعمل عبدالرزاق حتى يأمن الحياة ليال
- ام عبدالرحيم يتقدر ليال توقفها عند حدها.. ولا بتجي بمصايب جديده ليال وخوله المسكينه
- ايش بيجرا على ناصر بيعرف الحقيقه وبيرجع ليال؟!! ولا بيضيع ليال من يده
- ايش خطة ليال الجديده للانتقام من لافي

احداث جديده ومثيره
تابعوني

انتظر ردودكم يا عسل

اختكم.. دانه الحمادي

02-01-09, 08:22 AM

المشاركة رقم: 48

المعلومات
الكاتب:	دانة الحمادي
اللقب:	ليلاس متالق

البيانات
التسجيل:	Nov 2008
العضوية:	102916
المشاركات:	118
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : دانة الحمادي المنتدى : الارشيف

الجزء الخامس

لعيون الكل

قرائه ممتعه

02-01-09, 08:25 AM

المشاركة رقم: 49

المعلومات
الكاتب:	دانة الحمادي
اللقب:	ليلاس متالق

البيانات
التسجيل:	Nov 2008
العضوية:	102916
المشاركات:	118
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : دانة الحمادي المنتدى : الارشيف

علمتني قسوته ان اكون

الجزء الخامس

10:45 اليل
في فيلا عبدالرزاق ..الصاله..
قطر
عبدالرزاق على التلفون: ايوا ياخوي ايش صار معاك
خوله بعيد عن عبدالرزاق: مالك ليه عيونك زايغه جذي.. اذكري الله بس
ليال بخوف: لا الاه الاالله
خوله: ماكنتي تبين تروحين السعوديه هذا انتي بتروحين.. وبترجعين لي مره ثانيه
ليال: ايوا بس..............
خوله تقطعها: لابس ولا غيره توكلي على الله.. الي عبدالرزاق قاله هو عين الصواب.. وبعدين انتي اش منه خايفه.. بخلي صوفيا تجي معاكي.. وعبدالرزاق لا تخافي منه.. الي يخاف من الله يا ليال لاتخافي منه
ليال: انتي ليه تعملي معي كذا.. مافي وحده تعمل كذا لاختها اجل كيف لوحده ماتربطها بها غير علاقه ماكملت يوم حتى
خوله: احبك اش اسوي يعني.. الله بلاني فيك.. اتركك يعني.. قومي يلا جهزي عمرك.. وتوكلي على الله
عبدالرزاق: خوله جوازك جاهز
خوله: أي جاهز
عبدالرزاق بجديه: خلي وحده من الشغالات تجيبه.. لازم نتحرك الحين
ليال تتذكر شي: لا استنى شوي
عبدالرزاق: خير فيه شي ماقلتي لي عنه
ليال: ابي ادز رساله مهمه لواحد قبل مايخدعه لافي وينصب عليه
عبدالرزاق: ومين هالواحد؟
ليال متردده: ..............................
خوله: يعني جات على اسم هالرجال الحين.. مابقى شي ماقلتيه.. قولي اشوف وتحركي قبل لا ابليس يغلبنا
ليال: اسمه جراح بن مبارك
خوله بذعر: ويه جراح ماغيره ياعبدالرزاق؟
عبدالرزاق: اش تبين تقولي له
ليال: لا يقبل بالصفقه.. واذا قدر انه ينسحب خله ينسحب.. عارفه انه الانسحاب شي صعب الان.. قول له يدفع الغرامه.. ولا بيلاقي مشاكل كثيره قدامه
خوله: اش تسوي؟
عبدالرزاق يدق على التلفون: .. الو جراح اعذرني ياخوي.. ماعندي وقت.. اسمع انت عندك صفقه مع لافي بن فهد هاليومين.. لاتقبل بالصفقه فيه لعبه كبيره عليك.. واذا قدرت انك تنسحب انسحب.. سامعني.. الان انا بصدد مشكله اكبر مع لافي.. اشوفك على خير..مع السلامه
ليال: انت تعرف جراح!!!!!
عبدالرزاق: اعرفه.. يلا انتي جاهزه؟
ليال: جاهزه
خوله: امانة الرحمن تحفظك لي ياليال.. ترجعي لي سالمه غانمه.
ليال: امانتك الي اعطيتيني ياها بحافظ عليها زي منا محافظه على الي ببطني.. ماراح انسى موقفك ياخوله
خوله تحضنها بقوه: حلو احساس الاخوه ياليال ماعمري جربته.. واذا على عبدالرزاق.. عارفه انك محترمه وواثقه فيكي ثقتي في نفسي
ليال: بكره بأذن الله حنا عندك.. ماراح اتأخر.. اشوف ابوي واتطمن عليه.. وارجع
خوله: خذي راحتك وكملي شغلك كله.. حتى ماتقولي لي ارجع للسعوديه من جديد
عبدالرزاق بحده: يلا ياحريم

