المنتدى :
الخواطر والكلام العذب
اجمل خواطر وكلمات خالد عبدالرحمن
ماتصدق لو اقول انك حياتي في كل شي .. ..
سمعي وشوفي انت دمي واحساسي
وباسم الهوى لازلت فكري وهوجاسي
..............
صارحيني .. منهو آنا بدنيتك .. جاوبيني .. ان كنت فعلاً منيتك
محرومه عيني شوفتك .. لا تحرميني كلمتك
...........
من اجل وصلك باتخذ اية طريقه .. .. ما ابالي لو طريقي لك هلاك
روحي تناديلك بصرخة غريقه .. .. يا مغرقتها ليش عيني ما تراك
........
جذعٍ ذوى عطشان لو ترفعه طاح ..
تتعب معه لو ركيته .. ما هوب حي لو سقيته
......
صمتك حديث عيونك .. وهمس الحكي بشفاتك
شفت الحياة من دونك .. مخلوق في همساتك
......
اغواك من هو ساعي للقطاعه .. .. وشلون تفكيرك على الذم ينصاع
اقدم جميل العطاء باستطاعه .. .. قدمت ما عندي ومنك العطاء ضاع
....
انصحك لا تعايش ذميم الخصال .. تغدوا إلى دنيا تعاني الفشل
ضع للغرام حداً كفاك احتيال .. واعدل بحق غيرك كما لك عدل
......
خيط الولع خلاني اتبعك يا زين .. .. وخيطٍ جذب في خاطري حر و وجدان
يا ظالمه غضّي من الطرف تكفين .. لا تودعين النفس لبيض الأكفان
.....
الله اقوى ليه خانتنا الظروف ..
ما هقيت الليل ما يوفي الوعد
.....
ما اطلبك لي تردين .. .. ما لك غلا يا مرخصتني
....
فكري وروحي يمك قريبه .. .. ما تبتعد عنك لو صرت انا بعيد
اشواقي لا زادت ما هي غريبه .. .. فرضٍ إلى غبتي اشواقي تزيد
.....
انتي السعاده وانتي سبب مشقاي .. .. وانتي فرح و دموع رسمات دنياي
....
حبك سراب ضيّعت وقتي اتبعه ..
واليوم في صحراء الظما .. ترمي فؤادي وتحرقه
وترجع تقول ابعتذر
ليه العذر ؟!!
.....
ليتك لعيني قريبه .. .. كان ابسهر ونومي لجفني حرام
....
ماني على فرقاك يا شوق ناوي ..
مير الزمن له وقفةٍ بين الأحباب
.....
كانك على ذبح الوفى فيني قاوي .. .. اذبح خفوقي اللي يحبك ولا تاب
....
اهلاً هلا بك يا بعد كل من لي .. .. يا أغلى من الغالين يا روح روحي
يفز لك قلبي ويرحب ويهلي .. .. ويطيب في قربك جميع الجروحي
.....
تعال نحكي عن مشاعرك قلّي ..
واحكي لك همومي وجرحي ونوحي
....
ما يلام اللي مثل حالي ينول ..
لو قضى ليله يساهر مدمعه
.....
لو بكيت دموع عيني ما تفيد ..
وإن شكيت الشكوى ما فيها مسد
....
يا حبيبي فيك يا حلو القصيد ..
لو كتبت الشعر في غيرك شرد
....
اغليك واللي كوّن الكون انا اغليك .. وحب الغلاء ما هوب مثل حب المزوحي
يا غالي دمعات عيني لك تناجيك .. بعباير من فوق خدي تفوحي
....
يا حبنيلك دون كل المخاليق ..
ياللي تساوي كل شي بحياتي
وين انت قبل اللي مضى من سنيني ..
يا مسعدٍ باقي حياتي بالأفراح
موادع صارت بعمري حكايه ..
وعمري ماخذ احزاني عوايد
لاخير في دنيا إذا ما سرتك .. ولا خير بارضٍ ما تجي تحتك حرير
الجرح يا جرح سبايب نظرتك .. والدمع من صدك بجفني يستجير
لا تحسب ان النور يا زين مني ..
وجهي ترى يعكس لك النور منك
انا اعترف لك كل ما بك فتني .. .. ونظرتك مع ضحكتك هم تاج فنّك
انا اعترف لك كل ما بك فتني ..
