المنتدى :
الخواطر والكلام العذب
اعادة لقصة رحلة لعالم الالوان
كان ياما كان فى قديم الزمان
هحكيلكم حكايتى مع انسان
اسمه حبيبى دائما ومش مهم اكتب اسمى ولا نكتب له عنوان
لانه سافر ومعرفلوش دلوقتى مكان
هحكيلكم حكاية رحلة لعالم الالوان
رحلة حسيت فيها انى خرجت بره الزمان
ده مش كلام متزوق ده احساس حقيقى فى الوجدان
المهم
حلمت حلم وهحكلكم عليه حلمته ومتسالوش ازاى
اتصلت
اخوه قالى سافر فانا زعلت
اخوه قالى يعنى هو مش راجع هيرجع قولتله مش راجعلى
بينى وبينكم اصلى حسيت اد ايه هو كارهنى وبايعنى
المهم هحكيلكم الحلم واوله :
سالنى حبيبى بعد الفراق لو حبيت بعدك تانى ايه تقول
قلت احاول يا حبيبى قد ما اقدر امنعك
قال ولو خانتك فى منعى كل الحلول
قلت هحاول احبه يا حبيبى معك
قال هتقدر؟
قلت لو صبرى يطول
قال وايه فايدة الصبر البعد او القرب هيوجعك
قلت اسمع ان اللى بيصبر ينول
هجرب يمكن ربنا فى يوم يرجعك
قال اول مرة اعرف انك بترضى بانصاف الحلول
ابتسمت وقلت اول مرة ارضى بيها كانت معك
ضحك حبيبى ببرود وقال
هبعد بعيد
قلت فى البعد ربى معايا
قال شوقك يمكن يزيد
قلت متخافش هحاول أخبيه جوايا
قال ايه اتحول قلبك حديد ؟؟؟
استحملت وقلت ياريت قلبى اصلا كان معايا
قال مافى امل للرجوع انا قلبى عنيد
خفت وقلت هحاول تكون الزكرى عندى كفايا
قال بكره تنسانى وتحب
اتصدمت و قلت اللى يحب مش بيقيس البعد بعدد الكيلو مترات
ضحك وقال يعنى ابعد عادى ومايهمك البعد او القرب؟
اتحرجت اكيد البعد صعب بس قولتله انا اتعودت اغلب المسافات
قال لو تركتك وبعدت مش هرجع لنفس الطريق
حسيت كرامتى اتجرحت شوية
وقلتله مين عارف الله قادر على كل شئ
قال ايه يضمنك انى راجع
قلت لان الله لدعائى دايما سامع
قال بس انا اخترت انساك
قلت وانا اخترت اهواك لو مش ممانع
هنا فى لحظة فكرت وقلت قلبك ده ايه ؟
بيتحمل ليه ؟باعك هتبقى عليه ليه ؟
ما تسيبيه يعنى هيحصل ايه ؟
انتى ايه ؟
قلبك ده ايه ؟
كل ده فى لحظة صمت
وفجاة
قال أشك انك تعرف الايمان بجد لانك غلطت فيه وخبيت عليه
قلت يمكن غلطت بس لرضا اللى خلقنى عمرى ما كنت بايع
قال ايه اهم حاجة فى رضا الله
قلت الضمير
قال والغلط والصح
قلت الانسان اوقات بيكون شايف طريقه واوقات بيكون زى الضرير اخطائنا باسم الايمان والحب تغتفر
واحنا يا حبيبى بشر
قال اللى بيغفر هو اللى خلقنى وخلقك والحساب يوم الحساب
قلت بس لو حاسبنا نفسنا فى الدنيا يمكن نخفف شوية العزاب
ابتسم وقال انتهى الكلام
ولا عايزة نزيد
قلت لابراحتك الكلام فى الحالة دى مش مفيد
قال على فكرة انا ما اعتبرت اللى بينا كان حب
قلت لا تظلم الله يسامحك
قال ماعندى اى احساس بالذنب
شايف انى مجروح مش جارحك
قلت انت مجروح وانا مجروح والله عارفنى وعارفك
قال سلام
قلت احلى مافى الكلام السلام ودايما اخر الكلام سلام
وتفائلت لما مشى حبيبى وقال لوحده لا اله الا الله
حسيت ان طريقى معاه يمكن يبتدى من منتهاه
اتمنيت يفكر فيه ويسال نفسه بعد الفراق ويقول:
ياترى ليه كان قلبها من الاول متحمل قسوتى وجفايا
وليه الكل باعنى و هو باقى رغم الجراح معايا
وليه انا بغلطه بعتها وهو بغلطى كان شارى هوايا
