سكان الغرام متوقفه من 2008

( الفصل الثاني )

[CENTER]( الفصل الخـــــــامس )

.... كندا ....

سامي كان جالس يدرس في الصاله عشان عنده امتحان بكرا واختبار نهائي عشان كذا فارش كل الاوراق وفاتح الكتب والدفاتر ... اما هنادي كانت في غرفة الغسيل تكوي الملابس ... حست انها حرانه مررره ... غريبه مع ان المكيف مفتوح ... حست بالكحه والحرقان اللي بصدرها ... بدت تكح وتكح ... بدت بصوت واطي وخفيفه ... لكنها بعد فتره تركت كل شي بيدها وحطت يدها على فمها وسارت تكح بقوه وتحس بالم فظييييع ... كانت معطيه ظهرها للباب والكحه تزيد وتزيد وكل مره الالم يزيد

سامي اللي راح المطبخ يبي يسويله قهوه تركيه تصحصحه ... مالقى البن ... دور عليه بالدواليب مالقاه ... راح الغرفه اللي كانت فيها هنادي تكوي الملابس ... سمع صوت كحتها لما قرب من الغرفه ... استغرب ... دخل الغرفه لقاها جالسه بالارض وتكح
سامي قرب منها وقال لها بصوت مفزوع او خوف: هنادي

هنادي اللي قلبها دق مثل الطبل وهي تسمع صوت سامي يناديها ... كتمت كحتها قد ماتقدر ووقفت ... جا سامي لعندها
سامي: شفيك؟؟
هنادي تحاول قد ماتقدر انها تطلع صوتها: لا ولاشي بس شكلها الحساسيه زادت
سامي: هنادي .... هذي مو كحة حساسيه
هنادي: الا احيانا تسير قويه كذا واصـ ....
قاطعها وقال: لا تقعدين تبررين بكرا بعد ماارجع من الامتحان رح نروح الدكتور ولاتقولين لا لان مو على كيفك
ماقالت شي هنادي... فضلت تسكت لان حلقها مررره يالمها كانه شوكه مغروزه فيه ... شافها سامي وحس انها من جد تعبانه .. مسك يدها وقام معها
سامي: يلا قومي ارتاحي الحين ونامي
قامت وراحت غرفتها ... حست بتعب بجسمها وانها مثل المخدره مافيها حيل تتحرك او تسوي اي شي ... بالحيل شالت الغطا وغطت نفسها ... سامي كمل دراسته بالصاله لكن تفكيره مشتت بين الدراسه وبين حالة هنادي الغريبه ... اوكي انا اعرف ان عندها حساسيه بصدرها من الغبار وهالاشياء ... بس الحين مافي غبار .. من ايش جتها الحساسيه اجل ... حاول يركز بدراسته لان اختبار بكرا مهم .. وبكرا رح يوديها الدكتور ويعرف ايش فيها

.................................................. .........................

بسام بعد مااستقر بمقعده بالطياره ... يحس دقات قلبه مثل الطبل ... جا واحد جلس بجنبه لكنه ماحس فيه لانه كان مغمض عيونه وكان شبه نايم والطياره حتى لسه ماسارت بالجو ... يفكر باشياء كثير ... يفكر بموقفه لو طلع الكلام صحيح ... كيف ممكن يتصرف مع بيلاتريكس ... دايما يجي شريط حياته معاها لما يفكر فيها ... سنه بس مرت على حبهم ويحس انها دهر ...

