المنتدى :
الارشيف
ريم أنا لك حياة وممات مؤثره جدا
سلام للجميع بصراحه انا قراة القصه واعجبتني كثير وحبيت تقرونها وتعطوني رائيكم...
القصه...
بأول ايام العمر التقيت فيها من يوم شفتها قلبي اهديته لها كنت اقرى واشوف عبارات وامثال عربيه عن الحب والرمنسيه الحب من اول نظره كنت اضحك واضحكلا سمعتهم واقول في داخلي معقول في حب يدوم سنين ويكون من اول نظره من الحين احكي روايتي لكم مع بنت أخذت روحي معها في يوم من ايام العمر ناداني الوالد من داخل الدار8هععوصلت عنده ولحد باب المجلس قلت سم يابو محمد قال سم الله عدوك يا ولديمحمد أنت كبرت واصبحت تفهم الحال وتفهم كلامي اللي بقوله لك ياولديلا تقاطعني اتركني انهي حديثي وارجوك لا تلومني على شي فــــــــــــات أنا من كلام الوالد خفت وتوقف الدم بعروقي رفعت له نظري وقلت له لبيك يابوي أسمعك
الوالد انت لك عم وانا مقاطعه من سنين بسبب مشاكل دارت بيني وبينه وانا احس أن ايامي بدت توعدني أن نبضاتي في يوم تعلن رحيلي حاولت انطق واقول يالله يومي قبل يومك رفع يده وقال ارجوك لا تنطقها لو اهديك ثواني عمري ولا اشوفك قبلي الدمع مني نزل وانا بعمري بكيت قلت له يبه امرني باللي تبيه قال اشوف اخوي عمك قبل مماتي قلت غالي والطلب رخيص واتفقنا على ان في يوم نسافر لديار عمي المجهوله وصلنا الخبر مكان ما يسكن بديت اتبع وصف ابوي وانا متعجب من وين يعرف عنوانه فضولي زاد وسألته جاوبني وقال اخباره اتابعها يوم بيوم ولا نسيته دايم الدوم قال ابوي هنا وقف يا محمد
قلت هنا ؟انا قدام قصر كبير وصلني الرد عمك تاجر دقينا الباب اقصد بوابه القصر العظيم .
بعد ثواني كنا في داخل بهو واسع باين انه مجلس جلس ابوي وانا المح في عيونه نظره الخوف والتردد انتظرنا وصول السيد صاحب القصر
وبعد الترحيب لا حظت عمي يكلم ابوي في برود سأله عني قال ابوي هذا ولدي محمد اخبار بنتك ياخوي؟؟
تعجب عمي وقاله ومن وين تعرف ان عندي بنت رد عليه بنفس الجواب القديم مرت دقايق وهو يتحاورون ويتكلمون وشوي شوي الصوت تجاوز الجدران وابوي كان هادى لكن عمي كان غاضب ويتوعد نطق بكلمه وقال لا يمكن انسى اللي سويته فيني قال ابوي هذا شي قديم ماضي ماله معنى وانا ياخوي احس مماتي قريب لا تحرمني منك باقي عمري حاولت اتكلم نظرة ابوي تركتني اتراجع عن قراري وبصوت حاد فيه قسوه قلب نطق عمي وقال اطلع برى القصر انت وولدك ولا تحلم اني اغفرلك ترجيت ابوي وقلت مكان انهنت فيه يابو محمد مانجلس فيه ثواني وبلا موعد مع القدر حوريه او ملاك دخلت المجلس وبجنون ودمعها على الخد يسرى وصوت نوحها يسمعه القاصي قبل الداني وارتمت بحضن ابوي وبكت وقالت عمي لا تتركنا سامح ابوي مالي احد غيركم لا تتركنا ومن خلفها صرخه تردد صداها ريم اطلعي ماهو عمك مالك بها الدنيا احد غيري انا الملاك رفعت الراس وضمت ابوي وقبلته ونطقت سامحني ومشت متردده تطالعنا بعيون كلها حيره عمي قال المقابله انتهت وانا وقتي ما يسمح
