المنتدى :
المنتدى الطبي - Medical Forum
الأصابة بالمواد الكيميائية وكيفية التعامل معه منزليا ( هام جدا )
الأصابة بالمواد الكيميائية
هذا الملف ضرورى جدا
معلومات بسيطة تقدر تتفادى بيها كتير من العواقب
وسأتكلم عن الأصابة على حسب المكان المصاب
فى حالة أصابة العين
العين عضو حساس جدا لذلك يجب التصرف بسرعة
لأن التأخير ممكن يؤدى الى فقدان بصر المصاب بل وأكثر من المضاعفات
التى قد تصل الى الوفاة فى بعض الحالات
طيب المفروض نعمل أيه؟
أهم شئ أنو نهدئ المصاب ونمنعه من حك عينيه
ونسارع بالوصول الى المستشفى
وفى خلال ذلك نعمل السعافات الأولية حسب المادة المصاب بها
بفرض اننا عارفين نوع المادة اللى دخلت فى العين
هنستعمل المضاد لهذه المادة
وطبعا لما نستخدمها يفضل أستخدام قطارة
أو مسكوب ضعيف حتى لا نسبب أصابة للعين
والكمية المستخدمة هتكون فى حدود نصف لتر
وتستخدم كالتالى:
1- اذا كانت مادة قلوية مثل البطاس potash أو أادوات الغسيل أو الصودا NAOH
( ودى أخطر أنواع الأصابة بالمواد الكيميائية)
يفضل أستعمال حامض ضعيف
أمثلة للأحماض الموجودة بالبيت
الخل
الشاى بشرط يكون بارد ومن غير سكر (طبعا صعبة جدا و غير منطقية)
واذا لم يوجد نستخدم اللبن أو الماء
ونغسل به العين المصابة جيدا
ثم نسارع بالتوجهه الى أقرب مستشفى
2- أذا كانت مادة حامضية مثل ماء النار sulfuric acid
بنستخدم قلوى مثل ماء كربونات NAHCO3
بعتقد سهل توفره بالمنازل
أو نستخدم لبن أو الماء
3- فى حالة الأصابة باليود
بنستخدم اللبن فورا
أو الماء فى حالة عدم وجود اللبن
4- فى حالة الأصابة بالجير الحى lime
بيكون بشكل بودرة
ممنوع ثم ممنوع ثم ممنوع أستخدام الماء
لأن الماء بيساعده على الذوبان ويزيد من ضرره
هنستخدم عندها محلول سكر مركز جدا
فى حالة عدم معرفة المادة
لو المادة دى سائلة
هنستخدم اللبن أو الماء كالسابق
وطبعا الجير الحى سهل التعرف عليه
ممنوع وضع الماء
فى حالة أصابة الجلد
هنتعامل تقريبا زى التعامل مع أصابة العين
نفس المواد المستخدمة
وممكن ناخص الموضوع بطريقة أسهل
غسل المنطقة المصابة جيدا بالماء تحت الصنبور
ووالجير الحى أزالته بفرشاة أو قطعة قماش نظيفة
فى حالة بلع المادة الكيميائية
ودا شائع فى الأطفال
هيتم التعامل كالتالى
ممنوع نحاول نجبر الطفل على القئ أو الترجيع vomiting
حتى ماتزيد المساحة المصابة
نحاول نهدئ الطفل قدر المستطاع
يظل الطفل واقف أو جالس بس ممنوع ينام
حتى لا يصعد السائل مرة أخرى للمرئ
شرب نصف لتر لبن أو ماء
واللبن أفضل طبعا
لأنه بيعمل عازل وبيوقف التفاعل
لكن الماء بيقلل التأثير فقط
ممنوع نستعمل المضادات (بنستعملها فى الجروح المكشوفة فقط)
لأن فى حالة البلع
ممكن التفاعل اللى بيحصل فى المعدة ممكن يؤدى لأنفجار المعدة
بتمنى دوام الصحة للجميع
سورى أذا كان أسلوبى بالشرح مش كافى
أنا مستعدة أعيد شرح أى شئ مش واضح
التعديل الأخير تم بواسطة zhraa ; 15-04-08 الساعة 03:56 PM
|
14-04-08, 10:47 PM
جديد مواضيع قسم المنتدى الطبي - Medical Forum
العرض العادي
