27-12-07, 10:53 PM
|
المشاركة رقم: 1
|
| المعلومات |
| الكاتب: |
|
| اللقب: |
شمعة الديكور  |
|
| البيانات |
| التسجيل: |
Nov 2006 |
| العضوية: |
16763 |
| المشاركات: |
5,347 |
| الجنس |
أنثى |
| معدل التقييم: |
 |
| نقاط التقييم: |
263 |
| مدونتي |
|
 |
| الإتصالات |
| الحالة: |
|
| وسائل الإتصال: |
|
|
المنتدى :
نكت , طرائف , ضحك , فرفشة , منتدى الضحك والفرفشة
عالي قوي قوي ...(طقت في دماغي )
ازيكم يا شباب ويا بنات
حبيت انهارده اقدملكم قصة ظريفة قوي من كتاب قريته ليوسف معاطي اسمه طقت في دماغي
وجبتلكم منه قصة ظريقة حصلت معاه
يارب تعجبكم عالي قوي
لا اراه الا مسطولا ..صبح ..ظهر ..ليل ..عيناه نصف مغلقتين دائما ورموشة منسدلة على عينية في حالة من الدغششة والدخمسة فلا تعرف ..هل هو صاحي لتوه من نومه أم انه لم ينم من يومين ؟ ! ولاتعرف هل هو عاوز ينام أم عاوز يصحى ؟!
وكان يبدو من أثر الحشيش وكأنه موارب الشيش دائما ..يلقاني دائما بابتسامة واسعة ليس لها أي مبرر سوى ان دماغه حلوة ثم يمد يده مصافحا وهو مسخسخ من الضحك ويقول
ازياااااك ... هاهاها .....شفت اللي حصلي امبارح ؟! ....هاها هاهاها اضحك انت مش بتتضحك ليه ؟!
ارد عليه بجفاء واقوله على ايه !!!؟؟ انا مشفتش اللي حصلك امبارح عشان اضحك ،
فيرد عليا بسرعة لكن انا شفت هاهاهاهاها... طيب اضحك الاول وانا هقولك ..انت مش مأمنني هاهااها ...مش انا عربيتي اتسرقت !!
وينفجر في ضحكة طووويلة لا يستطيع كتمها وتنزل دموعه من فرط الضحك .. ولانني افهم نوعا ما في النكت فلم اتذكر نكته ان مرة واحد عربيته اتسرقت
وبالتالي لم اضحك
وقلت له بجدية متعمدة ..ولقيتها ؟!! ف
فقال وهو يغالب الضحك بصعوبه: ...تلات ساعات وانا بلف عليها في البلد كلها عشان ألاقيها
وفي الاخر لقيتها ..فسألأته فين ..فقال ضاحكا ..ما أنا كنت راكبها بس مش واخد بالي ..هاهاهاها هاهاهاهاهاهاهاا.... عالي قوي ده ..عالي ..هات كفك بقا
وينهال على كفي بكل قوة ..ثم فجأة يقول احنا ح نفضل واقفين كده تعالى يا عم اخدك بالعربية نلف بيها شوية نغير مناظر
.. قلت له بضيق : انا عندي شغل ...عندي كتابة ..
فقال : يعني مش عاوز تلف ..خلاص تعالى نلف سجاير واهو كله سياحة برضو ..هاهاهاهاها
عالي قوي ده... عالي ...
تركت اوراقي وأقلامي ..وأخذت أتأمله وهو يكاد يموت من الضحك ولا ادري حتى الان علام يضحك ....