بعد 8 ساعات كنا في بيتنا وبوسط الرياض ابوي اخذ الصمت له عنوان وانا احترمت صمته قال ابوي هذا عمك مهما صار قلت يبه الشي اللي مضى اكيد قوي وخطير عمي ماهو ناسيه وعايش معه لوقته الحاضر قال امك المرخومه هي اللي عمك ماهو ناسيها فهمت قصده من دونما يتكلم اثر ابوي تزوج امي والعم كان يريدها قبل قصه ولا في الخيال مرت سنه وانا طيف ريم ودمعتها ما تفارقني ثانيه وحده بس كأني مافرقتها يوم ياما حلمت ورسمت ايام عمري معها لبستها ثوب العروس ووقفت معها بديني تحضن كفوفها جبت منها الولد وسميته وكنت حياتي بعد اللي صار ريم اعترفت لنفسي اني حبيت ذي الملاك وفي اليله من الليالي ودعني الغالي ودفنته وبكيت حالي من دونه واعتزلت العالم من بعده سجنت نفسي ونسيت دنيتي واشغالي ومر اسبوع على موت الوالد وانا داخل اسواري دق جوالي قمت متثاقل اشوفه رقم غريب رميته سمعت النغمه الثانيه قلت مالك الا ترد ولو كان غلطان او لعاب ياويله الو ومن معي هلا محمد كان اللي يتكلم بنت وصوتها كان خيالي قلت نعم من انتي قالت ماعرفتني اكيد قلت اكيد من .... انا ريم رددت اسمها بصدري وقلبي سمعت بصوتها انكسار وحزن وهي تردد وتقول نسيتني قلت ما عاش من ينساك عظم الله اجرك واعذرني على التاخير قلت عاذرك والله يجزاك خير ... محمد انت تعبان ؟؟؟؟؟؟؟؟؟
قلت لا لكن مانمت الا ساعات قالت اتركك تنام وترتاح في امان الله ريم ...هلا لا تتركيني ومن التعب ماحسيت في روحي وكاني من دهر مجافيني النوم ما صحيت الا على نغمة الجوال رديت عليها وقلت نعم سمعت صوتها وهي تردد خوفتني عليك يومين وانا احاول اخذ اخبارك اخذت واعطيت معها بالكلام وتكررت المكالمات بيننا ضمتني فيها ريم بالحب والخنان عوضتني عن سنين حرمان اصبحت تعرف وقت نومي وقت ما يدخل الزاد جوفي ...
اصبحت حياة محمد ريم وحياة ريم محمد
وفي يوم اعترفت بحبي المكتوم ريم النفس ضاقت وملت الانتظار والقلب تعب مثل الجسد وهو يحاول بصبر ويجاهد الروح سمعت همسها وهي تنطق محمد يادفا قلبي وضماه اسمعك ريم انا احبك
احب صدى صوتك وضحكتك واشتاق لك ريم علمتيني معنى العشق من سنه مرت من اول ماشفتك ابتديت ااول ايام عمري محمد قلت لبيك انا احبك ااااااااه واخيرا ياقلبي ترجم حروف الغلا وانثر الورد على جبل الوفا وغرد مع الطير وسابق الريح واعزف الحان الشوق تصالح مع امواج البحر وتغنى مع شمس الاصيل وانسى كل الهموم واذكر كلمة احبك يوم غادرت من شفاه ريومه وسكنت منزلك ودارك ريم انا اوعدك اني لك حياة وممات اوعدك انا بكره مسافر سمعت شهقه من صدرها الحنون وين ناوي تتركني قلتمسافر للخبر ابي احقق الحلم واترجمه للواقع انا جاي اخطبك من عمي ردت علي خايفه كل شي ينتهي قلت انا اوعدتك اني لك حياة وممات وما يفرقني عنك غير الموت ودعتها وجهزت نفسي للسفر ما قدرت اصبر قررت اني للخبر اسري بليلي ومرت الساعات وانا في البهو الوسيع دخل عمي وهو يطالعني بنظرات غريبه وقال انت