ونظرتك مع ضحكتك هم تاج فنّك
كلٍ عذلني فيك عدوان واصحاب .. واقول خلوني وكلٍ وشانه
وان قيل وإلا بدل احباب باحباب .. قلت آه لكن من يسد بمكانه
ولو ممشاي في جمرٍ يفيده ..
مشيت بجمرها كنه عوافي
يا ضاميه .. يبّس شفايفك العطش ..
غيّر ملامحك الوله ..
وانتي وانا شمس وقمر .. ما نلتقي لو نحتضر
اشتاقلك وانتي بعيد .. ويزيد حبي لك يزيد
اموت بعيونك اموت .. والحب يضنيه السكوت
الى متى بسكت .. والى متى ببكي
يا ليت ادري قبل اموت ..
ودي اعيش الليل واقول احبك حيل ..
ودي اقول الآه وانتي معي تبكين
يا ضاميه ببعد .. حلفت انا ببعد
يا ضاميه يمكن بعد الهجر لقياك
سلمولي على الغالي سلامٍ كثير ..
واخبروه اني اسهر لين يبدى الصباح
حارب النوم عيني ما يطب النظير .. .. من سبايب غرامك جوهر العقل راح
حبك عذاب الروح ويونّس الروح .. .. مستوليٍ حبك على كل كلي
في غربتي تغرّب النور عن عيني ..
وش حاجتي في نور عينٍ غاب غاليها
آهات من طول العنا طاولتني ..
ونفسي من الفرقا وحالي صخيفه
ليت الليالي عن غرامي نهتني ..
ولا بدى زرع الأمل منك هيفه
آه من ليل التجافي ما اطوله .. .. ليلة العاشق ثوانيها ليال
اسألك بالذي خذا منك الوله .. وحطه افصدري وعطاك الجمال
حاكني لاجل الليالي الاوله .. آه انا بموت من ذل السؤال
الله حسيبك كيف قلبك صار ..
باع المحبه واشترى فيها
يا عذابي .. كيف انا بقوى عذابك ..
لا صار في بعدك عذاب .. وفي قربك عذاب
يا حب .. مالي فيه غير الشقا ..
يا حب .. اخذ من حياتي ما بقى
ودي تشوف الهم وشلون سوى ..
في حال من حبك على غير مصلوح ..
احبك لو تجافيني .. وعلى كل الخطا مسامح ..
احبك يا نظر عيني .. ورضاك ألزم ..
ولكني فقير الحظ
الحب ما بين القلوب المواليف .. سعادةٍ ما بين غالي وغالي
ان غبت جابك في حلى نومي الطيف ..
وان شفت زولك كل شي صفا لي
مني رسالة حرف شوقي لها معنى ..
ودنياي انا صورة ..
وجهك ملامحها ..
ولا زلت ابحكي لك يا مبعدة عني ..
بشوقي اسولف لك
ودي اشبع منك شوف وما حصلي ..
كل ما ناظرتني ضاعت علومي
من نشدني قلت انا مجروح خلي ..
في حياةٍ للخلايق ما تدومي
لا تطري الرجعه على لسانك ابد ..
ما اظن لي قلب بيرقص لك طرب
ولا عاد لي نفس تنادي لك محب
حبك رماد .. ذراه ذاك المهب
حبك رميته واتبعه
حبك طويته وانتى
صدقيني لو ابيّن لك غلاك .. .. ما تصدق اذنك اللي تسمعه
خبروه اني على وصله حييت ..
وإن تفارقنا ترى موتي دنا
ذقت من دنيا حبيبي وما ارتويت .. .. جنة الدنيا حبيبي والمُنا
لا حياة عقب محبوبي رأيت .. .. والممات ارحم ولا فرقا السنا
وشلون ما اغليك ..
وانت الذي علمتني حبك
والله لجازي راعي الصد بالصد .. .. واصد عنه كنه ما هوب موجود
طويت حلم فات في راحة اليد .. .. وتركت درب كان مفروش بورود
درسٍ وعاه القلب من صفعة الخد .. .. الغدر ما هو بس في ايامنا السود
من الفرحه نسيت اني عليك البارحه زعلان ..
نسيت اقول لو تسمح تكرّم لا تكلمني
اهلي بك مثل ما انته تهلي بي وانا الشفقان ..
