المنتدى :
ركن العروس
مقتطفات من حياتي الزوجية
[i]مقتطفات من حياتي الزوجية
واااااااااااو ياحريمممممم لحقوووووا وشوفوا وش طحت عليه ...
ماشاءالله تبارك الرحمن ...
هذي وحدهـ بمنتدى كاتبه افكار عملتها مع زوجها ..........لا اله الا الله ......
الله لايغير عليمهم ويسخر لها زوجها يارب ...........
اقروا افكارها وسوالفها تهببببببببببببببببببببل ...... ان شاءالله مايكون مكرر الموضوع ...
انطر لاتزوجت اطبقها لزوجي خخخخخخخخخخخخخخخخخخخ
7
7
7
7
مقتطفات من حياتي الزوجية
1- فطور حب لدفى المشاعر والجسد:بالصباح قدمي لزوجك فطور بطريقة حلوة مرة وهي انك تجيبي قطعتين توست...خذي وحدة منهم واحفري عليها بالسكين كلمة أحبك مثلا وبعدين فرغيها.....وع فكرة ترا سهل الحفر والتفريغ لأن التوست طري مرة...بعدها جيبي القطعة الثانية وادهنيها بالمربى مثلا...بعدها حطي القطعة المنحوتة فوقها...وشوفي كيف راح تطلع جنااااان...الكلمة مفرغة وملونة كمان...
أنا كتبت أهواك...وحطيتلو مربى ستراوبري....
نجي للشي الثاني...اعمليله أيا مشروب ساخن مثلا حليب....جيبي شوية هيل مطحون أو زنجبيل أو فانيلا....وانثريها ع وجه الحليب ع شكل قلب.....
وقدميله اياه مع التوست ...جاتلي هذي الفكرة فجأة وانا أجهزله الفطور ....وانجن عليها...
2-اعملي هذي الصابونة الخيالية لزوجك...ابشري شوي صابون والأفضل طاووس...وذوبيها واضيفيلها شوي لافندر(خزامى) وشوي بنفسج (طبعا كلهازيوت عطرية)...بعدين صبيها بقوالب...
اما ع شكل قلوب...أو جيبي الأحرف الانجليزية البلاستيك اللي تتباع بالمكتبات وتجي فيها مغناطيس...اختاري أحرف اسم زوجك وصبيها فيها....والفايدة منها....
1- شكلها حلو....2-اللافندر سبب للاسترخاء والروقان....
3-سويت هذي الحركة مع زوجي وكانت لحظة حلوة...قبل ماأتزوج أخذت معايا كل ملابسي اللي ليّا ذكريات خاصة فيها مع زوجي ...ومن هذي الملابس الطقم اللي شافني فيه يوم الشوفة قبل أربع سنوات (أطول خطوبة)...المهم...مرة كان جالس بالصالة...قمت أنا دخلت الغرفة ولبست نفس الطقم اللي شافني فيه يوم الشوفة وسويت شعري زي ماكان معمول المهم اني خليت شكلي زي وقت الشوفة بالضبط....وفجأة طلعتله بالصالة...وأمشي بنفس الخوف والخجل...وجلست جنبه بنفس الطريقة والجلسة....
تعرفوا اش صار؟؟؟؟؟؟؟؟........خفت بجد وخجلت وحمر وجهي ...
4-الحياة الزوجية معناها كبل...تعتمد ع ثنائي بكل شي...هذي القاعدة لو مشيتي عليها والله انكم انتي وزوجك لتصيرو واحد مو اثنين...من تجربتي...أنا وزوجي اشتري كل شي كبل...مثلا فرشة الأسنان اختاري نفس الشكل بس وحدة وردي والثانية أزرق...ونفس الشي بالنسبة للأكواب وصحون الفطور...الديشمبر... شباشب البيت...المناشف...الساعات اشتري الكبل اللي وحدة نسائي والثانية رجالي بنفس الشكل........................ا لخ.
راح تلاقي زوجك مايقدر يشتريله شي الا مايشتريلك انتي معاه وراح يتذكرك بكل لحظة...والأهم انكم تحسوا بمعنى الشراكة والقرب....وانكم فعلا شخص واحد تتقاسمو الحياة...
7-اشتري لعبة البازل(الصورة اللي تتركب)....واطبعي رسالة حب ع الكمبيوتر أو اكتبيها بيدك....بعدين لصقيها ع الصورة من ورا وهي مركبة طبعا...جيبي المشرط وقصيها ع نفس القطع وفككيها...بعدين قدميها لزوجك وخليه يركب الصورة علشان يعرف اللي مكتوب وراها.
8-جهزي طاولة صغيرة بغرفة النوم وغطيها بشيفون أحمر طويل يعني خليه نازل ع الأرض وجهة أطول من الثانية...الجهة الطويلة انثري عليها ورد أحمر...ولاتنسي تحطي فوق الطاولة شمعة حلوة مع عشا راااايق...وخليها قريبة من جدار......
