المنتدى :
الشعر والشعراء
انه يهون بناظرك من جعلته:
وماضي وعدى..وانقفل للزمن باب..
وش جايبك والحب بيدك قتلته...
إن قلت ناسي..بقول انت كذاب..
اسأل حنيني يوم رحت وجهلته!!
رحت ونبت زرع القصايد على كتاب..
والجرح مدري كيف منك احتملته؟؟
ماكني إلا ضيف والدمع ترحاب...
ليتك وصلت بحالتي ماوصلته..
وش رجعك؟..لاتقول الشوق غلاّب..!
عذرك..إذا هذا ترى ماقبلته....
لان السهر عشعش على رووس الاهداب..
وثقل الالم من فوق الامتان شلته...
تركتني مطعون..ملتاع ..منصاب..
شف صورة الذكرى..وشف ماعملته..
اكرمتني بالصد وانواع الاتعاب..
طيب..هو انا فيه شيٍ بخلته..؟
كانت سوالفنا بضلعي لها اطناب..
وليل الغلا لاجيت قمت وشعلته..
لبستك ايام الوله عطر وثياب...
وبالي على احضان اللقا كم شغلته..
تدري وش اصعب شئ مابين الاحباب؟؟؟
انه يهون بناظرك من جعلته:
واحد ويسوى كل ربعك والاقراب..
والمستحيل الصعب لاجله فعلته..
لاتقول لي حنيت والحب ماغاب...
الحب قبل تروح بيدك قتلته..........
**********************************
تحياتي,,,
الى اللقاء بعد رمضان بقصائد العيد......ان الله احياني.....! 
|
12-09-07, 05:30 PM
جديد مواضيع قسم الشعر والشعراء
العرض العادي
