كاتب الموضوع :
ام علي
المنتدى :
الحوار الجاد
اهلا ام علي ..
بدك الصراحة .. انا مو عاجبني شيء في الدنيا خخخخخ
غالبا تفكيري يكون في امكانية التحسين .. فنحن نعيش الحياة بشكل خاطيء .. كل شيء نستخدمه بشكل خاطيء .. اذا معنا مصاري بنستخدمها للترف و البذخ و الاسراف و المظاهر الكذابة .. و اذا عندنا شوية علم نصير نتفلسف فيه على الناس .. بدل من ان نحاول الاستفاده منه .. و اذا عندنا سلطة نستخدمها لمصالحنا الشخصية بدل مساعده الغير .. حتى الاشياء اللي حولينا نستخدمها غلط .. الكمبيوتر و الانترنت .. الهاتف الخلوي .. السيارة .. حتى الجريدة ما نعرف كيف نكتب فيها .. و لا نعرف كيف نقرأها .. حتى القلم اللي بيدنا ما نعرف كيف نستخدمه صح .. الخ ..
اما بشو انا افكر .. انه هذه الدنيا ماشية غلط بسبب البشر .. البشر افسدوا الدنيا .. بامكاننا ان نكون افضل من هذا .. و ان نعيش افضل من هذا .. القضاء و القدر لا اعتراض عليه و الحمدلله على كل شيء .. لكن الاحداث التي تحصل بارادتنا ماذا نقول عنها ؟!! .. مئات المليارات تنفق لتصنيع الاسلحة لاستخدامها في تدمير الانسانية .. لو وزعناها على الناس لرفعنا من مستوى المعيشة و كان الحال افضل بكثير .. مليارات تنفق في انتاج الافلام الخلاعية و ما تبعها .. فلو استخدمنا هذه المبالغ و زوجنا الشباب اللي مو قادرين يتزوجوا كان الحال افضل .. مليارات تنفق على المسخرة ( مثل ستار اكاديمي و سوبر ستار و ستار ميكر و الرابح الاكبر .. الخ .. و ايضا الحفلات التي لا تعد و لا تحصى للاغاني و الرقص على انغام اشباه المغنيين ) .. كان بالامكان ان تقدم شيء مفيد و هادف لشبابنا .. بدل من زرع هذه التفاهات و الامراض في نفوسهم !! .. حتى البرامج التلفزيونية الاخرى .. العراب .. كلام نواعم .. مع حبي .. هالة سرحان .. و ايناس الدغيدي و بطيخ ( لا .. البطيخ مش معهم حرام نظلمه خخخخخخخخ ) .. الى ماذا تهدف هذه البرامج ؟!! .. يعني بشوفهم جايبين راقصة و مفتي و صحفي .. قال و بدهم يعرفوا .. الرقص فن و الا لا !! .. شو يهمنا اذا كان الرقص فن و الا لا ؟!! .. شو يفيدنا ؟!! .. اصلا احنا كلنا نعرف شو يعني رقاصة .. لكن نحاول نضحك على حالنا .. و كمان البرامج السياسية لا تختلف عن ما نتحدث فيه .. الاتجاه المعاكس و الحقيقة و مش عارف شو ( انا لا اتابعها نهائيا ) كلها تأليف و تلفيق .. و تخدم مصالح عصابات دولية .. الخ ..
الناس بلشانه ببعض .. كل واحد عينه على لقمه غيره !! .. الحقد و الكراهية و الحسد .. و الطمع و الجشع .. و الامراض النفسية .. و كل واحد متمسك بافكار باطلة و همّه الوحيد انه يدافع عنها .. ما لنا الا القيل و القال .. فلان طويل و فلان قصير .. فلان قبيح و فلان يجنن .. فلان طلّق و فلان تزوج .. فلانه حامل و فلانه ولدت .. جاري يرمي الزبالة على باب بيتنا .. و لازم نرميها بداخل بيته .. جارنا يزعجنا لما يحضر برنامج على التلفزيون في النهار .. اما جارتنا اللي ترقص على الاغاني بصوت عالي و الساعه 3 الفجر .. نقول حرام بعدها صغيرة و خليها تتمتع .. يجينا متسول و نردّه .. و بنفس الوقت نصرف آلاف على حفلة مالها لزوم .. زميلي بالشغل اخذ علاوة و انا احق منه فيها .. ابوي يحب اخوي اكثر مني ... محمد العمايرة يشارك في الحوار الجاد و رايه ما يعجبني .. اذن لازم ادور له على مصايب و الفّق الاكاذيب حوله !! .. الخ ..
هذه هي مشاكلنا !! .. و في نفس الوقت تايهين عن المشاكل الرئيسية و الحقيقية .. ناس تقتل و تموت ظلم .. مدن تحرق .. دول تدمّر .. اطفال تدهس تحت الاقدام .. امهات و اخوات تغتصب .. ابوك قتل في العراق .. امك تبكي في فلسطين .. اختك تشردت في لبنان .. الانسانية تهان كل يوم و كل ساعه و كل دقيقة .. و نحن ملهيين بمشاكلنا التي ذكرتها اعلاه !!
و يبقى السؤال :
بماذا تحدّثك نفسك ؟!! .
|
27-05-08, 01:19 AM
جديد مواضيع قسم الحوار الجاد
العرض العادي
