هاى
ازيكوا
النهاردة القصة دى مش انا اللى كتباها
ده اخويا الكبير
قصة كوميدية
عبارة عن اجزاء
يا رب تعجبكم:
مقدمةمنتدى ليلاس الثقافي
الكثير قد يندهش على ما اقدم عليه ولماذا شخص فى هذا السن وعمره لم يتخطى عشرين كف لاشخاص مصابين بالجذام على ان يكتب مذاكرات وهى المذكرات غير الشخصية الاولى من نوعها لكن اكتب مذكرات اغلب الشباب فى سنى , هذا الشباب المهضوم حقه فى هذا المجتمع الغريب فهذا الجيل واغلب الاجيال التى سبقته يعانى ليس من قسوة الحياه وحدها ولكن من عدم فهم المجتمع له ولافراده الذى يعاملهم المجتمع على اساس انهم اشخاص جاءوا من المريخ ليستعمروا هذا الكوكب البغيض الذي يشبه من الفضاء كرة التنس المصابة بفقر دم احالها الى اللون الازرق وارجو ان تكون تلك المذك........ آ..... ليست مشكلة مذكرات ان نوصل الى مجتمعنا هذا كيف يفكر الشباب وكيف يتعامل هذا الجيل عن طريق المواقف التى يتعرض لها .
الفصل الاول
الميلاد
لماذا هذا اليوم بالذات؟ فى يوم ممطر بل غزير المطر كأن السماء مصابة بسيوله فى عينها , انطلق فى هذا المنزل المتواضع الذى يشبه منازل اغلب منازل المصريين صرخة عالية, لقد نسى هذا الشخص البسيط ان ميعاد ولادة زوجته اليوم حاول كثير ان يطلب حماته ولكن بلا جدوى لقد نسى انها مسافرة فاضطر ان يأخذها بعربة احد الجيران الذي وافق ان ينزل فى هذا الجو الغريب؛ كأن الدنيا ترفض هذا الطفل , ان اعرف اطفال ولدوا فى يوم حار كجهنم او فى جو احمرت فيه السماء بعاصفة ترابية .
كان هذا اليوم هو الخميس 13/1 , ولحسن الحظ ان هذا اليوم لم يوافق الجمعة والا صار هذا الطفل شؤماً ( فى العصور الوسطى الطفل الذى يولد يوم الجمعة ويوافق هذ اليوم تاريخ 13/1 فهو شوماً حقيقياً وإدا ربيت غرابا او بومة فسوف يكون اسعد حظاً منه)* دخل المستشفى تلك المستشفى الحكومى الرخيص فلم تكن ميزانيته تسمح باكثر من هذا فالمستشفى الخاص يعنى ان يضحى بمراتبه حتى عام 2150ولكن كل شئ يهون فى سبيل ابنه القادم وولى عهده الذى سوف يجد فيه سبيلاً كى يخرج كل تلك العقد التي ورثها من ابيه .
فى تلك اللحظة ظهر الطبيب وهو شخص غريب يشبه هولاء الذين يعرفون ماذا يفعلون , فنظر الى المرأة ثم قال: ان زوجتك تلد , مرحى يا كل العباقرة فى هذا الكون هذا الطبيب اكتشف مالا يخطر على بال احد من قبل فإن اكتشافه هذا لسوف يغطى على اكتشاف النار والكهرباء. فصاح فيه الرجل :هل انت احمق الاترى بطنها اليس هذا حمل ام انه انتفاخ غازات واننا كنا نهلوس طيلة التسعة شهور الماضية.
لم يرد الطبيب لكن اكتفى بنظرة نارية له وهو يقول ( انتظر_ ولسوف_ اجعل_ زوجتك _تعانى) امر الطبيب ان تفتح غرفة العمليات وان يتم تجيزها و .......... لن اطيل عليكم فإننا لا نتحدث عن كيف تخرج طفلاً من بطن امه ظهر الطفل الى الحياه وكله امل فيها ولسان حال الدنيا يقول (هو انا ناقص مكفايا عليا 6 مليار بنى ادم علشان تيجى انت استنى وانت تشوف يابن ال..... عفواً) صرخ الطفل ومعه انطلق الزغاريد فى هذا المستشفى المتواضع الذى اذا قارنه بمراحيض السيدة .