اتذكر لما كانوا رايحين السينما ... اخذها من يدها وراحوا للباب الخلفي لمبنى السينما
بيلاتريكس استغربت انه جابها للباب الخلفي وقاعد يحاول يفتح الباب
Bellatrix: what the hill are you doing?
بيلاتريكس: بالله عليك ايش قاعد تسوي؟

بسام مندمج مع عملية فتحه للباب ... رفسه بالاخير وانفتح
Bassam: here we go … come on in
بسام: اهه ... يلا تعالي

سحب يدها ودخلوا وهي تضحك
Bellatrix: you know we can use the front door
بيلاتريكس: تعرف انو احنا نقدر نستخدم الباب الامامي

Bassam: why do we have to buy tickets if we can get in without wasting money?
بسام: ليش نشتري تذاكر دامننا نقدر ندخل ببلاش ومن غير مانضيع فلوس

وهم ماشيين في ممر ومن حولهم كله كراتين .. طلعوا من درج حديدي لقوا بوجههم باب اسود مكتوب عليه emergency يعني طوارئ ... فتحه بسام بشويش وقالت له بيلاتريكس بصوت واطي
Bellatrix: bassam… what r u doing??
بيلاتريكس: بسام... ايش قاعد تسوي

دخلها هي اول ... لقت نفسها في قاعة سينما .. ظلاااام بس في نور الشاشه الكبيره اللي تعرض الفيلم ...
Bassam: see … now hurry up.
بسام: شفتي... يلا بسرعه

مشوا بين الناس ولقوا كرسيين فاضيين باخر صف جلسوا فيه
بيلاتريكس اللي لما جلست وهي تطالع ببسام وتطالعه بابتسامة دهشه ... ماكانت متوقعه ان كل هذا يطلع منه ... يدخل السينما من الباب الخلفي ومن غير مايدفع فلوس التذكره .. على طول جا ببالها ان ياما تحت السواهي دواهي هههههه ... ضحكت فجاه وتمت تطالع الفلم ... بعد دقيقتين جاهم السكيورتي
Security: hey… how did get in here??
سكيورتي: هيي ... كيف دخلتوا هنا؟

بسام كشر وقال بصوت واطي لبيلاتريكس
Bassam: oh no… this is not good
بسام: او لا ... هالشي مررره مو كويس

بيلاتريكس خافت وبان على وجهها وقالت له بصوت واطي هي كمان :what are we going to do now
ايش رح تسوي الحين؟

Bassam: just ignore him
بسام: طنشيه وبس

السكيورتي عصب وعلا صوته وهو يكلمهم : excuse me sir… I'm talking to me
لو سمحت يا سيد ... انا اكلمك

بسام حس انه لازم يرد عليه ولا رح يسويله سالفه كبيره... لف بسام عليه وقال بكل براءه وبكل تهذيب
Bassam: I pig your pardon
بسام: المعذرة <<< الصراحه ماعرفت ايش ممكن نقولها بالعاميه فقلتها بالفصحه هههههه

Security: where are your tickets?
سكيورتي: وين تذاكركم؟

Bassam: we gave it to you sir
بسام: عطيناك ياها

Security: no you didn't gave it to me … and I want you to come with me I'll take you to the police office
سكيورتي: لا ماعطيتني اياها .. وابيكم تجون معاي رح اخذكم مكتب الشرطه

بسام طالع في بيلاتريكس شافها كانها تقول له وديتنا في داهيه ... قاموا الاثنين ومشوا مع السكيورتي بشويش ... لكن فجاه بسام قال
Bassam: oh my dear where is your cell phone?
بسام: اوه حبيبتي وين جوالك؟

Bellatrix: what?
بيلاتريكس: ايش؟

السكيورتي لف عليهم : is there something wrong?
في اي مشكله؟

Bassam: yes… she forgot her cell phone on the seat
بسام: ايه ... نست جوالها على الكرسي

السكيورتي قطم من الساندويتش اللي كان بيده وقال: go ahead and take it quickly
روحي جيبيه بسرعه

بسام وشوش بيلارتيكس بصوت واااااطي قامت هي طالعت فيه قام هو قال لها : come on
يلا

Security: hey… what are you doing?
سكيورتي: هيي ... شتسوي؟؟

Bassam: no thing
بسام: ولا شي

راحت بيلاتريكس بشويش والسكيورتي يطالع فيها ... بسام عشان يشتت انتبهه عنها قال له
Bassam: how long you've been working here?
بسام: كم صارلك تشتغل هنا؟