&&&&&&&&&&&&&&&&&&

11:00 اليل
فيلا الجده ..الصاله..
السعوديه
الجده: ليه مادقت علي!!.. ليه مالجأت لي!!.. اكيد البنت جرا عليها شي
فتحيه: يما تظني انه عمل فيها شي
بونور: تعوذي من ابليس بس.. هو صحيح كلب ويعملها بس اكيد لا
ام نور: وانت كيف متأكد كذا.. البنت لا حس ولا خبر
الجده: أي والله لا حس ولا خبر
بونور: لانها صورت نفسها زي ماسمعت.. واكيد هو ماراح يصورها ويدز الصور ويفضح نفسه
فتحيه تنتبه: صح يما معاه حق
الجده: بس ليه ما دقت!!.. ليه؟
بونور: الي في وضعها الان.. بتفكر اكيد كيف تأمن نفسها وما راح تظهر حتى يده ماتطالها
فتحيه: الي مستغربه منه انه يوم رحنا كانت عايشه معاهم سعيده.. صحيح انه وجهها يوجع القلب بعد ما فقدت ولدها.. بس كان باين انهم مدليلينها ومريحينها.. وناصر شايلها من عن الارض شيل
بونور: الي نوف قالته لخالتها.. انهم في الفتره الاخيره اجبروها انها تشتغل معاهم بتجارتهم وهي كانت رافضه
الجده بحده: يعني ماقلتي لي
ام نور بخوف: لا يما ماكان قصدي اخبي بس نسيت.. والله ما انتبهت سامحيني يما
الجده: ايش قالت نوف
ام نور: قالت انه في صفقه كبيره مع رجال مهم ابوها ماكان قادر يكسره بالسوق فجات فرصه حتى يصيرو شركا بس لافي اصر انه يكسر هالرجال لما مالقا حل قال لليال انها تلقي نظره على الاوراق وتقوله على طريقه ممكن انه يملك هالمشروع وهي ارفضت.. ضغط عليها هو وناصر لحد ما وافقت على الي يبونه.. ومن يومها وهي حالها متغير.. حتى يوم ما صار الي صار كانت ليلتها متنيمه بالمستشفى من التعب
الجده: قلبي على هالبنت.. مارضت على الغلط
بونور: وهو بعد ماقصر فضحها عند الكل دق على الكل وقال لهم
الجده: حتى يبعد التهمه عن نفسه.. رمى عليها الغلط وبعد نفسه.. محسبنا بقر ماعندنا عقول حتى نصدق في البنت
ام نور: يما نوف قالت انه صلاح بيسافر ياخذها وبياخذك معاه
فتحيه: ايوا دق عليها وقال لها وانا بروح معاهم بعد
بونور: عمتي تبيني اجي معاكي تراني جاهز
الجده: لا يما ابي اروح احط عيني بعينه الي مايخاف الله.. اذا صرت معاي اخاف يحرجك
فتحيه: عاد هو يا حبه يحرج الناس
ام نور: ايش لاقيه فيه لطيفه الي تعشق ترابه كذا
فتحيه: ان جيتي للشكل صحيح انه ماهو حلو ذاك الزود.. بس ما ادري ليه انا اشوفه حلو.. وان جيتي للهيبه.. هيبة ملك.. وان جيتي للمال.. فهو متربع على كنوز الدنيا.. وانجيتي للسان.. فاحلى الكلام يسمع اختك اذا راضي عليها.. ايش بقا بعد ماقلت
ام نور: نسيتي تقولي انه لاعب بعقلها.. ومعمي عينها.. ومعيشها في حصن منيع مايتركها تروح لاحد ولا احد يجيها الابشروطه ورضاه.. ونسيتي تقولي انه اذا قسى عليها احلى كف تاخذه من يده.. واذا بغى يتفاهم مايتفاهم الا بسيفه.. محسب نفسه على ايام عنتره
فتحيه: واختك هبله اقصد عبله
بونور: ههههههههههههههههههه الله يقطع شرك يافتحيه
الجد بحزن: هم يضحك وهم يبكي