*حقيقة
لسوف تظلم المراحيض كثيراً , حمل الاب ابنه واخذ يتأمله
فى بلاهة وسعادة تفوق سعادة دودة فى مقبرة جماعية ,
فتدعك من عينيه التى تشبهان حماته (الاب وليس الطفل) فكل ملامح تقريبا فى هذا الطفل المسكين هذا الانف الافطس التى تشبه انف الزنوج وهذا الفم العجيب ولن يندهش اذا كبر ورأها يبتسم بزاوية فمها اليمنى فأخذ يهدهده ويداعبه حتى طلبته امه نهرها بشدة متخيلاً انها سوف يكون ملكه ولن يشاركه فيه احد .
منتدى ليلاس الثقافي
الفصل الثانى
6 سنين
عدت ستة سنين بسرعة والواد قدام عين ابوه بيكبر .
سته سنين يااااااه ده الواحد كبر سته كده فى كام سطر امال لو كملنا صفحتين حنكون ايه عجزنا , المهم احنا مبنتكلمش عن ازاى تكون شخصية ابدية؟
الراجل قاعد بيفتكر الكام سنة اللى فاتوا دول عدوا فى ايه.
السنة الاولى: عمال يحب فى الواد لدرجة الغباء وكل ما يجى يلعبه الواد من جواه( وده شعور بيبهاتى اوى محدش يحس بيه الا لو كان طفل ) يقول : ياعم ارحمنى مش طالبة تقعد تهشك وتفعس فيا هو انا كنت اوطة والا حاجة انت اشتريتها.
والراجل يحب فى ابنه ويبص على مراته ويتمنى انها تلمسه علشان يجز رقابتها.
على الرغم من كميه السعادة البلهاء اللى ممكن تكفى معونة سنة لاى بلد فيها مجاعة الا انه كان فى شويه حاجات هبلة ....لا حاجات مخنقة , باستثناء الصويت والعياط وشوية عااااااااااااااء
وحبة واااااااااااااااااء على حبتين من نوعية امبـــــــــــــــو وأأأح ومممممممممم . والواد عايز كام كفولة وكام علبه لبن من المدعم اللى ممكن تستلف لبن اى سلبندر معدى فى الشارع اسهل من انك تلقيه طبيعى دى حاجات مش تخنق لا دى تجيب سكر .
السنة التانيه:السنة دى العيل بيبتدى يفهم وبيتغابا او بيعمل فيها عبيط اى حاجة عايزها يفتح زمارة الخطر بتاعة الغارات بتاعة زمان اللى فى بوق اهله , وتعالى قابلنى لو فى دكر عرف يسكتوه
وخد بقى كميه الامراض اللى بتظهر فى الفترة دى يعنى الواد بيسنن عايزين نوديه للدكتور وادفع يامعلم , طيب ماكل العيال بتسنن ايه المشكلة شويه سخونية عندك مورفين على شوية كمادات,لازمتها ايه الغرامه يعنى, الحق الواد جاتله حصبة الحقنى وتبدى الام تفتح الزمارة اياها ماطبيعى امال الواد ورثها منين يعنى , الواد مايكشفش عليه اى دكتور لازم ابو30 جنيه (لاحظ اننا لازلنا فى الثمانيات) ويدفع الحمار على اساس ان الدكتور ابو عشرة ماكنش حايعلجوه ما علينا نروح على السنة التالتة.
السنة التالتة: الواد كبر وامه كمان وابوه كمان (انا لا اتكلم دائما عن الرجل او اظلم الام فاذا اردنا الحديث عن دور الام يبقى حنحتاج مش اقل من150 سنة) والواد لسه مستمر فى حكايه العااااااااااااااااااااااااااااء اللى شبه .. ماعلينا الواد عايز لعبة القرد اللى بيصفق وكمان القطر ابو شريط وبيطلع دخان , طيب وانا اجيبه منين سبحان الله وانا ناظر محطة اخطفلوه قطر يعنى الله انت عايز الواد يتعقد ده ابنة خالته عنده قطر بشرطين وارع مداخن , شوف يا عم الهجس , قال اربع مداخن ياعم دى الصين ماعملتوش حتخترعوه انتوا .
