المنتدى :
القصص القصيرة من وحي قلم الأعضاء , قصص من وحي قلم الأعضاء
شروق ومرزوق ..
قصه شروق ومرزوق
ابطال القصه
شروق بنت حبوبه وخبله باختصار وتحب الضحك
مرزوق شاب هادي ولطيف عمره 16 على نياته وطيب لأبعد الحدوود
شروق بنت كانت عايشه حياة هاديه وحلوه
وكان لها اخت اصغر منها بسنه
مرزوق كان يقرب لها لكن بصله بعيده شوي عن اهلها
كانت مرات تشوفه في عزايم الاهل او في بعض الطلعات لكنها كانت تعرفه معرفه سطحيه
وكانت ماتفكر فيه ابد .. لأنها ماتفكر فالحب
في يوم من الايام
راحت ريم هي اخت شروق
وقالت لها انا ابي اعرفج على شاب حلو ومعجب فيج واايد
وافقت شروق وقالت ابي اعرف منو الي معجب فيني لهالدرجه ؟ اكيد يعرفني
المهم جا مرزوق وهو متردد وخايف ومهو عارف شيسوي
كلم شروق وعبر لها عن اعجابه فيها الي وصل للحب
وقالها انه يبي يبدي علاقه جديه مع شروق
قالت يالله نشوف اخرتها انا احب اتعرف عليك
وعجبها
بدو يتكلمون مع بعض ويفهمون بعض
وزاد اعجاب كل واحد بالثاني
عاشو مع بعض عالحلوه والمره
بالصحه والمرض
وكانو عايشين مع بعض اغلب الاوقات
ومو قادرين يفترقون عن بعض ابد
وكان شوقهم لبعض فووق كلشي
مرت على العلاقه هذي سنتين
وهم في قمة الحب والاخلاص والوفاا
كان يحس مرزوق انه شروق كل دنيته
واغلى ماعنده
خصوصا انه ماعنده اخوان وامه متوفيه
وابوه كبير فالسن ومريض
وماعنده غير شروق ويحسها اقرب الناس له
وكان من عايله فقيره جدا وماكان عنده اي مركز فالتعليم
وكان صغير كمل الصف الثامن وترك المدرسه
وكانت شروق من عائله كبيره ومحترمه جدا
وتدرس في اعلى المدارس فالبلد
المهم
تطورت علاقتهم جدا جدا وصارو قراب لبعض لأبعد الحدوود
كانت شروق تحبه حب بل تعشقه
وكان مرزوق يمووت فيها ومستعد يسوي اي شي عشان يرضيها
وكانو يتبادلون الشعور الرائع الي تملك قلوبهم وربطهم
كانو عايشين مع بعض في حب
اتمت شروق دراستها وتخرجت بعد مرور 4 سنين
طبعا مع كل يوم يزيد حبهم وقربهم لبعض
رغم كل المشاكل الي مرو فيها لكن تحدوها
وتحدو كل البشر الي وقفو ضدهم
في يوم من الايام
كان لمرزوق صاحب معاه من صغره
وكان يعزه معزه كبيره
وكان يغار من علاقة مرزوق بشروق
لأنها حلوه وبنت عايله كبيره والكل يتمناها
ومنصبها فالعمل صار كبييير
فكر صاحبه خالد
وزاد الحقد في قلبه
ويقول كيف مرزوق ياخذ وحده مثل شروق؟
شروق تستاهلني انا
قرر انه يفرقهم عن بعض بكم كذبه
المهم
راح لمرزوق وقاله انا شفت شروق بعيوني تخونك
وانا ماسكت عن حق صاحبي
شفتها مع غيرك .. نعم مع غيرك
وباين انه مايقربلها ابد
جلس مرزوق يفكر ومو قادر يصدق
بنفس الوقت صاحبه من المستحيل انه يكذب عليه
كان يصدقه في كل شي
راح لشروق وسألها انتي خنتيني
نكرت شروق هالشي
ولكنها ظلت مصدومه
وقالت له انت تشك فيني انا ماقدر اكمل معاك دام الشك مزروع بينا
تركو بعض بعد هالخلاف
عاشو بصعووبه مع الايام
كانو متحسرين على بعض
كان مرزوق مكسور القلب ومتحطم
بعد ما مر شهرين على السالفه
راح خالد صاحب مرزوق
بعد ماتندم على هالفعله وشاف حالته
وكيف يحبها لهالدرجه
قال له انا كنت اغير منك ومن علاقتك بشروق
لكني لقيت حبكم فوق كلشي
وبعد نقاش طويل ومجادلات
عرف مرزوق انه شروق ماخانته
وحس بغلطته وكيف سوا جذي
حاول انه يرجع لها
وفكر كيف يوصل لها
وشنو يقولها ؟
ويبرر موقفه وكذبة صاحبه له
المهم
راح مرزوق يحاول انه يتواصل مع شروق
قام واتصل فيها
لكنها ماترد
اتصل اكثر من مره
لكنها ماترد!