احسب اني انا الغلطان وفرصتك ما تعلمني
ذكرت انك علي اخطيت ولكن نعمة النسيان ..
تنسيني خطا الغالي وترجع له تسلمني
حبيبي ما تمكّن داخل فؤادي ولا انسان ..
الومك يومك انت اخطيت واذا اخطيت انا لمني
حبيبي لو يطول الوقت او يقصر ابد .. خلان ..
تراك انت الوحيد اللي يشتتني ويلملمني
حبيبي دايمٍ قلبي معك مشتاق لك ولهان ..
غيابك عن عيوني .. طول هالمده يألمني
الغرور يحطم جسور الوصال ..
يعمي عيونك ترى عن كل ضي
الغلا له حد يا بنت الحلال .. .. خففي من كبرك الزايد شوي
في ضحكتي الآم واحزان واشواق ..
مأساة حبي قولتي صارحيني
افتحي صفحة جديده يا ملاك .. .. و انسي اللي فات نبدى من جديد
من عذابي بس افكر في رضاك .. .. وانتي احساسك عن احساسي بعيد
كتبت الحرف لاجل انسى هموم البارحه واليوم ..
لقيت الهم في حرفي تربع يوم خطيته
هذا حبيبي ضي قلبي وتنويره .. .. سعدي الى شفته والا اقبلت حياني
يا بنت لي قصة تطول بكلمتين موجعه .. .. هي باختصار اني اركض ويطردني السراب
من غلاك افتخر بك واعمل المستحيل .. .. لو اعاني حياتي خل يعشق خليله
ما عرفت المذله لا ولا انته ذليل .. .. عزة النفس فينا يا حبيبي حصيله
هجرك ألم .. اقولها وأقسم قسم ..
متى الظفر يطلع يا عمري من اللحم
اهوجس من طلوع الشمس على ما غيبة الاشفاق ..
ولا ادري في ظلام الليل رجلي وش يوافقها
إلى ما شفتها ضاقت بي الدنيا وصدري ضاق .. .. وانا لو الهوى لي كان عيني ما تفارقها
انا وياه جددنا القسم والعهد والميثاق ..
ولكن قدرة الله سابقه محدٍ يسابقها
انا اعرف ناس ما تنقاد بالدنيا ولا تنساق ..
ولو تعطيك عهد الله وامانه لا تصدقها
تشوف ازوالهم مثل العرب مير الله الرزاق ..
متى ما هب نسناس الهوا يظهر حقايقها
نويت مرباع الغضي سيد الاحباب ..
قصدي يزول الجرح زاد التهابه
بعض الوجع يمكن تداويه الاعشاب ..
وبعض الوجع يا ويل منهو سطابه
الامر لله كل شي له اسباب ..
وإلا الهوى وش لي على هج بابه
غيرك كثير الملا عندي ولا ابيها .. ما اشوف غير انت بين الناس قدامي
محبتي كيف ما تدرك معانيها .. يا نشوة الحب حبك مصدر الهامي
ما يسعد العين غير عيون غاليها .. احلف لك اني لشوفك دايمٍ ضامي
على ايدينك اذا تسمح تكرم بدّل اوضاعي ..
اذا لي خاطرٍ عندك تصرف لا تخليني
لغيرك مستحيل اشكي وابيّن له عن اوجاعي ..
انا ما ابغى بهالدنيا سواك احدٍ يواسيني
انا المحتار يوم انه دعى قلبي لك الداعي ..
دواعي الشوق يالغالي تبعدني وتدنيني
معاناتي علي تفرض اقول القلب ملتاعي ..
اجامل والمجامل في النهايه لك يوديني
تمنيتك تساعدني افل ببحرك اشراعي ..
توقعت ان يدينك بالحقيقه تسبق ايديني
على ايدينك ترى للصبر وسط الجوف مرباعي ..
اشوف الهجر والا الوصل يالغالي يداويني
يطول الهجر او يقصر تزايد فيك اطماعي ..
مودتنا على قلبي عزيزه .. لا تعنينا
لا تستحي قل احبك تعبت اسماعي .. ارجوك لا تستحي يا صاحبي قلها
اطلق حجاجك وخلّه يرسل الداعي .. فرحة لقانا ترى ما ابيك تقتلها
وش تبين .. بخفايا روح مجروح الزمن ؟؟
وش تبين ؟؟ ما بقى للحب ما يسوى الثمن
لك عين تسأل !! بعد ما جرّحت فيني بالكلام
لك عين تسأل !! بعد ما بيني وبينك من خصام
آسف لا تحاول مني اني انتظر ..
