المنتدى :
الارشيف
شكر.. وامتنان ..للأب والمُعلم...
بما إني ما عنديش الإمكانيات اللي تخليني أقدر أفيدكم هنا بوضع كتب..حبيت اكتب مرة ..اي حاجة..بدل ما أنا بحمل واقرا وخلاص...
كانت دايما القراءة هي بوابتي لعالم الأحلام والحياة والسعادة..كنت في طفولتي زي ما بيقولوا دودة كتب...ولما كبرت كان قدر ربنا انه يمتحني بتجربة عنيفة حولتني لبقايا إنسان ...كرهت الدنيا وكرهت القراية كمان.. بوابتي السحرية سابقا..وبعد ما يقارب 10 سنوات.. وأنا لا أزال أعيش مضاعفات التجربة التي لن تزول.. لقيت بوابتي السحرية تاني.. ليلاس..بالصدفة لقيتها ..رغم استخدامي للنت من 3 سنين .. لم أحاول ابدا القراءة عن طريقه ...كنت انت يا عمو جلال اللي معاك المفناح اللي ضاع مني ...بكلامك اللي بقراه هنا .. وروحك النادرة ..وحبك لكل البشر.. وطبعا كتبك اللي نقلتني لكل اللي بتمناه..خرجت من عزلتي وحبيت حاجات كتير كنت كرهتها ...لأن سر سعادتي دايما هي الكتب ..في البيت عندي كتب كتير.. مش عارفة ليه نفسي ما بتتفتحش على القراية غير عندكو..حقيقي مش ببالغ .. بالعكس يمكن اكون عبرت بأقل من الواقع..شكرا يا عمو جلال .. وشكرا لكل الرائعين اللي هنا اللي بيتعلموا منك .. واللي ثروتي بتزيد بسببهم.. أنا اسفة طولت عليكم .. بس حبيت أوصلكوا ازاي بتكونوا أسباب للسعادة والحب ...
من كل قلبي بحبكم.. وبشكركم
[اللهم لك الحمد ولك الشكر لكل هذا الحب الذى اتلقاه لقاء القليل الذى اقدمه 00
سوف اتقبل تحيتك بكل الشكر والتقدير 00 ولكن لى كلمة
تنسون اننى كنت فى يوم من الايام فى مثل عمركم 00وكان اصدقائى هم الكتب واهل الكتب واكرمنى الله بكمية كتب صادقتها وبثثتها همى وجلست اتعلم منهم حتى اصبحت ماانا عليه اليوم
اتجول اليوم فى المكتبات 00 ولااجد مايستحق الوقوف امامه فعلا000
لذلك خطر ببالى ان اشارك بكتبى القديمة فى بناء شخصياتكم 0 وبناء خلفية تساعد على اتخاذ قرار فى حياتكم
لذلك اقبلوا بهذا العطاء رغم كل عيوبه من سوء مسح ونسيان لصفحات الخ الخ
لانه ملفوف بالحب 000 ولاننى ايضا اعيش حياة جديدة مع كل مشاركاتكم
الف شكر على هذه اللمسة الجميلة منك ومن كل احبائى اللذين يغمروننى بعطائهم الكريم
محمد جلال
مشرف المنتديات
التعديل الأخير تم بواسطة galalgalal ; 18-05-08 الساعة 05:54 PM
|
18-05-08, 05:15 AM
جديد مواضيع قسم الارشيف
العرض العادي