&&&&&&&&&&&&&&&&&&&
11:30 الليل
في سيارة ليال
قطر
خوله: وصلتي للجوازت؟
ليال: لا لسا
خوله: تأكدتي انه جوازك الي عندك
ليال: ايوا هو جوازي
خوله: وعبدالرزاق وين؟
ليال: قال بيسبقني.. بس انا اشوفه.. قال للسايق اذا وصلنا للجوازات ينتظر ربع ساعه وبعدين نلحقه
خوله: جذي صح
ليال: ايوا ايوا
خوله ترفع من معنوياتها: ايوااااااااااا من قدها بتشوف ابوها
ليال: ايوا بشوفه ليتني اقدر ارتمي بحضنه
خوله: لا تقسي قلبك ياليال.. لا تمنعي روحك اذا بغيتي
ليال: ما اقدر يا خوله ما اقدر لا زم أأمن ولدي
خوله: مافيه مانع انهم يعرفو انك عايشه ومين راح يبلغ لافي يعني
ليال: لا.. ولو لافي يقرا حركات العيون بيعرف انهم يعرفو عني.. مابيتركهم يا خوله.. وانا خايفه عليهم
خوله: على الاقل قولي لسوسن.. هي الوحيده الي بتحافظ على سرك
ليال: بشوف ايش يصير معاي.. قربنا من الجوازات يا خوله
خوله: وعبدالرزاق سبقكم؟
ليال: ايوا
خوله: خليني معاكي على الخط لا تقفلي
ليال: حاضر
خوله: ومثل ماقال عبدالرزاق لا تنطقي
ليال: حاضر خليني انزل التلفون قربنا خلاص
السايق: السلام عليكم
موظف الجوازات: وعليكم السلام
السايق: هزا جوازات بابا
موظف الجوازات: كومار راجيش؟
السايق: يس بابا
موظف الجوازات: ليال النشمي؟
السايق: يس بابا
موظف الجوازات: اخت ليال ماتردي علي
السايق: بابا هزا ماما مافي كلام.. مريز
موظف الجوازات: لا حول ولا قوة الا بالله.. الله يشفي الجميع
السايق يمشي: شكرا بابا.. يلا ماما خلص كلم تلفون
خوله: هههههههههههههههههههههههه
ليال: هههههههههههههه الله يقطع بليسك ياكومار
خوله: قتلني ضحك يقول مريز.. فكرت فيها واكتشفت انها مريض
ليال: ههههههههههههههههه والله نساني الخوف
خوله: هو جايب هالكلام من جيبه باين
ليال: اكيد لانه عبدالرزاق ماقال له يقول كذا
خوله: هذا باين عليه ذكي
ليال: انت ايش اسمك؟
السايق: خان ماما
خوله: وكومار منين جا
ليال: والله ما ادري.. لقيت عبدالرزاق يعطيه هالجواز ويفهمه انه اسمه بيكون كومار
خوله: اها
ليال: خان.. اذا رجعنا لقطر ابيك تشتغل عندي موافق
خان بفرح: انا فكر ماما
خوله: هيييييييي انتي لا تتصرفين من نفسك جذي قولي لعبدالرزاق الاول
ليال: اكيد بقول له.. بس السايق ذا انا ابيه
خوله: طيب لا تتفقي معاه على اي شي الان اتركيه على عبدالرزاق هو يخلص لك
ليال: الا هم كم ياخذون؟
خوله: ما ادري بس كأنه بين 1000 او 1500 ريال
ليال: خان انا بعطيك 3000 ريال موافق تجي عندي
خان متشقق: خلاص ماما انا فكر.. انا وافق
خوله: هههههههههههههههه جعلك العافيه ياليال.. الرجال فكر ووافق والله وعامل لنفسه اعتبار
ليال: ما احبك تتكلمي كذا يا خوله.. من حقه يفكر ومن حقه يرفض.. حنا ما استعبدناهم هذول بشر بعد