السنة الرابعة : الوا عمال يكبر هو ايه مابيرحمش, شهر تسعة عدى وعدت معاه اخر مراحل الزمن الجميل الواد دخل الحضانة الحمد لله ان الام اقتنعت ندخله حاجة كده اى كلام وفى المراحل الجاية حيدخل خاص طبعا الام مااقتنعتش الا بعد ماحلفتلها برحمه كل الميتين من اول عم هايبل لحد اخر جثة مدفونة من من عشر دقايق.
السنة الخامسة والسادسة: مفهمش حاجة جديدة الواد لسه عااااااااااااء اللى خدها من مامته ولسه بيتعلم ابجد هوز والراجل والست عاملين يتخانقوه والواد يبص لهم ومن جواه فرحان والضحكة الشيطانية بتاعة عم يوسف وهبى فى سفير جهنم تعلى من جواه (هاهاهاهاهاها نيها نيها نيها) اتخنقواااااا انا بطل انا عبقرى (هاهاهاهاهاها نيها نيها نيها) اى ياعم كمية الغل والحقد ده ماتسبهم بعتى ماانت من ساعات ماجيت وهم بيدلعوا فى اهلك ده انت عيل غتت غور يااد قبل ماتغابا على اهلك غور جطر يلمك.
الفصل الثالث
بدون عنوان
العيل كبر وزادت رخامته وغاتته واسئلته المحرجة اللى الواحد ميعرفش يرد عليها يعنى من كام يوم جيه يسال هى عاصمة جزر سولمون ايه؟ ايه جزر سولمون * دى اساسا لما اعرفها الاول ابقى اقولك عاصمتها ايه دخل ابتدائى وخلص واعدادى بس لسه ماخلصشى هو ناوى يخلص على ابوه وامه الاول .
وبما ان كل مرحلة وليها متطلباتها يعنى الواد دخل اعدادى لازم ياخد دروس , ومش فاى حتة لا المدرس يجى لحد عنده فى البيت, هو يعنى ابن خاله احسن منه فى ايه, يادى ابن خاله وابن خالته وابن.... ااه اسف ,هو انا كل ماقول حاجة تقولوا ابن فلان وابن علان ياجماعة ارحموا هو الواحد بيطبع فلوس حرام عليكم.
وطبعا الواد يعنى عامل فيها عبده العبيط, بيبص من تحت لتحت
يعنى الواد مش فاهم حاجة وهو من جواه بيتمنى تقوم حريقة.
ماعلينا امبارح جم سكنوا قصادنا جيران جداد وعندهم بنت فى سن المزخود اللى عندى فى البيت بس برضك البنت دى تدنرج تحت مسمى انثى. يعنى اسبوع كمان وحتبدى ترمى شباكها على الواد وبعديها باسبوع يقول انا عايز من ده مليش دعوه.
ويبتدى يفتح الزمارة ,اللى الحمد لله لاقيتلها حل من ابو وردة اللى اشتريته مخصوص, واللى كل مايفتحها انولوه بيه .
المهم الواد لسه بيكبر وعدى امه فى الطول وقرب يوصل لابوه, ولو فكر يعملها حياخد بالجذمه, الجوبات ابتدت تشتغل مع البنت اللى قدامنا من نوعية الجوبات ام قلوب حمرا وفوشية واحمر حلوسكى وازرق شفتشى .. الا يعنى حلوسكى وشفتشى.... ما علينا سيبه وعامل عبيط منا مش فاضيلوه وانا حاسيبه ماصلحى وافضل قاعدله بسيبه فى حدود المعقول.
وربنا يستر.
*جزر سولمون : تقع فى الشمال الشرقى لقارة استراليا جنوب المحيط الهادى.
الفصل الرابع
الواد كبر
صعب ان فى حاجة تفضل على حالها الايام عدت بسرعة والواد كبر اعتقد انه دلوقتى عنده بتاع 17 سنة او 17 سنة وشهرين هو بيكبر وانا وامه برضك بنكبر مهى دى سنة الحياه فبعد اذنكم حسيب الواد هو يكمل ام المذاكرات اللى شكلها حيطول استأذنكم انا مع السلامة باااااااااى .