آسف كلمة آسف ما تكفي لك عذر
كنت احبك في غرورك في عنادك .. .. كنت احبك ما بغيت إلا ودادك
فجأةٍ ترخص بتقديري وحبي .. .. وتغرق بحالة غضب ما اعرف ذنبي
يا غريب عن عيوني من تكون .. انت كل الزين كمّل صورتك
منك انا بارسم على حرفي فنون .. والفنون اشكال وفنّك قبلتك
لا يدان المرء بشئ ليس به ..
ولا خلق بالناس معصوم الزلل
ان قلت لك مرتاح والله انا كذاب ..
وان كان روحي سرّها البعد كذابه
لقيتك في حياتي خوف .. سطى بقلبي وعلّ الروح
وبان بطرفي الساهر .. وخدعني فيك قصر الشوف
عيون الحب في قلبي تناظر ..
تشوف اللي عيوني ما تدلّه
لا ما علي لو دمع عيني هماليل ..
الموت دمع القلب لا صار همّال
رد لي عمري منك بنظره .. دام انا حي
غايتي شوفك بس لو مره .. ما بقى شي
الله لنا ياللي نسى وصل الاحباب .. تنسى واحنا للغلا ما نسينا
بدّلت ذاك الحب في هجر وغياب .. من علمك تنسى وتقسى علينا
كنا سوى يوم الهوى بيننا طاب .. والحب كان بصدق موجود فينا
لا نسمع العاذل ولا نعرف عتاب .. واحلى الليالي كلها لا التقينا
واليوم صرنا نلتقي مثل الاغراب .. من عقب ما كانت تعانق يدينا
للكل منا طبع والطبع غلاب .. نسيت ماضينا وحنا وفينا
تعطيني الود ولا تاخذه مني .. .. يبلغك قلبي المقفي تحياته
اليوم يا صاحبي رد الخبر عني .. .. ما يرخص الغالي إلا كثر غلطاته
تراي مبطي صابرٍ للعذابي .. لكن عذاب الحب ما ينسكت له
يا ويل قلبي من طويل الغيابي .. بيني وبين المده اللي مضت له
خلك هنيّا حنا غدينا اخوان ..
واللي تبي ياصلك وانته على بابك
الا ياروح روحي ترى الفرقا صعيبه .. .. عقب فرقاك من لي الا يا روح روحي
ما ني بميت لا نسيتي غرامي .. ببكي عليه ايام لا حد ما نساه
عهدٍ علي اني لا تمم كلامي .. وارد قلبي عن طواريه وانهاه
لو الثمن عمري ولذة منامي . . ما ارجع لحب غيّر الوقت مبداه
حب بدى ثم انتهى في ظلامي .. ما عانقه نور النهار وتغشّاه
لوني تحت غيمة حنانه وظامي .. كسير ذابحني العطش ما ترجاه
لزحف ولو ما شال جسمي عظامي .. عن موقفه وادفن عن الريق مجراه
ما عاد له بين النواظر مقامي .. خف اشتياقي داعي الوقت صحاه
هذي الحقيقه لا نسيتي غرامي .. ما نيب ميت ببكي ايام وانساه
تعالي نسكت احسن من كلامٍ تاليته جروح
هلا بالصمت دام الصمت ما يجرح مشاعرنا
شلت القلم بكتب من القلب تعبيره .. بكتب عن النفس واللي خافيٍ فيها
لو ان قلبي نبيه ويسمع الشيره .. لا قول له خل حاضرها وماضيها
لكن قلبي عصى واصبحت في حيره .. في حيرة القلب والنفس ومناويها
يطرد ورى اللي تنحت به محاديره .. له مدةٍ صابرٍ رجعته يرجيها
منه عذلته وعيا ما يبي غيره .. يستبشر برجعته ساعةٍ ويبغيها
يرجي كريمٍ تعيش الخلق من خيره .. ربٍ خلق نفس مخلوقه ومعطيها
كان الخطا كله خطاي ..
وانا اعترف لك واطلب رضاك
قلبك كبير كبير ..