&&&&&&&&&&&&&&&&&&&

11:45 اليل
في فيلا عبدالرحيم ..الصاله..
قطر
ام عبدالرحيم: والله ماظنيت خولوه يطلع منها كل هالشي
ساره: والله يا خالتي.. خوله طول عمرها طيبه بس انتي الله يهديج دايم قالبه عليها.. ولا البنت من خذت عبدالرزاق ماشفنا منها العيبه
ام عبدالرحيم: اشوف انقلبتي علي ياساره
ساره: والله ياخالتي تعرفيني زين.. انا ما احب اجامل ولا انافق والحق بقوله بقوله لو على قص رقبتي.. خوله مافي منها.. ماهو عشان كنتي تبين تزوجين عبدالرزاق بنت عمه طلعت بنت الناس شينه.. هذي نصيب ياخالتي.. وانتو سويتو الي مايستوي عشان عبدالرزاق يتركها وماقدرتو على قدرت الله .. والبنت مع ذي كله صابره وما تكلمت.. وحده غيرها كان سمعتكم من الكلام الي ماينقال
عبدالرحيم يدخل: وانتو من تجتمعون.. سوالفكم كلها عن خوله
ساره: والله يا عبدالرحيم انا اقول حق خالتي خوله مافي منها.. بس هي الله يحفظها كارهتها من زمان
عبدالرحيم: أي والله يما زوجتي معاها حق.. خوله مافي منها
ام عبدالرحيم: أي وانا اش قلت عاد.. كنت اقول حق ساره عن ليلى ضيفة خوله.. خوله امدحتني عند البنت تقول امها
عبدالرحيم: راعية سنع خوله يايما
عبدالرحمن يدخل: ياذي خوله الي صدعتو راسي بها.. ياناس يا عالم ارحمو اذني.. صرت اسمع اخبار خوله اكثر ما اسمع عن عبدالرزاق اخوي
عبدالرحيم: امك لو تهدى شوي عليها.. الكل يرتاح
عبدالرحمن: يما ياحبيبتي تعبنا واحنا نقولج عبدالرزاق يحبها.. يحبها.. يحبهااااااااااااااا.. وبعدين بنت العم الي كنتو تتمنونها له روحي شوفي اش مسويه بام زوجها.. مبهدلتها
ساره: قول لها يا عبدالرحمن.. قول لها انها مجننتها وراحت اشتكت عليها بالشرطه والعجوز ياعيني ساكته وصابره عشان ولدها
ام عبدالرحيم: ويه ويه ويه كفانا الله.. الشرطه عاد
عبدالرحمن: أي يما الشرطه.. بنت العم المحترمه متهمه ام زوجها بسرقة ذهبها
ام عبدالرحيم: الله اكبر هالحرمه الطيبه المصليه المسميه.. تسرق وع على تربية هالكلبه وع
ساره: عاد تخيلي انتي لو مكان ام زوجها ايش كان حالج الحين
ام عبدالرحيم: ويه ويه ويه الله لا يقوله
عبدالرحيم: شفتي يما هذي خوله الي ماتطيقينها.. وزنها ذهب جنب بنت عمنا.. انا اقول عاد امي حبيبتي تخف على خوله عشان خاطر هالمسكين الي مقطع روحه.. عبدالرزاق مايستاهل الضغط الي هو فيه
عبدالرحمن: أي والله يما من يجي هنا مايرتاح بقعدته.. من يسمع صوتج ارتفع اخذ زوجته ومشى.. ماصرنا نشوفه ونقعد مثل الاول
ام عبدالرحيم: أي وانا اش قايله عاد
ساره بحده: كل الي تقوله عن هالمسكينه وتقول لك اش قايله.. لاحول ولا قوة الا بالله
عبدالرحمن: هههههههههههههههههههه طولي بالج يازوجة اخوي.. امي وانا اعرفها مابتغلط نفسها.. بس انا عارف امي زين طيبه وتحب الناس واولهم عبدالرزاق ولدها.. صح يما
ام عبدالرحيم: صح يما.. انا من لي غيركم
ساره بقهر: اقوم اجهز العشا
عبدالرحيم: أي والله يا ام سالم تراني ميت جوع
ساره: يخسى الجوع يا بو سالم
عبدالرحمن: يما سمعتج تقولين عن ضيفة خوله.. من هي هذي
ام عبدالرحيم: اسمها ليلى وزوجها صاحب عبدالرزاق اخوك.. عاد حراميه طاحو عليهم اذبحو زوجها واهله وهي نجت.. عاد شا قول لك على الي مسوينه فيها

