مرحبا بك اخي

شكرا لك على الموضوع الهادف ، الحقيقة الموضوع ده انتشر جدا بس انا دايما عندي اعتقاد ان لكل شئ ايجابيته وسلبياته


متفهمنيش غلط اسمع بس كلامي الاول


دلوقتي فكرة الكاميرا دي انا شايفها ان ليها برده فايدة لانو بتقرب البعيد بمعنى واحد مثلا خاطب واحدة من غير بلده وبعيد عن بعض حاليا فلازم يكون فيه تواصل بينهم طبعا بكل احترام بس الكاميرا برده مهمة خصوصا لو مثلا اب بيشتغل ونفسه يشوف اولاده او العكس او اخ بيدرس في الخارج وعايز يشوف اهله .

خلصنا من النقطة دي ونيجي في النقطة الاهم الا وهي الشات بين الشاب والفتاة في مواقع الشات والتعارف وما الى ذلك ، طبعا دى كله غلط وحرام ودى من فعل الشيطان اعوذ بالله ودخلو النار برجليهم فاكيد ناس بالصورة دي لازم تكون نهايتهم بالفضيحة والعار عليهم .

شاب اخد صور فتاة سواء كانت فتاة مش كويسة ومش محترمة او اتعاملت بسلامة نية بغرض الجواز او او كله واحد والنتيجة ايه مثل اللى حضرتك ذكرته ، يمكن دى قليل كمان من الواقع فضايح وبهدلة واستغلال انا عايز اقولك كمان ان يتم تصوير الشاب وبيتفضح هو كمان في مواقع الاباحية دى الجديد ويمكن صادفت معايا قضية زي دي ، وتم استغلاله اعوذ بالله من قبل اصدقائه واخرتها اتسجنو .

فلا تتعجب يا اخي كل شئ بقى وارد في زمنا العجيب ده زمن الصح بقى غلط والغلط بقى صح والحمد لله طالما انو الانسان متربي وعلى خلق ودين عمره ما يفكر يعمل حاجة قبيحة زي دي .

نقطة اخيرة حاب اقولها ، فعلا فيه ناس اتجوزت عن طريق النت ويمكن شفتها بنفسي بس طبعا فيه احترام ومودة واخلاق بينهم والا مكنوش اتجوزوا والله يستر علينا وعلى الامة الاسلامية اجمع .


شكرا لك على الموضوع الرائع ........ تقبل مروري