الدوافع , د. شريف عرفه

31-10-08, 11:45 PM

المشاركة رقم: 1

المعلومات
الكاتب:	Honey1900
اللقب:	ليلاس متالق

البيانات
التسجيل:	Jan 2007
العضوية:	22262
المشاركات:	5,225
الجنس	ذكر
معدل التقييم:
نقاط التقييم:	80

االدولة

مدونتي

الإتصالات
الحالة:
وسائل الإتصال:

المنتدى : علم النفس , دراسات علم النفس , كتب علم النفس , ابحاث علم النفس

الدوافع , د. شريف عرفه

الدوافع , د. شريف عرفه

الدوافع -- د. شريف عرفه

عمرك سمعت عن حد بيشتغل في مكان كويس و مع كده سابه ؟

عمرك بدأت نشاط و بعدين سبته عشان مش عايز تستمر ؟

إيه اللي بيخلينا نعمل حاجه و نكون متحمسين ليها جدا , و حاجات تانية بنعملها و احنا مش طايقينها ؟

الجواب حاجه واحدة بس .. الدوافع ..

أحيانا بنفقد الدافع اللي يخلينا عايزين حاجه معينة.. و لما نفقد الدافع بنفقد الرغبة في تحقيق الشيء ده..

الباحثين اكتشفوا ازاي نقوي الدوافع بتاعتنا و ازاي نقدر نوجد دافع قوي يخلينا تحقق اللي احنا عايزينه...

ايه ده.. هو ينفع ؟؟

ايوه ينفع يا جميل.. تعالى نعرف الحكاية من أولها ...

ما هي الدوافع ؟

الدوافع هي الحاجه اللي بتخلق عندك الرغبة القوية إنك تنجح في أي نشاط بتعمله..

و الدوافع يا جماعة نوعين :

الدوافع الخارجية

و الدوافع الداخلية..

1- الدوافع الخارجية :

هي الدوافع اللي موجودة حواليك و اللي مالكش سيطرة عليها ..

مثلا :

تشجيع الآخرين..

من أهم الدوافع اللي بتخلينا ننجح هي تشجيع الناس اللي حوالينا.. كل ما بننجح أكتر الناس بتتقبلنا و تشجعنا أكتر و أكتر..

و النوع ده من الدوافع بيكون تأثيره قوي لكن مشكلته انه مؤقت و بتكون تحت رحمة الناس اللي حواليك..

يعني لو الناس اللي حواليك توقفوا عن تشجيعك ممكن توقف عن الإنجاز.. لأن الدافع اللي خلاك تعمل كده توقف..

مثال :

لاعب تنس شهير كان دايما يلعب الماتش و المدرب بتاعه بيتفرج عليه و بيشجعه.. كان اللاعب ده بيلعب عشان يسعد المدرب و يخليه يشعر بالفخر بيه... تخيل لو المدرب ده ماحضرش الماتش في يوم أو حتى مات.. تخيل أداء اللاعب ده هايكون ازاي ؟

أكيد مش زي الأول مش كده ؟

كمان مثال :

واحد كان متعود ينجح عشان يرضي والده ووالدته.. تخيل لا قدر الله لو حصل لهم حاجه.. هل مستواه الدراسي هايفضل زي ما هو ؟

أكيد لأ.. مش كده ؟

كل الأمثلة اللي فاتت دي الدوافع فيها خارجية.. يعني معتمده على شخص أو ظروف خارجية محيطة بيك.. و الحاجات دي انت مش متحكم فيها طبعا.

2- الدوافع الداخلية :

هي الدوافع الموجودة جواك انت .. بتكون عايز تنجح عشان ترضي نفسك انت و الرغبات الموجودة جواك انت ..

ميزة الدوافع الداخلية انها مستمرة في الزمن و بتكون متحكم فيها تماما و مش بتكون تحت رحمة حد.. بتكون نابعة من جواك انت عشان كده بيكون لها قوة كبيرة جدا ..

مثال :

تكون عايز تنجح مثلا عشان عندك الرغبة في الانجاز.. بتشعر بسعادة أكبر و انت حاسس انك ناجح.. بغض النظر عن أي حد حواليك..

كمان مثال :

بتكون عايز تنجح عشان قيم عليا موجودة جواك انت و عايز تحققها..

و لما تحققها بتحس بروعة الإنجاز اللي حققته...

كمان مثال :

والت ديزني... رسم فار صغير على ورقة و جري بيه على مراته و قال لها : الفار ده هايحققلنا ثروة !!

طبعا افتكرته عبيط ! و أكيد الناس اللي حواليه حاولوا انهم يحبطوه و يقنعوه بسخافة حلمه ده.. لكنه كان مصرّ عشان الدافع بتاعه مكانش تشجيع الناس اللي حواليه و تقبلهم له .. لكن كان الدافع اللي بيحركه دافع داخلي جواه.. كان عايز ينجح عشان هو عايز ينجح.. مش عشان يرضي أي حد حواليه..