يتبع

02-01-09, 08:29 AM

المشاركة رقم: 50

المعلومات
الكاتب:	دانة الحمادي
اللقب:	ليلاس متالق

البيانات
التسجيل:	Nov 2008
العضوية:	102916
المشاركات:	118
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : دانة الحمادي المنتدى : الارشيف

عبدالرحمن باهتمام: شمسوين!!!!!
ام عبدالرحيم: قاطعين وجهها من تحت عينها اليسار لحد خدها اليمين
عبدالرحمن: ول !!!!!
ام عبدالرحيم: هي على قد القطع الي في وجهها الا ان البنت جميله من صج
عبدالرحمن: هي متزوجه يما؟
عبدالرحيم: يا وجع قلبي تقول لك ذابحين زوجها واهله.. وهي نجت.. ايش تتوقع يعني
عبدالرحمن: أي عاد تقول لك جميله.. ايش فيك انت
عبدالرحيم: وانت من تسمع طاري الجمال تستهبل علينا.. ياخوي الحريم اطباع ماهم اشكال
عبدالرحمن: لا حول ولا قوة الا بالله.. انا قلت بتزوجها عاد.. انا اسأل عنها
ام عبدالرحيم: لا وحامل بعد
عبدالرحيم: ههههههههههههههه تقفلت ياحلو
عبدالرحمن: ما ادري متى بيصير لي حظ
ام عبدالرحيم: وانت ان شا الله بتدور لي على الجميله حتى لو كانت متزوجه
عبدالرحمن: والله اذا اطلعت راعية سنع وواجب مثل امي حبيبتي.. ليش لا
ام عبدالرحيم: لا ياروح امك ازوجك بنت.. ماهو ارمله وعندها عيال
عبدالرحيم: وولدك مطلق وعنده بنت وولد.. وين العيب اذا يتزوج وحده ارمله
ام عبدالرحيم بحده: انا قلت لا.. اذا بغيت تتزوج ازوجك بنت.. غير هالكلام ماعندي
عبدالرحيم: يا ساره ايش صار على العشا
عبدالرحمن: أي والله نقوم ناكل ذبحنا الجوع.. هالعقل عمره مايتغير لو شنو تسوي

&&&&&&&&&&&&&&&&&&

12:00 الصباح
في سيارة عبدالرزاق
السعوديه
عبدالرزاق: خلاص ياحبيبتي تحركو من الجوازات السعوديه خلاص
خوله: تشوفهم يا عبدالرزاق
عبدالرزاق: أي حبيبتي.. الحين بنروح على الفندق وبكلمها عشان اشوف اش مخططه
خوله: عبدالرزاق.. طريق الرجعه مخوفني
عبدالرزاق: لا تقلقي انتي بس.. واتركيها على الله.. معارفي كثير واذا صار شي.. بعرف اتصرف يا خوله ماني صغير
خوله: الله يحفظكم وترجعون لي سالمين
عبدالرزاق: نام الولد؟
خوله: أي حبيبي تعشى ونام
عبدالرزاق: احبك
خوله: مشتاقه لك.. تعرف انه البيت ماهو حلو بدونك؟
عبدالرزاق: تعرفين انه حياتي ماهي حلوه بدونج
خوله: الله لا يحرمني منك.. ياربي ماتحرمني منه
عبدالرزاق: ويخليكي لي يارب.. قفلي من عندي وشوفي الحرمه.. اكيد مرعوبه
خوله: بتصل عليها الحين

