رائع جدا جدا ، اولا اهلا ومرحبا بكم ، انا لسه راجع من المحاضرة واعذروني عن التاخير في الرد .


ثانيا احب ارحب بكل من شارك في الموضوع .


ثالثا احب اعلق على اختي ارادة .

مساء الخير اختي ان شاء الله تكوني بخير

اهلا بكي في الموضوع ويسعدني ان تشاركي فيه لانك من داخل الاحداث ذاتها وايضا لان دي اول مشاركة اشوفها لكي بصراحة .

بصي انا قرأت تعليقك وركزت فيه انا هنا مش هتكلم على عراقي ولا مصري ولا اردني ولا سعودي ولا فلسطين ولا لا احنا كلنا عرب وبنتكلم بلسان عربي ولغة عربية لغة القرآن .

وخلينا نبعد خالص عن الطائفية او كل واحد طائفته واعتقداته ايه دي مسائل عقيدة وبصراحة مش بحب اخوض فيها مثل ما وضحتي طبعا .

بس خلينا نفكر اكثر بصراحة انا لو عايش في احتلال بلدي بتتنهب وبتغتصب وبتنتهك عملنا ايه بالسياسة والمسايسة والديمقراطية بصراحة انا شايف ان تصرف الصحفي كان تلقائي جدا ومعبر عن مشاعر الغضب اللى احنا نفسنا مش عارفين نعمل حاجة ، اتكلمنا كتير وقولنا كتير وعملنا اتفاقيات ومؤتمرات ووو اخدنا ايه بعد كل ده .

انا مش هقدر اعوض ابويا او امي او اختي او بنتي او زوجتي شفتهم بيتقتلو قدام عيوني وانا مش قادر اعمل شئ بسبب الديمقراطية طبيعي وغصب عني اني هضرب عدوي واتصرف التصرف ده لانو هو اساسا بيضرني يبقى ازاي هتبع معاه الاسلوب الحسن .

كلامك انا معاكي فيه وبصراحة ممكن اكون اتفاجأت منه شوية بس دى دليل على رزانة عقلك وصبرك وتفكيرك بس اللى مستغرب منه انك في بلد خضعت تحت احتلال سياسته قايمة على الديمقراطية والحرب على الارهاب وهما رأس الافعى .

لو لاحظتي لما بوش انضرب ضحك وبعدين الحرس العراقي ضرب الصحفي هو فضل مستمر بالضحك وبيأشر برأسه انه يكملو الضرب .

يعني هو بيحكي عن الديمقراضية وبيضرب في نفس الوقت دى معناه ان كل شئ تزييف كونه ان الصحفي اتصرف بهمجية لكن على الاقل عبر عن اللى جواه ظهر مشاعر الغضب والقهر اللى بيشعر فيها ، بالنسبة اللى افضل انه يضرب بهمجية افضل من انه يفضل ساكت وكان تنتهي نهاية بوش بسلام وبابتسامة وداع .............. شكرا لكي على تعليقك الكريم واتمنى زيارة الموضوع بصورة دائمة ........ تحياتي

بصراحه عجبني بس والله اني انقهرت لم مسكوه وضربوه ليه الا مريكي الي ضرب بوش بالبيض ليه مامسكوه واضربوه او حتى حاكموه ليييييييييه حاجه تقهررررررررررررر؟

تحية إلي ذلك الصحفي الباسل و ذلك الحذاء الذي دخل التاريخ


فكم من المؤتمرات عقدنا و كم من التصريحات نطقنا (نشجب ... نرفض ... ندين) ثم ماذا؟؟؟؟ ما النتيجة؟؟؟ لا شئ

و عندما عجزت الكلمات عن التعبير جاء حذاء ذلك الصحفي الشجاع ليعبر عما يجيش في صدر كل عربي

فتحيه له و لحذائه