ايه انا محمد ولد اخوك المدفون تحت تربته ماعندي اخو كم مرة انا كررتها وان مات الله يرحمه في البدايه لمحت بعيونه نظرة حزينه لكن تراجعت وحلت مكانها نظره بلا معنى حسيت انه في لحظه تاثر عمي انا ابيك في طلب قولي اللي عندك وقتي انا ثمين ناقصك مال سياره جديدة بيت وظيفه قول انا احب اتصدق واعمل خير بعد كلامه تمنيت اني اصرخ بوجهه واقول انسان بلا مشاعر جبل من القسوه والجمود انا بخير ونعمه ومانقصني شي طالع فيني باستغراب اجل طلبك وش يكون قلت ريم هذا هو طلبي ابي اتزوجها بعد اذنك ياعم شفت بعيونه استحقار العالم كله ومن تكون لجل تطلب ريم
جرحني ذلني هزاني وفي النهايه طردني رجعت للرياض كيف وشلون مدري وجوالي طول الطريق تتردد نغماته
ااااااااه ياريم انكتب علي اعيش بدونك
دخلت البيت وانا منهار ضايع بين عبراتي وبحور الامي استمريت على هالحال يومين يمكن اسبوع او شهر وصلتني رساله من ريم وين الوعد يا خاين العهود انا بدونك دنياي بلا مرسى وامل
بداخلي قلت وانا اتنهد يابعد دنياي كيف قسيت عليك انـــــــــــا
دقيت على جوالها ردت علي وهي تبكي وتردد وينك عني
محمد ليه تجافيني وين الوعد بكيت معها واختلط دمعي بدمعها ريم حرموني منك ابعدوني عنك ريم ذبحوا قلبي وحفروا قبري بيدهم
اااااااااه ياريم أبكي ولا اكتم بصدري اهاتي اشكي ولا اعالج شكواي بصمتي انا هويتك والشاهد خالقي لكن حكم علينا ابوك بحكمه الظالم لكن انا عند الوعد ياربيع القلب ماتركك لو تنهد جبالي لو ان السماء تقبل الارض حاولنا ننسى همنا الكبير واعيش معها مثل اول اعيش على صوتها وحبها حاولت مع عمي وكررت محاولاتي وارسلت من يتوسطلي عنده لكن كان جدار ما يهتز وعنيد مثل الصخر تناسينما هالابو الظالم ورجعنا نعيش حياتنا وفي يوم كلمتني ريم ونوحها يسلبق كلامها ريم يانور العين والشوف وشفيك انا يامحمد ربي استجاب لدعاي ريم وش فيك تقولين عمي وافق يزوجني لك لا يا محمد انت تعرفه مستحيل يغير رايه اجل ريم وش السالفه وش الشي الجديد ريم محمد تماسك واسمع الخبر كنت اليوم بالمستشفى اصلح تحاليل من تعب اشكيه من ايام واطلعت النتيجه انا يا محمد
ريم انطقي -تكلمي يكفيني مافيني انااااااااااا
مريضه بالسرطــــــــــــــــان
والطبيب المداوي يقول حالتي حرجه ووصلت للشي الحرج جمود وصمت وذهول كسا ملامحي حسيت بعمري كبر 100 سنه
وانا احاول اسمع صوتي واللي قاهرني تردد وتقول ربي استجاب لدعائي يامحمد
لا تحزن هذا الشي اللي انا ابيه واتمناه محمد دنياي من غيرك ما بيها الموت اهون على اعيش مع انسان غيرك انا ابكي وابكي ودمعي فاضحني
وشوي اسمع صوت عند ريم صوت مصدوم وماهو مصدق كانه صوت الجبل والعم الظالم سمعي مايخونني صوته يبكي قفلت الخط وجلست مكاني وانا اتذكر كلمات ريم افرح يامحمد ولا تحزن غبيه كيف افرح وهي من حياتي تروح كيف الهنا والسعاده اعرف دربها وهي بعيده عني ياكثر الاهات اللي بقلبي تلوع والهموم اللي بصدري تنوح بعد ايام وصلني خبر سفر ريم للخارج للعلاج مع العم المبجل الكريم انا انتظر والانتظار يحرقني ويحرق قلبي ومافيني من الحياة فكرت اجمع ماملكة واسافر لعمري وحياتي هناك اقضي معها ايام العلاج وكبرت الفكره في راسي وفعلا ماكملت غير شهر الا وانا هناك عند ريــــــــــــــم