وانا خطاي كبير
وش تنتظر يا محرق القلب بالنار .. ما تستلم روحي وتقضي عليها
انا رمتني في محبتك الاعذار .. والروح سوّ اللي تبي اليوم فيها
ما عاد فيها فايده صار ما صار .. اللي تبيه العين قلبي يبيها
من رمى سهم حبٍ في عيونٍ صديده .. يقضي باقي حياته في المحبه غريب
من طلع عالي يلقى رياضٍ مديده .. ومن وطى في مطامنها فأمره مريب
انا لك إلى صار للوقت ميلات ..
برخص لك الروح وما كان غالي
الود ما يعطى جميع المخاليق .. الود يعطى في المخاليق واحد
الود يعطى حافظين المواثيق .. واللي يخون الود ذا الوقت واجد
لولا الغلا وش يصبرني على نارك .. هجرت قلبي وقلبي للوصل ضاري
ماغيرك احدٍ بها الدنيا سكن دارك .. دارك عزيزه على نفسي مثل داري
محال قلب يحب ويسكن اقفارك .. يرحل وانا شايف بالعين مقداري
ما غير انا اللي شلت جرحي و ونيت .. .. وما غير قلبي لا طلبته عطاني
لو ان بوحي كثر صمتي تمنيت .. .. لو ان عيني شافت الدرب جاني
قلبي معك باقي .. ينبض لك اشواقي
زدني وازيدك قرب .. واكشف لك اوراقي
من اول خفقه بصدري وانا ارسم فيك الاحلام ..
من اول طاري الأشواق وانت اول اطيافي
نذرت العمر لعيونك عسى تقبل بك الأيام ..
عسى باكر يجيبك لي توقد ليلي الطافي
يا اول حب يملكني من الهامه الى الاقدام ..
كذب هجرك كذب صدك حشى ما اقول لك جافي
انا كلي صبر وعناد كثر ما بالعمر اعوام ..
كثر ما قلت لطيوفك متى يلفيني الجافي
ولو بحر الهوى غدار انا يا صاحبي عوام ..
ما دام عيونك المرسى سنين العمر مجدافي
ان كان حبي لك هو أعظم خطاياي ..
ما اقول يا نفسي عن الحب توبي
الروح في شوفك عليك اليوم ولهانه .. والقلب يفرح فيك الى من شافتك عيني
القلب لعيون الغلا وعيون خلانه .. بنسى الزعل كله ولو بعدك معنيني
انت الوله والشوق وانت الحب سلطانه .. يا بسمة ايامي الا يا ضحكة سنيني
من قال يا عمري عليك النفس زعلانه .. اجرح وعذبني ما دام الجرح يرضيني
لبيه يا قلب ملكته وانت وجدانه .. لبيه يا منهو عن همومي ينسيني
يا عمر الباقي ويا حلمه وعنوانه .. بيديك تجرحني ومن لمستك تشفيني
في مهجتي من كلمتك اوهام حلمٍ شاعري ..
ما اقدر على وصفه ولا اقدر باني امنعه
فيك السحر منك الغلا كله بدى في ناظري ..
عيّت عيوني كلما زوله تبدى تشبعه
عطني وعدك اليوم وخل المقابيل .. .. ابيك يا عمري تشرفني شويّه
ليله .. غريبه كان الليله ..
سهرتك ليل تعليله
وحلمي حلم طفل سعيد .. حلم بعيد
وكانت ليلتي بخيله ..
خذني جسد مع روح
اذوب فغرامك حيل ..
ليله ثمنها روح ..
خذ قلبي المفتوح ..
عشتك حبيبي حيل .. عشتك حياتي ليل
يا سري المفضوح .. يا اطهر من الماء
وانقى نت الغيمه .. لحبك اظمى
يا صبح لا تقبل ..
عط الليل من وقتك ..
وامهل سهارى الليل
عمرنا ليليه .. وجبنا ليليه .. وكلها ليله
ليله
تحملت اكون غلطان .. وانا اللي معاي الحق
تحملت اكون اللي ظلم نفسه وهو ساكت
ابصم لك على العشره .. غيرك ما طرى يا شوق
لو لاح بسماي بروق .. ما للحب بعدك ذوق
انزعة صمتي وعلمني الكلام .. .. خلني اقتل مفاهيم الخجل
ارجع ترى لك وله .. من بين الأضلاعي
ان جيتني يا هلا .. ما نيب طماعي
انا فضّلت اعيش بصمت ..