و طبعا ديزني لاند موجودة حتى الآن و شخصيات ديزني مالية مجلات العالم و نجاحه محدش يقدر ينكره..

خلي الدافع للنجاح دافع داخلي ...

انجح عشان انت عايز تنجح مش عشان أي حد حواليك..

حس بروعة الإنجاز و المميزات اللي هايحققهالك..

فكر في النجاح كرغبة داخلية ليك انت ..

انجح عشان انت عايز تنجح..

لأن ده هايشعرك انت بالسعادة ..

لو خليت الدوافع بتاعتك داخلية هاتكون دوافع أقوى و أعمق و عمرها ما هاتختفي ..لأنها مش مرتبطة بحد تاني غيرك..

لو عايز تنجز أي حاجة اكتبها في ورقة..

و بعدين اكتب عشر مميزات هاتعود عليك لما تنجز الحاجة دي ..

لما تكتب المميزات و تفكر فيها و تتأملها , دا هايخلق عندك الرغبة في تحقيقها و يخلق عندك دافع داخلي يحركك عشان تنجز اللي نفسك فيه..

آخر الكلام :

خلي دوافعك داخلية مش خارجية ..

و لاحظ الطاقة اللي هاتتولد جواك لتحقيق أحلامك...

و نتقابل عند عامود النور الاسبوع الجاي إن شاء الله....

منقووووووووووووووووول

01-11-08, 02:23 PM

المشاركة رقم: 2

المعلومات
الكاتب:	^^oolafa$^^
اللقب:

البيانات
التسجيل:	Oct 2008
العضوية:	101805
المشاركات:	118
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : Honey1900 المنتدى : علم النفس , دراسات علم النفس , كتب علم النفس , ابحاث علم النفس

honey1900..نقل مميز ومفيد ..كنت بستغرب على نفسي هادي الصفه
لكني الآن فهمت ..أنو حبنا للشيء ورغبتنا في إنجازه أهم من ماهيتو
سواء كان جيد أم لا ..ميرسي إلك

01-11-08, 02:53 PM

المشاركة رقم: 3

المعلومات
الكاتب:	celine
اللقب:	ليلاسي رائع

البيانات
التسجيل:	Oct 2007
العضوية:	52694
المشاركات:	909
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : Honey1900 المنتدى : علم النفس , دراسات علم النفس , كتب علم النفس , ابحاث علم النفس

موضوع حلو ومفيد .. يعطيك العافيه

16-11-08, 04:15 AM

المشاركة رقم: 4

المعلومات
الكاتب:	Honey1900
اللقب:	ليلاس متالق

البيانات
التسجيل:	Jan 2007
العضوية:	22262
المشاركات:	5,225
الجنس	ذكر
معدل التقييم:
نقاط التقييم:	80

االدولة

مدونتي

الإتصالات
الحالة:
وسائل الإتصال:

كاتب الموضوع : Honey1900 المنتدى : علم النفس , دراسات علم النفس , كتب علم النفس , ابحاث علم النفس

اقتباس :- المشاركة الأصلية كتبت بواسطة ^^oolafa$^^
honey1900..نقل مميز ومفيد ..كنت بستغرب على نفسي هادي الصفه لكني الآن فهمت ..أنو حبنا للشيء ورغبتنا في إنجازه أهم من ماهيتو سواء كان جيد أم لا ..ميرسي إلك

ربنا يكرمك يفندم

فعلا الدوافع زي ما بيقولو المحرك الاساسي للانسان

واذا اردت ان تحطم شغب اجعله بدون دافع او اقضي علي الدوافع لديه

16-11-08, 04:16 AM

المشاركة رقم: 5

المعلومات
الكاتب:	Honey1900
اللقب:	ليلاس متالق

البيانات
التسجيل:	Jan 2007
العضوية:	22262
المشاركات:	5,225
الجنس	ذكر
معدل التقييم:
نقاط التقييم:	80

االدولة

مدونتي

الإتصالات
الحالة:
وسائل الإتصال:

كاتب الموضوع : Honey1900 المنتدى : علم النفس , دراسات علم النفس , كتب علم النفس , ابحاث علم النفس

اقتباس :- المشاركة الأصلية كتبت بواسطة celine
موضوع حلو ومفيد .. يعطيك العافيه

الله يعافيك سيلين نورتي

الدوافع -- د. شريف عرفه عمرك سمعت عن حد بيشتغل في مكان كويس و مع كده سابه ؟ عمرك بدأت نشاط و بعدين سبته عشان مش عايز تستمر ؟