فجأه ردت على الخط
ولايسمع صوت رجال يقول ألـو ؟
قال نعم منو ؟
قاله انت الي منو انت متصل على هالرقم
قال مرزوق منو معاي ؟
قاله انا محمد انت منوو؟
قاله هذا رقم شروق ؟
قاله لأ الرقم هذا انا شريته من محل وكان مستعمل
اهني تحطم !
وحس انه ضاااااااااايع
وسوا المستحيل عشان يوصلها
وراح لبيتهم
وطق الباب
ولا البيت بعد مبيوع
سأل الكل عنها ولكن مالقى لها اي أثر؟
في يوم من الايام
كان رايح يودي ابوه للمستشفى
يتابع علاجاته لأنه كان كبير في السن
ولا يشوف شروق قباله
وعينه جات في عينها
جلست تطالعه ويطالعها
وعيونها مليانه دموع تبي تنزل
ماتحمل شوفتها
راح لها على طووول وكلمها
وفهمها كل شي وبرر موقفه وانه كذبو عليه
لكنها قدرت تفهمه وتسامحه
وعطته عنوانها ورقمها الجديد
كملو علاقتهم عاادي ولا كأنه حصل شي
لأنهم يحبون بعض كثثير
وكانو يرجعون يتصالحون مثل اليهال
رغم كل هذا
قال مرزوق لشروق انا ابي اجي اتقدم لج
وافقت شروق على طلبه
حددت يوم يتصل فيه بأمها ويطلب موعد
اجا يوم الخطبه
كان مرزوق لوحده حاظر
وكان ابو شروق موجود وعمها
فاتح مرزوق ابو شروق انه يبي يطلب القرب منهم
كانت المقاطعه لأبوها وقال بتكبر وغرور
انت شنو عايلتك
جاوبه
قاله وش اصلك
جاوبه
قاله شنو شهادتك ؟
جاوبه
قاله شروق شنو عايلتها وشصلها وشنو مركزها؟؟
جاوبه
قاله انت شايف انه شروق من مستواك عشان تتقدم لها بكل وقاحه
هذي مو من مستواك ولاتحلم حتى مجرد حلم فيهااا
وتفضل اطلع بره لا اشوفك مره ثانيه
طلع مرزوق والدموع تملي عينه
وهو متحطم لأبعد الحدوود
منعو شروق من الطلعه من البيت
وانها تتواصل معاه بأي طريقه
تعذبت كثيرا من ضغوط اهلها وحرمانها من عيش حياتها مع مرزوق
بعد مرور شهرين
وبدون ان يتواصلون مع بعض ومافي اي اخبار عن بعض
سمحو لها اهلها انها تطلع من البيت
اول ماطلعت راحت لبيت مرزوق تسأل عنه وتشوفه
ولا يطلع لها ريال كبير فالسن
قالها نعم يابنتي امري؟
قالت لها هذا بيت مرزوق ؟
قالها ايه نعم
قالت له ممكن اشوفه ضروري؟
قالها بس ..
قالت لها شنو خير ياعمي وش فيك
قالها مرزوق توفى في حادث سياره من شهرين
طاحت شروق غشيانه من الصدمه
وقعدت تبجي عليييه بجي
وظلت تتحسر وماغمض لها جفن واهي تفكر وتتذكر
تتذكر ايامه وحبه لها
كان اكبر من كل شي
سألت عن وقت الحادث
قالو لها انه توفى بعد ماطلع من بيت شروق
وبعد مارفضوه اهلها
فكر انه مايبي يعيش بدونها وحياته مالها اي داعي بدونها لأنها كانت بالنسبه له روحه
وكيف يعيش بدون روح ؟
عاشت شروق لحد هاليوم واهي حزينه وتبكي كل يوم على ذكراه
ورفضت كل الي تقدمو لها
حس ابوها بذنب وندم كبير
لكن بعد شنو
بعد ماغابت عين مرزوق عن الدنيا
وافترقو للأبد
لكن كان عايش فيها بالنسبه لشروق
كان طيفه معاها في كل لحظه
وتتخيله معاها وتحاكيه
وكانت تدعيله وتزور قبره
وتهديه ورود الي كان يحبها
وكتبت في هالشعر
خليتني بهالدنيا بلا ذكرى او ميعاد
خليتني وحدي اصارع كل مافيها
صورتك في قلبي صارت فتات من رماد
كيف اعيش بهالدنيا دام غاب غاليها
كنت نور عيني واليوم ذكرك عاد
وطيفك يمر بأحلامي ونفسي اهديها
النهــايــه
لوسمحتو جميع الحقوق محفوووظه
ومشكورين
|
17-08-08, 04:52 PM
جديد مواضيع قسم القصص القصيرة من وحي قلم الأعضاء , قصص من وحي قلم الأعضاء
العرض العادي
