الياماها الجديد وعيوب القديم

والله لينا الشرف بمعرفتك ومشاركتك معنا

وياريت انك تكمل كلامك اللي ذكرت فيه عن أخطاء وعيوب وتطوير الياماها



وأنا راح أقوم بتثبيت الموضوع الشيق هذا سلفا لأهميته :m11:

:7_5_131: :7_5_131:

اشكرك أخوي a_reffae على هذا الاهتمام وانت من الناس اللي يخلونا نحب هذا المنتدى أكثر وأكثر.

من أكبر عيوب الياماها psr1000 هو
1- ال32poly pony فقط؟ يعني مثل ما لاحظتوا ان كلما تسجل ايقاع وتزيد فيه آلات تقل جودة الصوت و اذا تعزف على وتريات مثلا والايقاع شغال تلاحظ تقطيع في الصوت هذا ال poly poly بما معناه ان انه لدينا ضغط على الملفات مما يقلل جودة الصوت.

2-المساحه الموجوده وكل الاورغ على بعضه فيه 8 م.ب فاذا خزنت بعض الايقاعات والاصوات تشوف ان الذاكره مليانه... ولكن شفت حل الهارد ديسك وتراها فكره عجيبه.(هذا الكلام ما شرح لي احد المندوبين)

3- حسب ما تعرفون ان الفنان البحريني سيروس الذي برمج الخليجي في الجهاز من اصوات و إيقاعات, واذا تلاحظون ان نصف الايقاعات الخليجيه ركبت خطأ لسبب ما ما اريد اذكره الشركة كلفت فنانين من الكويت للاسف ما عرفوا كيف تركيب الايقاعات ك اساس ورح واصالتها وانه من المحرج انك تشوف هذي الايقاعات موجوده في الياماها هذا الكلام قلته بالضبط للشركه( مع كل احترامي وتقديري للاستاذالفنان) اللي ركبهم بس الغلط غلط مع انه بالفعل فنان في اشياء غير, ومن ضمن الاخطاء من المصنع في الايقاع الامارتي في الD.

4-ضغط المافات لقلة السعه اثرت في جودة الاصوات وياريت سمعتوا السمبلز الاصليه جميله جدا ومتعوب عليها, مثلا صوت الهبان الاصلي نفسه اللي موجود في اغنية مشكلني ومصيرك لراشد الماجد(الصوت الاصلي). وخروج الاورج بس 2 جدا سئ كما تلاحظون للي يعزفون على الياماها في الحفلات.

واتمنى وصلت لكم المعلومات وافادتكم واسمحوا على التقصير.
أخوكم حسن.

بدأت شركة ياماها تخطط للجهاز الجديد والآن في مرحلة الافكار الجديده وتكليف المبرمجين.

من الأشياء اللي اقدر أقولها بالنسبه للايقاعات ان راح يكون في إضافه في الجديد وبيكون فيه العراقي والمغربي و اي شئ ما وجد من قبل ,,, اذا احد عنده اي فكره ياريت يطرحها ممكن تفيدنا كلنا.

وراح تكون المساحه ضعفين الموجوده حاليا واحلى شي ان راح نتخلص من شي اسمه ديسكات(بس ما باقول عشان تصير مفاجأه) وكلكم راح تحبون الحل الجديد والاحلى انه في احتمال كبير ان البيج فندر (ما عرف اسمه بالعربي) يعني بيصير يمين ويسار وليس فوق وتحت مثل ماهو موجود.

وهذا اللي مصرح لي اتكلم عنه وعلى فكره هذي للخليجي واكيد بيكون نفس التطوير للعربي.

شكرا جزيلا لكم لاتاحة هذه الفرصه اللي اتمنى تكون مفيده للكل وانشاء الله ماراح انقطع عن اجمل تجمع موسيقي حضرته.

يا سلام عليك والله رائع
شرح جميل وممتع
أنا معك تابع عزيزي
وسؤالي هو حاليا هل وجد حل لفك
الضغط عن ملفات الصوت في الأورغ
وهل هذا الحل هو بتركيب الهارد ديسك للجهاز
واللي فهمته من كلامك انه راح يكون الموديل الجديد
بسواقة ليزرية تمام ؟
وبالنسبة للهارد ديسك أستطيع تركيب أي هارد ديسك من الأسواق أم هارد ديسك خصوصي للياماها
وعندي أقتراح للياماه
ياريت في الموديل الجديد يكون مفاتيح العمل متاحة أكثر
أي مفاتيح البراتيك منفصلة عن مفاتيح الأيقاعات
حتى نستطيع التنويع بها من دون الأضرار لتغير الأيقاع
والأنترو يكون لها أربعة كبسات منفصلة لسهولة طلبها
أي مثل الكيترون فيجا تماماً
ويكون هناك صفين من أزرار ذاكرة التخزين للأصوات والأيقاعات مثل الجيم
ولك مني فائق الأحترام
وياريت انك تتابع معنا كلامك حول اليامها psr a1000