&&&&&&&&&&&&&&&&&

12:10 الصباح
في سيارة ليال
السعوديه
ليال: هههههههههههههههههه
خان: كزا ماما انا يعيش
ليال: لا من جد ذكي.. خان
خان: يس ماما
ليال: انا محتاجه انك تكون عندي على طول.. محتاجه تخاف علي وعلى ولدي.. اذا شفتك زين معاي بعطيك الي تبي
خان: ماما شوفي ازا انت ماما كويس.. انا كويس.. ازا انت ماما مو كويس.. انا موكويس.. ماما انا يبي اعيش زيك تمام.. انا بعد يبي عرس يبي جاهل زيك تمام
ليال: شوف خان.. انا ممكن ازوجك.. واخليك عندي انت وزوجتك حتى عيالك بهتم فيهم.. بس المهم انك تكون رجال زين تخاف علي وعلى ولدي
خان: ماما انا رجال زين.. ماما انا رجال كلش قوي.. ازا انت يبي حارس حق ولد انتي.. انا موجود
ليال: تعجبني يا خان.. خلاص اتفقنا
خان: اتفاق ماما.. انت واجد طيب
ليال: وانت بعد.
خان: ماما كلم هزا تلفون انتي
ليال: اه ما انتبهت الو
خوله: هلا حبيبتي
ليال: هلا ياروحي
خوله: كل شي تمام
ليال بفرح: الحمدلله.. كل شي تمام خان روح الخوف من قلبي
خوله: اشوفك تعلقتي فيه يا ليال
ليال: باين عليه طيب يا خوله.. وانا محتاجه له بحياتي
خوله: وانا ما انفع يعني
ليال: انتي روحي يا خوله الله عوضني بك الخير.. بس خان بيقضي مشاويري.. وبعدين هو عارف قطر كويس يقول انه من كان عمره عشر سنين وهو فيها
خوله: لحقتي تعرفتي عليه!!!!!!!!!!
ليال: اكيد.. وارتحت له كثير
خوله: شوفي عبدالرزاق الاول.. هو يعرفه اكثر مني ومنك
ليال: حاضر بقوله
خوله: دخلتي السعوديه
ليال: ايوا تصدقي ماحسيت بالطريق وخان معاي.. حتى الخوف نسيته.. صدقيني يا خوله حسيته واحد من هلي وخايف على اكثر من ماهم خافو
خوله: الحمدلله الي سخره في دربك
ليال: الحمدلله.. عشان كذا ماودي اتركه.. ابيه معاي على طول.. حتى لو يطلب المستحيل
خوله: اسكتي طيب يسمعك هو الحين بيكبر راسه وبيطلب اكثر من 3000 ريال الي قلتي بتعطيه اياه
ليال: اجل ابشرك افكر اسويهم 5
خوله بحده: اكيد انجنيتي انتي.. يالاول قولي لعبدالرزاق ياليال لا تتصرفي من نفسك جذي مفهوم
ليال: مفهوم طيب لا تزعقي علي كذا.. امزح
خوله: اش اسوي من خوفي اشوف الليله قراراتك سريعه.. اهدي ياقلبي ماهو عشان انتي بالسعوديه بتتوتري
ليال: صدقتي.. انا متوتره كثير
خوله: شوفي افتحي الكمبيوتر واشتغلي عليه.. ولا تتكلمي مع خان الا اذا احتاج الموضوع.. يا خوفي لا تكتبي باسمه كل الي تملكيه ياليال
ليال: هههههههههههههههههه الله يقطع شرك ياخوله