سواءاً كنت او ما كنت
ولكن الأكيد أمن
محبتنا لها معنى
تصدق من حكوا فينا .. وتبعد عن ليالينا
غريبه صرت ناسينا .. وغيرك ما قدر ينساك
انا وين جابتني المقادير وانتي وين .. .. تولعت بك .. الله لا تزيد الولع فيّه
تصبح وتمسي وترقد دون تسمعني .. عودت قلبك على هجري ونسياني
انت تعمدت بغيابك تقاطعني .. وانت تسببت في همي واحزاني
صبرت بس الصبر ما كان ينفعني .. مليت ومل انتظاري وبُعدك اشقاني
يا ما تمنيت شوفك وانت تمنعني .. وانت تجاهلت احاسيس و وجداني
لا تعتذر فالعذر ما عاد يقنعني .. من عقب ما ذقت من صد وحرماني
انا اتحداك اذا تقدر ترجعني .. او انت تقدر على بُعدي وهجراني
ما عاد لك أي دافع شوق يدفعني .. من عقب ما انت تبيع بارخص اثماني
بالحيل عانيت من بُعدك ولوّعني .. جرّب عذاب الفراق ويمكن تعاني
لا .. لا تحاول وابعد روح طاوعني .. ولا تفكر انك تعود لدنيتي ثاني
ما عاد حبك ولا شوفك يولّعني .. انا نسيتك واطلب منك تنساني
يا غايب عن عيوني خاطري يطريك .. .. في كل لحظه عيونك كيف ابنساها
لو غبت ما غاب طيفك عني وطاريك ..
وانك معي في خفايا الروح واقصاها
يا من سلبت مهجتي .. هذا العنا يرضيك ؟
غيبتك عنّا صعيبه ماقويناها
بس يكفي من تعاليك وتعال .. .. ملّت الساعات من شوقي إليك
بجانب كحلك ومشطك وبعض اشياء منثوره ..
وعطرٍ غامضٍ مثلك يخبّي في الزجاج اسرار
انا عشت الهوى قربك مجرد صورة مكسوره..
على تسريحتك عاشت حبيسة كذبةٍ وغبار
اشوفك تنظرين إلّها بضحكة عين مسروره ..
وافكر نظرتي بشوقٍ معاها جملتين اعذار
واثاري نظرتك مرّت عليها بس مجبوره ..
قصدتي خلفها وجهٍ تشتت في مرايا اقدار
نسيتي واصبحت صورة مع الايام مهجوره ..
نسيتي وابتدت ترحل من البرواز والاسوار
نسيتي بس خليها يا بنت الناس مستوره ..
نسيتيني وانا مثلك نسيتك والزمن دوّار
انا نفسي بديت انسى ملامح هذي الصوره ..
دخيلك لا تخليها بألبوم الصور تذكار
الله يهنيك بي والله يهنيني .. الله يديم الغلا ما بيني وبينك
ساعات اشوفك يزيل الكون في عيني ..
واشوف كل المحبه تنطق بعينك
ان غبيت عنك دقايق تشتكي بيني ..
وان غبت عني يصيح الشوق بي وينك
ما اقوى فراقك دخيلك لا تخليني ..
ما دام قلبي امانه بس في ايدينك
..............
يا بخت كل المرايا لو تناظر فيك ..
تسعد بشوفك وتتبسّم زواياها
............
يا بعد عمر الغرام ويا بعد عمر غاليك .. .. حرام عينك يذوّب حزنها ماها
..........
ان كنت زعلان يا كل الغلا مني .. مجبور اراضيك وعيونك اراضيها
وان كان قصدك بهالفرقا تعذبني .. يا كيف تتعب حياتي وانت غاليها
.............
مثل العسل وسط الضماير غلاكم .. وانتو عسل كل الليالي والايام
جرّ القلم بالشوق خطّه جداكم .. حبره محبه وصورتك فكر وهيام
نوفي ولكن ما نوصل وفاكم .. إلكم وفاء ومنك الوفاء ياخذ احكام
............
نقشت انا ودي بصفحة سماكم .. والدم قلبي صارت تخط الأقلام
فكري سرى بلهفه ضيومه تباكم .. تمطر عليكم اطيب حروف وانغام
............
لا عاش شعرٍ في حروفه جفاكم ..
