مغامرات الكل يشارك اكيد حتتضحكوا (متجدد)

اقولك يا ستى اكبر مشكله حصلت معايا لما جيت اشترى ال لاب توب اللى معايا

الكلام ده كان من سنه ونص قلبت الدنيا عشان الاقى جهاز سعره مناسب ومواصفاته حلوه ومش صينى

وفكرت يااما اشترىDELLايرلندى او fujetsu simens المانى عملت حسابى على كل حاجه ونقيت

المواصفات كويس من هارد ورامات و كارت شاشه وبروسسيسور واتاكدت من الضمان

كنت فاكر نفسى عملت حساب كل حاجه

المفاجئه بقى جاتلى امتى لما جيت انزل وندوس واكتشفت ان السوفت وير اللى جاى مع الجهاز لينكس

مش عارف بقى ازاى لما اشتريت الجهاز ماخدتش بالى من الموضوع ده

قلت مش مهم ورحت مطلع اسطوانه اكس بى

وقلت عادى نشتغل بانسخه اللى معايا وخلاص

المفاجئه ان الجهاز زى كتير من الاجهزه اللى نزلت فى 2007 مابيقبلش اكس بى

دخلت على موقع الشركه ولقيت بالفعل ان الجهاز معاه سوفت وير لينكس ومابيقبلش اكس بى بس

بيقبل ويندوز فيستا قلت مش مشكله ال vest برضه ارحم من ال لينكس

طبعا فبستا كان لسه نازل قريب ولسه مانتشرش دورت مع زمايلى على نسخة فيستا لغاية ما لقيتها

بعد عناء ونزلت النسخه والجهاز تمام وزى الفل وفيستا حلو وشيك والجهاز سريع وزى الفل

لا الحكايه لسه مخلصتش ساعتها انا كنت لسه فى الكليه فى تالته هندسه ميكانيكا باور

وبنستخدم برامج رسم زى ال autocad و solidworks ستبت على الجهاز البرنامجين دول الجهاز قالى

انهم مش متوافقين مع ويندوز فيستا سالت عرفت ان اللى يشتغل على ويندوز فيستا من البرامج دى

اصدار 2008 اللى كان لسه مانزلش قلت اعمل ايه يا ربى لغاية ما واحد زميلى قللى هات الجهاز وانا

هاتصرف واحطلو اكس بى وبالفعل زى القرد نزله اكس بى هل انتهت المشكله هنا طبعا لا

قالى ان الجهاز مش راضى يوصف كروت صوت ولا شاشه ولا نت هدورلك فى النت على توصيفات

الكروت دى قلتله مانا دورت وقلبت الدنيا مالقيتش ليها توصيفات غير على فيستا

قالى ملكش دعوه ادينى موديلات الكروت وانا هاتصرف

بعد يومين تلاته قاللى انا لقيت توصيف الlan و wireless lan بس مالقيتش توصيفات ولا صوت ولا شاشه

تقريبا الكروت دى مش نازله غير لموديل جهازك ده

قلتله وايه الحل قاللى انتا تنزل فيستا عشان لو عيز تتفرج على افلام او تلعب العاب وتسيب نسخة ال

اكس بى دى عشان تسطب عليها برامج الكليه لغاية ماينزل من البرامج دى اصدار 2008

وده اللى حصل على الرغم من ان وجود نسختين منهم فيستا اللى لوحدها عايزا بارتشن 20 جيجا

عشان تشتغل كويس وباتشن لل اكس بى مفرود فيه البرنامجين دول ال ال solid work لوحده بيتفرد

على 6 جيجا الحوار ده كان ماسر قو ى على المساحه رغم ان الهارد 160 جيجا وكان اكبر حجم هارد

لاب توب فى الوقت اللى انا اشتريت فيه لغاية ما ربنا سهل ونزلت اصدارات 2008 من البرامج دى


ايه رايك شفتى انتى مشكلتك كانت سهله ازاى

ههههههههههه الله يعطيكم العافية
بجد مشاكل ما بتخلص
الحمدلله ما واجهت اي مشكلة بالجهاز

ميرسسي