Security: 3 years… hey hey
سكيورتي: 3 سنوات ... هييي هيييي

والسكيورتي يناديهم ... بسرعه يركضون لين ماوصلوا لباب الطوارئ اللي دخلو منه .... نزلوا من الدرج بسرررررعه والسكيورتي لاحقهم بكرشته الكبيره وبيده الساندويتش حقه ... طيح بسام كرتون عالارض عشان يعيق حركة السكيورتي ... طلعوا من الباب الخلفي وهم يضحكووون

بيلاتريكس تضحك وتحس نفسها بينقطع وبسام نفس الشي ... الا فجاه ينفتح باب السينما الخلفي ويطلع منه السكيورتي
Security: catch you
السكيورتي: مسكتكم

رجع بسام هرب ومعاه بيلاتريكس ... يركض وهي وراه يسحبها من يدها ... ظلوا يركضون ويركضون لين ما بعدوا كثير ... وقفوا وجلس بسام على الرصيف ويحس ان خلاص مابقى فيه نفس


ابتسم لما جت بباله هالذكرى ... ابتسم ابتسامه عرييييضه حتى ان الرجال اللي جالس بجنبه استغرب شفيه هذا ابتسم فجاه توه كان نايم

.................................................. ...........

اليوم الثاني

.... اسكتلندا ....

زيد متحمس لابس ملابسه وخالص من زمان: يللللا رح نتاخر بعدين رح تفوتنا الطياره
سعد: لسه بدري شفيك
زيد عليه حماسه اليوم غير عن العاده راح عند التلفون ودق على بيت دايفد يستعجله ... طلع دايفد متحمس اكثر منه ولابس ومخلص من قبله ويستناهم يمرون عليه ياخذونه

سارا كانت ترتب غرفتها وغرفة زيد والبيت عشان قبل ماتسافر تحب يكون كل شي نظيف ومرتب ... وزيد من الحماس يجي يرتب معها عشان يخلصوا بسرعه

مو مصدق انه رح يسافر السعوديه ويشوف اخوانه واخواته .. من زمااان ماشافهم تقريبا من الاجازه اللي فاتت... وزعل كثيييييييير لما عرف ان بسام سافر لندن ومارح يقدر يشوفه

سعد كان جالس ويرتب بعض الاوراق ويطلع الجوازات ومعاه جواز دايفد لانه اخذه من مستر توماس (ابو دايفد) اليوم الصباح ... رتب كل شي وخلاه على الطاوله عشان ماينسى شي وهم رايحين للمطار

زيد كان واقف قدام الدولاب اللي فيه سيديات الافلام ... ياخذ كم فلم ويحطهم بالشنطه الصغيره اللي يشيلها على ظهره
سعد: ليش اخذت كل هذول
زيد وهو يحط الافلام: عشان نتفرج عليها هناك مع اخواتي واخواني
سعد: مارح يخلونك تدخلونها وهي كذا كثيره
زيد: ليش؟؟
سعد: لما نوصل السعوديه رح يفتشونهم واحد واحد ورح نتاخر ... خذ بس شويه
زيد طالع فيه: بس اخواتي ماشافوا الافلام هذي
سعد: يشترونها هم من عندهم ... خذ بس هاري بوتر لانك تحبه

طول الوقت وهو كذا الحماس مقطعه مو قادر يجلس بمكان واحد وكل شوي يطالع بالساعه ويحس الوقت بطيييييييييييء وكل شوي يتاكد من الاغراض اللي حاطها بشنطته الصغيره ... سعد كان يطالعه ويضحك لان ماقيد بحياته شاف زيد مبسوط كذا

.................................................. ......................

.... الخبر (الحزام الاخضر)....