ياترى كل اللى حصل من كتر حبه ليه؟
ولا غلطه فيه كان من طيبته او غبائه كان غلطة مطبعية؟
ولا زيه زى غيره بيمثل الحب عليه
علشان يوصل للى فيه النية
بس هو من الاول حب ومقالش
واتحمل يبقى فى لايحة الانتظار
حاول يدى على اد ما يقدر وكتير مخادش
فتح ابواب كتير وعدالى فوق الدنيا الخربانة بطينها واللى فيها من نار
مكانش فى نيته يوصل لحاجة وموصلش
لانه اصلا من الاول مفكرش
بدأ طريق وكمله وعمى نفسه عن التفكير فى النهاية علشان لو مش سعيدة ميشوفش
يمكن كان حلمه يكمل مهما كانت النهاية ومحدش قاله فى الزمن ده متحلمش
يعنى بالبلدى حب ومطالش ؟
ياترى ليه
ياترى حبه ليه مجرد كلام ؟
زى اى حب قابلته فى حياتى اوهام فى اوهام؟
ولا حب حقيقى بانلى وهم بزيف الايام
ياترى انا لقيت الحب بنسبة 50% ده وسبته
ولا كان 100% وانا مع الوقت بقسوتى قللته
وياترى لو مشيت دلوقتى وقلت وداع
هلاقى زيه ولا اكتر ولا اقل منه
هيجى يوم ارجع بالزمن اقول ان الحب ده كان حب وانا اللى ضيعته
يا ترى هندم بعد عمر انى قلت ان اللى يلاقى حب 50% فى الزمن ده يمسك فيه بايده وسنانه واكتشف انى لقيته واشترانى وبعته
ياترى الدنيا اللى شاغلانى ناسها شارينى وبيحبونى
ولو وقعت فى يوم هيسندونى
ولو الخطر قرب ليه بحياتهم يفدونى
ولو احتجتهم فى يوم ومملكش شئ هيساعدونى
ياترى حبهم ليةعشان مال ولاجمال ولاوقت الافراح ولا حب لله فى الله ؟
حب له طريق نهايته غايتهم من الحب ولا حب ملوش منتهى ؟
بس المال زى ما سهل يجى سهل انه يروح والزمن غدار
والفرح اوقات كتير يقلب جروح ولا جمال بيبقى ولا الانسان ضد الانهيار
يا ترى مين اللى كان فى اللى حبتهم شارى ومين اللى بايع
ومين اللى كانت فيهم صح ومين اللى كان حبها حب ضايع
يعنى اللى كان بينى وبينها كان حب ؟؟؟؟؟؟؟؟؟؟؟؟؟؟؟
ولا كان وهم وكذب
ياترى ربنا معاها عليه ولا معايا
وياترى اللى حسيته ده حب جوايا
اكون ليها ولا مكونش
قرروا يا قلبى وعقلى بسرعة قبل ما تمشى
يمكن لو مشيت مترجعش
وبعد عمر اكتشف انه كان حب بجد واتمنى ارجع ومينفعش
قولتلها عمرى ما ندمت بس ربنا قادر يخلينى احس بندم حتى لو لسانى قال مبندمش
دافع عنى حبيبى قصاد عقله
قاله صحيح اتعودت فى حياتها بين الصح والغلط اوقات متفرقش
بس انا نزلتها عالم الالوان علشان تتعلم فى الدنيا دى بطيبتها متخسرش
قولتلها تتعلم تفرق بين الصح والغلط كويس قوى
يمكن اول مرة وتانى مرة متعلمتش
ويمكن انا ظلمتها لما عليها شوية مستنتش
مش هسال مين ظالم ومين مظلوم
هسالك ارجع ليها ولا مرجعش
اكون معاها ولا معاهم ولا مكونش
يلا يا قلبى وعقلى قبل ما تمشى
يمكن لو مشيت ما ترجعش
حبها لو انا بعدت ميعش
بس لا
حبيبتى قلبها مهما حصل عليه ميموتش
يلا يا قلبى وعقلى بسرعة ارجع ولا مرجعش
هههههههههههههههههههههههههههه
فى الحلم طبعا عقلى الباطن خلاه يرجع علشان يرضينى
وعارف ان حبه بجد هيحيينى
ومش عايز يعيشنى فى حرمان
فى الحقيقة مش عارفة لسة معقول دى تكون رحلتى لعالم الالوان
ويخونى احساسى اللى مشيت وراه ويخدعنى حنينى
|
20-07-07, 12:49 AM
جديد مواضيع قسم الخواطر والكلام العذب
العرض العادي