طبعا بعد السمعة الجميلة اللى اختوها عنى اتهيألى انكم مش طيقنى مع ان... اه معلشى لو الواد ده زعلكم قولولى حولع فيه وها... خلاص يابابا ارحم الناس شويه الناس متهيألهم انى غول مع انى لطيف وظريف وابن حلال والنبى معندكمش عروسة ليا. بس ياحيوان شفتم اهو بان على حقيقتوا بصباص وحلنجى, ياعم ارحم انا بهزر بس امى بتنده روح شوف هى عايزة ايه.
احم ابويا معلشى مقدرش اقولوا حاجة ما علينا احنا كنا فين.
ااااه ياجماعة والله ابويا بيبالغ لما بيوصفنى مع انه كان حيموت من الفرحة لما اتولد, سبحان مغير الاحوال , برضك ما علينا.
ارجو انكم تستحملونى ابدا من انهى حتة , اه معلشى فى حاجة كمان انا مابتكلمش لغة عربية فصحة من اللى كان بابا بيكلمكم بيها انا اساسا مبحبهاش اه عرفت ابدا من انهى حتة.
الفصل الخامس
اول علقة
طبعا اول علقة مش اللى بابا قام بالواجب معايا فيها , لا دى العلقة اللى خدها وانا مستقنيس خدها علشان البنت اياها.
كان عندى درس وكانت هى طبعا معايا ده شى اساسى ان انا وهى نكون مع بعض فى اى درس , على العموم فى حاجة عايز اقولها انا امنية حياتى انى كنت اخل ادبى لكن اول معرفت انها علمى تاني يوم يامعلم حولت علمى بلا تردد وعلمى رياضة يعنى النفخ كله مش , وطبيعى اى درس ليها كنت راشق فيه ومكنتش فاهم حاجة اطلاقا انا كنت بركز فى سحر عنيها اللى زى عين الغزال الافريقى, وبقها اللى زى خاتم ماما , ومناخ... بلاش علشان دى اوحش حاجة فيها .
وطبعا المستر كان كل حصة يبستف فيا ويهزا فى اللى جابونى علشان مش مركز معاه.
ماعلينا انا مش بتكلم عن الوصف التفصيلى لاول بنت عرفتها.
نروح لموضوع العلقة , كنا خارجين من الدرس ومش حاقولك اتعكست لانى لو قلت كده يبقى بكدب , انا لاقيت حوالى 30او 40 كائن بيعاكسوا فيها , طبعا الرجول اخدتنى ازاى البت بتاعتى تتعاكس وانا موجود انا بس قولت فى ايه يااااااااااااد انت وهو وبس عنيك متشوف الا النور 30او40 قلم و30او40 افه وشلاليط وكل انواع الضرب كل ده علشان انت ياااااااااااد امال لو شتمت كان حصل ايه المهم انا مش حتكلم على اللى حصل انا حاسيب تقرير الطب الشرعى قصدى المستشفى هو اللى يتكلم.
40غرزة فى كل انحاء الجسم.
ارتجاج بسيط فى المخ.
نزيف داخلى فى المعدة.
طبعا انا بعد ماخرجت من المستشفى بعد 30 يوم. جريت اسال عليها لاقيتها بتقولى بكل برود هو انت كنت فين انت كنت مسافر ولا ايه , طبعا دى كانت القشة التى قصمت ظهر البعير فنولتها بالقلم على وشها واستعديت لكل الناس اللى كانت فى الشارع اللى سمعت صرختها وجات علشان تجامل ودخلت المستشفى تانى بس مش علشان اتعالج من الضرب وبس علشان الصدمه العاطفية الى حصلت ليا من تحت راسها بنت ال... ولا بلاش مهى خدت جزائها بعد الحوار ده بكام يوم عملت حدثة ورجلها اتكسرت......... يالا فى داهيه المهم
انشاء الله المرة الجاية ححكى عن مشاكلى مع الثانوية العامة
ســـــــــ
06-10-08, 05:05 PM
مذكرات غير شخصية
جديد مواضيع قسم القصص القصيرة من وحي قلم الأعضاء , قصص من وحي قلم الأعضاء
العرض العادي