الجد: بس ولا صوووووووت
سيرين: ياالله ياجدو حفظت المسلسل من كثر ماتشوفه
الجد: خليه لاتغيريه
سيرين: جدوووو الله يخليك الحين رح يجي الفلم اللي اتابعه انت مسجل الحلقه اساسا يعني تقدر تشوفها بعدين
الجده: روجي شوفيه عن عمتك
سيرين: مابي ... اسما تطفش الواحد لما نتفرج التلفزيون
الجد: وين الباقي لسه ماجو؟
الجده: بالطريق
سيرين: يالله جدووووووو الله يخليك
عبدالعزيز(الجد) عطاها الريموت: ياربي منك ماتخلين الواحد يعرف يتفرج ... هذي الحلقه اللي يطلق فيها ابو عصام زوجته
سيرين: جدو تعرف انو هذي المره المليون اللي تشوف فيها الحلقه لا والمصيبه مسجله
الجد: خلاص خلاص خذي وفكينا

جد العائله مرررره يحليله ... صح انه عجوز مره بس يحب احفاده مره ويحب لما يجون عنده ويتجمعون في بيته ... عشان كذا اليوم مسوي عزيمه كبييييره رح تحظر فيها العائله كلها عشان سعد و سارا وزيد جايين


اما فوق في غرفة العمه اسماء

جوري جالسه فوق الكنب وماتسوي شي كالعاده ... سهاد واسما يحطوا ميك اب عشان العزومه اليوم ... هناء زهقتهم من كثر ماتلبس لبس وتغير وترجع تلبس وتغير

جوري: خلاص خايلتيني وانتي رايحه جايه كذا
سهاد: انتي رح تكوني قاعده بهاللبس؟
جوري: ايه ... شفيه؟؟ يعني مارح يجوا ناس مانعرفهم ... هم الناس نفسهم حقين كل يوم
سهاد: طيب على الاقل حطي شي على فيسك بدل ماهو كذا
جوري: مابي

جوري ستايلها مررره عادي .. بنطلون جينز وتي شيرت ... الحين لابسه بنطلون جينز عادي وتي شيرت بنفسجي ومو مسويه اي شي بوجهها وشعرها بطبيعته كيرلي ومنكوش ... اما هناء اللي استقرت اخيرا على لبس ... لبست تنورة جينز للركبه وبلوزه حمره كت ... لبسها كان عادي بس كان حلو عليها ... نجلاء كانت لابسه تقريبا مثل هناء ... سهاد كانت لابسه فستان ناعم قصير وينفع حق العزايم العائليه لونه احمر فيه فيونكه من ورا وموديله سواريه ... اسماء كانت لابسه شي رسمي ... تنورة بيج قصيره وعليها قميص ابيض نص كم ومعاه جاكت بس قالت مارح تلبسه الحين

اسماء مندمجه مع الميك اب اللي قاعده تسويه وتغني وتدندن
اسماء: لاموني عليك باياااامي اللي راحوا ... علمووووني اندم على الماضي وجرا...
قاطعوا نجلاء: بس بس ايش هالنشاز اعوذ بالله
اسماء: اعوذ بالله انتوا اصلا شدراكم بالفن

دخلت سيرين الغرفه
سيرين: يووو شدعوه كل هذا تتعدلون لو عرسكم ماسويتوا كذا
.................................................. ......

.... كندا ....

طاح الكتاب فجاه ... فتح عينه على صوت طيحة الكتاب اللي كان على حظنه .. ناظر بالساعه لقى ان باقي ساعه عالاختبار ... حرك رقبته لانها عورته خاصة انه كان نايم وهو جالس على الكنبه ... قام من الكنب بعد ما وخر الاوراق اللي متناثره بكل مكان ... راح الغرفه ودخل الحمام بعد ماشاف هنادي لسه نايمه عالسرير ... اخذله شاور سريع بمويه بارده ينعش نفسه ويصحصح ... طلع من الحمام وهنادي لسه نايمه

