المنتدى :
الشعر والشعراء
يمَه أحبَه00فديت أبوه قـــبل أمه00!
يمَه عليه إن زعل0000وإن رضى يمَه
يمَه ذبحني غـــلاه000وشلَ وجدانــــي
يمَه غرامه طريقي000ولازم أتمَه
شي من الله على غفله تغشــــاني00!!
أشهق على ضحكته وأشفق على ضمَه
وأموت منه إن جفى00وإن جاني أحياني
إن كان درب الشقا يمر من يمَه00!!
والله لكمل شقاه "إن الله أحياني"
اقول ياسيدي000ويقول ياعمَه00!
كلٍ ذبحه الوله في عشق الثاني
اشتاق طعم الغدير اللي وسط فمه
مقدر اخبي عليه00اكتب ويقراني
قمت أشتكي للغلا00 واصيح واخمَه
ياشين بلوى الهوى 00الله لا يبلاني
يقول لي بالهوى مذهب ولي ذمَه
واقول بصرك00ولكن لا تعداني
ابي طريقك يصير لوجهتي يمَه
ومنين يممت وجهك غصب تلقاني
يزمني بالهوى00زمَه ورى زمَه
قــَــطع وريده وخاطه وسط شرياني
مبطي اذا خفت صحت وقلت "يايمَه"
والحين اذا خفت صحت وقلت "ياحصاني"
جيته وكلي من الأشواق ملتمَه
امشي من الصبح لين ان عشقه امساني
ياحلو لوعة شقاه00وياحلو سَمه
والله ياهو من الهوى "جد وراني"
ادمى عيوني 00وحنى يديني بدمَه
وعلى طريق الوله أقفى وخـــلاني
يمَه أحبَه00فديت أبوه قـــبل أمه00!
يهزني هز ريح00وزلزل اركـــاني
وش فيه إذا البنت تعشق00؟!000الهوى قمَه
خليني أعشق قبل مــا تابس أغصـــاني
يهمني حيل00وادري فيني اهمَه
حتى إسألي روجي الوردي 000وفستاني
|
10-08-08, 08:30 AM
جديد مواضيع قسم الشعر والشعراء
العرض العادي