نجي للمهم....جيبي الورق المقوى والأفضل تختاري لون أسود أكتبي عليها بيت شعر غزل قوي...الخطوة الثانية تجيبي المشرط وتفرغي الكتابة...ذحين جيبي اضاءة قوية أو لمبة لونها أحمر...ثبتيها بجهة مقابلة للجدار اللي جنبه الطاولة...وثبتي قدام الاضاءة الورقة المفرغة اللي كتبتي عليها بيت الشعر....راح يطلعلك البيت بشكل مكبر ع الجدار المقابل اللي جنبو الطاولة ( زي السينما يعني)....وراح تطلعلك الكتابة بلون أحمر بسبب لون اللمبة...
طبعا لاتنسي العطر واللبس و و و ........
9-قدميله الفواكة بطريقة حلوة وغريبة:مثلا مرة طبعت ع تفاحة شفايفي (طبعا بالروج)...وروحت قولتلو:حبيبي عمرك ذوقت تفاحة بالعسل...هوّا استغربت...قمت قدمتها له..وقولتله انتبه لايرتفع عندك السكر من كثر حلاها.
ومرة أخذت موزة...وكتبت عليها بطرف السكينة...حبيبي محتاجة لسان طول كذا علشان أقدر أعبرلك عن مشاعري....وخليتها بالتلاجة يوم علشان تسود الكتابة بعدها قدمتها له.
10-مرة خرجنا للشوبينق ولما رجعنا البيت قولتله بعترفلك بشي بس لاتزعل مني....بصراحة ياأنا شوفت واحد يجنن...لو ننخل الدنيا نخل ماراح نلاقي واحد بجماله..صدقني ...قام قاللي متى شوفتيه؟؟؟قولتله قبل شوي بس خفت أقولك...والله لو انتا شفته لكان عذرتني فيه...المهم صرت أمدحله فيه وبشكله وشياكته وأقوله اللي بتاخذه والله أمها داعيتلها....ماحبيت أطولها معاه لأني شفته خلاص وصلت معاه...قمت قلتله هوّا ع العموم رمالي ورقة ....وفتحت شنطتي وطلعت ورقة صغيرة.....مكتوب عليها...أطعم زوج بالكون ...جوال رقم(...........وكتبت رقم زوجي..........)...أبغى أقابلك بمطعم(كتبت اسم مطعم مرررررة أحبه)......
بهذي اللحظة وجهه انقلب 180درجة ...طبعا طلعنا للمطعم وانبسطنا..........
13-اذا كان زوجك من اللي يحبو الكتب...اهديله كتاب وارسليله رسالة بوسط الكتاب من نفس مضمون الموضوع اللي يتكلم عنه الكتاب راح أشرحلكم الطريقة من خلال اللي سويته أنا:
زوجي يحب الكتب التاريخية والسياسية...وهو دراسته نفس دراستي(لغات أجنبية) يعني يحب الكتب الأجنبية...
المهم اشتريتله كتاب يتكلم عن تاريخ أوروبا القديم وكان باللغة الانجليزية...وبديت أفتح صفحة صفحة ومعايا قلم أحمر وأحدد ع بعض الكلمات بالقلم مثلا:
أول صفحة حددت ع كلمت منذ والصفحة اللي بعدها عصور قديمة وبعدها بحوالي عشر صفحات حددت ع كلمة اجتاحت جيوش وبعدها بثلاث صفحات حددت كلمة الحب.....................وكذا ألين نهاية الكتاب...
وصارت هذي الرسالة:
منذ عصور قديمة اجتاحت جيوش الحب جسدي واستعمرت قلبي ومن حينها أصحبت متيمة بك...وأصبحت موانئي العذراء الصغيرة لاترسو فيها الا سفنك...لن أسلم الراية لغيري كما سلم العرب أسبانيالغيرهم...ولن أتنازل عن ملكيتك لي كما فعلوا......................... ..........................الخ.
كانت رسالة طويلة حلوة...يعني هو راح يلاقي بعض الكلمات محددة لو قراها مع بعض من أول الكتاب لآخره راح تكون رسالة أو جملة حلوة....وأنا ألفت هذي الرسالة لأنهاتتماشى مع مضمون الكتاب.......
واخترت وحدة من صورنا أنا وهوا مع بعض...وسويتها ع السكانر وخليت ألوانها رمادي وسويتها بالفوتوبروش كأنها قديمة ومقطعة وهريانة ...طبعتها وحطيتها بأول الكتاب....لأن الكتاب تاريخي فلازم تكون الصورة تاريخية.
هذي بعض افكاري المتواضعة أتمنى انها تعجبكم وتستفيدوا منها...أعرف ان ماعليكم زود ماشاء الله عليكم...بس كتبتلكم اللي عندي لأنها أشياء بسيطة وعفوية تقدري تسويها بأيّا وقت بلاجهد ولاتكلفة ......
|
29-11-07, 01:10 PM
جديد مواضيع قسم ركن العروس
العرض العادي