حلمي الاول والاخير وقفت عند باب الغرفتها متردد كان ودي ادخل بكل لهفه وشوق واضمهاوابكي باخضانهالكن خفت من العم يحاسب طهر الكون طرقت الباب انفتح باب الغرفه وطل منه وجه عمي وزاده الهم فوق عمره عشرات السنين وشفته منكسر وحالته عجيبه شفته والدمع بعيوني كاتم على انفاسي عيوني ترجيته اشوف ريم من دون ماتنطق شفاي قال تفضل ياولدي ماكنت مصدق لكن المهم وافق ودخلت لملاكي وانا اجر خطواتي هناك على السرير الابيض ترقد اماني عمري والتعب انهكها وبانت ملامحها عليها ضميت يدها بيدي وكررت الوعد والعهد على سمعهاورفعت راسي وقلتها زوجني ريم طلبتك ياعم هز راسه وقال اللي تبيه ياولدي يمشي تبسمت ريم بوهن وتبسمت لها وحسيت باول افراح حياتي تم كل شي بسرعه البرق تزوجتها وهي على فراش المرض احتفلت بيوم عيدي معها بالمستشفى الكبير الممرضات والاطباء الاجانب سمحنا لهم يحتفلون معانا الجميع هناك يحب ريم بقيت معها وانا اصبرها على المرض واحلم انا وهي في بيتنا في سعادتنا وقت ماتطلع عشت اجمل ثواني عمري اصبح المستشفى الكبير يردد حب محمد لريم وفي منتصف ليل من الليالي وانا بجنب ريم سهران سمعتها تصرخ بصراخ عالي وهي تتقلب على الفراش من الالم انينها قطع قلبي وروحي طلعت من الغرفه مثل المجنون انادي على الدكتور والممرضات الكل من حولي يركض ويدخل الغرفه وصراخ ريم يتردد صداه بأذني جلست ابكي في الزاويه مثل طفل صغير فقد امه بظلمة الليل وشوي شوي اسمع صراخها يهدى رفعت راسي والطبيب يطالع في عيوني ويقول ادخل ريم تحتاجك دخلت وانا كلي تعب منهك قواي منهاره وقفت جنبها والاطباء حولي تبسمت في وجهي وقالت تعال ياحبي وقفت لا تبكي امسح دموعك قلت ما ابكي انا ارتاحي يابعد عمري
ريم .. محمد تدري ندمت ياربيع العمر واقلب على دعواي ورجواي ماكنت ادري اني بضمك ويتحقق حلمي ومناي قاطعتها وقلت ريم لا تتكلمين نامي وانا جنبك بسامر الليل لراختك قالت ريم.. محمد انا اشوف الموت اشوفه يناديني .......
شهقت وقلت يومي وعمري قبلك انتي بتطلعين نسيتي حلمنا بنعيش بالبيت وراح نجيب ولد ونسميه مشاري مثل ماتمنيتي بعيش معك العمر كله ياريم
ريم.. محمد انا احبك وانتبه على نفسك وعيش دنياك بلا ريم لكن لا تنسى ذكراي وترددها وبعدها انفاسها ماسمعتها حركتها هدت يدها من يدي اسحبت بسلام وسكنت بجوارها
صرخت صرخه الجريح المحروم من ريم وناديت لكن حكم القدر اخذ مني روحي رددت الوعد ريم انالك ححياه وممات
وهذا انا اعيش اداوي بعدي وحرماني عن ريـــــــــــــــــم
اتمنى تكون اعجبتكم
وانتظر ردودكم بسرعه
|
27-09-07, 06:24 PM
جديد مواضيع قسم الارشيف
العرض العادي