راح لعندها لقاها نايمه بس واضح عليها التعب .. كان ناوي يصحيها بس غير رايه ... مسكينه شكلها نامت متاخر وتعبانه ... بدل ملابسه واخذ ورقه وكتبلها انه رايح الدوام وانه ماكان يبي يزعجها ويصحيها.... حطلها الورقه على الكمودينو ... ورش من عطره وهو واقف قدام التسريحه ويمشط شعره ... فتح الدرج حق مكياجها واخذ روج من ارواجها واكتب لها على المرايه (احبك) ... طلع من الغرفه بعد مااتطمن عليها للمره الاخيره... يحس احيانا انه يبالغ في اهتمامه في هنادي ... يبالغ في حبه لها ... طرد هالافكار اللي جت براسه بشكل مفاجئ بالعكس هنادي تستاهل اكثر من اللي انا قاعد اسويه لها ... بس برضو جاله احساس انه لازم مايتعلق فيها اكثر واكثر ... لكنه نفس الشي طرد هالافكار هنادي هي كل شي بحياته ووده يعلق نفسه فيها لاخر نفس فيه
ركب سيارته وراح للجامعه ... قعد يراجع شوي قبل الاختبار ... حس بالتوتر يزيد وسار مخه مشتت مو عارف يراجع ايش ولا ايش خلاص مابقى الا ربع ساعه للامتحان ... سار يراجع الاشياء اللي يحس انها ممكن تجي بالامتحان ... قرا المعوذات واية الكرسي وكل الادعيه اللي عارفها عشان ربي يوفقه بالامتحان ... دخل القاعه حقة الامتحان وفتشوه قبل مايجلس بعدين راح لمكانه
( اللهم لاسهل الا ماجعلته سهلا فانت ان شئت جعلت الصعب سهلا ... اللهم لاسهل الا ماجعلته سهلا فانت ان شئت جعلت الصعب سهلا ...) عاد هالدعاء تقريبا فوق ميون مره وهو ينتظر المراقبين يوزعون ورقة الاختبار... الماده مو سهله ابدا وكان شايل همها من بداية السمستر بس الحمدلله راح الكثير ومابقى الا القليل والقليل هو هالاختبار ان شاء الله ربي يفتح علي وتكون الاسئله سهله .. يارب لاتضيع جهدي يارب
***
صحت من النوم تقريبا بعد ساعه من روحته ... فتحت عيونها وعلى طول جت عالساعه ... لقتها 10 ونص ... اكيد سامي راح ... شافت الورقه اللي موجوده على الكمودينو ... اخذتها وابتسمت لما قرتها .. قامت من السرير وراحت الحمام ... اول ماجا ببالها وهي تتحمم انه كيف رح تروح اليوم الدكتور مع سامي ... ياربي انا ماابيه يعرف ... لو درى رح ينصدم ... لازم الاقي حجه عشان مانروح انا ماابيه يدري عن شي ورح احاول ابين طبيعيه وماني تعبانه ... واول مايجي اليوم رح اخليه اهليه بالاختبار واحاول اني اصرف الموضوع حق الدكتور كلما جاب سيرته
.................................................. ................................

انتقالات الزمن معقده ... الماضي والحاضر والمستقبل ... اول واحد ممكن يولد الندم .... اما الثاني يولد صدمه ... والثالث رح ينولد بالمفاجات ...

نروح للماضي في لندن لوقت ماكانت قصة بيلاتريكس وبسام متوتره نوعا ما ... بعد ماحس بسام اصرار بيلاتريكس الغريب انه مايوقفها قدام بيتها لما يوصلها ... ليش؟؟ ايش السبب؟؟ ليش ماتبغاني اوصلها للبيت ... حاول يعرف منها السبب ومره اتجادلوا لفتره طويله لانها مو راضيه تقول ليش .. وتتحجج بان جيرانها ناس مزعجين ومايحبوها وماتبيهم يشوفوها معاه ... هالحجه ابداااا مادخلت مزاج بسام ... لكنها للان مصره ماتقول له وانها دايما تقول له انها رح تقول له السبب بالوقت المناسب

بعدها بفتره ... لما كانت تستعد مثل دايما بهالوقت ... دق الباب
Bellatrix: come in
بيلاتريكس: ادخل

دخلت وحده عيونها ناعسه ... شقرا ... لابسه ملابس غريبه وبيدها سيجاره واليد الثانيه كاس خمره وشكلها شبه سكرانه
Natalia: rakan wants to see bella
نتاليا: راكان يبي يشوفك بيلا