قلت له : انت ما بتفوقش ابدا ؟
قال مدافعا عن نفسه ولكن بروقان شديد أنا مش مسطول يا جو ..أناا دماغي جميلة قوي .. انت اللي فايق على طول ..تعرف انا طول ما دماغي عالية ..احب الناس كلها .. احب كل حاجة ....امبارح مثلا شفت كلب جربان قعدت اتغزل فيه .. عارف بقا لو فقت ابقى مش طايق نفسي
ولا طايق ابص في وش حد ..زي حالاتك كده اهو انت دلوقت مش طايقني ..ونفسك تيجي مصيبه تاخدني من قدامك ..انما أنا بالعكس وأضاف برومانسية ..انا بموت في التراب اللي بتمشي عليه ..ياقمر انت ... هاهاههاها
في اليوم الثاني ..كان هو عندي ..بنفس حالة الفرفشة الاوفر المزيفة دي ..كانت الدنيا قد انقلبت رأسا على عقب ..ايامها كانت 11 سبتمبر لما دخلت الطيارات في المبنى الامريكي
المركز العالمي وامريكا بتتهم بلادن ..والعالم كله عايش لحظة مرعبة ..واخينا ده ولا حاسس بحاجة ولا كأنه في الدنيا
قلت له : يا أخي ألا تعلم ماذا حدث ؟
فأجاب : هو حصل ايه ؟
قلت له : طيارة دخلت في البرج وقعته ...فانفجر ضاحكا .. وأخذ يضرب بيديه على ركبتيه
كأنني اقول نكته وقال: هاهاهاهاها عالي عالي قوي ده يخرب عقلك ..شفت اما سمعت كلامي دماغك قالت ازاي ..انت ضارب صنف ايه ..ده بينه صنف حكاية
قلت له غاضبا: ما تفوق بقا يا اخي ...وتمالكت اعصابي وسألته بهدوء أنت بتشرب الحشيش يوميا ..صح !!؟؟قال بحده : لا هما خمس ايام في الاسبوع بس ..ده حتى يبقا حرام عليا قلتله واليومين التانيين مبتشربش فيهم ؟!
قال : لا بشرب بانجو .....هاخهاهااهاهاهاها
فصرخت فيه قائلا : انا بكلمك يا بني ادم لما اسألك ترد عليا انت فاهم فقال في افتعال الخوف : حاضر ياباشا وكتم الضحك سألته كم تتكلف في كل مرة ( تمن الحشيش يعني )
فأجاب انا بصرف لي ميه كده في اليوم يعني عشر برايز
..انا ماستخسرش في دماغي فلوس الدنيا كلها ..انت مش بتدفع دم قلبك في الكتب اللي بتشتريها ؟ عشان ايه ؟ عشان دماغك صح ..اشمعنى انا بقا
قلتله : طب تعالى نحسبها ميت جنيه في اليوم حشيش يعني 3000 جنيه في الشهر ..في السنه 36000 جنيه .......بقالك كام سنه عالحال ده ؟؟
اجاب : مش فاكر الحقيقة انا اصلي نزلت من بطن امي حشاش وخايف م البوليس هاهاها
قلتله .: لو بقالك عشرين سنه بتشرب الهباب ده تبأه صرفت مليون جنيه في الحشيش بتاعك
يعني لو كنت مش بتحشش كان زمانك عندك عربيه زي دي واشرت بيدي الى سيارة رائعة غاليه الثمن
قال لي : يعني انت عمرك في حياتك ما شربت حشيش خالص ؟
قلتله : لا طبعا ، انا عمري ماشرب الزفت ده ابدا
قالي : يعني العربية دي بتاعتك ؟
قلتله : لا
فقال وهو بيضحك ضحكة عالية قوي : ايه رايك بقه ان العربية دي بتاعتي انا ..هاهاهاهاهاهاهاها
دا انا حتى كنت عايز اخدك بيها لفه ........ههههههههههههههههههههههه
في النهاية اعطيته كتابي الاخير .. وقلت له .. حاول ان تبتسم بجد وتضحك بسبب
لقد اكتشف احد العلماء الغاز المضحك سنه 1776 م وقد سارع البعض لاستنشاقه في حفلات ترويجية جماعية ليضحكون
لكنه ضحك مغشوش
اقرأ الكتاب ده ..ده ل محمد عفيفي هيضحكك من قلبك بس ضحك رباني ..ده هديه مني ليك
وقولي ايه رايك في الدماغ ده ..صدقني القراءه امتع كتيييييييرررر من الحشيش
رد عليا وقالي : ده انا معايا واحد زيه ، ومش بيفارقني لحظة واحده في جيبي على طول
اهو يا سيدي ::::"""
وايه رأيك فيه بقا ؟؟
فقال ضاحكا : انا اساسا مفتحتهوش ولا اعرف فيه ايه
فقلت : امال مش بيفارقك لحظة ازاي ؟؟؟!!
قال: اصلي بهوي بيه على الفحم هههههههههههههههههههههه عالي قوي ده عالي قوي هههههه
|
|
|
جديد مواضيع قسم نكت , طرائف , ضحك , فرفشة , منتدى الضحك والفرفشة
العرض العادي