ولا عاش عمرٍ ما قضى بحبك اعوام
............
اطلق سراح الرضا وانعم بلذاته ..
ما في الزعل خير لا تزعل وتزعلني
الحب .. لا تشتقي وتعد غلطاته ..
اذكر جميل الغلا واقنع وكلّمني
...............
لا تاخذ الهاجس الخايب بنيّاته .. حاول تخالف شكوك النفس وافهمني
لا تحرق القلب يالغالي حسراته .. ان كان يرضيك زود الغلا فامهلني
............
مثل شمس العيد فضّاح الجمال ..
كل نجمٍ لا ظهر نوره افل
.............
الاوله بعطيك عطى الروح والشور .. واسيّدك فالقلب لو ما تحنّه
والثانيه خذها حياتي ومشكو ر .. شي يعجبك يا حبيبي تمنّه
.............
قدومك لملم جروحي قدومك عالج الئلام ..
وصالك يا منى عمري اقوّي منه انا باسي
..........
لعلمك يا امل عمري بنا لو طالت الأيام .. ترى ما غيرك احدٍ ماكنٍ بالجوف من ناسي
ابيك تشوف بعيونك شقا عمري عليك العام .. صدوق الود لعيونك تربى باعمق انفاسي
............
فرق بين اللي حكمني وبين من مثلي محكوم ..
سيدي وش نال شخصي من جنابك دلّني يا سيدي
عين تبصر واليد اقصر من شبر وذا وقتي شؤوم ..
لا ابتلاك الله من عنده بعدك الله يالحظ الردي
الصبر ثم الصبر والنفس للبلوه على الشده تروم ..
قلت يدني عطفكم واثره بعيد عننا بعد الجدي
ابتسم للهم ويبكي داخلي رجل على حقه مهضوم ..
سيدي وان طاب لك ممسى فانا ممساي قلبه زهدي
كني الرجلي وكن الوقت قيض يجرح الوجه السموم ..
حافي الرجلين يسند قامتي على الممشى عصى بيدي
ما يقاطع جرتي جره ولا به من وطى درب مهموم ..
سقت نفسي يوم عذ ولا رواني عد ولا حوض المدي
.............
طوينا صفحة الماضي وتبنا ..
وعن قولة خذينا اللي كفانا وانتهينا
............
نبي نسلي من الحب ونشبنا ..
عذاب الحب مكتوبٍ علينا
............
لحبك يا بعد روحي شربنا ..
تكسر كاس حبك في يدينا
.............
خلٍ خذاني لا تدري ولا هاب ..
سلّمت له روحي وانا راضي له
..................
لا يحسب اني برخصه عقب ما غاب .. طال المدى والا قصر وافي له
والعاشق اللي تخلفه بعض الأسباب .. قلّه بري من كلمة الحب قلّه
..............
يحول اقسى من الحرمان لامني تمنيته .. .. ترى بعد المدى يقصر ولا ياصلك ما قلته
................
لاتحسب اني باالبعد .. .. بنسى غلاك لا والذي لاهن نفسي مردودة
دايم بوسط الليل با الحلم القاك .. .. ياما تمنيت الحلم تصدق شهوده
.............
اخشى عليك من القدر لاصرت وياك .. .. واخشى عليك من البشر ناس حسوده
..................
صدّ عني ترى عينك سهمها خطيـر
ما خبرت أحـد قبلك عيونه رماح
..............
ترا عيني رات حلوين ومثلك من البشر نادر
................
بعدك ولاغيابك على نفسي ما اطيقه
كيف اجاهد روح تشقى من غلاك
...............
حبك سراب ضيعت وقتي اتبعه
وسط الضباب وصوتك ينادي اسمعه
صرت اتبعه
.............
الله اكبر ليتني معك وقتين
وقت تعيش النفس بك حلو الأزمان
ووقت نهاره ليل والعين بالعين
اسهر ونومي مايعارض لي الأجفان
..............
ياحبيبي غير شوفك لا مريد
لوك طرفي طاير فيه السهد
...............
يا حبيبي فيك يا حلو القصيد .. .. لو كتبت الشعر في غيرك شرد
...........
اعد الوقت بحسابي ليالي .. .. واشوف حساب غيري له ثواني
...........
انتظرته وقلبي احساسه يقول .. .. صوت خلي اليوم ما اظن اسمعه
...............