بيلاتريكس كشرت وزفرت بنرفزه ... ايش يبي هذا الحين .. قالت لنتاليا تدخله عشان تعرف ايش سالفته ... مايفهم هالولد ذيك المره قلعته وقال له انه ماعد يجي عندها لكنه حمار مايفهم

دخل راكان غرفة بيلاتريكس
Rakan: hi
راكان: هاي

Bellatrix; look rakan I don't want to know what r u going to tell me now… could you please get out of my room right now
بيلاتريكس: شوف راكان انا مابي اعرف ايش اللي جاي تقوله لي هالمره ... ممكن تطلع من هنا لوسمحت الحين

Rakan: don't worry… absolutely I will … but I have to tell u….
راكان: لاتخافي ... اكيد رح اطلع ... بس انا ابي اقول...

Bellatrix: I don't want to hear anything from you rakan… all the talking is done between us
بيلاتريكس: انا مابي اسمع ولا شي منك راكان ... كل الكلام انتهى بيننا

طلع راكان رزمة فلوس من جيبه ورماها بالارض عند رجلها
Rakan: this is your last payment… and stop going out with bassam
راكان/ هذي اخر دفعه لك ... وخلاص وقفي الطلعات مع بسام

Bellatrix: take your money back rakan… and stop playing your filthy game because I'm not part of it anymore
بيلاتريكس: خذ فلوسك راكان ... ووقف لعبتك القذره لاني ماعدني طرف فيها

راكان ضحك ضحكه قصيره ورجع طالع فيها
Rakan: this is not a game darling… this is a business and the business should be stop now… you have to end it
راكان: هذي مو لعبة عزيزتي ... هذا بزنس والبنزنس لازم يوقف الحين ... انتي لازم تنهيه

Bellatrix: it will never end rakan… take your money back… bassam and I love each other and no one on the earth can stop it
بيلاتريكس: مارح تنتهي ياراكان... خذ فلوسك ... انا وبسام نحب بعض ومافي احد على وجه الارض ممكن يوقف حبنا

راكان ضحك ضحكه ماكره
Rakan: no bellatrix… stop living in dreams… you know what I can do to let him hates you from the bottom of his heart… I can tell him… tell him who you really are… tell him why you are wearing this beautiful red dress right now.. I can tell him that you are taking money just because you are going out with him… I can tell him everything
بيلاتريكس: لا بيلاتريكس... لاعد تعيشي بالاحلام ... انتي تعرفين ايش ممكن اسوي عشان اخلي بسام يكرهك من اعماق قلبه ... انا اقدر اقول له ... اقول له انتي مين ... اقول له ليش انتي لابسه هالفسات الحلو الاحمر الحين ... اقدر اقول له انك تاخذين مني فلوس بس عشان تطلعين معاه ... انا اقدر اقول له كل شي

بيلاتريكس سكتت واتغير لون وجهها ... حست نفسها قويه وان مو راكان اللي يقدر يوقف حبها لبسام ويمنعهم يعيشوا مع بعض ... كانت تحس انها رح تقدر توقف بوجهه وانه مافي شي يقدر يسويه عشان يمنعهم من بعض ... لكن بعد اللي سمعته منه ... حست انها هي الخسرانه ... هي خسرانه من البدايه ... من ذاك اليوم اللي جاها فيه راكان وطلب منها تطلع مع بسام مقابل انه يعطيها فلوس ... ولما اكتشفت انها عشقت بسام وان اتفاقها مع راكان يعتبر خيانه لحبيبها رجعت كل الفلوس اللي اخذتها لراكان مره ثانيه وطلبت منه انه معد يجيلها مره ثانيه وانها معد تبي منه فلوس وانها تحب بسام وتبي تحبه من غير اي خيانه او حقاره... لكنه ماسمعلها وجا اليوم يعطيها الفلوس ويهددها انه رح يقول لبسام كل شي عن حقيقتها ... عن بيلارتيكس الحقيقيه ... رح يقول له عن الجانب اللي اخفته عن بسام وحاولت قد ماتقدر انه مايعرف بشي عن حياتها بهالمكان ... عشام كذا ماكانت تبغاه يوصلها لحد البيت ... ماتبي تصغر بعيونه ... لكن الحين راكان يهددها ... ايش رح اسوي ... طالعت فيه بنظرة احتقار