&&&&&&&&&&&&&&&

12:30 الصباح
المستشفى ..غرفة يوسف النشمي..
السعوديه
منال بخوف: بسم الله الرحمن الرحيم.. اسم الله يحفظك يبا.. مالك بعيد الشر
بوسلطان: حلم يبا حلم.. لاتخافي
صلاح بخوف: اشرب هالمويه.. بسم الله الرحمن الرحيم
منال: ارتحت؟
بوسلطان: الحمدلله.. الحمدلله
صلاح: ايش حلمت
بوسلطان عيونه مليانه دموع: ليال حبيبتي ليال
صلاح: الله يردها بالسلامه
بوسلطان: بتتصل فيك يا صلاح.. حلمت انها تتصل فيك بس ما تكلمك.. حبيبة قلبي كانت خايفه.. كنت اقول لها تكلمي يبا تكلمي.. وما رضت تتكلم.. كانت تناظر تحت رجولها.. كنت ابيها تنطق.. وما انطقت.. اقربت مني تبي تحضني بس رجال غريب منعها وسحبها معاه.. ومشو
صلاح يمسح دموعه: هي تتصل بس وانا اقطع من جلدي حتى احميها
منال تبكي: الله يردها لحظننا
بو سلمان يدخل: السلام عليكم
صلاح: هلا بالرجال وعليكم السلام
بوسلمان: كيف الي جالس يتدلع علينا.. ان شا الله اليوم قرر انه يطمنا عليه
بوسلطان بحزن: الحمدلله يبا.. خير من الله
بوسلمان: وكيف ام سلمان.. ان شا الله بخير
منال: تسلم لي ياخالد.. عارفه اني هامـ...................
بوسلمان: ها ايش هالكلام.. لا تنسي روحك هذول اهلي انا بعد.. ووقفتنا جنبهم ماهو غصب علينا الا من عيوننا.. والله لو بيدي شي كنت ماقصرت.. ولا اني اشوف هالحزن بعيون عمي
بوسلطان: والنعم فيك والله اني انحسد على نسبك يا خالد
خالد: الشرف لي ياعمي.. انت ربيت صح ياعمي ولا تخاف على ليال.. طول عمرها عن الف رجال.. بحياتها ما بترضى تنزل راسك ياعمي او تكسره
صلاح: اعذروني معي تلفون
بوسلمان: خذ راحتك يالنسيب
صلاح: الو
عبدالرزاق: السلام عليكم
صلاح: وعليكم السلام .. مين الرجال
عبدالرزاق: عبدالرزاق بن سالم.. من قطر
صلاح: حيا الله الرجال.. عبدالرزاق بن سالم والنعم بك وباهل قطر كلهم.. آمرني ياخوي
عبدالرزاق: والله ياخوي سمعت عنك من صاحب عزيز علي.. قال لي عن شغلك انه ممتاز.. عاد قلت دام اني بالسعوديه امر اشوفك.. واتعرف عليك.. وان شا الله اذا الله اراد تكون بيننا صفقه حلوه ولها فايده لي ولك
صلاح: تشرفت اني اسمع صوتك يا خوي.. بس والله ماني عارف ايش اقول.. انا ما ابي اردك بس.........
عبدالرزاق يجره بالكلام: خير يا خوي عساك بخير
صلاح: بخيرالله يسلمك.. بس الولد تعبان شويه وانا................
عبدالرزاق يقطع عليه الكلام: بعيد الشر ان شا الله بعيد الشر.. لاااااااا لازم ازوره واتعرف عليك وعليه.. ترا زيارة المريض واجبه وانا اخوك.. عطني عنوان البيت وان شا الله بكره تلاقيني عندك
صلاح: الله يحيي اصلك ياخوي.. الوالد بالمستشفى ماهو بالبيت
عبدالرزاق: بعد خير.. وان شا الله صحته احسن الحين
صلاح: الحمدلله يا خوي الدكتور طمنا.. بس قلبي مشغول عليه شوي.. اعذرني اذا رديت طلبك وهذي اول مره اتعرف عليك فيها
عبدالرزاق: عيب عليك يا رجال لاتقول جذي.. حنا اخوان.. وصاحبي شكر فيك وفي اصلك وشهامتك وانا من كثر الي سمعته عنك..
والله اني متشوق اشوفك.. واذا ماصار نصيب بالشغل هالمره ان شا الله المره الجايه.. بس المهم لا تحرمني اني اشوفك واتشكر للوالد بالسلامه
صلاح: حياك يا خوي.. وانا بعد ابي اتعرف عليك
عبدالرزاق: وين المستشفى قلت لي.. اه ايوا عرفتها خلاص.. بكره الصباح اكون عندك.
صلاح: مع السلامه ياخوي
بوسلطان: هذي ليال يا يبا صح!!!!
بوسلمان: هذا يكلم صاحبه ياعمي.. ماهي ليال
بوسلطان: لا.. هذي ليال وانتو منتو عارفين
صلاح: بكره هالرجال بيجي يزورك وبتعرف انه ماهو ليال
بوسلطان: بس الي كلمك ليال يا صلاح.. انتبه يا ولدي انتبه.. هذي ليال.. اياك تتركها تبتعد عن عينك يا صلاح.. هذي ليال
منال تمسح دموعها: حاضر يبا هو بينتبه وحنا بعد.. غمض عيونك وارتاح.. اذا هالرجال تبع ليال.. بيجي بكره وبيطمنا عليها.. نام حتى بكره يجي بسرعه
بوسلمان يمسح دموعه: الله يردها بالسلامه
منال تهمس: صلاح دق على سوسن وقول لها الي صار.. وخليها بكره تكون هنا.. اذا هالرجال فعلا تبع ليال يمكن تكون هي معاه.. اكيد راح تبين نفسها لسوسن
صلاح بهمس: وانتو من صدقكم الان.. هالرجال انا مشتغل مع صاحبه.. وكان يبي يشتغل معاي.. ايش دخل ليال به
منال بهمس: ابوك نام الان اعمل الي قلت لك عليه ياخوي.. ابوك اكيد حاس بها
صلاح: حاضر ادق على سوسن الان