كيف عندالعالم ايام العزى ماحصى عددها
وإلا انا طالت شهوره والله اعلم كم سنينه
............
والوداع اللي بلارجعه على امر وادهي
والله انه غرغرة سم وسكاكين سنينه
...............
يا من سلب مهجتي هذا العنا يرضيك .. .. غيبتك عنّا صعيبه ما قويناها
...............
ارجوك طمن شقى نفسي وطمني
اشغلت روح غيابك عنها يشقيها
تعبت احاتيك واسال عنك لكني
ماالقى جواب لاجل نفسي اهديها
..............
لوعتي فيك لوعه مالها من مثيل
جدد الوقت جرحي بين يوم وليله
آه ياحظ جد لي لو بشي قليل
ماخبرتك كريم مير مافيك حيله
..................
بنساك لأني لك البس ملبس النسيان ..
ما ابغاك لأني الآن ارفض عيشة الحرمان
مابغاك ويكفيني تعب .. مابغاك لو انك ذهب
.............
بدرٍ طلع من مغيبه نور الديره
نور ديارٍ تضيعني غداريهـا
..............
حزني عليه انه تسبب ولا طاب .. .. ونظرة طبيبه عجلت في ذهابه
..............
ارجع على وضمنى بين أياديك .. .. ضمه غلا تحيى بها ميت روحي
............
أذكريني أذا حبيتي غيري
وأذكري المشتاق يانور عينه
...............
نزعات روحي لك ..
تباري نواياي ..
والقلب يمك والمشاعر سعوبي ..
حبٍ لك الله ..
ماكنٍ في حناياي ..
ابيه لو ضعفي بأكبر عيوبي ..
.............
خذني معك لاي دربٍ تريد .. .. ما أسأل انا وش هي نهاية طريقه
ما اقوى الجفا لوكان قلبي حديد .. .. فرقا عشيرٍ بالملا من يطيقــــه
.............
قلت حظي جعل عمرك ماتقوم
عقب قصة ريم خلك مستريح
من عرفتك وانت آخر من يفوم
لاتفز ولاتعين اللي يطـــــــــــيح
.............
محدن يلم الجرح مثلي بهمه .. .. لا صار همي يعطب الجرح بسكات
...............
قرب الرحيل وخاطري منك ماطاب
ياواحدٍ عندك حياتي ارهانه
...........
لا تحسبني بالبعد بنسى غلاك .. .. لا والذي لم النفس مردودة
...........
فجاْه اطلبتـــني لها بــلا مـــيــعاد .. .. طول انتضاري عل حالى بسببها
لبيت و جيت اقبالها شفتها تزداد .. .. روعه بصورة حسن ربي رسمها
............
إذا عني تخطيتي ترا قلبي يسميلك
واذا عني دعديتي لولا الخوف اناديلك
.............
رحت أنادي وتلمس في مهب الريح يدها كني حصان بلا صاحب طوى البيدا حنينه
...............
الصمـت في نفـسي جليـل .. .. والقول ما حرك لساني
والدرب في وصلك طويل .. .. يا ليت أملي لك خذاني
واللي به احساسي يصيب .. .. تجزيه عيني عن كلامي
يـدري انـه لقـلبي حـبيـب .. .. واعامله بصادق غرامي
.................
نفسٍ حرمها الله ونفسٍ وهبها
هذا له اطلابه وهذاك مطلوب
إلا جروحي زاد فيها عطبها
بغيت انا نفكر وعوّدت منشوب
..................
مقدرو...مقدرو اجبر الوقت مقدرو
واخذ قضاي الي فلا قضاك منه
هذا قراري فيك والامر مبتور
وشي يغربل ماله اليوم رنه
تعبت اجامل ذاك وهذاك مجبور
وش لي بجبر ما يورت محنه
مادام عيني تبصر النور بالنور
لقلبك الدنيا بهالوقت جبنه
.................
ياظالمة زينك وشين السوايا .. .. من وين لك قلب على طول جاير
لو هو على زينك بنلقي صبايا .. .. المشكلة في الحب تعمى البصاير
منقــول
التعديل الأخير تم بواسطة نظرة عيون ; 20-03-08 الساعة 12:03 PM
|
20-03-08, 11:39 AM
جديد مواضيع قسم الخواطر والكلام العذب
العرض العادي