Rakan: don't worry darling… leave him and I promises that I'll never tell him.
راكان: لاتخافي عزيزتي ... اتركيه وانا اوعدك اني مارح اقول له شي

Bellatrix with a broken voice she forced it to come out: why you are doing this?? Why you are trying to keep us away from each other… he loves me
بيلاتريكس قالت بصوت مخنوق اجبرته انه يطلع: ليش انت تسوي كذا؟؟ ليش انت تحاول تبعدنا عن بعض ... هو يحبني

Rakan: he loves what he knew about you… but he will never live you if he knows who you really are
راكان: هو يحب اللي عرفه عنك ... لكنه مارح يحبك لو عرف انتي مين

تجمعت الدموع بعيونها لكنها مامنعتها تنزل .... قام راكان من الكرسي اللي كان جالس عليه وراح لعندها ... اخذ الفلوس اللي كانت مرميه بالارض عند رجولها وطالع فيه بصرامه

Rakan: those beautiful innocent tears shouldn't fall from someone like you bellatrix… for another thing, you can't fall in love with anyone… you should know that… you have to make people believe that you love them… not to make yourself believes that … now, be a good girl and take the money and tomorrow all of that romantic things should be end
راكان: هذول الدموع الحلوه البريئه المفروض ماتطلع من وحده زيك بيلاتريكس ... وشي ثاني, انتي ماتقدري تحبي احد ... لازم تعرفي هالشي ... انتي لازم تخلي الناس تصدق انك تحبينهم مو تخلي نفسك تصدق هالشي... والحين, خليك بنت شطوره وخذي الفلوس وبكرا كل هالرومنسيات لازم تنتهي

حطلها الفلوس على الطاوله وراح ... ماكانت تقدر تتكلم لانها تحس ان الغصه اللي حاسه فيها رح تخنقها ... اول ماتسكر الباب جلست على الارض ببطئ لمت رجولها وضمتهم وخبت وجهها وسارت تبكي بصمت

.................................................. ...............................

.... ابردين ( اسكتلندا ) ....

زيد: يلا بسررررررعه
سعد: طيب يا ابني خليني اسكر الباب لاتسير كذا مصربع

نزل زيد بسرعه من درج العماره وهو يقول
زيد: بسرعه عشان لازم نمر على دايفد ناخذه وكذا رح نتاخر
سارا: ههههههههههه طيب انزل شوي شوي ....انتبه رح تطيح

نزلوا هم كمان ... وطلعوا من العماره اللي ساكنين فيها وركبوا السياره ... راحوا على بيت دايفد .. وقف سعد السياره قدام البيت

فتح زيد الشباك وطلع نص جسمه منه ورفع راسه لشباك غرفة دايفد وصرخ باعلى صوت

Zaid: come on David… hurry up
زيد: يلا دايفد ... بسرعه

فتح دايفد شباكه ويكلم زيد وهو يصرخ
David: I'm coming… wait a minute I have to say good bye to my parents
دايفد: انا جاي ... استنى دقيقه لازم اسلم على امي وابوي

Zaid: open the door I want to say good bye to
زيد: افتح الباب انا بعد ابي اسلم عليهم

نزل زيد ونزلزا سعد وسارا عشان يسلموا على ام وابو دايفد ...
Zaid: don't worry aunt Narcessa… I'll take care of David all the time
زيد: لاتخافي عمتي ناركيسا ... انا رح اهتم بدايفد دايما

Aunt Narcessa (David's mother): I know you will Zaid... please Sara keep your eyes on them
العمه ناركيسا (ام دايفد): اعرف انك رح تهتم فيه زيد .. الله يخليك يا سارا انتبهي عليهم
خلصوا سلام ومن هالكلام وركبوا السياره ... زيد حماسه زاد خمين مره زياده عن اول خاصة ان دايفد معاه وهو متحمس زيه
David: I can't believe it… I'm going to Saudi Arabia… oh my God I'm so exciting
دايفد: ماني قادر اصدق... انا رح اروح للسعوديه ... يااااربي انا مرررره متحمس

………………………………………………………….