&&&&&&&&&&&&&&&&&

12:50 الصباح
في الملحق مع ناصر
لندن
ام ناصر: افتح يا يما.. ناصر يا حبيبي افتح خلني اشوفك واتطمن عليك
نوف: ناصر حبيبي افتح ابوي يقول لقا ليال
العنود: ناصر.. ياخوي لا تقطع قلوبنا عليك.. يا خوي افتح خلنا بس نشوفك
نوف: ايوا ياناصر بس نشوفك ماله داعي تتكلم حتى
ام ناصر: ناصر.. ناصر يما
نوف: ناصر حبيبي.. اكيد فيه شي غلط.. اكيد فيه شي غلط
العنود: ناصر ماهو معقوله ليال تخونك.. ليال وحده عدله.. وهي ماتشوف غيرك
نوف: هي من تزوجتك وهي تموت بالتراب الي انت تمشي عليه
العنود: يا ناصر قوم دور عليها وافهم منها.. اكيد فيه شي غلط ياخوي
نوف: لو البنت ينعاب عليها.. كان بين عليها يا خوي
العنود: البنت ماتترك فرض.. ماهو معقول ترخص بنفسها ياخوي
ام ناصر: ناصر.. ناصر يما
نوف: ناصر عشاني افتح.. لي بروحي محد غيري بيقعد معاك
العنود: ايوا ياخوي هي لحالها ماحد بيقعد معاك.. انا باخذ امي وبنمشي.. وانت افتح لنوف
اتركوني لحالي.. اتركوني لحالي.. ما ابي اشوف احد ما ابي اتكلم مع احد.. روحو عني.. ابي ليال ابي حبيبتي ليال وينك ياروحي.. بايش قصرت معاكي حتى تعرفي غيري.. ايش عملت معاكي حتى تخونيني.. ليال وينك وين حضنك.. حبيبتي ماني عارف اعيش بدونك.. ليه تركتيني.. ليه عاقبتيني كذا.. هالعقاب شديد مايستحمله أي رجال.. كيف تخونيني كيف.. مستحيل اصدق انك تخونيني انتي غير.. غير عن الناس كلهم.. غير البشر.. انتي ملاكي انا.. كيف تخونيني كيف.. مالي حياه من دونك.. وينك حبيبتي ليه ابتعدتي عن حضني الفتره الي راحت.. ليه منعتي نفسك عني.. عشانه!!.. عشان حبك الجديد!!.. ياما قلتي اني حبيبك الي ما حبيتي غيره معقوله تكذبي علي!!.. معقوله كل ذا كان تمثيل!!.. معقول هالبرائه كانت تمثيل!!.. مستحيل تكوني خاينه.. مستحيل ترضي على نفسك هاللقب.. بس انا شفته بعيني شفته طالع من مكاننا.. من مكاننا.

&&&&&&&&&&&&&&&&&&

1:00 الصباح
في سيارة عبدالرزاق ..جنب الفندق..
السعوديه
صوفيا: سير مام ليال وين؟
عبدالرزاق: شويه ويوصلو,, اسمعي ابيكي تهتمي فيها كثير.. زي مدام خوله ماقالت لك مفهوم
صوفيا: يس سير
عبدالرزاق: ننتظر شويه الان حتى يجو.. وبعدين تركبي معها الجناح
صوفيا: اوكي سير
عبدالرزاق: اذا احتاجت شي باليل اتصلي علي بسرعه.. في أي وقت فاهمه

يتبع