صباح الخير جميعا كيفكم اليوم ........ ان شاء الله تكونوا بخير ، ياترى ايه اللي هيحصل جديد في الموضوع ده ، يعني كل يوم بتطور اكثر واكثر اللى عرض شراء الحذاء واللى نزل لعبة واللى كتب قصايد شعر واللى بكى واللى واللى ........ ادينا منتظرين واي احداث جديدة هعرضها على طول بإذن الله .

اختى ارادة مرحبا بكي مرة اخرى وبحييكي على رأيك حتى لو مخالف ليه لكن رأيك مفهوم وقدرتي توصلي صورة حقيقية من قلب الاحداث .


عندي تعليق على نقطة اثيرت بخصوص الصحفي فكرني بموضوع يمكن اخي لبيب بيقدر يفيدنا في الموضوع او اي مواطن فلسطيني ، بخصوص محمد الدرة طبعا كلنا سمعنا بالحادثة دي واتأثرنا بها حتى الان بس الحقيقة انو استفاد كتير جدا من الضجة الاعلامية اللى حصلت في وقتها مثل ما قالت اختي ارادة منحوه بيت ومصاري ووظيفة و... و ، مفيش حاجة تقدر تعوض الابن او الاخ او اي فرد لكن في حوادث بتلفت الانظار وبتثير ضجة اعلامية شديدة .

وتعليقي الاخير ودى اللى كل شوية اكرره واقوله ، خلينا نفصل الحكومات بالشعب ، مش معنى ان بلد مثلا هاجمت او ساعدت او احتلت يبقى اهلها خاطئين احنا كشعب مش بايدنا شئ خصوصا لو سياسة بلدنا خاطئة وطاغية .

على سبيل المثال فلسطين او العراق كدولتين محتلتين ، شعبهم غير حكومتهم بمعنى على الصعيد الدولي مختلفين تماما على الصعيد الداخلي وخصوصا في فلسطين منازعات ومشاغرات وصراع على السلطة بين فتح وحماس والجبهة الديمقراطية والجبهة الشعبية لتحرير فلسطين و التحرير ووو الاغلب منهم بيصارع على السلطة ونسيو الشعب ، واتمنى اخي لبيب يشارك برأيه في النقطة دي ، لكن على الصعيد الدولى ورغم الخلاف الواضح بين فتح وحماس لكن بيسعوا لتحرير البلد .

دى اللى عايز اوصله ايضا احنا دورنا كعرب خلينا نفكر شوية اكثر دلوقتي بنعمل مظاهرات وبنساعد في المعونات وما الى ذلك لكن احنا مكتفين الايدي يعني مش هنقدر نمسك سلاح ونصد العدو لان فيه سياسة اكبر بتحكمنا وهي سياسة بلدنا وحكومتنا مانعانا ، هنقول اننا ساكتين طيب واحنا بايدينا ايه ماشي يلا نروح نحارب طيب ازاي هنوصل ازاي هنحارب واحنا ممنوعين في كل شئ ، اقتصادنا متدمر حالة الواقعية او العملية في انهيار يا دوب الواحد بيفكر عشان يقدر يجمع رزقه ويصرف على بيته ، هنقدر نعمل ايه لما اتمنعت الرواتب في فلسطين سنة كاملة ، انتو متخيلين سنة كاملة مفيهاش ولا شيكل بيدخل البيت ، والاصعب برده ان فيه نسبة بطالة كبيرة الدول العربية مانعة الفلسطينين انهم ياخدو فيزا عمل لاي دولة دى معاناها اننا ضد فلسطين احنا كشعوب لا طبعا ، احنا كعرب وضعنا مختلف تماما عن حكوماتنا ، نعم اجنا اللى بنختار حكوماتنا او حكامنا عشان يمثلونا على الصعيد الخارجي لكن مع الاسف اختيارنا دائما خاطئ واللى نفتكره موسى يطلع فرعون .

انا هنهي كلامي لحد هنا بس اتمنى انكم تأخذوا الموضوع بفكير اكثر وبروية وسواء كان الصحفي اتصرف بتلقائية او بصورة مدبرة الا انه عبر ونفس ولو بجزء بسيط جدا عما نشعر به كشعوب عربية .......... تحياتي

اختي ارادة
عبرتي عما كنت اريد قوله في ردي الاول هنا:
هناك ما هو اهم ولم تذكره لا وسائل الاعلام ولم تعد عقولنا تذكره
هل مثلا مازلنا نذكر ان الاقصى يتم اجراء الحفائر تحته بغية هدمه؟
هل نذكر مثلا انه مازال هناك العديد ممن يخطفون ويقتلون في كل الاماكن المحتلة؟
هل نذكر مثلا ان من اغتصبوا الفتاة العراقية وقتلوا اسرتها ثم قتلوها لم ينالوا جزاءهم؟
هل نذكر مثلا ان هناك من اختطفوا او فقدوا في العراق ولم يعرف احد شيئا عن مصيرهم سواء اكانوا في السجون التي انشأها الاحتلال او في ايدي بعض الطوائف المتقاتلة؟
هل وهل وهل
اسئلة كثيرة
لكن لا آمل في ايجاد اجابة