في المملكه العربيه السعوديه ... في المنطقه الغربيه وتحديدا في عروس البحر الاحمر (جده)

سميره: بس اهجدي بلا جنان
اروى: يووو ياماما ... اشبك؟
سميره: اهجدي خايلتيني وانتي رايحه جيه كدا ... اترزعي فمكان واحد
اروى: يا ماما طفش طيب ايش تبغيني اسوي
سميره: خلاص مو رح تروحوا لاهل ابوكم الاسبوع الجي ... انبسطي
اروى: مو هو هدا اللي مصبرني
سميره: مره هفتانين عليهم وعلى اهل امكم وبيت ستكم نجركم جر
اروى: ياماما بالله عليكي لاتقعدي تلتي وتعجني في نفس السيره ... بيت ستو احنا دايما نروحه كل يوم تقريبا ... بس بيت جدو مانرحلو الا بعد الهنا بسنه
سميره: قومي بس سويلي شاهي اخضر ... انبشمت اليوم في الغدا

دخل عبدالوهاب ... وركضت اروى له وباسته في راسه
اروى: فينك يابابا كل اليوم منتا مبين؟
عبدالوهاب: كنت معزوم عند ابو عابد
سميره: وابو عابد هدا من متى يسوي عزايم
عبدالوهاب يحب يرفع ضغطها: من اليوم
سميره: والله وشايفه عزايم اصحابك كترت
عبدالوهاب: عادي لان الاجازه بدت
سميره: ايوا ولما نروح الشرقيه خلاص مارح تبين مع اهلك ماشاء الله
عبدالوهاب: استحملي كلها شهرين... وين اخوانك واختك؟
اروى: نايمين .... خم نوم كلهم ... لو تفجر قنبله زريه (ذريه) جنبهم مارح يقوموا
سميره: روحي صحيهم بس بلا كلام فاضي... يناموا طول النهار ويصحولي زي الوطاويط اخر الليل ويكومولي صحون الاكل على المغسله

طلعت اروى تصحي اخوانها واختها ... اما عبدالوهاب دايما كلامه قليل مع سميره ... لان هي ماعندها الا الاسلوب اللي ينرفز ويرفع الضغط وبس تشتكي من عيالها

سميره: شوف بالله يا عبدالوهاب ... تبغانا نقعد الشهرين كلها في الشرقيه لازم تستاجرلنا شقه
عبدالوهاب: ليش... بيت ابوي كبير ماشاء الله ويكفيكم
سميره: لا بالله عليك ... ماشاء الله بيت ابوك دايما مليان والناس داخله خارجه فيه ... انا مااعرف اقعد كدا ... استاجر شقه نقعد فيها ونرتب فيها امورنا
عبدالعزيز: نستاجر شقه ليه واحنا كل يومنا رح يكون ببيت ابوي حتى عيالك رح يناموا هناك
سميره: مالي صلاح انا مااستحمل ازعاج اهلك وواحد داخل وواحد خارج كل شويه
عبدالوهاب اخذ الريموت من الطاوله يغير القناه اللي عالتلفزيون: يصير خير

عبدالوهاب قطع اخر امل في فنون الحوار مع سميره ... يحس انها تبغى تكون هي المسيطره الوحيده في هالبيت .. وكلمتها هي اللي رح تمشي ... لكن مو انا اللي تمشي كلمتك عليه يا سموره ... نشوف بس ايش النهايه معاك

.................................................. ....................

...... نهاية البارت الخامس......[/CENTER]