المنتدى :
الارشيف
وصلي له هرجتي ذي ياحمامه ...؟؟؟؟
يا صباح الصدق والنيه السليمه
يالله اني ما اطلبك غير السلامه
الزمن هذا مفاهيمه عقيمه
هالزمن يكره دروب الاستقامه
الصراحة مالها معنى وقيمه
والصدوق اعلن مع الوقت انهزامه
من عقب ماكان له قدر وحشيمه
صار وسط عيونهم واطي مقامه
وبسبب كلمة لقى سب وشتيمة
وسلبوه أبسط حقوقه والكرامه
ياحمامه ..
ياحمامه كان باقي فيه شيمه
وصلي له هرجتي ذي يا حمامه
خبريه ان طعنته جداً أليمه
يوم يجرحني بفعله وبكلامه
علميه ان كلمتي ماهي جريمه
فهميه يزيل عني اتهامه
وليه يومي كنت بعيونه عظيمه
ثار في وجهي.. وانا مدري علامه؟
كانها له حجه ونيه قديمه
ناوي الفرقا..وفيّ أطلق سهامه
بشريه اني ابد ماني مقيمه
وله تحيات الخفوق واحترامه
وطمنيه اني بعد بنتٍ فهيمه
لي أهل ما عرفوا دروب الرخامه
ما اتبع المقفي ولو هو زاد ضيمه
أحبس بقلبي جروحه والملامه
حتى لو يشعر خفوقي بالظليمه
بأكتم احساس الالم ويا الندامه
وحتى لو أشعر بخذلان وهزيمه
بارسم بوجهي علامات ابتسامه
من صفاتي بالغضب جداً حليمه
وأضبط أعصابي بقوة وبصرامه
هو سأل وانا ردودي مستقيمه
ليه يزعل؟ ليه يبدي في خصامه؟
لازم أكذب وأحرمه صدقي حريمه؟
لاجل ما يزعل ويبدا في شتامه؟
بشريه لساني بيَبدا رجيمه
يترك الصدق ويبي يخلي نظامه
وابتدي به بالمسايَر والنميمه
لين أعلق رتبة الزيف ووسامه !!
ياصباح الكذب والنية السقيمه
يالله اني ما اطلبك غير السلامه
وسلامتــــــــــــــــــــــــــــــــــــــــكم
الشــــاعره .. البنـــــــــــــــدري ..
|
30-10-07, 05:47 PM
جديد مواضيع قسم الارشيف
العرض العادي
